ملف لحصرالوظائف الصيفية

زينة و نحول · #1 (**permalink**) 13-05-2007, 03:50 AM

مرحبا للجميع

كما تعلمون الإجازة الصيفية مقبلة والعديد منا يسافر للخارج والباقي متواجد في بلده

وحضر ببالي أن هناك عدد كبير من الموظفين والموظفات يحصلن على إجازات صيفية طويلة مما يضطر أصحاب العمل للبحث عن موظفين مؤقتين بنصف الراتب او براتب.

فكرتي هي:

أي شخص يسمع عن منشأة أو جهة عمل تستقبل طلبات توظيف صيفية يدخل ويكتبها هنا ولنعمل ملف نحصر به أسماء هذه الجهات ونقوم بإرسال طلبات التوظيف إليها في أخر أسبوع من الفصل الدراسي الثاني أي قبل الاجازة بأسبوع<<< قاعدين لكم ياأرباب العمل

وبهذه الطريقة نكون فعلا مجتهدين في البحث عن الوظيفة

وبالتوفيييييييييييق

حرب ياعزوتي · #2 (**permalink**) 13-05-2007, 04:07 AM

اللي اعرفه من الشركات ارامكو وانا تدربت عندهمـ من سنتين

لكن اتوقع ان التسجيل انتهى ولهمـ شروط معينه في المتقدمين ( مثل دراسة اكثر من 60 ساعه ويكون طالب جامعي و و و )

وفيه بجامعتنا ( جامعة الملك عبدالعزيز ) اللي يبغى يتوظف وظيفه صيفية يقدر يسجل بياناته وهمـ يرسلونه لجهة حكومية يتدرب فيها بالصيف وياخذ مكافأة.

اما البنوك اتوقع بعضها عندهمـ تدريب صيفي ،، راح اسأل احد الموظفين في بنك واعطيكمـ خبر.

زينة و نحول · #3 (**permalink**) 13-05-2007, 04:15 AM

حرب ياعزوتي تسلم ويعطيك العافيه

وه بس هذا الحماس ولا بلاش

يلله شباب وبنات شدوا حيلكم

شووووق · #4 (**permalink**) 13-05-2007, 05:53 AM

البنك الاهلي اعتقد ينزل تدريب صيفي

العام الماضي شفت بنات في البنك سالتهم قالو تدريب سالتهم عن الطريقه
قالو لي من النت
بعيدن وحده قالت لي صراحه هو من النت
بس حنا من طرف واحد يشتغل في البنك
الا اعرفه شهر ب 1500 ويعطوك شهاده

بالتوفيق للكل

وحلوه فكرتك موفقه يارب

artsit3 · #5 (**permalink**) 13-05-2007, 04:29 PM

موضوع بووووووووووووووقته لاني انا من مده ادور احد يوظفني بالصيف
وهذي نتيجة البحث وردي بمنتدى ثاني

البنك الفرنسي قالو لي ماعندنا تدريب صيفي
البنك العربي ضيق صدري وقال لي مانقبل الا تدريب طلاب الجامعه اما طلاب الدبلوم معصي شوي واصيح
جيت اقوله انا معي بكالوريوس بس حاليا انا طالبه دبلوم بس من الصدمه انربط لساني
وهذا رقم بنك العربي4029000 واذا ماعليكم كلافه اذا دقيتو اسالوه عن طالبة الدبلوم ومعها بكالوريوس لان العام قبلو اوراقي وانا طالبة دبلوم بس فاتني وصدمني الحين يوم قال لا مانقبل وانا معتمده على الله ثم على هالتدريب يعطيني خبره
وبنك البلاد رفع ضغطي الي رد علي وقال بسالك ارجعي دقي بكره او اليوم العصر قلت طيب بدق عليه العصر واشوف

لاتنسون تسالونهم متى التقديم ومتى ينتهي

والي يعرف اي مصيبه تدربني بالصيف للدبلوم يحسن فيني ويقول لي

دقيت على سامبا قال لي حاليا مافيه بس ارسلي السيرة الذاتية على فاكس4774770 تحويلة1556 او عن طريق الوب سايت تبع البنك بس اكتبي بالسيرة انك متدربه صيفية
وقلت له عني وكسرت خاطره قال اول مره احد يجينا يبي يتدرب يكون دبلوم خليني اسالك
ادعولي
حشى وظيفه صارت مو تدريب
وبنك الراجحي تعبت محد رد علي وهذا رقمهم 2171925
بنك الرياض قال لي لسه مااتضحت الرؤيا لديهم لانهم السنه الي فاتت كلية التقنيه اتوقع سوت تدري بصيفي للطلابها ومكافاتهم من بنك الرياض فقال مدري هالسنه وش يصير دقي الاسبوع الجاي يمكن يصير جانا خبر قلت طيب ميخالف انا طالبه دبلوم بس معي بكالوريوس قال وشلون تجي هذي بالعاده دبلو بعدين ياخذون بكالوريوس قلت وش اسوي اخذت بكالوريوس وقعدت بالبيت يعني مااتعلم قال ماشاء الله طيب دقي الاسبوع الجاي يجيك الخبر ان شاء الله

وخلاص خلصت مكالماتي

موفقين يارب

أبو زياد · #6 (**permalink**) 13-05-2007, 05:49 PM

فكرة جداً ممتازة أختي زينة

وربي يعيننا على مافيه الخير

ومن اليوم ياشباب اللي عنده أي معلومة لايبخل علينا

وراح أراسل بعض الشركات اللي أعرفها وأستفسر منها وأرد لكم خبر.

بالتوفيق يارب

10 سنين بدون عمل · #7 (**permalink**) 14-05-2007, 12:09 AM

الله يرزق الجميع بالوضيفه الى يتمناه وان معكم 00000000000000

قدرات عاطله · #8 (**permalink**) 14-05-2007, 01:01 AM

زينه والله فكرتــــــــــــــــك رووعه

والله يعطيـــــــــــــــــك العافيه على هالموضوع على الاقل نشتغل بالصيف ولا هالقعده بالبيت

artsit3 ياقلبي البنك الفرنسي فيه تدريب بالصيف وانـــــــا متاكده من كلامي لانه وحده من صديقاتي تدربت عندهم مرتين بالصيــــــــــف

بس تبين نصيحتي ترا وضعهم بالاختلاط شوي شويات شين ماترتاحين عندهم دوري شي ثاني احسن

اما باقي البنوك ماادري والله

فيه بعد المراكز الصيفيــــــــه للبنات تصير مدتها 6 اسابيع تقريبا في اغلب الاحياء يختارون مدرسه من كل حي ويصير فيها مركز صيفي للبنات

انا اشتغلت عندهم الصيف الماضي والله كان حلوو بس ماكملت لانهم كرفووني

قعدت 3 اسابيع وطلعت

وبالتوفيـــــــــق للكل

159951 · #9 (**permalink**) 14-05-2007, 02:54 AM

موفقين يارب

زينة و نحول · #10 (**permalink**) 14-05-2007, 04:01 AM

أييييييييييييييييييييييييييه كذا الناس اللي تبرد القلب

الناس اللي همها على مستقبلها

وشاكره لكل من ساهم في دعم هذا الموضوع وبانتظار الجميع ولو بمعلومه بسيطه