الى اصحاب المشاريع والافكار ابغى الفزعه منكم والخبره

[شهاده سادس]

ابغاكم تدلوني علي اسوق الجمله الي في الرياض سوق الجلبيات والقمصان وسوق الاكسسورات وتعطوني فكره موجزه من اصحاب الخبره في هذ المجال الاني بصرحه كيف طريقه الي مااخليهم يستغلوني فيها الاني جديده في الشغله هذي ولاتبخلون عليه بردودكم وتوجهتكم والله يفرج همكم وتراني عضوه موعضو المعلومه وادعولي اتوفق اناواخوتي في هذ المشروع البسيط

[أبوفيصل 1430]

إني داعيٍ فأمنوا

اللهم لك الحمد حتى ترضى ولك الحمد إذا رضيت ولك الحمد بعد الرضا

أسئل الله العظيم رب العرش العظيم

أن يرزقك بحلاله عن حرامه

وإن يفتح لك أبواب الرزق والتجارة في وجهك وعلى مصراعيها

وإن ينولك مرادك أنتي وأخواتك

اللهم لا إله إلا أنت الواحد الأحد الفرد الصمد الذي لم يلد ولم يولد ولم يكن له كفواً

أحد اللهم أجب دعائي

اللهم لا إله إلا أنت الواحد الأحد الفرد الصمد الذي لم يلد ولم يولد ولم يكن له كفواً

أحد اللهم أجب دعائي

اللهم لا إله إلا أنت الواحد الأحد الفرد الصمد الذي لم يلد ولم يولد ولم يكن له كفواً

أحد اللهم أجب دعائي

اللهم قلت وقولك الحق أدعولي أستجب لكم اللهم أني دعوتك فلا تردني من بابك خائبا

اللهم خذني بلطفك ورحمتك لا بعملي يا رب العالمين يا حي يا قيوم بك أستجير

اللهم آمين

============

والله يا أختي لا أملك لكي إلا الدعاء وأتمنى أن يتقبل الله الدعاء

والشباب هنا ما راح يقصرون فيهم الخير والبركه

[شهاده سادس]

معقوله ولااحد اعطني رد

[heavenmoon]

بصراحة انا من مكة ...... و اعرف في اسواق مكة و جدة ....... لكن ان شاء الله يفيدونك بنات و شباب الرياض بالاجابة .

و الله يوفقك يا عزيزتي في مشروعك .......... و يبسطك رب العالمين بالرزق الكريم و المبارك ..... في اي مجال تدخلين انتي او اخواتك في اي مشروع ........

و اتمنى من شباب و بنات الرياض ...... الرد على استفسارك .

[مدرس عربي متعاقد]

وأنا من القصيم تبين اسواق القصيم بخدمك؟

إما الرياض بصراحة ما اعرفش؟

[ملك العاطلين]

على ما اعتقد تلاقين في البطحا اسواق للبيع بالجمله وتقدرين تدورين في المحلات الخاصه بالبيع للجمله وحاولي تدورين على المحلات لانك باذن الله راح ترجعين لهم مرتين وثلاث واربع فما تتكاسلين في البدايه لان البدايه ما تخلوا من الاخطاء ومع الوقت تتعلمين البضاعه الي تحتاجينها لان من الصعب يتحدد لك كميه او نوع بحسب الحي او المدينه او القريه الي انتي فيها وحسب الي بيشرون منك ونصيحه لك اذا قدرتي تتفقين مع المحلات الي تشرين منها تبدل لك الي ما ينشرى منك وتحطين افضل سعر للي مرغوب والي هاه هاه اقل لان مو كل الي بتاخذينه بينباع بترجعين ببضاعه متكدسه يا ترجعينها للمحل او تبيعينها لو بسعر الجمله وان شاء الله بتلاقين ارباح حلوه وما تنسين تحجزين منها راس المال الي بتشرين فيه من جديد وموفقه ان شاء الله في مشروعك وبقولك شي كلما تحركتي في البيع والشرا كلما لقيتي فايده وكلما جلستي بدون شغل كلما جلستي بدون دخل او فايده

[مايبي وظيفة]

بالنسبة للاكسسوار فمكانه بالبطحاء (المرقب) الجلابيات اسواق مكه طريق الملك فهد الدور الثاني والثالث هذا غير الهنود اللي لهم مستودعات ويقومون بالتوزيع على المحلات وهناك اسوق الشمسيه بشارع الملك فيصل بالرياض فيها لانجري وملابس جاهزه وسوق البطحاء للجمله بالنسيبه للبضائع الشعبيه عامة عموما اي سؤال انا مستعد الاجابه عليه وانا ملم جدا اتمنى لك التوفيق

[النشمي]

المشاركة الأصلية كتبت بواسطة مايبي وظيفة

الجلابيات اسواق مكه
طريق الملك فهد
الدور الثاني والثالث

أسأل الله العلي القدير لنا ولكِ التوفيق والسداد

[heavenmoon]

شهاده سادس ...... الله يعطيهم العافية كل اللي من الرياض عندهم فكرة عن الاماكن .. و شرحو لك ... جزاهم الله الف خير .... ان شاء الله يكونون افادوك ..... و نتمنى نسمع احلى اخبار الربح من مشروعك .. يا رب انت و اخواتك ... الله يوفقكم يا رب لكل خير ...

[شهاده سادس]

مشكوررررررين