المساعد الشخصي الرقمي

مشاهدة النسخة كاملة : قريباً بنودع ساب اللي يبي اي معلومة أو سؤال بخصوص ساب او البنوك يتفضل


alenazi
26-12-2010, 02:07 PM
أخواني أخواتي ممكن بعضكم لحق على بداية حملة الوظايف في البنوك وبالذات ساب عام 2006 بوجود مدير التوظيف بنك ساب السابق
ربما تتذكرون كيف كنا مكاتفين وكم عضو دخلو دفعه وحده للبنك وذلك نظراً للنوايا الطيبة مابين الاعضاء
الآن جا وقت خروجنا من البنك واكتفينا خبرة ومعلومات في مجال الخدمات المصرفية بشكل عام
اللي لديه سؤال أو اي استفسار في مجال خدمات او تمويل او تسهيلات بنكية أو وظايف عن طريق ساب يتفضل
مع العلم بأن محدثكم خبرة لديه خبرة سابقة لدى شركة الاتصالات السعودية وشركة امريكان اكسبريس والبنك العربي الوطني وبنك ساب والآن لدي عرض وظيفي لدى شركة ميريل لينش الذي يرأسها الاستاذ الرائع مطشر المرشد العنزي, وذلك لعرضهم الوظيفي الافضل براتب اعلى من ساب بنسبة مع جميع الحوافز والمكافآت السنوية عساها تتيسر,,

حياكم الله في صفحتي للجميع في انتظار استفساراتكم

راعي العليا20
26-12-2010, 02:14 PM
الله يجزاك خير على حبك لخدمة اخوانك


والله يوفقك وييسر لك الوظيفه الجديده


لي عوده للموضوع ان شاء الله


تقبل مني كل الشكر والتقدير

alenazi
26-12-2010, 02:16 PM
الله يجزاك خير على حبك لخدمة اخوانك


والله يوفقك وييسر لك الوظيفه الجديده


لي عوده للموضوع ان شاء الله


تقبل مني كل الشكر والتقدير




آمين وللجميع،،
حياك الصفحة صفحتك

تحياتي

وزير البطالة
26-12-2010, 02:18 PM
كنت بسألك عن أقل البنوك نسبة فائدة .. :Looking:
بس الظاهر إن عندك خلفية فقط عن ساب

على العموم الله يوفقك بالوظيفة الجديدة ومطشر المرشد إن ماخاب ظني
يظهر أحياناً على العربية في تحليل الاسواق المالية ..

دنـ ولاتسوى ـيا
26-12-2010, 02:19 PM
الله يحييك ويبارك فيك وشكرا على إنسانيتك

حمد زيد
26-12-2010, 02:33 PM
هلا ومرحبا يالعنزي ,,, كيف حالك إن شاء الله بخير ..؟

يالغالي في البداية ابارك لك بالوظيفة الجديدة ,,, والله يطرح فيها البركة ويجعلها عون لك على طاعته ,,, كان ودي استفسر منك بخصوص التقديم ,,, انا متخرج من معهد الإدارة ومعي دبلوم محاسبة وودي اتوظف بساب ,,,, اذا كان عندك إمكانية ما تقصر ....!

واشكرك على فتح الموضوع واهنيك على اخلاقك العالية بالرد على الاخوان ,,,, جزاك الله خير ....

اخوك..

Emergency only
26-12-2010, 03:48 PM
مطشر المرشد العنزي رجل معروف بطيبة وكرامته واخلاقة الحسنة ..


والنعم فيكم يالعنزة

مؤمل خير
26-12-2010, 06:04 PM
اخوي العنزي الله يوفقك بوظيفتك الجديده

عندي استفسار بخصوص ساب هل فيه عنكم تمويل لموظفي البنوك؟؟؟

خنجر وديع
26-12-2010, 07:57 PM
زين سويت أخوي

مصرف ساب من المصارف التقليدية اللي نتمنى جميعاً أن يتحول للمصرفية الإسلامية

مثل إخوانه

الراجحي
البلاد
الجزيرة
الإنماء

ولك كل الشكر

أحلى عالم
26-12-2010, 08:46 PM
كيف مصارف تسمي نفسها مصارف اسلامية

وهي تشتري مديونيات الناس

موفقين

alenazi
26-12-2010, 08:51 PM
كنت بسألك عن أقل البنوك نسبة فائدة .. :Looking:
بس الظاهر إن عندك خلفية فقط عن ساب

على العموم الله يوفقك بالوظيفة الجديدة ومطشر المرشد إن ماخاب ظني
يظهر أحياناً على العربية في تحليل الاسواق المالية ..
والله شوف بالنسبة للفوائد فيه اكثر من بنك عندهم نسب قليله ولكن ماعندي علم فيها تقدر تدخل على مواقعهم وتستفيد
بالنسبة لساب فيه عروضات خاصه لشركة الاتصالات والخطوط السعوديه وفيه خصومات بالنسبة لموظفين العساكر والحكوميه بنسبة 2.75 بالميه
بالنسبة لمطشر المرشد معروف كان مستشار الاهلي كابيتال وقناة العربية الاقتصاديه دايم يطلع على قناة العربية واعتماد هيئة سوق المال عليه بالنسبة للاستشارات ماليه وكان ماسك شركة وساطة استثماريه وكان عندنا في ساب مستشار ادخل يوتيوب واكتب مطشر وشوف البرامج اللي عاملها في هيئة سوق المل
ابوه طراد المرشد أحد اعمامنا وشيخ فخذنا والملك عبدالله يصير عديله

والله يوفق الجميع

alenazi
26-12-2010, 08:55 PM
الله يحييك ويبارك فيك وشكرا على إنسانيتك
تسلم على مرورك وحياك في اي وقت

alenazi
26-12-2010, 08:57 PM
هلا ومرحبا يالعنزي ,,, كيف حالك إن شاء الله بخير ..؟

يالغالي في البداية ابارك لك بالوظيفة الجديدة ,,, والله يطرح فيها البركة ويجعلها عون لك على طاعته ,,, كان ودي استفسر منك بخصوص التقديم ,,, انا متخرج من معهد الإدارة ومعي دبلوم محاسبة وودي اتوظف بساب ,,,, اذا كان عندك إمكانية ما تقصر ....!

واشكرك على فتح الموضوع واهنيك على اخلاقك العالية بالرد على الاخوان ,,,, جزاك الله خير ....

اخوك..
حياك الله حبيبي
انا سبق ورديت عليك بالرسائل الخاصه كتبت لك ان قسمك رغبته اكثر في الصرافين سواء بساب او برى ساب ولكن انت قدم مع بداية السنه في ساب راح يطرح برنامج التأهيل المصرفي خاص للخريجين الجدد تخصص محاسبة وادارة
بس ذكرن مع بداية السنة

وبالتوفيق لك يارب

alenazi
26-12-2010, 08:59 PM
مطشر المرشد العنزي رجل معروف بطيبة وكرامته واخلاقة الحسنة ..


والنعم فيكم يالعنزة

تسلم على الكلام طيب وماعليك زود يالغلا

والله يوفق الجميع

alenazi
26-12-2010, 09:01 PM
اخوي العنزي الله يوفقك بوظيفتك الجديده

عندي استفسار بخصوص ساب هل فيه عنكم تمويل لموظفي البنوك؟؟؟

للحين ماتوظفت بمكان ثاني ولكن قريب ان شاء الله
بالنسبة لتمويل البنوك كان لدى ساب عروض تمويل لبنوك اخرى ولكن الان متوقف منذ عام 2008 وان شاء الله قريب راح يطرحون برنامج قروض خاصة بالبنوك الاخرى
الان يوجد بنك الانماء وبنك الرياض يعطون تمويل للبنوك الاخرى وبنك الامارات يعطون موظفين البنوك الاخرى بشرط يكونون بالرياض

وبالتوفيق لك حبيبي

alenazi
26-12-2010, 09:03 PM
زين سويت أخوي

مصرف ساب من المصارف التقليدية اللي نتمنى جميعاً أن يتحول للمصرفية الإسلامية

مثل إخوانه

الراجحي
البلاد
الجزيرة
الإنماء

ولك كل الشكر
البنك اتجاهه اسلامي كل الفروع الجديده اسمها ساب امانه حتى البنك الاجنبي اللي متعاقدين مع ساب الاتش اس بي سي عملو نفس ساب سموه اتش اس بي سي امانه هذا اسلامي خاص للاجانب المسلمين
ساب ما يتعوض وجاني اكثر من عرض من بعض البنوك اللي ذكرت اساميها ولكن غير بنك ساب ماراح ادخل
ولكن انا طمحت للافضل وجاني عرض من شركة نفس عرض بنك ساب من ناحية المكافآت ولكن راتب اعلى

بالتوفيق
تحياتي

متوآضعه
26-12-2010, 09:16 PM
الله يوفقـك ،

لما شفت العنوان فكرتك متضاايق من ساب وتبي تترركه :(

طيب حابه اسالك ، ساب مايسوي تدريب لخريجين الثانويه لكن مو الجدد.
اشكالي اللي من 5 سنوات :(

صرااحه اتمنى اتوظف ف بنــك ، بس البنك ي بواسطه ي شهاده وخبره.. موو!!

alenazi
26-12-2010, 09:23 PM
الله يوفقـك ،

لما شفت العنوان فكرتك متضاايق من ساب وتبي تترركه :(

طيب حابه اسالك ، ساب مايسوي تدريب لخريجين الثانويه لكن مو الجدد.
اشكالي اللي من 5 سنوات :(

صرااحه اتمنى اتوظف ف بنــك ، بس البنك ي بواسطه ي شهاده وخبره.. موو!!
الا يعطون تدريب لخريجي الثانوي خلال اجازة الصيف
وبالنسبة للتوظيف لابد ان يكون اقل شي دبلوم حتى ولو بواسطه

وبالتوفيق لك اختي

ولدجدة
26-12-2010, 09:25 PM
موفق خير اخوي
ولكن تمنيت منك ان تنزل موضوعك بعد ماتترك ساب
من باب وقضوا وحوائجكم بالكتمان

متوآضعه
26-12-2010, 09:29 PM
الا يعطون تدريب لخريجي الثانوي خلال اجازة الصيف
وبالنسبة للتوظيف لابد ان يكون اقل شي دبلوم حتى ولو بواسطه

وبالتوفيق لك اختي

حتى ع القديميين؟؟
طيب الله يرضى عليك لو صار تدريب ممكن تذكرنا فيه :(..

alenazi
26-12-2010, 09:29 PM
موفق خير اخوي
ولكن تمنيت منك ان تنزل موضوعك بعد ماتترك ساب
من باب وقضوا وحوائجكم بالكتمان
يعطيك العافيه
هالمواضيع ماتحتاج الكتمان خاصة اذا كان من باب المساعده قبل مانطلع من البنك

وشاكر لك مرورك
تقبل تحياتي يالغلا

alenazi
26-12-2010, 09:31 PM
حتى ع القديميين؟؟
طيب الله يرضى عليك لو صار تدريب ممكن تذكرنا فيه :(..
التقديم يكون قبل اجازة الصيف بشهر

وبالتوفيق لك

مرواااااان
26-12-2010, 09:58 PM
اخوي العنزي اتمنى لك التوفيق في وظيفتك الجديدة سال المولا انا يجعلها باب خير لك والحقيقة انت انسان
تستهل كل خير لي تواضعك واخلاقك النبيله

alenazi
26-12-2010, 10:59 PM
اخوي العنزي اتمنى لك التوفيق في وظيفتك الجديدة سال المولا انا يجعلها باب خير لك والحقيقة انت انسان
تستهل كل خير لي تواضعك واخلاقك النبيله
تسلم يالغلا

يكفينا فخر لخدمة الناس الطيبين مثلك

تحياتي لك

طموحه بقوه
27-12-2010, 02:25 AM
الله يوفقك ياخوي في شغلك الجديد والى اعلى المراتب في الدنيا والاخره وخدمتك هذي ماراح ننساها ...
من في هذي الدنيا يحب لاخيه مايحب لنفسه .. الله المستعان
ابسالك اخوي فيه وظايف جديده نسائيه في ساب في الرياض او الخرج
انا معي بكالريوس انجليزي وتوني متخرجه ولاعندي خبره بس لاني طموحه وبقوه فارسلت سيرتي لاغلب البنوك
والى الان لا حس ولا خبر
ابغى اتوظف في البنك فهل عندك امكانيه توظفني
تقبل مروري \ اختك طموحه بقوه

alenazi
27-12-2010, 03:16 AM
الله يوفقك ياخوي في شغلك الجديد والى اعلى المراتب في الدنيا والاخره وخدمتك هذي ماراح ننساها ...
من في هذي الدنيا يحب لاخيه مايحب لنفسه .. الله المستعان
ابسالك اخوي فيه وظايف جديده نسائيه في ساب في الرياض او الخرج
انا معي بكالريوس انجليزي وتوني متخرجه ولاعندي خبره بس لاني طموحه وبقوه فارسلت سيرتي لاغلب البنوك
والى الان لا حس ولا خبر
ابغى اتوظف في البنك فهل عندك امكانيه توظفني
تقبل مروري \ اختك طموحه بقوه
تشرفنا بوجودك اختي
بالعكس الدنيا مازالت بخير والواحد ماراح يلقى من هالناس الا جازي الاحسان بالاحسان
بالنسبة للوظايف ما اقدر افيدك افاده شافيه ولا اقدر اوعدك بشي
ولكن معروف كل بداية سنه يتم استقطاب موظفين خريجي جدد يتم تدريبهم لمدة 6 اشهر وبعدها يتم ترسيمهم في الفروع او الاداارات سواء فروع نسائيه او غيرها
خلال مدة التدريب يصرف للموظف راتب اساسي للبكالوريس مابين 6 الاف الى 7 الاف ع حسب التخصص
وبعد الستة اشهر تضاف البدلات على الراتب الاساسي تقريبا من 3 الى 4 الاف

راح اساعدك ولكن ما اضمن لك 100% لان كلها توفيق من ربك واحنا نسعى ونسوي اللي علينا وربك بيسرها ان شاء الله

شكراً على مرورك
تحياتي

قاصر الشر
27-12-2010, 08:28 AM
الله يالدنيا تذكر هذيك الايام يوم كان الموضوع شغال حريقة في قسم الوظايف ايام الاخ نواف الراضي....

كنت اتابع الموضوع بشكل يومي الين وصلت الصفحات الى 30 صفحة تقريبا

كأنه قبل اسبوعين


الله يوفقك يالعنزي وين ماتروح ويحفظك لمنتدى البطالة....صحيح انه ماكان بيني وبينك ردود او تعليقات لكني كنت احترمك في نفس الوقت اللي كان فيه بعض الناس يشكك في نواياك

لكن الحين انفضحوا يوم انك اثبت ان سريرتك طيبة

وكلنا امل انك ماتنسانا بعد ماتلتحق بعملك الجديد

بعدين تفهم
27-12-2010, 08:36 AM
الله يوفقك ويرزقك

عذوق حُره
27-12-2010, 10:24 AM
الله يوفقك


ويجعلهآ بميزآن حسنآتك


وعندي سؤآلين :


1/ كيف نقدم ع البنك لو بغينآ دورآت للخريجين ولي صديقه متخرجه من 7 سنوات ومعها شهاده كمبيوتر أعمآل مكتبيه

ثلاث شهور !

بمعنى أخر نروح لهم بشهآدآتنآ لاأحد الفروع .

ولآ نطلع على المووقع ونقدم على الدورآت التدريبيه الي تكلمت عنهآ للآخت متوآضعه ؟


2/ بالنسبه لشهآدتهآ الثآنويه ترى من 7 سنوات حتى الجامعات ماقبلتها للاسف طردوهآ فهل تقبلون مثل هالشهآده أو لآ ؟


لاأنهآ صديقه وجالسه اسعى لها بوظيفه او شيء تشغل نفسها فيه

ولآ لو علي ماتعبتك بسؤآلي لاأني متوظفه ولله الحمد :)


,


بنتظآرك يآأخي ع احر من الجمر ,

.:llrarll:.
27-12-2010, 10:49 AM
اخوي انا ماخذ قرض من بنك ساب

وباقي عليه كمدة 27 شهر وكمبلغ 88400

كم بيكون المبلغ لو حبيت اسدده كامل دفعة واحدة؟

ولو خلصت هذا التمويل. هل يجب اني اخذ ورقة اخلاء طرف من البنك؟؟ وايش فائدتها؟؟ ومن وين اقدر احصل عليها؟؟؟

وجزاك الله خير مقدماً

ملياردير القرن
27-12-2010, 12:13 PM
السلام عليكم ورحمة الله وبركاته،،
الي اعرفه يالعنزي ان بنك ساب غير اسلامي يعني ما يجوز تشتغل فيه،،
لا تاخذ راتب حرام بعدين ما تتوفق في حياتك حتى لو تعيش فقير أفضل من الراتب الحرام،،
تقبل راي بصدر رحب،،

قاصر الشر
27-12-2010, 07:15 PM
اخوي انا ماخذ قرض من بنك ساب

وباقي عليه كمدة 27 شهر وكمبلغ 88400

كم بيكون المبلغ لو حبيت اسدده كامل دفعة واحدة؟

ولو خلصت هذا التمويل. هل يجب اني اخذ ورقة اخلاء طرف من البنك؟؟ وايش فائدتها؟؟ ومن وين اقدر احصل عليها؟؟؟

وجزاك الله خير مقدماً
اذا حيست تسدد كاش يخصمون لك الفوايد....وورقة اخلاء الطرف تاخذه اذا حبيت تحول راتبك الى بنك ثاني....اما اذا بتبقى في نفس البنك اظن مالها داعي....


بس يبدو انك مطلع القرض على النظام القديم ابو 33 راتب

.:llrarll:.
28-12-2010, 10:04 AM
اذا حيست تسدد كاش يخصمون لك الفوايد....وورقة اخلاء الطرف تاخذه اذا حبيت تحول راتبك الى بنك ثاني....اما اذا بتبقى في نفس البنك اظن مالها داعي....


بس يبدو انك مطلع القرض على النظام القديم ابو 33 راتب

يعطيك العافية وجزاك الله خير ماقصرت

alenazi
28-12-2010, 12:16 PM
الله يالدنيا تذكر هذيك الايام يوم كان الموضوع شغال حريقة في قسم الوظايف ايام الاخ نواف الراضي....

كنت اتابع الموضوع بشكل يومي الين وصلت الصفحات الى 30 صفحة تقريبا

كأنه قبل اسبوعين


الله يوفقك يالعنزي وين ماتروح ويحفظك لمنتدى البطالة....صحيح انه ماكان بيني وبينك ردود او تعليقات لكني كنت احترمك في نفس الوقت اللي كان فيه بعض الناس يشكك في نواياك

لكن الحين انفضحوا يوم انك اثبت ان سريرتك طيبة

وكلنا امل انك ماتنسانا بعد ماتلتحق بعملك الجديد
تسلم على هالكلام الطيب
بالنسبه للنوايا هذي شي طبيعي ولكن ياجبل مايهزك ريح
لأن كلن عنده عقل وراس يفكر فيه وبالنهايه الواحد ماياخذ الا اللي يبيه
الحمدلله لنيتي الصادقه ربي وفقني طبعاً بعد الصلاه والدعاء كل مالها تتيسر من مرتبه الى مرتبه اعلى وكل هذا بفضل الله ثم دعاء والدي ودعاء الناس

تشرفت بوجودك بصفحتي يالغلا وحياك في اي وقت

الله يوفقك ويرزقك
آمين وياك يالغالي

الله يوفقك


ويجعلهآ بميزآن حسنآتك


وعندي سؤآلين :


1/ كيف نقدم ع البنك لو بغينآ دورآت للخريجين ولي صديقه متخرجه من 7 سنوات ومعها شهاده كمبيوتر أعمآل مكتبيه

ثلاث شهور !

بمعنى أخر نروح لهم بشهآدآتنآ لاأحد الفروع .

ولآ نطلع على المووقع ونقدم على الدورآت التدريبيه الي تكلمت عنهآ للآخت متوآضعه ؟


2/ بالنسبه لشهآدتهآ الثآنويه ترى من 7 سنوات حتى الجامعات ماقبلتها للاسف طردوهآ فهل تقبلون مثل هالشهآده أو لآ ؟


لاأنهآ صديقه وجالسه اسعى لها بوظيفه او شيء تشغل نفسها فيه

ولآ لو علي ماتعبتك بسؤآلي لاأني متوظفه ولله الحمد :)


,


بنتظآرك يآأخي ع احر من الجمر ,
عادي تقدم وهذا توفيق من ربك
بس نصيحه لها حتى لو ما انقبلت لا توقف ولا تحط ايدها على خدها وتسكت خليها تكمل دراستها احسن لها
ولكن سؤال بالنسبه للدورات اللي معها دبلوم؟؟ يعني اكثر من سنتين؟

اخوي انا ماخذ قرض من بنك ساب

وباقي عليه كمدة 27 شهر وكمبلغ 88400

كم بيكون المبلغ لو حبيت اسدده كامل دفعة واحدة؟

ولو خلصت هذا التمويل. هل يجب اني اخذ ورقة اخلاء طرف من البنك؟؟ وايش فائدتها؟؟ ومن وين اقدر احصل عليها؟؟؟

وجزاك الله خير مقدماً
شوف تروح للفرع اللي قريب منك
وفيه طريقتين؟ اذا انت حاب تخلص عشان تاخذ قرض ثاني اطلب قرض اضافي
واذا انت حاب تسدد كامل المبلغ اطلب من الفرع سداد مبكر
السداد المبكر يعني يتم خصم جميع الفوائد حق السنوات القادمة يعني تسدد اللي عليك بدون فوائد
طبعاً راح يكون فيه اتفاق بينك وبين الفرع على المبلغ اللي بتسدده لان هم يتواصلون مع قسم التحصيل واذا خلصت لازم ولازم ولازم ولازم وضروري جداً تطلب مخالصة اللي هي اخلاء طرف هذي فائدتها ممكن يصير مشكلة بالنظام بعدين وتنزل عليك الفوائد بعد فتره ولكن انت معك مخالصه تحاجج البنك فيها ويتم خصمها ولازم تاخذ المخالصه اذا تبي تحدث بياناتك في سمه
لان شركة سمه تحدث بيانات العملاء كل 1 من كل شهر ميلادي وكل 15 من كل شهر ميلادي وكل 25 تقريباً من كل شهر ميلادي
لو ماتحدثت تاخذ المخالصه لسمه ويحدثون لك البيانات ولو ماتحدثت تروح لساب وترفع شكوى وترسل لهم صوره من المخالصه
وبالتوفيق لك يارب

السلام عليكم ورحمة الله وبركاته،،
الي اعرفه يالعنزي ان بنك ساب غير اسلامي يعني ما يجوز تشتغل فيه،،
لا تاخذ راتب حرام بعدين ما تتوفق في حياتك حتى لو تعيش فقير أفضل من الراتب الحرام،،
تقبل راي بصدر رحب،،
قد تكلمنا عن هالموضوع كثير ولكن رجال الافتاء هم اصح بذلك ولا انا ولا انت نفتي بهالامور
عموماً كثير تكلمنا بهالموضوع
وشاكر لك مرورك

اذا حيست تسدد كاش يخصمون لك الفوايد....وورقة اخلاء الطرف تاخذه اذا حبيت تحول راتبك الى بنك ثاني....اما اذا بتبقى في نفس البنك اظن مالها داعي....


بس يبدو انك مطلع القرض على النظام القديم ابو 33 راتب
يعطيك العافيه ولكن مو شرط تخصم كل الفوائد
والمخالصه اهم شي مستند يطلبه العميل من الفرع
سواء بيقدم عن طريق بنوك خارجيه او غيره
ولو حب يقدم عن طريق نفس البنك يطلب قرض اضافي

وبالتوفيق لك حبيبي وشاكر لك مرورك

الله يوفقكم جميعا ويحرسكم ان شاء الله

تقبلوا تحياتي

.:llrarll:.
28-12-2010, 12:25 PM
جزاك الله خير والله يسعدك دنيا واخره

قاصر الشر
28-12-2010, 12:29 PM
السلام عليكم ورحمة الله وبركاته،،
الي اعرفه يالعنزي ان بنك ساب غير اسلامي يعني ما يجوز تشتغل فيه،،
لا تاخذ راتب حرام بعدين ما تتوفق في حياتك حتى لو تعيش فقير أفضل من الراتب الحرام،،
تقبل راي بصدر رحب،،


من وين جايب هالفتوى؟ من جيبك؟

ياحبيبي الشيوخ الحين يفتون للي يدفع اكثر.....وتقدر تتأكد من حكم سيارات التأجير المنتهي بالتمليك........

لا تخلي قدسيتك للشيوخ تعمي بصيرتك

alenazi
28-12-2010, 03:19 PM
من وين جايب هالفتوى؟ من جيبك؟

ياحبيبي الشيوخ الحين يفتون للي يدفع اكثر.....وتقدر تتأكد من حكم سيارات التأجير المنتهي بالتمليك........

لا تخلي قدسيتك للشيوخ تعمي بصيرتك
يعطيك العافيه وخير الكلام ماقل ودل
الحمدلله ان ساب ماعنده تأجير منتهي بالتمليك
تحياتي للجميع

ليه ياوطني
28-12-2010, 04:06 PM
الله يوفقك أن شاء الله

ويعطيك ربنا على قد نيتك ويحقق لك مبتغاك ويسهل امورك

alenazi
28-12-2010, 06:59 PM
الله يوفقك أن شاء الله

ويعطيك ربنا على قد نيتك ويحقق لك مبتغاك ويسهل امورك
آمين الله يسمع منك

تسلم على مرورك

عذوق حُره
28-12-2010, 10:34 PM
هلآ يااخي أعذرني على التأخير :m


قلت لك بالرد وأجبت لك على السؤآل الله يعطيك العآفيه

ولكن سؤال بالنسبه للدورات اللي معها دبلوم؟؟ يعني اكثر من سنتين؟





يمكن لو رآجعته بتلاقي جوآب سؤآلك


لكن ولآيهمك برجع أجآوبك معهآ ثلآث شهور أعمآل مكتبيه !!


ثلآث شهور فقط ؟


لكن بالنسبه لدرآسه ماأتوقع ياأخي لاأن الجآمعآت رفضوهآ وأهي أنسآنه أحوآلهآ تعبآنه بقووه :m


للأسف وآقعهآ مرير لكن الله يعينهآ ويحسن ظروفهآ النفسيه والآجتمآعيه دعوآتكم لهآ :m

.
بالنسبه لدورات التدريبيه وين نقدم بالضبط ؟من عند البنك ولا من موقع الكتروني لهم ؟


.


شآكره أهتمآمك ياأخي والله يجعلهآ بميزآن حسنآتك

ويجعلك ذخر لاأخوآنك يآولد الحلآل :m

.

هندسة عطالة
28-12-2010, 11:32 PM
ارسلت لك رسالة خاصة قبل شهر تقريبا

ممكن ترد عليها

الله يجزاك خير

مَاجِد
29-12-2010, 01:01 AM
السلام عليكم حياك أخوي ونشكرك على خدمتك


بنك ساب رؤيه محليه خبرات عالميه

يارجال البنك ذا زارفني ميت ريال حسبي الله علاهم
يوم جيت للموظف يقول خلاص راحت عليك ؟

سلامات يا أبو بأي نظام والله مالي خلق أروح اطامر للأداره حقتهم

فا خليتها

المشكله التي حصلت لي هي أن حولت مبلغ أصدار لوحه للمرور المبلغ مية ريال

ما تحول عندهم .. والمبلغ القاه بالصرافه لما اسوي استرجاع بس ما يرجع
وحولت مره ثانيه وجت المرور بينما فالمره الأولى ما راح شي

ويالغالي كانك شغال فالبنك إلى اللحين علمني بغيت منك خدمه

مَاجِد
29-12-2010, 01:04 AM
زين سويت أخوي

مصرف ساب من المصارف التقليدية اللي نتمنى جميعاً أن يتحول للمصرفية الإسلامية

مثل إخوانه

الراجحي
البلاد
الجزيرة
الإنماء

ولك كل الشكر



بالعكس من ناحية التعامل أفضل بنك ساب

الراجحي والله من الغثا حتى موضفينه شوي ويطقونك

ساب دلع


بالنسبه للي بياخذ قرض منهم تراهم كويسين > :bماخذً منهم أنا

ضليمتهم شينه التعامل طيب

alenazi
29-12-2010, 01:08 AM
هلآ يااخي أعذرني على التأخير :m


قلت لك بالرد وأجبت لك على السؤآل الله يعطيك العآفيه







يمكن لو رآجعته بتلاقي جوآب سؤآلك


لكن ولآيهمك برجع أجآوبك معهآ ثلآث شهور أعمآل مكتبيه !!


ثلآث شهور فقط ؟


لكن بالنسبه لدرآسه ماأتوقع ياأخي لاأن الجآمعآت رفضوهآ وأهي أنسآنه أحوآلهآ تعبآنه بقووه :m


للأسف وآقعهآ مرير لكن الله يعينهآ ويحسن ظروفهآ النفسيه والآجتمآعيه دعوآتكم لهآ :m

.
بالنسبه لدورات التدريبيه وين نقدم بالضبط ؟من عند البنك ولا من موقع الكتروني لهم ؟


.


شآكره أهتمآمك ياأخي والله يجعلهآ بميزآن حسنآتك

ويجعلك ذخر لاأخوآنك يآولد الحلآل :m

.
اغلب البنوك مايستقبلون اقل من الدبلوم مابعد الثانوي عشان كذا حبيت اتاكد منك دورة الحاسب دبلوم ولا دورة عاديه على بالي تقصدين انو دورة كمبيوتر لحال والاعمال المكتبية لحال
عموما انا حاولت اخدمها بمكان ثاني بجمعيات خيريه وغيرها اللي يقبلون ثانوي عادي
ولكن خليها تقدم عن طريق موقع ساب وعن طريق البنوك وموقع بيت وموقع ممتاز لتوظيف البنك دايم ينزول فيه شواغر البنوك مباشره
http://www.gulftalent.com

اسال الله ان يوفقها ويرزقها من حيث لا تحتسب
الف شكر لك اختي على اهتمامك بالبنت وهذا ان يدل دل على معدنك وطيب اصلك

تحياتي لك

alenazi
29-12-2010, 01:11 AM
ارسلت لك رسالة خاصة قبل شهر تقريبا

ممكن ترد عليها

الله يجزاك خير
معليش يالغلا والله دخلت من فتره لان كنت غايب دخلت بسبب رسايل المنتدى على ايميلي موضح بأن علبة الوارد ممتلئه واضطريت احذف جميع الرسايل

تقدر ترسل الان
تحياتي لك

alenazi
29-12-2010, 01:17 AM
السلام عليكم حياك أخوي ونشكرك على خدمتك


بنك ساب رؤيه محليه خبرات عالميه

يارجال البنك ذا زارفني ميت ريال حسبي الله علاهم
يوم جيت للموظف يقول خلاص راحت عليك ؟

سلامات يا أبو بأي نظام والله مالي خلق أروح اطامر للأداره حقتهم

فا خليتها

المشكله التي حصلت لي هي أن حولت مبلغ أصدار لوحه للمرور المبلغ مية ريال

ما تحول عندهم .. والمبلغ القاه بالصرافه لما اسوي استرجاع بس ما يرجع
وحولت مره ثانيه وجت المرور بينما فالمره الأولى ما راح شي

ويالغالي كانك شغال فالبنك إلى اللحين علمني بغيت منك خدمه
شوف اقولك شي؟
ترى المشكله مو من ساب من المرور تصير عمليات عكسيه ولما تسوي استرداد ماترجع ولكن البنك يطالبها لك لين ماترجع
بالنسبة لمخالفات المرور مشكله صايره ترى بسداد لو ماوصلت ماترجع مو بس ساب اغلب البنوك وتقدر تسال فيها مؤسسة النقد
بس اذا هي سداد رخصه او تجديدة رخصه او لوحة عادي البنك يطالبها لك وترجع
عموما ارسل رقم حسابك خاص مع رقم جوالك وبخلي الشباب يكلمونك ويخدمونك ويرجعون لك فلوسك بعد

تحياتي

alenazi
29-12-2010, 01:21 AM
بالعكس من ناحية التعامل أفضل بنك ساب

الراجحي والله من الغثا حتى موضفينه شوي ويطقونك

ساب دلع


بالنسبه للي بياخذ قرض منهم تراهم كويسين > :bماخذً منهم أنا

ضليمتهم شينه التعامل طيب
قد جاني اكثر من عرض من الراجحي رفضت
بس بنفس الوقت ماننكر خدمات الراجحي هو اول بنك قدم خدمات واكثر بنك انتشار داخل المملكه

تشرفنا بوجودك معنا

بما انك مشرف الشعر تراي اكتب شعر

وحياك الله معنا

مَاجِد
29-12-2010, 01:29 AM
قد جاني اكثر من عرض من الراجحي رفضت
بس بنفس الوقت ماننكر خدمات الراجحي هو اول بنك قدم خدمات واكثر بنك انتشار داخل المملكه

تشرفنا بوجودك معنا

بما انك مشرف الشعر تراي اكتب شعر

وحياك الله معنا


حياك يا شاعر

طيب أخوي .. أنا عندي قرض وأبكيشه

المهم يقولون نعطيك 17 راتب فيه مجال يعطوني أكثر

والشرف والله وجودك أنت يا طويل العمر

alenazi
29-12-2010, 01:37 AM
حياك يا شاعر

طيب أخوي .. أنا عندي قرض وأبكيشه

المهم يقولون نعطيك 17 راتب فيه مجال يعطوني أكثر

والشرف والله وجودك أنت يا طويل العمر

طيب ارسل رقم حسابك بخصوص استرجاع السداد
وبخصوص تكييش القرض تقصد بنك ثاني؟
اما اللي يعطونك من 17 الى 18 راتب على حسب القطاع اللي انت تشتغل فيه

عادي تقدر تسوي عرض ولو ماعجبك ترفضه عادي بدون ماتسلم اوراقك

مَاجِد
29-12-2010, 01:41 AM
طيب ارسل رقم حسابك بخصوص استرجاع السداد
وبخصوص تكييش القرض تقصد بنك ثاني؟
اما اللي يعطونك من 17 الى 18 راتب على حسب القطاع اللي انت تشتغل فيه

عادي تقدر تسوي عرض ولو ماعجبك ترفضه عادي بدون ماتسلم اوراقك


ابشر ابرسله لك

لا القرض انا ماخذه من ساب .. وابكيشه واشوف كانهم بيعطوني فلوسً واجد اباخذ منهم ولا بروح لراجحي :u

طراد السالم
29-12-2010, 12:39 PM
من حال لأحسن حال اخوي إن شاء الله
وتمنياتي لك بالتوفيق في حياتك العملية والاجتماعية
وياليت ترجع للخاص للنقاش
وتحياتي لك ..

alenazi
29-12-2010, 12:51 PM
ابشر ابرسله لك

لا القرض انا ماخذه من ساب .. وابكيشه واشوف كانهم بيعطوني فلوسً واجد اباخذ منهم ولا بروح لراجحي :u

اتصلوا عليك اليوم البنك كم مره ولا رديت؟
عموما انت مسوي طلب بشهر 8 عن طريق المجاني وفيه لك طلب ثاني بخصوص موضوع ثاني فعشان كذا دق عليك الموظف بيعرف وش السالفه وبيحلها معك باذن الله

تحياتي

alenazi
29-12-2010, 12:53 PM
من حال لأحسن حال اخوي إن شاء الله
وتمنياتي لك بالتوفيق في حياتك العملية والاجتماعية
وياليت ترجع للخاص للنقاش
وتحياتي لك ..
الله يوفق الجميع

اوكي وصلت الرساله

مَاجِد
29-12-2010, 01:34 PM
اتصلوا عليك اليوم البنك كم مره ولا رديت؟
عموما انت مسوي طلب بشهر 8 عن طريق المجاني وفيه لك طلب ثاني بخصوص موضوع ثاني فعشان كذا دق عليك الموظف بيعرف وش السالفه وبيحلها معك باذن الله

تحياتي


هلا أخوي أتصلو اليوم :Looking:

بس نايم > وأخوك في الله اذا رقد ما قام :b

معليش ازعجتك ابراجعهم انا قريب ان شاء الله

حمد زيد
29-12-2010, 02:38 PM
السلام عليكم يالعنزي كيف حالك ..؟

عندي استفسار لاهنت ,,, رأيك ,, وظيفة صراف بالبنك الأهلي ..؟ او خدمة عملاء بـ ( الحوالات ) الراجحي ؟

رأيك مع نصايحك لي ....’ الله يوفقنا واياك ...

فييييء
29-12-2010, 02:50 PM
بالتوفيق

لولو المنسيه
29-12-2010, 06:12 PM
الله يجزاك الجنه ومتمناه يااارب

خريجة آي تي
29-12-2010, 10:31 PM
ألف مبروك أخوي عالوظيفة الجديدة وان شاء الله منها للأحسن
استفساري أخوي الكريم...أنا دخلت اختبار تحديد مستوى اللغة الانجليزية ببنك ساب (بالادارة الاقليمية بجدة)..والحمد لله حليت كويس وقالولي بنتصل عليك..
والحين مرت 10 أيام ومحد اتصل ولا رسلولي رفض عالايميل...برأيك انتظر زيادة ولا خلاص انسى الموضوع ...أنا تخصصي بكالريوس حاسب آلي

قصايد الشوق
30-12-2010, 01:12 AM
الله يوفقك اخوي ويعطيك خيرها ويكفيك شرها
اختك عندها بكالوريوس لغة عربية وكورس انجليزي وكورس حاسب الاثنين شهر ونص
وش تنصحني اخذ دورات لو بقدم عالبنك ـ ......؟؟؟

وشكرا .............

alenazi
30-12-2010, 01:14 AM
هلا أخوي أتصلو اليوم :Looking:

بس نايم > وأخوك في الله اذا رقد ما قام :b

معليش ازعجتك ابراجعهم انا قريب ان شاء الله

وصيتهم يرجعون يدقون عليك ويحلون مشكلتك

بشر وش صار معك؟

alenazi
30-12-2010, 01:19 AM
السلام عليكم يالعنزي كيف حالك ..؟

عندي استفسار لاهنت ,,, رأيك ,, وظيفة صراف بالبنك الأهلي ..؟ او خدمة عملاء بـ ( الحوالات ) الراجحي ؟

رأيك مع نصايحك لي ....’ الله يوفقنا واياك ...
كلهم مثل بعض ولكن حوافز الاهلي افضل من الراجحي
ولكن انت استخير وان شاء الله تشوف وين اللي ترتاح

ولكن بحكم خبرتي كل شغله لها ميزه
بالنسبة للصراف لازم تكون دقيق بالنقد لان كل ريال محسوب عليك لو ضاع
وبالنسبة للحوالات مشكله بعد لو حولت للخارج لحساب خطأ مستحيل يرجع المبلغ فالعميل لو اشتكى بتطيح المصيبه على راسك
عشان كذا انا افضل انك تستخير ومن وجهة نظر ادخل صراف في الاهلي فتره وانقل خدمة عملاء
لان الراجحي لو دخلت مركز التحويل مستحيل تنقل لخدمة عملاء ولكن تستفيد لغه بحكم ان اغلب العملاء الحوالات هم من الفئات الاجنبيه

والافضل انك تدخل اقرب وحده تضمنها لان عصفور باليد خير من عشره على الشجره

تقبل تحياتي

alenazi
30-12-2010, 01:24 AM
فييء ولولو
اسعدني تواجدكم والله يسمع منكم ويوفقنا اجمعين

ألف مبروك أخوي عالوظيفة الجديدة وان شاء الله منها للأحسن
استفساري أخوي الكريم...أنا دخلت اختبار تحديد مستوى اللغة الانجليزية ببنك ساب (بالادارة الاقليمية بجدة)..والحمد لله حليت كويس وقالولي بنتصل عليك..
والحين مرت 10 أيام ومحد اتصل ولا رسلولي رفض عالايميل...برأيك انتظر زيادة ولا خلاص انسى الموضوع ...أنا تخصصي بكالريوس حاسب آلي
الله يبارك فيك باذن الله راح يجيك اتصال الاسبوع القادم في حال القبول واذا ماتم شي اتصلي على الاداره الاقليميه وتابعي عن طريق نفس مسؤول التوظيف
لان هو اللي عنده الخبر الاكيد
ولكن في حال تجاوزتي الاختبار 80 بالميه راح يجيك اتصال للمقابله الشخصيه لان برنامج التأهيل المصرفي راح يبدأ خلال ثاني اسبوع او منتصف شهر ينار 2011
تخصصك مرغوب كثير

اسال الله لك التوفيق

alenazi
30-12-2010, 01:26 AM
الله يوفقك اخوي ويعطيك خيرها ويكفيك شرها
اختك عندها بكالوريوس لغة عربية وكورس انجليزي وكورس حاسب الاثنين شهر ونص
وش تنصحني اخذ دورات لو بقدم عالبنك ـ ......؟؟؟

وشكرا .............
المشكله في التخصص مجاله غير البنوك ولكن ممكن الدورات اللي معك تنفعك بكل الحالتين انتي قدمي عن طريق موقع ساب مانتي خسرانه شي خاصة اذا كنتي حديثة التخرج

وبالتوفيق لك اختي

alenazi
30-12-2010, 11:47 PM
اني كويسشن

alenazi
31-12-2010, 11:40 AM
طيب بالتوفيق للجميع
والمعذره لو قصرت مع احد سواء استفسار أو اي موضوع آخر

تقبلو تحياتي

الحصاه
31-12-2010, 11:45 AM
عندي سؤال؟

لو سمحت

alenazi
31-12-2010, 11:50 AM
تفضــل

الحصاه
31-12-2010, 11:53 AM
السلام عليكم

بغيت اسأل كم اعلى قرض اقدر اخذ يعني اقدر اخذ قرض ب300الف ريال ولا لا

وهل اللي مطلوب من الصندوق العقاري يقدر ياخذ قرض ثاني وهو متقاعد؟

alenazi
31-12-2010, 12:04 PM
السلام عليكم

بغيت اسأل كم اعلى قرض اقدر اخذ يعني اقدر اخذ قرض ب300الف ريال ولا لا

وهل اللي مطلوب من الصندوق العقاري يقدر ياخذ قرض ثاني وهو متقاعد؟
القرض الشخصي

يعطون الى ميلون و500 الف
ع حسب الراتب

ولا انت تقصد قرض عقاري؟

الحصاه
31-12-2010, 12:09 PM
القرض الشخصي

يعطون الى ميلون و500 الف
ع حسب الراتب

ولا انت تقصد قرض عقاري؟


الله يعطيك العافيه

ايه انا قصدي القرض الشخصي

والراتب 4000

مدمن شآي
31-12-2010, 12:10 PM
حياك الله حبيبي
انا سبق ورديت عليك بالرسائل الخاصه كتبت لك ان قسمك رغبته اكثر في الصرافين سواء بساب او برى ساب ولكن انت قدم مع بداية السنه في ساب راح يطرح برنامج التأهيل المصرفي خاص للخريجين الجدد تخصص محاسبة وادارة
بس ذكرن مع بداية السنة

وبالتوفيق لك يارب

السلام عليكم .. طبعا انت ذكرت في كلامك محاسبه وإداره ..

المقصود في كلامك إداره .. إداره مكتبيه .. أو إدارة شبكات اأو شنو بالضبط ...؟؟؟

بحكم ان تخصصي إدارة شبكات فـ ماأدري اذا يوظفوني بدون واو بذا الدبلوم ..

باأنتظار الرد أخي موظف ساب ..

ليمتى عاطل !
31-12-2010, 12:29 PM
الله يووفقك باين من ردودك وموضوعك انك تحب الخير للناس
شكراً جزيلاً

alenazi
31-12-2010, 01:14 PM
الله يعطيك العافيه

ايه انا قصدي القرض الشخصي

والراتب 4000
اذا راتبك 4000 ماتوقع يوصل 300 الف لان القرض الشخصي كحد اقصى من 17 الى 18 راتب
واذا كنت متقاعد حسبة التقاعد ترى تختلف واتوقع يطلع اقل بعد
عموما كلم الهاتف المصرفي
8001248888

وبالتوفيق

تعآبير روح
31-12-2010, 04:08 PM
الله يوفقك اخوي ..



بس احب اقول للجميع

ان حاليآ في عرض في بنك الرياض على القروض الشخصيه و العقاريه



وعرضهم حلو كثير ..


اي سؤال انا حاضره :)



بالتوفيق للجميع

تعآبير روح
31-12-2010, 04:16 PM
اخوي انا ماخذ قرض من بنك ساب

وباقي عليه كمدة 27 شهر وكمبلغ 88400

كم بيكون المبلغ لو حبيت اسدده كامل دفعة واحدة؟

ولو خلصت هذا التمويل. هل يجب اني اخذ ورقة اخلاء طرف من البنك؟؟ وايش فائدتها؟؟ ومن وين اقدر احصل عليها؟؟؟

وجزاك الله خير مقدماً



بعد اذن صاحب الموضوع ..

اذا حاب تسدد سداد مبكر تسألهم ويعطوك المبلغ حسب نظام البنك ممكن يخصموا الفوائد او يحسبوها لك

وبعد ماتسدد تطلب منهم ورقه تسمى مخالصة قرض وليس اخلاء طرف

هالروقه لازم تطلبها منهم حتى تثبت انو تم سداد القرض بالكامل وليس عليك اي التزام في هذا القرض

alenazi
31-12-2010, 05:20 PM
بعد اذن صاحب الموضوع ..

اذا حاب تسدد سداد مبكر تسألهم ويعطوك المبلغ حسب نظام البنك ممكن يخصموا الفوائد او يحسبوها لك

وبعد ماتسدد تطلب منهم ورقه تسمى مخالصة قرض وليس اخلاء طرف

هالروقه لازم تطلبها منهم حتى تثبت انو تم سداد القرض بالكامل وليس عليك اي التزام في هذا القرض
سداد مبكر مو شرط يخصمون كل الفوائد يعني العميل يتوجه للفرع ويشوف كم يخصمون له واذا عجبه العرض يسدد كل المبلغ
بالنسبه للمخالصه شي طبيعي ضروري ولكن هي مو ضروريه لسمة لانه راح يتحدث مع بداية او نصف كل شهر الا في حال انه ماتحدث هنا ياخذ المخالصه للبنك الثاني اللي حاب يحصل على العرض منه باسرع وقت
بالنسبة لكلامك بنك الرياض وعرضهم
ساب يعطي نسبة 2.75 على بعض القطاعات
والشي الثاني وشلون بنك الرياض يعطون الرجال اكثر من 18 راتب ليش هم مخالفين نظام مؤسسة النقد
الرجاء الرجوع لمعلوماتك لا تنكب الرجال ههههههه بكرا بيمسك هالكلمه عليك وينشب لك

عموما يعطيك العافيه على مرورك
ونورتنا يالغالي

تقبل تحياتي

alenazi
31-12-2010, 05:24 PM
السلام عليكم .. طبعا انت ذكرت في كلامك محاسبه وإداره ..

المقصود في كلامك إداره .. إداره مكتبيه .. أو إدارة شبكات اأو شنو بالضبط ...؟؟؟

بحكم ان تخصصي إدارة شبكات فـ ماأدري اذا يوظفوني بدون واو بذا الدبلوم ..

باأنتظار الرد أخي موظف ساب ..
الاداره التجاريه بشكل عام
ادارة مكتبية ادارة اعمال اقتصاد ..الخ
بالنسبة لاقسام التقنية مثل تخصصك ادارة شبكات وغيره هذا في الاي تي سيكيورتي

اللي هو قسم الامان في الاي تي
شغلهم مره ممتاز ورواتبهم من اعلى رواتب البنك

قدم ومانت بخسران شي
فيه اشخاص امون عليهم في الاي تي ولكن في الاي تي ديفلوبمنت وليس السكيورتي ومدير السكيورتي عنزي كثير طيب

عموما انت قدم وارسل رقم طلبك بالخاص

وبالتوفيق للجميع

alenazi
31-12-2010, 05:27 PM
الله يووفقك باين من ردودك وموضوعك انك تحب الخير للناس
شكراً جزيلاً
آمين اجمعين
حياك الله اخوي وشاكر لك مرورك وتنوريك لفصحتني

تقبل تحياتي

حمد زيد
31-12-2010, 06:21 PM
كلهم مثل بعض ولكن حوافز الاهلي افضل من الراجحي
ولكن انت استخير وان شاء الله تشوف وين اللي ترتاح

ولكن بحكم خبرتي كل شغله لها ميزه
بالنسبة للصراف لازم تكون دقيق بالنقد لان كل ريال محسوب عليك لو ضاع
وبالنسبة للحوالات مشكله بعد لو حولت للخارج لحساب خطأ مستحيل يرجع المبلغ فالعميل لو اشتكى بتطيح المصيبه على راسك
عشان كذا انا افضل انك تستخير ومن وجهة نظر ادخل صراف في الاهلي فتره وانقل خدمة عملاء
لان الراجحي لو دخلت مركز التحويل مستحيل تنقل لخدمة عملاء ولكن تستفيد لغه بحكم ان اغلب العملاء الحوالات هم من الفئات الاجنبيه

والافضل انك تدخل اقرب وحده تضمنها لان عصفور باليد خير من عشره على الشجره

تقبل تحياتي


جزاك الله خير ,,, ما قصرت .....’

بإذن الله بقبل بوظيفة الأهلي لأنها المناسبة من كل النواحي ,,,, والله الموفق .....,

الله يعطيك العافية:w:w ....’

مدمن شآي
31-12-2010, 06:24 PM
الاداره التجاريه بشكل عام
ادارة مكتبية ادارة اعمال اقتصاد ..الخ
بالنسبة لاقسام التقنية مثل تخصصك ادارة شبكات وغيره هذا في الاي تي سيكيورتي

اللي هو قسم الامان في الاي تي
شغلهم مره ممتاز ورواتبهم من اعلى رواتب البنك

قدم ومانت بخسران شي
فيه اشخاص امون عليهم في الاي تي ولكن في الاي تي ديفلوبمنت وليس السكيورتي ومدير السكيورتي عنزي كثير طيب

عموما انت قدم وارسل رقم طلبك بالخاص

وبالتوفيق للجميع

جزاك الله خير يالغالي ..

طبعا انا قدمت لكن التقديم عن طريق ارسال السي في فقط وأرسلتها لهم ..

لكن اذا في طريقه ثانيه تقديم فيه بيانات ورقم طلب ياليت انك تعلمني الطريقه لاهنت يالغلا ..

بحيث والله معدلي ممتاز ومعي اربع دورات ولغه انجليزيه ..

أنتظر ردك يالغلا ..

تعآبير روح
31-12-2010, 09:31 PM
سداد مبكر مو شرط يخصمون كل الفوائد يعني العميل يتوجه للفرع ويشوف كم يخصمون له واذا عجبه العرض يسدد كل المبلغ
بالنسبه للمخالصه شي طبيعي ضروري ولكن هي مو ضروريه لسمة لانه راح يتحدث مع بداية او نصف كل شهر الا في حال انه ماتحدث هنا ياخذ المخالصه للبنك الثاني اللي حاب يحصل على العرض منه باسرع وقت
بالنسبة لكلامك بنك الرياض وعرضهم
ساب يعطي نسبة 2.75 على بعض القطاعات
والشي الثاني وشلون بنك الرياض يعطون الرجال اكثر من 18 راتب ليش هم مخالفين نظام مؤسسة النقد
الرجاء الرجوع لمعلوماتك لا تنكب الرجال ههههههه بكرا بيمسك هالكلمه عليك وينشب لك

عموما يعطيك العافيه على مرورك
ونورتنا يالغالي

تقبل تحياتي



طبعآ مو شرط يخصمون الفوائد وقلتها على حسب نظام البنك ..

بالنسبه لعرض بنك الرياض النسبه 2.5 وهالعرض اقل نسبه بين البنوك


عرضهم منافس لكثير من البنوك عليه اقبال كبير




اختك ..

alenazi
31-12-2010, 10:05 PM
طبعآ مو شرط يخصمون الفوائد وقلتها على حسب نظام البنك ..

بالنسبه لعرض بنك الرياض النسبه 2.5 وهالعرض اقل نسبه بين البنوك


عرضهم منافس لكثير من البنوك عليه اقبال كبير




اختك ..
ايه اخوي عندكم ببنك الرياض مدير بقسم الاي تي قسم الديفلوبمنت
يمدح لي عروضاتكم
بصراحه ما اطلعت عليها ولكن عرضهم لموظفين البنوك يذبح نسبة من 7 الى 12 وش ذا
وسداد كحد اقصى ثلاث سنوات
وبالنسبة للعملاء المحولين رواتبهم على الرياض كم يعطونهم راتب هذي نقطة البحث اللي قصدتها في ردي
بس عساهم يمسكون سوقهم ويرجعون يتطورون مثل باقي البنوك وعرضهم بصراحه ممتاز جداً عساني الحق عليه من اطلع لشركة باخذ قرض جامد يسنع لي باقي تكاليف المشروع

تقدر تحسب لي راتب 25 الف كم يطلع لهم النسبة الاجماليه وكم يخصمون من الراتب الشهري كحد ادنى؟
لان انا حسبتها يطلع بصراحه مبلغ لا باس فيه الفوائد
نقول 2.5 في خمس سنوات
يطلع 12.5 نضرب 400.000 تقريباً هذا اللي احتاجه نقسمها في 12.5 نقسمها على 100 يطلع لهم تقريباً ارباح 50000 لمدة خمس سنوات كويس يعني لو قلنا نقلل عدد السنوات يقل عن كل سنه 2.5 بالميه تقدر تحسبها لي ثلاث سنوات ونص كم يطلع؟ يعني ياخذون نص الفائده حق السنه الرابعه ولا يخصموها
تأكد لي ضروري

تقبل تحياتي

alenazi
31-12-2010, 10:11 PM
جزاك الله خير ,,, ما قصرت .....’

بإذن الله بقبل بوظيفة الأهلي لأنها المناسبة من كل النواحي ,,,, والله الموفق .....,

الله يعطيك العافية:w:w ....’
تعجبني:rolleyes:
تراني اعرف واحد عندهم اسمه ضيف الله الشراري مدير شئون موظفين منطقة الرياض
وبجده اعرف واحد بالتوظيف اسمه محمد بكري او محمد البكر او خلف البكر والله ناسي
بس حول هالاسماء نفس مرتبة ضيف الله الشراري كلهم خدومين وذيابه يعجبونك

يلا شد حيلك عاد ولا تنسانا من الحلاوه حلاوة الفرحه

تقبل تحياتي

alenazi
31-12-2010, 10:14 PM
جزاك الله خير يالغالي ..

طبعا انا قدمت لكن التقديم عن طريق ارسال السي في فقط وأرسلتها لهم ..

لكن اذا في طريقه ثانيه تقديم فيه بيانات ورقم طلب ياليت انك تعلمني الطريقه لاهنت يالغلا ..

بحيث والله معدلي ممتاز ومعي اربع دورات ولغه انجليزيه ..

أنتظر ردك يالغلا ..
نظام التقديم الجديد صار تقريباً مثل موقع بيت
تقدم ويطلع لك رقم طلب

تقبل تحياتي

alenazi
01-01-2011, 12:49 PM
any question need to advice from me?

زجاجه عطر
01-01-2011, 06:08 PM
السلام عليكم ورحمة الله وبركاته
اولا الى الاستاذ العنزي شكرا لك في البدايه على تفاعلك ومساعدتك للعاطلين والله يجعله في ميزان حسناتك لان الذي تفعله الان نادرا مانجد امثالك فشكرا لك
وثانيا اود مساعدتك ومشورتك فانا خريج بكالوريوس محاسبه تقدير جيد ومتخرج عام 2009 ولم اجد اي وظيفه وسبق ان قدمت على بنك ساب لكن بلاجدوى وانا الان تجاوزت السنه والنصف عاطل ولم اجد شيئا فان كان باستطاعتك مساعدتي فلك مني الدعاء لاني بحاجه ماسه جدا جدا للوظيفه ودعاء الوالده
وجزاك الله خيرا على تفاعلك

خريجة آي تي
01-01-2011, 06:31 PM
ألف مبروك أخوي عالوظيفة الجديدة وان شاء الله منها للأحسن
استفساري أخوي الكريم...أنا دخلت اختبار تحديد مستوى اللغة الانجليزية ببنك ساب (بالادارة الاقليمية بجدة)..والحمد لله حليت كويس وقالولي بنتصل عليك..
والحين مرت 10 أيام ومحد اتصل ولا رسلولي رفض عالايميل...برأيك انتظر زيادة ولا خلاص انسى الموضوع ...أنا تخصصي بكالريوس حاسب آلي



الله يبارك فيك باذن الله راح يجيك اتصال الاسبوع القادم في حال القبول واذا ماتم شي اتصلي على الاداره الاقليميه وتابعي عن طريق نفس مسؤول التوظيف
لان هو اللي عنده الخبر الاكيد
ولكن في حال تجاوزتي الاختبار 80 بالميه راح يجيك اتصال للمقابله الشخصيه لان برنامج التأهيل المصرفي راح يبدأ خلال ثاني اسبوع او منتصف شهر ينار 2011
تخصصك مرغوب كثير

اسال الله لك التوفيق
الله يعطيك العافية أخوي
اتصلت عليهم اليوم وقال باقي ماطلعت نتيجتك>>ثانوية عامة صارت :d
وقالي انتظري مننا اتصال ..

مدمن شآي
01-01-2011, 07:12 PM
السلام عليكم ..

طبعا أخي العنزي ..

تم التقديم ولله الحمد وعطووني رقم مرجعي وأ رسلته في رساله خاصه لك وأن شاء الله يارب خي ..

ولو بغيت اي شئ مني أرسل لي رساله خاصه وان شاء الله راح انفذه ..

شهيندا
02-01-2011, 07:27 AM
أخوي أنا قدمت على البنك بأني أرسلت السي في على الايميل تبعهم
هل هذا يكفي؟

تعآبير روح
02-01-2011, 06:06 PM
ايه اخوي عندكم ببنك الرياض مدير بقسم الاي تي قسم الديفلوبمنت
يمدح لي عروضاتكم
بصراحه ما اطلعت عليها ولكن عرضهم لموظفين البنوك يذبح نسبة من 7 الى 12 وش ذا
وسداد كحد اقصى ثلاث سنوات
وبالنسبة للعملاء المحولين رواتبهم على الرياض كم يعطونهم راتب هذي نقطة البحث اللي قصدتها في ردي
بس عساهم يمسكون سوقهم ويرجعون يتطورون مثل باقي البنوك وعرضهم بصراحه ممتاز جداً عساني الحق عليه من اطلع لشركة باخذ قرض جامد يسنع لي باقي تكاليف المشروع

تقدر تحسب لي راتب 25 الف كم يطلع لهم النسبة الاجماليه وكم يخصمون من الراتب الشهري كحد ادنى؟
لان انا حسبتها يطلع بصراحه مبلغ لا باس فيه الفوائد
نقول 2.5 في خمس سنوات
يطلع 12.5 نضرب 400.000 تقريباً هذا اللي احتاجه نقسمها في 12.5 نقسمها على 100 يطلع لهم تقريباً ارباح 50000 لمدة خمس سنوات كويس يعني لو قلنا نقلل عدد السنوات يقل عن كل سنه 2.5 بالميه تقدر تحسبها لي ثلاث سنوات ونص كم يطلع؟ يعني ياخذون نص الفائده حق السنه الرابعه ولا يخصموها
تأكد لي ضروري

تقبل تحياتي



طيب بكره ان شاء الله احسب لك القرض بالكامل واذا على خمس سنوات

لانو العرض النسبه 2.5 والسداد بعد الثلاث الشهور الاولى

واقصى مده 5 سنوات والنسبه و القسط ثابته على مدة التمويل


والتمويل العقاري حلو عرضهم النسبه 3.6 اقل من 15 سنه بدون دفعه مقدمه

لشراء بيت او ارض



اختك :)

متخرجة وعاطلة
03-01-2011, 06:43 AM
هلا والله ولد عمي

وظفووني :m

بس تخصصي مايؤهل بنوك:Thumbs_down:

بكالوريوس احياء + الرخصه الدوليه في قياده الحاسب الآلي

alenazi
03-01-2011, 06:19 PM
السلام عليكم ورحمة الله وبركاته
اولا الى الاستاذ العنزي شكرا لك في البدايه على تفاعلك ومساعدتك للعاطلين والله يجعله في ميزان حسناتك لان الذي تفعله الان نادرا مانجد امثالك فشكرا لك
وثانيا اود مساعدتك ومشورتك فانا خريج بكالوريوس محاسبه تقدير جيد ومتخرج عام 2009 ولم اجد اي وظيفه وسبق ان قدمت على بنك ساب لكن بلاجدوى وانا الان تجاوزت السنه والنصف عاطل ولم اجد شيئا فان كان باستطاعتك مساعدتي فلك مني الدعاء لاني بحاجه ماسه جدا جدا للوظيفه ودعاء الوالده
وجزاك الله خيرا على تفاعلك
والله ياخوك ماقدر اوعدك ولكن كل شي سهالات ان شاء الله
واللي نقدر عليه راح نسويه انا ماعندي واسطه قويه عشان اقدر اقولك اتوسطلك وتتوظف
لا انا اسعى والسعي ممكن يفتح لك باب وتدخل معه للوظيفه
ولكن الاهم من هذا كله الدعاء والصلاه ودعاء الوالدين هو احد ابواب الرزق من تجربة مجرب

عموما بس تنزل شواغر راح اعلن فيها بالمنتدى باذن الله وراح نسوي موضوع خاص ونسوي طريقة لشرح الاختبارات وكل شي باذن الله اذا اللي اعطانا القوه

وبالتوفيق لك يارب

الله يعطيك العافية أخوي
اتصلت عليهم اليوم وقال باقي ماطلعت نتيجتك>>ثانوية عامة صارت :d
وقالي انتظري مننا اتصال ..
توهم البنك زين غلقوا عام 2010 بسلام سوو تعديلات اداريه جامده وراح تنزل شواغر باذن الله باعداد مناسبه
ولكن انتي تواصلي معهم ولا تصيرين مطفوقه وعجوله دام قالو لك انتظري اكيد فيه شي وخبر كويس
ماراح يطول باذن الله ولو حابه اسال لك ارسلي رقم الطلب او وقت الاختبار مع مكان الفندق اللي اختبرتوا فيه

السلام عليكم ..

طبعا أخي العنزي ..

تم التقديم ولله الحمد وعطووني رقم مرجعي وأ رسلته في رساله خاصه لك وأن شاء الله يارب خي ..

ولو بغيت اي شئ مني أرسل لي رساله خاصه وان شاء الله راح انفذه ..
رديت عليك برساله خاصه وقلت لك بنزل موضوع عن الشواغر
بس ذكرن على الاسبوع الجاي ولو ماحصلت ساب بدبرها لك بمكان ثاني وهذا وعد مني بحاول بكل اللي اقدر عليه سواء بساب او بره لا تعتمد اعتماد كلي انت بس اجتهد وانا اسعى معك

والله يفرجها بوجهك يارب
للمعلوميه تراني ما احب الشاهي ابد ولكن من عشاق القهوه السودا الشماليه حقتنا
:court:

أخوي أنا قدمت على البنك بأني أرسلت السي في على الايميل تبعهم
هل هذا يكفي؟
قدمي عن طريق الموقع
وسهالات يارب

طيب بكره ان شاء الله احسب لك القرض بالكامل واذا على خمس سنوات

لانو العرض النسبه 2.5 والسداد بعد الثلاث الشهور الاولى

واقصى مده 5 سنوات والنسبه و القسط ثابته على مدة التمويل


والتمويل العقاري حلو عرضهم النسبه 3.6 اقل من 15 سنه بدون دفعه مقدمه

لشراء بيت او ارض



اختك :)
ما ابي لا ارض ولا عقار اتكلم عن ( بيرسونال لون) وقلت لك ما ابي خمس سنوات احتمال اخذ ثلاث سنوات ونص وانا اعرف احسب الخمس سنوات طلعت حسبتها بردي السابق
بس سؤالي لو اخذت ثلاث سنوات ونص كم ياخذون علي نسبه وهل يحسبون علي عموله السنه الرابعه كامله ولا نصها؟

هلا والله ولد عمي

وظفووني :m

بس تخصصي مايؤهل بنوك:Thumbs_down:

بكالوريوس احياء + الرخصه الدوليه في قياده الحاسب الآلي
افا ياذالعلم تقولين وظفوني وتبسين
تهون وانا اخوتس شدي حيلك والله يوفقك يارب
ولكن ممكن الدورات تشفع لك عن التخصص
والله يوفقك

________________
أخواني اخواتي جميعاً حاب انوه فقط
الكل او الاغليه فاهمين غلط ممكن الاغلبيه على بالهم ان لي واسطات بالبنك وان بيدي اوظف اللي ابي يا اخوان كلها ارزاق ولكن انا كل مافي الموضوع اني حاب اخدم الجميع واساعد يعني كيف التقديم ونحاول نعمل توصيات بالبنك ونحاول نشرح الاختبارات ونحاول نشوف وين الشواغر وندفها هنا ونحاول نشوف وش ننتايج الاختبارات ونفزع باللي نقدر عليه وبس يدخل المقابلات الشخصيه قبل المقابلات راح ننزل وصايا ومن يتجاوز المقابله باذن الله الوظيفه مضمونه
وبالنسبة للطلبات الشخصيه سواء قروض او مشاكل حصلت مع احد في ساب بنحلها معه باذن الله مثل ماحلينا مشاكل بعض الاخوان هنا ومن ضمنهم اخونا مشرف قسم الشعر تم حل مشكله خاصه فيه وعساه ما ينسانا من الدعاء
يعني كل مافي الموضوع اننا نعين ونعاون

لان مكسبي بالنهايه دعاء الجميع
تقبلوا تحياتي

رهين جرحه
03-01-2011, 06:47 PM
يعطيك العافية يا العنزي

سند امي
03-01-2011, 07:00 PM
مرحبا اخوي انا خريجة ادارة اعمال وعندي دورات في التسويق والانجليزي وماقدمت على ساب مااعرف كيف التقديم
هل الموضوع يحتاج واسطه والا عن طريق النت والا اروح لهم
واذا رحت هل اخذ معي شهاداتي والا تكفي السيره واي فرع اقدم عليه
وعساك على القوه والله يوفقك في حياتك يارب

alenazi
03-01-2011, 07:19 PM
يعطيك العافية يا العنزي
الله يعافيك يالغلا
تسلم على مرورك
وتراني نصراوي مثلك :rolleyes:

alenazi
03-01-2011, 07:20 PM
مرحبا اخوي انا خريجة ادارة اعمال وعندي دورات في التسويق والانجليزي وماقدمت على ساب مااعرف كيف التقديم
هل الموضوع يحتاج واسطه والا عن طريق النت والا اروح لهم
واذا رحت هل اخذ معي شهاداتي والا تكفي السيره واي فرع اقدم عليه
وعساك على القوه والله يوفقك في حياتك يارب
ياهلابك
تخصصك نفس تخصصي ومرغوب باغلب اقسام البنك تقريباً
شدي حيلك وقدمي عن طريق الموقع واحتفظي برقم الطلب اللي راح يطلع لك
طبعاً يفضل التقديم باللغه الانجليزيه واي معلومه ماتفهميها في نموذج التقديم وحابه تكتبيها انقلش ماعندك مشكله موجودين

وبالتوفيق لك اختي

همس الترحال
03-01-2011, 08:57 PM
الله يعطيك العافية أخوي بس حابه أسألك صديقتي تبي تتوظف بالبنوك ولأن ماعندها خبرة ..سمعت أنه تقدر تتوظف بدون راتب لكي يكسب خبرةـ ثم تتوظف في بنك آخر .. وهي تسألن وأنا ماعندي خلفية عن البنوك وأنت هون ماشاء الله عليك خبرة وسؤالي هو ..
هل هالحكي صحيح أما غير صحيح . .؟؟؟ وكيف تتوظف في بنكــــــــ علماً ماعندها إلا الثانوية ودورة حاسب أعمال مكتبية ..
والله يجزاك خير على المبادرة والتعاون مع الأعضاء في هالمنتدى الرائع ..

هندسة عطالة
03-01-2011, 09:08 PM
السلام عليكم

اليوم اتصلوا علي من بنك الرياض واعطوني عرض جااامد

تمويل شخصي 100 الف , بنسبة 2,8

يطلع الفائدة 14 الف


بنك ساب حالياً كم يقدم نسبة ؟


انا مشكلتي متمسك بساب , خدمتهم غيييير عن كل البنوك واللي جربهم مستحيل يستغني عنهم

alenazi
03-01-2011, 10:01 PM
الله يعطيك العافية أخوي بس حابه أسألك صديقتي تبي تتوظف بالبنوك ولأن ماعندها خبرة ..سمعت أنه تقدر تتوظف بدون راتب لكي يكسب خبرةـ ثم تتوظف في بنك آخر .. وهي تسألن وأنا ماعندي خلفية عن البنوك وأنت هون ماشاء الله عليك خبرة وسؤالي هو ..
هل هالحكي صحيح أما غير صحيح . .؟؟؟ وكيف تتوظف في بنكــــــــ علماً ماعندها إلا الثانوية ودورة حاسب أعمال مكتبية ..
والله يجزاك خير على المبادرة والتعاون مع الأعضاء في هالمنتدى الرائع ..
اللي قالك هالكلام ماعنده سالفه ابد
تقدر تتوظف عن طريق شركة ووظيفتها في البنك تاخذ راتب من الشركه
من 3500 الى 4000 وتاخذ خبره بعد واحتمال تترسم بالبنك
الله يوفقها يارب

alenazi
03-01-2011, 10:03 PM
السلام عليكم

اليوم اتصلوا علي من بنك الرياض واعطوني عرض جااامد

تمويل شخصي 100 الف , بنسبة 2,8

يطلع الفائدة 14 الف


بنك ساب حالياً كم يقدم نسبة ؟


انا مشكلتي متمسك بساب , خدمتهم غيييير عن كل البنوك واللي جربهم مستحيل يستغني عنهم
والله مدري كم يعطونك على حسب الشركه
اللي اعرفه يعطون شركة الاتصالات والعساكر 2.75 انت كلم المجاني
وشوف كم يطلع لك او كم النسبة يبين عندهم او روح للفرع مباشره
رقم المجاني
8001248888
ولو عجبك عرضهم وتبي اخدمك بلغن ببياناتك برساله خاصه واخليهم يكلمونك

تقبل تحياتي

هندسة عطالة
03-01-2011, 10:42 PM
والله مدري كم يعطونك على حسب الشركه
اللي اعرفه يعطون شركة الاتصالات والعساكر 2.75 انت كلم المجاني
وشوف كم يطلع لك او كم النسبة يبين عندهم او روح للفرع مباشره
رقم المجاني
8001248888
ولو عجبك عرضهم وتبي اخدمك بلغن ببياناتك برساله خاصه واخليهم يكلمونك

تقبل تحياتي


يعطيك العافية , راح اكلمهم ان شاء الله

بس اذكر قبل فترة كلمني واحد من ساب وقال 4 !!

حطمني بصراحة

برجع اكلمهم وارد عليك

alenazi
03-01-2011, 10:53 PM
بالتوفيق يالغلا

همس الترحال
04-01-2011, 02:41 AM
اللي قالك هالكلام ماعنده سالفه ابد
تقدر تتوظف عن طريق شركة ووظيفتها في البنك تاخذ راتب من الشركه
من 3500 الى 4000 وتاخذ خبره بعد واحتمال تترسم بالبنك
الله يوفقها يارب

الله يجزاك خير .. يعنى الكلام غير صحيح أنا كنت شاكة بالموضوع وقلت لها أبسأل وأرد عليك ..
طيب سؤال ثاني ماعليك أمر أنا لو أتوظف في البنك هل فيه إختلاط وإجتماع مع المدير.. علماً جاتني وظيفة بالبنك ورفضتها ومؤهلاتي تساعد حيل .. .. لكن صديقتي تبي وظيفة البنوك وبجد أنا خايفة عليها .. وبسأل بحكم أنت موظف ببنك هل فيه إحتكاك بالإدارة الرجالية ..
والله يوفقك وييسر لك أمورك..

شهيندا
04-01-2011, 02:53 AM
مشكور أخوي والله يجزاك خير
الله يجعله في ميزان حسناتك

أثناء التسجيل استشكلت علي نقطة وهي الوظيفة المستهدفة أو Target Job Title
ماني عارفة أيش الوظيفة اللي تناسب تخصصي (حاسب آلي) ؟؟

ماقصرت

عاطل الجوووف
04-01-2011, 03:29 AM
يعطيك العافيه ماقصرت

هندسة عطالة
04-01-2011, 03:34 PM
اتصلت عليهم اليوم

وأعطوني نسبة 4.5 %

alenazi
04-01-2011, 03:38 PM
الله يجزاك خير .. يعنى الكلام غير صحيح أنا كنت شاكة بالموضوع وقلت لها أبسأل وأرد عليك ..
طيب سؤال ثاني ماعليك أمر أنا لو أتوظف في البنك هل فيه إختلاط وإجتماع مع المدير.. علماً جاتني وظيفة بالبنك ورفضتها ومؤهلاتي تساعد حيل .. .. لكن صديقتي تبي وظيفة البنوك وبجد أنا خايفة عليها .. وبسأل بحكم أنت موظف ببنك هل فيه إحتكاك بالإدارة الرجالية ..
والله يوفقك وييسر لك أمورك..
اذا فرع نسائي ماراح يكون احتكاك بادارة الرجال نهائي
واذا بالاداره ممكن بعض الاقسام يكون مديرها رجال ولكن مكاتب النساء لحال ومكاتب الرجال لحال واذا صار اجتماع مع مدير القسم تكون مع زميلاتها
ولكن اذا هي متشدده مره مره تقدم على الفروع احسن لها

وبالتوفيق لك ولها

alenazi
04-01-2011, 03:39 PM
مشكور أخوي والله يجزاك خير
الله يجعله في ميزان حسناتك

أثناء التسجيل استشكلت علي نقطة وهي الوظيفة المستهدفة أو Target Job Title
ماني عارفة أيش الوظيفة اللي تناسب تخصصي (حاسب آلي) ؟؟

ماقصرت
حط
IT or Operations

يعني تقنية معلومات او ادارة العمليات
وبالتوفيق

alenazi
04-01-2011, 03:42 PM
يعطيك العافيه ماقصرت

الله يعافيك يالغلا وبالتوفيق

اتصلت عليهم اليوم

وأعطوني نسبة 4.5 %
اجل خلك على بنك الرياض احسن لك

همس الترحال
04-01-2011, 06:16 PM
اذا فرع نسائي ماراح يكون احتكاك بادارة الرجال نهائي
واذا بالاداره ممكن بعض الاقسام يكون مديرها رجال ولكن مكاتب النساء لحال ومكاتب الرجال لحال واذا صار اجتماع مع مدير القسم تكون مع زميلاتها
ولكن اذا هي متشدده مره مره تقدم على الفروع احسن لها

وبالتوفيق لك ولها


الله يــــــــــــــجزاك خير .. ويسر أمورك والوظيفة اللي تسركـــــــــــ

alenazi
04-01-2011, 07:28 PM
الله يــــــــــــــجزاك خير .. ويسر أمورك والوظيفة اللي تسركـــــــــــ
وياك يارب
وبالنسبة للوظيفه الجديده ماندري وش الحال مع هالبنك لان للحين مو راضين يعطوني اخلاء طرف ولا وقعوا على الاستقاله مع اني رافعها من زمان

•المنعطف ألاخير•
04-01-2011, 10:50 PM
العنزي ماهي غريب عليكم
موفق خير
تحياتي لك

alenazi
04-01-2011, 11:29 PM
العنزي ماهي غريب عليكم
موفق خير
تحياتي لك
مافهمت
والله يوفق الجميع يارب

صقر ورقان
05-01-2011, 02:02 AM
سلام عليكم .. اخوي العنزي شاكرلك هذي البادرة ..

انا الحين عندي اقساط تسهيلات شرائية من ساب ... والسداد كل يوم 10 بالميلادي ... تبدا من 10 12 2010

وماسددت حق الشهر الاول ... وازعجوني البنك من كثر الاتصالات ... فاليوم يتصل فوق 10 مرات ...

ماهو النظام انهم 3 اشهر بعدين يتبع ذي الطرق ولا شلون؟. ...

ووش العقوبات المترتبة اذني تاخرت عن السداد مدة شهر؟ ..

انتظرك ..

مَاجِد
05-01-2011, 02:11 AM
أخوي خالد الله يعطيك العافيه تم إستعادته المبلغ
بيض الله وجهك أخوي مجهودك تشكر عليه

عسا الله يوفقك وين ما تروح

alenazi
05-01-2011, 08:18 PM
سلام عليكم .. اخوي العنزي شاكرلك هذي البادرة ..

انا الحين عندي اقساط تسهيلات شرائية من ساب ... والسداد كل يوم 10 بالميلادي ... تبدا من 10 12 2010

وماسددت حق الشهر الاول ... وازعجوني البنك من كثر الاتصالات ... فاليوم يتصل فوق 10 مرات ...

ماهو النظام انهم 3 اشهر بعدين يتبع ذي الطرق ولا شلون؟. ...

ووش العقوبات المترتبة اذني تاخرت عن السداد مدة شهر؟ ..

انتظرك ..
نعم واقولك على شي ؟؟؟ او سر :Thumbs:
التسهيلات الشرائيه المنتج الوحيد اللي ماتنزل عليه غرامات ولا رسوم تاخير ولا شي
يعني تسدد اللي عليك وبس لو تسحب عليهم مليون سنه
بس طريقتها في حال تاخررك عارف كيف
يعني قصدك 500 ريال كل شهر انت تاخرت ثلاثة اشهر صار مطلوب عليك 1500 لازم تسددها عشان تواصل سدادك نفس اول يرجع 500 لان مدة التسهيلات محدد والبنك مايقدر يتجاوز هالمده
فعشان كذا سدد لا يعلقوون اسمك بسمه
ثانياً
الخبر الرائع لبعض العملاء
تم الغاء برنامج التسهيلات الشرائيه بجميع فروعها ومراكزها واللي يبي تسهيلات يحصل على بطاقة ائتمانية يشتري مثلا مشتريات بقيمة 10000 ريال يتصل على الهاتف المجاني ويطلب تقسيطها عشان ماتنزل عليه سداد 5% من البطاقه

نرجع لمحور حديثنا السابق لو مافهمت وحاب نفزع لك ارسل رقم هويتك بالخاص وبرسله لواحد يشيك ويتصلون عليك قسم مختص

تقبل تحياتي

alenazi
05-01-2011, 08:20 PM
أخوي خالد الله يعطيك العافيه تم إستعادته المبلغ
بيض الله وجهك أخوي مجهودك تشكر عليه

عسا الله يوفقك وين ما تروح
حياك الله انا كلمت واحد مسؤول هناك بقسم الاسترداد عنزي رجال كفو مثلك وشرواك
وقال انه رجع المبلغ لحسابك بعد الاتصال عليه من قبل موظفينه

واي خدمه وانا اخوك ترانا ف الشوفه

تقبل تحياتي

alenazi
06-01-2011, 10:05 AM
اني كويسشن؟

alenazi
07-01-2011, 05:01 PM
any question
يعني أي اسئلة أخرى


تقبلوا تحياتي

صقر ورقان
08-01-2011, 02:05 AM
نعم واقولك على شي ؟؟؟ او سر :Thumbs:
التسهيلات الشرائيه المنتج الوحيد اللي ماتنزل عليه غرامات ولا رسوم تاخير ولا شي
يعني تسدد اللي عليك وبس لو تسحب عليهم مليون سنه
بس طريقتها في حال تاخررك عارف كيف
يعني قصدك 500 ريال كل شهر انت تاخرت ثلاثة اشهر صار مطلوب عليك 1500 لازم تسددها عشان تواصل سدادك نفس اول يرجع 500 لان مدة التسهيلات محدد والبنك مايقدر يتجاوز هالمده
فعشان كذا سدد لا يعلقوون اسمك بسمه
ثانياً
الخبر الرائع لبعض العملاء
تم الغاء برنامج التسهيلات الشرائيه بجميع فروعها ومراكزها واللي يبي تسهيلات يحصل على بطاقة ائتمانية يشتري مثلا مشتريات بقيمة 10000 ريال يتصل على الهاتف المجاني ويطلب تقسيطها عشان ماتنزل عليه سداد 5% من البطاقه

نرجع لمحور حديثنا السابق لو مافهمت وحاب نفزع لك ارسل رقم هويتك بالخاص وبرسله لواحد يشيك ويتصلون عليك قسم مختص

تقبل تحياتي

الله يجزاك بالف خير .. ماقصرت الله لايهينك .. والله يرفع قدرك

بس الحين طلع استحقاق الشهر الثاني للسداد يعني مايزيدون فالقسط الاول مبلغ كفائدة ربوية..؟

alenazi
08-01-2011, 02:12 AM
الله يجزاك بالف خير .. ماقصرت الله لايهينك .. والله يرفع قدرك

بس الحين طلع استحقاق الشهر الثاني للسداد يعني مايزيدون فالقسط الاول مبلغ كفائدة ربوية..؟
حياك الله يالغالي
لا ماراح ياخذون فائدة ابداً
اشرح لك الفكره بطريقة افضل
انت الحين اخذت تسهيلات لمدة 12 شهر تمام؟
البنك ماراح يقدر يتجاوز هالمده ابد هذا سيستم محد يقدر يغيره
الحين لو سددت اول شهر
يبقى عليك 11 شهر تمام؟ جا الشهر اللي بعده ولا سددت فراح يبقى عليك 11 شهر كمان
فعشان البنك مايتجاوز مدة ال12 شهر اللي هي سنه راح يدبل عليك قسط الشهر الجاي يصير قسطين
يعني لو كان قسطك 500 ريال راح تدفع حق شهرين 1000 ريال
ليش؟ لان انت محسوب عليك سداد لمدة معينة مايتجاوزها البنك اللي هي 12 شهر
عرفت الفكره كيف؟
يعني الفلوس اللي تدفعها تخصم من التسهيلات ماتحسب فوائد ولا رسوم تأخير ولا شي

لو حاب اخلي احد يتصل عليك ويشرح لك اكثر ارسل رقم جوالك خاص مع رقم هويتك

تقبل تحياتي

صقر ورقان
08-01-2011, 02:15 AM
الله يستر عليك ويرفع قدرك ... ا

وشاكرلك مساعدتك .. والله يعوض تعبك ..
طيب هلحين علي استحقاق شهرين بقيمة 1540 .. مااقدر ادفع حق شهر واحد ؟

alenazi
08-01-2011, 02:29 AM
عادي تدفع حق شهر بس الشهر الجاي لازم تدفع حق شهرين
القسط اللي طاف لازم تدفعه
احسن مايطالبونك بمبلغ التسهيلات الاجمالي ويتحول اسمك للتحصيل

صقر ورقان
08-01-2011, 02:31 AM
عادي تدفع حق شهر بس الشهر الجاي لازم تدفع حق شهرين
القسط اللي طاف لازم تدفعه
احسن مايطالبونك بمبلغ التسهيلات الاجمالي ويتحول اسمك للتحصيل


الله يعطيك العافية وماقصرت .. اسفين على ازعاجك ... وشاكرلك تعاونك ..

alenazi
08-01-2011, 02:37 AM
حياك وانا في الخدمه يالذيب

شهيندا
08-01-2011, 02:40 PM
أخوي
تدريب الخريجين الجدد متى يبدأ
جزيت خيراً

alenazi
08-01-2011, 11:47 PM
أخوي
تدريب الخريجين الجدد متى يبدأ
جزيت خيراً
المفترض خلال هالاسبوعين بس مدري ليش تأخرو
عموما قدموا عن طريق موقع ساب وراح يشوفون طلبك ويرشحون المناسب

وبالتوفيق

الحصاه
14-01-2011, 09:12 PM
عندي سؤال ممكن؟http://dc04.arabsh.com/i/02520/eyk1bjxe4s5k.gif

alenazi
14-01-2011, 09:41 PM
تفضـــل

الحصاه
14-01-2011, 09:59 PM
جتك رسالة عل الخاص

alenazi
14-01-2011, 10:03 PM
تم الرد على رسالتك الخاصه

تقبل تحياتي

ااالطيف
14-01-2011, 10:30 PM
اتمنى اتوظف في بنك بس تخصصي بعيد انا دراسات اسلامه ويوجد لي دبلوم حاسب الى في احد بيقبل مثل هاالشهاده في البنوك!!!الله يعطيك العافيه اخوي

alenazi
14-01-2011, 10:36 PM
ممكن في اقسام الامانه الاسلاميه

سأصل للقمه
22-01-2011, 12:21 PM
السلآلآم عليكم ورحمة الله وبركاته
أنا موظف في شركة الشايع الدوليه ..
الراتب 3850
ودي أخذ قرض 30000
كم نسبة الفوائد ؟؟
وكم القسط الشهري .. ؟؟

كل الشكر والتقدير ..

alenazi
23-01-2011, 11:05 PM
السلآلآم عليكم ورحمة الله وبركاته
أنا موظف في شركة الشايع الدوليه ..
الراتب 3850
ودي أخذ قرض 30000
كم نسبة الفوائد ؟؟
وكم القسط الشهري .. ؟؟

كل الشكر والتقدير ..

على حسب الشركه واعتمادها في البنك

اتصل على الهاتف المصرفي
8001248888
راح يفيدونك وان شاء الله تحصل الجواب

alenazi
23-01-2011, 11:06 PM
اني كويسشن قبل ما نغيب عن المنتدى؟

فارق التوقيت
23-01-2011, 11:08 PM
العنزي مو انت اللي تبي تسافر ؟؟

لمعة المآسة
23-01-2011, 11:08 PM
موفق أخوي العنزي .....

وإن شااء الله ماتغيب من شر ...

alenazi
23-01-2011, 11:14 PM
العنزي مو انت اللي تبي تسافر ؟؟
يس انا ورحلتي السبت الجاي
مشغول هاليومين بالاغراض وبالسفاره وخلصنا كل شي

تبي تخاوي حياك

alenazi
23-01-2011, 11:15 PM
موفق أخوي العنزي .....

وإن شااء الله ماتغيب من شر ...
وياك اختي مدري اخوي
الحمدلله مافيه شر بس كلها ثلاثة اشهر دوره وراجعين
دعوووووووواتكم

فارق التوقيت
23-01-2011, 11:17 PM
يس انا ورحلتي السبت الجاي
مشغول هاليومين بالاغراض وبالسفاره وخلصنا كل شي

تبي تخاوي حياك


:d

تروح وترجع بالسلامة

alenazi
23-01-2011, 11:19 PM
الله يسلمك

اتمنى من مشرف القسم اغلاق الموضوع لأنو اخاف احد يسال وانا مو فيه

تقبلوا تحياتي

منّو
24-01-2011, 09:47 PM
بناء على طلبك أخوي ,,
يتم إغلاق الموضوع ,,
وان شاء الله ترجع وأنت بأحسن أحوالك ونسمع عنك الأخبار الطيبة ,,