يااخوان الفزعه

[ضاحكين علي]

السلام عليكم ورحمة الله وبركاته

باختصار شديد

تقدمت لوظيفه بالمرتبه الثامنه بحكم خبرتي وهي 5.5 سنوات واستلموا الاوراق مني

وبعد فتره جاني اتصال منهم يطلبون شهادةالتامينات واضطريت اروح اعطيهم الشهاده

وبعدها باسبوعين جاني اتصال الساعه 11 مساءاً ( حتى الوقت غريب ) شخص يقولي

انت خبرتك ناقصه 5 اشهر يعني المطلوب 6 سنوات خبره

المهم ان الرجل اصر انه لازم اغير طلبي لان النظام يقول لازم 6 سنوات كامله ولو يوم ما ينفع

تجبرت بالله وقلتله طيب بالمرتبه السابعه وش فيه متوفر فقالي مافي السابعه فيه السادسه

ولازم ترسلي خطاب تنازل وتكتب رغبتك الجديده

وفعلا في اليوم الثاني ارسلتله اللي طلب مني

واكتشفت بانه فيه على السابعه وظيفه شاغره والمؤهلات نفس مؤهلاتي وعدد سنين الخبره اقل من خبرتي يعني 3 سنوات

ولكن بعد ما جاني قبولي بالمؤهل على السادسه واختباري الاسبوع القادم

يا اخوان اللي عنده فكره وش الحل لا يقصر مو معقول سنين عمري تضيع علشان واحد مثل هذا ضحك علي

او النظام في هالحاله وش يقول ؟؟؟

تكفون ردوا علي باسرع وقت

وجزاكم الله كل خير

[الدبلوماسي]

يبي لك واحد فاهم في القانون...وواحد يعرف كيف يدوس على خشم اللي اتصل بك....لأنه تلاعب بالنظام والقانون....وهذا يعرضه للجزاء والعقاب

[ضاحكين علي]

الله لا يهينك يالدبلوماسي

وما خلاني اسئل هنا الا اني سمعت عن هالمنتدى الله يجزى القائمين عليه بالخير

فارجوا من اي شخص عنده فكره عن النظام لا يبخل علي

[مجنونهم]

لك الله شكلها راحت عليك وعطوها واحد غيرك وألفولك هذي القصة


تحياتيي..

[sa3oodi]

ليه ماتشتكي عند رئيسه

[زمـن قــاسي]

اخوي والله مأعرف شي في هالموضوع
بس مالك ألا انك تروح للمدير وتشتكي وتعطيه الرقم الي اتصل عليك
وتقول انك تبي تغير الوظيفه.

[brms]

الله يعينك

[إنتماء]

مالك الا المدير أو المسؤول عن التوظيف

[العاطل الباطل]

وانا اقول مالك الا ربك لانها راحت عليك ولا فيه شيء يثبت عليه لأن الوضوع فيه واسطة والواسطة عادة فوق النظام . فمن تشتكي اذا كان خصمك الحكم؟ولا معك شيء يدينه؟ ولا تروح للمدير ولا شيء لأني اجزم ان له علاقة بالموضوع,,,الله يرزقك.

[ابـ عبدالعزيزـو]

المدير او الجهه المختصه في نفس مكان العمل

والا رح لوزارة العمل هي من تقووم بالمهمات الصعبه