ياشين العطالة والفراغ...موضوع للنقاش

[عاطل 23]

سلام عليكم

مساكم الله بالخير


(الموضوع للنقاش)

يااخوان اشين شي في الحياة الفراغ والعطالة معاد يدري وش يسوي زهق طفش

والعطالة تجيب الامراض النفسية والوساوس وتجيب الهم والغم

انا لي ثلاث سنوات وانا عاطل وكل ماقدمت قالو نبي ندق عليك والي الان وانا احتري ماحد دق على واللي معه فتامين واو هو اللي يبي يلقى الوظيفه المناسبه له

وقدمت على وظايف عسكريةاو مدنيه قلت لويحطوني فراش بس هم يقبلوني

يالربع انا مااكتبت الموضوع هذا الا انا محترق داخليا منقهر اللي معه واسطة يتوظف واللي مامعه واسطة يقعد في البيت

واللي قاهرني الاجانب يوظفونهم مراقبين في البلديات والسعوديين شهاداتهم عالية وجالسين في البيت والله شي يخلي الواحد ينقهر داخليا ....

معي شهادة ثانوية ادبي


بالتوفيق للجميع وجزاكم الله خير

[عاطل بلا حدود]

الأجنبي شخص مقدس في بلدنا وفي رعاية وزاراتنا تتعده وتعده وتتقبله كما لو أنه ألاااه

لا تستغرب . فالقادم أسوء

أما شهادتك سواءً أن توظفت بها أو لم تتوظف فستظل أمام الأجانب و وزارات الأجانب
ومجلس الأجانب مواطن درجه ثانيه.

[العاطل الباطل]

تيون تنقهرون من جد روحوا لقطر والامارات . لاتقولون ما في مقارنة بين تعداد السكان .اخر مكرمة اميرية في قطر زيادة رواتب موظفي الدولة 3000الاف ريال قطري صار واحد من الشباب يستلم 18الف ريال قطري وهو جندي بالحرس الاميري .
(مري يبي الجنسية القطرية)

[sss-mm]

الله يعين الجميع
شي يقهر درسنا وتعبنا وسهرنا والاجانب يأخذون الوظائف بلراحه
وإلي عنده واسطه يتوظف
لما أروح للمدارس الأهليه أقدم اغلب الإداريات في المدرسه أجانب
وكاني جايه أشحد أنواع التطفيش
وخاصه في المدينة كل شي يمشي بلواسطه حتى المرضى بلمستشفيات بلواسطه
العلاج بلواسطه العنايه بلواسطه
واسطه ... واسطه ,,,,,
إلى متــــــــــــــــــــــى ؟؟
إلى مــــــــــــتى؟؟؟
إلى متــــــــــــــــــــــــى؟؟
نبغى حقوقنا كمواطنين
نبغى وظــــــــــــــــــــــــــــــــــــــائف

[go0o0ory]

المشاركة الأصلية كتبت بواسطة sss-mm

الله يعين الجميع
شي يقهر درسنا وتعبنا وسهرنا والاجانب يأخذون الوظائف بلراحه
وإلي عنده واسطه يتوظف
لما أروح للمدارس الأهليه أقدم اغلب الإداريات في المدرسه أجانب
وكاني جايه أشحد أنواع التطفيش
وخاصه في المدينة كل شي يمشي بلواسطه حتى المرضى بلمستشفيات بلواسطه
العلاج بلواسطه العنايه بلواسطه
واسطه ... واسطه ,,,,,
إلى متــــــــــــــــــــــى ؟؟
إلى مــــــــــــتى؟؟؟
إلى متــــــــــــــــــــــــى؟؟
نبغى حقوقنا كمواطنين
نبغى وظــــــــــــــــــــــــــــــــــــــائف

حتى عندنا في الرياض وذالينا عليها وعلى إيش من كثر هالراتب ولا من قل هالكرف