ابي معهد انجلش بليز مجرب وكويس

[خريجةادارة اعمال]

السلام عليكم ورحمة الله وبركاته

مرحبا اخواني واخواتي
طبعا بما اني اثق في ارائكم ومشورتكم اللي ماتحرمون احد منها

حبيت اشاوركم ابي معهد انجليزي في الرياض طبعا ويكون معهد كويس
يعني استفيد منه مو ادخل واطلع على ولا شي وكل العالم قالو لي اذا تبين
تستفيدين روحي معهد اللي يدرسون بريتش يعني ناس ماتتكلم عربي
والاغلب قالو لي عن بريتش كانسل اللي بالسفارات بس وين السفارات
مشوووار دخلته وطلعته بس اذا احد قد راح له يعلمني وش هم
وكيف وبكم المهم ساعدوني بليز

بانتظاركم فديتكم

[ساهي الطرف]

وعليكم السلام أختي خريجة ادارة أعمال

فيه عندك معهد بيرلتز ومعهد وول ستريت

معهد بيرلتز يعتبر من اقدم المعاهد بالعالم والكل يتكلم هناك انجليزي بس

هذا اللي اقدر افيدك به

والله يوفقك يارب

[ليمونه الحلوه]

انا اقولك أكاديمية الفيصل

[هاجس]

اللة يوفقك

[go0o0ory]

معهد بيرلتز <<< سمعت أنه في مكة بس ماني متأكدة
أحسن شيء أكاديمية الفيصل بس ما أعرف السعر
رابط الموقع تلقين الرقم
http://www.alfac.edu.sa/Ar/

وعندك المعهد البريطاني بس ما يعجبني نظامهم تدرسين 3 أيام في الأسبوع
http://www.ibi.com.eg/ibi-profile-ar.htm
و عندك نيوهورايزن (دايركت إنجلش)الناس مختلفين فيه منهم من سب فيه و منهم من مدحه بس أنا لو بدرس ما درست إلا فيه أحسن ما فيه أنه متوفر في كل مناطق الرياض
http://www.alkhaleej.com.sa/directenglish.php
وول ستريت نظام دراستهم ما يعجبني ما في تعليم مباشر على طول مع الأساتذة يعني سمعت أنه أغلب شيء دراسته عن طريق سي دي تعليمي

أنا عن نفسي درست في المعهد الأوربي على يدين أستاذة أسترالية في الملز بس شهر و لا كملت لأنها كانت متسلطة علي مع أني استفدت كثير منها 800 أو 900 ريال ما ني متأكدة من السعر

أي تفاصيل تلقينها في الروابط و أتمنى إني أفدتك أهم حاجة تستخيري و تجربي المعهد شهر إذا عجبك تكملي و بالتوفيق

[إرم]

انا جربت دايركت انقليش .. وظروفي الخاصه ما كملت الدبلوم .

لكن ثمانية اشهر كانت مره كويسه ..

و عموما هو يعتمد بالدرجه الأولى على المدرسة .. اسألي الطالبات عن المدرسة الكويسة و اطلبي انك تدرسين بمجموعتها .

الأهم اسألي عن اللي تجي بـ حصص المحادثة أن لغتها الإنقليزية هي اللغة الأم ..
أنا من حظي كانت كندية ... اوف رهيبة بشكل ! حبيتها