مشرووع ناجح بس محد معطيني وجه :( أبي رأيكم

[شهودي]

السلام عليكم ورحمة الله وبركاته
كيفكم؟
انشالله بخييييييييييير
انا اول مره اكتب موضوع في المنتدى الرائع هذا
عندي فكرة مشروووع ومتأكدة انه ناجح انشالله لأنه مميز
كنت أتمنى لو أفتح محل لمستلزمات الكومبيوتر بالرياض والمميز فيه انه يكون نسائي يعني ممنوع دخول الرجال
وانا متأكده انه راح ينجح لأنه الوحيد في الرياض يعني مافيه ولامحل للحاسب نسائي
انا متأكده انه فيه بنات كثير يموتون في الالكترونيات والأجهزة والبرامج مثلي بس صعبه يروحون المحلات لأنها بس للرجال وغالبا مايروح أخوهم او ابوهم بدلا عنهم
يعني احس لو بيكون فيه محل نسائي وانا المديره طبعا
اكيد راح ينجح
وبداية راح يكون فيه اشياء بسيطه مثل مستلزمات الكومبيوتر وبرامج صيانه فرمته وبعدين يتطور وأصير أبيع فيه لاب توبات وأجهزة
(وأكيد راح يكون فيه قسم للصور وتصليح الصور والفتوشوب لأن هذي هوايتي ماراح يكون فيه تصوير عشان المشاكل بس بيكون فيه تعديل للصور وتغيير للخلفيات وتكبير وزي كذا)

والله انشالله ان المشروع ناجح بس أبي أحد يعطيني وجه
أبوي يقولي مسؤلية وصعبة وبعدين تصير فيه مشاكل ومدري ايش
بس انا واثقه انشالله انه راح ينجح
وش رأيكم؟؟

[الشفاف]

والله جد جد عجبتني الفكره بس يبيلك دراسة جدوى بسيطه

وتروحين صندوق عبداللطيف جميل عشان التمويل

بس عندنا واحد فتح محل جوالات للنساء فقط وبالسوق والاداره نسائيه ومانجح
احس ان النساء لايثقون بالنساء صح ؟؟

بالتوفيق

[عاطل ينتظر الديوان]

انا معك ياشهودي فكره ممتازه جدا ولكن صعبه تنفيذها على ارض الواقع وتحتاج تراخيص

[عاطل ينتظر الديوان]

اذا عندك راس مال ادخل معك شريك وسجل التجاري بسمي وكل شي بسمي ونا كمان محترف كمبيوتر وفاهم بسوق اذا في راسك تجاره

[الفقير الى الله]

بالتوفيق المستمر والمستقبل الزاهر اخوي

[المعلم العاطل]

والله فكر ممتازة ياشهودي وانا لك علي اخلص لك التصاريح من البلدية وبدون مقابل وبعدين نشتري من عندك بس لازم ( دسكاون )

[خريجة عاطله]

اقضوا حوائجكم بالكتمان

الحين اي و حده عندها رأس مال وخبره بالكمبيوتر ع طول جري تفتح محل

شوي تلاقيها مثل مراكز التجميل

[ريووومي]

الله يوفقك انشاالله
انا ماابي احطمك بس اسألي اول عن التراخيص وهل هوممكن لان اكيد كثير فكروا فالموضوع والاكيد ان في شي ردهم

[السالمي]

المشروع ناجح ان شاء الله،، ولكن يبيله راس مال كويس واي مساعده انا حاظر،، بحكم ان لي علاقات بناس واخوي مهندس صيانه وولد عمتي عنده محل حاسب ومقهى انترنت،،

وفالك التوفيق

[طفران وعاطل]

فكره حلوووه شهودي انا من عندي راس المال
والشراكة بالنص