المساعد الشخصي الرقمي

مشاهدة النسخة كاملة : ليموزين ... نصايحكم لاهنوا


متحفظ
30-07-2009, 12:49 PM
السلام عليكم

كيفكم ياشباب ... ابي استشيركم

انا ناوي اطلع ليموزين .. واشتغل عليه بدل الجلسة في البيت ..

ماادري وش رايكم وش تشيروني فيه ...

في بالي اشتري سيارة صغيرة كورولا او الانترا كاش موديل قديم شوي طبعا

وفي ناس نصحوني اطلع وكالة بالاقساط ...

انا من سكان الرياض ... ماادري ينفع ولا لاا

وللي يشتغل في الليموزين وعنده خبره ياليت مايبخل علينا بنصايحه

تحياتي .

مشروع جيد
30-07-2009, 12:59 PM
حياك الله اخوي متحفظ
اخوي انا انصحك اول شي تشتري سياره مستعمله على قد فلوسك
عشان لو ماضبطت معك الشغله تبيع السياره بخساره قليله
لان الواحد يحط كل الاحتمالات قداامه مايدري وش يصير بكره
احسن من انك تدفع اقساطها وانت مو شغال كويس
وبالنسبة للسيارة الي اعرفه انها لازم تكون فوق 2000 سي سي بالنسبة للمكينه
يعني الكورلا مايمشي حالها...
واعرف كم واحد شغالين هالشغله وماشالله ماشيه امورهم

والله يوفقك ان شالله ويرزقك الرزق الحلال
وبشرنا عن امورك بعد ماتطلعه...

محمد الطميحي
30-07-2009, 01:04 PM
أحد الشباب بالرياض لديه وظيفة ويعمل إلى نهاية الدوام ثم
غداء وراحة إلى المغرب بعدها يعمل على أجرة إلى الساعة العاشرة أو الحادية عشرة وكون له مجموعة
تتعامل معه
كما وصلني من أحد أقاربه بأنه ينفق ما يجمعه من الأجرة في قضاء حاجاته وأسرته
وفقك الله

مديونير
30-07-2009, 01:06 PM
الليموزين ذهب ان وفقك الله

عاشق الوظيفه
30-07-2009, 01:09 PM
اخي متحفظ

اولا اسال الله لك التوفيق

ثانيا انصحك تشري انتره مستعمله من موديل 2002 الى 2005

تتراوح اسعارها من 25 الف وتحت


لان الزباين لاينظرون للموديلات القديمه

اما من ناحيه الكسب المادي فاعرف ناس

يشتغلون سالتهم قالوا اقل شئ في مشوار

ولا مشوارين نطلع ميه ريال

فهو مشروع زيييييييين مره فانصحك

توكل على الله واشتري السياره

وانا جاهز لاي استفسار

كريزي نجد
30-07-2009, 02:27 PM
تبي نصيحتي طلع سيارة جديدة بالتقسيط مثلاً كامري وتوكل على الله

الشغل مربح جداً ، وموديل السيارة مهم ونوعها كذالك لانة يبي يجيك مشااااااوير بعيدة ومربحة ولازم تكون السيارة جديدة

Mo chuisle
30-07-2009, 02:46 PM
والله وانا اخووك اذا كان مشروع الليموزين مشروع مؤقت .. يعني طقطقه لين يجيك الفرج .. اشتري سياره مستعمله وبسيطه على قد فلوسك

اما اذا مشروع داائم اشتري لك جديده بالتقسيط بكره تجيك مشواير على اماكن بعيده ومن المطااار وغيره وفتحتاااج سياره تخدمك وتسااعدك

ومثل ما ذكروا الاخوااان فيه بيوت فااتحه من ورا التاكسي .. مشروع ذهب اذا وجدت التوكل على الله والعزيمه والجديه

متحفظ
30-07-2009, 05:14 PM
بيض الله وجيهكم جميعا ... وماقصرتوا

انا ان شاء الله من يوم السبت راح ابدأ البحث عن السيارة ... وباخذ الانترا مستعمله استعمال نظيف

زي ماقال اخوي عاشق الوظيفه ... ونبدا والله يكتب اللي فيه الخير ...

واي احد عنده اضافه او معلومه لايبخل علينا ... زي حجم المكينة اول مره اسمع فيه وزين ماتوهقت

واشتريت كورولا ..

تحياتي لكم .. والله يرزقنا واياكم من واسع فضله

انتظار
31-07-2009, 05:29 AM
مرحبا استسمحك عذرا لي مداخله ويمكن تستفيد شي...

اذا أنت واحد نشيط توكل على الله وشد حيلك وخذا الانترا جديده غير مستعمله

وأبدأ حياه جديده وخذ موديل يعجبك الحياه مره سدد فلوسك بشي يرضيك افضل لك

وخل بنك التسليف يشتريها لك وقسط للبنك افضل لك من أن

تاخذ سياره أجار تمليك من الوكاله بتكون غاليه عليك...

ابو ياسر
01-08-2009, 06:52 AM
نعم اخوي توكل على الله ومشروع الملك عبد الله عند بنك التسلف والاهم الكفيل والقصد حلو
ولاكن من الحين لو مو مشتغل انصحك بعدم اخذها الاهم تكون لك القدره والعزم وربي يوفقك

كلام سليم
01-08-2009, 10:55 AM
طلعلك كامري 2000 ولا 2001 ولا 2002 اهم شي يكون البدي اوكيه ومكيف اوكيه و المراتب اوكيه

عشان شغلك يصير اوكيه


اشتغل مشاوير ولا مكده من والى البطحاء من 3 ريال وطالع على حسب بعد الحي تركب خمسه ستت هنود واضرب واجمع


الله يوفقك

متحفظ
02-08-2009, 03:36 PM
ياشباب انا سيارتي ماركيز .. اقدر احولها ليموزين

عاشق الوظيفه
02-08-2009, 03:45 PM
اذا اللون ابيض تقدر تحولها

وانصحك تشتغل في المطار

لان وقت الصيفيه كلها مشاوير

توصل للمطار راكب وترجع بعشره

وشكرا

متحفظ
02-08-2009, 03:47 PM
يعني عادي لو اغير لونها ابيض ... وبعدين احولها ليموزين

النيوزلندي
02-08-2009, 04:24 PM
اذا انت عاطل حاليا
اشتغل في نقل المعلمات
اشتر لك فان مثل هذا مستعمل استعمال خفيف
http://www.autotropolis.com/wiki/images/2/2a/2008_GMC_Savana.jpg
تقريبا بتلقى لك 2002 بحدود الاربعين
وشغلك من الفجر وبعدها افرش فراشك فيه ونام
لين يطلعون المعلمات
وارجع فيهم
اللي اعرفه من الرياض الى الخرج 1000-1200 للمعلمة
والسيارة هذي تشيل 10 معلمات وفيه نوع يشيل 13معلمة

يعني دخلك بالراحة فوق العشرة الاف وغير كذا ما فيها كرف قوي
فكر فيها واستخر
والله يوفقك يارب

متحفظ
02-08-2009, 04:32 PM
مااعتقد يسمحون لواحد بدون زوجته .. الايكون عامل او سواق اجنبي ..

سبحان الله كاننا نختلف عنهم .. او ماهم رجال

على العموم الفكره حلوه

النيوزلندي
02-08-2009, 05:36 PM
مااعتقد يسمحون لواحد بدون زوجته .. الايكون عامل او سواق اجنبي ..

سبحان الله كاننا نختلف عنهم .. او ماهم رجال

على العموم الفكره حلوه
أصلا يالغالي ممنوع العمال الاجانب يمسكون خط بالمعلمات خارج المدينة
صدقني راح تلقى كثير يبون يروحون معك اهم شيء الانتظام معهم في الوقت وغض البصر
وتكون سيارة نظيفة ومكيفة وخل السعر بـ1000 او 950 وشوف كيف الشغل
أسال وتأكد عن هذي الشغلة

لووووورد
02-08-2009, 08:23 PM
اخوي المشروع هاذا ما يحتاج تسأل فيه الليموزين ربحه قوي

بدون استشاره

وخصوصا المكده حقت الهنود تقول الهنود ما يطعوني الا ثلاث ريال
الهندي يعطيك 3 ريال ومعك 4 يعني 13 والمشوار قريب ماهو حق شارعين

اعرف واحد عاطل وعنده تكسي من كثر ارباحه الله لايضره جته عين على التكسي
وكره التكسي وباعه يقول ما كنت ارضى باقل من 200 ريال باليوم ابد يعني 6الاف شهريا
وفي عسكري يقول راتبي في البنك ما يتحرك ابد ولا اعرف الصرافه هاذي فلوسي كلها من التكسي

يعني توكل على الله ولو تأخذ لك كامري افضل من عبداللطيف جميل يعطيك الظاهر يعطيك اياها بسعر الكاش


وتوكل على الله واستخر ولا تتردد

مليارديرالبورصة
03-08-2009, 11:08 PM
ما ادري اشوف الليموزين فقط لقضاء اغراض البيت فقط ، مافيه منافع كبيرة ، وأحيانا تجلس يوم كامل تفر ما حصلت 10 ريال

أبونايف2010
02-09-2009, 09:39 PM
طلعت تاكسي او لا؟؟

نبي نعرف السلبيات والايجابيات الي واجهتك؟ عشان يستفيدون الأخوان..

محمدفهد
03-09-2009, 12:38 AM
والله الموضوع يحمس لكن نبي واحد مخضرم بالشغله وناخذ العلم من راسه

ماكل الجو
06-09-2009, 02:07 PM
مشروع ناجح

طفران طموح
17-08-2010, 06:11 PM
رفعععععععععععععععععععععع