هل اترك العمل يااخوان

عملي بس عاطل · #1 (**permalink**) 01-12-2007, 06:26 AM

السلام عليكم ورحمة الله وبركاته

اخواني , اخواتي الاعزاء

انا رجل اعمل في اطفش وظيفة في العالم. مملة لدرجة اني اجيب معايا شابورة كل صباح اكلها وبعدين اشبر الغرفه اللي اجلس فيها.

والمشكلة انني احمل شهادة فنية جيده جدا" وبدأت انسى بعض ماتعلمته !!!

المهم انني وجدت وظيفة في تخصصي ولكنها بنصف راتب الوظيفة المملة تقريبا" علما" بان راتب الوظيفة المملة هو 3500 ريال.

هل اضحي بالراتب لاجل التخصص والخبره مع انني رجل قاربت العقد الثالث؟؟

أم الوظائف · #2 (**permalink**) 01-12-2007, 08:43 AM

والله واخوي ما عرفت طبيعة عملك.. بس بقولك مو كل واحد بعد التخرج يعمل في مجال تخصصة الجامعي... واقولك شغل مريح ممل احسن من كرف وتعب وتمرمط ومن غير راتب.. انا كرفت ليل ونهار واخر شئ بس عطوني 300 ريال راتب..على انه مفروض 1900 ريال ..واخر شئ جالسه بالبيت لا وظيفة ولا يحزنون... بس رحامية.. عشان كذا اقولك اقضب مجنونك لا يجيك اللي اجن منه.. واذا لقيت وظيفة اعلى بالراتب روح لها بس اقل لا تروح..صدقني زهق احسن.. ولا كرف وظلم وتحقيرة وتهميش.. وبالنهاية راتب ما ميش..

النسبة طاييييحة · #3 (**permalink**) 01-12-2007, 08:43 AM

يارجال لاتضحى ولايحزنون خليك فيها لا تخصص بلا وجع راس

مجنونه العطيب · #4 (**permalink**) 01-12-2007, 04:53 PM

اخوي الحين الزمن هذا ماينفعك التخصص ينفعك راتبك كل ما كثرالراتب تحسنت حياتك الماديه لكن تخصصك ايش بينفعك راتبه قليل على حسب كلامك
وبعدين فكر ان وراك زواج واذا كنت متزوج وراك عياااااال يعني بلا تخصص بلا هم الراتب اولا
اتمنى انى اكون افدتك اخوي

بسكويتة · #5 (**permalink**) 01-12-2007, 06:18 PM

لاااااااااااااا تعليق لدي
لكن استخير
والله يكتب لك اللي فيه الخير

عملي بس عاطل · #6 (**permalink**) 02-12-2007, 02:39 AM

أم الوظائف - النسبة طايحة : كلامكم في محله لكن المشكله العمل الممل والله " مشكله "

مجنونه العطيب : احييك على بعد النظر اللي عندك

بسكويته : جميل جدا" هذا الرأي وتوقفت عنده كثيييييير.

مشكورين ماقصرتو

ًُإليخاندروًُ · #7 (**permalink**) 02-12-2007, 04:11 AM

قال تعالى {وعسى أن تكرهوا شيئاً وهو خير لكم}

ياخوي ماادري وش طبيعة عملك ووش عملك هل هو حكومي او خاص

لكن من فحوى كلامك اتضحلي انك انسان تحب العمل وهذا شي طيب

في الانسان لكن يااخوي الزمن ردي والله الواحد صار يدور الوظيفة

بكشافات الملعب ياخوي لااااااا تترك العمل ابداً وحاول انك تشغل

نفسك لو بالقرائة يمدحونها اشتريلك طقة كتب في شي تحبة من جرير

والله اذا على قولتك عملك ممل ياعمي جيبلك حليب بامجلي وهاتك قراية

الين راسك ينفقع واذا على الوظيفة اللي فيها تخصصك وراتبها ضعيف

بالنسبة للاولى اضحى باابو جد التخصص من شان القريشات اللي تعيشك

والله ياخوي زمن صار اهم شي فيه الموني "المال" لامحسوبيات ولا خرابيط

خل عنك بس واقضب ارضك

تحيتي ومودتي لك

عملي بس عاطل · #8 (**permalink**) 02-12-2007, 05:14 AM

أشكر مرورك الكريم وكلامك الصادق عزيزي اليخاندرو

لكن ياعمي لابد ان الواحد يحسب للأمور النفسية حسابها!!!!!!

خذ هذي القصة والله انا بنفسي حضرتها
ناداني مدير شئون الموظفين عندنا وقلي خذ هذه الورقة واعطيها لفلان اسمه كذا تلاقيه عند البوابة طبعا" الورقة شهادة انهاء خدمة وتعتبر بمثابة شهادة خبره. وصلت البوابة قابلت الشاب كلمته ياعمي سلامات واشفيك صاحي انت!! ليه قدمت استقالتك قلي اول شي هات الورقة وشوي الا يقلي ماقدرت اتحمل وتعبت نفسيا وقدمت استقالتي.

طبعا" انا مااعرف الشاب الله ييسر اموره وقلت في نفسي ياعمي هذا شكله فيه شي. والقصة حصلت في الايام الاولى من ايام عملي. مع ملاحظة والله والله عشان مااكون راعي بهارات راتبه مسجل في الورقة وانه يتقاضى راتب شهري قدره على ماأذكر 6987 ريال.

صدق او لا تصدق!!!!! والان انا عرفت معنى كلمته يوم قلي تعبت نفسيا"
ياعمي صحيح ان الدراهم مابعدها بس لازم تعرف اذا ماارتحت في الوظيفة صدقني ياتستقيل وتبحث عن الوظيفة اللي تلقى نفسك فيها. واذا استمريت حتستمر لكن جسد بلا روح "وين رايح على الدوام ومن وين جاي من الدوام" وصدق من قال تيتي تيتي زي مارحتي زي ماجيتي!!!!!!!

ًُإليخاندروًُ · #9 (**permalink**) 02-12-2007, 05:48 AM

اشاطرك اخوي الراي ومصدقك والله بكل كلمة قلتها يااخوي حنا هنا نعايش

بعض بهمومنا وبمشاكلنا الله يفرجها علينا من واسع فضلة لكن والله يااخوي

انك انت بامكانك وبعقلك تقدر تكيف نفسك لو قلتلي كيف انا اقلك كيف اول شي

حاول انك تأدي عملك المطلوب منك باي طريقة تشوف انها تريحك وثاني شي

حاول انك تعيش وقتك بمعنى انه والله ثم والله مو فلان ولا علان يكرهني بعملي

او برزقي هذا رزق مهما راح جا هذا رزقك اياه المولى عز وجل والله لافلان ولا علان

اللي يكرهني برزقي او باكل عيشي حاااااول بشتى الطرق اخوي انك تكيف نفسك بعقلك

والله يااخوي من كلامك احس انك من النوع المزاجي واحس انك صاحب راي وفكر وعقلية

ناضجة فا والله انك باامكانك تعيش زي ماتبي ولا تدخل الامور النفسية بعقلك ولاتحاول

انها تسيطر على احاسيسك ومشاعرك واقلك للاخر داري على رزقك ولا يهمك أحد

دام انك مأدي عملك والله يوفقك دنيا واخرة وييسرلك امرك اخوي الدنيا تضحيات

ماادري ليه احس انك فيك طيبة كبيرة روووووح الله يوفقك

تحيتي المعطرة اليك اخي

كاشخ وعاطل · #10 (**permalink**) 02-12-2007, 09:05 AM

صدق كلامه وانا حاليا موظف بشركة وراتبي ضعيف وانواع الكرف لكن انا مرتاااح نفسيا تدرون ليه لان مدير عملي اروع شخص التقيته حاولت اقدم استقالتي وابحث على وظايف اخرى وجاتني وظايف بالهبل غير وظيفتي الحاليه وبراتب ضعف راتبي بالشركه لكن الراحه النفسيه مهمة واهم شي عندي