المساعد الشخصي الرقمي

مشاهدة النسخة كاملة : أفضل قطاع عسكري ؟ ( أتمنى من الجميع المشاركة )


Mr-Gamma
13-09-2010, 05:50 AM
بسم الله الرحمن الرحيم

السلام عليكم ورحمة الله وبركاته

كل عام وأنتم بخير بمناسبة العيد السعيد ، ومن العايدين ومن الفايزين إن شآء الله .

سؤالي واضح وهو عن أفضل قطاع عسكري ، من حيث الترقيات والراتب والدورة والشغل وكل شئ .

ولكل من أراد المشاركة الرجاء ذكر سبب إختيارك لهذا القطاع .

أتمنى من الجميع المشاركة ومن لديه معلومة لا يبخل بها .

مع الشكر والتقدير ، أخوكم : عصيمي الطائف .

جنرال الحرب
13-09-2010, 05:59 AM
مكرررررررررررررررررر


اللى يشوووووووووفك يقول انك تبي تدخل افضل قطاع

والله تبطي عظم

شكلك خريج جديد
ما قدد كرشوووووووووووووووووك

شاعر وكاتب
13-09-2010, 06:04 AM
يالغالي الافضليه تختلف من شخص لآخر
ولكن انا عندي

الاستخبارات - المباحث - مكافحه المخدرات
السبب :
يكفي انك تداوم بثووووووبك

Mr-Gamma
13-09-2010, 06:05 AM
ياحبيبي أنا على وجه تخرج من الجامعة .

وبإذن الله أدخل أفضل قطاع وإذا عندك شئ يفيد قوله وإذا لا يازينك ساكت .

Mr-Gamma
13-09-2010, 06:07 AM
مشكور أخوي شاعر وكاتب .

ولكن يقال المباحث يعطون الجامعي جندي ؟

المهجر
13-09-2010, 06:20 AM
امن المنشات
السبب لانه قطاع جديد والترقيات على طول

Mr-Gamma
13-09-2010, 06:26 AM
مشكور أخوي المهجر .

وأتمنى من الجميع المشاركة وذكر القطاع المفضل لهم وحتى لو تم ذكره لكي نضع نسبة المفضلين لهذا القطاع .

و للعطلنجيه بقية
13-09-2010, 06:54 AM
الراتب :: الاستخبارات -- المباحث -- قوات الأمن الخاصه ..
الراحـه :: الدفـاع المدنـي - الحرس الوطني
الترقيات :: آمـن المنشآت - السجـون

الدورة ::

الأسهل // الجوازات - الدفاع المدني - الأمن العام ..
الأصعب // الاستخبارات - قوات الأمن الخاصـه ..

..

وكل شخص يختار وش يناسبه .. : )

الطواله
13-09-2010, 07:07 AM
مكرررررررررررررررررر


اللى يشوووووووووفك يقول انك تبي تدخل افضل قطاع

والله تبطي عظم

شكلك خريج جديد
ما قدد كرشوووووووووووووووووك
هههههههههههههههههههههههههههههااااي

في كذا قطاع حلو المباحث الاستخبارات الدفاع المدني الشرطه قسم بحث وتحري الحرس الملكي امن المنشات الخ ...
كل قطاع ليه مميزات وليه سلبيات
والكمال لله سبحانه وتعالى :)

ماجدالسبيعي
13-09-2010, 07:16 AM
أمن المنشآة
السبب علشاني مقبول فيها ههههه
أمن المنشأه قطاع جديد وترقياته ماشيه ورواتبه حلوه
بس للأسف الحين الجامعي يعطونه عريف مو نفس اول وكيل رقيب

صلي على الحبيب
13-09-2010, 07:28 AM
الجوازات والله يوفقك

الحربي الحربي ال
13-09-2010, 07:59 AM
أمن الطرق نصيحة والنصيحةبلالالالاش

قشمون
13-09-2010, 08:17 AM
الحرس الملكي

Ryan Al-harbi
13-09-2010, 08:19 AM
البنك<<<<<<<<<<<<<<<<< ايش دخلها:q

على حسب راحة الشخص :)

وكل مين له راي يفضل فيه القطاع:d

طارق عبدالمجيد
13-09-2010, 08:33 AM
اتوقع الجوزات من حيث الراحه

لكن كماده المباحث

قايدالريم
13-09-2010, 08:35 AM
مكافحة المخدرات

عشان فيه مغامرهـ<<<< تكفى ياطرزان

قائد اللواء
13-09-2010, 09:22 AM
ريان غريبه مامدحة القوات الخاصه <<<<<<<مستغرب منه
هههههههههههههههههههههههههههههههههههههههههه

زهراني منسم
13-09-2010, 09:33 AM
القاعده الجويه بدون سبب هع

واد المدينه
13-09-2010, 09:49 AM
المباحث العامه راتب وراحه وبس

النينو
13-09-2010, 10:02 AM
حرس الحدوود

متكي
13-09-2010, 10:45 AM
حياالله ابن العم
والله فيه كذا قطاع حلو مثل المباحث والاستخبارات والحرس الملكي وامن المنشات والدفاع المدني
اخوك/العصيمي

ميضو
13-09-2010, 10:56 AM
ان شاء الله امن المنشأت

عاشق ميلانو
13-09-2010, 10:57 AM
اكيد الجوازات والدفاع المندي

طموحي عسكري
13-09-2010, 12:16 PM
الشرطه وبس ترقيات وراحه
واخس قطاع الدوريات الامنيه لاحد يدخل فيه نصيحه
خلهم يغيرون هذا التخصص هذا بكبره

غرشوووب
13-09-2010, 02:48 PM
قــــــــــــــــــــــــوات الامـــــــــــــــــــــــــــــــــــــــــن الخـــــــــــــــــــــــــــــــاصه

عاشق الدمعه
13-09-2010, 03:20 PM
قــــــــــــــــــــــــوات الامـــــــــــــــــــــــــــــــــــــــــن الخـــــــــــــــــــــــــــــــاصه

ياحظ اشفق علينا
13-09-2010, 03:34 PM
أفضل قطاع من ناحية الراحه والرواتب
الاستخبارات - - المباحث - - المخدرات
اسمــــــــــــــــــــــع كلااااااااااااااامي

دفتر فاضي
13-09-2010, 03:44 PM
افضل قطاع القطاع اللي بيوظفني:d

تشاو

Mr-Gamma
13-09-2010, 08:03 PM
أشكرك الجميع على المشاركة ويعطيكم العافية .

وأتمنى المزيد من المشاركة لكي نعرف ماهو أفضل قطاع مرغوب فيه .

أخصائي تأهيل
13-09-2010, 08:22 PM
الرواتب = الاستخبارات + المباحث + حرس الحدود + الشرطة العسكرية الخاصة

الراحه = الخدمات الطبية للقوات المسلحة + الخدمات الطبية بوزارة الداخلية + الشؤون الصحية بالحرس الوطني


الترقيات = امن المنشآت + الادارة العامة للخدمات الطبية للقوات المسلحة + الحرس الوطني


الاستقرار = الامن العام + القوات الملكية الجوية


والله اعلم

نشبه
13-09-2010, 08:37 PM
موفق بإذن الله ... لك مني أجمل تحية .

Mr-Gamma
13-09-2010, 09:24 PM
يعطيكم العافية ، الله يوفق الجميع

كيك وحلاوه بشكلك
14-09-2010, 01:36 AM
ما ضنتي فالسعوديه كل ابوها فيه قطاااع حلو كلها دمري بس الواحد وش يسوي رزقه

Mr-Gamma
14-09-2010, 03:46 AM
^
وش تقصد بقطاع حلو ؟

هذي عسكرية ما فيها ياأمي إرحميني .

رايق الليل
14-09-2010, 04:14 AM
بنظرتي الخاصه اشوف افضل القطاعات بترتيب الاولويه عندي :: المخدرات - المرور - الدوريات


لأنها استقرار مثل ماقالوا الاخوان اللي قبلي تعيش حياتك وتأدي عملك بعكس بعض القطاعات اللي صعبه


والله يوفق كل واحد برزقه وحظه

بورشو
14-09-2010, 05:23 AM
حرس الحدود الرواتب حلوووه

الامن العام
14-09-2010, 07:24 AM
الامن العام

لواء المجد
14-09-2010, 09:44 AM
اعلى رواتب في القطاعات العسكريه هوا الاستخبارات

(كل مازاد الراتب كل مازاد كرفك وشغلك)

خريج ثانوي مستجد
14-09-2010, 11:16 AM
أحسـن قطاع عسكــري (( المباحث العامه )) (( الدفاع المندي ))

1 _ المباحث ’’ الدورهـ 4 شهـور وبثوبـك الراتب 7000 الدوام فله مكاتب

2_الدفاع المندي’’ الدوره 6 شهور راحـه ((نوم)) فله ماتطلع غير وقت الحريقه والحريقه في السنه
مره والدوام يوم بيومين وتوكيلات ومايحتاج تلبس البس العسكري كامل السروال والزنوبات تكفي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,

الي يقول الامن العام هههههههههههههههههههههههههههههههههههه

الدوره سنـه كامله تساند في العمره وفي الحج وآخرتها منطول أمن طرق تمسك الخطوط رايح جاي

المرور منطول عند الاشارات وتحرك السرا والدوريات تلفلف مع القوايل وتخصصاتها فاشله

مافيها غير الشرطه والادله الجنائيه وبس.. والفرق واضح

Mr-Gamma
14-09-2010, 08:57 PM
مشكورين جميعاً وبصراحة أستفدت كثير وأتمنى الجميع أستفادوا .

وأرجوا من الجميع أحترام بعض وعدم التجريح ولكن عليكم ذكر السبب وإنتهى .

هلت الدمعات
15-09-2010, 02:33 AM
والله ياصاحبي مافي قطاع متكامل

هذا فيه رواتب

وذاك فيه راحه

وذاك ترقيات

وكذا ....

لاكن قطاع فيه كل المزايا التي ذكرت ..؟ فهذا مستحيل

زهراني مغزولن
15-09-2010, 03:01 AM
عندي أنا أمن المنشآت ..
ترقيــآت مآشيه /وبـ الإضآفة لـ الرآتب..
وعند آكتمال القوة إن شاء الله يكون فيه زيآدة ..

نسبتي نايمه
15-09-2010, 04:30 AM
كل قطاع وله مميزات وبدلات ولكن للاسف ماعندي خبره في الشي هذا

امن الطرق بالدما
15-09-2010, 06:00 AM
أمن الطرق نصيحة والنصيحةبلالالالاش

المهندس سعيد
15-09-2010, 06:07 AM
أمن المنشآة
السبب علشاني مقبول فيها ههههه
أمن المنشأه قطاع جديد وترقياته ماشيه ورواتبه حلوه
بس للأسف الحين الجامعي يعطونه عريف مو نفس اول وكيل رقيب

ياشباب الله يعطيكم العفية
ياليت تفهموني شغلة
الحين الجامعي مو يلتحق بدورة الضباط الجامعيين ويصبح ضابط ؟ وايش هيه هرجة عريف ووكيل رقيب جامعي؟

فهموني ...................

على الله يازماني
15-09-2010, 06:07 AM
افضل قطاع حالي أمن المنشئات رواتب قوويه والترقيه ماشيه يكفي معك دبلوم ستة اشهر او سنه تاخذ جندي اول جامعي يدخل المباحث يعطونه جندي يااخوان افضل قطاع أمن المنشئات مافيه زيه لاتقولي دوام بثوب في المباحث ولا الاستخبارات مافي زي امن المشنئات يكفي إذا انت عمرك 20 ودخلت امن المنشئات يوصل عمرك 30 وانت طبعا من جندي وكيل رقيب اتوقع لاكن شوف القطاعات الثانيه والله انك تخيس ثم تخيس خل ينفعك لبس الثوب

المهندس سعيد
15-09-2010, 06:15 AM
يا شباب ليش انتم حاطين لبس الثوب ميزة

بالعكس تداوم ببدلتك احسن بكثير

بعدين خريجين الثنوية يقدرون يلتحقون بالدورات الي انتم تقلون عليها والا لاوم جامعة؟

واذا كان جامعة اجل ايش هيه دورة الضباط الجامعيين؟

عاطل في زمن صعب
15-09-2010, 07:16 AM
ليه امن آلمنشآت ؟ آمن آلمنشآت كرف وشفتآت !

صح ترقياتهم ماشيه .. بس ترآ فتره وتوقف ! شوفو التساجيل الي يسوونها حآليا . معقول معها تمشي آلترقيآت ؟

ورواتبهم مو مره ..

آلحـرس آلــوطني رآآآآآآحه .. وجندي .. آول مايتخرج يستلم 5500 .. بدون آلزيآده آلمذكوره حآليآ ..

ودوآمهم يوم بـ ثلآث آيآم ولآ يوميآ ..,

والله يوفقك يآخوي ..

بتوظف يعني بتوظف
15-09-2010, 07:38 AM
معروف الدفاع المدني افضل قطاع عسكري والعسكريه مافيها راحه

موظف نشيط
15-09-2010, 07:40 AM
إذا تبي تتدلع عندك:

من ناحية التدريب: مركز التدريب الوطني.
من ناحية العمل الميداني: المباحث الإدارية.
من ناحية العمل المكتبي: المباحث العامة، المباحث الإدارية.
من ناحية الرواتب: الإستخبارات العامة، المباحث العامة.
من ناحية الترقيات: أمن المنشآت.
من ناحية أقل خطر: المباحث الإدارية.

وإذا تبي المرجلة:

من ناحية التدريب: مدرسة الملك عبد الله للأمن الخاص، مدينة تدريب الأمن العام.
من ناحية العمل الميداني: المباحث العامة.
من ناحية العمل المكتبي: المباحث الإدارية.
من ناحية الرواتب: الإستخبارات العامة.
من ناحية الترقيات: أمن المنشآت.
من ناحية أكثر خطر: قوات الأمن الخاصة، الجيش، مكافحة المخدرات.

مداوي القلوب
15-09-2010, 12:31 PM
الكمال للة وكل العسكرية حلوه في هالايام وموضوعك يعتمد على النفسية في المقام الاول لان في ناس مستحيل تقتنع بشي والتوفيق من اللة عز وجل اتكلملك عن نفسي انا بالجيش وكيل رقيب والحمدللة مرتاح لدرجه ماتصورها ووالاسباب كثيره اولا خدمتي خمس سنوات ودخلت بالثانوية والحمدللة تخرجت عريف و3 سنوات وترقيت وكيل رقيب والعمل يعتمد على نفسيت الشخص نفسة والاخلاق والانتظام عاملان مهمان ومن ناحية الراتب انا راتبي 8000 الف والحمدللة والسبب عندنا زيادة 25% فاذا اردت ان تكون مرتاح في عملك فلازم تكون قريب من اللة و ان تكون بار بوالديك اولا وان تدعي لنفسك بأن اللة يوفقك في عملك وان يجعل البركة براتبك وبعدها لن تسأل عن القطاع الافضل لان كلها وظيفة بس اسأل كيف تتوفق في وظيفتك اين كانت واتمنى اني افدتك
ومودتي للجميع

مستر زاحف
15-09-2010, 02:36 PM
الامن العام الجهاز الرئيسي فله قسم بالله نوم

الرمز القادم
15-09-2010, 02:36 PM
أفضل قطاع المدرعات القوات المسلحة ثانوية عامه يعطونه جندي اول

فاكرونى
15-09-2010, 05:29 PM
موفق بإذن الله ... لك مني أجمل تحية .

المهندس سعيد
15-09-2010, 09:45 PM
موفق بإذن الله ... لك مني أجمل تحية .

Ryan Al-harbi
15-09-2010, 10:38 PM
موفق بإذن الله ... لك مني أجمل تحية .

نصر كحيلان
16-09-2010, 05:01 AM
لا تنسون الكليه الامنيه بلنسبه للئفراد راحه ورواتب وترقيات ماشيه

سنا البارق
16-09-2010, 05:52 AM
بسم الله الرحمن الرحيم
السلام عليكم ورحمة الله وبركاته

الصراحه كل قطااع عسكري فيه مميزاات وعيواب

بالنسبه لي انا اختاار المباحث العامه

موفق بإذن الله ... لك مني أجمل تحية .

سهالة
16-09-2010, 06:09 AM
أتوقع من وجهه نظري البسيطة
من ناحية الراتب
المباحث
من ناحية الترقيات
أمن المنشأت
من ناحية الراحة
تقريباً أغلب القطاعات لان العمل العسكري تغير مو زي أول

iron man
16-09-2010, 10:14 AM
محد جاب طاري الجيش ؟

Mr-Gamma
17-09-2010, 07:24 PM
يعطيكم العافية جميعاً ، ما قصرتوا بيض الله وجيهكم .

عقيدالركايب
18-09-2010, 12:55 PM
الجوازات والدفاع المدني وحرس الحدود والسجون وش خليت هههه

عفنان
18-09-2010, 01:12 PM
لا وبعد تتشررطوون ماشالله اقوول والله ماتشووفون احسن قطااع زين الواحد لا توظف بس
شيلووها من روووسكم