طلب دراسة مشروع تقسيط بسيط

[الشاامخ]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
الى كل الاخوان في هذا المرتع المميز
احببت ممن لديه الخبره في الامر ذلك ان يقوم بدراسة من كل النواحي

مشروع التقسيط
" مكيفات ـ ارز "
بداية المشروع ستكون بمبلغ الـ 5000 ريال

طيب يابو الشباب وش تبي اللحين من الربع ...
طبعاً يالربع اللي ابيه منكم تدرسون لي المشروع
مو بااي واحد يالاخوان ابي واحد له خبره في ذا الشيء والامر
يعني يدرس لي الوضع على الـ 5000 ريال

لا تقولون قليل بالنسبة لذا الامر انا اعرف ناس تاخذ
بيعات بـ 5000 ريال بداية انا ان شاء الله مستعد اوفر المبلغ
وهو عبارة عن مكيفات اشتريهم بمبلغ اقل
فرضاً لو اشتري مكيف بمبلغ 850 ريال كم ابيعه على الشخص اللي يبيه
بـ 1800 ريال للمكيف الواحد
علشان اعطيه البيعه اللي هو يبيها طبعاً لابد اشتري 6 مكيفات
850 * 6 = 5100 ريال
هذي الـ 5800 ريال هو ورجالته الشخص يبيع المكيفات بالسعر اللي يقدر عليه
بالاعلى بالاقل ما علي منه لانه بيبعهم على شخص غيري علشان الربا
واموره عرفتو وشلون
انا باحسب عليه على كل مكيف مبلغ كم من 1600 الى 1800 ريال
نفرض ونقول كم
1600 * 6 = 9600 ريال
او
1800 * 6 = 10800 ريال
وباقساط شهريه تصل الى 500 ريال الى 1000 ريال
على حسب مقدور الشخص والموظفين عندنا لليل ماشاء الله
وكلن وحالته الماديه والتزاماته

طبعاً في ناس بتقول ماهو انت اللحين جايب لنا نصف المشروع

عارف يالربع لا تخلوني اعصب بس
امزح معكم
يالربع معي شويات من نظام المشروع
بس ابي منك استفيد لاهنتو وربي يوفقكم
يالله يالربع ناظركم
ابي اعرف امور المشروع
وش الاوراق المطلوبه وش الامور المتعلقه بي وبمن يريد التقسيط
لا تخيبو ظني فيكم
عالم قهوة وربي انك كفو وذيب ولد ذيب

[M.B.S]

الله يوفقك اخوي الشامخ

وعقبال ماتقسط سيارات

[الشاامخ]

الله يوفقك ويحفظك اخوي

وشاكر ومقدر لك تواجدك

وانتظر اهل الخبره

رحم الله والديك

[محمد الطميحي]

وفقك الله
ينقل للقسم المختص

[أنظمة وتقنيات]

5000 ريال عزيزي انت رايح تبدأ بمبلغ اقل من القليل بهالحالة
وين رايح تعمل المكتب وين وين ايجار المكتب ورسوم الحكومة من سجل وتراخيص عساس تضمن حقك من الناس وعساس تكون معاملتك رسمية 100 %
انت جاي تقول 5000 ريال هذي ماتكفي تأثيث مكتب ورسوم حكومية اخويي
الله يوفقك

[الشاامخ]

هلآ بك اخوي
من قال انه بتبدا امور زي كذا
لا وانا اخوك ولد خالتي بدا زي كذا
وللحين وهو شغال ومعاه الخير
ولا مكتب ولا شيء
وكل اشغاله ماشيه تمام ولا حكومه ولا شيء
اوراق وشهود شنبات عرفت
ويمولك الى الحد اللي تبيه
عرفت وشلون

[أنظمة وتقنيات]

المشاركة الأصلية كتبت بواسطة الشاامخ

هلآ بك اخوي
من قال انه بتبدا امور زي كذا
لا وانا اخوك ولد خالتي بدا زي كذا
وللحين وهو شغال ومعاه الخير
ولا مكتب ولا شيء
وكل اشغاله ماشيه تمام ولا حكومه ولا شيء
اوراق وشهود شنبات عرفت
ويمولك الى الحد اللي تبيه
عرفت وشلون

حياك الله أخويي
بس بهالطريقة رايح تصير غير نظامي لو لاسمح الله
أبتلشت لك بواحد مايسدد وتهرب
الله يوفقك

[بيزنس مااان]

عليك بالعمالة الاجنبية وخاصة الهنود يحتاجون في أغلب الاحوال الى مثل هذة البيعاة في تسديد رسوم الاقامة او نقل الكفالة او تأثيث المحل وغالبا انهم منتضمين في عملية السداد .

[معد دراسات]

تشتري المكيف بـ 850 وتبيعة بـ 1600
والله ياليهود أنهم أرحم باخوانهم منكم

[شبايك]

المشاركة الأصلية كتبت بواسطة معد دراسات

تشتري المكيف بـ 850 وتبيعة بـ 1600
والله ياليهود أنهم أرحم باخوانهم منكم

ما أظن فيها شيء من ناحية حلال وحرام


نتمنى لك التوفيق ولا تنظر لردود السلبية