المساعد الشخصي الرقمي

مشاهدة النسخة كاملة : مايسمى " الشيخ محمد عبداللطيف جميل "


ملف اخضر علاقي
26-06-2007, 01:42 AM
السلام عليكم

الجميع سمع بمجهودات مجموعة عبداللطيف جميل في خدمة المجتمع ...الخ

وحصول المجموعه على عدة جوائز في السعوده

طيب هل تظنون انه فعلا كذلك

اسمعو قصتي قبل يومين فقط من كتابه هذا الموضوع " الموضوع تجربه شخصيه وليس منقول من منتدى او غيره "

حاولت اتصل بالشيخ بخصوص موضوع انشاء محطة تحلية مياه ومصنع تعبئه مياه

ماقدرت

رحت للبلد " مكتب البريد السعودي " وادفع مبلغ 30 ريال فقط لورقه مكتوب فيها

معالي الشيخ محمد عبداللطيف جميل حفظه الله
السلام عليكم ورحمة الله وبركاته
ارجو التكرم بلقائكم لأمر تجاري هام
وحطيت اسمي ورقم جوالي

ثاني يوم جاني اتصال من الشركه وكنت نسيت الجوال في البيت وخرجت

ولمن رجعت لقيت الرقم حق المجموعه

قلت اتصلبهم ثاني يوم

اتصلت ثاني يوم ورد عليا المامور وقلت له جاني اتصال من عندكم بخصوص كذا وكذا

حولني لواحد فلبيني " اعتقد ذلك " رد على وكلمتهخ بلأنجليزي ووضحلي انه الي اتصلبي مدير مكتب محمد عبد اللطيف جميل وقالي هو لسه ما داوم

وراح اتصلبك بعد شويه لمن يجي

الساعه 10.30 اتصلبي اليوم

واسمه الدكتور حمد

الو سلام عليكم

وعليكم السلام

كيف حالكم طيبين ...........الخ

اش موضوعك يا اخ

والله موضوعي اني بقابل الشيخ

لا مو ممكن

ليه ؟

اول اعرف موضوعك

يادكتور ممنوع اقابله ؟

ايوه لازم اعرف موضوعك اول

قلت موضوعي طويل

قال مو مشكله انا اسمعك وقول موضوعك

قلت موضوعي بخصوص انشاء محطة تحليه ومصنع تعبئه للمياه بجده و ابغى دعم الشيخ بخصــــــــــــ....... ولسه ما كملت ورد على لا لا لا لا

قلت اش هوا لالالالا

قال عندنا

قلت وين عندكم ياخي انا عارف السوق

قال مو لازم تعرف

قلت يادكتور .... قالي بعنف انت قايلنا فرصه نادره ومدري ايه وخليتنا ندهر ووووووووووو

قلت يادكتور اقرا الرساله واش مكتوب فيها " ارجو مقابلتكم لامر تجاري هام "

قال لي خلاص مانبغى شكرا

وقفل السماعه

===================

هذا محمد عبداللطيف جميل

ولحد يقولي عبداللطيف جميل ماله ذنب وانه مدير مكتبه الي اتمصخر عليك

لا

محمد عبداللطيف جميل هو من وظف هذا المسمى الدكتور حمد وهو من يتجمل المسؤوليه

وبعدين حتى ماسألني عن اي شيئ عن المشروع وماهيته

ماذا كان ينتظر ؟



وبعدين ليه يكذب ويقول عندنا ؟؟؟؟؟؟؟؟؟؟؟؟؟؟؟؟ وين مصنعه ؟

انا اعرف المنطقة الصناعيه شبر شبر

تصورو مدير مكتب رجل اعمل ويتباهى بالكذب

واصريت عليه يقولي وين المصنع لكنه لم يجيبني :court:

المشروع الي كنت ابغى اعرضه هو عباره عن انشاء محطة تحليه لمياه البحر بطاقة انتاجيه 15 الف طن يوميا = 15 مليون لتر ماء

بتكلفة 50 مليون ريال

بسعر للبيع للطن الواحد 5.50ريال

تكلفة الطن 3.50 ريال
اي ان ريالينونصف للطن ربح
يعني 30000ريال في اليوم ربح
في الشهر اكثر من 10 مليون في السنه120 مليون


هذ بالنسبه للمياه المنتجه من المحطه فقط

اما مصنع التعبئه

بطاقه انتاجيه 20 طن كبدايه
يعني 20 الف لتر بقيمة نصف ريال للتر معبأ وجاهز للبيع
يعني 10 الاف ريال يوميا في الشهر 300 الف ريال
في السنه 36 مليون

بعد مصاريف التسويق راح تفضل 100 مليون ريال ربح صافي

بس للأسف طول مافيه رجال اعمال حمقى ماراح احد ينجح

وللأسف هذي فرصه لتوظيف الشباب العاطل برواتب ممتازه بس لاحياة لمن تنادي




حسافه عليك ياوطني

ملف اخضر علاقي
26-06-2007, 02:10 AM
نسيت اقولكم

رحت للبنك الصناعي وقالولي لازم يكون في حسابك على الاقل 5 مليون ريال هههههههههههههههههههههههههههههههههههههههههههه

هذي نكته الظاهر

لو عندي 5 مليون ما رحت للبنك الصناعي وعلى طول شفت شريك وبدينا المشروع

محمد العتيبي
26-06-2007, 02:11 AM
عزيزي أنا معك أن طريقة كلامه معك ماكانت بالأسلوب اللائق ..
ولكن ياعزيزي هذه شركة ضخمه وتحتاج إلى الملايين من تكاليف
شراء الأراضي وبناء الشركه بكافة فروعها وسيارات التوزيع
وموظفين لهم خبرتهم العلميه والعمليه ..
كذلك بحكم خبرتي العمليه سابقا كموظف في مصانع المياه بشهادتي الجامعية
أجدك تعمم المكاسب بهذه الطريقه السهله وتناسيت المشاكل والمعوقات التي تحدث
في بدايه أي مشروع تجاري ..

اما مصنع التعبئه
بطاقه انتاجيه 20 طن كبدايه
يعني 20 الف لتر بقيمة نصف ريال للتر معبأ وجاهز للبيع
يعني 10 الاف ريال يوميا في الشهر 300 الف ريال
في السنه 36 مليون
بعد مصاريف التسويق راح تفضل 100 مليون ريال ربح صافي


أذكر مثلا إحدى الشركات الرائده في تعبئه المياه في السعوديه
كنت معهم سنتان فقط ..
السنة الأولى بعد حساب التكلفه وميزانيه الشركه كانت خسارتهم مليون ريال !!!
وفي السنه التي تليها كانت الربحية لهم سبعة ملايين ريال فقط ..
وأنت ماشاء الله عليك بكل بساطه تقول بإن ربحيتك سنويا 36 مليون !!!
فأقتراحي لك أخي العزيز ..
بإن تحاول مره أخرى في مشروع صغير وإذا رزقك الله تتوسع في هذا المجال أكثر فأكثر حتى تقوم الشركه على أساس متين .. ولك عبره في رجل الأعمال الناجح الشيخ عبدالعزيز الراجحي عندما كان يعمل حمالا بسبعة ريالات إلى أن افتتح بنكا رائدا وتوالت بعده الشركات التي افتتحها بعرق جبينه وكان مثالا للشعب السعودي الناجح .. وفق الله الجميع

ملف اخضر علاقي
26-06-2007, 02:22 AM
عزيزي أنا معك أن طريقة كلامه معك ماكانت بالأسلوب اللائق ..

ولكن ياعزيزي هذه شركة ضخمه وتحتاج إلى الملايين من تكاليف
شراء الأراضي وبناء الشركه بكافة فروعها وسيارات التوزيع
وموظفين لهم خبرتهم العلميه والعمليه ..
كذلك بحكم خبرتي العمليه سابقا كموظف في مصانع المياه بشهادتي الجامعية
أجدك تعمم المكاسب بهذه الطريقه السهله وتناسيت المشاكل والمعوقات التي تحدث
في بدايه أي مشروع تجاري ..


أذكر مثلا إحدى الشركات الرائده في تعبئه المياه في السعوديه
كنت معهم سنتان فقط ..
السنة الأولى بعد حساب التكلفه وميزانيه الشركه كانت خسارتهم مليون ريال !!!
وفي السنه التي تليها كانت الربحية لهم سبعة ملايين ريال فقط ..
وأنت ماشاء الله عليك بكل بساطه تقول بإن ربحيتك سنويا 36 مليون !!!
فأقتراحي لك أخي العزيز ..

بإن تحاول مره أخرى في مشروع صغير وإذا رزقك الله تتوسع في هذا المجال أكثر فأكثر حتى تقوم الشركه على أساس متين .. ولك عبره في رجل الأعمال الناجح الشيخ عبدالعزيز الراجحي عندما كان يعمل حمالا بسبعة ريالات إلى أن افتتح بنكا رائدا وتوالت بعده الشركات التي افتتحها بعرق جبينه وكان مثالا للشعب السعودي الناجح .. وفق الله الجميع


اهلا بك يا خوي

اولا

بالنسبه للشركات

شركة صفا الربح السنوي 55 مليون ريال

شركة العين 60 مليون ريال

شركة دلتا 122 مليون ريال

هذي نقطه

النقطة الثانيه

الشركات المذكوره تشتري الماء ولا تصنعه

النقطه الثالثه

انا ايضا عملت بشركتين من الشركات المذكوره واعرف عما اتكلم

ثالثا

لدي دراسة جدوى اقتصاديه

رابعا

اخوي محمد

وارجووووووووووووووووووووك تفهم هذي النقطه

شركة دلتا هي لمستثمرين فلسطينين وارباحهم خياليه فلم تصادر علي حلم مشروع سعودي 100%

انا خريج كيمياء بحريه والتحليه هي تخصصي

وعملت كمهندس كيميائي بعدة شركات للمياه واعرف ما اقول عندما اتكلم عن التكاليف والانتاج

وتعال انا وانت نروح للشركات المذكوره فهل انت جاهز؟؟؟؟

صابر صبري صبار
26-06-2007, 02:29 AM
اقولك بلا تحلية بلا تكاليف مالها داعي الناس ماهي ميته عطش , ابقترح عليك تشاركني نسوي مطعم بخاري هذا الشي اللي يفلح عندنا ويمكن معالي ( لي تحفظ على اطلاق كلمة معالي لانها ماتطلق الا على الوزراء فقط) محمد عبد اللطيف يسارع في دعمنا . شغل مخك انت في السعودية بلد المطاعم .

ملف اخضر علاقي
26-06-2007, 02:41 AM
اقولك بلا تحلية بلا تكاليف مالها داعي الناس ماهي ميته عطش , ابقترح عليك تشاركني نسوي مطعم بخاري هذا الشي اللي يفلح عندنا ويمكن معالي ( لي تحفظ على اطلاق كلمة معالي لانها ماتطلق الا على الوزراء فقط) محمد عبد اللطيف يسارع في دعمنا . شغل مخك انت في السعودية بلد المطاعم .
ماهي ميته عطش؟؟؟؟؟؟

روح على المنطقة الصناعيه وشوف الشركات كيف تتقاتل من اجل سيارات المياه لمصانعها

مصنع لونا لوحده ياخذ 120 سياره يوميا

النقطه الثانيه

المطاعم

انا معاك انه بلد مطاعم لكنه ماهو طموحي ياخي وبعدين اذا بتقعد فيه براسك انا اضمن لك الفشل 100 %

اذا اجرته لأجنبي بينجح ونرجع لنقطة الاجانب مسحهم الله من هذي البلد

اما بخصوص معالي

اوكي عمو صابر ولا يهمك هههههههههههههههه

بقوله شوشو من اليوم وطالع ههههههههههه والله انه شوشو :d ومايستاهل غيرها وابشرك ماهو داعمنا طول ما هالسلق موظفينه موجودين

صابر صبري صبار
26-06-2007, 03:16 AM
يل خوي تراي امزح يوم اقولك باسوي مطعم لاني ولله الحمد مقاطع هالمطاعم بالكليه والله ان علبة زبادي تسوى عندي مندي من تحت ايدين هالبشر. واقولك الله يوفقك بس انا اخوك خلك صميدع وصمل على رايك ترى الحلم مايتحقق الا بالصبر والمجاهدة وطولت البال . والعب يالاخضر وانا ويااااك

ملف اخضر علاقي
26-06-2007, 03:20 AM
الله يسمع منك ويارب يوفقني وياك واخونا المسلمين

ســلــيــمــانــ
26-06-2007, 08:31 PM
اخي لو تكتب ماصار لك بالجريده

ثاني يوم يتصل عليك

ملف اخضر علاقي
27-06-2007, 12:28 AM
اخي لو تكتب ماصار لك بالجريده

ثاني يوم يتصل عليك

ياعمي الله الغني عن هالأشكال

من اولها تصريف

والله حتى ماخلاني اكمل كلامي

وبعدين اروح للجريده اش اقولهم؟؟؟؟؟؟؟؟

ابغاه يدعمني بالقوه يعني؟؟

heavenmoon
27-06-2007, 04:50 PM
ملف أخضر علاقي ..
بالنسبة لك راح اعطيك راي .. و انت لك حرية الاختيار .. و النظر فيه ..

اسلوب التعامل معاك من قبل الاداري ... اكيد غير مقبول ... و لكن لو كانت الجهة اللي قصدتها غير مهتمة فيك .. ما كان فكروا في الاتصال بك .. و لكن اكيد فضلوا انهم يقدمون الدعم لك .. لكن من وجهة نظرهم و مقدرتهم .... و برامج عبد اللطيف جميل ... تدعم المشاريع ... بمبالغ .. ليست كبيرة جدا بنفس الضحامة اللي انت تطلبها ... يعني انت كلامك سليم من ناحية المشروع لتحلية المياه .. فعلا هو مشرورع ناجح ... و قوي ... لكن ما اعتقد ان صندوق عبد اللطيف جميل ... يدعم المبالغ الضخمة ...

لو منك ... كان فكرت في مشروع امارسه .. بشكل ما يكون راس ماله ضخم .. و يكون مقدور عليه و الاهم من كذا انك .. تقدر تعطي فيه من مجهودك و خبرتك والاهم من كذا انك تقدر تطوره .. لان هذا اول نشاط تجاري راح تمارسه ... فمسألة الحساب على الورق و التخطيط مو مثل ارض الواقع .. خلي بدايتك .. بشي معقول .. و تقدر انه لا سمح الله اذا ما نجحت فيه تقدر تعوضه ...... لكن وصولك للارقام الكبيرة من الاول .. بدون خبرة تجارية لك انت شخصيا في السوق ( بغض النظر عن خبرتك في العمل ) شي بكل تاكيد هو مغامرة و مجازفة ...

حاول تقدم دراسة جديدة ... و عن مشروع تكاليفه اقل و تقدر على التعاطي معاه بشكل قوي .. و اعرضه عليهم من جديد و انا متاكدة انهم راح يرحبون فيك من جديد ...

نصيحة لك .... لا تياس من اول عملية رفض ... لان التاجر الناجح لا يعرف الياس امام اول نقطة رفض .. خلي نظرك ثاقب و نفسك طويل و طموح اكبر من مجرد اتفاقية مرفوضة بالاتصال .. اعيد ترتيب اوراقك من جديد و لكن بخطوات مدروسة اكثر...

ولك من كل الدعاء الصادق ..... بالتوفيق و النجاح ...... في اي مشروع تقوم فيه .. و ان رب العالمين يفتحها في وجهك من كل النواحي ... سواء الممول اللي انت تحب .. او من ناحية النشاط اللي ترغب فيه ...... تقبل فائق تحياتي .

ملف اخضر علاقي
28-06-2007, 01:35 AM
اختي هيفن مون

بالنسبه لصندوق عباللطيف جميل انا ما ذهبت له

انا كنت اريد فقط مقابله محمد عباللطيف جميل لعرض الموضوع عليه

لديه جيش من المحاسبين ( طبعا اجانب) كان يقدر ياخذ دراستي ويسوي عليها اعاده دراسه او دراسه جديده

هذا اولا

ثانيا

المشروع ضخم ... نعم ضخم.. لكن مجزي او لا ؟؟؟؟؟؟؟ هنا السؤال

ثالثا هل لي خبره في التجاره ؟ نعم عندي محل انترنت منذ مايزيد عن السنه

رابعا هل ادي الخبره ؟ نعم
اشتغلت في 3 شركات للمياه ( طبعا لا داعي ان اذكر الراتب ........ فضيحه ) كمهندس كيميائي على خط الانتاج ومشرف لمختبر الجوده لأعداد كبيره من الاطنان يوميا تصل الى 10 الاف متر مكعب ( اكثر من مليون لتر يوميا )
واشتغلت في تحليه مياه الصرف الصحي

هل انا مؤهل ؟ نعم انا مؤهل ( جامعي وتخصصي في صميم التحليه ) راح تلاقين مشروع بحث التخرج الي سويته واخذت عليه درجة ممتاز
وراح تلاقين ايضا مشروع مناقشه اخذت عليه درجة جيد جدا

http://www.4shared.com/file/18768033/4b6a2302/__online.html

وكلها في مجال المياه البحريه


اما بخصوص ارض الواقع

ارجوكي تفهمي هالنقطه ارجووكي

مجموعه فلسطينين فاتحين مصنع ( دلتا - العين - هنيه) وارباحهم السنويه تقدر بأكثر من 120 مليون ريال

يعني لمن يجي واحد سعودي ويقول ابغى اسوي مصنع ( والسوق محتاج طبعا) نقوله ياخي خليك في ارض الواقع ؟؟؟؟:( عجبي عليك يازمن :confused:

اما المجازفات

يعني انا رايح ليه لشخص كبير في السوق ؟؟؟ مو عشان يدعمني ماديا ومعنويا :confused:

انا ماطلبت الدعم المادي على هيئه قرض
بل شراكه

على العموم انا بأذن الله سأجد طريقة لتنفيذ المشروع ان شاء الله

الرفاعي
28-06-2007, 01:52 AM
الله يوفقك وتحقق مبتغاك

ملف اخضر علاقي
28-06-2007, 03:18 AM
الله يوفقك وتحقق مبتغاك

الله يسعد ايامك على الدعوه الحلوه هذي وامين يارب انا وانت وجميع السعوديين والمسلمين

بكالريوس عطالة
28-06-2007, 03:46 AM
الله يوفقك ويرزقك وينصرك على كل عدو

عموما انا كان عندي مشروع صغير عبارة عن كوفي شوب للبنات

بس قالو في كتييييييييييييييييييييييير

مقدمين على هذا الطلب

وهي اكبر كذابة

ارجع واطلب منها تعيد النظر؟؟!!

اكيد مستحيل

انا ما احب احط من نفسي لمستوى دي الاشكال...

ملف اخضر علاقي
28-06-2007, 04:18 AM
الله يوفقك ويرزقك وينصرك على كل عدو

عموما انا كان عندي مشروع صغير عبارة عن كوفي شوب للبنات

بس قالو في كتييييييييييييييييييييييير

مقدمين على هذا الطلب

وهي اكبر كذابة

ارجع واطلب منها تعيد النظر؟؟!!

اكيد مستحيل

انا ما احب احط من نفسي لمستوى دي الاشكال...
لاتشكيلي ترا ابكيلك ... على قول المثل :cry:

ياستي الدنيا فيها فرص والله ماينسى عباده

وهذا اختبار للصبر :rolleyes:

وانا صابر ان شاء الله حتى الفرج :)

بكالريوس عطالة
28-06-2007, 04:34 AM
وهو في شي يخلينا صابرين غير ثقتنا بالله؟؟!!

شاعر بلا مشاعر
28-06-2007, 07:45 AM
السلام عليكم ورحمة الله وبركاتة

اخي العزيز _ملف اخضر علاقي

اتمنى ان يتسع صدرك لما ساقوول

يا اخي العزيز ارى ان في مشروعك ابتعد كثيرا عن الواقعية...لا اخفيك بان مشروعك من المشاريع الناجحة ...ولكن ايضا من المشاريع الضخمة ..والتى غالبا ما يكوون للدولة اليد الطولى فيها...وللعلم 50 ملييوون ضخم جدا وبامكان 1000 شخص الاستفادة بمشاريع من هذا المبلغ..فلماذا بدأت من القمة التدرج زين ياخوي

انا متأكد ان خمسين ملييون يدخل فيها سوق الاسهم يجييب 100 الف خلال يوميين...ياحبيبي التجار مايدفع عشان تنافسة

وفي الاخير خليك واقعي اخي هناك الكثير من المشاريع الناجحة ولا تحتاج لرأس المال الضخم

تحياتي ونتمنى لك التوفيق

ملف اخضر علاقي
28-06-2007, 08:22 AM
اخي العزيز

انا مؤمن بالله وصدري يتسع لما تقوله انت والاخوه

بالنسبه للواقعيه انا اختلف معاك .. مشروعي واقعي جدا

لكن انا لا انكر تكلفته الباهضه

لكن انظر من الجهه الاخري

مشروع يدر ارباح تقريبا شبه ثابته ( ليست مثل الاسهم مره فوق ومره تحت ) وليس موسمي ( على تغير الظروف والايام والعطل )

ايضا فيه فرص وظيفيه كبرى لتشغيل الشباب

ايضا يساهم في سد الطلب المستمر وازمة المياه بجده والكل عارف وشايف كيف المياه عندنا بجده

يسد بأذن الله وتوفيقه رأس ماله في خلال 7-10 سنوات ( يعني احسن من العقار)

بالنسبه للتدرج

ياخي تتدرجنا الدرجان كسرت عظامنا

ياخي الكريم القطاع الخاص يمص دمك مص دون ان يعطيك حقك

واذا طالبت بحقوقك من ترقيات او زياده في الرواتب اعذارهم جاهزه

ولن تستطيع فرض ارادتك الا اذا كانو يحتاجون لك دون ان يجدو بديل

لكن المشكله انه يوجد بدل البديل الواحد 500 بديل اجانب وسعوديين وعلى سبيل المثال شوف العاطلين هنا كم عددهم وكم منهم مستعد يشتغل بنص راتبك

والحلقه مفرغه وانا اخوك

واذا وعلى فرض انه فعلا مثل ماتقول ليس واقعي

فما هو الواقعي برأيك ؟

ترك رجال الاعمال الاجانب يسرحون ويمرحون ببلدنا ؟ وترك الصناعه والمشاريع الكبرى والوطنيه بأيديهم ونجلس طول عمرنا موظفين عندهم؟

ارجوك اجبني

انتظر اجابتك

شاعر بلا مشاعر
28-06-2007, 02:30 PM
هلا باخوي _ملف اخظر علاقي

انا يوم اقوول مو واقعي اقصد ...طلبك وليس المشرووع

فمثلا ضع نفسك في موقف عبداللطيف جميل ...لو جى شخص وطلبك مشرووع بـ مليون ريال_ولا يملك في رصيدة اكثر 50 الف ريال ...بالله عليك وش يضمن لك رأس المال...

وبمعنى اخر ...لو كان في رصيدك من الخبرات ما يكفي او قمت بعمل مشاريع سابقة وتملك سجل من النجاح ..وعندك من الضمانات كعقار او محلات او ورش ... كان طلبك على الاقل سووف ينظر اليه بعين الرضى فهمت على اخوي

صدقني اخوي محد يقفز على طوول...كلنا نملك الطموح ...وانا لو اعرف من يقرضنى خمسين مليوون..بسوي مصنع طائرات

ولعلمك حتى لو مشروعك ناجح ..فهناك من سيسرق الفكرة..

شف لك مشرووع طيب يا اخي والله الخير واجد...وكل(ن) يمد رجلية على قد لحافة

واذا العاطل يبي يفتح مصنع ...اجل المهندس وش يفتح



وترى يمدحوون صندوق المئوية


تحياتي

"عبدالعزيز"
28-06-2007, 04:05 PM
واااااااااحد يماني اجنبي

وش تنتظر منه يعني من جدك راح يهتم في المواطن السعودي

خلها على ربك الشرهه مو عليه على اللي عطاه الجنسيه

جرحي عميق
28-06-2007, 04:38 PM
راحت على السعوديين ..

رجال الاعمال الاجانب سيطروا على السوق ...

وما خلوا للسعودي فرصة ...

كل ما يفكر بمشروع ... على طول يحبط ...

الله يرزقك يا خوي .. ويشرح لك صدرك .. وييسر امرك ..

ملك العاطلين
28-06-2007, 08:27 PM
علطول بملفك العلاقي من موضف لمصنع

الظاهر اخو وزير الصناعه على غفله :p

أدري بتستهتر على مشروعي الصغير وتقول وش ذالاهبل نقول بالملايين ويطامر بالطفاس

المشروع يالحبيب هو في نفس المجال تحلية مياه او تنقية مياه او مياه صحيه المهم مويه لو ما عجبتك بعبي لك برميل مويه واغطس راسك فيه لين تقتنع غصب :mad:

إحنا ما ذبحنا الا الاحلام والدنيا مبسوطه قدامنا وتقول هلموا ونحلم في الخياليات ونبي نوصل للمليارات قبل ما نملك الملايين هذا اذا ملكنا الالوفات اصلا :eek:

يمكن ربي منعم عليك بس برضوا الطمع والمجازفه تغلب عليك وتفضل القفز على المشي الله يصلحك واذا تميت على الطريقه هذي بجي وامسك ملفك العلاقي واشلعه واخذ عجرى افقع فيها جبهتك واريحك من الاحلام الي عشعشت في راسك :mad:

المشروع بدايته يالحبيب بـ 50 الف تزيد عليها 50 وتحطها فجيبي او تنقص 50 وتجلس بلا مشروع :p

بتقول وش علاقه المشروع ابو 50 في التحليه والمصانع والملايين اقولك تعال انت يبيلك دبج الظاهر مانفعت العجرى :mad:


مشروع ابو 50 هو عباره عن توزيع المياه الصحيه للمحلات التجاريه بتقول شلون وانا ما بعد سويت المصنع والمحلات متعاقده مع شركات ويبيلها شغله طويله عريضه اقول اصبر وانا اقولك لا تستعجل علي الدنيا مو شرم برم او عصى سحريه او احلام تتحقق في ثواني راح اجزء لك المشروع خطوه خطوه

في البدايه راح اتكلم لك عن امثله من الامثله المعموله كروتين ماشين عليه الناس فما تجي تحط المويه في طيارات رش المبيد الحشري وتخترع من راسك والطريقه موجوده ومعروفه وهذي تقدر تقول تشبه دورة الحياه للماء بحر سحاب بر بحر ما ينفع نقول حجر تمساح ضفدع حجر معلوم صديق فما تطبق مشروع التحليه فيها او تربطه فيها الان لانك حاليا بتكون معزول عنها ومواجه العميل كوسيط

فمثلا عندك مياه (؟؟؟؟؟؟؟؟؟؟) وانا كنت شغال فيها كمندوب مبيعات وما احب اذكر الاسم حتى ما يتم القاء القبض علي بتهمة العمل في شركه تعمل في انتاج السلاح النووي تحت غطاء صناعة المويه :d ايه هين .. المهم ان الشركه هذي كانت بدايتها قبل اكثر من عشرين سنه كانت عباره عن محل بيع المويه وعطاها صاحبها لاخونا في الله واستثمرها وفتح له ربي الرزق وصار يمتلك اكبر مصنع في السعوديه لتحلية المويه وكانت سياسته الحقيقيه باديه من قرابة 15 سنه ومن الشباب الي كانو شغالين في بداياتها واحد تقدر تتفق معاه لايصالك لصاحب الشركه وابرام اتفاقيه معاهم على مدى طويل

المهم ان سياستها كانت تعتمد على الموزعين فكان والدهم يعطي النسبه المؤويه للموزع واحب اقولك كذا عشان ما تقول يخترع من راسه :mad:

ابوهم كان يعطي نص ريال على كل كرتون ينباع فكانت المبيعات قويه لحد يوصل فيه المندوب راتبه لفوق 15 الف لان المبيعات عنده توصل لفوق الثلاثين الف كرتون اوقات الذروه

فخلف من بعدهم خلف اضاعوا الصلوات واتبعوا الشهورات

وجو ابنائه من بعده ونزلوا النسبه للكرتون من نص ريال لربع ريال وبشكل تلقائي نزلت المبيعات لحد اعلى 8 الاف كرتون في الشهر لافضل مندوب واي مندوب يرتفع راتبه يتم الخصم منه بسبب سياسة ممنوع وضع رواتب للمناديب توصل في الغالب لافضل من رواتب المدرى في الفروع وهذا بسبب سياسة البربره والاقناع زي مانا قاعد اقنعك الحين كيف تتخلى عن مشروعك الجبار وتلجأ لمشروع ابو 50 :yaa:

المطلوب منك هو ابرام اتفاقيه مع شركة مويه باسعار ما تتجاوز نص سعر الكرتون للبيع على المحلات عشان تقدر تشتغل وانت مرتاح من البدايه وتحقق رواتب عاليه لمناديبك وتحقق ارباح عاليه لك بسبب حماس الي بيشتغلون معك واياك والطمع المهلك لك قبل غيرك فانت بادي بـ 50 الف لو بديت فيها ببوفيه وخسرت ممكن تبطل عمل البوفيات لكن هذي اربحاها توازي 100 بوفيه لك لحالك عوض عن الموضفين الي معاك والي من شغلهم وتشغيلك لهم يدرون على انفسهم ارباح تخليهم اكثر حرص منك على ايجاد عملا وعلى البيع باكبر كميه ممكنه

في العاده ان البيع للمحلات يكون بسعر يتراوح من 9 الى 10 ريال بحسب المنافسه واذكر ان عملا كانوا عندنا من العملا المكشوفين يتم البيع لهم بـ 6 ريال وفي عملا مو مكشوفين يعني مو مسموح الاطلاع على الاسعار وانت بكل تأكيد بتسعى حتى تخبي عقدك مع عقودهم المخفيه

الادوات الي تحتاجها هي الاتفاقيه الي تبرمها والاوراق والتراخيص لتشغيل نشاطك بشكل رسمي

مستودع تخزين خاص فيك بحيث تتجنب التأخير او المشاكل وتكون عميل رسمي بعقودك ومركزك بحيث يكون مستودع عباره عن هنقر زي المعمول في الشركات بالضبط

فقط 10 دينات كتشغيل مبدئي تاخذهم باجار شهري ما يتجاوز 20 الف ولو قدرت تأخذ تصريح من الشركه الرسميه بوضع شعارها على ديناتك

موضفين من هنا من المنتدى وراح اعطيك النسبه الي تخلي الشباب يحجزون 9 مقاعد معي وما راح ابخل على نفسي ولا عليهم

النسب كالتالي وحاطهم من فرق العقد والبيع على المحلات

1 ريال تشغيل وصيانه واجارات
1 ريال راتب ونسبه للموضف من كل كرتون يبيعه
1 ريال فروقات المنافسه في الشتاء والصيف
2 ريال صافي ارباح للشركه

انا اشتغلت في الشركه 6 شهور وتخطيت حاجز 15 الف كرتون في الشهر وفي فصل الشتاء وكنت استلم بعد الخصومات راتب ما يتجاوز 2400 ريال وكانت النسبه لي 10 هللات لاني سعودي واتحدى اي سعودي في الشركه الي كنت اشتغل فيها يتجاوز 10 هللات نسبه اما الاجانب اتحدى عامل ياخذ اقل من 15 هلله على الكرتون اما المناديب الي زينا واجانب فنسبهم 25 هلله وانت لو منحت 1 ريال للمناديب راح اكتب معك عقد طويل بشرط يكونوا الشباب من المنتدى هنا ويوقعون معاك على نفس الاتفاقيه الي موقعينها جميع حتى نظمن رواتب حلوه لنا وتظمن شغل احلى منا وان شاء الله اقل راتب شهري لكل واحد ما ينزل عن 15 الف وان شاء الله اقل ربح شهري لك ما ينزل عن 150 الف اذا حقق كل واحد مننا 500 كرتون في اليوم يعني له 500 ولل التشغيل 500 ولك 1000 وهكذا من كل واحد

نجي لمرحلة البدايه وين تكون البدايه وهذي عرضتها على الشركه الي كنت فيها ولقيت صعوبه في الاستيعاب لدرجة ان نصحني مديري ان ما اتعب نفسي معهم

كانت الشركه الظخمه تمتلك مستودع واحد في شرق الرياض وتخيل شركه عملاقه مالها الا مستودع واحد مع كثافه سكانيه تجاوزت 6 مليون وحسبت مبيعاتها الضخمه لقيتها توفر معدل 12 ملي لتر للنفر على النسبه السكانيه يعني ولا حق ملعقه فعرضت عليهم فتح فروع معاكسه للتيار وفروع كماشه تطبق على المدينه في وقت اسرع بحيث يكون فروع فرعيه للفرع الشرقي في الغرب والشمال والجنوب وقابلوا فكرتي بالمماطله :eek:

فانت بتكون بدايتك عكس التيار للمستودعات عشان تكسب الوقت في مساحه كبيره تشتكي من التأخير وتفتح لنفسك مجال للدخول السريع في وقت اسرع وتوفر عليك البحث لوقت اطول وتوفر الزحام على مناديبك

فكر في العرض ابو 50 الف الي ارباحه الشهريه 150 الف وقارن الواقع بالخيال

جوررري
28-06-2007, 09:49 PM
ربي يسعد قلبك باخبار تسرك,,,ويرزقك ربي لما يحبه ويرضااه لك....

محمد ال راجح
28-06-2007, 11:58 PM
المشروع ما ينجح بدون جد واجتهاد الله يوفق الجميع

نازك
29-06-2007, 12:19 AM
السلام عليكم ورحمة الله وبركاته
مشروع أكثر من ممتاز ... ويبدو أنك صاحب حجة قوية وتعرف ماذا تريد وصاحب تخصص وخبره ... أقبل المغامره ولا تستسلم من أول عقبه
أمضي في طريقك والله يوفقك يارب
دعائي لك بالتوفيق بإذن الله
لا تستسلم لا تستسلم حاول وسوف تصل

H 2
29-06-2007, 04:57 AM
علطول بملفك العلاقي من موضف لمصنع



الظاهر اخو وزير الصناعه على غفله :p

أدري بتستهتر على مشروعي الصغير وتقول وش ذالاهبل نقول بالملايين ويطامر بالطفاس

المشروع يالحبيب هو في نفس المجال تحلية مياه او تنقية مياه او مياه صحيه المهم مويه لو ما عجبتك بعبي لك برميل مويه واغطس راسك فيه لين تقتنع غصب :mad:

إحنا ما ذبحنا الا الاحلام والدنيا مبسوطه قدامنا وتقول هلموا ونحلم في الخياليات ونبي نوصل للمليارات قبل ما نملك الملايين هذا اذا ملكنا الالوفات اصلا :eek:

يمكن ربي منعم عليك بس برضوا الطمع والمجازفه تغلب عليك وتفضل القفز على المشي الله يصلحك واذا تميت على الطريقه هذي بجي وامسك ملفك العلاقي واشلعه واخذ عجرى افقع فيها جبهتك واريحك من الاحلام الي عشعشت في راسك :mad:

المشروع بدايته يالحبيب بـ 50 الف تزيد عليها 50 وتحطها فجيبي او تنقص 50 وتجلس بلا مشروع :p

بتقول وش علاقه المشروع ابو 50 في التحليه والمصانع والملايين اقولك تعال انت يبيلك دبج الظاهر مانفعت العجرى :mad:


مشروع ابو 50 هو عباره عن توزيع المياه الصحيه للمحلات التجاريه بتقول شلون وانا ما بعد سويت المصنع والمحلات متعاقده مع شركات ويبيلها شغله طويله عريضه اقول اصبر وانا اقولك لا تستعجل علي الدنيا مو شرم برم او عصى سحريه او احلام تتحقق في ثواني راح اجزء لك المشروع خطوه خطوه

في البدايه راح اتكلم لك عن امثله من الامثله المعموله كروتين ماشين عليه الناس فما تجي تحط المويه في طيارات رش المبيد الحشري وتخترع من راسك والطريقه موجوده ومعروفه وهذي تقدر تقول تشبه دورة الحياه للماء بحر سحاب بر بحر ما ينفع نقول حجر تمساح ضفدع حجر معلوم صديق فما تطبق مشروع التحليه فيها او تربطه فيها الان لانك حاليا بتكون معزول عنها ومواجه العميل كوسيط

فمثلا عندك مياه (؟؟؟؟؟؟؟؟؟؟) وانا كنت شغال فيها كمندوب مبيعات وما احب اذكر الاسم حتى ما يتم القاء القبض علي بتهمة العمل في شركه تعمل في انتاج السلاح النووي تحت غطاء صناعة المويه :d ايه هين .. المهم ان الشركه هذي كانت بدايتها قبل اكثر من عشرين سنه كانت عباره عن محل بيع المويه وعطاها صاحبها لاخونا في الله واستثمرها وفتح له ربي الرزق وصار يمتلك اكبر مصنع في السعوديه لتحلية المويه وكانت سياسته الحقيقيه باديه من قرابة 15 سنه ومن الشباب الي كانو شغالين في بداياتها واحد تقدر تتفق معاه لايصالك لصاحب الشركه وابرام اتفاقيه معاهم على مدى طويل

المهم ان سياستها كانت تعتمد على الموزعين فكان والدهم يعطي النسبه المؤويه للموزع واحب اقولك كذا عشان ما تقول يخترع من راسه :mad:

ابوهم كان يعطي نص ريال على كل كرتون ينباع فكانت المبيعات قويه لحد يوصل فيه المندوب راتبه لفوق 15 الف لان المبيعات عنده توصل لفوق الثلاثين الف كرتون اوقات الذروه

فخلف من بعدهم خلف اضاعوا الصلوات واتبعوا الشهورات

وجو ابنائه من بعده ونزلوا النسبه للكرتون من نص ريال لربع ريال وبشكل تلقائي نزلت المبيعات لحد اعلى 8 الاف كرتون في الشهر لافضل مندوب واي مندوب يرتفع راتبه يتم الخصم منه بسبب سياسة ممنوع وضع رواتب للمناديب توصل في الغالب لافضل من رواتب المدرى في الفروع وهذا بسبب سياسة البربره والاقناع زي مانا قاعد اقنعك الحين كيف تتخلى عن مشروعك الجبار وتلجأ لمشروع ابو 50 :yaa:

المطلوب منك هو ابرام اتفاقيه مع شركة مويه باسعار ما تتجاوز نص سعر الكرتون للبيع على المحلات عشان تقدر تشتغل وانت مرتاح من البدايه وتحقق رواتب عاليه لمناديبك وتحقق ارباح عاليه لك بسبب حماس الي بيشتغلون معك واياك والطمع المهلك لك قبل غيرك فانت بادي بـ 50 الف لو بديت فيها ببوفيه وخسرت ممكن تبطل عمل البوفيات لكن هذي اربحاها توازي 100 بوفيه لك لحالك عوض عن الموضفين الي معاك والي من شغلهم وتشغيلك لهم يدرون على انفسهم ارباح تخليهم اكثر حرص منك على ايجاد عملا وعلى البيع باكبر كميه ممكنه

في العاده ان البيع للمحلات يكون بسعر يتراوح من 9 الى 10 ريال بحسب المنافسه واذكر ان عملا كانوا عندنا من العملا المكشوفين يتم البيع لهم بـ 6 ريال وفي عملا مو مكشوفين يعني مو مسموح الاطلاع على الاسعار وانت بكل تأكيد بتسعى حتى تخبي عقدك مع عقودهم المخفيه

الادوات الي تحتاجها هي الاتفاقيه الي تبرمها والاوراق والتراخيص لتشغيل نشاطك بشكل رسمي

مستودع تخزين خاص فيك بحيث تتجنب التأخير او المشاكل وتكون عميل رسمي بعقودك ومركزك بحيث يكون مستودع عباره عن هنقر زي المعمول في الشركات بالضبط

فقط 10 دينات كتشغيل مبدئي تاخذهم باجار شهري ما يتجاوز 20 الف ولو قدرت تأخذ تصريح من الشركه الرسميه بوضع شعارها على ديناتك

موضفين من هنا من المنتدى وراح اعطيك النسبه الي تخلي الشباب يحجزون 9 مقاعد معي وما راح ابخل على نفسي ولا عليهم

النسب كالتالي وحاطهم من فرق العقد والبيع على المحلات

1 ريال تشغيل وصيانه واجارات
1 ريال راتب ونسبه للموضف من كل كرتون يبيعه
1 ريال فروقات المنافسه في الشتاء والصيف
2 ريال صافي ارباح للشركه

انا اشتغلت في الشركه 6 شهور وتخطيت حاجز 15 الف كرتون في الشهر وفي فصل الشتاء وكنت استلم بعد الخصومات راتب ما يتجاوز 2400 ريال وكانت النسبه لي 10 هللات لاني سعودي واتحدى اي سعودي في الشركه الي كنت اشتغل فيها يتجاوز 10 هللات نسبه اما الاجانب اتحدى عامل ياخذ اقل من 15 هلله على الكرتون اما المناديب الي زينا واجانب فنسبهم 25 هلله وانت لو منحت 1 ريال للمناديب راح اكتب معك عقد طويل بشرط يكونوا الشباب من المنتدى هنا ويوقعون معاك على نفس الاتفاقيه الي موقعينها جميع حتى نظمن رواتب حلوه لنا وتظمن شغل احلى منا وان شاء الله اقل راتب شهري لكل واحد ما ينزل عن 15 الف وان شاء الله اقل ربح شهري لك ما ينزل عن 150 الف اذا حقق كل واحد مننا 500 كرتون في اليوم يعني له 500 ولل التشغيل 500 ولك 1000 وهكذا من كل واحد

نجي لمرحلة البدايه وين تكون البدايه وهذي عرضتها على الشركه الي كنت فيها ولقيت صعوبه في الاستيعاب لدرجة ان نصحني مديري ان ما اتعب نفسي معهم

كانت الشركه الظخمه تمتلك مستودع واحد في شرق الرياض وتخيل شركه عملاقه مالها الا مستودع واحد مع كثافه سكانيه تجاوزت 6 مليون وحسبت مبيعاتها الضخمه لقيتها توفر معدل 12 ملي لتر للنفر على النسبه السكانيه يعني ولا حق ملعقه فعرضت عليهم فتح فروع معاكسه للتيار وفروع كماشه تطبق على المدينه في وقت اسرع بحيث يكون فروع فرعيه للفرع الشرقي في الغرب والشمال والجنوب وقابلوا فكرتي بالمماطله :eek:

فانت بتكون بدايتك عكس التيار للمستودعات عشان تكسب الوقت في مساحه كبيره تشتكي من التأخير وتفتح لنفسك مجال للدخول السريع في وقت اسرع وتوفر عليك البحث لوقت اطول وتوفر الزحام على مناديبك

فكر في العرض ابو 50 الف الي ارباحه الشهريه 150 الف وقارن الواقع بالخيال




كلامك عين العقل .. وطريق الالف ميل يبداء بخطوة
والله كلامك ,,,, حمسني :p

لدي بعض الاستفسارات وهي سعر المياة عند كتابة العقد تدفعها مقدما او بعد ماتبيع الكمية الى اخذتها مثلا اخذت 20 او 40 الف كرتون او اكثر هل ادفعها كاش للمصنع او اجل , يعني بعد بيع الكمية ؟

بالنسبة للمستودع والسيارات ماهو السعر المتوقع لإستيجارهم ؟

كم التكلفة الكلية للمشروع ؟

انتظر اجابتك

ملف اخضر علاقي
29-06-2007, 05:42 AM
نرجع لنفس النقطه

احلام ...... غير واقعيه........مغامره ........الخ

ياناس اقرأو ماكتبت قبل الرد علي

اقرأو ارجوكم فقد شرحت شرح مفصل ..... ولا داعي لأعادة الشرح

النقطة الثانيه

مشروع التوزيع

نعم اخوي مشروع التوزيع ممتاز لكن

كل الشركات لديها قسم ( تسويق ) وعندها بدل الخمس دينات 60 و70 دينه بس لمدينه جده
وعندها 11-20 تريلا نقل للمحافظات الاخري

ولعلمك فيه شركتين تصدر مياه للخارج ....... هل تعلم؟... للكويت والاردن والبحرين

تعرف ليه ؟

مو عشان السوق متشبع لالالالالالالالالالا

السوق محتاج جدا بس يبيعونها هناك بسعر اغلى

ارجع لأخوي شاعر

للمره الخامسه اقلك ياخي اانا مابي قرض

انا ابغى مشاركه ( عشان يضمن حقه واضمن حقي ) بمعنى ما اقدر اتصرف في الاصول .. فقط نسبه من الارباح........... وصلت النقطه ؟؟؟؟

وارجع واقولك اقرأ ماكتبت سابقا ستجد مايجيب على جميع تسأؤلاتك وشوف هل انا حالم ام واقعي

ملاحظه : عرفت واحد اردني اول امس بيسوي مصنع ادويه وماعنده ماعند جدتي لاهو دكتور ولا متخصص لكن وجد سعودي يمشيله اوراقه في البنك الصناعي ولقيله واحد يشاركه بمبلغ 2 مليون ريال ( ايضا سعودي) عشان ياخذون قرض من البنك الصناعي في ينبع ( بعيني شايف الاوراق )

لكن اذا سعودي يبي يسوي مصنع ومتخصص وعنده شهاده وووووووووو الخ .......... لالالالالالالاياخي واش الاحلام هذي وخلك واقعي تبي تقفز على طول .... هههههههههههههههه والله صح عدو السعودي اخوه السعودي

H 2
29-06-2007, 11:03 PM
ملف علاقي ...
اخي الكريم .. انا اوافق كل الكلام الى انقال في ردود الاخوان سابقا لك ..
تدري ليش
لانه مستحيل في الوقت الحاضر ناس او شركة او تاجر او الدولة تعطيك اي قرض وانت لا تملك حتى مليون واحد
كانت الدولة في السابق تدعم المشاريع الصناعية بشكل قوي اما الان فصار فيه تشبع وابواب للتمويل وشروط للتمويل

مع الاخوان حق لما يقولون هذا خيال . انا واعتقد اغلب الاعضاء لديهم مشاريع وسوو عليها دراسة خيالية بمقارنه ببعض المشاريع القائمة , وكانت الربحية مليارات ليست ملايين , بس لما نفكر براس مال المشروع نتوقف ونفكر بان نبداء بمشروع صغير ثم يتدرج الى الاكبر والى الاكبر , وليس شرط ان يكون مشروع التدرج بنفس المشروع الحلم الكبير , لا . اي مشروع صغير يدر عليك ارباح ومع الوقت بيكبر المشروع وبارباحه تستطيع ان تفتح مشروعك الحلم ,
اخي ملف خمسين مليون لو ابوك مليردير وقلت له ابي منك خمسين مليون بسوي مشروع صدقني ماراح يعطيك ريال واحد خلنا واقعين , بس الانسان الناجح يعتمد على نفسة اذا تسكرت بوجهه الابواب يببداء مشروع صغير ومع الوقت بيكبر وسو فروع لمشروعك ,
تقول اخوي لديك محل انترنت , حاول تفتح فرع ثاني وتضع امامك اربعة اهداف تسير عليها عند فتحك للفروع او حتى في محلك الذي تقول .
1- سرعة الاتصال (حاول تاخذ اتصال جيد وبدون تقطيع او بطى)
2-التكيف في المحل ينبغي ان يكون جيدا
3-النظافة وتوظيف الموظف الجيد سواء سعودي او غيره حسن الخلق وابتعد عن العمالة البقلاديشية حتى لو عامل نظافة ( اقذر خلق الله )
4- السعر ليكون من 3 ريال الى 7 ريال حسب المكان والسوق . وترى اخر شي يفكر فيه مرتادي مقاهي النت السعر اهم شي الاتصال والتكييف

ومع الوقت افتح فروع وصدقني ثلاث الى اربع سنوات بتجمع 5 ملايين وحسب مافهمت من كلامك ان صندوق التنمية الصناعي شارط 10% من راس مال المشروع وقدم عليهم وبالتوفيق بلا منت عبداللطيف وغيره وانا ياخي اعرف واحد كان شغال في بوظيفة حكومية بالرياض
انا اعرفة شخصيا وبينا قرابة ووظف ناس كثير سواء في شركته او شركات له فيها نسبة , كان موظف على مرتبة .كان لدية افكار وحلام , قريبة منك من ضمنها كان يفكر انه يسوي اول ناطحة سحاب بالسعودية كان كلامة الحلم في عام 94او 94 كنت انا لما ينقلون كلامه لى اخوانه او غيرهم اضحك اقول وين الناطحة لو سهله كان بناها الراجحي وغيره ومع الوقت فتح محطة بنزين صغيرة . وكانت على خط بري وكان وقت الربيع تصير المحطة فل يعني البنزين بس يعبية اليوم بعد 20 ساعة يخلص كان موسمها اربع شهور كان هو موظف صغير مثل ماقلت لك , كانت اللمحطة تدخل عليه بس اربع شهور وباقي الموسم كان يشتغل فيها بس موظفين ثنين واحد بنزين وواحد عامل بقالة , اذكر اني اكثر من مره جيته وهو يشتغل فيها كان ياخذ اجازة في وقت الذروة بإجازة الربيع وبعد ماتنتهي الاجازة ياتي في بعد الدوام فكان يعمل معه فوق 10 موظفين في وقت الربيع اتوقع انه يدخل باليوم 20 الف ويمكن شوي 20 الف 0 مع انك لو تجي المحطه في وقت الصيف تقول لو بريال ماشريتها , الرجال بدى مشروعة فقط 60 الف ريال الى المحطة مع الوقت جمع وفتح محطة ثانية بالرياض وبعدها فتح محطة ثالثة ورابعة وخامسة ومع الوقت كون ثروة واستقال من وظيفته حاول يسوي له برج بالرياض وصار فيه بعض المشاكل على الترخيص , طلع للامارات بالشرقة تحديدا واشتري له ارض وبحث عن شركة او بنك تبنيها له وتستثمرها لمدة سبع الى ثمان سنوات وهو الى خططها وسوى كل شي اتوقع شراها الارض في حدود 20 مليون بس كلها من ماله الخاص من كرف حدود 8 سنوات وهو يشتغل وكان يعمل هو بعض الايام في محطاته , المهم الرجل بنى برج في 42 دور وبني ثاني والحين يفكر يسوي برج بدبي والرجال الحين اصبح مليردير ووظف ناس من ربعنا وعيال عمه بشركات سعودية واماراتيه والحين هو عايش بين الامارات والسعودية .. انا حاط هالرجل مثالي الاول تدري ليش لانه اعتمد على نفسة كان موظف بسيط واخذ قرض مارح شري بيت او سيارة اشتري محطة لو تشوفها قلت والله لو بريال ما اشتريها ومع الوقت سوى فروع الين وصل الى حلمة انه يبني ناطحة ولا بني ناطحة على طول بنى ابراج والحين اتوقع يملك ثنين الى ثلاثة ابراج والواحد يسوي 110 مليون يعني الان اتوقع يملك ثلث ملياااااااااار بيودع المليونيرية وفي طريقة الى المليرديرية .. بس مسئلة وقت

تخيل ياخي انه عمل مثل طريقتك وارسل برقية الى الراجحي او الى عبد اللطيف . وقال له مثلا عبداللطيف او غيره وش مشروعك قال والله ابي ابني ناطحة والمشروع وكذى وكذى وبنسوي كذى وبنحط كذى وعندي دراسة وعندي كذى وكذى هل تتوقع اخي ملف بيقولون له على الرحب والسعة بنشتري لك الارض وبنبنيها لك ونئثثها وبنسوي لك كل شي !!
لا لا لا لالالا ماراح اصلا يكملون معه المكالمة
لكن الرجال صمم وبدى مشروعة بمحطة بترول صغيرة جدا بعاملين وفي 9 سنوات تحقق حلمة امل ان تكون هذه القصة تفيدك .وتفيدني وتفيد جميع الاعضاء
انا شخصيا لدي مشاريع خيالية صدقني بعض الايام ماقدر انام من الافكار والمشاريع بس لما اتذكر ان مافي مادة اتوقف وافكر ببداية الخطوة من الصفر وليس من الالف
ابداء مشروعك بشي صغير ومع الوقت بيكبر . وبتقدر تحقق حلمك , وخصوصا ان مشروك ان شاء الله ناجح في تصورة الاولي وبالتوفيق

امل ان تكون الفكرة وصلت ...

ملك العاطلين
29-06-2007, 11:26 PM
كلامك عين العقل .. وطريق الالف ميل يبداء بخطوة

والله كلامك ,,,, حمسني :p

لدي بعض الاستفسارات وهي سعر المياة عند كتابة العقد تدفعها مقدما او بعد ماتبيع الكمية الى اخذتها مثلا اخذت 20 او 40 الف كرتون او اكثر هل ادفعها كاش للمصنع او اجل , يعني بعد بيع الكمية ؟

بالنسبة للمستودع والسيارات ماهو السعر المتوقع لإستيجارهم ؟

كم التكلفة الكلية للمشروع ؟


انتظر اجابتك


أوكيه يا حبيبي

يقولك الحماس الي يجي بسرعه يطير بسرعه ولو تأثرت بالكلام ماراح اضمن استمرار تأثرك أكثر من تجاوزك لقراءة الرد الي بعده :Looking:

في العاده يكون في دينة التوزيع مندوب إذا كان يوزع للمحلات بكميات بسيطه يكون معاه مساعد يشيل ويحط وهو مهتم في الفوتره وانا اشتغلت مندوب ولقيت ان الفوتره ما تاخذ فترة كتابه اكثر من 30 ثانيه وجربت انزل اكثر من 300 كرتون للعميل الواحد والعامل نفس الشي ولقيت انها تعطي نشاط وتعطي وقت اكبر يمكن من العوده للمستودع والتحميل لعميل جديد ويعطي برضو مجال للتعاقد مع عميل جديد يعني ايام نوصل لحوالي 2400 كرتون وايام ما نوصل حتى 400 كرتون بسبب الاكتفاء او الطلب والحمد لله استلمت عملا من الاجنبي الي قبلي عددهم 32عميل وسلمت للي بعدي 148 عميل واستلمت منه في الصيف مبيعات اخر شهر 3600 كرتون وسلمت للي بعدي في الشتا أخر شهر 14300 كرتون واذا حماسك جاد اقدر اوصلك للي كان مديري في الشركه وهو بدوره يوصلك لصاحب الشركه ويسوي وياك معاه عقد بطريقه تخليك اخر ما تفكر فيه دفعة العقد

الشغله الثانيه وهي المحاسبه يا انك تستلمها وتصير زي الاطرش في الزفه لشغلك برى او تستلم لك دينه وتشيل على كتوفك بالثلاث والاربع كراتين عشان تميز بين حساب الوقت من على المكتب وحسابه على ارض الواقع وعشان تعمل رابط ثقافي بينك وبين مناديبك مع الوقت عشان ما ارتكب فيك جريمه بسبب اقناعك بالفكره وتتورط في شغله كلها احلام زي اخونا ملف علاقي

إذا لك نفس في الشغله ومتحمس من جد ثق بان في الامكان مع الايام انك تطق اخر مسمار في مصنعك وما بعد طق اول مسمار في مصنعه الضخم

السعوديين خبزة يدي واذا شفت الواحد يترك المضمون ويطامر للاحلام فادع عليه بالسلام والي ما يبني من القاعده ما يبني السقف ولو جرب يبنيه وقع على راسه قبل يكمله

مديري في الشغل دخلته في مشروع ما يحلم فيه جني الفانوس السحري الازرق وقلت له عندي لك مشروع قال وش مشروعك اليوم فاخذت علبة المويه وحطيت جنبها علبة عصير وقلت حط بجنبهم فواكه وخضروات ولحوم وبع لعملا الشركه المويه وبع مع المويه الي تضيفه شركتك واضرب عصفورين بحجر عملا جاهزين يكونوا لك شركه وشغل شركته ولا نافس الشركه الي هو فيها

انا حطيت المويه كبديل لمشروع الاخ الي لف الدنيا وحط اللوم على ابو جميل وتناسى نفسه :eek: تبي مويه رح بلط البحر :d انا لقيت شريك وبنسوي المشروع حقنا الي بجرد به فيه بعدين :Looking:

اذا كانت قناعتك مبنيه على كلام في ورق فطبق القناعه على ارض الواقع وخل بدايتها مجانيه ودايم ابي احط الاختبارات المجانيه حتى ما تكون مكلفه ولا تكون مقنعه للي ما يريد فاول شي جرب الشارع الي انت فيه وادخل على البقايل والمحلات الي تطلب السلعه الي في راسك وتفاوض معها وكان شركتك قائمه وتلبي اي طلب موجود في محله ولا تاخذ معك ورقه وقلم حتى ما تسبب لك شوشره خذ معك عقلك ولسانك ودون في مذكرة راسك المطلوب واذا عندك تجربه في سلعه سابقه ومتوفره في محلات كثيره في شارعكم جرب عليها اختبارك وشف المحلات كم تطلب منك في الشهر

بعد مارجعت لبيتك تولدت لك قناعه ان شارعي عطاني نسبة 100% ايجاب ورفض بسبب تعاملي معهم المسبق والشوارع الابعد بتنزل نسبتها لقلة الخبره اذا كانت مقاربه للشارع او تزيد اذا كانت اضعاف شارعي لكن مع خبرة تعامل اقل وتعامل الشركه الجديده الي يقول اخونا شركات منافسه وشكله مقتنع ان الشركات 100% اسمها شركات مثل الي مرسوم في راسه واقصد كخدمة شركات ترضي العميل من كل الجوانب

كأساسيات انت محتاج نسخه كربون لشركه مصغره وحتى تجبر الي معك ان يمنحك قوة دعم لازم تمنحه قوة دعم تخليك توصل لبر الامان

بالنسبه لادوات الشغل فهي بضاعه + عمال ومناديب + مستودع + دينات + عملا + اداره

فالبضاعه بقدر الامكان تحاول انها توصل لمستودعك باقل التكاليف الممكنه

والعمال والمناديب تجلبهم من كوكب زحل لان الارض صعب تلاقي فيها

اما المستودع اذا تورطت ما لقيت مستودع واش اقول عنك تبي تشتغل بتحطهم ان شاء الله في استراحه هذا اذا ناوي تشتغل كبدايه ولو افضل لك تبدى بشكل رسمي وغير مكلف لانه مستودع يعني مجرد اربع جوانب وارض وسقف تبي اشرح اكثر :d

بالنسبه للدينات يقولك العريس هو والعروسه اول ما يبدون حياتهم الزوجيه تلاقيهم ينعمون ويمكيجون وما يبون تطلع ولا زله ومع الايام تطلع كروشهم عادي فهذي هي الدينات تبدى بدينات مصفره او تبدى بدنيات ما تسمع الا طربقتها وهي تتنقل في الشوارع فالاهم مو الطربقه ولا الصفر الاهم هو البضاعه الي توصل للعميل فالدينات تلاقيها بحدود 1800 ريال شهريا وممكن تكتب عقد طويل ومجموعة دينات باقل وهذا بالنسبه للدينات الجديده اما المستعمله فهي توصل لحدود 6 الاف عند البعض يعني الدعوه مزاج :eek:

ونجي لمسألة العملا فانصحك انك ما تدور للعملا ولا تقرب حولهم عشان تجي باكر وتقول زي اخونا ملف علاقي شركات منافسه ماليه البلد وداخلين بدينات 70 دينه وازود اوكيه يا حبيبي اعتبر ان من كل شركه تعطل دينه لعيون اخونا الي بيدخل بعشر دينات واقصد بتعطل ان مناديبه عطلوها بنشروها بس مو مبنشرين الكفر الا مبنشرينها بتعاملهم مع العملا فتطمن دام الدعوه مافيها شركة كهرب او اتصالات فالمجال مفتوح والمنافسه متاحه وانا اشوف ان العميل زي الـ ؟؟؟؟ كل شوي مع موزع جديد فتطمن خبزت يدي ومو خبزة احلامك

بالنسبه للاداره تقدر تسوي محاسبه للفواتير وواحد او اثنين يكونو خاصين في ادخال عملا جدد وتختصر الاداره او تقدر تحط مية موضف دراسة خطط واستشارات وخنبقه منت محتاجها كبدايه

بالنسبه للتكاليف ما اقدر اقولك يمكن تكون في الربع الخالي واحسب لك تكاليف ما تتناسب مع الربع الخالي ويمكن تبي تكون الشركه عملاقه فانصحك بمشاركة ملف اخضر

ملف اخضر علاقي
30-06-2007, 05:16 AM
اعيد واقولك ياخي راجع انا وش كاتب

لانه مستحيل في الوقت الحاضر ناس او شركة او تاجر او الدولة تعطيك اي قرض وانت لا تملك حتى مليون واحد
كانت الدولة في السابق تدعم المشاريع الصناعية بشكل قوي اما الان فصار فيه تشبع وابواب للتمويل وشروط للتمويل


قرض مانبي ياجماعه ... ما ادري ليه موضوعي صعب الفهم ؟؟؟

اقراو ماكتبت بحذر يا اخوان !@#$%^&*

انا حطيت المويه كبديل لمشروع الاخ الي لف الدنيا وحط اللوم على ابو جميل وتناسى نفسه :eek: تبي مويه رح بلط البحر :d انا لقيت شريك وبنسوي المشروع حقنا الي بجرد به فيه بعدين :Looking:

الله يسامحك ياخي

الموضوع جاد وانت تمزح ؟؟؟؟

واي لوم على ابو جميل تقصده ؟؟؟

انا ماطلبت الا مقابلته فقط وكان بأمكانه الاعتذار بشكل محترم

وعلى العموم انا ان شاء الله لازلت اعتقد انه مشروع قابل للتنفيذ ويحتاج الى مستثمر منفتح وجاد

شكرا للجميع

عاطله والحظ عاطل
13-07-2007, 09:13 AM
هههههههههههه ياحليلك والله حطموك حسبي الله عليهم بس لايهمك ارسلي رقم حسابك احط فيه 50 مليون ههههههه 50 دعوه طبعا مب ريال
بقولك شي احمدربك انهم كرشوك لانهم بالاول والاخير بيسروقون فكرتك ولامعطينك ولاريال فخساره شرح الفكره لهم ولايضيق صدرك

مهندس الجبيل
18-09-2007, 03:54 PM
الله يوفقك

Poem
18-09-2007, 08:20 PM
الله يوفقك ويرزقك يارب.
والله لو ان صاحب المشروع اجنبي كان الموافقة كانت فورية بس الله يصبرنا.
اخوي حاول بمشروع بميزانية بسيطة والله يوفق ويكتب الي فية الخير.

والله لو كل واحد في المنتدى قط مبلغ وكلنا نفتح مشروع واحد متعاون ونسمية
(شركة البطالة المتحدة:rolleyes: ) يمكن نغطي على باقي الشركات الي في السعودية


الفكرة على ماقد ماهي سخيفة. ممكن تنجح:yaa:

أفكار التوظيف
19-09-2007, 01:43 AM
علطول بملفك العلاقي من موضف لمصنع


الظاهر اخو وزير الصناعه على غفله :p

أدري بتستهتر على مشروعي الصغير وتقول وش ذالاهبل نقول بالملايين ويطامر بالطفاس

المشروع يالحبيب هو في نفس المجال تحلية مياه او تنقية مياه او مياه صحيه المهم مويه لو ما عجبتك بعبي لك برميل مويه واغطس راسك فيه لين تقتنع غصب :mad:

إحنا ما ذبحنا الا الاحلام والدنيا مبسوطه قدامنا وتقول هلموا ونحلم في الخياليات ونبي نوصل للمليارات قبل ما نملك الملايين هذا اذا ملكنا الالوفات اصلا :eek:

يمكن ربي منعم عليك بس برضوا الطمع والمجازفه تغلب عليك وتفضل القفز على المشي الله يصلحك واذا تميت على الطريقه هذي بجي وامسك ملفك العلاقي واشلعه واخذ عجرى افقع فيها جبهتك واريحك من الاحلام الي عشعشت في راسك :mad:

المشروع بدايته يالحبيب بـ 50 الف تزيد عليها 50 وتحطها فجيبي او تنقص 50 وتجلس بلا مشروع :p

بتقول وش علاقه المشروع ابو 50 في التحليه والمصانع والملايين اقولك تعال انت يبيلك دبج الظاهر مانفعت العجرى :mad:


مشروع ابو 50 هو عباره عن توزيع المياه الصحيه للمحلات التجاريه بتقول شلون وانا ما بعد سويت المصنع والمحلات متعاقده مع شركات ويبيلها شغله طويله عريضه اقول اصبر وانا اقولك لا تستعجل علي الدنيا مو شرم برم او عصى سحريه او احلام تتحقق في ثواني راح اجزء لك المشروع خطوه خطوه

في البدايه راح اتكلم لك عن امثله من الامثله المعموله كروتين ماشين عليه الناس فما تجي تحط المويه في طيارات رش المبيد الحشري وتخترع من راسك والطريقه موجوده ومعروفه وهذي تقدر تقول تشبه دورة الحياه للماء بحر سحاب بر بحر ما ينفع نقول حجر تمساح ضفدع حجر معلوم صديق فما تطبق مشروع التحليه فيها او تربطه فيها الان لانك حاليا بتكون معزول عنها ومواجه العميل كوسيط

فمثلا عندك مياه (؟؟؟؟؟؟؟؟؟؟) وانا كنت شغال فيها كمندوب مبيعات وما احب اذكر الاسم حتى ما يتم القاء القبض علي بتهمة العمل في شركه تعمل في انتاج السلاح النووي تحت غطاء صناعة المويه :d ايه هين .. المهم ان الشركه هذي كانت بدايتها قبل اكثر من عشرين سنه كانت عباره عن محل بيع المويه وعطاها صاحبها لاخونا في الله واستثمرها وفتح له ربي الرزق وصار يمتلك اكبر مصنع في السعوديه لتحلية المويه وكانت سياسته الحقيقيه باديه من قرابة 15 سنه ومن الشباب الي كانو شغالين في بداياتها واحد تقدر تتفق معاه لايصالك لصاحب الشركه وابرام اتفاقيه معاهم على مدى طويل

المهم ان سياستها كانت تعتمد على الموزعين فكان والدهم يعطي النسبه المؤويه للموزع واحب اقولك كذا عشان ما تقول يخترع من راسه :mad:

ابوهم كان يعطي نص ريال على كل كرتون ينباع فكانت المبيعات قويه لحد يوصل فيه المندوب راتبه لفوق 15 الف لان المبيعات عنده توصل لفوق الثلاثين الف كرتون اوقات الذروه

فخلف من بعدهم خلف اضاعوا الصلوات واتبعوا الشهورات

وجو ابنائه من بعده ونزلوا النسبه للكرتون من نص ريال لربع ريال وبشكل تلقائي نزلت المبيعات لحد اعلى 8 الاف كرتون في الشهر لافضل مندوب واي مندوب يرتفع راتبه يتم الخصم منه بسبب سياسة ممنوع وضع رواتب للمناديب توصل في الغالب لافضل من رواتب المدرى في الفروع وهذا بسبب سياسة البربره والاقناع زي مانا قاعد اقنعك الحين كيف تتخلى عن مشروعك الجبار وتلجأ لمشروع ابو 50 :yaa:

المطلوب منك هو ابرام اتفاقيه مع شركة مويه باسعار ما تتجاوز نص سعر الكرتون للبيع على المحلات عشان تقدر تشتغل وانت مرتاح من البدايه وتحقق رواتب عاليه لمناديبك وتحقق ارباح عاليه لك بسبب حماس الي بيشتغلون معك واياك والطمع المهلك لك قبل غيرك فانت بادي بـ 50 الف لو بديت فيها ببوفيه وخسرت ممكن تبطل عمل البوفيات لكن هذي اربحاها توازي 100 بوفيه لك لحالك عوض عن الموضفين الي معاك والي من شغلهم وتشغيلك لهم يدرون على انفسهم ارباح تخليهم اكثر حرص منك على ايجاد عملا وعلى البيع باكبر كميه ممكنه

في العاده ان البيع للمحلات يكون بسعر يتراوح من 9 الى 10 ريال بحسب المنافسه واذكر ان عملا كانوا عندنا من العملا المكشوفين يتم البيع لهم بـ 6 ريال وفي عملا مو مكشوفين يعني مو مسموح الاطلاع على الاسعار وانت بكل تأكيد بتسعى حتى تخبي عقدك مع عقودهم المخفيه

الادوات الي تحتاجها هي الاتفاقيه الي تبرمها والاوراق والتراخيص لتشغيل نشاطك بشكل رسمي

مستودع تخزين خاص فيك بحيث تتجنب التأخير او المشاكل وتكون عميل رسمي بعقودك ومركزك بحيث يكون مستودع عباره عن هنقر زي المعمول في الشركات بالضبط

فقط 10 دينات كتشغيل مبدئي تاخذهم باجار شهري ما يتجاوز 20 الف ولو قدرت تأخذ تصريح من الشركه الرسميه بوضع شعارها على ديناتك

موضفين من هنا من المنتدى وراح اعطيك النسبه الي تخلي الشباب يحجزون 9 مقاعد معي وما راح ابخل على نفسي ولا عليهم

النسب كالتالي وحاطهم من فرق العقد والبيع على المحلات

1 ريال تشغيل وصيانه واجارات
1 ريال راتب ونسبه للموضف من كل كرتون يبيعه
1 ريال فروقات المنافسه في الشتاء والصيف
2 ريال صافي ارباح للشركه

انا اشتغلت في الشركه 6 شهور وتخطيت حاجز 15 الف كرتون في الشهر وفي فصل الشتاء وكنت استلم بعد الخصومات راتب ما يتجاوز 2400 ريال وكانت النسبه لي 10 هللات لاني سعودي واتحدى اي سعودي في الشركه الي كنت اشتغل فيها يتجاوز 10 هللات نسبه اما الاجانب اتحدى عامل ياخذ اقل من 15 هلله على الكرتون اما المناديب الي زينا واجانب فنسبهم 25 هلله وانت لو منحت 1 ريال للمناديب راح اكتب معك عقد طويل بشرط يكونوا الشباب من المنتدى هنا ويوقعون معاك على نفس الاتفاقيه الي موقعينها جميع حتى نظمن رواتب حلوه لنا وتظمن شغل احلى منا وان شاء الله اقل راتب شهري لكل واحد ما ينزل عن 15 الف وان شاء الله اقل ربح شهري لك ما ينزل عن 150 الف اذا حقق كل واحد مننا 500 كرتون في اليوم يعني له 500 ولل التشغيل 500 ولك 1000 وهكذا من كل واحد

نجي لمرحلة البدايه وين تكون البدايه وهذي عرضتها على الشركه الي كنت فيها ولقيت صعوبه في الاستيعاب لدرجة ان نصحني مديري ان ما اتعب نفسي معهم

كانت الشركه الظخمه تمتلك مستودع واحد في شرق الرياض وتخيل شركه عملاقه مالها الا مستودع واحد مع كثافه سكانيه تجاوزت 6 مليون وحسبت مبيعاتها الضخمه لقيتها توفر معدل 12 ملي لتر للنفر على النسبه السكانيه يعني ولا حق ملعقه فعرضت عليهم فتح فروع معاكسه للتيار وفروع كماشه تطبق على المدينه في وقت اسرع بحيث يكون فروع فرعيه للفرع الشرقي في الغرب والشمال والجنوب وقابلوا فكرتي بالمماطله :eek:

فانت بتكون بدايتك عكس التيار للمستودعات عشان تكسب الوقت في مساحه كبيره تشتكي من التأخير وتفتح لنفسك مجال للدخول السريع في وقت اسرع وتوفر عليك البحث لوقت اطول وتوفر الزحام على مناديبك

فكر في العرض ابو 50 الف الي ارباحه الشهريه 150 الف وقارن الواقع بالخيال



بصراحة ,, واضح انك فاهم وش تقول ,, بعدين على فكرة اخاف انك نجحت على شان دمك شربااات ,, اجل ما بيلاقي مندوبين في الارض وبيدور في زحل :)

بصراحة كنت اقرا كل حرف كتبته ولو انك قسيت شوي ( مو كثير) على صاحب الموضوع لكن نقاشكم بصراحة في الموضوع هذا كان جدا جميل ,,

سؤالين ,,

السؤال الأول سألوك قبل كذا وانت ما جاوبت ,, كم التكلفة ؟؟
السؤال الثاني ,, ليش ما سويت الفكرة ؟؟
السؤال الثالث ,, اذا جاوبت على السؤالين

اذا مو حاب تفصل في الموضوع يا ريت برسالة على الخاص وفيها طريقة تواصل

أخوك

lover
24-01-2008, 03:55 PM
الله يكون في عون الجميع

سلام عليكم

Abo3aaabd
26-01-2008, 10:57 PM
لماذا يجب ان يكون في حسابك 5000000 للحصول على تمويل من صندوق التنمية الصناعي و هل يمول الصندوق المشاريع بنسبة 100% و ما هي شروطهم للتمويل

وشكراً

القيصر1
27-01-2008, 12:15 PM
انا معاك انه بلد مطاعم لكنه ماهو طموحي ياخي وبعدين اذا بتقعد فيه براسك انا اضمن لك الفشل 100 %

اذا اجرته لأجنبي بينجح ونرجع لنقطة الاجانب مسحهم الله من هذي البلد

السلام عليكم ورحمة الله وبركاته

هذا الكلام مقتبس من حديث الاخ ملف علاقي اخضر
احب ان اقول له انه عنصري من الدرجه الاولى وانا سجلت خصيصا لكي ارد عليه
اغمض عينيك ياملف علاقي اخضر وتخيل رحيل الاجانب خلال دقيقه واحده ثم افتح عينيك وشاهد
اولا من سوف ينظف لك الشوارع
ثانيا من سوف يسوي لك الطعام والوجبات السريعه في المطاعم والكافتريات
ثالثا من سيعالجك في كبرى المستشفيات والمصتوصفات
رابعا من سوف يصلح لك السياره والتليفزيون والراديو
خامسا وسادسا وسابعا وثامنا واشياء كثره لا يسعنا الكلام عنها هنا
نحن مع السعوده ولكن بشروط سوق العمل وليس بشروط العاطلين
اقصد بكلامي هذا ان تكون متعلم ومؤهل وقادر على المنافسه مع اي انسان له نفس مؤهلاتك ولا تبكي لان الاجانب فعلو وفعلو
اليابان عندما اغلقو على انفسهم فعلو كل شيئ من اول عامل القمامه الى الطبيب والمهندس
تريد ان توطن الوضائف والصنعات ياملف ابدأ بالاعمال الدونيه
لكي تصل الى رأس الهرم
لابد ان تبني له قاعده الوصول الى رأس الهرم لايكون بطريقتك او طريقة من هم على شاكلتك
اشكر الجميع
السلام عليكم ورحمة الله وبركاته

ذكريات الامس
04-02-2008, 02:00 AM
الله يرزقنا يااااااااااااارب

ذكريات الامس
04-02-2008, 02:01 AM
الله يوفقنا جميعاااااااااااا

subhannah
06-04-2008, 07:45 PM
الله يوفقك انشالله

AMOUR
06-04-2008, 07:58 PM
تصدق عاد ؟
قلبي يقول بقوة انك رح تنجح في مشروعك

طول ما انت على اصرارك هذه صدقني بتنجح
بس عليك بالاستمرار+التوكل على الله حق توكله
وحتشوف ، وبكرة باذن الله نسمعك من اصحاب الملايين

لــيــن
06-04-2008, 08:47 PM
دائما تفكيرنا بالسلبيات قبل الايجابيات

اخوي توكل على الله واللي عنده خبره مو مثل غيره

ربي يوفقك ويفتح لك ابواب الرزق

دافنشي
07-04-2008, 12:05 AM
أخوي ملف أخضر ..

أنا أشوف إن المشروع مناسب جدا لدراستك وتخصصك وخبرتك ..

وأشوفه واقعي جدا .. وأستغرب من بعض الردود !!

إنت تحتاج لشريك ( هامور ) لمشروع مثل هذا .. أو مجموعة من الشركاء الكبار ..

أتمنى تتوفق .. وانت أهم شي حاول تطرح الفكرة بشكل قوي لأي شخص تشعر إنه

ممكن يساعدك .. وأنا عن نفسي مستعد أدخل شريك براس مال 50 ل 100 ألف ..

قول تم :) .. يعني إذا إن شاء الله تم الموضوع ووصل راس المال 49 مليون

و 900 ألف وكان ناقص 100 ألف !!

أنا بكمل الباقي لا تشيل هم .. إن شاء الله أكون حمستك <<< شوف الدعم كيف :)

الله يوفقك ويحققلك أمانيك ..

جروح الموده
07-04-2008, 08:38 PM
صح زي ماقلت اخوي الله الغني عن هالاشكال
لاحول ولاقوة الابالله مين هذا اللي شايف حاله عشان فلوسه مايدري ان الغني هوالله وانه سبحانه يعزمن يشاء ويذل من يشاء والدنيا ماتدوم لأحد
وعلى كيفهم يتعالون على الناس ومسوين فيها وطنية

اطلب الدعم من رب العباد وان شاء الله مايردك خايب

butterfly20
13-04-2008, 03:25 AM
يااااااااااااااارب يوفقك ويحققلك مشروعك وتوظفنا عندك:d
ما عليك منهم اهم شي خل ايمانك بالله قوي وراح توصل ان شاء الله

the sound
29-04-2008, 01:30 AM
يارجال


والله شي يقهر خلني ساكت .... ماكلين الاخضر واليابس

الحـرية
29-04-2008, 01:26 PM
القهر والمصيبه ان

99.99 %

من التجار كلهم متسعودين

واولهم هذا الذي يقال له عبداللطيف جميل

الاعلام الهادف
03-05-2008, 06:52 AM
الله يوفقك

مالقيت شغل
03-05-2008, 09:43 AM
الله يوفقك ان شاء الله ويغ*** عن الاشكال الشبيهه بعبداللطيف جميل


وصدقني هو مايقدر لايدعمك ولايشاركك لان تخصصه هو استنزاف اموال الفقراء ومتوسطي المعيشة

عشان يقدر يضغط عليهم ويعرف كيف يسحب فلوسه منهم


عموما الله مطلع عالنيات ويوفق من يشاء

none
21-01-2009, 08:29 AM
صباح الخير


اخوي نصيحه مني دعوه صادقة لرب العالمين في الثلث الاخير من الليل

ان يرزقك وييسر لك امورك ووكل امرك لله



وكون واثق من الاجابه

ولاتيأس ربي راح ينصرك بإذن الله وتحقق مشروعك وينجح نجاح باهر


الله ينصرك الله ينصرك الله ينصرك نصر مبين بإذن الله ومايضيع تعبك يارب

العاطل الموظف
21-01-2009, 09:48 AM
ماقول غير الله يوفقك ........ دعوة من صميم الذات ...؟؟!!

مسواط
06-02-2009, 09:49 PM
اخوي ملف علاقي اخضر اشكرك على صراحتك وكذلك اشكر طموحك العالي
واعتب على بعض الردود التي ليس فيها الا تثبيط العزيمة فالمفروض تشجيعك على هذا المشروع حتى لو لم يكتب له النجاح لان هذا الامر بيد الله وحده وانما ما يوضع لهذا المشروع الطامح هي اسباب فتوكل على الله وكذلك لا تنسى صلاة الاستخار
وكنت كم اتمنى ان اساعدك في هذا المشروع ولكن لا نملك لك الا الدعاء فشاب طموح مثلك لا يجب ان يترك سدى فكفايه الاجانب اكلوا من حيرات هذا البلد وذهبوا يتمتعون بها في بلادهم ولكن لو هناك مشروع اخر براس مال مقدور عليه فانا اول شريك لك
اما قصتك مع مدير مكتب عبداللطيف جميل فخسارة ان يكون حاملا لدكتوراه لكن العبرة بالاخلاق وليس بالشهاداة فالحسد ملئ اعين الناس وسأل الله ان يوفقك في هذا المشروع ولا املك الا بيت الشعر هذا

لا تحسبن المجد تمرا أنت آكله @ لن تبلغ المجد حتى تلعق الصبرا

وكذلك

وإذا كانت النفوس كباراً = تعبت في مرادها الأجسام

وشكرا لك,,,,,,,,,,,,,,,

النجم الذهبي
07-02-2009, 12:24 AM
والله اتشرف انه فيه انسان سعودي همته عاليه مثلك الله يوفقك

النجم الذهبي
07-02-2009, 09:29 PM
من اجمل المواضيع الي قراتها

نواف
07-02-2009, 09:49 PM
يا اخ ملف علاقي اخضر
اذا انت تنتظر شركة عبداللطيف جميل والله انك بتبطي ممكن تتحرر فلسطين وانت ما وصلت لهدفك لكن مالك الا حل واحد انك بطريقه ممتازه تشبك صاحب شركة وتحاول تعطيه المشروع والدراسه كامله من ارض وعمال وسيارات وموظفين وكم عدد المكاتب الخ وبعدها يا يوظفك كمسؤل للمشروع او تاخذ حصه كل شهر مقابل انك معطيه المشروع اقل شئ 10%

اما شركة عبداللطيف فانا فاصل منها تصور انه معي
شهادة انجليزي +ثانويه علمي+حاسب الرخصه الدوليه+اسعافات اوليه+دبلوم المعهد الياباني ونهايتي فني ب2500ريال
والمصري المسؤل عني ما يدري وش الطبخه بشهادة الثانويه ب4000ريال

fahad1191
11-03-2009, 12:48 PM
والله اخوي اوافقك 100% كله كلام فاضي مشروع عبداللطيف جميل أنا مجرب بعد ( كل طموحاتهم دعايه واعلان والحصول على جوائز وخطابات شكر من ولاة الامر والمواطن قاعد يفرك كبده ) بمعنى يحبون ان يمدحوا بما لم يفعلوا ( والله ما خرب علينا حياتنا وموت طموحنا إلا وعوود كاذبه زي هذي

رائد الدهمشي
11-03-2009, 01:57 PM
أنا موظف سابق في شركة عبداللطيف جميل تبي الحقيقه ماعندهم سالفه أكلينها الاجانب أكل وماراح توصله لو إيش محمد جميل ... فكره حلوه ولاتيأس حاول تدور شخص يشغل المشروع لو توصل إنك تكلم أمراء مشروع مجزي لأنه صراحه

أم وجدان
11-03-2009, 02:52 PM
في مثل يقول(مكتوب على بابها ملاقيه أغرابها)********>>يعني بالعربي وطنا خيره لغيره.......********وعجبي.

بدر ال صالح
11-03-2009, 03:09 PM
يا ملف علاقي لوتروح تكتب المشروع حقك للجريده تان الجريد تحب الشكوي وتحكي لهم عن الموظف
يمكن يتصلو عليك
والله يوفقك
وتراني زيك ان قدمت لمشروع الى الصندوق المئويه ولذحين مادق