المساعد الشخصي الرقمي

مشاهدة النسخة كاملة : راتبي 9000 ريال وقيه وظيفة حكومية ب 6000 ريال اروح والا ما اروح مشورتكم


جـ الفراق ـريح
16-11-2011, 03:15 PM
السلام عليكم ورحمة الله وبركاته

اسعد الله جميع اوقاتكم بالخير والمسرات

حبايبي انا الان موظف بالقطاع الخاص بديت براتب 4500 من اربع سنوات تقريبا والان راتبي ولله الحمد 9000 وموعود بزيادة 2000 ريال على اخر السنه هذي يعني بعد شهر يعني بيصير الراتب ان شاء الله 11000 وانا مقدم على وزارة المالية وجاني القبول المبدئي وموعد المقابلة الاسبوع القادم طبعا على المرتبة السادسة يعني الراتب تقريبا 6200 تقريبا ولو قلنا فيه بدلات من هنا وهنا يعني ممكن يوصل السبعه ، المطلوب مشورتكم في الوظيفة الحكومية مع العلم انني ولله الحمد وضعي الان بالشركة مستقر ولا يوجد اي مشاكل . مثير يخوفوني من الشركات وبكره يمكن يتخلون عنك مثلكم عارف هالسواليف
وش رايكم وش اللي تشوفون مناسب

محمد عمرو
16-11-2011, 03:33 PM
والله ياخوي الوظيفة الحكومية رسمية بس انت تعرف وضعك وانتبه تأخذ كلام احد الا بعد دراسة الوضع عشان ماتندم والله يوفقك ياخوي

ultan$
16-11-2011, 03:36 PM
شوف خيو إذا الشركة من الشركات الكبيره خلك فيها أفضل لك .............

وإذا من هالشركات اللي نسمع عنهم سوالف هاليومين لا والله خلك بالحضن الدافئ الحكوووووومهـ

وطبعاً إذا ما عليك مستلزمات مالية !!

متفآئله خيرٍ
16-11-2011, 03:38 PM
استخيــــــــــــــــــــــــــــر يااخوي
والله يختار لك الافضل

قهوة عربية
16-11-2011, 03:56 PM
شوف خيو إذا الشركة من الشركات الكبيره خلك فيها أفضل لك .............

وإذا من هالشركات اللي نسمع عنهم سوالف هاليومين لا والله خلك بالحضن الدافئ الحكوووووومهـ

وطبعاً إذا ما عليك مستلزمات مالية !!


لا فض فوك .... كلام سليم 100%

اذا من الشركات الكبييييييرةوالقووووية خلك فيها ومرتاح فيها
اما اذا والله اي كلام
رح للحكومة مثل ماقال اخوووي
والله يوفقك يارب
دعواتك لي بالوظيفة اللي تستر علي
وشكرا:w

بائع العود
16-11-2011, 07:54 PM
اصبر حتى تتعين وينزل اسمك في الحكومي فعليا وبعدها شوف ؟؟

جيرتس
16-11-2011, 09:03 PM
انا اتفق مع سلطان..... لكن ياليت تقول اسم الشركه اذا ماعندك مانع

لا باس
17-11-2011, 07:42 AM
الحكومي مميز ..
اذا كنت من هواة طبيعة العمل التقليديه وبالنسبه للراتب لاتشيل همه مصيره يوصل 11000
وفي الحكومي لست مجبور على اثبات نفسك والتقدم دايم

الخاص
نعم يرتفع راتبك اسرع ولكن لايشغلك الراتب من اشياء اساسيه نصيحتي لك

آذكر قصه بسيطه سريعه

احد زملائي كان موظف في شركة محامي وراتبه جيد تقريبا 7000 .. جاه تعيين حكومي على السادسه اتوقع براتب 6000 .. عرضت عليه الشركه ان يجلس مقابل 10000 ورفض وعرضوا عليه 12000 ورفض ..

السبب : بكل بساطه الامان الوظيفي

فكر على المدى البعيد لاتهمك الماده اكثر من الاساسيات الوظيفيه

والله يوفقك

نبض خالد
17-11-2011, 08:04 AM
الله يوفقك يارب ويسعدك

الوظيفة الحكومية اضمن من غيرها مهما كانت مبالغ الشركة كبيرة والله يختار لك اللي فيه خير

استخير ربك والله بيقررلك الخير ان شاءالله

ادعي لنا ربي يوفقنا واياكم بالوظيفة الافضل والستر والعافية

باش مهندس عاطل
17-11-2011, 10:08 AM
السلام عليكم ورحمة الله وبركاته

انت ادرى بوضعك اذا انت انسان مجتهد وتتعب على نفسك خللك بالشركه ممكن مايكون فيها امان وظيفي لكن باجتهادك وخبرتك تقدر تحصل اي وظيفه ثانيه وبراتب اعلى الاجانب يستلموا رواتب خرافيه والشركات عندنا كل يوم تستقدم موظفين من برا يعني الامان ان شاء الله موجود على قدر اجتهادك

اما اذا تبي تقرا جرايد كل يوم ودوامك خفافي رح للحكومه والي يقول الترقيه بالحكومه مضمونه غلطان الراتب يزيد بس انك تحصل على مرتبه النظام يقول انه لازم يكون مر عليك 4 سنوات على الاقل لتحصل على مرتبه اخرى هذا اذا في ارقام مراتب شاغره يعني اذا مشيت معاك بالحكومه من احسن مايكون كل اربع سنوات مرتبه بعد 16 سنه توصل للعاشره وانا متأكد انك ولا تحلمبها يمكن بعد 25 سنه وبعدين الحكومه مافي بونص في مكرمات ومافي تأمين صحي والزياده السنويه اعتقد 400 ريال يعني بعد عشر سنوات توصل ل11000
مكافئة نهاية الخدمه بالحكومه 3 رواتب فقط والتقاعد لمن يوص عمرك 60 سنه بس الشركه مكافئة نهاية الخدمه نص راتب على اول 5 سنين وبعدين راتب على كل سنه والتقاعد بعد خدمه 25 سنه

يعني الافضل الشركه الا اذا تبي تنام بالدوام رح الحكومه وانت الخسران

موظف ولكن
17-11-2011, 10:39 AM
عزيزي
انا تقريباً نفس وضعك قبلت على وظيفة حكومية مع العلم ان راتبي بالشركة فوق 10000 ريال مع العلم انني بدءت قبل 8 سنوات براتب 3500 ريال بالاضافة الى السكن والمواصلات مجاناً واستخرت الله واستشرت وقررك البقاء بالشركة لان المستقبل في القطاع الخاص افضل .
ويبدو لي والله اعلم انك شخص مجتهد في عملك والدلالة ارتفاع راتبك من 4500 الى 9000 خلال هذه الفتره لذا نصحك ان تستخير الله اولاً . ومن ناحيتي انصحك بالاستمرار بالقطاع الخاص .

متفائل الى القمة
17-11-2011, 12:25 PM
الحكوميييييييييييييييييييييييييييييييييييييييييييي يييييييييييييييييييييييييييييييييييييييييييه



قليل دائم ولا كثيرررررررررررررررر زائل والله اعلم

الحبلصي
17-11-2011, 12:38 PM
استخير رب العالمين اول شي .. ارى والرأي الأتم لك .. الوظيفة الحكومية أفضل بحكم الامان الوظيفي ..

قهوة عربية
17-11-2011, 06:23 PM
الله يوفقك ويلهمك الصووواب

قوة الإحلام
17-11-2011, 08:47 PM
تبي الصراحه

الوظيفة الحكومية وحتى وانا كان نصف راتب الشركه !!

اقلها تعرف الي لكـ والي عليكـ ((مع الناس )) وفكر ببعدين مصيركـ تتزوج وتتطور حياتكـ الحكومية اضمن ويمديكـ تمشي اموركـ من اجازات واستذان ... والخ

الشركه ما انكر تطور وظيفي وتدريب يمكن بعد لاكن مبداها ((على قد ماتعطيني اعطيكـ )) وفي الاول ولاخير قطاع خاص !!

الله يوفقكـ ويكتب لكـ الي فيه الخير

المتأمل في الكون
17-11-2011, 11:19 PM
ألف مبروك .. لقد سعدت بهذا الخبر

ما شاء الله الشباب ما قصروا
ونصيحتي لك استخر ثم استخر ثم استخر

التقنية للعاطلين
18-11-2011, 12:22 AM
اخوي عليك بالاستخارة

وين النصيب
18-11-2011, 12:42 AM
الحكومي مميز ..
اذا كنت من هواة طبيعة العمل التقليديه وبالنسبه للراتب لاتشيل همه مصيره يوصل 11000
وفي الحكومي لست مجبور على اثبات نفسك والتقدم دايم

الخاص
نعم يرتفع راتبك اسرع ولكن لايشغلك الراتب من اشياء اساسيه نصيحتي لك

آذكر قصه بسيطه سريعه

احد زملائي كان موظف في شركة محامي وراتبه جيد تقريبا 7000 .. جاه تعيين حكومي على السادسه اتوقع براتب 6000 .. عرضت عليه الشركه ان يجلس مقابل 10000 ورفض وعرضوا عليه 12000 ورفض ..

السبب : بكل بساطه الامان الوظيفي

فكر على المدى البعيد لاتهمك الماده اكثر من الاساسيات الوظيفيه

والله يوفقك


استخير ربك والله بيقررلك الخير ان شاءالله

نفس الكلام والله يوفقك إن شاء الله

عاطل طمووح
18-11-2011, 01:39 AM
ماازيد على كلام الشباب اللي قبلي .. فيهم الخير والبركة وكفو ووفو والله ..

اذا الشركة اللي انت فيها من الشركات الكبيرة .. نصيحتي لك اجلس فيها وانت ادرى بوضعك وراحتك فيها ..

اترك عنك اللي يقول امان وظيفي ومدري ايش .. طول ماالشخص مجتهد بوظيفته ويعطيها حقها .. صدقني الشركة مستحيل تتركه .. الوظيفة الحكوميه ترقياتها وزياداتها صعبة جداً ..

اذا الشخص طموح انصحه بالشركات لأن رواتبها خياليه وتجيك عروض ثانيه من برى ..

ولاتنسى صلاة الاستخارة والله يوفقك وين مارحت

جـ الفراق ـريح
18-11-2011, 02:12 PM
الله يعطيكم العافيه ومشكورين على ارائكم

والله انا بستخير واللي فيه الخير الله ييسره مع اني مو مرتاح للحكومه

البروفيسور عاطل
18-11-2011, 05:56 PM
الحكومي مميز ..
اذا كنت من هواة طبيعة العمل التقليديه وبالنسبه للراتب لاتشيل همه مصيره يوصل 11000
وفي الحكومي لست مجبور على اثبات نفسك والتقدم دايم

الخاص
نعم يرتفع راتبك اسرع ولكن لايشغلك الراتب من اشياء اساسيه نصيحتي لك

آذكر قصه بسيطه سريعه

احد زملائي كان موظف في شركة محامي وراتبه جيد تقريبا 7000 .. جاه تعيين حكومي على السادسه اتوقع براتب 6000 .. عرضت عليه الشركه ان يجلس مقابل 10000 ورفض وعرضوا عليه 12000 ورفض ..

السبب : بكل بساطه الامان الوظيفي

فكر على المدى البعيد لاتهمك الماده اكثر من الاساسيات الوظيفيه

والله يوفقك

أؤيـد هذا المقال خاصه التفكير بالمدى البعيد لإن الفارق المالي لن يفيدك اذا كان هذا اللي مجلسك

الخيار لكـ وعسى الله يوفقك

فكر من جديد
21-11-2011, 09:11 AM
الحكووومي من وجهت نظري

مجلهد
21-11-2011, 04:32 PM
اخي العزيز .. الشركات الخاصه او المتعاقده .. في اي وقت ينتهي بها المطاف الى تسريح الموظف
اما بسبب عدم استمرارية الشركه او بسبب القائمين على الشركه او بأنتهاء العقود وما شابه ذلك
...

انا موظف شركه خاصه بنظام التعاقد .. بدأت براتب 2850 والان راتبي 3950
في خلال خمس سنوات .. وعانيت من الظلم ولا زلت اعاني ظلم شركات التعاقد بسبب الراتب الغير مجزئ

وارجو من الله ان يوفقني بوظيفه حكوميه .. أكمل بها مسيرتي في هالحياه

....

ارجو انك تصلي ركعتين استخاره
وتقرر فيها حياتك الوظيفيه

والله الموفق والهادي الى سواء السبيل

علاوي البارقي
21-11-2011, 06:49 PM
يَ هلآ آخوي ...

يَ حلوين , البعض منكم يقول له روح للحكومي ولا تهمك الماده
كيف ما تهمني الماده ؟ يا عيال البيبسي صار بريال ونص , وبعد فترة يمكن تزيد

آخوي آلغآلي خلك بـ الشركة اصرف لـك ,

ولكن شغل مخك ..

ماشاء الله راتبك مرتفع وعساها خير عليك يارب الله يزيدك

فكر وين بتودي راتبك ,,
تبي نصيحتي , { شغل مخك } , افتح لك بقالة .. بوفية , مطعم , ... الخ

حتى لو مثلا فصلوك من عملك ,,

انت ما تشيل هم { ليش } لإن معك محلات , معك دخل غير الوظيفه ,,

الله يبارك لـك يابعدي .,.

ما عندكم وظيفه توظفوني طيب ..؟

< ترآه كدآد *.*

هابكيدو
21-11-2011, 07:15 PM
صل ركعتين استخاره

رفيع الهام
21-11-2011, 08:37 PM
استخير اكثر من مره
وان شاء الله بترتاح لواحد منهم
احسن من كلام الناس

عبيد في التجنيد
21-11-2011, 11:00 PM
يَ هلآ آخوي ...

يَ حلوين , البعض منكم يقول له روح للحكومي ولا تهمك الماده
كيف ما تهمني الماده ؟ يا عيال البيبسي صار بريال ونص , وبعد فترة يمكن تزيد


لاتشرب بيبسي اخوك الي يكلمك يكتب الرد وهو يشرب فيمتو وشاريه بريال واحد فقط لاغير

وش حلات الفيمتو بريال وطعمه احلى من البيبسي

علمونا في التسويق دائماً هناك سلع بديله لاتشرب بيبسي اشرب فيمتو ال سي بي كولا بريال واحد فقط لاغير الا لازم بيبسي !! السلع البديله ،

مثل ماقالوا الشباب اذا الشركه من الشركات الكبيره اجلس فيها واذا من الشركات العاديه فالوظيفه الحكوميه افضل للمدى البعيد ،،

السكوت
21-11-2011, 11:26 PM
اخـــــــــــــــــــــي الكريم عليك بالاستخاااااااااارة

وربي يكتب لك الي فية الخير

أنا و أنتم
22-11-2011, 01:25 AM
أخوي حتى لو الراتب 15 ألف في الشركة الخاصة .. راح يمشون معاك لحد ما يوصل عمرك 45 و يقولون لك كفيت و وفيت الله يستر عليك .. فنصيحة و أنا أخوك صلي على نبيك و خلك في المأمن اللي هي الوظيفة الحكومية و الله يوفقك

mes2009
23-11-2011, 10:28 AM
اشم ريحة حسدا هنا ><


حبيبي لو راتبك عشرين الف وجتك وظيفة حكومية بعشرة روح لها تدري ليه

مااحد يقدر يطردك الا اذا سويت جناية :court: كبيرة واعتقد انك ماراح تسويها :wa

توكل على ربك الحكومي اضمن وامن الخاص 70% منهم يكرهون السعودية والسعودين حتى المتجنسين من الجنوب"P روح شوف اعمالهم الخيرية في بلادهم الاصلية وهنا مافيه الا قوة تجميع فلوس بس تعرف ظهورهم قوية مرا خخخخخخخخ:q لا احد يقولي عنصري الواقع يقول كدا:i

حكومي اعقلها وتوكل:)
خاص انت وحظك:eek:

مجرم عاطل
23-11-2011, 10:01 PM
اول شي انا مؤيد للشركه الخاصه رغم اني توظفت فيها لكن لم اوفق معهم

وبعدين اانا اخوك المهم الراحه النفسيه بالعمل بما انك ما شاء الله راتبك حلو ومبين انك شخص مجتهد

انصحك بالبقاء بالشركه الخاصه .. يكفي بان الشركه الخاصه تصنع لك علاقات عامه مع الشركات الاخرى

والدوائر الحكوميه حتى ان ما توفقت معهم لا سمح الله

عندك علاقات عامه تخلق وظايف في مكان


كلامي هذا عند تجربه بالفعل توظفت بشركه خاصه 3شهور براتب 1800 قدرت انشئى علاقات

بالبنوك والجوزات ومكتب العمل (حتى اني صرت واسطه عند جماعتي خخخخ)

اتمنى اني قلت لك شي مفاد

ومعليش ع الاطاله

بيل جيت س
23-11-2011, 11:59 PM
جريح < الصراحه الشركات فيه انتقل وظيفي ممتاز بس المشكله انك تجي ع الحكومية تكون اقل شي مرتاح نفسي
بس الشركات الصراحه تآخذ فلوس كثيره بس انك تخااف من شي اسمه يوم من ذيك الايام وتعرف الازمة المالية الي صاررت صار الناس تخآف من الشركات بعد تخلي أكثر من الشركات ع الموظفين بس مابي اكون متشآم أستخير والله خير الراشدين
تقبل تحياتي

محمد بوعزيزي
24-11-2011, 11:25 PM
عاملين مهمين

1- هل انت ساكن في بيت ملك او مستأجر؟
2-هل عندك بزنس خاص محل او اي شي؟

اذا ماعندك شي خلك بالقطاع الخاص

عناقيد السكر
25-11-2011, 12:22 AM
استخير مره ومرتين وثلاث والخيره فيما يختآآآآره الله والله يكتب لك فيه اللي فيه خيرررر

جاسكو
26-11-2011, 11:38 PM
الله يوفقك مافيه صالح نفسك دنيا وآخره وان مع الاخوان الذين يؤيدون الشركه اذا كنت بطور نفسك بالدورات اكثر ومجرد سنوات بسيطه يطلع راتبك فوق 15 ان شالله وحتى لو ارسلت سيرتك لشركات ثانيه تحصل على عروض اكبر طبعا استنادا على كلامك ان الشركه من الشركات الكبرى اما الحكوميه لو قبلتها شاب راسك ماوصلت راتبك الحالي إلا اذا دوام الشركه طويل وتفكر في الحكومه والتجاره اذا اقترح عليك تروح لها واستخر الله ولا تسوي شي إلا عن قناعه تامه والله يوفقك

دحوم الصعيدي
27-11-2011, 12:20 AM
استخير رابك وشاور اقرب الناس لك والله يكتب الي فية خير

م ت ف ا ئ ل
27-11-2011, 01:00 AM
ما خاب من استخار وما ندم من استشار

طبعا انت طبقت الحكمة ما شاء الله عليك

اعذرني اخوي ودي اقدم شئ وينفعك لكن خبرتي لا تسمح وخذلتني

وفقك الله الى كل خير وجعل طريقك سعادة وسرور

ابن زويد الطريس
27-11-2011, 01:13 AM
استخير واستمر بشركتك إذا دومها زين ..

السادسه ضعيف مرتبها ..

فدا العسكرية
29-11-2011, 11:44 AM
الله يوفقك ويختار لك الخير والافضل ياارب


. لا إله إلا الله ,, فدا العسكرية http://www.buraydahcity.net/vb/images/smilies1/051.gif.

المهندس سعود
11-12-2011, 02:35 AM
إذا الشركة من الشركات الكبيره خلك فيها أفضل لك .............

ارواح مهاجره
11-12-2011, 03:46 AM
الحكومي مميز ..
اذا كنت من هواة طبيعة العمل التقليديه وبالنسبه للراتب لاتشيل همه مصيره يوصل 11000
وفي الحكومي لست مجبور على اثبات نفسك والتقدم دايم

الخاص
نعم يرتفع راتبك اسرع ولكن لايشغلك الراتب من اشياء اساسيه نصيحتي لك

آذكر قصه بسيطه سريعه

احد زملائي كان موظف في شركة محامي وراتبه جيد تقريبا 7000 .. جاه تعيين حكومي على السادسه اتوقع براتب 6000 .. عرضت عليه الشركه ان يجلس مقابل 10000 ورفض وعرضوا عليه 12000 ورفض ..

السبب : بكل بساطه الامان الوظيفي

فكر على المدى البعيد لاتهمك الماده اكثر من الاساسيات الوظيفيه

والله يوفقك


الاماااااااااااااااااااااااااان الوظيفي هذا العنصر مفقود في القطاع الخاص

ماودي اقطع رزقك لكن فكر جيدا انت ادرى بالشركه ووضعها وقارنها بالوظيفه الحكوميه
وايهم ترجح ولاتنسى صلاة الاستخاره

طمووووحي
11-12-2011, 04:14 AM
السلام عليكم ورحمة الله وبركاته

انت ادرى بوضعك اذا انت انسان مجتهد وتتعب على نفسك خللك بالشركه ممكن مايكون فيها امان وظيفي لكن باجتهادك وخبرتك تقدر تحصل اي وظيفه ثانيه وبراتب اعلى الاجانب يستلموا رواتب خرافيه والشركات عندنا كل يوم تستقدم موظفين من برا يعني الامان ان شاء الله موجود على قدر اجتهادك

اما اذا تبي تقرا جرايد كل يوم ودوامك خفافي رح للحكومه والي يقول الترقيه بالحكومه مضمونه غلطان الراتب يزيد بس انك تحصل على مرتبه النظام يقول انه لازم يكون مر عليك 4 سنوات على الاقل لتحصل على مرتبه اخرى هذا اذا في ارقام مراتب شاغره يعني اذا مشيت معاك بالحكومه من احسن مايكون كل اربع سنوات مرتبه بعد 16 سنه توصل للعاشره وانا متأكد انك ولا تحلمبها يمكن بعد 25 سنه وبعدين الحكومه مافي بونص في مكرمات ومافي تأمين صحي والزياده السنويه اعتقد 400 ريال يعني بعد عشر سنوات توصل ل11000
مكافئة نهاية الخدمه بالحكومه 3 رواتب فقط والتقاعد لمن يوص عمرك 60 سنه بس الشركه مكافئة نهاية الخدمه نص راتب على اول 5 سنين وبعدين راتب على كل سنه والتقاعد بعد خدمه 25 سنه

يعني الافضل الشركه الا اذا تبي تنام بالدوام رح الحكومه وانت الخسران
كلام الاخ الفاضل في قمة الوعي

سمبتيك الشهري
12-12-2011, 03:46 PM
انصحك باشركة لان بها ستكسب الخبرة و المرددو الماد ي العالي وبذالك تستطيع توفير السكن بدري بدي
اذ عرفة وين تحط فلوسك صح ( ولاتنسى ان من يعمل في القطاع الخاص همالاجانب وهم الاكثر فالماذ يعمل بة
اذ كان غير متيقن من انة هو ارابح الاول )
ولابد من انكا قد عرفة انا القطاع الخاص يعتمد على الخبرة فاذا كانت لديك خبرة كلما زاد راتبك

جـ الفراق ـريح
21-12-2011, 02:27 PM
جزاكم الله خير على مروركم وعلى ارائكم والله احس اني لو مشيت من الشركة اني بتحسف احس اني لو رحت للحكومة بتكون نقطة التوقف لي يعني اشوف نفسي وانا على عكاز مشكلتي ما احب الروتين وفي الشركة كل يوم اتعلم شي جديد صحيح انها ماخذة كل وقتي بس ما احس بالوقت و انا خايف اروح الحكومة وما يعجبني الوضع وافصل ويسجلونها سابقة لي على العموم الله يكتب اللي فيه الخير ومشكورين

فاكي
21-12-2011, 05:12 PM
الحكومي احلى وراح ترتاح على طول مو قطاع تجلس قلقان

وكلم حلوين انت اختار الي يريحك

طموح مقيدة
21-12-2011, 08:48 PM
استخير مره ومرتين وثلاث والخيره فيما يختآآآآره الله والله يكتب لك فيه اللي فيه خيرررر

ماجد المالكي
21-12-2011, 08:57 PM
الامان الوظيفي في الحكومية ..... ولكن
حتى لو تم تسريحك من الشركة كما يقول البعض

سيكون لديك خبرة تستطيع ان تتوظف بها في اي شركة اخرى كبيرة .....

انا مثل وضعك ... حاليا في شركة
والحكومية قد تأتي قريبا ...
ولكن احب بالاول ان ابقى فترة بالشركة وبعدها اقرر ....

اعتقد ان الوظيفة الحكومية تستطيع ان تقدم عليها مرة اخرى حتى لو رفضتها الآن .....

سحر انثى
21-12-2011, 10:04 PM
انصحك بالحكومي

انت ماتدري عن الايام ؟؟ يمكن لاقدر الله تمرض وتغيب غيابات كثيره والشركه ماراح ترحمك وراح تفصلك مهما كانت مرتبتك

اما الحكومي حيزداد راتبك باذن الله بدون خوف ,, وحتقدر تجتهد وتتطور وتطور في المدرسه وبرامجها وانشطتها ... وحيكون عندك وقت لفتح مشاريع خاصه او الاهتمام بالعائله اكثر وممارسه وتنمية مواهبك وهواياتك

والحكومي فيه تقاعد وفي مميزات كثيره مريحه وامنه
وترى الدنيا فرص,, والفرصه ماتجي غير مره وحده بالعمر

وبالاخير الرأي لك

والله يوفقك

ش م و خ ع ز ي
22-12-2011, 12:32 AM
شوف اخووووك ماخاب من استخاااااااااااااااار

استخير ربك قبل كل شي ووالله ماتندم على استخارتك لربك..

فهو مقسم الارزاق وعالم بالافضل لكل منا..

م/عبدالله
28-12-2011, 01:58 PM
والله أنا من رآيي روح شووف بعد المقابلة في الحكومة بيقبلوك ولا كلام بسس

دايم كذا
29-12-2011, 09:47 PM
كل وظيفه لها ايجابيات وسلبيات
القطاع الخاص : رواتب عاليه . بونص . تاميين طبي بدل سكن . بعض سلبياته دوام طويل فترتيين .اجازه الجمعه فقط الاعياد اجازه قصيره . غالبا يكون رئيسك أجنبي .
القطاع الحومي : دوام مريح . يوصل الى مرحلة (الفله ) في بعض الدوائر . اجازات باي وقت تاخذها يعني على كيفيك . خلص اللي عليك ماحد يقول وين رايح شاهي وقهوه و(نت ) سابقا جرايد بعض السلبيات : رواتب متدنيه مقارنه بالشركات .ترقيات مو مضمونه احيانا تطق فوق 8 سنوات على نفس المرتبه . مجهودك ضايع .محسوبيات شغاله .العلاوه السنويه تاخذه انت والكسلان واللي يغيب .

صالح المالكي
29-12-2011, 09:54 PM
الحكومة افضل لك ياعمري وبالتوفيق لك انشاءالله بس اهم شي تكون الوظيفة رسمية وليست بند الأجور

فاتن فاتن
30-12-2011, 06:13 PM
اذا بغيت تترك وظيفتك الي بالشركة علمني بدخل فيها

لان مااحد قبلني حتى الي بـ1500

المؤهل ثانوي 89%


يالله التوفيق يالي ماعليك عسير

طاح الامل
30-12-2011, 07:52 PM
يمين الله لو مكانك مااشاور احد اروح للوضيفه ع طووول ولا اكلم احد لانه شئ مضمون بس هاه بشرط ملاحظه.......انت تكون حكوميه رسميه.........والله مااشاور احد لانه شئ مضمون لي ولزمن تقبل مروري................... يارب ارزقنا جميعا بوظائف يارب يسر امورنا...انا عاطل<

A L S A E E D
30-12-2011, 09:06 PM
الوظيفة الحكومية وانت مغمض :)

ابن الاحساء
31-12-2011, 03:41 PM
شف حبيبي

اذا كنت امنت على نفسك مادياً ( منزل , مشروع خاص بك )

وقتها اقول لك روح للحكومه وارتاح

اما غير كذا خلك بالشركه وجمع لك دراهم الدنيا صعبه والبيت صعب

وان شاء الله يارب راتبك كمان رااح يزيد ويزيد ^_*

ابن الاحساء
31-12-2011, 03:42 PM
وبالاخير انت الي تشوف وانت تعرف وين الانسب لك

عاطل جالس
06-01-2012, 01:10 PM
اخوي اخذ نصيحة اخو يحب اخوه رح لوظيفة الحكومية اضمن وحسن لو كان رتبة 4000 يكفيك بين قوسين (وظيفة مدنية ) ام الدلع كله

دمعةعمر
06-01-2012, 04:34 PM
الحكومي روووووووووووح نصيحة من اختك الحكومة بها امتيازات وبدلات وزيادات وترقيات
صلي استخارة وارتاح وخذ الحكومي امن لك

توتي فراولة
06-01-2012, 06:48 PM
الحكوومي أكييد أفضل لأنو وظيفة ثاابته بعكس الخاااص يفنشوووك بأي وقت

والله يكتب لك الخيرررة

محاسب بالطائف
08-01-2012, 09:26 AM
أنا موظف حكومي و سابقا كنت بشركة

ونقلت إلي الوظيفة الحكومية لان راتب الشركة مساوي بعض الشي لراتب الحكومة وهنا راحة

لكن لو كان راتبي بـ 9 وموعود بـ11 عن نفسي لن أذهب
مثال : مدير الشركة السابقة التي كنت بها له فقط 10 سنوات أستطاع أن يثبت وجوده وراتبه الأن 45 ألف ريال وأصبح مدير .

وشخص أخر بشهادة ثانوية ومن وظيفة معقب إلي مدير شوؤن الموظفين وراتب 25الف .

وربي عميد الجامعة أتحدى لو راتبه يوصل 45ألف

اما الأشخاص الذين أستهزؤ بشركة البيبسي وقال يختارو البديل له
أقول له أنه أصبح من الأساسيات لنا بكل وجبة لذلك أصبح مدير شوؤن الموظفين راتبه يفوق 120 الف ريال
يعني أعلى من راتب الوزير فما بالك يكون راتب مدير الحسابات والمدير .

اذا تستطيع الأستبدال بين وظيفتي وظيفتك فإنا جاهز

أستخير بالله ونصيحتي أن تبقي ، لكن أوهم الشركة أن مازلت الفرصة قائمة للنقل للحكومي حتي لايجحدوك بـ2000 كما فعلت أنا عندما أنعرض عليا بفرص وظيفية أخرى قامو برفع راتبي من أجل التمسك فيني .

والله يوفقك وأستخير بالله

عمدة النت
08-01-2012, 10:14 AM
أذهب الشركات لا امان لها الامان الوظيفي في الحكومية وفوق كل هذا مافي عمل حقيقي في الوظائف الحكومية يعني تداوم تقرأ جرايد وهذا هو الواقع

قراميش خقق
08-01-2012, 10:40 AM
انصصحك ادخل حكوومية >>> لو حتى الراتب 1500 ريال


نصصصصصيحة خليك بالحكومية


وبالتوفيق للجميع -- تقبلوو مروري

موظف ولكن
08-01-2012, 08:42 PM
اللهم لك الحمد والشكر
عرضت على وظيفة بالقطاع الحكومي وانا موظف بالقطاع الخاص وبعد اكمال جميع الاجراءات والكشف الطبي تراجعت عن الوظيفة الحكومية وفضلت القطاع الخاص بسبب الميزات والراتب والان ولله الحمد قبلت بوظيفة اخرى في القطاع الخاص براتب 17000 الف ريال بالاضافة الى التامين الطبي والبونص مع العلم انني بدءت بالقطاع الخاص قبل 8 سنوات براتب 3500 ريال .

ولكن نصيحه اذا وجدت في نفسك ميول للوظيفة الحكومية فذهب ولا تتردد لأن القطاع الخاص يحتاج الى مزيد من الجهد والعطاء

بكالوريوس حآآسب
09-01-2012, 12:09 AM
مساك خير أخوي
و الله أنا من رأي الأخوه اللي قآلوا خلك بالشركة أحسن
لأن (عصفور باليد ) أفضل من عشره على الشجرة
البعض منهم ركز على نقطة الأمان الوظيفي و أن الحكومة وظيفتها دايمه
طيب يا أخواني هل أحنا ضامنين نعيش لبكرة ؟
الأعمار بيد الله لكن الحاضر هو المهم
مدامك مرتاح و لله الحمد فخلك بوظيفتك أحسن
و استخير الله فهو خير الحاكمين :)
و موفق بالحالتين ان شاء الله

BRANSESA
09-01-2012, 07:12 PM
استخير

بس اشوف الوظيفة الحكوميه اضمن لك على الاقل بعد بكره لو وصلت لسن التقاعد وتقاعدت يمشي لك راتب تقاعدي

عاد ماادري اذا الخاص يسو مثلهم

وهو ماشاء الله راتب الوظيفه الخاصه مرره حلوه ومغري على الاقل بالوظايف الخاصه الواحد يكون كلو حياه ويحاول يثبت نفسه لكن بالحكومي الامان والحضن الدافي على قولتهم يعطيك النوم العميق

ماادري والله شي يحير انصحك استخير مره ومرتين وثلاث لين تقرر بالصح

العوبا
16-02-2012, 04:37 PM
انا بالنسبه لي لو كنت بنفس الموقف
راح اختار الحكووومه لعده اسباب اهمها الامان وظيفي
لاتفكر من ناحيه الدخل لان القطاع الخاص مهما كان كبير وله سمعته ماتضمن تخسر الشركه او تقل ارباحها
هذا غير اهم شيء عندهم الانتاجيه وزياده ارباحهم بالمقام الاول وبنظرهم بدل الموظف الف موظف يعني الحكومه لما يقل انتاجك لهم عمر ويحولونك تقاعد لكن الخاص يجيبون غيرك وقابل التامينات
والقرار اول واخير لك

هيبة صمت
16-02-2012, 04:45 PM
ماندم من استخار ولا خاب من استشار
نصيحتي لك الاستخارة أولا وأخيرا ، وعن وجهة نظري أنصحك بالحكومي أفضل لك مستقبلا لكل الأسباب السابقة
مووفق ان شاء الله في الدارين

غرام الاحباب
16-02-2012, 05:47 PM
في الحكومة حقك محفوظ

محتاجة وظيفه
16-02-2012, 06:19 PM
الله يوفقك ويرزقني بوظيفة راتبها زين حكومية يارب

G-Khalid
17-02-2012, 03:08 AM
انصحك بالاستخارة.
موفق بإذن الله ... لك مني أجمل تحية .

الهرآوي
17-02-2012, 09:16 AM
موفق بإذن الله ... لك مني أجمل تحية .

فيصل العماوي
17-02-2012, 09:54 AM
آنصصصصصحك بالحكومية الخاص ما تتطمن منه :$

موارد بشريةسلطان
17-02-2012, 11:35 PM
روح حكومي يبن العم
والله ثم والله راحة في راحة وش دوامهم فكر للمدى البيعد

مرمطني الشوق
18-02-2012, 02:09 AM
الله يرزقك انت والمسلمن اجمعين

القناعه كنز لا يفنى

محتارمتردد
21-02-2012, 04:48 PM
اهم شي الامان الوظيفي وانت استخير الله واللي ترتاح له نفسك اتكل على الله
ا

موسى 2000
21-02-2012, 06:53 PM
الحكومي الحكومي وبعدين يرتفع راتبك

أبو وعد
21-02-2012, 08:05 PM
موفق بإذن الله ... لك مني أجمل تحية .

ليت الجروح
22-02-2012, 10:05 AM
صلي ركعتين وأدعي والي الله كاتب فيه خير لك..
بتأخذه أنشاءالله..
موفق بإذن الله ... لك مني أجمل تحية .

أبها العز
22-02-2012, 11:55 AM
ياجرح صل على محمد
المرتبة السادسة هي اسؤاء مرتبة يبي لك 8 سنوات تتجاوزها لو السابعة او الثامنة مقبول
وعلى كلامك احس انك محاسب
خلك يارجال والله انه ابرك لك

طموحة متفائله
22-02-2012, 02:08 PM
من وجهة نطري الحكومي ابررررك ..

ابي اتوظف بسرعه
22-02-2012, 04:32 PM
الف مبروك عليك الوظيفه الحكوميه
احسن واضمن لك وما شاءالله انا اشوف كل راس سنه تصير زياده للوظايف الحكوميه وفي القطاع الخاص يناظر
وانك اقول استخير بالله
موفق بإذن الله ... لك مني أجمل تحية .

متعب شافي
22-02-2012, 07:20 PM
اذا الشركه ماهي ارامكو والا سابك كبها و خلك حكومي
الناس تشري العافيه بالملايين وانا اخوك و يمكن راتبك اغراك اكثر من اي شي و صدقني اعرف ناس متوظفين ورواتبهم فوق 18الف و لا فيها بركه تروح في ايام معدوده و اعرف ناس رواتبهم من 5 الى 8الاف و ربي مبارك فيها

اهم شي شوف مصلحتك بس ولاتنسى الاستخاره

جـ الفراق ـريح
27-02-2012, 02:12 PM
اسف على الانقطاع عن المنتدى واشكر كل من شارك بالنصيحة المناسبة الحمد لله على كل حال طبعا وظيفة المالية راحت وانا مازلت بعملي وتم زيادة راتبي اللهم لك الحمد وانا مو زعلان عليها دام اني استلم راتب ضعف راتب الوظيفة الحكومية استمر واذا صار شي بعدين مع الشركة يكفي اني استفيد ماليا افضل من الوظيفة الحكوميه خلال فترة العمل مع الشركة وايضا استفدت خبرة ان شاء الله تكون هي السبب في ايجاد وظيفة لدى شركة كبيرة وراتب اقوى بإذن الله .

رفحآيل
01-03-2012, 04:39 PM
استخير

والراتب كويس

واذا وضعك كويس

كثير اللي بالقطاع الخاص لين تقاعدوا

اهم شي استخير

عسى ربي يسهل لك

ملاك النفيعي
01-03-2012, 05:44 PM
استخير ثم استخير ثم استخير
((لاخاب من استشار ولاندما من استخار ))

مهند بافهد
01-03-2012, 09:33 PM
اسف على الانقطاع عن المنتدى واشكر كل من شارك بالنصيحة المناسبة الحمد لله على كل حال طبعا وظيفة المالية راحت وانا مازلت بعملي وتم زيادة راتبي اللهم لك الحمد وانا مو زعلان عليها دام اني استلم راتب ضعف راتب الوظيفة الحكومية استمر واذا صار شي بعدين مع الشركة يكفي اني استفيد ماليا افضل من الوظيفة الحكوميه خلال فترة العمل مع الشركة وايضا استفدت خبرة ان شاء الله تكون هي السبب في ايجاد وظيفة لدى شركة كبيرة وراتب اقوى بإذن الله .


الحمدلله على كل حال..
هذا الصح، إذا الدوام مناسب والإدارة متعاونة والراتب جيد، ليش تروح للحكومة.؟!

الله يوفقنا وإياك..

منار الوجه
01-03-2012, 09:39 PM
انت قرر موفق بإذن الله ... لك مني أجمل تحية .

توظيف التميز
01-03-2012, 11:14 PM
يابن الحلال انصحك بالحكومـي وخذ شوووري ...

ولد عمي كان موظف بشركة ب 8000 ريال .. وتوظف اللحين بالبلدية ورسموه براتب 7500 ريال وعلاوة سنوية وضماااان بعد الله ,,,

نادر الشعيلي
01-03-2012, 11:38 PM
عليك بالمضمون
اترك عنك الشركات لو راتبها 20000 الف
بكره تزعل مديرك ثم يقضبك الباب مو زي الحكومي يصبرون عليك ويقدرون الظروف لكن الشركات اللي ماسكينها يا اما مصاريه ولا هنود يعني لو زعلته يخلفك الله رحت ملح

إمبراطور الشرقٌ
02-03-2012, 01:39 PM
أقول ناس توظفوا و تقاعدوا على القطاع الخاص و عايشين أحلى عيشة ..


الله يوفقك ..

مربي أجيال
02-03-2012, 10:20 PM
استخير ولن يخيب الله رجائك

الرنا
03-03-2012, 12:06 AM
الأمان الوظيفي

بالتالي : الحكومي

رُقِي
03-03-2012, 04:24 AM
هلا اخوي

اذا انت عندك طموح وتسعى لتطوير نفسك وتجتهد على حالك فأنصحك بقوة تبقى في القطاع الخاص حتى لو الشركة لاقدر الله تخلت عنك بتلاقي كثير بدالها والله هالكلام عن تجربه من اخوي بدا في القطاع الخاص بالثانوي فقط وكان راتبه ما يتجاوز الـ2500 طبعا هالكلام من عشر سنوات وبعدها بدا يطور نفسه وظل اكثر من ست سنوات ما فكر يكمل جامعة بس كان مجتهد بالدورات وسار عنده خبره وعلاقات في الشركات من خلال ايام التوظيف وكذا وكمل جامعة والان ماشاء الله اكبر الشركات تتنافس عليه ويطمح يكمل ماستر يعني اذا عندك طموح تطور نفسك استمر في القطاع الخاص خصوصا لو تبغى الفائدة لذاتك واهم شيء كذلك العلاقات الاجتماعية القوية هذا الشيء يخليك جدا مطلوب في مجال العمل الخاص بعدين البلد الان انتشرت فيه الشركات الخاصة وتقدر تشوف الشركات من خلال برنامج نطاقات وتضمن الامان الوظيفي لنفسك

اما اذا كنت فقط تبحث عن دخل ثابت ووظيفة فقط تؤديها وتاخذ عليها راتب وما تحب تطور نفسك او ما تسعى لهذا الشيء فاتجه للقطاع الحكومي

والقطاع الخاص ايضا ممكن تقدر على حسب مجهودك تزيد دخلك

على العموم انت استخير رربك والله يقدم لك الخير بالتوفيق خيو

أخصآئي توظيف
03-03-2012, 09:39 AM
الله يعطيك العافيه

أصالة نجد
03-03-2012, 10:49 AM
بإختصار الحكومي

خريجه عاطل
03-03-2012, 10:55 AM
نصيحه مني استخير ربك وهو بيدبر لك كل خير واحب اوضح لك وقت العصر والفجر لا تستخير فيها
واذا الشركه اللي انت فيها شركه معروفه وكبيره خليك فيها

وربي يوفقك ويسعدك بحياتك

طموحآت عآليه
07-03-2012, 02:33 PM
اولا واخيرا اتوقع الاستخــآرة بتفيدك..

والله يوفقك ويكتب لك الصالح

مغرم صبايا
11-03-2012, 11:50 AM
وعليكم السلام ورحمة الله وبركاته
روح للوضيفه الحكومية ماعليك من الراتب مستقبل افضل وبعدين كلها كم سنه وراح يتعدل راتبك
((( لاتنظر الى القريب انظر الى المستقبل البعيد ))))

أسطورة زماني
12-03-2012, 03:39 AM
شوف يالحبيب أنا جالس اخطط على وظيفه بالقطاع الخاص
لو جتني عسكريه مدنيه برفضها (قولي ليش) >>أصلاً أحلم بالعسكريه والمدنيه<<
لأن الوظيفه اللي أخطط عليها راتبها عالي هذا من غير الفله اللي فيها

يعني أنصحك بالبقاء بالشركه مع تشغيل المخ
يعني تفتح لك بقاله أو بوفيه أو مغسلة ملابس (بس بعد ماتجمع مو تروح تاخذ قصد يكسر ظهرك)

Ξ الأدميرالي Ξ
12-03-2012, 03:49 AM
ربي يسهل عليك والقرار قرارك

منورتي
12-03-2012, 07:11 AM
اللــه يســهل دربك .. خيوو ..

اللمسة الرائعة
12-03-2012, 02:09 PM
اخوي الوظائف الحكوميه افضل وامن لك من حيث القاعد والبدلات وغيرها
و6000 الاف كبدايه في عمل حكومي فوق الممتازوالله يخترلك الطيب
والقطاع الخاص يوم يشفونك تعبان صحيا لاقدرالله قالولك مع السلامه

شبكات الحاسب
16-03-2012, 09:09 AM
الله يوفقك

ام اصيل وامير
25-03-2012, 08:54 AM
بالفعل الوظيفه الحكوميه افضل واضمن بعد الله


بالتوفيق

سراب القادم
25-03-2012, 11:56 AM
سلام الله عليك ورحمته وبركاته

انا براي الشخصي اشوف انت احسب امورك وفكر وستخير لان القطاع الخاص مافي امان لكن الحكومي امن وافضل لكن من ناحية الاجازات في القطاع الحكومي اكثر والخاص قليل وبعدين القطاع الخاص يهد حيلك وما بتاخد مقابله اخيرا نصيحتي فكر وستخير ............وشكرا

عاطل متهجول
26-03-2012, 07:42 AM
والله ياخوك شوف الي يريحك ورح فيها
وستعين بالله بألأستخاره وألأستغفار وتيسر لك يارب

أهلاوية
26-03-2012, 11:55 AM
أول شيء استخارة لربك في هالأمر

ثاني شيء كمنطق ومستقبل القطاع الحكومي أفضل وأأمن من القطاع الخاص

انآآ غيير
26-03-2012, 01:24 PM
خلك على وظيفتك دامك مرتاح وراتبك تمام ولاتستبق الاحداث كله بعلم الغيب

يازمن قدر شيبي
10-05-2012, 04:59 PM
لاحول ولاقوة الابالله
قال ايش قال حضن دافي
تبي رائي خل فكر المتخلفين حكومي وامان
ومدري ايش اتحدا اي واحد يرتفع راتبه الى تسعه باربع سنوات بل حضن الدافي
شف ها الروابط وطع شوري لاتغير وظيفتك

مقارنة بين [القطاع الحكومي (العسكرية) × القطاع الخاص (شركات) من جميع النواحي] .. - منتديات حلول البط
http://www.btalah.com/showthread.php?t=1...
مقارنة بين [القطاع الحكومي (العسكرية) × القطاع الخاص (شركات) من جميع النواحي] .. إستفسارات ونتائج الوظائف العسكرية


شركات الأنترنشنال × العسكرية .. لماذا اللجؤ للعسكرية دوماً ؟؟ - منتديات حلول البطالة Unemployment So
www.btalah.com
شركات الأنترنشنال × العسكرية .. لماذا اللجؤ للعسكرية دوماً ؟؟ إستفسارات ونتائج الوظائف العسكرية

جواد الغامدي
10-05-2012, 07:09 PM
والله ياخوي حسب مستوى الشركة الي انت تعمل فيها

إذا انها شركة من ابو مشي حالك بصراحة انصحك انتقل ما تدري وش يصير في قابل الأيام

اما إذا انها كبيرة جداً ابقى معهم لان مستحيل يتخلوا عنك مهما كان و مستحيل لا قدر الله تفلس الشركة

يعني بالعربي إذا الشركة كبيرة جداً ولها سمعتها توكل على الله وخلك معهم وإذا انها نص ونص ولا ابو كلب

خلها وروح للحكومية

وإذا فيها مثلاً دوام طويل و عدد ايام كثيرة في العمل مثلاً 6 والله انا اشوف انك كمان تتركها لان جلستك مع اهلك
وراحت جسمك برضها مطلب مهم للإستمرارية في العمل الجاد و تقديم كل ما هو مفيد لشركتك و لنفسك

فيصل السديري
11-05-2012, 02:59 PM
اذا كنت تسلم في القطاع الخاص راتب شهر عن شهرين في القطاع الحكومي فانصحك بالبقاء وتطوير قدراتك وزيادة ثقتك بنفسك وعملك وحبك لعملك

والرزق على الله اذا اكان الموضوع امان وظيفي

ردادي المدينة
11-05-2012, 05:30 PM
الحكومة افضل من ناحية الامان الوضيفي والله يوفقك

مابي سواك
11-05-2012, 05:42 PM
استخير وربي يكتبلك اللي فيه الخير ان شاء الله

بهجة الكون
13-05-2012, 12:24 AM
الله يوفقك

عبدالعزيزالجهنى
13-05-2012, 03:08 PM
الاستخاره كما قالو الاخوان