المساعد الشخصي الرقمي

مشاهدة النسخة كاملة : لاصحاب البقالات (( هاااام ))


بيج بووس
08-01-2012, 11:20 PM
السلام عليكم ....


أخواني .. خاصة أصحاب البقالات .. أنا لقيت بقالة للبيع عقب ما جردت البضاعة ودت أن سعرها لايتعدى 22 ألف ريال ..


وصاحب البقالة عرض علي البقالة مع العامل مع 3 ثلاجات تبع البقالة مع رفوفها 18 متر

عرضها علي بـــ 50 الف ريال .. ((( علما بأن البقالة على كلام راعي البقالة تدخل باليوم تقريبا 1100 ريال . ماشاء الله .. هل ذلك معقول ؟؟؟


طيب أذا البقالة تدخل 1100 ريال وراتب العامل 900 شهريا والفواتير كهرب تلفون 500 ريال .. بها مكسب ولا لا ؟؟؟؟


أخاوني هل تستحق هذا المبلغ 50 ألف ريال :s ؟؟؟؟؟؟

مقبل على الدنيا
08-01-2012, 11:26 PM
طيب كم عمر البقالة ؟ و هل هي معروفة في المنطقة ؟

و هل بين لك أسبـاب البيع ؟

مر عليها بأكثر من وقت ، مر عليها الجمعة كذلك .. وشف اغلب مربحه من أيش .. هل هو بالدين يعني يدين الناس .. يمكن تقول وش دخل هالامور .. بس حلو يكون عندك تصور كامل عن الي جالس انت تسويه ..

و شف فيه بقالات حولك .. وش ينقص بقالتك و من هالقبيل

وشف مثلا هل رزقه يعتمد بالدرجة الاولى ع الدخان مثلا و المجلات و هالاشياء ؟ يعني مثلا ممكن تكون انت متحفظ على الدخان و المجلات و جزء كبير من رزقه قايم عليه

اعيد عليك هذي يمكن مالها دخل دقيق في الي انت تبي تسويه و لكن تكسبك تصور عام عن وضعك


و الله يوفقك

saadgu
08-01-2012, 11:26 PM
وعليكم السلام
اول شي البقالة فيها بضائع او لا؟
ثاني شي (المكان/كم فتحه/24ساعه اولا/فيها مخبز؟
ثالثا شي 1100 قليل جدااا.

ملعب الميدان
08-01-2012, 11:50 PM
إذا كان المدخول 1100 ريال

معناها الربح من هذه المبيعات تقريباً 150 ريال فقط لاغير

يعني في الشهر الربح 4500 ريال

إخصم منها راتب العامل والفواتير يبقى لك ثلاثة ألاف ريال

إخصم منها الإيجار ، وشوف كم يبقى لك من الثلاثة ألاف

أتوقع ماتسوى المبلغ والله العالم

تحياتي

مسلم قوي
08-01-2012, 11:58 PM
اخوي عليها فواتير آجلة للشركات ( ديون )
الإيجار كم باقي له
عليها غرامات في البلدية أو الغرفة التجارية

بيج بووس
09-01-2012, 08:42 AM
يعطيكم العافيه جميعا ::

البقالة فتحة واحدة .. لايوجد ديون على الشركات ,,, تفتح من الصباح بدري الى الساعه 11 ليلا

لايبيع دخان ,,, البضاعه مثل ماقلت شوي ,, عمر البقالة تقريبا 5 سنوات ,,, والاجار حل عليها حاليا ( نصفه )

طيب لو شريت بـــ 50 ألف هل تستحق ؟؟؟

ومستقبلا لو طورت البقالة ببضاعة ورزقني الله بدخل يومي 2000 ريال كم تتوقعون صافي الدخل ؟؟

والله يجزاكم الخير كله

معين
09-01-2012, 11:34 AM
حسب شرحك اخوي البقالة قيمتها 35 الف

سعر التقبيل لها 15 الف يعني مكسبه منك

ويبقى عليك الآجار

اسعى لتخفيض نسبته

اتوقع لو صبرت عليها حتى يطوف شهر من الأجار راح تاخذ البقالة ب 40 الف والله اعلم

النجيلة الصناعية
09-01-2012, 12:05 PM
البقالة ان كانت 4 فتحات , انا اول واحد يقولك خذها ..
لأن النظام الان لايجيز عمل البقالة بعد الساعه 12 ,,
إلا في حالة كانت البقالة 4 فتحات واكثر ,,
طبعاً البقالات قليلة جداً الي تفتح بعد 12 ,, وشف الاقبال عليها ..

عمدة النت
09-01-2012, 12:33 PM
سؤال مهم لمن جردتم البضاعه حسبتوا البضاعه على اساس مشتراها جمله ام سعرها للبيع لزبائن البقالة اتوقع فهمت قصدي .
اذا كان سعرها سعر الجملة اوك اما اذا كان سعر البيع ماراح تستفيد شي يعني لو حسب لك سعر الرز كما يباع للزبائن ب35 انت بتبيعه بنفس السعر يعني مافي غير التعب وماتقدر تزيد ريال او الزبون بينحاش .

الشي الثاني كم ثلاجه ملك للمحل وكم ثلاجه ملك لشركات اللبن والعصير احسبها كويس .
والله يوفقك

بيج بووس
09-01-2012, 01:23 PM
أشكركم جميعا ,, جردنا البضاعه على أساس بيعه للزبون ,

طلعت علي الحين التكاليف =

22 ألف ريال قيمة بضاعة

4000 ألاف ريال ثلاجات تبع البقالة .

2000 ريال رفوف وطاولات .

1000 مكيف .

العامل يبي يقله لكفالتي .

2500 دباب كبير .

تقريبا هذا الموجود .... دخلها 1100 يومي .. بقالة فتحة واحدة ... تقع بمنطقة بها كثافة سكانية ..

(( على ما أعتقد هنالك مايدعي تكاليف نقل قدم = سمعة محل وتأسيس زبائن ))

يقول راعيه سبب البيع عدم تفرغه ... حتى البضاعه الي فيها قليله بسبب عدم وجود التمويل الكافي .

يا أخوان رأيكم يهمني علما بأن التسديد بيكون 20000 ريال كاش والباقي بعد ثلاثة شهور ..
هل أوثق ذلك بمكتب عقاري تحت أسم عقد مبايعه ؟؟؟

عمدة النت
09-01-2012, 02:29 PM
أشكركم جميعا ,, جردنا البضاعه على أساس بيعه للزبون ,

طلعت علي الحين التكاليف =

22 ألف ريال قيمة بضاعة

4000 ألاف ريال ثلاجات تبع البقالة .

2000 ريال رفوف وطاولات .

1000 مكيف .

العامل يبي يقله لكفالتي .

2500 دباب كبير .

تقريبا هذا الموجود .... دخلها 1100 يومي .. بقالة فتحة واحدة ... تقع بمنطقة بها كثافة سكانية ..

(( على ما أعتقد هنالك مايدعي تكاليف نقل قدم = سمعة محل وتأسيس زبائن ))

يقول راعيه سبب البيع عدم تفرغه ... حتى البضاعه الي فيها قليله بسبب عدم وجود التمويل الكافي .

يا أخوان رأيكم يهمني علما بأن التسديد بيكون 20000 ريال كاش والباقي بعد ثلاثة شهور ..
هل أوثق ذلك بمكتب عقاري تحت أسم عقد مبايعه ؟؟؟


1-وثق كل شي في اوراق المبايعه كل شي
2- لاتنسى التوصيل للمنازل مهم جداا
3- راقب العامل مراقبه جيده
4- اذا استطعت ان تتعامل بالدفع الاجل مع بعض الشركات مثل البيبسي ففعل
5- اذا جاك الزبون وسأل عن اشياء لاتقوله مافيه قوله خلص وبنجيب ووفرها بعد ذلك
6- لاتسرف كثيرا في مدخول البقالة وضع مبلغا احتياطيا للحاجة

توكل على الله فمن توكل على الله ماخاب ولا تنسى الصدقه من مدخول البقالة حتى لو بالقليل فيتبارك رزقك

يقول المثال - اثنان لاباعوا ولا اشتروا كثير التردد وكثير الاستشارة فلا تكن منهم

بالتوفيق اخي

ركزو
09-01-2012, 02:45 PM
شوف اخوي انا ملاحظ عليك مبسوط من دخل البقالة الي هو 1100 بس بقولك انو طريقة حساب ربح الباقالات هو 10% من البيع يعني نسبة المكسب من 1100 يساوي 110 ريال وهذا مبلغ قليل جدا ولا يكفى حق اجار وراتب العامل والاشياء الاخرى

سعودي فاضي
09-01-2012, 02:47 PM
ما عندي خبره لكن خلي البقاله تعمل 24 ساعة وحط مخبز وتربح ان شا الله

عمدة النت
09-01-2012, 02:59 PM
,

دخلها 1100 يومي .. بقالة فتحة واحدة ... تقع بمنطقة بها كثافة سكانية ..

يقول راعيه سبب البيع عدم تفرغه ... حتى البضاعه الي فيها قليله بسبب عدم وجود التمويل الكافي .




انا اشوف ان الدخل اليومي اللي هو 1100 بسبب قلة البضاعه واحجام الزبائن عن البقالة لسبب ذاته
وبما ان البقالة في منطقه ذات كثافه سكانية فهي تحتاج الى تمويل ممتاز واعادت سمعتها احسن من اول ورايح يرتفع المبيعات الى اكثر من 1100 بكثير .
هذا من رأي

فيصل حسن خطيب
09-01-2012, 04:45 PM
حدد موقعها لو سمحت باي مدينة

بيج بووس
09-01-2012, 06:44 PM
يعطيكم العافيه جميعا ,, خصوصا الاخ عمدة النت ...

بخصوص اني مبسوط من 1100 لا والله أنا أقول بما أن البقالة ما فيها بضاعة وتدخل 1100 هذا شي طيب فما بالك لو ملأتها بالبضائع ..

بيج بووس
10-01-2012, 11:22 AM
للررررررفع

الواثق بربي
30-01-2012, 11:17 AM
موفق بإذن الله ... لك مني أجمل تحية .