مناقشة وظائف المدارس الاهلية في الرياض للبنات فقط

[آكليل آلورد]

المشاركة الأصلية كتبت بواسطة نسائم إيمانيه

اللي تسئل عن جمعيه النهضة لدورات الحاسب انا سجلت فيها قبل الاجازه بـ 3 اسابيع وبعد اسبوع تقريبا دقو علي وطلبوني مقابله ورحت لهم

مقابلتهم تعبئة بيناتك الخاصه بس

ان شاء الله افدتكم

يسعدك ربي يالغاليه ويوفقك
طيب عندك رقم الجمعيه اذ ماعليك امر وين موقعها
والف شكر فديتك

[نسائم إيمانيه]

المشاركة الأصلية كتبت بواسطة آكليل آلورد

يسعدك ربي يالغاليه ويوفقك
طيب عندك رقم الجمعيه اذ ماعليك امر وين موقعها
والف شكر فديتك

العفو يالغاليه

الرابط فيه الدورات وايميلهم ورقمهم بس مايشتغل هنا اكتبي في قوقل جمعية النهضة النسائيه اول رابط ادخلي عليه

بعدين اضغطي على اللغه العربيه وبعدها تفتح لك صفحه اضغطي على الخيارات الي على اليمين اختاري الوظايف واول خبر عن الدورات اضغطي المزيد يطلع لك الخبر كامل

وفيه رقمهم وايميلهم

بس لازم ترسلين سيرتك وموضوع الرساله الدورة الي راح تسجلين فيها

دعواتك لي يالغاليه

[نسائم إيمانيه]

المشاركة الأصلية كتبت بواسطة نعناع وحبق

نسايم ايمااانه انا مثلك قدمت وسويت مقابله بس مدري تتوقعين قبولهم نهائي لنا؟؟

وعافكرة انا بالشمال وابي بنات عي عشان النقل

اتوقع قبولهم نهائي وراح نبدا شهر 2 الدورات

وبالنسبة للنقل انا مثلك بالشمال

[سراااب]

يا صبايا ..

فيه وظيفة مدرّسة دين ابتدائي في مدارس المستقبل الي في حي السليمانية

توني جايه من عندهم والراتبهم 1500 والتأامينات 200 يعني 1700 ريال


الي حابه تروح وتتوظف عندهم .. الله يوفقها


انا ظروفي ما تسمح اني اتوظف عندهم بسبب شح المواصلات وضعف الراتب ...


الوصف عشان ماتضيعون ..


حي السيمانية - شارع الامير سلطان بن عبد العزيز - شارع الثلاثين ..

عند مخابز الكعكي . . وبالقرب من اسواق التميمي

وموفقات ان شاء الله

[أخصائية إجتماعية]

جزاك الله خير أخت سراب

والله يعوضك بالوظيفة الأحسن

المواصلات ازمة كل فتاة سعودية الله يعظم أجرنا بس

[غرور غاده]

بنات مين يعرف كم رواتب واحة الرواد رياض اطفال ؟؟

[skyone01]

واحة الرواد 2200 بس مااعرف هل هي برضو لرياض اطفال ولا هم اقل بشوي
دعواتك

[skyone01]

بعيد السؤال حابة نتناقش فيه
الحين اللي ماعندها خبره ابد ابد ابد ابد وتوظفت وش تسوي بالبدايه اول شهر شهرين ؟؟؟ يعلمونها هم ويساعدونها ولا وش تسوي ؟؟؟
لاتقولون التدريب صحيح انا تربويه لكن التدريب بمجال غير اللي انا ابحث عنه لاني ابي اداريه او مرشده
ياليت اللي لها تجرب او عندها علم اكيد تفيدني هل هم يساعدونا ؟ ولا بتفشل ؟؟؟ <<< انتي توظفي اول خخخخخخخ

بنات كلكم عندكم فكره اذا توظفتوا وش بتسوون بالضبط وكيف شغلكم .؟ طيب لو المدرسه قالوا لي انتي المفروض تكونين عارفه شغلك وين راحت سنين الدراسه وش اسوي ؟

[غرور غاده]

شكرا ياوحيدة زماني الله يسعدك

[•● هدُوء ~]

المشاركة الأصلية كتبت بواسطة وحيدة زماني

بعيد السؤال حابة نتناقش فيه
الحين اللي ماعندها خبره ابد ابد ابد ابد وتوظفت وش تسوي بالبدايه اول شهر شهرين ؟؟؟ يعلمونها هم ويساعدونها ولا وش تسوي ؟؟؟
لاتقولون التدريب صحيح انا تربويه لكن التدريب بمجال غير اللي انا ابحث عنه لاني ابي اداريه او مرشده
ياليت اللي لها تجرب او عندها علم اكيد تفيدني هل هم يساعدونا ؟ ولا بتفشل ؟؟؟ <<< انتي توظفي اول خخخخخخخ

بنات كلكم عندكم فكره اذا توظفتوا وش بتسوون بالضبط وكيف شغلكم .؟ طيب لو المدرسه قالوا لي انتي المفروض تكونين عارفه شغلك وين راحت سنين الدراسه وش اسوي ؟

عزيزتي

لازم تعرفين أولاً أنه مجال العمل مختلف عن الدراسة بغض النظر

عن التخصص أقصد أنه أكيد بتواجهين أشياء لأول مرة تعرفينه

أو حتى يواجهك ..

أنا مثلاً كنت أول مدة عملي ماأعرف ولاشي خاصة أني غير تربوية

حضرت حصص لأستاذات وهم يشرحون لطالباتهم أتعلمت قرأت في

أساليب التعليم وكانت الإدارة والمعلمات جداً متعاونات ويعذرونك

في حال خطأك كونك ماأكتسبتي الخبرة الكافية

وأذكر أني صجيت أوووومن جابتهم

ياكثر أخطائي

عالعموم هالموضوع أبداً مايقلق وعادي جداً

كل الناس في بدايتهم يتعثرون ومنها يتعلمون

ربي يوفقك وتتوظفين ياوحيدة ...