المساعد الشخصي الرقمي

مشاهدة النسخة كاملة : مناقشة وظائف المدارس الاهلية في الوسطى للبنات فقط


الصفحات : 1 2 3 4 5 6 7 8 [9] 10 11

أهلاوية
27-02-2011, 07:34 AM
السلام عليكم


اي مدرسة تبي كيمياء او علوم برضو تعلمنا

منآآآآآير
27-02-2011, 02:32 PM
السلام عليكم جميعا

اشكركم على هذا الموضوع الرائع

وجدا اعجبتني فكره الموضوع ، يعطيكم الف عافيه جميعا

عندي استفسار ياليت احد يقدر يفيدني



( سبق وسمعتوا بمدارس ابن خلدون شمال الرياض مخرج 5 ! حابه استفسر عن وظائف it support عندهم , فيه احد متوظف في هالمدرسه ؟ ياليت تفيدوني بمعلومات عنها )

1/ طبيعه عمل الاي تي عندهم ؟

2/ كيف طريقه التقديم ؟

3/ هل هم محتاجين موظفات ؟


اي معلومه عن هالمدرسه ،

وبالتوفيق اان شاء الله للجميع

جروح الوفاء
27-02-2011, 06:05 PM
السلام عليكم

صبااايا القصيم فديتكم ابغى ارقاااااااام مدارس اهليه بالقصيم بمختلف المحافظات يعني

ياليت احد يساعدني ..

ولهت عليك
01-03-2011, 12:56 AM
السلام عليكم

صبااايا القصيم فديتكم ابغى ارقاااااااام مدارس اهليه بالقصيم بمختلف المحافظات يعني

ياليت احد يساعدني ..



اختي حددي اي محافظه تبغي....

ولهت عليك
01-03-2011, 12:58 AM
صبايا انا ابي رقم اشراف النسوي بالدوادمي.......

ولهت عليك
01-03-2011, 01:00 AM
سمعتوا خبر تثبيت من هم على البند .....


واللجنه اللي راااح تدرس طريقه توظيف الشباب...


يارب الفرج من عندك

غلاتي انا
01-03-2011, 02:06 PM
السلام عليكم
مساءالخيرات
بنات انا متخرجه من الثانوي ومعي كبيوتر
الي تعرف اي مدرسه اهليه او روضه و حضانه اشتغل اداريه او اي شي تقولي لاني ماطلع ولا اعرف المدارس
تحياتي

صريحة
01-03-2011, 03:38 PM
االي تسال عن مدرسة ابن خلدون


صديقتي مدرسه فيها .....بس الظاهر اللي بمخرج 1



اذا حابه اسالها ترسلي استفساراتها على الخاااص


وانا اسالها ان شاءلله ....



لاني ما ادخل هالاقسام بكثره وانسى بعض ردودي

مرسى الحنين
02-03-2011, 09:49 PM
.
.



مرحبا بنات كيفكم عساكم بخيير
حبيت أسأل عن احتياج المدارس لمعلمات علم الاجتماع


الله يعطيكم العافية



.
.

معالي محمد
03-03-2011, 11:54 PM
تخصصي جغرافيا ياليت اذا تعرفون احتياج في المدارس الاهليه بالقصيم
تخبروني برساله ع الخاص
تكفووووووون يابنات القصيم والله محتاجه الوظيفه

بلاملامح
04-03-2011, 05:48 AM
يابنات الي تعرف مدرسه اهليه عنده احتياج لتخصص جغرافيا الله يجزاها خير ترد لي الخبر خاص
او يبون حاسب عندي دبلوم و6 شهور ودورة شهر
انا في الرياض

انين السعوديه
05-03-2011, 04:41 AM
مدارس واحة الرواد محتاجين معلمة حاسب الي تخصص بكالوريوس +كاتبة
مكانهم الروابي -شارع هارون الرشيد
روحوا وقدموا وبالتووفيق دعوااتكم ,,,,,

جروح الوفاء
05-03-2011, 09:40 PM
اختي حددي اي محافظه تبغي....


ابي في مختلف المحافظات مافي محااافظه محدده

تحياااتي

ملكه النواعم
06-03-2011, 01:31 AM
:( وانا بعد
تكفون رياضيات في اي محافظه بالقصيم:cry:

ولهت عليك
06-03-2011, 01:35 AM
ابي في مختلف المحافظات مافي محااافظه محدده

تحياااتي




الرواد البدائع 3210606
الغصون البدائع 3321543
الوعد بالرس3338238
الرشاد بالرس 3330297

جروح الوفاء
06-03-2011, 03:54 PM
الرواد البدائع 3210606
الغصون البدائع 3321543
الوعد بالرس3338238
الرشاد بالرس 3330297

مشكووره يالغلا الله يرزقك من حيث لاتحتسبين

سكرية
10-03-2011, 05:19 AM
صباح الرزق باذن الله لي ولكم
:h

بنات انا معاي بكلوريوس انقليزي

احد يعرف احتياج بالرس باي وظيفه كانت عادي :(

أشجارالربيع
11-03-2011, 09:00 PM
وين موضوع احتياج المدارس الاهلية

ولهت عليك
14-03-2011, 04:52 AM
صباح الرزق باذن الله لي ولكم
:h

بنات انا معاي بكلوريوس انقليزي

احد يعرف احتياج بالرس باي وظيفه كانت عادي :(



الاسبوع اللي فات سمعت انو الغصون الابتدائي محتاجين معلمة انقلش المبنى قدام الكليه العلميه


ادعي لي ربي يرزقني

سكرية
15-03-2011, 02:52 AM
الله يفتح لك ابوب رزقه يارب

ويانا والمسلمين ..

بكلمهم اليوم ان شالله مع اني معطيتهم ملفي بدايه الترم الثاني

ولهت عليك
15-03-2011, 10:17 PM
سكريه خبريني وش يصير معك ....


الله يرحم الحال ومن قالك انهم يناظرون الملفات

تخصصي دعوة
19-03-2011, 05:30 PM
ابي وظيفه بالرياض
تخصصي دعوة يعني دين
وشهاد الرخصه الدوليه لقياده الحاسب الالي
وعدد من الدورات

أخت أخوها ااا
20-03-2011, 12:38 PM
بنااات الخرج مافيه وظايف نازلة ؟؟!!! في بنوك او مستشفيات او اي شيء

تخصصي رياضيات

طموح وقف التنفيذ
21-03-2011, 12:20 AM
مرحبا بنوتات
في مدرسه أهليه بغرب الرياض عندهم احتاج لمعلمة حاسب الآلي (دبلوم)
الله ييسرامورنا

توكلت على ربي
21-03-2011, 07:39 PM
بنات الخرج ووين موقع روضة درب المستقبل

الماسسه
22-03-2011, 01:56 AM
احد يعرف ارقااام مدارس اهليه او روضااات ابغى اقدم عليها
دلوني الله يجزاكم خير

رماد وردة
23-03-2011, 08:26 PM
السلام عليكم ورحمة الله وبركاته

ازيكم يا حلوين انا متخرجة رياض اطفال وعندي خبرة كم شهر

ابغى وظيفة في بريدة لو احد يعرف روضة في بريدة يكلمني او يراسلني

وشكرا

دكتورة حبايبها
23-03-2011, 08:48 PM
السلام عليكم ورحمة الله وبركاته
انا من بريدة وارغب بوظيفة بمدرسة اهلية ادارية معي حاسب الي

Ṃăjbợŗ
25-03-2011, 07:45 PM
شـكرا لك وبارك الله فيك

مفهيه بتركيز
26-03-2011, 02:38 AM
السلام عليكم انا تخصصي عربي من بريدة وابحث عن وظيفة في مدرسة اهلية اللي يعرف مدرسة يبلغني الله لايهينه

مستر عازف
01-04-2011, 07:40 PM
يعطيك العااااافيه

ولهت عليك
04-04-2011, 02:45 AM
سمعت ان مدارس الرشاد بالرس

محتاجين معلمة للنشاط ...


اللي تبي تقدم عليهم

أخت أخوها ااا
04-04-2011, 10:46 PM
الخرج
مافيها وظايف وين يروحون بناتها!!!!!!!!

بكالوريوس رياضيات + حاسب 6شهور =****************>>فيس حزين

غدآ أجمل
16-04-2011, 06:01 PM
سبحان الله

غدآ أجمل
16-04-2011, 08:53 PM
السلام عليكم ورحمة الله وبركاته
مدراس العلا العربيه الاهليه قسم م - ث بحي الشفاء جنوب الرياض بحاجه إلى
مساعده لديها خبره في مجال العمل وشخصيه قياديه


من لديها الرغبه الاتصال على 4230467. 0531155327

عاشقه برنس
19-04-2011, 05:55 PM
انا تخصصي كييماء ابحث عن وظيفيه بالرس

طالبة رضى الله
20-04-2011, 12:47 PM
الله يوفق الجميع ..
انا تخصصي حاسب الي ياليت اللي يعرف مدرسة اهلية بحاجة يخبرني والله يوفق ويسعد الجميع..

عطر السندريلا
22-04-2011, 08:11 PM
شوفي ياقلبي راتبهم مو كثير على خبري 1700 بس مدري يمكن زادو هالسنة

تكفين ادعي لي ان الله يفرج همي

اختي ردي ربي يفرج همك كيف تعامل المدرسه والاداره والبنات مشاغبات وهل زادو راتبهم وانتي من زمان اشتغلتي ولا من قريب وهم يطلبون وسائل وعرض باور بوينت

ردي ربي يفرج همك

عطر السندريلا
30-04-2011, 07:26 PM
بنات فيه وحده قد اشتغلت بمدارس الامه الابتدائي او مدارس الاركان الابتدائي اومنارات اليمامه اوسمعت عنهم؟؟؟

كيف تعامل الاداره والمعلمات والطالبات هل الاداره شديده وهل الطالبات مشاغبات؟؟

ارجوووووووو الرد

الطامحة
30-04-2011, 09:47 PM
تخصّصي درآسآت اسلاميّة ،، آللي تسمع بوظيفة في جنوب آلريّآض
يَ ليت تخبّرني ..
وآلله يجزآكم خير ،، ويوفّق آلجميع لمآيحبه ويرضآه ..

ضيقتني وثيقتي
30-04-2011, 10:35 PM
انا تخصصي عربي ( الي تعرف مدرسه خااصه بالقصيم ( الرس او رياض الخبراء ) يبون مدرسات عربي
ودين بالله تقولي والله يوفقنا ويرزقنا بالوظايف ياااااارب

ضيقتني وثيقتي
30-04-2011, 10:37 PM
بنات الي عندهم خبره بالمدرسه الاهليه ابي اسئلكن

لو انهيت العقد قبل وقت وش يصير لي؟

Relax
30-04-2011, 11:49 PM
ماعندي والله خبرة ياليت اللي عنده خبرة يفيدونك

ممكن طلب ضيقتي وثيقتي ؟

ولاعليك أمر أبي منك توقيعك ضيقتي وثيقتي عاجبتني مرررة والأنشودة اللي عليها؟؟

تحيااااااااااتي لك

الله يوفقك

ايزيل
30-04-2011, 11:49 PM
مسائكم ورد انا تخصصى لغة عربية وعلوم اجتماعيه
اذا احد يقدر يساعدنى بوظيفه في مدرسه اهليه او روضة
في بريدة او عنيزة اكون له من الشاكرين
مشكلتنا في بريده المدارس الاهليه ماتسوي اعلانات عن الوظايف عندهم

Relax
01-05-2011, 12:00 AM
يعطييييييييييييييييك العافية

الله يوفقنا ويرزقنا بالوظيفة اللي نتمناها يااااااااااااااارب

يارب نتوظف بجدارة.

شاكرة لك مرورك تحياتي وتقديري لك.

رح زين
01-05-2011, 11:19 AM
هلوات بنوتاااات أتمنى للجميع التوفيق ياااارب

سعووديه عاطله
02-05-2011, 07:51 PM
السسلام عليكمـ ورحمة الله وبركاته

تخصصي بكالوريوس لغة إنجليزيه

ممكن تساعدوني بوظيفه في مدرسه أهليه أو روضة معلمه أو إداريه
في (بريدة أو عنيزة)




وربي يسعدكمـ إن شاء الله ويرزقنا وإياكمـ بالوظائف

ن ج لا ء
03-05-2011, 11:49 PM
مرحبااااا
بشرى لخريجي وخريجات اللغه الانجليزيه بعد قرار الملك بتدريس اللغه الانجليزيه للصف الرابع العام الدراسي القادم راح يكون بأذن الله وظائف كثيره لخريجي هذا القسم
يعني ابشري ياسعوديه وعاطله بالوظيفه انشاء الله

ضيقتني وثيقتي
04-05-2011, 01:12 AM
هلا راجيه ثواب الله ما يغلى عليك التوقيع

ولانشوده للمنشد حااامد الضبعان واسمها تكفون


بنات فيه احد منكن درس بمدرسه خاااصه ؟

سعووديه عاطله
04-05-2011, 12:28 PM
مرحبااااا
بشرى لخريجي وخريجات اللغه الانجليزيه بعد قرار الملك بتدريس اللغه الانجليزيه للصف الرابع العام الدراسي القادم راح يكون بأذن الله وظائف كثيره لخريجي هذا القسم
يعني ابشري ياسعوديه وعاطله بالوظيفه انشاء الله



مرررراحب

يااارب

ربي يسعدكـ

سعووديه عاطله
04-05-2011, 12:29 PM
طيب ممكن أحد يزودنا بأرقام المدارس الأهليه بـ ( بريدة - عنيزة ) بنات



أستغفر الله

ملكه النواعم
04-05-2011, 04:50 PM
:) يارب التوفيق

معالي محمد
08-05-2011, 05:43 PM
تخصصي جغرافيا
ياليت الي تعرف مدارس اهليه في القصيم في اي محافظه يخبرني برساله ع الخاص
والله اني محتاجه الوظيفه والله عالم بي.....:ash:

أخت أخوها ااا
09-05-2011, 11:30 AM
بنات الخرج

معهد كوادر محتاجين معلمة حاسب يكون معها بكالوريوس واذا دبلوم يسون لها اخنبار

الحين متصله عليهم وقالو لي ..

سعووديه عاطله
11-05-2011, 06:05 PM
يارب ترزقنا

توكلت على ربي
13-05-2011, 05:28 AM
بنات الخرج والدلم مافي تقديم على المدارس الاهليه ؟؟؟

توكلت على ربي
13-05-2011, 05:30 AM
بنات معهد العالمية وكوادر محتاجين موظفات تخصص حاسب او دبلوم ....الخرج

توكلت على ربي
13-05-2011, 05:31 AM
بنات كيف يتم التقديم على الروضات الحكومية في الخرج ؟؟؟؟

انجل سول
16-05-2011, 07:38 PM
مدرسة خصوصية جنوب الرياض ف اللغة الانجليزية لجميع المراحل للمراجعه النهائية بأقل الاسعار للتواصل يرجى الارسال ع الخاص

غدا يوم آخر
18-05-2011, 04:11 PM
اخواتي من باب التعاون على الخير
وفقكن الله اي خبر عن وظائف للنساء مسائيه اوصيفيه
تضعون الخبر هنا لاهنتو خاصة واحنا مقبلين على الصيف والسؤال عنها كثير
والدال على الخير كفاعله

الوظاااااائف المسأأأئية + الصيفيه هنااا (http://www.btalah.com/showthread.php?t=308194)

مسافرة والجو غيم
19-05-2011, 06:16 AM
السلام عليكم
ماتعرفون مدرسة اهلية في بريدة محتاجة معلمة دين
: (

الماسسه
23-05-2011, 03:20 AM
مااااااافي وظاااااايف اداريااات بالخرج
معي تقنية مكاتب سنه

عطر السندريلا
24-05-2011, 03:35 AM
بنات فيه وحدة قد درست بمدارس التقوى الابتدائيه شرايكم فيها من ناحية التعامل ردووو بليز

سعووديه عاطله
24-05-2011, 07:00 PM
السسلام عليكمـ ورحمة الله وبركاته

تخصصي بكالوريوس لغة إنجليزيه

ممكن تساعدوني بوظيفه في مدرسه أهليه أو روضة معلمه أو إداريه
في (بريدة أو عنيزة)




وربي يسعدكمـ إن شاء الله ويرزقنا وإياكمـ بالوظائف

معالي محمد
04-06-2011, 10:41 PM
انا تخصصي جغرافيا ومع دوره حاسب سته شهور ياليت اذا تعرفون مدرسه محتاجه في القصيم في اي محافضه في القصيم ترسلون لي ع الخاص

القادم جميل
07-06-2011, 12:30 AM
السلام عليكم ورحمة الله وبركاته
تخصصي بكالوريس فيزياء
مع دورة استخدام الحاسب بالاعمال المكتبية ثلاث شهور
ياليت اذا فيه مدرسة اهلية محتاجة في الخرج تراسلوني على الخاص

محمد عبدالله93
07-06-2011, 10:23 AM
ألف شكر لك .......

ضياااء
10-06-2011, 03:47 AM
السلام عليكم ورحمة الله وبركاته ........ انا عضوه جديده بينكم ....رحبوني فيني اقوى شي ;)كنت اتابعكم من خلف الكواليس واخيرا قررت اسجل معكم وافيد ونستفيد ان شاء الله من خلال هذا المنتدى الرائع .....
انا تخصصي عربي ( الي تعرف مدرسه خااصه بالقصيم ( ببريده او مجاورها ) يبون مدرسات لغه عربيه تخبرني وربي لادعيلها من قلبي وانا ان شاء الله راح اخبركم باللي اعرفه وماراح ابخل عليكم بس لاتنسوني كمااااااااااان :m
الله يوفقنا ويرزقنا بالوظايف يااارب ....

عطر السندريلا
10-06-2011, 11:16 PM
ضياااء هلا بس ياخيتي حياتس الله لو اعرف فيه مدارس بالقصيم محتاجين خبرتك بس للاسف ماعرف؟؟

لمعةالماسه
11-06-2011, 05:10 PM
السسلام عليكمـ ورحمة الله وبركاته


تخصصي بكالوريوس لغة إنجليزيه

ممكن تساعدوني بوظيفه في مدرسه أهليه أو روضة معلمه أو إداريه
في (بريدة أو عنيزة)




وربي يسعدكمـ إن شاء الله ويرزقنا وإياكمـ بالوظائف



امممم:m
مااعرف يالغلا:h
اناا مثلك ابغى اتوظف في مدارس اهليه بعنيييزه...
تخصصي (اداره ماليه):u

تكفووون بنااات القصيم..>:h:w
ابغى ارقام مدارس اهليه ؟؟
يكون صاادقين ويوظفون على طووول مو يماطلون فينااااا:(:c


موفقااات جميعااااا;)

ضياااء
12-06-2011, 02:17 AM
ضياااء هلا بس ياخيتي حياتس الله لو اعرف فيه مدارس بالقصيم محتاجين خبرتك بس للاسف ماعرف؟؟

ياهلابك عطر السندريلا .....الله يعين يالغلا ....ومشكورة على ردك..:w

ضياااء
12-06-2011, 02:24 AM
السلام عليكم ورحمة الله وبركاته ..

اخباركم صبايا ..


ودي استفسر أحد وصلته هالرساااله !! ولا لا ...

وهو جد ولا بس اشاعات هالكلام

نص الرساله

فيه تقديم بالاشراف التربوي عشان حصر عدد الخريجات اللي ماتعينو بس لازم تجيبين معك صور لشهاداتك وصوره لكرت العائله وتحطينهم بملف اخضر واكتبي اسمك وتخصصلك على الملف وذلك يوم الاثنين الموافق 11-7-1432

وكل منطقه بمكتب الاشراف الخاص بها ويبدأ جمع الملفات الساعه 10 ص http://forum-static.hawaaworld.com/images/hawaaworld/smilies1/smile59.gif

وابشركم يقولون راح يكون التعيين حسب سننة التخرج
بلغي كل الخريجات اللي تعرفينهم والله يوفق الجميع ..

يااااااااااااليت يكون هالخبر صدق ...:m

عاطله يارب اتوظف
12-06-2011, 03:12 AM
اي انا جاااااني بروح اشوف بمكتب الاشراف بس يارب يرزقنا بالتوظيف

عاطله يارب اتوظف
12-06-2011, 03:17 AM
انا خريجة اقتصاد منزلي احد يعرف مدرسه ببريده محتاجين مدرساااات ياليت يخبرني وربي مليييييييييييييييييييييييييييييييييييييييييييييييي ييييييت الله يوفق اللي يخبرني ويجعل له من كل ضيق مخرجا ومن كل هم فرجا

سعووديه عاطله
12-06-2011, 08:07 AM
امممم:m
مااعرف يالغلا:h
اناا مثلك ابغى اتوظف في مدارس اهليه بعنيييزه...
تخصصي (اداره ماليه):u

تكفووون بنااات القصيم..>:h:w
ابغى ارقام مدارس اهليه ؟؟
يكون صاادقين ويوظفون على طووول مو يماطلون فينااااا:(:c


موفقااات جميعااااا;)





ربي يرزقنا إن شاء الله

:w

سعووديه عاطله
12-06-2011, 08:14 AM
السلام عليكم ورحمة الله وبركاته ..

اخباركم صبايا ..


ودي استفسر أحد وصلته هالرساااله !! ولا لا ...

وهو جد ولا بس اشاعات هالكلام

نص الرساله

فيه تقديم بالاشراف التربوي عشان حصر عدد الخريجات اللي ماتعينو بس لازم تجيبين معك صور لشهاداتك وصوره لكرت العائله وتحطينهم بملف اخضر واكتبي اسمك وتخصصلك على الملف وذلك يوم الاثنين الموافق 11-7-1432

وكل منطقه بمكتب الاشراف الخاص بها ويبدأ جمع الملفات الساعه 10 ص http://forum-static.hawaaworld.com/images/hawaaworld/smilies1/smile59.gif (http://forum-static.hawaaworld.com/images/hawaaworld/smilies1/smile59.gif)

وابشركم يقولون راح يكون التعيين حسب سننة التخرج
بلغي كل الخريجات اللي تعرفينهم والله يوفق الجميع ..

يااااااااااااليت يكون هالخبر صدق ...:m






ما وصلني شيء !!!

ياليت لو حد يعرف يخبرنا

مشكوررهـ

:w

كريستاااله
12-06-2011, 12:04 PM
السلام عليكم ورحمة الله وبركاته ..

اخباركم صبايا ..


ودي استفسر أحد وصلته هالرساااله !! ولا لا ...

وهو جد ولا بس اشاعات هالكلام

نص الرساله

فيه تقديم بالاشراف التربوي عشان حصر عدد الخريجات اللي ماتعينو بس لازم تجيبين معك صور لشهاداتك وصوره لكرت العائله وتحطينهم بملف اخضر واكتبي اسمك وتخصصلك على الملف وذلك يوم الاثنين الموافق 11-7-1432

وكل منطقه بمكتب الاشراف الخاص بها ويبدأ جمع الملفات الساعه 10 ص http://forum-static.hawaaworld.com/images/hawaaworld/smilies1/smile59.gif (http://forum-static.hawaaworld.com/images/hawaaworld/smilies1/smile59.gif)

وابشركم يقولون راح يكون التعيين حسب سننة التخرج
بلغي كل الخريجات اللي تعرفينهم والله يوفق الجميع ..

يااااااااااااليت يكون هالخبر صدق ...:m



ياليت احد يرد عليناااااااا اذا الخبر صدق او لا بليييييييييييييييييز :c

سعووديه عاطله
16-06-2011, 11:37 AM
يااارب ترزقنا يا كريييمـ

أستغفر الله

جروح الحب
19-06-2011, 06:24 PM
سلام عليكم كيفكم يابنات الخرج ابغى اعلرف احتياجات مدارس اهليه في الخرج\انا اقتصاد ومعي شهاده سكرتاريه وسلوك وظيفي

ملاك الكوون
19-06-2011, 07:07 PM
مررراحب صبايا

ابي وظيفه مدرسه طفشت من جلسه البيت هففففففففف

تخصصي رياضيات من سكان حفر الباطن

كريستاااله
27-06-2011, 01:33 PM
الووووووو صبايا

كريستاااله
27-06-2011, 01:35 PM
أعلنت مدارس فرسان الجزيرة الأهلية بمحافظة الخرج للمعلمين والمعلمات السعوديين الذين يرغبون في الالتحاق بالوظائف التعليمية بالمدارس بإمكانية ذلك وذلك بتعبئة النموذج الموجود على الرابط التالي :
اضغط هنا لتحميل النموذج الخاص بالالتحاق بالمدارس (http://www.2shared.com/document/9zeSwzxv/_2_online.html)
وإرساله بالبريد الالكتروني علي الايميل forsan.230@gmail.com أو ebrahim.forsan@gmail.com


منقوووول من صحيفة الخرج

انا مااعرف ارسل صراحه عن طريق البريد عقدتي النفسيه قلت اعطيكم الخبر عشان تستفيدون

انا والبطالة
28-06-2011, 03:52 PM
دليل المدارس الاهلية في المملكة
http://www.*******.com/category-ar/schools-_-private/MjI0NzVfX18gX19fXyBf/ (http://www.*******.com/category-ar/schools-_-private/MjI0NzVfX18gX19fXyBf/)

فزولهااا
28-06-2011, 11:18 PM
السلام عليكم


تكفون ابي وظييييييييييفهـ اداريه او مدرسه في مدارس بريده
انا خريجة دبلوم حاسب تخصصص دعم فني بمعدل 4,33 مع مرتبة الشرف

اللي تعرف مدرسه اهليه بليز ترسل لي ع الخاص

ولكم مني جزيل الشكر،،،

سعووديه عاطله
30-06-2011, 08:36 AM
السسلام عليكمـ ورحمة الله وبركاته



تخصصي بكالوريوس لغة إنجليزيه


ممكن تساعدوني بوظيفه في مدرسه أهليه أو روضة معلمه أو إداريه
في (بريدة أو عنيزة)





وربي يسعدكمـ إن شاء الله ويرزقنا وإياكمـ بالوظائف

الفجر الزاهي
01-07-2011, 04:57 PM
اللهم صلي على نبينا محمد وعلى آله وصحبة وسلم

رمزيه
03-07-2011, 10:56 PM
يااليت احد يخبرناا عن مداارس في الخرج والريااض تحتاج مدرساات

بنت فلان
05-07-2011, 03:56 PM
تخصصي أدارة أعمال ,,,ياليت أحد يفيدني بأي مدرسه بحاجه إلى أداريات (بريده -عنيزه)

ام فيصل القصيم
06-07-2011, 01:18 AM
انا ابي وظيفه بمدرسه اهليه ببريده ياليت تفيدوني

حُلُمي التدريس
07-07-2011, 06:26 PM
السلام عليكم ورحمة الله وبركاته
لو سمحتوا حبيت اسال اذا فيه مدارس اهلية للبنات في المجمعه او حولها
ومحتاجه مدرسات بالذات عربي

طالبه رضا ربها
10-07-2011, 06:16 AM
بالتوفيق

دمعةعمر
17-07-2011, 02:06 AM
شـكرا لك وبارك الله فيك... لك مني أجمل تحية . موفق بإذن الله ... لك مني أجمل تحية .

دمعةعمر
17-07-2011, 02:10 AM
·&·&ҳ̸Ҳ̸ҳ لـــۆن حيـــاتــ‘ ـڳ بـإخــ‘ـلا ﺺ إ يــﻡ ــآنڳـ ҳ̸Ҳ̸</SPAN></SPAN></SPAN></SPAN>ساخن! جديد·&·&დاللهـ‘ـﻢ بـ‘ـلـﻍ‘ـنا رﻡ‘ـضـ‘ ـانـ ۆ ٲڠ‘ــنـ‘ـا علـ‘ـىﻬ ٱلـڝ‘ــيـامـ والقيام·&·&ҳ̸Ҳ̸ҳ لـــۆن حيـــاتــ‘ ـڳ بـإخــ‘ـلا ﺺ إ يــﻡ ــآنڳـ ҳ̸Ҳ̸</SPAN></SPAN></SPAN></SPAN>ساخن! جديد·&·&დاللهـ‘ـﻢ بـ‘ـلـﻍ‘ـنا رﻡ‘ـضـ‘ ـانـ ۆ ٲڠ‘ــنـ‘ـا علـ‘ـىﻬ ٱلـڝ‘ــيـامـ والقيام·$18 ۩ ·$55…… ·$18 ][·$55 أهــلآ رمـ ض ـان ·$18][ ·$55 …… ·$18۩

رمزيه
18-07-2011, 01:25 AM
الله يعافيكم مدارس الفرسان اللي بالخرج من اللي قد توظفت فيهاا وكم راتبهاا ؟

وهل عاادي يقبلون اللي مكان سكنها بعيد ؟


اتمنى تردون على تساؤلي جزاكم الله خيرا

عطر السندريلا
19-07-2011, 07:36 PM
بنات الله يسعدها الي ترد فيه وحده قد درست بمدارس النهضه بالرياض بالبديعه

اتمنى احد يرد

احساس عاطله
21-07-2011, 03:27 AM
السلام عليكم ورحمة الله وبركاته
شركة وطنيه كبرى لدعايه والاعلان
مطلوب موظفات سعوديات لشغل الوظائف التاليه تبدا الرواتب ب5000, بيئة عمل نسائيه و خبره في مجال العمل 4 سنوات
1-مصممات جرافكس وفوتوشوب
2-مسوقات منتجات دعائيه
3-مسئولة علاقات عامه
4-مشرفة مبيعات وتسويق
وسوف تكون المقابلات في تاريخ 15-9-1432هـ
وترسل السيره الذاتيه على العنوان التالي
media-jops@hotmail.com
بالتوفيق

ش م و خ ع ز ي
22-07-2011, 12:42 PM
استغفر الله الذي لاإله الا هو الحي القيوم وأتوب إليه,,
متي يطبقوا قرار زيادة رواتب مدرسات الاهليه..
بالتووووفيق,,

متواصل
29-07-2011, 06:56 PM
أدعوكم للمشاركة في هذا الموضوع

http://btalah.com/showthread.php?t=337644

فارسه الأحلام
02-08-2011, 03:07 AM
السلام عليكم ورحمة الله وبركاته
كيف حالكم ان شاء الله بخير شهر مبارك عليكم يااخواني
لو سمحتوا اطلب طلب ابي وظيفه تناسب مؤهلي ثانويه عامه عندي دورات دوره الحاسب الالي هي الرخصه الدوليه ودوره معارف ودوره فوتوشوب ياريت في مدارسه اهليه او حكوميه اي مكان يناسب مؤهلاتي بس يكون في نطاق نسائيه الله يوفقكم يجزاكم خير بدعيلكم يفرج عني الله يفرج عنه بدعيلكم احد ساعدني او ماساعدني مشكورين

سموانسانه
10-08-2011, 03:21 AM
يابنات اللي تعرف مدارس أهلية ببريدة محتاجه مدرسه تخصص جغرافيا

امل امة
18-08-2011, 05:28 PM
وظائف المدارس الاهلية وساطات وخاصة بالقصيم ببريدة متخرجة من 12 سنة تخصص جغرافيا واقدم كل سنة على المدارس الاهلية والي الان مافية شي وش الدليل الوسطات

ودي اسجل
25-08-2011, 06:17 AM
يااااااااااااااااااااااااااااااااااااااااارب اتوظف السنه هذي
والجميع ياارب

سحرالانوثه
25-08-2011, 06:29 AM
انا تخصصي احياء وابي ادرس بمدرسه اهليه الله يرزق الجميع

اذا شفتو حد يطلب تخصصي ارسلو لي رساله خاصه وجزاكم الله خير

والله يوفقناااا

طفل يتيم
25-08-2011, 01:28 PM
مدربة تخصص حاسب آلي - بريدة
مدينة العمل بريدة
صاحب العمل معهد نسائي
طريقة التقديم للإستفسار: 3812690 - 06

ودي اسجل
26-08-2011, 07:10 AM
مااافي احد يطلب فيزياء ؟؟؟؟؟؟؟؟؟؟؟؟؟؟؟؟؟؟؟؟؟

دكتورة حبايبها
27-08-2011, 03:56 AM
السلام عليكم ورحمة الله وبركاته
أنا تخصصي مكتبات ومعي دورات بالحاسب ودي اشتغل بمدرسه أهليه إداريه

طالبة كيمياء
28-08-2011, 05:03 AM
مافيه احد يبي كيميااااااااااااااااااااااااااااااء؟


سبحان الله وبحمده

طالبة كيمياء
28-08-2011, 05:27 AM
ابي وظيفه بمدرسه اهليه بالزلفي او المجمعه


وشكراً

ضيقتني وثيقتي
28-08-2011, 02:45 PM
انا للغه عربيه .. يارب اتوظف او ادرس في مدرسه خاااصه بالقصيم
بليز الي يعرف مدرسه محتاجه يقولي (( الله يزق الجميع

يارب حقق امنيتي
04-09-2011, 03:01 AM
بنات عطوني ارقام مدارس في الخرج والمزاحمية

تالا القصيم
04-09-2011, 06:02 AM
اللي يعرف مدارس اهليه بالقصيم تبحث عن تخصص حاسب

ياليت يقول لي وموفقين جميعا

غدا يوم آخر
09-09-2011, 12:45 AM
شوفو الموضوع يهمكم للي يسألون عن هل سيطبق زيادة الراتب أم لا السنه هذي

عقود موحدة لشغل 40 ألف وظيفة بالمدارس الأهلية براتب 5000 ريال (http://www.btalah.com/showthread.php?t=353429)

غدا يوم آخر
09-09-2011, 12:46 AM
هذا رابط راح يساعدكم كثير في البحث عن المدارس الأهليه في كل السعوديه

http://www.uqu1.com/vb/go.php?g=qdz94frzl74 (http://www.uqu1.com/vb/go.php?g=qdz94frzl74)

يعني حطي اسم إدارة التعليم منطقتك طبعا
واسم المدينه وبنين أو بنات
حكومي أو اهلي
ولو حابه كمان اسم الحي إللي فيه المدرسه

موفقين ودعواتكم لي

الفوشييا
09-09-2011, 06:53 AM
السلام عليكم ورحمه الله وبركاته انا خريجه السنه هاذي تخصصي احياء ارغب بالعمل في مدرسه اهليه ببريده ارجوكم اللي يعرف يرسل لي يارب ارزقني والجميع

آلميآسه
10-09-2011, 03:01 PM
سسسسلام ..


اللي تعرف شي عن مدرسة ( الامام الشافعي ) و ( مدرسة الفلاح ) .. من ناحية الاداره ، التعامل، البناااات و غيره .. ياليت تحطه هووون ..

a7asess
10-09-2011, 03:52 PM
كم رواتب مدارس الفلاح اللي في الروضه

شيهانه على كف
10-09-2011, 08:37 PM
ابغى مدرسه اهلية بالقصيم

تخصصي رياضيات

كاسترو
10-09-2011, 11:15 PM
بالتوووفيق

ودي اسجل
11-09-2011, 08:42 AM
هذا رابط راح يساعدكم كثير في البحث عن المدارس الأهليه في كل السعوديه

http://www.uqu1.com/vb/go.php?g=qdz94frzl74 (http://www.uqu1.com/vb/go.php?g=qdz94frzl74)

يعني حطي اسم إدارة التعليم منطقتك طبعا
واسم المدينه وبنين أو بنات
حكومي أو اهلي
ولو حابه كمان اسم الحي إللي فيه المدرسه

موفقين ودعواتكم لي


الله يجزاك خير
بس عادي لو ارسل لهم سيرتي الذاتيه عن طريق الايميل ؟؟

قهوة عربية
11-09-2011, 10:03 AM
السلام عليكم
ابي منكم مشورة ومالكم الا الدعاء إن شاء الله ..
انا درست العام في مدرسة سئية التعامل وفيه تفرقة بين المعلمات المهم هنا انا الان لدي طفلة
عمرها شهرين الله يخليها لي ويحفظها ربي من كل شر ... صعب اروح اروح واخليهاوخاصة ان
هالمدرسة راتبها 1500 ريال صافي الراتب 1000
300 ريال مواصلات و200 ريال وسائل
وهذا ماحسبت حساب القطه للفطوروالقهوة وهو إلزامي تقريبا ...
انا قلبتها براسي ان شاء الله حافز يمشون لنا يالعاطلات 2000 ريال ... بكذا تكون جلستي افضل لان المدرسة راتبها 1500 ومازادوا الا 300 ريال اي الراتب هالسنة 1800 ..
وانا بحاجة الراتب انتم وش رايكم ؟؟؟ اصبر وان شاءالله يمشون لي 2000 وتكفي مصاريفي او اتوظف براتب 1800 واترك بنتي وهي بحاجتي ام شهرين ؟؟؟ .... تكفون شيروا علي ؟؟


وتتوقعون حافز بيمشون لنا 2000 او تخدير لنا افيدوني الله يجزاكم خييييير


مالكم الا الاجر ان شاء الله ....... وشكرررررالكم

أخت أخوها ااا
11-09-2011, 06:15 PM
اختي قهوه

ماردي !!!

بس لو تتركينها اهم شيء الخبره لاتنسينها

واسألي ناس عندها علم ودرايه في هالأمووور

موووووووفقه

حاسب توظيف ببنك
11-09-2011, 07:58 PM
الله يجزاك خير
بس عادي لو ارسل لهم سيرتي الذاتيه عن طريق الايميل ؟؟

دقي عليهم واسأليهم اذا محتاجين اولا

الماسسه
12-09-2011, 03:51 AM
احد يعرف وظايف اداريه في الروضات اوالمدارس الاهليه محتاااجه وربي طفشت وانا ادور

المنوره
16-09-2011, 11:33 AM
يعطيكم العافيه

قهوة عربية
16-09-2011, 12:34 PM
يعطيكم العافيه

يعافييييييك اختي وان شاء الله يطلعاسمي واسمك وجميع العاطلات المحتاجات ضمن دفعة الملك عبدالله

والله يسلمك اختي على ردودك دائما متفاعلة بجميع الاقسام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

انا مثلك مالي الا منتدي البطالة اترقب الجديد وكل يوم نفس اليييوم اللي قبله الله بس يعوضنا خيير ...
عطوناااا امل بالوظائف واقلقونا بدون فائدة السنين اللي قيل كنا نايمين وغاسلين يدينا من هالوظايف
لكن عقب القرارات حسينا انه فيه امل نتوظف ونسد حاجتنا وان شهاداتنا ماراحت هباءْا منثورا ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
ونقطة اريد ان اذكرها :
ـــــــــــــــــــــــــــــــــــــــــــــــــ

المنورة ـــــــــــــــــــــــــــــ ،انا بصراحة غيرت الرغبات المكانية لان مافيه دفعات جاية يطلب منها اثبات الاقامة، فقلت اغيرها
وش بيصير كلها واحد اصلا.... وش رايك ؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
وانت مقدمة على ايش اختي ؟!:w

قهوة عربية
16-09-2011, 12:35 PM
السلام عليكم
ابي منكم مشورة ومالكم الا الدعاء إن شاء الله ..
انا درست العام في مدرسة سئية التعامل وفيه تفرقة بين المعلمات المهم هنا انا الان لدي طفلة
عمرها شهرين الله يخليها لي ويحفظها ربي من كل شر ... صعب اروح اروح واخليهاوخاصة ان
هالمدرسة راتبها 1500 ريال صافي الراتب 1000
300 ريال مواصلات و200 ريال وسائل
وهذا ماحسبت حساب القطه للفطوروالقهوة وهو إلزامي تقريبا ...
انا قلبتها براسي ان شاء الله حافز يمشون لنا يالعاطلات 2000 ريال ... بكذا تكون جلستي افضل لان المدرسة راتبها 1500 ومازادوا الا 300 ريال اي الراتب هالسنة 1800 ..
وانا بحاجة الراتب انتم وش رايكم ؟؟؟ اصبر وان شاءالله يمشون لي 2000 وتكفي مصاريفي او اتوظف براتب 1800 واترك بنتي وهي بحاجتي ام شهرين ؟؟؟ .... تكفون شيروا علي ؟؟


وتتوقعون حافز بيمشون لنا 2000 او تخدير لنا افيدوني الله يجزاكم خييييير








مالكم الا الاجر ان شاء الله ....... وشكرررررالكم





وييييييييييييييييين الردود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

سامية المشاعر
16-09-2011, 01:44 PM
السلام عليكم

اللي يعرف مدارس يحتاجون مدرسات تخصص اقتصاد منزلي يبلغن بالخاص وتكووووووون ببريدة

يذكر لي اسم المدرسة

وشكرررررررررررررررررررررررا

سامية المشاعر
16-09-2011, 01:46 PM
وييييييييييييييييين الردود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

وحافــــــــــــــــــــــــز اكيد باذن الله رح يمشون لنا 2000 ريال

هذا اللي بالقـــــــــــــــــــــــــــــــــرار ...........


يارب ارزقنا من واسع فضلك

حسبا الله سيؤتينا الله من فضلة انا الى الله راغبون
ااااااااااااااامييييييييييييين

قاعدة في البيت
16-09-2011, 10:24 PM
بنات وش رايكم في مدرسة أضواء الرياض في حي النهضة من حيث تعامل الأدارة مع المعلمات

وريف الخريف
17-09-2011, 12:43 PM
قهوة عربية

فيه مثل يقول
عصفور باليد امسكي وظيفتك احسن لك

ولا تعتمدين على حافز لأنه لو كان فيه مصداقيه ما ماطلوا بهالشكل

والقرار لك

ايزيل
18-09-2011, 04:51 PM
ياجماعه اللى تدبرلى وظيفة في مدرسة اهليه ببريدة
راح اعطيها خمس الاف والله على ماقول شهيد
مع العلم انه تخصصى لغة عربية وعلوم اجتماعية

نجديه وكلي فخر
18-09-2011, 09:06 PM
بنات اللي يعرف ارقام المدارس الاهليه اللي محتاجين معلمات بعنيزه يعطيني خبر

سامية المشاعر
25-09-2011, 09:25 PM
بنات اللي يعرف ارقام المدارس الاهليه اللي محتاجين معلمات بريدة

عسى ربي يسهل اموركم ...........



او اكتبو لي العناوين وانا ابروح لهم

سامية المشاعر
25-09-2011, 09:28 PM
ابي عناوين المدارس الاهلية ببريدة

الله يسهل اموركم

سامية المشاعر
25-09-2011, 09:41 PM
ابي عناوين المدارس الاهلية ببريدة

الله يسهل اموركم

للبطاله عنوان
26-09-2011, 06:12 AM
مدرسه في غرب الرياض محتاجين معلمة انجليزي للتمهيدي

اللي تبي تراسلني خاص

الاداره جدا رااااااااائعه

للبطاله عنوان
26-09-2011, 10:25 AM
السلام عليكم
ابي منكم مشورة ومالكم الا الدعاء إن شاء الله ..
انا درست العام في مدرسة سئية التعامل وفيه تفرقة بين المعلمات المهم هنا انا الان لدي طفلة
عمرها شهرين الله يخليها لي ويحفظها ربي من كل شر ... صعب اروح اروح واخليهاوخاصة ان
هالمدرسة راتبها 1500 ريال صافي الراتب 1000
300 ريال مواصلات و200 ريال وسائل
وهذا ماحسبت حساب القطه للفطوروالقهوة وهو إلزامي تقريبا ...
انا قلبتها براسي ان شاء الله حافز يمشون لنا يالعاطلات 2000 ريال ... بكذا تكون جلستي افضل لان المدرسة راتبها 1500 ومازادوا الا 300 ريال اي الراتب هالسنة 1800 ..
وانا بحاجة الراتب انتم وش رايكم ؟؟؟ اصبر وان شاءالله يمشون لي 2000 وتكفي مصاريفي او اتوظف براتب 1800 واترك بنتي وهي بحاجتي ام شهرين ؟؟؟ .... تكفون شيروا علي ؟؟


وتتوقعون حافز بيمشون لنا 2000 او تخدير لنا افيدوني الله يجزاكم خييييير


مالكم الا الاجر ان شاء الله ....... وشكرررررالكم


وين هالمدرسه فيه؟؟؟

وهل حافز يعطي المتزوجات؟

ضيقتني وثيقتي
29-09-2011, 09:09 PM
بنات الي تعرف رقم اي مدرسه اهليه بالرس تقوله لي
والله يرزقكن كلكن يارب

آرومآ
09-10-2011, 08:59 AM
فرصه للراغباااااات في العمل

في حي الخليج بالرياض

مدارس اهليه بحاجه لمدرسه لغه انجليزيه وفيزياء

ولاتشترط الخبررره :)

ترسل السيره الذاتيه على ايميل

fg_k2012@hotmail.com

بنت النووور
10-10-2011, 09:42 PM
ضيقتني وظيفتي هذا رقم مدرسه بالرس لقيت اعلان لهم بنصف شهر10 بالجريده يطلبون معلمات واداريات
ودقيت عليهم وقالو تعالي بس مشكله انه ماعندي نقل وانا بعيده
3381717
3391818
دعووووووووواتك اتوظف ويتحقق اللي في بالي

مروومه
11-10-2011, 03:51 AM
يعطيك العافيه. .موضوع مهم

طالبة كيمياء
13-10-2011, 09:51 PM
بنات ابي اسماء مدارس اهليه بالزلفي .. الله يعافيكم

كيان القصيم
15-10-2011, 01:25 AM
السلام عليكم ورحمة الله وبركاته

مممممممممممرحبا ياحلوات وللي يعافيكم
ماتعرفون مدارس بالقصيم محتاجين كاتبه او
اداريه بروضه او مدرسه اهليه بس يفضل بالقصيم
تعلمني ع الخاص:u

وجزيتم خيييرا............................................ ..............

كيان القصيم
15-10-2011, 01:37 AM
هذا رابط راح يساعدكم كثير في البحث عن المدارس الأهليه في كل السعوديه

http://www.uqu1.com/vb/go.php?g=qdz94frzl74 (http://www.btalah.com/redirector.php?url=http%3A%2F%2Fwww.uqu1.com%2Fvb% 2Fgo.php%3Fg%3Dqdz94frzl74)

يعني حطي اسم إدارة التعليم منطقتك طبعا
واسم المدينه وبنين أو بنات
حكومي أو اهلي
ولو حابه كمان اسم الحي إللي فيه المدرسه

موفقين ودعواتكم لي










السلام عليكم ورحمة الله وبركاته

الله يسعدك ياربي بس الرابط مايفتح معي اقين ماعليك امر

ضيقتني وثيقتي
15-10-2011, 02:17 AM
بنت النور ..الله يخليك ويوظفك عاجل غير اجل ويوظف الجميع ..تم تقيمك ..غدا يوم اخر ربي يسعدك تاكدي من الرابط

انثى ملائكي
21-10-2011, 05:56 AM
السلام عليكم ورحمة الله وبركاته

انا تخصص رياضيات بالخرج
فاللي يعرف مدرسه اهليه او روضه بالخرج
عندهم تووظيف يالليت تقووولي
و الله ما انسساها بالدعاااء
الله يعطيكم الله عااافيه ...

اتعبتنا الظروف
24-10-2011, 05:14 PM
السلام عليكم ..
بناات ، انا بكالويوس دراسات أسلامية أنتساب / ومعي دبلوم حاسب ألي
اللي تعرف أو تسمع بوظيفه بعنيزة أو المذنب أو اي مكان تقوولي ):
والله يرزقكم ويرزقناا ..

توكلت على ربي
25-10-2011, 03:03 AM
السلام عليكم
بنات اذ في مدرسة اوروضة طالبين تخصص اللغة الانجليزيه في الخرج او الدلم ياليت تخبرني
ووووووشكرررررااااا

غزال والشر زال
29-10-2011, 05:06 PM
مدارس قرطبة ابتدائي بالشفا محتاجين دين

غزال والشر زال
29-10-2011, 05:09 PM
الله يعافيكم اذا عارفين مدارس بالشفا محتاجين دراسات او لغة ابتدائي غير مدارس قرطبة بلغوني جزيتم خيرا

جانيت
02-11-2011, 02:47 AM
بنات الله يسعدكم
كل اللي مطلوب منكم..إنكم تعبون الاستبيان وتساعدون أختكم
لاوحدة تقول ماني فاضية الحين..يمكن ربي يفتحها عليكم بسببها
والله في عون العبد..ماكان العبد في عون أخيه
http://www.btalah.com/showthread.php?t=364981 (http://www.btalah.com/showthread.php?t=364981)

دكتوراه عاطل
05-11-2011, 12:59 AM
السلام عليكم
ابي منكم مشورة ومالكم الا الدعاء إن شاء الله ..
انا درست العام في مدرسة سئية التعامل وفيه تفرقة بين المعلمات المهم هنا انا الان لدي طفلة
عمرها شهرين الله يخليها لي ويحفظها ربي من كل شر ... صعب اروح اروح واخليهاوخاصة ان
هالمدرسة راتبها 1500 ريال صافي الراتب 1000
300 ريال مواصلات و200 ريال وسائل
وهذا ماحسبت حساب القطه للفطوروالقهوة وهو إلزامي تقريبا ...
انا قلبتها براسي ان شاء الله حافز يمشون لنا يالعاطلات 2000 ريال ... بكذا تكون جلستي افضل لان المدرسة راتبها 1500 ومازادوا الا 300 ريال اي الراتب هالسنة 1800 ..
وانا بحاجة الراتب انتم وش رايكم ؟؟؟ اصبر وان شاءالله يمشون لي 2000 وتكفي مصاريفي او اتوظف براتب 1800 واترك بنتي وهي بحاجتي ام شهرين ؟؟؟ .... تكفون شيروا علي ؟؟

وتتوقعون حافز بيمشون لنا 2000 او تخدير لنا افيدوني الله يجزاكم خييييير


مالكم الا الاجر ان شاء الله ....... وشكرررررالكماما عن حافز الله اعلم نسأل الله من فضله
يااختي الراتب ماهو بنافعك لو بنتك حصلها شي لو تجلسين في البيت افضل علشان بنتك انا عن نفسي ادرس في دار تحفيظ مسائي واخذ بناتي معي والراتب 800 ريال والمواصلات عليهم ولا يوجد تكلفة فطور او قهوه او اي خرابيط والدوام ساعتين بالصيف وساعه ونص بالشتا واربعة ايام فقط بالاسبوع وعسى الله يطرح فيها البركه و{خيركم من تعلم القران وعلمه}

قمر تميم
13-11-2011, 05:53 AM
صباح الخير ياحلوات
ربي يوفقني وياكم ويرزقنا اجمعين
انا خريجة انقلش لي سنتين
بس متحطمة ماقدمت الا على مدرسة اهليه وحده ولا قبلوني
مدري احس كلها واسطات :( خصوصا عندنا بالرس

اذا تعرفون او سمعتو شي خبرونا ربي يجزاكم الجنة
اتمنى ادرس اطفال احبهم قوة :m

وارسلت سيرتي الذاتيه لبنك الراجحي لي كم شهر ومافيه جديد
بس وحده خوفتني تقول مايجوز العمل ب البنوك :y
الله يعين ويرزق جميع المسلمين يارب

سعووديه عاطله
29-11-2011, 07:39 PM
ياارب توفيقكـ

دكتوراه عاطل
01-12-2011, 12:18 AM
عسى الله يوفق الجميع

أإلمحآل
03-12-2011, 10:41 PM
السلام عليكم يا حلوات

في مدرسة بحي عتيقه جنوب الرياض [ متوسطة الحجاز ] خلف مركز الوطن

طالبين معلمة لغة عربية فقط . اللي مستعده بدرس تروح لهم غدآ لايفوتها

والله يوفقنا كلنا يارب : (

ميلآدْ
07-12-2011, 02:36 PM
-



ممكن تخبروني عن تعامل المديره والطالبات بالمدارس الاهليه سمعت انهن طويلات لسان وقله ادب

ولا لك حق تقولين شي للبنت صدق هالحكي ودي اتوظف فيها بس مدري اخاف اتنرفز من تعاملهم

واذا فيه مدارس اهليه ببريده محتاجه خبروني قسمي دراسات

سعووديه عاطله
14-12-2011, 07:54 AM
الله يعافيكم

ممكن ارقام مدارس بريدة - عنيزة

او معاهد اللغة الانجليزيه

او اي مكان ممكن يوظف -_-

ياااسمين
14-12-2011, 11:23 PM
حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ

ياااسمين
14-12-2011, 11:24 PM
ياااارب ارزقنا من حيث لانحتسب ياكريم

ياااسمين
14-12-2011, 11:25 PM
الله يرزقنا جميعا بما نتمنى اذا هو خير لنا عاجلا غير اجل يارب

ياااسمين
14-12-2011, 11:26 PM
يااارب ان شاء الله نتوظف رسمي في مدارس حكوميه يارب

قمر عاطل
18-12-2011, 03:18 AM
اهلينااااااات صبايا:rolleyes: اخباااااركم ياحلوات مع العااااطله:q ربي يرزقني واياكن وكل مسلم يااااارب:h:h:h معي ادارة اعمال وارغب اتوظف في مدرسه اهليه باالقصيم اذا كان احد يعرف مدرسه محتااااجه يردلي لاهنتو ربي يسعدكم:w:w دمتم بود:w:w

سعووديه عاطله
22-12-2011, 12:27 PM
يارب ترزقنا بالوظيفه

سعوديه واحب وطني
28-12-2011, 10:27 AM
يارب ترزقنا بالوظيفه



اختي شوفي هذا الاعلان



مطلوب مشرفة جامعية بالقصيم



مطلوب في القصيم موظفة ادارية في جامعة أهلية في قسم طب الاسنان للبنات


http://www.qc.edu.sa/QC-Arabic/






وفيه مشغل ببريدة طالبين خياطات سعوديات خريجات تربية فنيه


الله يوفقك الجميع ويرزقهم الرزق الحلال المبارك فيه

سعووديه عاطله
03-01-2012, 01:18 PM
شكراً


يارب ترزقنا

كيمائية
05-01-2012, 02:33 AM
انا متخرجة قسم كيمياء اذا تعرفون مدرسة يبون هذا التخصص ياليت تدلوني عليها الله يجزاكم الجنه ...

واخيرن اشتغلت
05-01-2012, 09:50 AM
مسـآء الخير عليكم جميعا ..
مطلوب اخصائيه اجتماعيه (سعوديه الجنسيه) في مدرسه عالميه شرق الرياض شرط:
1- يكون عندها لغه انجليزيه
2- تكون هبه ريح وحركيه <<< ضروري يرحم والديكم
3- الابتكار في البرامج والاعداد لها .

لايشترط الخبره

الاداره جدا متعاونه والمعلمات
الراتب 2000 ريال وقابل للزياده اذا اجتهدت بشغلها

ملاحظه (راح تكون عليها مشرفه من نفس الاختصاص مؤقتا )

ومطلوب ايضا بكالريوس لغه انقليزيه ولغه عربيه اللي تحب تراسلني على الخاص

كلي سكون
06-01-2012, 04:29 PM
انا اخصائية اجتماعية

عندي خبرة بالبرامج من تدريبي

بس للاسف مااجيد الانجليزية

غروري بصمتي
07-01-2012, 10:38 PM
بنات اذا في وظايف بالرياض يالي تقولون لي

انا معي ثانويه عامه وشهادة حاسب 6 شهور

ليجيند
29-01-2012, 06:24 AM
مدآرس أهليه بالرياض في حي الخليج بحاجه الى

التخصصات التاليه :
لغة عربيه
ولغة انجليزيه


المؤهلات:ولاتشترط الخبره


للتقديم
آرجوا ارسال السيره الذاتيه على الايميل

info@al-nokhbah.com.sa (http://www.essoog.com/%D9%85%D8%B7%D9%84%D9%88%D8%A8-%D9%85%D8%B9%D9%84%D9%85%D8%A7%D8%AA-%D9%84%D9%85%D8%AF%D8%A7%D8%B1%D8%B3-%D8%A2%D9%87%D9%84%D9%8A%D9%87-o249283-ar.html#)

Ξ الأدميرالي Ξ
29-01-2012, 03:27 PM
موفق بإذن الله ... لك مني أجمل تحية .

عبير الكلمة
30-01-2012, 06:38 PM
مدارس الأركان بالسويدي
القسم الابتدائي والتمهيدي
بحاجة
لمعلمة رياض أطفال وحالياً لا يشترطون تخصص معين
بكالوريوس أو ثانوية عامة ويفضل من لديها خبرة أو تجيد التعامل مع الأطفال
وكذلك معلمة انجليزي ..

من ترغب عليها الحضور غداً أو في أقرب فرصة
وبالتوفيق للجميع ..


ملاحظة ..
المدرسة لم تشترك إلى الآن بالتأمينات أي من ينزل لها حافز سيستمر بإذن الله
والراتب 1600
وتحسب لها خبرة ..

عبير الكلمة
30-01-2012, 06:40 PM
مدارس التوحيد بالسويدي
القسم الثانوي والمتوسط
بحاجة لمراقبة
المؤهل بكالوريوس .

سعووديه عاطله
31-01-2012, 02:59 PM
حد عارف مدارس ببريدة أو عنيزة محتاجين معلمه E
او وظيفه إداريه

سعووديه عاطله
02-02-2012, 04:10 PM
الله يعافيكم
ممكن اسماء وارقام مدارس اهليه ببريدة او عنيزة
او معاهد ....

هاجس@
02-02-2012, 09:09 PM
مدارس الأركان بالسويدي
القسم الابتدائي والتمهيدي
بحاجة
لمعلمة رياض أطفال وحالياً لا يشترطون تخصص معين
بكالوريوس أو ثانوية عامة ويفضل من لديها خبرة أو تجيد التعامل مع الأطفال
وكذلك معلمة انجليزي ..

من ترغب عليها الحضور غداً أو في أقرب فرصة
وبالتوفيق للجميع ..


ملاحظة ..
المدرسة لم تشترك إلى الآن بالتأمينات أي من ينزل لها حافز سيستمر بإذن الله
والراتب 1600

وتحسب لها خبرة ..


هلا يعني معلمه رياض الاطفال روتبهم 1600 مافيها موارد بشريه
وهل قسم الابتدائي مع قسم التمهيدي ودوامهم من كم لين كم

معلمة في بيتي
02-02-2012, 11:35 PM
اذا احد يعرف مدارس محتاجة معلمات في الشرقية يطرحها الله لايحرمكم الاجر
انشاء الله

سعووديه عاطله
06-02-2012, 07:23 PM
الله يعافيكمـ ممكن ارقام مدارس بريدة الاهليه او الروضات او معاهد نسائيه

ربي يحرم وجيهكمـ عن النار


ردوووو ........

مرسم الآمال
06-02-2012, 07:32 PM
مدارس الرواد في البدائع

محتاجين تخصص

لغه عربيه

دين

فيزياء



وللأسف رقم هاتفهم ما اعرفه

علعموم الكلام بتلفون ما راح ينفع

جيبي ملفك واعطيه اداره المدرسه مباشره



بالتوفيق ..

سعووديه عاطله
06-02-2012, 09:39 PM
تخيلو ملفي قدمته على احد المدارس العام

ولما اتصلت اسالها عن الوظائف قالت ما فيه
قلت طيب اعطوني ملفي قالت اصلاً ما ناخذ ملفات !!!!
قلت كيف وملفي عندكـ ؟؟؟ راحت تسال صاحبتها
ولما لزززززززززمت عليها قالت شكلو بالمخزن ولا نقدر نطلعه لك معه ملفات كثااار والمخزن مغبر تبينه ضروري تعالي دوريه !!!



ايش رايكمـ باله مو شيء يقههههههههههههههههههههههههههههر



حسبي الله ونعم الوكيل

سعووديه عاطله
07-02-2012, 09:23 AM
كان عندنا لما كنت ادرس دورة حاسب بالمدرسه وسجلت فيها
واعطوني شهادة
اجتزت ( نظم التشغيل ومعالج الكلمات والجداول الالكترونيه ووو )

شو رايكم اقدم فيها ع وظيفه مع شهادة البكالريوس او لا ما تنفع !!!

مهااوووي
07-02-2012, 08:36 PM
مدارس الرواد في بدايع بس طلبين تخصصات هذي ؟؟؟ هي ابتدائي او ثنووي

بتبوته
11-02-2012, 03:13 AM
صباحكم سعادة ومساءكم رضا .. أخباركم !

بنات الله يرضى عليكم اللي تعرف مدارس ببريدة محتاجين إداريات لاتبخل علينا ..

ومشكورين وماقصرتوا وان شاء الله ربي بيرزقنا :)

البنت الشمرية
14-02-2012, 06:45 PM
مدارس الرياااااادة طالبين معلمة لغة عربية..بالتوفيق:w

بنت البقمي
15-02-2012, 01:30 AM
صباح الخير

بنت البقمي
15-02-2012, 01:31 AM
ضيفه جديده فالمنتدى هل من ترحيب

بنت البقمي
15-02-2012, 01:34 AM
قدمي وتوكلي على الله سعوديه عاطله

بنت البقمي
15-02-2012, 01:36 AM
السلام عليكم ورحمة الله وبركاته

بنت البقمي
15-02-2012, 01:37 AM
مافي أحدمتحمس معي

البنت الشمرية
15-02-2012, 11:55 PM
مدارس الرياااااادة ببريدة طالبين معلمة لغة عربية..بالتوفيق

جووهره
16-02-2012, 12:35 AM
معلمة دين تخصص المرحله الابتدائيه
ابي مدرسه غرب الرياض يبون معلمات او مراقبات

سعووديه عاطله
18-02-2012, 06:21 PM
قدمي وتوكلي على الله سعوديه عاطله



شكراً :h


وأهلاً ومرحباً بكـ يا عسسسل :w

سعووديه عاطله
18-02-2012, 06:24 PM
صبايااااااااااااااا

اللي تعرف

مدارس في بريدة او عنيزة اهليه

محتاجين معلمات او اداريه ,,,,,,,,,


وربي يرزقنا ويااااااااااااااكمـ بكل خير

اندثار
19-02-2012, 11:34 AM
روضات ببريده محتاجون معلمات
روضة المنارات بكرى للي تبي تروح لهم
طلائع القصيم
ومدارس الغد
يبون معلمات روضه
بالتوووفيق

ام دلع
19-02-2012, 10:47 PM
انا خريجة اقتصاد منزلي الي تعرف مدارس اهليه بالخرج تقولي
الله يرزق ووويفرج هم من يدلني

غدا يوم آخر
20-02-2012, 12:46 AM
شوفو الرابط وجزاها الله خير صاحبة الموضوع

مبروك لمعلمي ومعلمات المدارس الأهلية صدور تعميم زيادة الرواتب (http://www.btalah.com/showthread.php?t=399246)

شهادةبلا وظيفة
20-02-2012, 03:58 PM
مرحباااااااااااااااا ارغب بالوظيفة التخصص عربي ومعي شهادة حاسب 3شهورررررر
الرغبة المكانية في اي مكااااااااااااااااااان
وشكرا بليز لاحد يبخل علي

آرومآ
20-02-2012, 08:23 PM
عااااااااااااجل
اللي تعرف احد تخصصه رياض اطفال تراسلني ع الخاص
فيه احتياج بمدارس اهلية بحي الخليج
وبالتوفيق

لوريتآ
21-02-2012, 07:04 AM
السلام عليكم ورحمة الله وبركاته

بنآت مآتلآحظووون زآد احتياج المدآرس الاهليه للمدرسآت بعد حآفز..!

..

فيه سؤال بنآت الله يعآفيكمـ بعد زيآدة روآتبهم كم رآح توصل ..؟ومتى رآح تطبق..؟

سعووديه عاطله
21-02-2012, 09:44 AM
روضات ببريده محتاجون معلمات
روضة المنارات بكرى للي تبي تروح لهم
طلائع القصيم
ومدارس الغد
يبون معلمات روضه
بالتوووفيق



ممكن رقمهم يا عسسل

وشكراً
:w

اتعبتنا الظروف
21-02-2012, 04:02 PM
أنا بعد ابي الارقام اللي بالقصيم ؟

ريفآ
23-02-2012, 01:59 AM
بنات أدارة أعمال ببريده وين يروحن!!
وابي ارقام مدارس اهليه ببريده ربي يسعد قلوبكن

ملاك المالكي
23-02-2012, 05:58 AM
سلام ياحبايب
مدارس الراية الاهلية بحي السليمانية طريق الملك عبد العزيز بحاجة الى معلمة احياء من تريد العمل نروح السبت وتقدم المدرسة محتاجة المنهج واقف
وتنمياتي للجميع التوفيق

هند البقمي
24-02-2012, 12:34 PM
بكالوريوس دين+6 شهور حاسب
ارغب العمل معلمه

سعووديه عاطله
24-02-2012, 01:30 PM
بنات أدارة أعمال ببريده وين يروحن!!
وابي ارقام مدارس اهليه ببريده ربي يسعد قلوبكن


ارسلت لكـ الارقام اللي عندي

أنا أخذتهم من النت

ياليت ما تنسي تسالي اذا محتاجين E


وفالنا الوظيفه
:Thumbs:

سعووديه عاطله
24-02-2012, 01:31 PM
أنا بعد ابي الارقام اللي بالقصيم ؟


ارسلت لكـ الارقام اللي عندي

أنا أخذتهم من النت

ياليت ما تنسي تسالي اذا محتاجين E


وفالنا الوظيفه

:Thumbs:

البنت الشمرية
24-02-2012, 11:47 PM
الله يوظف كل عاطلللللللللة عن العمل .....حبيبااااااتي قولن امين داعيه من قللللللب

سعووديه عاطله
25-02-2012, 03:40 PM
الله يوظف كل عاطلللللللللة عن العمل .....حبيبااااااتي قولن امين داعيه من قللللللب

آآآآآآآآآآآآآآآآآآمين

كلي دلال
25-02-2012, 06:57 PM
بكالوريوس لغه عربيه
التقدير\جيد
قسم بالله محتاجه محتااااااجه وظيفه بحائل للي تعرف مدرسه اهليه بحائل محتاجه لهادعوه بظهر الغيب

يوزور قطية
28-02-2012, 02:06 AM
تخصص كيمياء

اذا فيه احتياج بعنيزة او البدايع او المذنب او بريدة

تكفوون عطون خبر

هجيرالصمت
28-02-2012, 11:00 AM
يارب ارزقني الوظيفه ببريده
بكالوريوس اقتصاد منزلي عام تقدير جيد جدا
دبلوم حاسب الي سنه
دوره معارف
دوره فن الاتصال التعليمي
وخبره تدريس مرحله الثانويه ترم كامل
يالله اطلب منك التوفيق

الحياة أجمل
05-03-2012, 04:13 PM
بكالوريس هندسة برمجيات
تقدير جيدجدا"
ارغب بوظيفه بالقصيم او حائل
معهد ,مدرسه, مو مهم اهم شي اشتغل
والله يرزقني وياكن الوظيفه عاجل غير آجل

فخر الأمة
06-03-2012, 06:26 AM
السلام عليكم ورحمة الله وبركاته

صباح الخير
بنات التقديم على المدارس الأهلية كيف طريقته
ومتى يكون ؟؟
بصراحه ماعرف شيء
وجزاكم الله خيراً

مهااوووي
06-03-2012, 01:33 PM
انا تخصصي رياااضياات اريد وظيفة بالخبراء او بداائع ......

كلي دلال
08-03-2012, 10:58 PM
السلام عليكم ورحمة الله وبركاته

صباح الخير
بنات التقديم على المدارس الأهلية كيف طريقته
ومتى يكون ؟؟
بصراحه ماعرف شيء
وجزاكم الله خيراً

وعليكم السلام ورحمه الله وبركاته

التقديم لازم انتي تروحين وتدورين على المدارس المحتاجه

بس نظرا لعدم توفر وظائف نظطر الى اننا نكتب سيرتنا واذا فيه احتياج لعل وعسى ونقول ان شاء الله ينتبهون لسيرتنا ويوظفوننا


ا
والله يرزقنا الوظائف التي نستحقها:m

سرااا
08-04-2012, 05:26 PM
انا بحااااجه والله للوظيفه

تخصصي لغه عربيه وعلوم اجتماعيه

ابتدائي ابي وظيفه اي شي بمدارس بريده الاهليه ودائما اتصل يقولن مو محتاجين مانعرف الصدق منهن

والله محتااااااجتها تقدير مقبول ابي اي شي بالاهليه

بانتظااااركم

سعوديه كفو
08-04-2012, 11:32 PM
بنااات عندي سؤال هل المدارس الاهليييه تقبل توظف اللي شهادتها دبلوووم ؟؟؟

سرااا
09-04-2012, 12:00 AM
سعوديه كفووو

ايوة بعض المدارس الاهليه تحتاج اداريات

ومساعدات انتي قدمي وان شاء الله ربي يوفقك

سرااا
09-04-2012, 12:02 AM
انا بحااااجه والله للوظيفه

تخصصي لغه عربيه وعلوم اجتماعيه

ابتدائي ابي وظيفه اي شي بمدارس بريده الاهليه ودائما اتصل يقولن مو محتاجين مانعرف الصدق منهن

والله محتااااااجتها تقدير مقبول ابي اي شي بالاهليه

بانتظااااركم

ولكم دعواااات بظهر الغيب

سعوديه كفو
09-04-2012, 02:04 PM
سعوديه كفووو

ايوة بعض المدارس الاهليه تحتاج اداريات

ومساعدات انتي قدمي وان شاء الله ربي يوفقك


مشكوووره ي قلبي ع الررد جزيتي الججنه

زهور بريدة
07-05-2012, 02:13 PM
الله يرزقنا .........

حافز عاجز
07-05-2012, 05:47 PM
الله يعطيك العافيه

ستتش
09-05-2012, 10:32 PM
يوجد وظائف شاغرة (مدربات حاسب ألى )
- فترة صباحية فقط
لدى معهد العلوم التطويرية العالي للتدريب النسائي ببريدة
للاستفسار 063837523

مجرد آآحلام
17-05-2012, 03:50 AM
بنااات عندي سؤال هل المدارس الاهليييه تقبل توظف اللي شهادتها دبلوووم ؟؟؟

عَ حسب المدرسه في مدارس تقبل وفيّ مدارس لا :)

سعووديه عاطله
21-05-2012, 10:14 AM
الله يرزقنا من فضلهـ

اغمزلي بعينك
25-05-2012, 01:05 PM
استغفر الله العظيم من كل لغو سمعته ... استغفر الله العظيم من كل حرام نظرت إليه

أوهام الخيال
31-05-2012, 08:53 AM
بكالوريوس فيزياااء تربووووي
جيد جدا


نبي أرقاااام مدارس أهليه ياليت ملينا من البيت تفششششششش

رنيييممم
02-06-2012, 02:32 AM
السلام

تخصص ادارة تقدير جيد جدا
ياليت اسماء مدارس ببريده

دلع22
02-06-2012, 01:19 PM
بنات انا تخصصي دين وخبرتي ثلاث سنوات ابي مدرسه في الشمال

بيرين سات
03-06-2012, 06:30 AM
انا تخصصي رياضيات وعندي دوره ٦ اشهر حاسب الي و٦ اشهر انجليزي وللاسف ماعندي خبره بس شرررحي ممتاز جداً جداً
ابي مدرسه بالرياض

يارب سهل لي
05-06-2012, 02:42 AM
بنات انا انجليش قسمي وابي وضيفه بالخرج بمدرسه اهليه بليز سااعدوني ولاعندي خبره بس شرحي حلو الحمدالله .. واذا مافي في الخرج ابي بالرياض

سعووديه عاطله
05-06-2012, 08:06 PM
يوجد وظائف شاغرة (مدربات حاسب ألى )
- فترة صباحية فقط
لدى معهد العلوم التطويرية العالي للتدريب النسائي ببريدة
للاستفسار 063837523

السلام عليكم صبايا

اتصلت عليهم قالوا محتاجين حاسب آلي وادارة اعمال قلت ابلغكم

الحقووو ع الوظائف ولا تنسوني من دعوادتكم

متنكده حييييل من حافز حسبي الله عليهم خصموا علي من غير وجهه حق
ربي ينتقم منهم
ويغنيني

نووووورة
11-06-2012, 03:47 PM
سلام تخصصي دين مافيه مدرسه اهليه في الخرج طالبين معلمات

يوزور قطية
12-06-2012, 08:50 PM
كيميا

عنيزة - بريدة - المذنب


مااافي يابنات ..؟

رجاووووي
19-06-2012, 01:44 PM
انا تخصصي خدمه اجتماعيه
الله يساعدها الي تساعدني وتبلغني اذا فيه مدرسه محتاجه تخصصي بدون خبره ):
يأست االا شوي وربي

أوهام الخيال
22-06-2012, 12:11 AM
انا تخصصي فيزياااء أبي مدرسه أهليه بعنيزه أو بريده أو البدايع

فزولهااا
23-06-2012, 03:39 PM
معهد التطوير العالي لحد الان محتاجين حاسب

راجيه خير
23-06-2012, 06:24 PM
بنات جنوب الرياض احد عنده خبر عن المدارس التالية :

راية الفرقان ...النخبة ,,,دار العلوم

عندهم أحتياج او تقديم احد يعرف ارقامهم؟؟؟؟؟

همس الخريف
25-06-2012, 03:30 AM
رياض اطفال خبره سنتين

ابي وظيفه شرق الرياض الله يعافيكم

طفش وملل
26-06-2012, 08:19 AM
بكالريوس رياضيات تربوي فيه وظايف بالمدارس الأهليه بجميع مدن القصيم

خريجة طازه
27-06-2012, 01:15 AM
كيميا

عنيزة - بريدة - المذنب


مااافي يابنات ..؟

مرحبا

كيف اقدم عالاهليات ؟ فاتحين بالاجازه ؟

ابي بالقصيم ويفضل بعنيزه

يوزور قطية
28-06-2012, 09:15 PM
ياعمري انا ادور ماقصدت انه فيه

بالنسبه لسؤالك مدري بس ممكن الادارة يداومون او يحددون وقت للتقديم

الواافيه
30-06-2012, 08:33 PM
سبحان الله وبحمده سبحان الله العظيم
الله يرزقكم

حلى قهوه
01-07-2012, 05:52 PM
معهد التطوير العالي لحد الان محتاجين حاسب

وينه فيه ذا المعهد بالتفصيل ؟؟؟؟
واذا تعرفين له رقم او ايميل نزليه هنا الله يعافيك

راجيه خير
07-07-2012, 03:30 AM
ليش الموضوع ماصار مثل اول نشيط ؟؟

كان مرره نشيط ويوميا البنات يحطون اسماء مدارس محتاجه

هل فيه موضوع ثاني او ايش صار ؟

مرسم الآمال
07-07-2012, 07:30 AM
صبآآآح الخير يا صبايا:w

هاذي الرساله جتني عن طريق الجوال بتاريخ 3/7/2012 - الثلاثاء الماضي


تعلن مجموعه الغصون التعليمية عن تحديث بيانات الراغبات في شغل الوظائف التعليمية لجميع التخصصات لدى فروعها بالرس والبدائع فمن لديها الرغبه في الوظيفة نأمل منها المبادرة في تحديث بياناتها في موعد أقصاه اسبوع من تاريخه وبعده لن ينظر في طلبها


063391818
063338113


موفقين يارب..

صمت طفلة
08-07-2012, 02:44 AM
هلا وغلا بنات انا سمعت في احتياج لوظيفة مساعدة مديرة

لمدرسة غرب الرياض ودقو علي بس خبرتي اقل من 3 سنوات

ومحتاجين معلمة لغة عربية ورياضيات

الي حابه تدق عليهم / 4264343

آنسه سوما
08-07-2012, 10:00 AM
صبآآآح الخير يا صبايا:w

هاذي الرساله جتني عن طريق الجوال بتاريخ 3/7/2012 - الثلاثاء الماضي


تعلن مجموعه الغصون التعليمية عن تحديث بيانات الراغبات في شغل الوظائف التعليمية لجميع التخصصات لدى فروعها بالرس والبدائع فمن لديها الرغبه في الوظيفة نأمل منها المبادرة في تحديث بياناتها في موعد أقصاه اسبوع من تاريخه وبعده لن ينظر في طلبها


063391818
063338113


موفقين يارب..




شلون احدث بياناتي ؟

خريجة طازه
08-07-2012, 05:00 PM
شلون احدث بياناتي ؟


دقيت على مجموعة الغد

وقالت لي التقديم بالمعهد العالي بالرس وينتهي التقديم الاربعاء وموجودين للساعه 8 المساء

وبالتوفيق يارب