المساعد الشخصي الرقمي

مشاهدة النسخة كاملة : معلومآت عن كل مآيخص التقديم على وظآئف {معيد,معيده} مقآبلاتـ +نقآشآتـ+إستفسآرآتـ


إعلامية سابقة
05-11-2010, 06:38 AM
صباح /مساء الخير

جاتني فكرة أتمنى تكون جديدة ومفيدة للكل ، وهو أنو نتكلم عن وظائف المعيدية . في أثناء جولاتي في النت لاحظت أنو دايما فيه أسئلة من قبيل : كيف ممكن اقدم ؟ اش المطلوب ؟ اتفاجئت في الطلبات ..الخ .

فهنا في الموضوع راح احاول اجمع كل المعلومات والخبرات بما أني مقدمة على أربعة وظائف معيدية في اربعة جامعات مختلفة

1- ليش ناس كتير يهتموا بوظيفة المعيد ؟
وظيفة المعيد فيها فرص كتيرة :
1- الراتب الأساسي اللي عبارة عن 5800 (بحسب وزارة الخدمة المدنية ) ويختلف مع البدلات اللي بتختلف من جامعة لتانية ، مثلا فيه جامعات فيها بدل جامعة ناشئة وجامعات لا .
2- فرصة الأبتعاث واكمال الدراسة في البلد اللي انت تختارو .
3- فرصة السمعة والمكانة الإجتماعية .
4- والأهم أنها وظيفة حكومية محد راح يفنشك منها بدون أسباب .

2- أش ممكن تحتاج اذا اتخرجت وفكرت تقدم على المعيدية ؟
اول ماتستلم أو تستلمي وثيقتك ، لازم تبدأي تفكري بأشياء كتيرة .. مثلا انك تبدأ تسوي التوصيات العلمية بعدد تلاتة نسخ عربي وانجلييزي . بعد ماتسوي التوصيات جيب الوثيقة + كشف الدرجات + التوصيات+ شهادة السيرة والسلوك وصورها بنسخ كتيرة ماتقل عن خمسة نسخ لكل ورقة واتجه لجامعتك وسويها صورة مصدقة .
(أش يعني صورة مصدقة ؟) يعني أنك راح تمسك النسخة وتختمها من الجامعة من عمادة القبول والتسجيل والتوصيات من قسمك .

وامسك كل اللاشياء دي واعملها نسخ بالاسكنر داخل الجهاز عشان تتحول لصور لكترونية لأنو دحين الجامعات اغلبها تقديم الكتروني . :)

3- اش الشروط المطلوبة في المعيدية ؟
شروط ماتنتهي ، حقيقة كل جامعة بتخترع شي . مثلا في جامعة ام القرى يهمتوا بالخبرات ، بمعنى أنك تكون لك أعمال تطوعية أو شغل حقيقي والشغل دا لازم يكون مثبت بخطاب من المؤسسة وعشان كدا كل ماشتغلت شغل خد خطاب او ورقة انك سويت دا الشي .
فيه جامعات معقدينها مرة زي جامعة الملك عبد العزيز طالبين شرط اللغة الانجليزية ، ودا الشي لازم ينتبه ليه كل مين على ابواب التخرج .. روح شيك على جداول مركز القياس للغة الانجليزية راح تلاقي أختبار اسمو "STEP" زاكر شويتين وادخل الاختبار واحتفظ بالنتيجة .
للأسف أنا دا الشي مالحقت اعملو ولكن ارفقت نتيجيتي في دورة اللغة الانجليزية .
ولامانع أنك تختبر أو تختبري توفل أو اختبار ايلتس بس للأسف دي الاختبارات جدا مكلفة فوق 1000 ريال او 800 ريال . بعكس الاستيب اللي جدا رخيص ب100 ريال وبيتعمل كل فترة في جامعة الملك عبد العزيز بجدة .

فيه جامعات يطلبوا التوصيات العلمية أو شرط الثقافة العامة ..
المعايير تختلف من جامعة لأخرى.


4- كيف راح اعرف بتقديم المعيدية ؟
المعيدية من أكتر الوظايف اللي تدخل فيها الواسطات والمحسوبية وكلنا نعرف دا الشي ، لكن دا مايمنع انو الانسان يحاول مرة واتنين وتلاتة وكتير ناس اتعينوا من غير واسطات وسارو دكاترة قد الدنيا على قولة اخواننا المصريين . :d
عادة الوظايف تنزل في فترة او فترتين في السنة ، على حسب الأحتياج وراح تلاقي الإعلانات في المواقع الإلكترونية عشان كدا كل فترة شيك على مواقع الوظايف .
طبعا فيه وظايف تجي بطريقة تانية بدون إعلان ولا شي ، فأنت بعد ماتتخرج دور دكتور يعزك في نفس القسم وخليه يحطلك الملف عند رئيس القسم -ونفس الشي للبنات - وانا سمعت كتير ناس سووا كدا في الجامعات .
مع الأسف انا رئيسة قسمي كان عندي تتش ومشاكل معاها زمان فماقدرت اسوي كدا واكتفيت بالتقديم العادي .

5- بعد التقديم أش اسوي ؟
راح تنتظر فترة من شهرين لتلاتة عشان تطلع النتايج ، في دي الفترة احرص انك تقبل شغل تاني ولاتنتظر زي ماسوت اختكم في الله :i لأنو المواضيع دي جدا تطوول .
وكل فترة نط في الجامعة واتصل عليهم واسأل عشان تشوف متى راح يطلعوها وتابع الموقع الإلكتروني أول بأول .


6- أسمي طلع مع المرشحين أو المرشحات ، اش اسوي ؟

نجي للمهم .. راح اتكلم عن شي اسمو الاختبار التحريري ، و المقابلة الشخصية .



-الاختبار التحريري :
طبعا دي حركة جديدة من الجامعات عشان تفاضل بين المتقدمين ، الإختبار التحريري عادة مايجي من صلب التخصص يعتمد على المزاكرة ، لمن تزاكرو زاكرو المواد المهممممممممممة .
اش المواد المهمة ؟ المواد اللي عادة تتكرر في الماستر والبكالوريوس زي النظريات ومناهج البحث ..ألخ
ازا كنت مقدم في جامعة غير الجامعة اللي درست فيها ، مثلا انت متخرج من ام القرى ومقدم في جامعة طيبة .. روح شيك على الخطة الدراسية عندهم واش المواد اللي دارسينها ودور في النت اوراق من المواد دي .لأنو غالبا راح تجيك اسئلة منها
كنوع من التعجيز ، بس أنت راح تقدر تعديها بالإستعداد الجيد والجيد :) .
-المقابلة الشخصية :
دي المرحلة التانية وعادة الأسئلة فيها تتنوع من التخصص للعام .
وأتمنى كل شخص يكتب عن تجربتو في المقابلة الشخصية للفائدة .
والحقيقة انا عن نفسي حسيت أنو مافي مقياس ولا أسئلة محددة ممكن تجمع بين اتنين مرشحين في نفس التخصص في نفس الجامعة .

مثلا في مقابلتي في جامعة ام القرى ، سألوني أسئلة اعتيادية :
-عرفي عن نفسك ؟
-ليش قدمتي لوظائف الإعادة ؟
-اش هيا الوظائف اللي قدمتي فيها او الجامعات التانية ؟
- اش راح تضيفي للجامعة ؟
وسؤال واحد من تخصصي . عكس زميلة ليا سألوها كلو من التخصص الدقيق جدا واسئلة معقدة وطويلة .

بس عموما الجامعات اللي في مكة والمدينة لها طابع إسلامي وديني ، لمن تدخل يحبو أنو يسئلو اشياء لها علاقة بالامور الدينية والاجابات في نفس الاطار.
عكس جامعة الملك عبد العزيز اللي اغلب دكاترتها فري ولهم طابع ليبرالي يحبو انو تتفلسف وتقول .


* أخيرا أذا جاك القبول النهائي ، ماراح يكون فيه تعيين على طول لأنو الأوراق بتاخد وقت . إنت المفروض في دا الوقت تروح تشيك على برامج الماستر في الدول التانية أو في الجامعات عندنا وتقدم عشان لو اشتغلت خلال سنة لازم يكون معاك قبول لإكمال الماجستير .


* ما أنقبلت اش راح اسوي ؟
استمر في التقديم والتقديم والتقديم ، يعني كل مانزلت وظايف قدم ولا تيأسوا .. فيه وحدة تحكي أنو اتعينت بعد تالت محاولة .
وفيه فكرة قالتها لينا زميلة أنو تدخل على رئيس القسم وتقترح أنك تشتغل معاهم بالساعة .
وهيا فكرة جميلة بس احيانا ماتزبط .

في النهاية اي استفسار انا حاضرة :d


ودعواتي لكم بالتوفيق

إعلامية سابقة
05-11-2010, 06:40 AM
ودا نموذج تقييم المعيد في المقابلة الشخصية

http://www.taibahu.edu.sa/app_content/FCKeditorUpload/contrip/aupgrbu01/file/%D9%86%D9%85%D8%A7%D8%B0%D8%AC%20%D8%A7%D9%84%D9%8 5%D8%B9%D9%8A%D8%AF%D9%8A%D9%86%20%D8%AC%D8%AF%D9% 8A%D8%AF%201431_10_27/%D9%86%D9%85%D9%88%D8%B0%D8%AC%20%D8%A7%D9%84%D9%8 5%D9%82%D8%A7%D8%A8%D9%84%D9%87%20%D8%A7%D9%84%D8% B6%D8%AE%D8%B5%D9%8A%D9%87%20%D8%A8%20%D8%A8%D8%B9 %D8%AF%20%D8%A7%D9%84%D8%AA%D8%B9%D8%AF%D9%8A%D9%8 4.doc

انفاس الورد
05-11-2010, 07:18 AM
بارك الله فيك

الله مرادي
05-11-2010, 01:46 PM
جزاك الله خير يا فاضلة ..

:)

ملامح الحزن
05-11-2010, 04:27 PM
،

انا مررره طموحي معيده بس تعبت من كثر ماانقز الجامعه:d

والله ماجبت الامتياز وكرفت الاعشان الاعاده :z

طفشتهم من خشتي في جامعة الملك عبدالعزيز:yaa:

وكل مره تقولي مافي شواغر :(

ولي سنه اشحذهم ابي بالساعه وكل مره تقولي عذر :z

هالترم رحت من اول يوم ورجيتها الين وافقت ودخلتني مع المجموعه:ash:

وقلت خلاص الحلم حيتحقق:ash:

وقالت لي روحي مع المجموعه جيبوا العقد عشان اوقعه لكم :ash:

و جبت العقد قالت بوزع الجدول لكل وحده عشان نشوف نوقع ولا لا :Looking:


ويوم جات توزع الجداول طلع مالي جدول "P

قالت لي خلاص نشوف لك مع دكتوره ثانيه وسحبت علي:cry:

عالعموم تسلمين عالموضوع بس تذكرت اللي سار لي :m

وحبيت افضفض:k

الامل الموجود
05-11-2010, 04:32 PM
موضوع حلو
الى الامام...

خريجة بلا وظيفة
05-11-2010, 06:06 PM
موضوعك جدا مهم ومفيد بنفس الوقت..

انا قدمت على كذا جااامعه..بعضها لاحس ولاخبر الا الان وبعضها مازالت قيد الانتظار..

قدمت ع جامعة نوره..واختبروا جميع المتقدمات..كانت الاسئله جدا سهله للمذاكرات..بس تعرفين المعلومات كثثيره والكتب متعدده فعشان كذا جاوبت ع اللي اقدر عليه..وراحت مالله كتبلي فيها نصيب..

استفدت كثثثثثثير من موضوعك..وياليت اللي سوو مقابله يقولون لنا وش كانت الاسئله..

يعطييييك الف عافيه يارب..والله يرزقنا ويااااااااااااك بالوظيفه الحكوميه

اقرب من انفاسي
05-11-2010, 07:20 PM
بسم الله الرحمن الرحيم

ببدأ حكايتي ... واللي مصدع يتعامل مع اقرب صيدليه :r

اولا توي خريجة 1430/1431 الترم الثاني

وقدمت على الجامعات التاليه (نجران - القصيم - الباحه - تبوك - شقراء - طيبه - الخرج)

تبوك قدمت وبعدين طلبونا نطابق الاوراق وللحين لاجددددددددديد

شقراء دقوا علي قبل اسبوع واخذوا اسمي رباعي ومن فين انا وبسسس

نجي لطيبه رحت الاسبوع اللي راح المقابله

وكانت مش ولابد ...
اسئلة اشكال الوان بس فيه تخصصات ثانيه اسئلتهم روعه كلها عن سياستك مع طالباتك

واش راح تضيفي للجامعة ... واسئلة تكشف عن شخصيتك اكثر من كونها تتطلب اجابات

انا تخصص رياضيات قابلوني 2 دكاتره واحد تخصصه احياء << مدري ليه

وكانت اسئلته عن اخبار العالم <<< لازم تكوني مطلعه عالاخبار

و2 دكتورات وحده تخصص كانت اسئلتها دقيييييييقه مره

ووحده اسئلة دينيه وعامه سألتني عن

اول صحابيه قتلت مشركا في الاسلام

اذكري حديث عن فضل مكه << لاني من مكه

ماهو الاحتباس الحراري

كم ادارة تعليم في المملكه

وهذا اللي اتذكرررررررررره

دعواااتكم انقبل:m

الفراغ شين
05-11-2010, 07:27 PM
معدلي جيد
هل اقدر اكون معيده في الجامعه ؟ حتى لو بواسطه طيب ؟

يآرب أجبر بخآطري
05-11-2010, 08:03 PM
موضوع استفدت كثير منه ..
الله لايحرمك الأجر ويسهل جميع أمورك..

يارب وظفنا كلنا
05-11-2010, 08:35 PM
الله يوفقك ياعسل على الموضوع الحلو ..
أنا بكره عندي قابلة أدعولي مره :c و :m
ولكم بالمثل ياااااااااااااااااااارب

شذى العبدالعزيز
05-11-2010, 10:39 PM
الله يعطيك العااااااااااافيه
طرح جداً مفيد ..

والله يوفقك يا (( يارب وظفنا كلنا)) في المقابله وييسر امرك ..

يآرب اتوظف معيده
05-11-2010, 10:55 PM
الله يفتح عليك يارب وظفنا كلنا وين مقابلتك وش تخصصك؟؟

الله ييسرلك ويكتب لك الخير

والله انا امنية حياة ااكون معيدة ياااارب حقق لي ولم الاماني والطموح :)

يارب وظفنا كلنا
05-11-2010, 10:59 PM
الله يسعدك ياشذى ويعطيك ماتتمنين يارب

زهرة نيسان
05-11-2010, 11:17 PM
موضوع رائع وفكره ذكيه تدل على روعة صاحبتها فجزاكي الله كل الخير ووفقك لما يحبه ويرضاه وحرمك الله من النار انتي ومن تحبين قولي امييييييييييييييييييييييييييييييييييييين

البيت مل مني
06-11-2010, 12:14 AM
شكرا للموضوع الرائع
الله يوفق الجميع

يارب يقبلونن
06-11-2010, 03:17 AM
موضوووعك روووعه
الله يوفقتس ياااارب

أقـــــــــــــــرب من أنفاسي

الي فهمته من كلامتس
انو قبل اروح للمقابله
لازم أفصفص جريدة الريــــــــــــاض
وانا ظر قناة جرافك ********> ماهو لاحتباس الحراري ؟>>>ياربي وش ذا السوال
اييييييييييه الله يعين

إعلامية سابقة
06-11-2010, 05:59 AM
أنفاس الورد - الله مرادي
وجزاكم خير :)

ملامح حزن
اول شي عزيزتي لا يهمك ألإمتياز ليه مكانة علمية مرموقة حتى لو ما ربنا كتب الإعادة يكفي انك تكتبي في سيرتك الذاتية امتياز مع مرتبة شرف ;)
اما جااااااااااامعة الملك خليهم على جنب ، مادري اش مشكلتهم في تعيين المعيدات يعني انا اعرف الجامعات التانية ينزلو كم وظيفة بالواسطة وكم وظيفة بالاجتهاد الا جامعة الملك كلو ت***ط في ت***ط .. وبرضو ماراح اظلمهم ونشوف النهاية معاهم :mad:

اسمعييني حكاية انك تروحي لشطر البنات ترا مافي منهم فايدة ، شوفيلك احد في قسم الرجال وكلمي رئيس قسمك يمكن يقدر يساعدك وقوليلو حكايتك ... لأنو اللي موجودات في قسم البنات دول مالهم اي قرار وقرارهم كلووو يرجع للرجال
موفقة ان شالله
الامل موجود جزاك الله خير

خريجة بلا وظيفة :b
اميييييييييين يارب وربنا يكتب اللي فيه الخير ، لاتنسي تراجعي الجامعات اللي قدمتي فيها دوري على احد يدرس هناك ويسألك اول بأول لأنو فيه جامعات ينزلو النتايج ومايقولو لأحد عشان يصفو بدون مايدري احد :Thumbs_down:


أٌقرب من انفاسي

يالله جيتي في وقت :d
جامعة طيبة كدا اسئلتها ؟؟ يالهوي :confused:

انا ان شالله عندي الاسبوع دا مقابلة فيها وسمعت انو اسئلتها فيها طابع اسلامي ...
لا بجد يمزحوا أنا ثقافتي الاسلامية =0 لأنو تركيزي كلو على تخصصي القميل "P

اش حكايتهم مع الاحتباس الحراري ؟ شايفتهم مركزين على دا الموضوع كتير
اهم شي حبيبتي اقلك انو كل مازادت الاسئلة دا معناتو انو تعيين وظيفة حقيقي ... لأنو لمن يسألوكي كم سؤال وامشي فدا معناتو انو مابدهم يوظفوا اي بني ادمي من الاساس ..

فلا تشيلي هم .. وازيدك من الشعر بيت أنو جامعة طيبة من اكتر الجامعات اللي تهتم بالامتياز بقوة ويعينو الامتياز بشكل كبير عكس الجامعات التانية زي جامعة عزيز اللي اغلبها جيد جدا ويهتموا باشياء تانية غير الامتياز ---- طبعا على حسب معلوماتي المتواضعة اللي قالوها ليا اهل المدينة


شوفي لو ربنا كاتبلك هيا وفيها خير راح تنقبلي ... ان شالله يارب تنكتب للجميع الوظايف اللي يبغوها وبالتوفيق


الفراغ شين ..
شوفي على حسب الجامعة نفسها ومقاييسها ، وكمان على حسب الواسطة .
انا افتكر وحدة درستني حاسب كنت باتكلم معاها فاسئلها كم معدلك واش المعدل اللي لازم تجيبو المعيدة دا الكلام قبل 3 سنين ..
المهم جلست تضحك :d
قالتلي عيوني انا جيد لكن بابا دكتور في قسم الرجال :b

فااااا انتي وحظك ..
بالتوفيق


يارب اجبر بخاطري
اميييييييييين يارب وياكم ان شالله

يارب وظفنا

بالتوفيق ان شالله
ولاتنسي او تنسى انو لازم تكون واثق بنفسك وتحاول ماحد يلخبطك أو يستفزك لأنو في ناس عندهم اسلوب الاستفزاز

شذى ا
الله يعافيكي وياكي ان شالله


يارب اتوظف معيدة
امييين
مقابلتي في ام القرى
وتخصصي باين من اسمي :d

زهرة نيساااااااااااان
امييييييييييييييييين ولك مثلها

البيت مل مني
امييييييييين يارب

يارب يقبلون
امييييييين يارب

اهم شي تكون اب ديت ومتواصل مع العالم ، الاحتباس الحراري اعتقد قضية البيئة دي اليومين عشان التلوث بيسبب تغيير المناخ بشكل كبير

يبالنا احد من تخصص البيئة يشرحلنا اكتر وينزلنا موضوع :d





شكرا للجميع
وانا ان شالله كل ماسويت مقابلة معيدية راح اجيكم بالمفيد عن الجامعة حتى لو مانقبلت
:court:

إعلااامي
06-11-2010, 06:23 AM
ياجماعة طلعت نتايج جامعة طيبة ؟

أنا قدمت على الوظايف اللي أعلنوها قبل رمضان

أنا بحثت في الموقع ومالقيت شي

بالله إذا فيه أحد يفيدنا

إعلامية سابقة
06-11-2010, 06:33 AM
إعلامي
انسى قصة الموقع ,,, انا اتصلوا على جوالي قبل كم يوم فخلي جوالك جنبك
وانا برضو زي حضرتك مقدمة على شعبان
دا رقم شوؤن المعيدين والمعيدات
048460008
تحويلة 1021 أو 1024

جرب اتصل اليوم ...

بالتوفيق

إعلااامي
06-11-2010, 10:31 AM
^

الله يوفقك ويرزقك من واسع فضله

اقرب من انفاسي
06-11-2010, 02:42 PM
ياارب يقبلوونن <<< عساهم يقبلووونك ياررررب
ياقلبي اهم شئ تكوني مطلعه عالااخبار
ونصيحه الثقه ثم الثقه ثم الثقه حتى لو كانت اجاباتك خطأ اهم شئ شخصيتك
انا ماجاوبت كل الاسئله بس حاولت اكون هااااااااااااادئه
وحاولي لاتتوتررررررررررررري ابدن وخليك مبتسمه وهادئه
هم عارفين مستواك من درجاتك ... بس بيشوفوا شخصيتك



إعلاميه سابقه
لازم يكون عندك ثقافه اسلاميه
في وحده سألوها كم نصاب الزكاه
حاولي تقري شويااات
وبالتوفيييييييق ياعسل

إعلامية سابقة
09-11-2010, 08:15 AM
امس كانت مقابلة طيبة
كانوا مفتريييييييييييييييين بشكل
اقرب من انفاسي ماسألوني ولا سؤال ديني
لكن في التخصص سألو اسئلة غريبة عجيبة
ماخلوا سؤال في الحياة الا وسألوني عنو

سألوني عن السلطات الأربعة ؟
سألوني عن 5 مؤلفات في تخصصي مع اسماء المؤلفين ؟
سألوني عن أماكن الشغل اللي اشتغلت فيها وتاريخها ؟
سألو زميلة ليا فين يقع بحر الشمال ؟
سألوني متى آخر مرة زرت المكتبة ؟ واش الكتب اللي عندي في مكتبتي وامثلة منها ؟
وناقشوا معايا رواية احلام مستغانمي والمقارنة بينها وبين المسلسل ؟


وكان بعضهم اسلوبو استفزازي مرة خصوصا لمن أخطأت في الاجابة (الجواب في وادي والسؤال في وادي )


ربنا يكتب اللي فيه الخير

فيزيائيه زمانها
09-11-2010, 01:07 PM
الله يوفقكـ ويسهـــــــــل امرك

أم عبدالله6
09-11-2010, 07:17 PM
موضوع جدا رائع

طيب حبيباتي

ابسألكم عن تخصص الفيزياء اختباره كيف

بالعربي او الانجلش

طبعا في جامعة الخرج

وماهو المرجع الاساسي

هل اكتفي بسيرويه فقط

ارجو الرد

اقرب من انفاسي
09-11-2010, 09:01 PM
إعلاميه ياقلبي
انا متابعه ردك من منتدى طيبه ...
وحاسه فيك ... والله اني خرجت من المقابله وحالتي النفسيه عدددددددددددم
اسئلة تخصص ماعرفت اجاوب عليها
بس الحمدلله الحين ارتحت
واتأكدي ياقلبي ان لو ربي كاتبها لك بتكووون لك مهما كان
توكلي على الله وثقي انه ماراح يضيع تعبك

أم عبدالله6
11-11-2010, 01:02 PM
اين انتم اجيبوني

مو معقولة مافيه احد عند اي معلومة ؟

فيزيائيه زمانها
11-11-2010, 01:35 PM
الله يوفقكــــــــــــم ياااارب الواحد مــايدر يوين ربي كاتب له الخير ...

إعلامية سابقة
11-11-2010, 02:58 PM
فيزيائية واقرب من انفاسي
جزاكم الله خير :)
ام عبد الله

اختي مافي اي مرجع محدد ولانموذج واحد تعتمد عليه الأسئلة ،
1- اقرأي في المراجع المهمة كلها لأنو ممكن يسألوكي اي سؤال ، شوفي انتي اش اهم مواد عندكم واقرأيها
2- افتحي موقع الجامعة واقرأي عن التخصص والخطة الدراسية والنشئة
3- اشتري جريدة واقرأي عن اخبار العالم ليوم المقابلة
4- حاولي تتدربي على الأسئلة المتوقعة زي (عرفي عن نفسك - ليش قدمتي على وظائف الإعادة - كيف اسلوب تدريسك مع الطالبات - اش هدفك بعد 10 سنين ..الخ ) الاسئلة الإعتيادية

وممكن يدوكي موقف أو مثال وانتي تقولي رأيك فيه

اتمنالك التوووفيق وياريت ازا احد تخصص فيزياء وسار ليه مقابلة يفيدك

تحياتي

قصة طموح
11-11-2010, 03:11 PM
موضوع أكثر من رائع ,, وياليت يتثبت

انا عني نفسي كم مرة أقدم بس للأسف ما أنقبل ,, بس أن شاء الله هالمرة تضبط معاي و أنقبل يااااااارب

بس عندي تجربة لأختي في جامعة طيبة

طبعا جامعة طيبة ما تعلن أسماء المرشحين للمقابلة الشخصية ولكن يرسلوا لهم رسايل على الجوال

ولاااا عندهم حركة بايخة يرسلوا قبل الموعد بيوم أو يومين يعني يا تلحقي يا ماتلحقي

مثلا أرسلوا رسالة لأختي يوم الأثنين في الليل الساعة 12 بأن تجيب أوراقها للمطابقة في موعد أقصاه

يوم الاربعاء والمقابلة يوم السبت ,, وأحنا من خارج المدينة .. طيب متى يمديني ألم أوراقي ومتى يمديننا نطلع

على المدينة ,, ويا ترى تسمح لنا الظروف في يوم أسوي كل هالشغل ؟؟؟ يعني كأنهم يقولوا يااارب ما يمديها تجي

ولكن الحمد لله تيسرت الامور لنا و طلعنا المدينة يوم الثلاثاء وسلمت أختي أوراقها يوم الاربعاء

طبعا يوم السبت كانت المقابلة و أغلب المتقدمات من خارج المدينة ما عدا وحدة من المدينة

لأن التخصص جديد ما فتحوا لسى بجامعة طيبة ,,وكانت الاسئلة :
- ليش لابسة هذا اللون ؟
- تقدري تكملي دراسات عليا برا السعودية ؟
- تقدري تسكني في المدينة ؟ >>> وكأنها تقول ما لك أمل لأنك من برا المدينة
- وأش اسم الدولة اللي سار فيها زلزال >>> ايامها كان زلزال هاييتي ( يعني اسئلة في الاخبار )
- واسئلة في التخصص

في نهاية هاذي الربشة أنقبلت اللي من المدينة مع ان تخصصها بعيد عن التخصص المطلوب

وهي بنفسها قالت انهم قالوا لها أن تخصصك بعيد عن التخصص المطلوب ومع ذلك أنقبلت ما شاء الله ,,

والباقي اللي عددهم 7 وكلهم من خارج المدينة ما أنقبلوا مع أن تخصصاتهم قريبه جدا من التخصص المطلوب ..

فما أدري هل هذا تييسير من ربي وتوفيق ؟؟ والا هذا مفعول الواااااااسطة ؟؟

إعلامية سابقة
11-11-2010, 04:05 PM
قصة طموح
جزاك الله خير

االله واعلم ، زكرتني بجامعة ام القرى

نفس الحركة سوو معايا
بس تبغى الحق ؟؟

انا اشوف انو ابناء او بنات المنطقة احق ، ويومها افتكر قلت دي الكلمة لبنات الجامعة وقلتلهم انتوا احق ازا كنتوا كفاءة (خبرة + دراسة + شخصية )
اما صراحة لو مو كفاءة فحرررام يتعينوا .

عموما حكاية الوظايف دي نصيب وواسطة ههههههه
ربنا يكتب اللي فيه الخير

اقرب من انفاسي
12-11-2010, 11:37 AM
قصه طموح

انا كل اللي معاي من المدينه الا اناااااااا لاتحطميني
اللهم اكتبلي الخير وين ماكان ورضني

أم عبدالله6
12-11-2010, 11:42 AM
لالالا توكلوا على الله يابنات

إن شاء الله مافي واسطات

انت توكلي على الله وتفائلي

الله ييسرها لنا جميعا

ويعطينا خيرها ويكفينا شرهـــــــــا

قصة طموح
12-11-2010, 05:54 PM
قصة طموح
جزاك الله خير

االله واعلم ، زكرتني بجامعة ام القرى

نفس الحركة سوو معايا
بس تبغى الحق ؟؟

انا اشوف انو ابناء او بنات المنطقة احق ، ويومها افتكر قلت دي الكلمة لبنات الجامعة وقلتلهم انتوا احق ازا كنتوا كفاءة (خبرة + دراسة + شخصية )
اما صراحة لو مو كفاءة فحرررام يتعينوا .

عموما حكاية الوظايف دي نصيب وواسطة ههههههه
ربنا يكتب اللي فيه الخير

آ
آآآآآآآآمين

أم القرى وما أدراك ما أم القرى ؟؟؟

غسلت يدي منها بديتول حتى مو بس بمويه ,,, شغل الواسطات كله فيها ما يتحرك قلم الا بواسطة

والله قابلت وحده تشتغل متعاونه بدون راتب علشان الخبرة وعلشان اذا نزلت وظايف تكون أحق بها ..

تقولي والله أربع سنين كلما قدمت على وظايف سواء ادارية أو معيدية ما أنقبل , وحتى الماستر ما قبلوني ,, ليش ؟؟

لأن كل وحده حاجزة وظيفة لقريبتها ,, على قول أختي الوحدة تحجز وظيفة لبنتها اللي لسى ما جات على الدنيا :cool:

وانا لي أكثر من سنتين متخرجة ما عمري سمعت أن أم القرى منزلة وظايف ادارية ,
وقبل شهرين متعرفة على وحده تشتغل في الجامعة سكرتيرة ولها شهرين من يوم ما أتوظفت ..

السؤال اللي يطرح نفسه من وظف هذي البنت و في الاساس ما كان في أعلان عن وظايف في
جامعة أم القرى اللي المفروض تكون منبر للأمانة في كل شئ مو علشاننا علشان المكان اللي موجودة فيه ..

حسبي الله ونعم الوكيل

قصة طموح
12-11-2010, 06:08 PM
قصه طموح

انا كل اللي معاي من المدينه الا اناااااااا لاتحطميني
اللهم اكتبلي الخير وين ماكان ورضني


لا تتحطمي وتوكلي على الله

اذا لسى ما سويت المقابلة حاولي تثبتي نفسك قدامهم ,, يعني التوكل على الله مع الأخذ بالاسباب

واذا خلصتي مقابلة مالك الا الدعاء ,, واذا ما انقبلتي لا قدر الله فأعرفي ان هذه خيره من الله

وأكيد أن الله مقدر لك وظيفة أحسن وأفضل منها أن شاء الله ..

[منتهى الذوق]
13-11-2010, 01:29 AM
أختي إعلامية أنا مايرفع ضغطي بالمقابلة إلا اذا قآل لك رئيس القسم

انتي ليه قدمتي على وظيفة معيده؟~>هذا انسألته قبل كذا

..........................................

هذي وحده من صحباتي سألها الدكتور في المقابلة

ليش قدمتي عى معيده بالذآت ؟!!

اش حـ تظيفي للجامعة اذا توظفتي ؟!

اذا قلنا لك مالك مكان عندنا ..اش رآيك بالكلام هذا؟




بالله مو أسئلة ترفع الضغط .. هيآ جآوبوا عليها ..

إعلامية سابقة
13-11-2010, 02:24 AM
قصة طموح

ههههههههه اما ام القرى ، والله لولا العيب كان كتبت فيهم مقالة كاملة افضح اسلوبهم فيها بس بعدين حسيت انو الزمن بيننا

ياشيخة مشي حالك اهم شي الت***يييييييييييييييط في الجامعات السعودية


منتهى الذوق

ايوا دي الاسئلة سئلوني هيا في المرتين ، وبعدين هما لازم يستفزوووكي

دا اسلوبهم يحسو انو بدي الطريقة يشوفو تتحملي الضغط او لا

انتي ماشوفتي اش سئلوني اسئلة

لدرجة واحد منهم قال للتاني ترا يمكن ماتولدت عشان تشوف البرنامج اللي انت بتسألها عنو ؟

والله الواحد مو عارف كيف يرضيهم



قوولو امييين


يارب يارب يرزق كل احد بيقرأ أو يشوف دا الموضوع بوظيفة حلوة ازا كانت معيدية أو غيرها ، وأنو مايضيع تعبنا

أم عبدالله6
13-11-2010, 09:55 PM
يوووووووه والله فعلا اسئلة ترفع الضغط بجد

أم عبدالله6
17-11-2010, 09:48 PM
كل عام وانتم بخير

وعيدكم مبارك

وعساكم من عواده

[منتهى الذوق]
17-11-2010, 10:50 PM
كل عام وانتم بخير يآمعيدآت المستقبل :)

أم عبدالله6
17-11-2010, 11:10 PM
وانت بخير يامنتهى الذوووووووق

والذوووووووووق كلــــــــــــــــهـ

قصة طموح
20-11-2010, 01:45 PM
;3470313']كل عام وانتم بخير يآمعيدآت المستقبل :)

وأنتي بخير :w

اللهم آآآمين أن شاء الله نصير معيدات يفتخر بنا :d

ام ريان الحلوة
21-11-2010, 02:04 AM
السلام عليكم

بالنسبة لي ماقدمت الا مرة وحدة وللحين مانقبلت

لي 7 شهوووووووووور من قدمت
سويت مقابلة و كمان دقوا علي رحت وقعت تعهد لدراسة الماجستير خارجيا
وبس وهذا انا انتظررررررررررر

بس الامل بالله كبيرررررررررررررررر

وهذا رابط فية تجربتي


http://www.btalah.com/showthread.php?t=204893



الله يرزقني ويرزقكم الخيرررررررررررر

ويبعد عنا اللي مافية خيرررررررررررر


سلام

عبق القرنفل
21-11-2010, 12:21 PM
موضوع رائع جداً جداً

إعلامية سابقة
24-11-2010, 02:58 PM
أختي أم ريان الحلوة

اول شي الله يخليك ريان ويحفظه لكي


تاني شي ايييييييييييييش :yaa:؟
توقعي الورقة وتقعدي 7 شهور ولسه تستني

عزيزتي خلي ولي امرك كل يوم روح للكلية عندكم ويزن عليهم
وانتي روحي راجعي في قسمك


جننيهم


مدام انك وقعتي اوراق معناتو ان شالله الاجراءات الادارية هيا اللي اخدة وقت وانتي مقبولة باذن الواحد الاحد


بس اناعلى حسب ماسمعت انو الاجراءات الادارية فيه موظفين يطنشوا الاوراق ولازم واحد يزن عليهم ويراجعهم عشان يراجعوها

الله يوفقك يارب :)

وطني نبع إبداعي
17-02-2011, 05:52 AM
يسلمووووو

سماااااا
16-03-2011, 11:59 PM
يارب يرزقنا واياكم هالوظيفه وكل من يتمناها

ياااااارب