دبلوم التمريض وش مستقبله ؟؟ .. ابي رايكم تكفوون

[عاطل من الرياض]

..

الســــلام عليكم أخواني

أنــا قبلوني معهد العلوم الصحيه ( دبلوم تمريض ) على حســاب صندوق

الموارد البشريـه ..

الكثيــر من النــاس كلموني قالو مستقبلهـــا مو مضمون وناس يقولون عادي جداً

ونــاس يقولون رواتبهــا بعد التخرج قليله

تكفوون ابي اسمع رايكم انتم .. وهل مستقبلهـــا حلو ومضمون ولا لا

.

[عيون المهاا]

باللي سمعته اخووي انو راح يلغي الدبلومات عن قريب ماتلاحظ انتشارهاا وكثرتها !!! لن بعد كم سنه راح تلغي وماعاد يقبل الا البكالوريس

فالافضل لك تشوف شي ينفعك بدل ماتضيع كم سنه على الفاضي

ومن ناحية انو الصندوق يدعمه في كليات تدعمها الصندق وابحث اكثرر

<<قرقر وايد

نصيحه اخويه
وبتوفيق لك

[عآطل طفشآن]

شوف اذا بتوققع عقد توظيف قبل لاتدرس من الشركات المانحه ممتاز

اذا مافيه توقيع عقد انصحك ماتدخل

[عاطل من الرياض]

عيون المهــا
ــــــ

والله يا أخووي من زمــان نسمع عن ألغاء الدبلومــات وما صـــار شي .. وأن شـــاء الله ما يصيــــر

[عاطل من الرياض]

عاطل طفشــان
ــــــ
من ناحية توقيع عقد توظيف والله ما أدري .. بس أن شـــاء الله فيــه

[عاطل وعامل]

اخوي خذ الشهاده وانجح منها واهم شي تعدي اختبار الهيئه ورح الكويت معاشاتهم 600 دينار واضرب 600 ب 13 ريال وشوف راتبك بالسعودي

والتقاعد يمشي بعد اذا كنت موظف بوظيفه خليجيه


الكويت محتاجه تمريض لدرجة ماتوقعها خذ العلم مني انا

واذا ماودك برا البلد فاانجح وكمل علي الدبلوم بكالوريس \

الله يخلي لنا بعثات بومتعب

ودمتم,,,,

[القلب المشرق]

صراحه مستقبله غامض اذا كان من معهد صحي خاص

اخوي الله يسعدك فكر شوي الان ياكثر خريجين المعاهد الصحية العاطلين وش رايك بعد سنتين ونص كيف راح يكون الوضع

دبلومات المعاهد الصحية لاأحد يفكر فيها

واذا كان الواحد مجبور ومافيه الاهي يدخل تخصص فني تخدير افضل شيء لأن التمريض مطلوب اغلب شيء للبنات

والله يوفقك وييسر امرك

[عاطل من الرياض]

..
والله ردودكــم تخووف


شكلي بسحب .. ولله يعوضني في غيرهــــا