المساعد الشخصي الرقمي

مشاهدة النسخة كاملة : ما ارائكم حول : استيراد السيارات المستعملة من الخارج وبخاصة من دول المنشأ


الحياة وقفة عز
17-09-2010, 08:09 PM
السلام عليكم ورحمة الله وبركاته

عندي ولد عمي تعرف على صديق عراقي الجنسية

مع ان علاقته ما استمرت مع هذا الرجال الا شهر واحد تقريبا

الحين الرجال العراقي هذا يتصل على ولد عمي من رقم من المانيا

ويقول انه يصدر سيارات لدبي وقال اذا تبون ارسل لكم سيارات تكون واصلة عندكم باسعار خيالية مثلا:

قال لنا بي ام دبليو موديل 2009 ماشية 22 الف فل ابشن واصله لدبي بقيمة 35 الف الى اربعين بالكثير

واليوم اتصل من اليونان يقول انه عنده بي ام اخرى موديل 2007 لون عنابي افل ابشن بحالة الوكالة واصلة الى ميناء جدة ب45 الف ريال

وعرض على ولد عمي انه ياخذها بالنص لانه يقول انه اشترى سيارات وما عنده سيولة

ولد عمي يقول الرجال صادق ... وانا شككت بالموضوع نظرا لتدني الاسعار بشكل خيالي

يعني السيارة الي قيمتها 45 الف واصلة لجدة تباع حاليا بالاسواق بحدود 200 الف !!!!


فيا اخوان هل هذا المشروع واقعي , وهل به جدوى

لان الرجال يبدي استعداده انه يرسل سيارات حسب الطلب

وفقكم الله ورعاكم

هبشه
17-09-2010, 09:01 PM
أنا خالي يشتغل بنفس الشغله ذي بالضبط,, هو يجيب السيارات من امريكا توصله على دبي ويروح ياخذها مناك,, هو من جده.. على فكره هي طبعا تكون سيارات مستعمله ويضبطها ويبيعها بأسعار مقبوله هنا وماشاءلله عليه مبسوط ماعليه,, هو بالبدايه كان متفق مع واحد امريكي تعرف عليه في جده في البدايه كان في شوية مصاعب بس بعدين توسع في عمله لدرجة انه فتح له غراج في مدينة دبي !

قاصر الشر
17-09-2010, 09:31 PM
^^^
دام انه يجيبها من دبي ...السيارات مصدومة

هبشه
17-09-2010, 09:52 PM
888
للأسف ان مافيه وجه يعبر عن الغثيان!!!
لو سمحت يا اخ حاكم,, انت ملاحظ اننا قلنا مستعمله صح!!!! لكن مش مصدومه يا بابا!

محمد الطميحي
17-09-2010, 10:02 PM
أخي إذا تستطيع السفر لجلبها بنفسك فوالله هو الأفضل
حبي وتقديري

نشبه
17-09-2010, 10:03 PM
موفق بإذن الله ... لك مني أجمل تحية .

الحياة وقفة عز
17-09-2010, 10:29 PM
هلا هبشة
انا الرجال هذا هو يقول يرسلها لنا الى جدة للميناء وبعد ذلك تصير مسؤليتنا
لكن انا ما وثقت من كلامه للفرق الهائل بالسعر
قلت اخاف انه يبي يغرينا وتطلع السيارة مقصوصة ولا فيها مشكلة او ما يوصلنا شي اصلا
فهل السعر الي ذكرته انا فوق منطقي
شكرا لك
======================
هلا حاكم انت رديت علي هناك في منتدى البيع
هل تعتقد ياخوي ان السعر الي ذكرته فعلي ولا لا
خصوصا انه الحين باليونان ويقول لو تبون ارسل لكم
هو الرجال كل يوم في دولة !
والسيارات حتى لو كانت مصدومة صدمة خفيفة مو مشكلة لانه البي ام الي بالمانيا قال انها مصدومة صدمة خفيفة
شكرا لك
=========================
ابو يحيى
والله السفر صعب شوي
بعدين انا ما ادري النظام يسمح للشخص العادي يدخل اكثر من سيارة ولا لازم يكون عنده معرض
بالتوفيق
=================================
هلا نشبه
والله تخوف انت مباحث *_^
مين جاب طاري التهريب هههههه
الله يوفقك

شوف بنفسك
18-09-2010, 01:09 AM
والله حاب هالشغلة من زمان ودي اغامر

وموفقين يا رب

زهرة برية
18-09-2010, 01:21 AM
أنا خالي يشتغل بنفس الشغله ذي بالضبط,, هو يجيب السيارات من امريكا توصله على دبي ويروح ياخذها مناك,, هو من جده.. على فكره هي طبعا تكون سيارات مستعمله ويضبطها ويبيعها بأسعار مقبوله هنا وماشاءلله عليه مبسوط ماعليه,, هو بالبدايه كان متفق مع واحد امريكي تعرف عليه في جده في البدايه كان في شوية مصاعب بس بعدين توسع في عمله لدرجة انه فتح له غراج في مدينة دبي !


ليش يرسلها دبي .ليش مايرسلها جدة ؟

هبشه
18-09-2010, 01:36 AM
8888
والله ما بعرفش ,, تبين رقمه تسألينه عن التفاصيل؟؟!!

في الخدمة
18-09-2010, 01:58 AM
أخوي
تبي ترسله فلوسك بأي ضمان ؟؟؟
بعدين الأسعار ذي مرررررره ماهي معقولة
أنا معلوماتي بسيطة لكن الأسعار ذي ماتوقعها لسيارات بالمواصفات الي يقولها
ياخي لحاله الشحن أتوقع يكلف 15الف
وترا فيه سعوديين شباب مبتعثين بأمريكا يشرون لك السيارة ويشحنونها بسعي 500 دولار
أقل شي هذولا أخواننا , ثمن لابد من رجعهتم للديرة يعني ماراح يهربون
((نصيحة أول أبدا أنت ورد من الإمارات وبعدين رح لأوربا وأمريكا بنفسك))
أسأل أهل الخبرة يا عزيزي بيعطونك معلومات أكثر
بالتوفيق

عبدالستار
18-09-2010, 02:15 AM
بالوقت الحاضر الأخو مايثق بأخوه
وتبي ترسل فلوسك لواحد عراقي
الحذر ثم الحذر لا تسلم رقبتك
"P"P"P"P"P"P"P"P"P"P

هبشه
18-09-2010, 02:20 AM
8888
إي والله أن بعد مع أخوي (قحطه) خخخخخخخخخ
أحسن شي انت تروح بنفسك

الهلآلي
18-09-2010, 06:03 AM
اخوي الحياة وقفه الكلام ذا صحيح وانا اعرف واحد من خوياي يجيب سياراة كبيره من المانيا ويبيعها وبمكسب خيالي لدرجة انه في بعض الاحيان يجيب سيارات له شخصيا ولا وده يبيع ويعرضون عليه اسعار وهو لسى ما استلمها من الجمرك هم اللي يرحون يقلبون السياره ويخلصون موضوع الجمرك بس كان يتعامل مع واحد فلسطيني على ما اظن وكان ينقي السياره اللي يبيها من النت فيه مواقع هو يعرفها تعرض السيارات بالصور
ع النت ويحفض رقم السياره والعنوان اللي هي فيه ويرسل الفلوس ع اللي متفق معه وهو يشتريها ويرسلها
بس الظاهر ياخذ عليها مبلغ وقدره مدري كم بالضبط انت لو تعرف واحد ثقه هناك احسن انا اللي فهمته انك
مو واثق في العراقي بس والله فيها ورررق مو قليل والكلام اللي قلته لك والله اني واثق منه مليون بالميه بس اهم شيء ثق بالرجال اللي ترسله الفلوس هم كانو
يرسلون مبالغ مو قليله يعني حول 200000 و 300000 بس في الاخير يطلعون بنتيجه وربي موفقهم
موفق بإذن الله ... لك مني أجمل تحية .

فارس الحب
18-09-2010, 06:24 AM
اخوي الكريم انا ممن يعمل في توريد السيارات من الخارج من عده دول يا اخي االكريم الرجل يتكلم عن اسعار غير معقوله ابدأ ابدأ هذا مجرد كلام وصدقني الحقيقه غير كذااا .

التغيير
18-09-2010, 08:23 AM
اي موضوع يتخلله جنسية عربية تحديدا
فر منه فرارك من الاسد

بحر الزين
18-09-2010, 09:04 AM
كلامك صحيح حسب معرفتي المتواضعه

السيارات فيها مكسب حلو

لكن لا تتعامل مع اي شخص
الافضل تتعامل مع اشخاص تعرفهم معرفه تامه

محمد الطميحي
18-09-2010, 12:06 PM
وفقك الله

دموع اشتياقي
18-09-2010, 03:37 PM
بالتوفيق ان شاااء الله

قاصر الشر
18-09-2010, 04:00 PM
اخوي الحياة وقفة
انا درست موضوع استيراد سيارات امريكية ولقيت المكسب معقول نوعا ما لكن المشكلة في مدة الشحن تاخذ الى شهرين ونص

يعني اعادة راس مالك يبي لها ثلاثة شهور ومكسبك يعتمد على راس المال

بالنسبة لسيارات المانيا انا ماعندي مانع نطلع انا وانت لمدينة شتوتجارت وفيها مصنع البي ام ونشوف الاسعار

ونشوف تكلفة الشحن والجمرك ومدة الشحن وبعدين نقرر نبدا والا لا

يعني كبداية ما يحتاج تسلمني فلوسك ولا اسلمك فلوسي بس نروح نشوف ونرجع وبعدين كل واحد يستورد باسمه

ونبعد عن الجنسيات العربية خصوصا العراقيين والفلسطينيين

قاصر الشر
18-09-2010, 04:03 PM
888
للأسف ان مافيه وجه يعبر عن الغثيان!!!
لو سمحت يا اخ حاكم,, انت ملاحظ اننا قلنا مستعمله صح!!!! لكن مش مصدومه يا بابا!
اخوي السيارات لمصدومة ماتدخل ميناء جدة لكن تقدر تدخلها ميناء دبي وتصلحها وتصدرها للسعودية ببطاقة جمركية

الحياة وقفة عز
18-09-2010, 06:20 PM
الاخ شوف بنفسك

والله ياخوي الي ما يغامر مايحصل شي ويجلس طول عمره على الوظيفة يرجى الناس

الله يوفقك
================================
اخوي في الخدمة
فعلا احس الاسعار مبالغ فيها
وعلى كل حال انا ماعندي راس مال حاليا بس هو كان عارض انه يرسل لي وارسل له نصف السعر

فعلا انا شفت بعض الطلاب السعوديين يصدرون سيارات الله يوفقهم
شكرا لك
==================================
هلا اخوي عبد الستار
فعلا انا حذر من هالجانب وماني مسلم رقبتي :)
بالتوفيق
==================================
هبشة
شكرا لك
===================================
هلا الهلالي

فعلا اهم شي يكون عندك احد تثق فيه بالخارج وباقي الامور ان شاء الله هينه

بس ما ادري المواطن العادي يقدر يستلم سيارات ولا لازم يكون عنده معرض

بالتوفيق
======================================
هلا اخوي فارس الحب

انت شهد شاهد من اهلها

على كل حنا نبي نجرب الرجال بس يرجع لدبي

بالتوفيق

الحياة وقفة عز
18-09-2010, 06:27 PM
التغيير
ههههههههههههههههههه ردك ضحكني هو فعلا فيه بعض العرب مثل ما قلت بس يبقى به ناس طيبين وشريفين

شكرا لك
=================================
هلا بحر الزين

فعلا اهم شي الاشخاص الي تتعامل معهم
بالتوفيق
================================
هلا ابو يحيى
هلا جرح مدفون
الله يوفقكم
==========================
هلا حاكم

شرايك نروح لبيزنطة :)

والله يا حاكم بصراحة انا ماعندي راس مال بس هو الرجال عرض انه يرسل السيارة وكل يوم يقدم عرضه

بيني وبينك هو يقول انه خلال اسبوع راجع لدبي
وهو يحلف لولد عمي انه لو عنده سيوله كان اشترى السيارة وارسلها من فلوسه وبعدين نرسل له حقه

قلت لولد عمي يقول له انا ماعندي فلوس ابيك ترسل لي سيارة من دبي واذا بعتها وخذيت الربح ارسل لك راس مالك والربح على شان ترسل لي اثنين وهكذا

ونبي نشوف عنه

تدري هو يقول يبي فيزة لامريكا وقال انه ماهو محصل عرض علينا نحصل له فيزة عن طريق جدة ويعطينا سيارة فورد جديدة !

بالتوفيق لك في مشاريعك

الهلآلي
20-09-2010, 12:47 AM
اخوي الحياة وقفه الظاهر ان خويكم العراقي داخل على طمع انا ما اظلم الراجل بس حدسي يقول كذا اما من ناحية
انك تقدر تستلم السياره باسمك او باسم المعرض والله مالي خبره فيها انا خابر واحد قبل فتره كان يجيب سيارات من الامارات بس كان يجيبها باسم المعرض لأنه كان يجيب عدد كبير والمعرض ياخذ ع السياره حدود 500 ريال
هذا على كلامه وذي امرها هين رح لأي معرض تعرفه واشرح له الامر وهو يساعدك لو تسكته بــ 500 ع السياره انت المستفيد انا اقول لو انك تجيبها من الامارات افضل بالنسبه لك انت لأن الشحن مايطول كله فتره بسيطه وتستلم سيارتك بالجمارك بس لو تجيب جيوب وكامريات افضل وبرضه عندك قطر يمدحونها بالجيوب بس يبغالك راس مال جيد لعني لو تجيب اقل شيء ثلاث سيارات تطلع بمبلغ وقدره اهم شيءتاخذ سيارات نظيفه والا ترا بتقعد في حلقك >>> واقفه قدام البيت
موفق بإذن الله ... لك مني أجمل تحية .

قاصر الشر
20-09-2010, 08:53 AM
^^^
الشحن من الامارات يكلف 1250 ريال +رسوم الجمرك من موديلات 2009 وانت نازل لحد 2005
الجمرك شي رمزي وبسيط جدا ما تتعدى 200 ريال
من الامارات الى جدة من 10 الى 14 يوم
2010 ماعليه جمرك

بعض السيارات يكون سعرها شامل الجمرك
السيارات الجديدة تقدر تحصل عليها خصم اذا كانت تصدير

وبالتوفيق لكم وعقبال ما نتقابل في المانيا انا وصاحب الموضوع

متى اتوظف بأه
20-09-2010, 09:57 AM
بالتوفيق

نوربي
23-09-2010, 03:52 AM
انا سبق و قارنت اسعار السيارات المستعملة في امريكا من خلال مواقع النت واسعارها عندنا لقيت انها نفس اسعار السيارات الأمريكية التي تباع عندنا حتى قبل الشحن و الضرايب والجمرك و هذا شي غريب فعلا لكن بعد التتدقيق عن السبب لقيت انه السيارات اللي يستوردها تجارنا اغلبها تالفة حادث او غير حادث و كمان متلاعب بعداداتها فيجيبوها بسعر رخيص جدا ويبيوعها بسعر عالي على انها نظيفة و استهلاكها قليل و نلاحظ دايما اغلب السيارات الأمريكية تجي مرشوشة لزوم التظبيط
بالنسبة للبي ام حق العراقي اذا كان صادق في كلامة اعتقد السيارة مصدومة و توتل لوز كمان .

وولليد
23-09-2010, 05:46 AM
لا يلعب عليك

والله الاسعار اللي كاتبها انت خيالية لأخر درجة ولو تروح لامريكا والمانيا ماتقدر تجيب فور ولا ماركيز بنفس هذا السعر فما بالك بـ BMW !!!!!!!!!!!


انتبه بس واتوقع البي ام في اي دولة لا يقل سعرها عن 200 الف وبالمواصفات اللي تقول 250 واتحداك تقل عنها انا اشتريها منك بـربح 100 الف بس جبها بسعره

قاصر الشر
23-09-2010, 09:00 AM
انا سبق و قارنت اسعار السيارات المستعملة في امريكا من خلال مواقع النت واسعارها عندنا لقيت انها نفس اسعار السيارات الأمريكية التي تباع عندنا حتى قبل الشحن و الضرايب والجمرك و هذا شي غريب فعلا لكن بعد التتدقيق عن السبب لقيت انه السيارات اللي يستوردها تجارنا اغلبها تالفة حادث او غير حادث و كمان متلاعب بعداداتها فيجيبوها بسعر رخيص جدا ويبيوعها بسعر عالي على انها نظيفة و استهلاكها قليل و نلاحظ دايما اغلب السيارات الأمريكية تجي مرشوشة لزوم التظبيط
بالنسبة للبي ام حق العراقي اذا كان صادق في كلامة اعتقد السيارة مصدومة و توتل لوز كمان .


كلامك غير صحيح

شوف هالسيارة http://cgi.ebay.com/ebaymotors/08-MERCURY-GRAND-MARQUIS-LS-37K-MILES-WARRANTY-/160483880373?pt=US_Cars_Trucks&hash=item255d95adb5

وشوف سعرها كم واصل ؟؟
الشحن 2000 دولار يعني 7500 ريال
جمركها مايتعدى 3500

سعرها هنا حدود ال63 الف

نوربي
23-09-2010, 01:56 PM
كلامك غير صحيح

شوف هالسيارة http://cgi.ebay.com/ebaymotors/08-MERCURY-GRAND-MARQUIS-LS-37K-MILES-WARRANTY-/160483880373?pt=US_Cars_Trucks&hash=item255d95adb5 (http://www.btalah.com/redirector.php?url=http%3A%2F%2Fcgi.ebay.com%2Feba ymotors%2F08-MERCURY-GRAND-MARQUIS-LS-37K-MILES-WARRANTY-%2F160483880373%3Fpt%3DUS_Cars_Trucks%26hash%3Dite m255d95adb5)

وشوف سعرها كم واصل ؟؟
الشحن 2000 دولار يعني 7500 ريال
جمركها مايتعدى 3500

سعرها هنا حدود ال63 الف

عزيزي هذي سيارة في مزاد و على موقع الكتروني ايش تتوقع السيارة بخيرها !
شوف اسعار السيارة الحقيقة على هذا الرابط تبدأ من كم و ضيف عليها الشحن والجمارك بتطلع نفس سعر السيارة عندنا .
اضغظ هنـــا (http://www.btalah.com/redirector.php?url=http%3A%2F%2Fedmunds.autotrader .com%2Ffyc%2Fsearchresults.jsp%3FlastStartYear%3D1 981%26num_records%3D100%26search_lang%3Den%26page_ %2A%2A%2A%2A%2A%2A%2A%2A%2A%2Afindacar%253A%253Ais psearchform%26search_type%3Dboth%26distance%3D0%26 address%3D70770%26marketZipError%3Dfalse%26style_f lag%3D1%26make%3DMERC%26model%3DMERCGRAND%26make2% 3D%26start_year%3D2008%26end_year%3D2008%26min_pri ce%3D1000%26max_price%3D50000%26seller_type%3Db%26 transmission%3D%26engine%3D%26drive%3D%26***rs%3D% 26fuel%3D%26max_mileage%3D%26color%3D%26keywordsre p%3D108115%26keywordsfyc%3D__bHM%252C__%26keywords _display%3Dls%26sort_type%3DpriceASC%26body_code%3 D0%26certified%3D%26advanced%3Dy%26highlightFirstM akeModel%3D%26showZipError%3Dn%26default_sort%3Dne wsortbyprice_ASC%26awsp%3Dfalse%26systime%3D%26rdm %3D1285238546276)

قاصر الشر
23-09-2010, 09:16 PM
^^^^
عندهم سيارات معروضة في شركات التأمين مسحوبة من الزباين اللي مايقدرون يسددون

وفيه منها شي مصدوم صدمات بسيطة جدا زي هذي

الروابط الخارجية مخالفة

وفيه شي يكون مستبدل يعني ميركوري 2007 تبدله ب2010

هذي هي مصادر السيارات الامريكية

شذا الورد
24-09-2010, 05:01 AM
حاااابه اخدمكم ياأصحاب السيارات اللي تجي من خارج المملكه انوفيه صاحب مؤسسه بالرياض يجيب سيارات من خارج المملكه على اسم المؤسسه ايا كان نوعها وحجمها يعني بدال ماتنقل سياره وحده من الخارج للملكه هو مستعد يجيب على اسم مؤسسته كذا عدد من السيارات
واللي يبي اوصله فيه ماعندي مشكله ويتفاهم معه

موفقين ان شاءلله

اتمنى الرد عالخااااااااااص لاني اخاف انسى الموضووع