لدي رأس مال . أريد أمينة أو أمين يشغل لي اياه .. او يدلي لي بفكرة

[ملحطة]

الســلام عليكم ورحمة الله وبركاتــه ..

أنا الأخت ملحطــة .. أناشد ذوي القلوب الرحيمة أن يرأفوا بحالي ..

ويشفقوا على تقشيري للبصل بالبيت (اللحين قررت أقلي بيض بدال البصل .. لازم نغير نشاط التلحيط )

الزبــدة :

لدي رأس مال 15.000 ريــال سعودي .. ريالن ينطح ريال .. صحيح انه مايجيب برادة بالسويدي بس الجود من الماجود


فياليت اللي عنده فكرة تجارية أو استثمارية او يشغل لي اياه وله نسبة لايبخل علي << من كثره

شاكرة تعاونكم ..


خالص تحياتي للجميع

[رحاال]

لا تحطه بالاسهم ولا تحطه بشيء وحوله بعملة الدولار وهاذي مشورتي وخله بالبنك افضل لك

[ملحطة]

^
^
شكرا على المشورة يعطيك العافية ..
بس ليه بعملة الدولار؟؟

[رحاال]

عشان ما تصير الفلوس بيدك وتلعبين فيها فهمتي!!!
والله يوفقك ان شاء الله وزي ما قلت لك فلوسك لا تفرطين فيها بأي شيء صكري عليها بالبنك

[شاعر بلا مشاعر]

بصراحة 1500 قليلة وصعب تفتحي فيها مشروع الا بشريك

انا اشووف ان عندك اكثر من فرصة

وانا اشوف ان فيه فرصة لا تعوض بثمن بس يبغالك تصبرين 5 سنوات

اشتري فيهم اسهم شركة كيان السعودية الشركة عالمية وسعرها حاليا رخيص جدا جد


لو حسبناها

15000 /12 =1250سهم

وانشاء الله بعد خمس سنوات ماراح تبيعي السهم باقل 100 ريال لان كيان مثل سابك
ولو حسبناها

1250*100=125000

بالعربي مائة وخمس وعشرون الف ريال من 15000 الف


ولا تخافيين من السهم لانه اصلا قيمتة عشرة ريال وماراح ينزل عنها


انتى استشيري وشوفي ولا تفوتك الفرصة والموعد بعد 5 سنوات ان اطال الله في اعمارنا

وانسي انه كان معك 15 الف





تحياتي

[ملحطة]

^
^

فكرة حلوة يعطيك العافية ...

بس المشكلة انه ماعندي محفظة ..

وانا عليمية بالاسهم وهالشغلات ياجودي تعلمت اكتتب قبل كم يوم وبازتن بعمري اللي يشوفني يقول قاعدة تضارب بالاسهم وانا ماعندي ماعند جدتي ...

مشكور وماقصرت يعطيك العافية

[شاعر بلا مشاعر]

المشاركة الأصلية كتبت بواسطة ملحطة

^
^

فكرة حلوة يعطيك العافية ...

بس المشكلة انه ماعندي محفظة ..

وانا عليمية بالاسهم وهالشغلات ياجودي تعلمت اكتتب قبل كم يوم وبازتن بعمري اللي يشوفني يقول قاعدة تضارب بالاسهم وانا ماعندي ماعند جدتي ...

مشكور وماقصرت يعطيك العافية

فيه بنوك تفتح لك محفضة بـ450 عندك بنك الرياض

وبعدين لا تظاربين خليك مستثمرة..المضاربة راح تاكل راس مالك

ولا تنسين ان الشركة اذا صار عندها ارباح بتوزع لك ربح على كل سهم كل ثلاثة شهور

تحياتي

[السهاد]

عندي لك اقتراح ويمكن ينفعك ان شاء الله

خذي دورة في الخياطة والشغلات ذي من تطريز وغيرة الي تقدري عليه في فترة سته اشهر .

وأبدي بجلب زبائن وفصلي لهم ملابس لين يصبح العمل عليك كثير ومطلوب ,

وطعلي بعدين سجل تجاري بـ 1800 ريال , واستقدمي لكي عاملة او عاملتين ونشاء الله ما يكلفونك كثير .

ومن ثم كوفيرة وغيرة ...

وأن شاء الله بعد فترة توقفي على رجولك وتسيري سيدة اعمال ..

والله يوفقك ..

[ملحطة]

^
^
طيب مافيه محفظة بالراجحي ؟؟ لإن حسابي فيه

واكلم عليهم واقول لهم يفتحون محفظة بس؟؟

ولا يبي لي ازورهم ؟

اسفة على الازعاج بس قاتل الله الجهل

[السهاد]

معليش نسيت اقولك كيف تديري مشروعك (( يعني المكان ))

ابدي في البيت تبعك الي انتي ساكنه فيه ...

لين يصير لك زبائن وتطلعي السجل التجاري من ثم دوري لك محل ..