المساعد الشخصي الرقمي

مشاهدة النسخة كاملة : رغبات التعيين مشكلة وهذا الموضوع يوضح لك المدن القريبه منك


وش ملحه
18-10-2011, 01:16 PM
السلام عليكم ورحمة الله وبركاتة

احد الأخوان طرح موضوع عن رغبات التعيين

وكان سؤاله (( ماهي المدن القريبه من الشرقية حتى اختارها حسب الأولوية بعد الشرقية ))

ورديت عليه وحسيت ان ردي ممكن يفيد الأعضاء لذلك : حبيت اطرحه بموضوع لحاله

بسم الله

بخصوص رغبات التعيين

انا بذكر مناطق المملكة والمدن التابعة لها

وكل عضو يرتب المدن حسب الأولوية بالنسبه له في التعيين



الترتيب حسب الاقرب

1_ الشرقية (( الدمام )) محافظاتها كالتالي : (( الأحساء _ القطيف _ الخبر _ حفر الباطن _ الجبيل _ الخفجي _ رأس تنورة _ النعيرية _ بقيق _ قرية العليا ))

طبعا اي مدينة من الي سبق ذكرها موجوده في مدن التعيين .. هي الاقرب للشرقيه (( الدمام ))

وفيه مدن غير مذكورة في التعيين مثل بقيق وهذه انا شخصيا زرتها وبينها وبين الدمام تقريبا 100 الى 150 كلم تزيد شوية او تنقص شوية

الي غير مذكورة تعتبر تابعه لخياار الشرقيه !! يعني اذا اخترت الشرقيه بتكون من ضمن المدن المتاح تعيينك فيها (( مثل بقيق .. رأس تنورة .. الخبر .. القطيف ))

وعندك الأحساء مثلا وحفر الباطن موجوده كـ خيـار منفرد .. مع العلم انها تابعه للشرقيه .. لذلك اختارها بعد الشرقيه رتبها حسب الأولويه بالنسبه لك

وبعد الشرقيه ومحافظاتها

اختار الوسطى مثل الرياض ومحافظاتها وهيه كالتالي (( الدرعية _ المجمعة _ الغاط _ الخرج _ الدوادمي _ القويعية _ وادي الدواسر _ الأفلاج _ الزلفي _ شقراء _ حوطة بني تميم _ عفيف _ الحريق ))

وبعد الرياض اختار القصيم (( بريدة )) ومحافظاتها وهي كالتالي (( عنيزة _ الرس _ المذنب _ البكيرية ))

بعد القصيم اختار المنطقة الغربية ... صح بعيدة عن الشرقية بس منطقة حلوة والخدمات متوفرة خصوصا في (( مكة المكرمة _ جدة _ الطائف ))

ويتبع للمنطقة الغربيه مثلا لو تعينت في احد المناطق القريبه من المنطقة الغربية يصير تداوم من جدة

مثل (( الليث ))

وبعد الغربية اختار الجنوب وبرتبها لك حسب الأقرب للباحة (( الباحة _ بيشة _ النماص _ عسير _ رجال المع _ ))

بعد هذه الخيارات اختار المدن الساحلية مثل (( جيزان_ صبيا ))

طبعا عندك القنفذة هذه مدينة ساحلية هادية حلوة تابعة لمكة لكن بعيده عن مكه

وعندك ايضا من ضمن الخيارات (( المخواة )) هذه على خط الساحل اسفل الباحه (( مدينة صغيره

وجوها حار والخدمات فيها عادية جدا )) ميزتها (( بينها وبين مكة 200 كلم .. وبينها وبين الباحة 45 كلم عن طريقة العقبة (( نزووول ))

وبالنسبة للأعضاء الي من الشمال (( انا شخصيا ما اعرف بالظبط كم بينها وبين الرياض او الشرقية او حتى الغربية لكن بذكرها لكم ))

وهي كالتالي (( منطقة حائل )) لايوجد اي محافظة من محاظفات حائل موجودة كـ خيار في الرغبات

(( منطقة تبوك )) انا نسيت وش المناطق التابعة لها وموجودة من ضمن خيارات التعيين !!

لكن بذكر محافظاتها للتوضيح (( ضباء _ املج _ حقل _ تيماء _ الوجه _ البدع _ حالة عمار ))

(( منقطة الجوف )) سكاكا شمال غرب المملكة من ضمن حدودها دولة الأردن


(( القريات ))





انا شخصيا اخر الخيارات هي الحدود الشمالية التابعة لمدينة عرعر ونجران جنوب المملكة لعدم معرفتي بالمنطقتين هذه

طبعا يا أخوان هذه معلومات سطحية لا تعتمدون عليها

لأن مثلا محافظات الرياض .. انا ما اعرف كم المسافة بينهم !!


ولاتنسوا ياحبايبي اي توضيح لاتبخلون على اخوانكم فيه

وبالأخر تمنياتي لكم بالتعيين بالمكان الي كل واحد فيكم يتمنااه

والله يوفقنا جميعاااا

سطام الرياض
18-10-2011, 01:42 PM
يالبى قلبك

جزيت خيرا

انا رتبت نفس ماذكرت سبحان الله
واخر منطقة حطيتها نجران الله يفكنا منها

وبالتوفيق يارب

مشروع ملعم
18-10-2011, 01:47 PM
ابعد عن الجنوب وقراها .. واقرب من الشرقية وبحرها ..

نصراوي هاوي
18-10-2011, 04:46 PM
سؤال مكتوب الغاط والزلفي وهي تابعه للرياض بينما لم يذكر المجمعه

يعني فرضا بديت بالمذنب والبكيرية وبعدها كتبت فرضا حائل وبعدها كتبت القصيم يصير شي ؟!!

طيب اقرب مدن الجنوب للرياض ياريت تترتب لنا عشان ارتبها عندي اخر شي

قهوة عربية
19-10-2011, 12:02 AM
الله يوفقكم
متى يجي دورنا ملينا من الانتظااااااااار
الله يكتب لنا الخيير وماااافيه
تحياتى

وش ملحه
19-10-2011, 12:13 PM
سؤال مكتوب الغاط والزلفي وهي تابعه للرياض بينما لم يذكر المجمعه

يعني فرضا بديت بالمذنب والبكيرية وبعدها كتبت فرضا حائل وبعدها كتبت القصيم يصير شي ؟!!

طيب اقرب مدن الجنوب للرياض ياريت تترتب لنا عشان ارتبها عندي اخر شي

مرحبا نصراوي

يالغالي انا نسيت وش الي مكتوب في رغبات التعيين من المحافظات

لذلك انا حطيت كل محافظات الرياض للاحتياط !!

ووضحت بأول سطر وضربت مثال بـ محافظة بقيق التابعه للشرقية .. انا كتبتها من ضمن محافظات الشرقيه مع العلم انها غير مدرجه كـ خيار .. معناها اختيارك للشرقيه يكون من ضمن خيارات التعيين بقيق

وكذلك الحال ينطبق على المجمعه اذا غير مدرجه كـ خـيار معناها تابعه لـخيار الرياض .. اذا اخترت الرياض من ضمن اماكن التعيين (( المجمعه ))

وبخصوص اقرب منطقة بالجنوب للرياض هي الباحة

بين الرياض والطائف 700 كلم .. تقريبا .. وبين الطائف والباحة 200 كلم

رتب خياراتك بعد الباحة حسب الترتيب الي انا كتبته في الموضوع

انت سألت عن الجنوب ! !

لكن لو تبغى نصيحتي اختار بعد الرياض ومحافظاتها الطائف ثم مدن الغربيه (( مكة + جدة )) بعديييين اختار الجنوب بما انك ماتبي الجنوب

يعني فرضا بديت بالمذنب والبكيرية وبعدها كتبت فرضا حائل وبعدها كتبت القصيم يصير شي ؟!!

لا عادي

هذه تتوقف عليك يعني مثلا لو فيه مكان شاغر بالبكيرية او المذنب بيجي تعيينك فيها قبل حائل والقصيم

لكن لو مافيه مكان شاغر بالبكيرية والمذنب وفيه مكان شاغر بـ حائل والقصيم

بيحطوك بـحائل لأنك اخترتها قبل القصيم !!

وسلامتك يالغالي

(( رتب رغباتك حسب الأولوية لاتحطها عشوائي .. الأقرب لك فـ الأقرب ))

الله يوفقك يالغالي

وش ملحه
19-10-2011, 12:19 PM
الله يوفقكم
متى يجي دورنا ملينا من الانتظااااااااار
الله يكتب لنا الخيير وماااافيه
تحياتى

دوركم قرييب يا اختي

في نص الخبر الي في ديوان الخدمة المدنية بخصوص 52 الف وظيفة الي نزل برمضان

انه راح يبداء تشغيل الوظائف التعليمية الرجالية ثم الادارية الرجالية ثم التعليمية النسائيه

هانت يا اختي

والحمدالله انهم اشتغلوا بـوظائف الاوامر الملكيه .. ما اخرونا الا شهرين !!

وماشاء الله وظائف النساء التعليمية كثيير وربنا يرزقك بواحده منها ان شاء الله

تحيتي لك

وش ملحه
19-10-2011, 12:21 PM
الله يوفقك ياسطام ويبعدك عن نجران لأنك ماتبيها :)

منور حبيبي


حياك الله يامشروع معلم .. منور يابعدي