المساعد الشخصي الرقمي

مشاهدة النسخة كاملة : هذي مصيبتي وما ادري كيف احلها ساعدوني


سيدرا
30-11-2007, 11:40 AM
معليش انا ابي اقولكم معاناتي والمصيبه الي وقعت فيها ابيكم تساعدوني في مشكلتي مع الموظفه الي تشاركني المكتب:Looking:
مؤهلاتي افضل من مؤهلاتها بكثير والاخت الي معاي والله ما عندها ما عند جدتي لاكن عندها لسان وطبعا اخذ وحط وغمز ولمز وفلة احجاج مع الرايح والجاي والمدير ما يقدر يستغني عنها من هذي الناحيه ومن ناحيه ثانيه طبعا بنت بلده اشلون يطردها هي عارفه ان شغلها بطئ وعليه ملاحظات وكلامها ومشاكلها واجد لاكن بنفس الوقت ما تبي احد ياخذ مكانها

شوفو وش سوت فيني اولا رافضه تعلمني على الشغل وكل ما اقولها علميني تقول بعدين هاي صعبه هاي ما اراح اعلمك اياها هاي ما راح تمسكينها تقفل الادراج وتاخذ المفاتيح وانا ووجهي اجي الدوام بدري وبنشاط وابي اقدم شي وافرغ الطاقه وحب العمل الي اصحى كل يوم وانا احس فيه والي احلم فيه من يوم تخرجت وطبعا لازم انتظر الين تفتح حضرتها الادراج وابدا اخذ الاختام واشتغل

ثانيا ياناس كذابه وكلامها واجد تبني اسب في اي احد عشان تقوم تفتن علي وتسبني عند المدير واذا شافت اني سويت شي تقول لا غلط وتطلع علي اخطاء في التنسيق واحيانا اذا ما لقت اخطاء تقول عيدها
الحين مر علي فتره وانا معاها ما تعلمت كل شغلي كل ما اقول علميني تقوم تعطيني جداول اكسل يمكن 10 ورقات او اوراق اساسيه عندها نسخ منها في الجهاز لنماذج طلب عاملين او طلب اجازات معقده وتقول عيديها مره ثانيه ويروح وقتي في شي تافه ما اله علاقه بالشغل


انا نفسي اعطي وابدع في شغلي لاكن لمن اشكي دلوني:eek:

__________________

سيدرا
01-12-2007, 10:53 PM
:cry: محد رد علي حليله من استشاركم بشي

madina.boy
02-12-2007, 12:21 AM
ما ردوا عليك من قلة الحيله :cry:

أولاً الله يصبرك وينصرك عليها :court:

ثانياً حاولي تزبطي العلاقة معاها وشوفي ايش محتاجه وأخدميها وخلي صداقتك معاها مصلحه واذا كانت هيا الذيب أنتي الأسد <-- مدري أحنا العيال نقول كذا انتم ايش ؟ :d

يعني حاولي تكسبي اهتمامها فيك من نواحي ثانية غير العمل عشان تفيدك في مجال عملك وكوني حذره لأن هالنوعيه تلدغ

ولا تحاولي تبيني أنك أحسن منها في العمل وأسئليها عن أشياء سهله حتى لو تعرفيها(أستغبي):p سوي نفسك ما تعرفي خليها تاخذ عنك فكرة أنو مستحيل تتغلبي عليها وحاولي تكسبي أكثر المعلومات اللي ممكن تفيدك;)
بس لاتكثري الأستغباء ممكن تاخذين طرده والا شيء انا ماني مسئول :p
وأهم شيء لا تمسك عليك حاجه

وأمشي معاها على الطريقه اللي هيا تبغاها حتى توصلي لمبتغاك ولا تعانديها أو تلحي عليها بطلب شيء هيا رافضته وحاولي تجيبيها بطرق الاحتيال

واقري عليها قل أعوذ برب الفلق <--- لا لا هذي ما تصلح يمكن يطلع منها جني والا شيء :d

أدعي ربي ينصرك عليها ويكفيك شرها وربي يوفقك وتبدعي في مجالك ولا تشتكي لغير خالقك

واذا تبغي خطه متكتكه أفكر لك :rolleyes:

:d

سيدرا
04-12-2007, 06:43 PM
الله يوفقك يارب ويفتح لك ابواب رحمته كلامك اعطاني دفعه وحمسني مع اني كنت متحطمه راح اجرب الي قلتلي وان شاء الله اعلمكم وش صار معاي

عاطله 2006
04-12-2007, 11:56 PM
انا نفسي اعطي وابدع في شغلي لاكن لمن اشكي دلوني:eek:


الشكوى لغير الله مذله ؛؛

&

بس المشكله

اختي ان هذي العينات بكل مكان

تلقين الانانيه؛ الحقد ؛ الغيره

أنا مادري ليه هذا كله

مع ان المفروض تطبيق تعاليم الدين الاسلامي

التي تنهى عن كل الصفات المبتذله

قال صلى الله عليه وسلم" حب لأخيك ماتحب لنفسك "

فبنظري مصيبتك هذه مع القليل من الصبر

ربما تكون حافز لكِ للأستمرار والعطأ أكثر

فحليفكِ التوفيق بأذن الله تعالى ؛؛

waleed2050
05-12-2007, 10:01 PM
اختي سيدرا الله يوفقك في عملك وعندي بعض النصائح:

1- تستعينين بالله وتدعينه في صلاتك انه يوفقك في عملك ويسهل عليك كل صعب.

2- جاريها في الشي الزين وحاولي تضحكين معها بشي المعقول والمسموح وخلك كأنك سبيكة

(عفوا على الكلمة) حتى تمشي الامور تمام وتكسبين خبرة بعد سنة او حولها وبعدين بتعرف ان لك

قيمة وما يمكن ان تستغني عنك وان شاء الله تترقي لمنصب اعلى منها..

مستقبلنا الضائع
06-12-2007, 09:09 PM
والله الله يعينك اصبري زي ماحنا صابرين


انا مديري في القطاع الخاص يقولي انت بن كلـــب ويشهد الله علي ان هذا اللي صار


وطير مديرة الفرع النسائي وحط لها تهمه في هيئة الامر بالمعروف والنهي عن المنكر كله علشان يجيب وحده من قرايبه مديره بدالها

ومن اول ما داومت المديره السابقه الله يذكرها بالخير وهو يقول بيجي يوم واطيرها ولعبها صح وطيرها

الله يرحم الحال لا السعوديين مع بعض والا جانب معنا كويسين

alwaply
07-12-2007, 11:07 PM
الله يعيينك ويوفقك لما يحبه ويرظاه

البرواز
08-12-2007, 09:24 AM
( عندها لسان وطبعا اخذ وحط وغمز ولمز وفلة احجاج مع الرايح والجاي
والمدير ما يقدر يستغني عنها من هذي الناحيه ومن ناحيه ثانيه طبعا بنت بلده اشلون يطردها )


والمدير الأجنبي هذا ما عليه مدير أو مسئول سعودي ...؟

حل مشكلتك برأيي ماهو من ناحية الموظفة .. المشكلة بالمدير .


واللي مايجي بالطيب .. يجي بالغصب .


الله يوفقك .

المستشاار
09-12-2007, 05:11 PM
الاجانب مايبون ابن البلد يتعلم لانه لو تعلم اكيد راح يطلعه من مكانه

علشان كذا مايعلمون احد يتعبوننا معاهم بس ولانطلع بفايده

الحسد فيهم والغيره والخوف على فقدان الوضيفه

مانقول الا حسبنا الله ونعم الوكيل اللي حدنا عليهم

مهندس الجبيل
10-12-2007, 09:07 PM
كوني ايجابيه اكثر واستخدمي الحرب البارده معها

أمل عمري
10-12-2007, 09:41 PM
تموت الحرة ولاتأكل من ثديها ربي ينصرك عليها وخليك مثل ماانتى حرة ابية لاتقبلين الضيم والظلم اشتكى عليها واعلنى الحرب مو الباردة الحرب الحقيقية لاتقبلين ابدا احد يظلمك روحى اشتكى ولا تذلين نفسك لااجنبية وحاولى تكونيين اكثر ايجابية ولا تتخاذلين عن كلمة الحق حتى لو على حساب رزقك انتبهى على نفسك من هالمدير لان الواضح انة رجل مايخاف الله فاللي مايخاف من الله ينخاف منه) انتهى

بسكويتة
11-12-2007, 01:23 PM
اف اف اف عليهم هالاجانب قارفينا في كل مكان
خلونا احنا بنات البلد اول نتوظف بعدين نفكر فيهم
و المشكله ان هالوظائف ما تروح الا لهن ليش؟؟؟
عشان هيك و ميك..... و الغمز و اللمز و الضحك على الفاضي و المليان

بحروسماء
12-12-2007, 11:25 AM
اختي تبين الحل المجرب اسمعيني زين وما راح تخسري اثقلي عليه يعني لا تعطينه وجه
وعطيها ابتسامات صفرا (بدون نفس)وبعدين راح تجيك وتطلب انها تتودد لك ولا تقولين ماقلت لك بس اهم شي الصبر

السحالي111
12-12-2007, 11:36 AM
الحل لنك تنشبين لها في الطالعه والداخله لحد ماتعوف نفسها وكل ماتقول شي ردي عليها مالي خلق تعبانه واذا زوتدها قفلي المكتب وبالكرسي كسري ظلوعها مع تمنياتي لها بالايدز الظالمه

السحالي111
12-12-2007, 11:41 AM
حرام كل مادخل ما القا احد نفسي متي تدشون اذا دخلتم عطوني مسج علي ××××××××××××××

ياليت لو تقرأ قوانين المنتدى قبل تناقش... يمنع وضع ارقام الجوال في المشاركات .. الإدارة..

اخوكم نفسه يتناقش وياكم
بليييييز

bader2008
07-04-2008, 02:08 AM
أخــــــــــتي في الله ( الصدق والأمانة والإخلاص في العمل والرازق هو الله سبحانه)
خطوات عملية ستساعدك بإذن الله
أولاً: محاوله تطوير الذات بالحصول على الدورات
ثانياً: يمكنك فهم الشغل بطريقة غير مباشرة وذلك من خلال الإدارات المرتبطة بإدارتكم ( يعني الزملاء في نفس المستوى الإداري في الإدارات ذات العلاقة )
ثالثاً: محاولة الانتقال من خلال الإدارات ذات العلاقة بإدارتكم بالإضافة إلى البحث عن فرص عمل أخرى ، وهذه تتطلب قليل من الصبر ،
أسئل الله التوفيق للجميع
وترى متخلى الوظائف من المشاكل ( وكلاً على همه ســـــــــررررررررررى)