المساعد الشخصي الرقمي

مشاهدة النسخة كاملة : لمن اراد ان يتوظف في مكتبة جرير ( تجربتي )


Glory
11-11-2009, 11:53 AM
السلام عليكم ورحمة الله وبركاته

كيف حال اعضاء البطالة ... اتمنى الجميع بأتم الصحة والعافية ..

طبعا مثل ما تعرفون ان مكتبة جرير تقدم للطلاب الجامعيين
نظام الـ Part Time ... ( الدوام الجزئي ) ،، واللي يشغل وقت الفراغ للكثير من الطلاب
و مصدر دخل بلا شك .. فـحبيت اني اطرح لكم التجربة ،، في كيفية التقديم والقبول


:: طريقة التقديم ::

1- تروح لاي فرع جرير و يعطونك استمارة تكتب فيها بياناتك
+ صورة شخصية + افادة من الكلية بانك طالب .

2- في فترة من اسبوع - 3 اسابيع .. سيتم الاتصال بك وطلب مقابلة شخصية في يوم محدد بالفرع الرئيسي ( فرع بلازا - العليــا ) ،، الدور الثاني .
المقابلة ما تتجاوز 5 دقايق .. بيسألك اشياء بسيطة فقط يشوف طريقة كلامك وثباتك وشخصيتك،، والاسئلة اللي اتوجهت لي شخصيا:

* الاسم ؟
* ليش تبي تشتغل بجرير ؟
* وين تسكن ؟
* بأي جامعة تدرس واي كلية ؟
* أي فرع حاب تشتغل فيه ؟ ( هذه النقطة مهمة تحدد الفرع اللي تبي تشتغل فيه لانهم في حال قبلوك راح يرسلونك ع الفرع اللي انت اخترته )

* اوقات يسكت حق نصف دقيقة او اقل او يجلس يقلب بأوراق يسوي انه مهملك
بس يبي يشوف ردة فعلك .. هل تتضايق او شي .. حاول انك تكون طول الوقت مبتسم :d

3- بعد ما تتم المقابلة خلال 3 -7 ايام .. سيتم الاتصال بك في حال القبول او الرفض .
في حال الرفض .. الله يسهل امرك :(

لكن في حال القبول .. راح يقولون لك .. خلاص روح الفرع،
وفي حال الفرع مكتفي بيرسلونك فرع اخر ، لكن ( غالبا يحطونك باللي انت حددته )
فـ تروح الفرع ,, و سيدا ع مدير الفرع ويرحب فيك ..الخ

ويقولك عندك فترة تدريب 3 أيام .. هالفترة يا شباااب مهمة جدا جدا جدا انك تلتزم بالنظام بحذافيره
1- الدوام بالوقت اللي يطلبه منك المدير.
2- ابد لا تغيب .
3- اتحرك لا تجلس بمكان واحد.

اليوم الاول .. بيقولك لفلف بالمكتبة واتعرف ع الاقسام .. ساعة هنا وساعة بالقسم الثاني .. الخ
اليوم الثاني .. نفس اليوم الاول .
اليوم الثالث .. يقولك اختار قسم او يحطك بقسم تجلس فيه طول اليوم.

بعد الـ3 ايام يقولك خلاص روح وسيتم الاتصال بك ،، والاتصال بك يعتمد على نظامك وشغلك بالـ 3 ايام واغلب شي يركزون عليه حضورك + انصرافك ..
و مدة الاتصال ما راح تزيد على اسبوع بالضبط ،،
انا شخصيا اتصلو علي بعدها بيومين .

فـلو اتصل عليك بييقولك خلاص تعال الفرع وداوم .. فـ تبدأ دوامك رسمي زيك زي اي موظف ويختار لك مدير الفرع القسم المناسب وبالغالب يكون: كتب عربية/ قسم اللابتوبات / مستلزمات الكمبيوتر .

وراح يعطونك دورة مدتها 4 ايام .. كيف تصير موظف ناجح وخرابيطهم هذه ..الخ :d

هذا ما حبيت افيدكم فيه ... واي استفسار حاضرين لكم .. وبالتوفيق للجميع

رامي
11-11-2009, 12:03 PM
وعليكم السلام ورحمة الله وبركاته

الله يباركلك ويوفقك بالجامعة والعمل

جزاك الله خير الجزاء على حرصك لخدمتك أخوانك في المنتدى

إحترامي لشخصك الكريم

(تستحق التقييم )

القاموس
11-11-2009, 12:04 PM
الله يعطيك العافية وماقصرت والله هذي وظفية مناسبة للطلاب .
اخوي لوتتكرم عندي سؤالين.
1- اذا ماعليك اي احرج كم الراتب؟
2- هل التقديم على طول السنة ؟ وكم ساعة تعمل في اليوم مع ذكر الوقت من كذا الى كذا؟

ولك التحية

مازن وبس
11-11-2009, 12:26 PM
وعليكم السلام ورحمة الله وبركاته

الله يباركلك ويوفقك بالجامعة والعمل

جزاك الله خير الجزاء على حرصك لخدمتك أخوانك في المنتدى

إحترامي لشخصك الكريم

(تستحق التقييم )

Glory
11-11-2009, 12:29 PM
وعليكم السلام ورحمة الله وبركاته

الله يباركلك ويوفقك بالجامعة والعمل

جزاك الله خير الجزاء على حرصك لخدمتك أخوانك في المنتدى

إحترامي لشخصك الكريم

(تستحق التقييم ) اهلا اخوي رامي ...
ويبارك فيك يا رب ... تسلم يالغلا و شرفني تواجدك .


=============

القاموس

حياك اخوي ..


1- اذا ماعليك اي احرج كم الراتب؟أبد مافي أي احراج :d
بالنسبة للراتب 2000 ريـال ... تروح منها 180 للتأمينات الاجتماعية .. ويصفى لك 1820

2- هل التقديم على طول السنة ؟ وكم ساعة تعمل في اليوم مع ذكر الوقت من كذا الى كذا؟التقديم مفتوح على طول ... بس " اتوقع " .. بأوقات بداية الدراسة والعودة للمدارس .. يكون القبول اكثر
تعرف المكتبة تزدحم بهالوقت ويحتاجون موظفين كثيير .. فـ اشوف انه القبول بهالفترات يكون اسرع
والله اعلم

بالنسبة لساعات العمل .. 5 ساااعات يوميا
من الساعه 5 - 10 مساء ،،، أو 6 - 11 مساء < تحددها مع مدير الفرع .

عندك يوم واحد بالاسبوع اجازة تختار لك من السبت - الاربعاء .

اجازة الاعياد: 5 أيام .

شهر واحد بالسنة .

وفي حال حبيت تأخذ لك يومين 3 - 4 .. يعطونك لكن بدون راتب .. وهذا برضه يعتمد ع مدير الفرع
ان كان انسان متساهل وابن حلال .. راح يضبط امورك ويراعيك كثير


وحياك بأي وقت :)

=============


مازن

حياك يالغلا ،، وتسلم

القاموس
11-11-2009, 12:43 PM
الله يعطيك العافية ومشكور
بس اخوي انا في منطقة مافيها مكتبة جرير يعني ان شاء الله اباخذ ترم صيفي في جدة واسجل في احد فروعهم
بس هل يقبلون في الصيف؟

Glory
11-11-2009, 03:07 PM
الله يعطيك العافية ومشكور
بس اخوي انا في منطقة مافيها مكتبة جرير يعني ان شاء الله اباخذ ترم صيفي في جدة واسجل في احد فروعهم
بس هل يقبلون في الصيف؟



الله يعافيك يارب

هممممممم والله يالغلا .. هو دوام معاهم بعقد طبعا .. وتقدر تسحب بأي وقت

خلال اول 3 شهور لو هم شافوك غير منضبط يقدرون يقولون لك مع السلامة ولا تجي

مع تصفية حقوقك ..



اما شغله بس فترة الصيف .. بصراحة ما اتوقع عندهم شي كذا
ولو مر علي راح ارسلك ان شاء الله


اما بالصيف في عندك .. بنده / كارفور .. ينزلو وظايف صيفية



وبالتوفيق لك ..

الكيال
11-11-2009, 04:38 PM
قدمت فيها قبل سنتين ومن يومها محد اتصل عليا ولا عبرني

لكن الله كريم

Glory
11-11-2009, 11:39 PM
قدمت فيها قبل سنتين ومن يومها محد اتصل عليا ولا عبرني

لكن الله كريم

واحد معاي يداوم الحين ... يقول قدمت عليهم 4 مرات .. وهذا هو الحين متوظف
روح للفرع الرئيسي .. الدور الثاني .. واسأل عن واحد اسمه " ابو هتان "
قله قدمت من قبل وما احد عطاني وجه .. احتمال يسويلك مقابلة بوقتها
لانه انسان طيب بصراحة .. وهو المسؤول ع التوظيف ..

بالتوفيق .

سكر ينبعاوي
12-11-2009, 12:10 AM
الله يووفقك يارب ... تستاااهل كل خير
وماقصرت

ĢДMΣ Ǿ√ΣЯ
12-11-2009, 01:29 AM
ماقصرت والله يوفقك ويعطيك العافية

عاشق وهم
12-11-2009, 03:50 AM
بارك الله فيك

بالتوفيق للجميع

الفهيد
12-11-2009, 05:19 AM
يعطيك الف عافيه
ما قصرت على طرحك الرائع
وبزيد على كلامك انا جربت عندهم بس ما اعجبني الوضع بس كان دوام كامل مو جزئي
هو اللى خلاني اتركهم من ثاني يوم هع اللى هو يخلونك بعد المحاسب تحط بضائع الزباين بالاكياس شغلتك امممم وش اقول تستحي تقولها ما اعجبني هالشئ وسحب عليهم صح حطوني بالاقسام عادي بس لما شفت الشغله وصلت كذا سحبت
حلوو الدوام الكامل بس على الواحد يتحمل
بالنسبه للدوام الكامل الراتب يوصل الى 4000 مع الزيادات هو يشرحها لك الموظف لك نسبه اذا انبع من القسم الفلان ولك عني حلوووه الشغله
بس ما اعجبني الشغل انا وطلعت


مشكور يا عسل على الموضوع

عاطل ورافع راسي
12-11-2009, 12:20 PM
الف شكر يالغلا

Glory
12-11-2009, 12:23 PM
ينبعاوي + ابراهيم + عاشق

الله يعطيكم العافية وشرفني مروركم

==============

الفهيد

الله يعافيك يالغلا .. وبالنسبة لكلامك .. صراحة هو اول اسبوع مُتعب شوي خاصة من الوقفة
بس شوي شوي الواحد بيتعود عليها .. + زحمة الناس وبيعك وشرحك لهم يضيع الوقت
وبالنسبة للعلاوات .. في هناك تقييم سنوي وعلاوة موظفين البارت تايم ماهي بمثل الفل تايم

وهي بصراحة مجرد شغله الواحد يلقى من وراها دخل + يقضي وقت الفراغ :d

هو اللى خلاني اتركهم من ثاني يوم هع اللى هو يخلونك بعد المحاسب تحط بضائع الزباين بالاكياس شغلتك امممم وش اقول تستحي تقولها ما اعجبني هالشئ وسحب عليهم

اعجبني واحد معانا في قسم اللابتوبات ،، جاه مدير المعرض وقاله روح قسم المكتبية افزع لهم
في نقص ومدري ايش ،،، قاله الولد انا قسمي هنا وما اطلع منه .. عندي تعليمات اني اكون هنا
فـ شوفلك واحد ثاني ... وفعلا تركه المدير ورااح :d

انا اقول مو عيب بصراحة لو جلست يوم او يومين فزعت بمكان .. لكن اني اكون طول وقتي
ورا الكاشير او كذا .. اشوف انها شوي ثقيلة

عموما بالتوفيق لنا ولك يارب .. وتسلم لي ع مرورك

خالد البطالة
19-11-2009, 11:40 PM
السلام عليكم ورحمة الله وبركاته


أخواني عندي سؤال وشلون دوامها .. يعني مريح او متعب او له مواسم .. وهل إذا حطوك بقسم معين ينقلونك لقسم ثاني على حسابهم

وعندي سؤال شباب ثاني

انا ادرس دبلوم الفترة الصباحية .. وأبي أعرف كم الراتب إذا كان الدوام فترة مسائية يعني من 4 العصر لين 11 الليل

وشباب تنصحوني فيها ولا العبيكان

وفي جرير هل فيه قسم خدمة عُملاء

هلالي وبس
19-11-2009, 11:58 PM
وين مكان التقديم بس في الرياض
هل يوجد تقديم في مكتبة جرير في مكة

خطى الوهم
20-11-2009, 03:51 AM
الله يعطيك العافيه

لوريل
21-11-2009, 08:19 PM
وعليكم السلام ورحمة الله :
بورك فيك أخي الكريم .
وين مكان التقديم بس في الرياض
هل يوجد تقديم في مكتبة جرير في مكة
في مكة أنا رحت لهم فقالوا لي روح مكتبة جرير في شارع صاري ( في جدة ) .. جنب شركة تويوتا ..
المهم تاخذ منهم نموذج طلب التوظيف ويفضل معاك صور من السيرة الذاتية والشهادات وترفقها معاها وتضع صورة شخصية حديثة في نفس نموذج الطلب وتعطيهم إياها في نفس الفرع في صاري ..
وتنتظر الإتصال ..

أهم شي القناعه
15-12-2009, 09:57 PM
السلام عليكم


بصراحه أشكرك على موضوعك الرائع وعندي إستفسار /
أنا إن شاء الله يمكن أعمل بدوام جزئي في جرير

ياغالي بخصوص الراتب هل يعطونكم كاش أو يحولونه على حسابك , وإذا يحولون فياليت تقول لي على أي بنك ؟

وشكرا لك .

متكي
16-12-2009, 08:59 AM
جزاك الله خير على موضوعك المفيد
بس بغيت استفسر اخوي انا قدمت عليهم وقالوا بناخذ شهادتك الاصل والعقد سنتين وانا ابيها 6شهور ولا 7 شهور لين تجي وظيفتي الرسميه هل اقدر اسحب عليهم واروح اذا جت وظيفتي وهل فيه شرط جزائي لاني انا محتااار خاف يحجرولي

Glory
22-02-2010, 05:50 AM
آسف على رفع الموضوع لان له فترة طويلة والسبب بعض الامور منعتني من الجلوس ع النت..
ثاني شي ابشركم سحبت ع جرير ههههههههههه ...

بالنسبة للاسفسارات ...


1- الراتب اول 3 شهور كاش .. بعد الـ3 شهور يفتحو لك حساب ع البنك العربي وينزل عليه الراتب
2- الراتب 2000 ريال يروح منها للتأمينات ويصفى راتبك 1820 ريال تقريبا
3-فترة الدوام من 5-10 .. و اوقات الضغط (بداية المدارس) يصير لـ 11 وتاخذ زيادة عليه < يعتمد ع مدير الفرع.
4- اي نعم يوجد قسم خدمة عملاء بس طلاب الجامعة في البداية يحطوهم ع الاقسام اللي يثبت وجوده لفترة طويلة شوي يحطونه بخدمة العملاء.
5-التقديم في الرياض في اي فرع قدم اوراقك وهم يرسلون لك رسالة تراجع الفرع الرئيسي بالعليا(الدور 2)
اما بالنسبة لمكة اعرف مكان المكتبه بسوق الحجاز بس التقديم كيف مادري.

جزاك الله خير على موضوعك المفيد
بس بغيت استفسر اخوي انا قدمت عليهم وقالوا بناخذ شهادتك الاصل والعقد سنتين وانا ابيها 6شهور ولا 7 شهور لين تجي وظيفتي الرسميه هل اقدر اسحب عليهم واروح اذا جت وظيفتي وهل فيه شرط جزائي لاني انا محتااار خاف يحجرولي

هممممم والله يالغالي مادري صراحة بهالخصوص ... اول مره اسمع انهم كذا
اتوقع انك مقدم على انها وظيفة لك ،، مو وظيفة جزئية ,, ولا تنسي الوظائف الجزئية لطلاب الجامعة فقط
لانهم ياخذو منك تعريف من الجامعة + الجدول الدراسي .

بالنسبة للشرط الجزائي ان اشتغلت معاهم وبتسحب يقولون لك لازم تدفع حق اخر شهر راتب
او تشتغل شهر كامل بدون راتب ... لكن البعض سحبو عليهم ولا دفعوا شي ... وما جا من وراهم مشاكل
بس خليك في السليم احسن p=

اشكركم جميعا .. وكل من قيمني .. واعتذر مره اخرى للادارة لرفع الموضوع .. لكن حبيت ارد ع الاستفسارات^^

الفني الكيميائي
22-02-2010, 10:49 AM
جزاك الله خير

hadi89
20-03-2010, 05:27 PM
انا طالب من القصيم مفكر اقدم عليهم اللحين واتوظف لاخر الترم هذا لاني بحول لجامعة الملك سعود بالرياض
سؤالي اخي الكريم اقدر اتوظف عندهم الفره هذي تقريبا 3 شهور ولا لا..؟ من دون اي مشكله من ناحية العقد..؟

مثل الذهب
20-03-2010, 05:37 PM
الله يعطيك العافية اخوي

AMOUR
20-03-2010, 05:45 PM
شكرا
الله يوفقكم

Glory
22-03-2010, 02:50 PM
انا طالب من القصيم مفكر اقدم عليهم اللحين واتوظف لاخر الترم هذا لاني بحول لجامعة الملك سعود بالرياض
سؤالي اخي الكريم اقدر اتوظف عندهم الفره هذي تقريبا 3 شهور ولا لا..؟ من دون اي مشكله من ناحية العقد..؟

والله شوف اول 3 شهور .. بتعلق البطاقة الصفرا .. اسمك (موظف تحت التدريب) مثلك مثل الرسمي
بس يشوفون انضباطك فيها وابد مو متشددين فيها بس اهم شي حضورك ...
لو مشت امورك اوك تعلق البطاقة البيضا وتصير رسمي موظف ..
بالنسبة للدوام ثم السحب .. ذكرت هذا من قبل... انهم يقولولك ييا ادفع راتب حق شهر واحد
او انك تشتغل عندهم شهر بدون راتب ... و ان سحبت عليك مو ضارك شي من وراهم
بس الظاهر بيعلقون اسمك بالتأمينات لا حصلت اي وظيفة بعدين بتدفع هالراتب
والبعض صراحة لما اشتغلت قال كلام فاضي وما يسوو شي .. فكلام محدد بهالنقط بصراحة
ما فيدك لان البعض يقول يعلق الاسم والبعض لا ...
وبالتوفيق لك ^.^
.

كيميائي / الذهب / دازلنق

اشكركم كلكم والله يوفق الجميع =)

hadi89
23-03-2010, 01:06 PM
تسلم اخوي جلوري
انا بحول لفرعهم بالرياض...هالشي نسيت اقوله لك في البدايه عذراً : )
هل يجعل هناك فرق..؟

Glory
20-04-2010, 10:17 PM
انا اشوفهم اوقات يقترحو ع بعض الموظفين انهم يعملو بفروع اخرى
بنفس المدينة (الرياض) .. بس من منطقة لمنطقة .. صراحة ماعندي خلفيه بالموضوع
بس ان شاء الله ما يكون فيه فرق ...

اتمنى انك اتوظفت وامورك اتيسرت =)