6000 تسوي مشرروع؟؟؟

المميزة2006 · #1 (**permalink**) 26-05-2007, 03:47 PM

تكفون ردو علي 6000 تكفي لمشروع طيب مثل وشو ؟؟
انا فكره في مايكرو باص اشتريه واقدم على سواق السواق موجود بس السياره تكفي ب6000 وتكون لتوصيل معلمات ومشاوير خاصه؟؟ والي عنده فكره ثاانيه ياليت يلحقني فيهاا وجزاكم الله كل خير

عـز · #2 (**permalink**) 26-05-2007, 03:54 PM

السلام عليكم ورحمة الله ..

أختي المميزه ,

أولاً : أتمنى من الله عز وجل أن يوفقك ويرزقك حلالً طيباً ..

وثانياً : أعتقد راح تجدين مايكرو باص بهذا المبلغ بس ماراح يدوم معك , والأفضل أن تسألي عن مايكرو باص بنظام تأجير أو أقساط والـ 6000 كدفعه أولى والباقي أقساط شهري ..

وهذي الفكره إن شاء الله تعجبك ..

والله يوفقك إن شاء الله ..

فهدالحبيب55 · #3 (**permalink**) 26-05-2007, 05:00 PM

اختي المميزه

والله صعبه هذي الطريقه وماراح تلاقين مكرو باص بهذه القيمه

ولو حصلتي ماراح تحصلي الا خرده .(( والمكروباص كثر هذه الايام وبميديلات جديده ))

وماراح تلقي ركاب ..كلهم يفضلون الجديد على القديم ...والنظره هذي عاميه

ولو خذتي جديد مثلا من شركة عبد اللطيف جميل عن طريق التأجير والتمليك او عن طريق الاقساط الميسره ..

راح تحسب لك الشركة قسطها الشهري تقريبا 1800 وفووق ..

يعني ماراح تتخارج معك .. حتى لو فرضنا راتب العامل 800 ريال

ماراح يجيك ذاك الدخل اللي تستفيدين منه ..

وهذي الطريقه مستحيله ماتنفع ابد ....

....................

بس عندي لك طريقه احسن من هذه الطريقه بالف مره ..

خذي الستة الاف وروحي سجلي في معهد او دورة كوفيره وتجميل ..

وتعلمي منها ...وبعدين روحي قدمي على اي مشغل يرغب في موظفات ..

وراح تكسبي من هذي الطريقه ......وجربوها ناس من معارفي ومشت معاهم

والحين يستلمو 2500 ريال شهريا هذا غير الأوفر تايم ..

وانتي ومزاجك ..... هذا مجرد اقتراح مني

والله يرزقنا واياكم اجمعين

وتحياتي لكم

سعوديةفخرآل جود · #4 (**permalink**) 26-05-2007, 06:22 PM

أولا ربي يبارك لك فيها
وبإتقادي أن الباص
راح يكفي
أنت توكلي على الله
وفيه هنا بعض المشاريع
إن شالله راح تفيدك
https://www.btalah.com/t6810.html

وبالتوفيق لك أختى

المميزة2006 · #5 (**permalink**) 26-05-2007, 10:06 PM

مشكورين والله يعطيكم العافيه نورتوني والله
اخوي عاشق انا اخذت دورات تجميل وخياطه كمان والحين ادرس ومبدئيا فتحت في البيت مشغل صغير لكن ماعندي زباائن كثير يعني ينقصني الاعلان ماني عارفه كيف اوصل للناس حاليا بس اهلي هم زبائني من عمات وخالات لكن العدد محدوود

سري للغاية · #6 (**permalink**) 27-05-2007, 02:32 AM

6000

أتـوقـع مـا راح تـجـيـب بـــــــااااااص مـمـتـاااااااز

يـعـنـي يـمـكـن تـجـيـب واحــد خـــربـــاااااااان رايـح فـيـهـا

وهـــنـــا الـمـشـكـلـة ....

كــــل يـــوم فـــي ورشـــــــــــــــــــــــــــــــــــــــــــــــ ــــــــــــة

الإنـتـبـااااااة واااااجـــــــب

والـتـأنـــــــي طــــــيـــــــب

بالـتـوفـيـق ...........

فارا · #7 (**permalink**) 27-05-2007, 02:49 AM

اقتباس:

المشاركة الأصلية كتبت بواسطة المميزة2006

مشكورين والله يعطيكم العافيه نورتوني والله
اخوي عاشق انا اخذت دورات تجميل وخياطه كمان والحين ادرس ومبدئيا فتحت في البيت مشغل صغير لكن ماعندي زباائن كثير يعني ينقصني الاعلان ماني عارفه كيف اوصل للناس حاليا بس اهلي هم زبائني من عمات وخالات لكن العدد محدوود

طيب يا اخت ليش ما تستفيدين من خبرتك في التجميل في الزواجات خاصة في الصيف
يعني لو تتفقين مثلا مع كذا قصر افراح انه اذا جاهم احد يحجز يعطيهم رقمك وتعطين العامله نسبة او مبلغ معين ..
يعني لو كان دخله على الاقل في اليوم 300 ريال في 60 يوم الي هي الاجازة يصير المبلغ 18000 ريال .

وممكن تطوري نفسك انك تشتغلين في التصوير (وهي شغله بسيطة )
كلها كاميرا دجيتل وطابعة ومحمول وشوية دروس في معالجة الصور بتلقينها على النت ...

هذي نصيحتي لك وبدل شغلة الباص ... اذا العمال تعبنا معاهم وحنا الرجال اجل البنات وش بيصلحون ...

بالتوفيق لك

وفونة · #8 (**permalink**) 04-06-2007, 04:38 AM

عزيزتي انا طرحت مشروع راس ماله 2000 ريال شوفي الرابط وياريت تتواصلين معاي الله يوفقك وللعلم انا في المنطقه الشرقيه والمشروع مطروح على مستوى الخليج
https://www.btalah.com/showthread.php?t=14349

المميزة2006 · #9 (**permalink**) 07-06-2007, 08:31 PM

مشكور فارا على هالفكره والله كانك جبتها
ابشري اختي وفونه

الـنـايـف · #10 (**permalink**) 08-06-2007, 07:38 AM

أختي المميزة

الله يوفقك ويرزق الحلال

وماقصروا أخواني وأخواتي بأفكارهم الرائعه

وبالنسبة للتجميل والخياطة فكرة رائعه وراح يكون لك مردود قوي بإذن الله

وبالنسبة لتسويقها بسيطة بإمكانك وضع إعلان مجاني في جريدة المبوبة

وتسويق مشروعك خاصه بالإجازة الصيفية راح تكثر الزواجات والمناسبات

أما الـ 6000 بإمكانك شراء بها سيارات صغيرة للأطفال ووضعها في أحد المجمعات

التجارية مع وجود شخص تكون تحت تصرفة لأن الزبائن يملون من إزعاج أطفالهم

في المجمعات التجارية وراح يجون يستأجرون السيارة مثلاً بـ 10 أو 15 ريال

للطفل ويدورون فيه والطفل معهم بالسياره حتى يتسوقون لكن لا أعلم هل

لابد من إيجار مكان لوضع السيارات بها أم لا ،،،

هذه أحد الأفكار البسيطة والناجحه بإذن الله ولاقت رواجاً كبيراً في الأسواق

وتمنياتي لكِ بالتوفيق والنجاح