المساعد الشخصي الرقمي

مشاهدة النسخة كاملة : تبي الكليه الامنيه ومعك شهادة الثانويه العامه ادخل بسرعه ....


تكفى تكفى تكفى
02-05-2010, 03:17 PM
السلام عليكم ورحمة الله وبركاته

كيفكم ياصقيقيني

ان شااء الله بخيررر

<< متوهق كيف يبدا بالموضووع هع هع :q

انا كنت عند خالي قبل كم يوم هو رتبته مقدم << مشااء الله :rolleyes:

المهم هو يعرف واحد بالكليه الامنيه قال له ان شااء الله من السنه الجايه الكليه راح تقبل اللي معه ثانويه عامه يعني النظام القديم راح يرجع وطبعا اللي معه الجامعه راح يدخل بعد

حبيت اقول لكم هالخبر وافرح كل واحد حلمه ( الكليه الامنيه )

واللي ابيه منكم يااخواني انك تدعون لي بالتوفيق


استغفر الله العظيم واتوب اليه

استغفر الله العظيم واتوب اليه

استغفر الله العظيم واتوب اليه




تشاااااااااااو :ash:

سعووددي
02-05-2010, 03:22 PM
الله يبشرك بالخير يا غالي

والله يوفقك

سعود القليلي
02-05-2010, 03:24 PM
الله يجزاك خير بس ما اتوقع هذا الكلام لأن ما فيه مصادر موثوقة اضافة إلى أن الكلية الامنية تم اعدادها لقبول الجامعيين فما اتوقع انهم بيرجعون لنظام السابق وهو القبول بالثانوي بالعكس كل الكليات العسكرية الآن توجهها للجامعي من الكلية الحربية والبحرية والجوية والحرس والملكي ..الخ .

تكفى تكفى تكفى
02-05-2010, 03:24 PM
وياك يااااارب وكل عاطل يارب

باذن الله مقبول
02-05-2010, 03:27 PM
يارجال جامعيين يفحطو ولا جاتهم

كيف لو صارت بعد بالثانوي

من الحين الواحد يدور وااااااااااو :)

والله يوفقك ان شاء الله :)

تكفى تكفى تكفى
02-05-2010, 03:28 PM
الله يجزاك خير بس ما اتوقع هذا الكلام لأن ما فيه مصادر موثوقة اضافة إلى أن الكلية الامنية تم اعدادها لقبول الجامعيين فما اتوقع انهم بيرجعون لنظام السابق وهو القبول بالثانوي بالعكس كل الكليات العسكرية الآن توجهها للجامعي من الكلية الحربية والبحرية والجوية والحرس والملكي ..الخ .


وياك ياارب

خوي حفايا اسرار
هذا الكلام اللي قاله لي والله
:q

عقيد القوم
02-05-2010, 03:29 PM
اخي الكريم ارجو منك ان تتحدث بكلام يقبله العقل وأن لاتعشم الناس في شيء محال

الكلية الامنيه يوماً بعد يوم تزداد صعوبه الان بعد ماتخلص الجامعه لابد تختبر اختبار قدرات

حتى تتحصل على الدرجه المطلوبه حتى تجتاز شرط فقط من عدة شروط وضعته الكليه الامنيه

هم بلشانين بحقين الجامعه وصعبو الاجراءت عليهم فما بالك انهم يفكرو بمجرد التفكير بحقين الثانوي

تكفى تكفى تكفى
02-05-2010, 03:30 PM
يارجال جامعيين يفحطو ولا جاتهم

كيف لو صارت بعد بالثانوي

من الحين الواحد يدور وااااااااااو :)

والله يوفقك ان شاء الله :)

ههههههههههههه

لازم الوااااااااااو وما ادراك ما الواااو

ويااك يااارب خيو ;)

تركي العنزي
02-05-2010, 03:35 PM
ما اتوقع هذا بس اشاعات شوف الرابط ادناه
http://www.kfsc.edu.sa/ADMISSION/OFFICER/Pages/Data%20logging.aspx
مكتوب دورة الضباط الجامعيين (40) لو فيه ثانوي كان كتبوا معها ثانوية عامة والدعوى اشاعات لا اكثر ولا اقل ومثل كلام خوي خفايا اسرار كل الكليات العسكرية بتتوجه للجامعيين والمفروض يفتح عنوان في المنتدى بشرى لكل الجامعيين ان الكليات راح تقتصر القبول عليهم فقط ...الابتعاث من السنة الجاية راح يكون لدراسة الماستر والدكتوراه لا ابتعاث ولا كليات عسكرية الدعوى بزارين الثانوية فشلونا في الابتعاث وفي الكليات العسكرية ويكون في علمك ليش ألغت القبول الكلية الامنية لثانوية تبي تعرف السبب اسأل عمك عن الطائرة اللي انخطفت الى العراق منهم ابطالها.!!!

تكفى تكفى تكفى
02-05-2010, 03:36 PM
اخي الكريم ارجو منك ان تتحدث بكلام يقبله العقل وأن لاتعشم الناس في شيء محال

الكلية الامنيه يوماً بعد يوم تزداد صعوبه الان بعد ماتخلص الجامعه لابد تختبر اختبار قدرات

حتى تتحصل على الدرجه المطلوبه حتى تجتاز شرط فقط من عدة شروط وضعته الكليه الامنيه

هم بلشانين بحقين الجامعه وصعبو الاجراءت عليهم فما بالك انهم يفكرو بمجرد التفكير بحقين الثانوي

مشكور اخوي علي ردك
واحب اقول لك شي والله لتقديرك مقبول وعندك واسطه راح تدخل وانت تضحك
وثاني شي اخي الكريم من رد كلامك علي اني اتكلم بكلام من راااسي انا والله ماقلت كلام من رااسي
ذا كلام خالي جابه مو اعز اصدقائه من الكليه الامنيه
لمعلوميه انا لو معي جامعه والله تحصلني بالكليه الامنيه الوااو متوفر الحمد الله :rolleyes:

انا ماقلت هالكلام الا والله ابي افرح اخواني ماهمني رد او شكر انا ابي الاجر من عند الله عز وجل

ولك خالص تقديري :w

يبقى شعب العطاله
02-05-2010, 03:37 PM
الله يوفقك

بس الي مثلي انطرد من السجون لانه ناقص نصف سم

وييييييين يروووح

تكفى تكفى تكفى
02-05-2010, 03:42 PM
ما اتوقع هذا بس اشاعات شوف الرابط ادناه
http://www.kfsc.edu.sa/ADMISSION/OFFICER/Pages/Data%20logging.aspx
مكتوب دورة الضباط الجامعيين (40) لو فيه ثانوي كان كتبوا معها ثانوية عامة والدعوى اشاعات لا اكثر ولا اقل ومثل كلام خوي خفايا اسرار كل الكليات العسكرية بتتوجه للجامعيين والمفروض يفتح عنوان في المنتدى بشرى لكل الجامعيين ان الكليات راح تقتصر القبول عليهم فقط ...الابتعاث من السنة الجاية راح يكون لدراسة الماستر والدكتوراه لا ابتعاث ولا كليات عسكرية الدعوى بزارين الثانوية فشلونا في الابتعاث وفي الكليات العسكرية ويكون في علمك ليش ألغت القبول الكلية الامنية لثانوية تبي تعرف السبب اسأل عمك عن الطائرة اللي انخطفت الى العراق منهم ابطالها.!!!

مشكور علي ردك اخوي تركي العنزي

هو خالي مو عمي ههههههه المهم
اللي قاله لي من السنه الجايه راح يقدرون اللي معهم ثانويه عامه يدخلون ان شااء الله
عاد ماتدري ااحتماال يكون اكيد واحتمال يكون لا انا اللي قاله خالي قلته لكم :p
وطبعا الجامعين راح يدخلوون

تكفى تكفى تكفى
02-05-2010, 03:46 PM
الله يوفقك

بس الي مثلي انطرد من السجون لانه ناقص نصف سم

وييييييين يروووح



مشكور علي مروك ياغالي

عليك وانا اخوك بالرياضيه وحاول تتعلق بجدر
كل يوم الصباح قبل الفطور
هذي تجربه قالها لي واحد
الله يوفقك ان شااء الله

عبدالله الاول
02-05-2010, 03:53 PM
ههههههههههههههههه انا بصراحه اايد كلام اخوي تركي العنزي الفشل واضح ببزارين الثانويه من ناحية القياده العسكريه فـ ماهو معقول يسلمونهم قياده عسكريه ويالله

جامعي بدون وظيفة
02-05-2010, 03:59 PM
يا حليلكم يا الثانوية تحلمون وين ثانوية وين انتم عايشين الواحد يبي يصير ضابط ولا مهندس ولا طيار ولا معلم على طول بدون دراسة انتم ما تبون الدراسة ولا الجامعة تبون الوظيفة على طول وتبونها وظيفة محترمة كمان ،،الكلية الامنية يالله تقبل جامعيين وسمعت انها يمكن ما تقبل الا ماجستير بعد كم سنة <<<<<يبي يحطمهم
مع اني اجزم ان القبول فقط للجامعيين بس لاجل عيون هذا المنتدى و اعضاءه خاصة الجامعيين امثالي راح اتأكد من هذي المعلومة بطريقتي الخاصة وبأدلة مشهودة بعد بس اصبرو علي كم يوم خلني اريح الجامعيين من هم الاشاعات اللي قروشتنا ما تشوفون الجامعيين لهم موضوع مثبت فوق عن الكلية الامينة وحالتهم حاله وتجونهم على الرمق الاخير من التعب والجهد وانتظار التسجيل في هذي الكلية وتقولون لهم خلاص الكلية تقبل ثانوية هي لعب هي فوضوى هي تلاعب بالاعصاب وش عندكم يا الثانوي ناشيبن للجامعيين في الصغير والكبيرة<<معصب
هين دواكم عندي وانا بو هندي اذا ما خليتكم عبرة لمن لا يعتبر هههههههه تراي امزح بس لا عاد تعودها مع اني شاك انك جامعي بس تبي تلعب في اعصاب ضعوف الله ترى والله تاخذ ذنبهم .

الواصل ا
02-05-2010, 04:13 PM
تحلم بالامنية بالثانوية مافي امل

مبتعث عاطل
02-05-2010, 05:05 PM
بصراحه ياصاحب الموضوع وبدون زعل
انا غسلت يدي من يوم قلت خالي مقدم قول فريق ركن نمشيها لواء كمان نمشيها قول عميد كمان يدوبك نهضمها ولازم بيبسي وسفن مع بعض عشان نهضم الموضوع
ومسوي زحمه ومنزل موضوع وفي الاخير طلع مصدرك مقدم
مع السلامه

آل هاشم
02-05-2010, 05:59 PM
لعبة هي ثانوي بعدين جامعي بعدين يرجعونها ثانوي لو الاشاعه جات ماجستير كان الواحد يمكن يصدق

ماتدخل العقل




مع تحياتي لصاحب الموضوع

خروووع
02-05-2010, 06:03 PM
الله يوفقك

تكفى تكفى تكفى
02-05-2010, 06:05 PM
بصراحه ياصاحب الموضوع وبدون زعل
انا غسلت يدي من يوم قلت خالي مقدم قول فريق ركن نمشيها لواء كمان نمشيها قول عميد كمان يدوبك نهضمها ولازم بيبسي وسفن مع بعض عشان نهضم الموضوع
ومسوي زحمه ومنزل موضوع وفي الاخير طلع مصدرك مقدم
مع السلامه

ههههههههههههههههههههههههههههههههههههههههه

ياشيخ والله اني مت ضحك عليك لبى روحك بس

اول شي اقرى الموضوع زين مرتين قبل الفطور ومرتين بعد الفطوور << حشا صارف لك علاج ههههههههههه

بعدين انا قلت خالي رتبته مقدم يعرف واحد بالكليه الامنيه مادري وش هي رتبته <<< افهم يافيهم هع

خ ا ل د
02-05-2010, 06:08 PM
مشكور اخوي وانشالله تكون صحيح نشوف بس ماتوقع راح يصير

تكفى تكفى تكفى
02-05-2010, 06:17 PM
لعبة هي ثانوي بعدين جامعي بعدين يرجعونها ثانوي لو الاشاعه جات ماجستير كان الواحد يمكن يصدق

ماتدخل العقل




مع تحياتي لصاحب الموضوع

هد اعصاابك بس :q

وكل جايز وانا اخوك هالاياام

حلم طفل
02-05-2010, 07:36 PM
ياعزيزي نتقابل في دورة 40 ان شاء الله

:D

فيصل ضامري
02-05-2010, 07:44 PM
من اليوم حتى السنة القادمه؟

فارس المشاعر
02-05-2010, 08:02 PM
بصراحه ياصاحب الموضوع وبدون زعل
انا غسلت يدي من يوم قلت خالي مقدم قول فريق ركن نمشيها لواء كمان نمشيها قول عميد كمان يدوبك نهضمها ولازم بيبسي وسفن مع بعض عشان نهضم الموضوع
ومسوي زحمه ومنزل موضوع وفي الاخير طلع مصدرك مقدم
مع السلامه


حبيبي مو بس المقدم خال الولد يتكلم عن الموضوع

ياخي اللواء عبد العزيز الحربي

والعقيد داود الصبحي كلهم قالو كذا


ياخي الشعلان براسه قال ان فيه خطه مدروسه للتطوير والخطه تشمل سنوات الدراسه وش رايك بكلامه ؟

تكفى تكفى تكفى
02-05-2010, 08:29 PM
حبيبي مو بس المقدم خال الولد يتكلم عن الموضوع

ياخي اللواء عبد العزيز الحربي

والعقيد داود الصبحي كلهم قالو كذا


ياخي الشعلان براسه قال ان فيه خطه مدروسه للتطوير والخطه تشمل سنوات الدراسه وش رايك بكلامه ؟

صح لساانك ولا هنت

مشكور اخووي علي مشاركتك :)

انا مستغرب شي اذا قلت شي كل واحد يفتي من راسه اللي يقول اشااعه واللي يقوول ماهضمتها
واللي واللي "P
ماادري وش يحسون فيييييييييه :mad:

!AOB.FARES!
02-05-2010, 08:32 PM
جزاك الله خيراااا

طالب اعلام
02-05-2010, 08:53 PM
كم سوال ابغى أجابة مقنعه لها
هل يعقل توظيف طالب ثانوي برتبت ظابط في هذا الزمن وهو عمره21؟
هل عقلية الجامعي كعقلية طالب الثانوي؟
والله انا خايف انه ترجع ثانوي وبكرة الظابط عمره21سنه تلقاه معاه بطاطس
وبيبسي وجايب البزران خوياه معاه في المكتب والشايب جندي اول يدقله تحيه
ويبكي الشايب ويتذكر ايام دلال القهوة والرجال اللي كانو يرئسون القسم
صدقني على طول الشايب يقدم تقاعد وكل خوياه القداما وبعدين أش يسير حيكون
القسم ميدان للعب الطيرة والطيش وسبعه حجر وانت رايح الله المستعان




الكلية للجامعيين فقط لو سمحتم يا طلاب الثانوي

فتى الباحة
02-05-2010, 08:58 PM
لو يقبلون الثانوية كان قفلت الجامعات وماحد دخلها

ليالي العاطليه
02-05-2010, 09:39 PM
خوووووش خبر
إن شاءالله يطلع كلام خالك بمحله...!!

مشكوووورررر

دكتوراسنان
02-05-2010, 09:47 PM
الله يسمع منك

الملازم نايف
02-05-2010, 11:56 PM
كم سوال ابغى أجابة مقنعه لها
هل يعقل توظيف طالب ثانوي برتبت ظابط في هذا الزمن وهو عمره21؟
هل عقلية الجامعي كعقلية طالب الثانوي؟
والله انا خايف انه ترجع ثانوي وبكرة الظابط عمره21سنه تلقاه معاه بطاطس
وبيبسي وجايب البزران خوياه معاه في المكتب والشايب جندي اول يدقله تحيه
ويبكي الشايب ويتذكر ايام دلال القهوة والرجال اللي كانو يرئسون القسم
صدقني على طول الشايب يقدم تقاعد وكل خوياه القداما وبعدين أش يسير حيكون
القسم ميدان للعب الطيرة والطيش وسبعه حجر وانت رايح الله المستعان




الكلية للجامعيين فقط لو سمحتم يا طلاب الثانوي

؟ ؟ ؟

طيب شوف الضباط الكبار الي ماسكين الامن العام والحرس الوطني وغيرهم
اعمارهم كم يوم تخججو من الكليه
كانو يدخلونهم بشهادة المتوسطه

وبعدين يالحبيب انت داخل اعلام واذا تخرجت عمرك كم هل ترضى احد يقول مايصلح لان عمره صغير
والضباط الي توهم متخرجين دارسين مهارات القياده ودراسه مكثفه تسوى الجامعي وغيره

وبعدين وشو عقلية الجامعي وعقلية الثانوي وش تحس فيه انت
انت تتذكر المدرسين الي يدرسونا في الابتدائي والمتوسط والثانوي كيف عقلياتهم فيهم الواعي وفيعم المتخلف مع ان كللهم جامعين
واكيد تعرف سالفة الملازم الي ملبس بدلته الشاذ مامعه جامعه قبل الامنيه ؟ليه يمشي بطريق السفهاء
الوعي والثقافه مالها عمر يااخوي ولا لها مستوى والمصلح ربك
وبعدين شوف ردك والبطاطس والببسي للاسف انك طالب اعلام وهذا كلامك وتبي امنيه بعد
الله يوفقك ياخوي ويعطيك على قد نيتك
______________________________

ومن ناحية الموضوع

انا اقول مستحييييل ومن سابع المستحيلات لان اغلب الكليات العسكريه توجهها لرفع مستوى القبول للجامعه - تجي الامنيه تنزل مستوى القبول للثانويه مستحييييييييييل

العود2000
03-05-2010, 12:07 AM
الله كريم

دربك خضر
03-05-2010, 12:39 AM
نعم أخي الكريم كلام صحيح 100% كلية الملك فهد الأمنية راح ترجع نفس نظامها الأول تقبل خريج الثانوي ويدرس في الكلية 4 سنوات ويتخرج ملازم.

وبالنسبة للجامعيين راح تستمر في قبولهم لكن بالنسبة للتخصصات الشرعية هم تدريبهم بالكلية سنتين والكل يعرف هذا الشي لكن السنة الثانية راح يكون الحظور الساعة 7 صباح ويطلع الساعة 2 كأنة في جامعة السنة الأولى مايطلع إلى الأربعاء ويرجع الجمعة كما هو معروف عند الجميع لكن تغير دوام السنة الثانية وبالتوفيق للجميع طبعآ هذا كلام ناس كبار والكبير الله..

الملازم نايف
03-05-2010, 12:53 AM
نعم أخي الكريم كلام صحيح 100% كلية الملك فهد الأمنية راح ترجع نفس نظامها الأول تقبل خريج الثانوي ويدرس في الكلية 4 سنوات ويتخرج ملازم.

وبالنسبة للجامعيين راح تستمر في قبولهم لكن بالنسبة للتخصصات الشرعية هم تدريبهم بالكلية سنتين والكل يعرف هذا الشي لكن السنة الثانية راح يكون الحظور الساعة 7 صباح ويطلع الساعة 2 كأنة في جامعة السنة الأولى مايطلع إلى الأربعاء ويرجع الجمعة كما هو معروف عند الجميع لكن تغير دوام السنة الثانية وبالتوفيق للجميع طبعآ هذا كلام ناس كبار والكبير الله..

يعني التقديم الي بعد شهرين يكون هالنظام منفذينه ؟

دربك خضر
03-05-2010, 01:10 AM
نعم سوف يطبق قريبآ بس إذا مو السنة هذا بالكثير السنة الجاية 1432 المهم أن البرنامج أنا واثق 100% أنه صحيح وما فيه مجال للنقاش فيه ونا متأكد من هذا الشي

الملازم نايف
03-05-2010, 01:25 AM
نعم سوف يطبق قريبآ بس إذا مو السنة هذا بالكثير السنة الجاية 1432 المهم أن البرنامج أنا واثق 100% أنه صحيح وما فيه مجال للنقاش فيه ونا متأكد من هذا الشي

اسف على كثرة الاسئله

وش هي مصادرك والجرايد ماكتبت هالشيء ولا المواقع

عزوز الدهمشي
03-05-2010, 01:34 AM
خلاص اجل انا بسحب على الامن العام وبسحب على السجون والمباحث



ماراح ادخل الدورة بنتظر السنه الجاية وبقدم

الفارس السعودي
03-05-2010, 01:38 AM
الحقيقة ان صاحب الموضوع نزله بدون اي إثبات رسمي موقع او جريدة او وزارة الداخلية
وهذا الموضوع ياخوي بارك الله فيك شتت ناس كثيرة ومن ضمنهم اخوي الدهشمي تبغاه
يضيع مستقبله ويترك السجون والمباحث علشان خبر غير مؤكد وغير موثوق ..

اخوي الدهشمي قدم بالسجون والمباحث وكل شي ولاتضيع مستقبلك ورا شي غير موثوق

وهداك الله ياصاحب الموضوع المفترض الإدارة تغلقة وهو بدون مصدر

اصلحك ربي

دربك خضر
03-05-2010, 01:54 AM
انا كلامي هذا مو معناته أن أي شخص مقدم على شي يروح ويسحب ملفه وينتظر الكلية الواحد مايدري وش هي شروط الكلية علشان يقدم على هذه الخطوة الغير مبرره وأنا مصدري موثوق وتذكر كلامي أن كان الله أحيانا إنشاء الله وبالتوفيق....

شميزر العمري
03-05-2010, 01:59 AM
ياااااااااااااااه (يامنتا كريم يارب),,,قلب مصري من كثر الفرحه
يا سلااااااااااااااااام يابطل الله يوفقك

سرعه سرعه

بس بالله اسأل لنا خالك وقله هم بيشترطون انهم يكونون خريجين نفس السنه على اساس انا بننتظر السنه الجايه وبنكون متأخرين بسنه تكفى اذا يمديك ذلحين ازرق مثل الذيب وأسأله وعطنا خبر

الملازم نايف
04-05-2010, 12:23 PM
خلاص اجل انا بسحب على الامن العام وبسحب على السجون والمباحث



ماراح ادخل الدورة بنتظر السنه الجاية وبقدم





لا ياخوي لاتضيع سنه على حساب خبر مو موثوق
وبعدين من شروطهم ان يكونون خريجين نفس السنه

الملازم نايف
08-05-2010, 03:49 PM
وش صار على هالكلام ؟؟؟؟؟؟؟؟؟؟؟؟؟؟؟؟

سعد الشنب
08-05-2010, 04:01 PM
تكفى تسال خالك متي اسماء القبولين في الدورة الامن العام 1431ه

الزهراني فهد
08-05-2010, 04:05 PM
وانا خالي يقول ان السنة الي بعد الجاية الكلية الامنية تقبل الكفاءة ..:q

الكااسر
08-05-2010, 04:07 PM
الله يجزاك خير بس ما اتوقع هذا الكلام لأن ما فيه مصادر موثوقة اضافة إلى أن الكلية الامنية تم اعدادها لقبول الجامعيين فما اتوقع انهم بيرجعون لنظام السابق وهو القبول بالثانوي بالعكس كل الكليات العسكرية الآن توجهها للجامعي من الكلية الحربية والبحرية والجوية والحرس والملكي ..الخ .


نفس الكلام والله اعتقد بعد كم سنه كل الكليات العسكريه تتحول بالجامعه