تجمع المعينات في محايل

[معلمه مرشحه]

وهل تعتبر محايل خيار حلو لنا او تقول لو ماترشحنا فيها افضل

[تررككي]

طبعا ليس الخيار الأفضل لمن رغب في حياة كامله وحياه كل شي متوفر عندك وأجود الأنواع .
لكن بنفس الوقت ليست محافظه سيئه يوجد الأسؤا منها وبكثير .
محايل تطورت في آخـر 5 سنوات لدرجة إن التقييم الاخير للمحافظات أغضب اهل المحافظه لأنه قياسا بتطورها كانوا بنتظرون أن تنتقل لفئة المدينه .

عطيتكم محايل كما هي الان . وتحديد ماإذا كانت سيئه أو زينه . لكم .

موفقين .

[بيالة شاهي]

نعم المعلومات اللي قالها صحيحة مافي مولا ت كبيرة بس محلات صغيرة ولمن كنت اروح لها في اوقات المطرينقطع الكهرب بس مادري عنها الحين بالتوفيق

[تهاني بنت]

انا كمان من جيزان وتخصصي تربيه فكريه ونزل اسمي بمحايل عسير

[ضئ الشموع]

السلام عليكم
كيفكم بنات
حتى انا نزل اسمي في محايل
وانا من الرياض وتخصصي لغة انجليزية
ولا اعرف شئ عن محايل بس والله قهر ما حطونا في الرغبات الاولى
محايل ترتيبها 41 يعني في الاخير
الي عندة معلومات عن محايل يفيدنا الله يجزاة خير
هل فيها شقق مفروشة ؟
وما هي المراكز التابعة لها ؟ وكم تبعد عنها ؟
وكم تبعد محايل عن ابها ؟ وكم بينها وبين المطار ؟

[بيالة شاهي]

المشاركة الأصلية كتبت بواسطة تررككي

شدني عنوان الموضوع ويبدو أن لإسم محايل هيبته عند قلبي

ألف مبروك لكم التعيين .

بما إني من سكان هالمحافظه لمدة 20 سنه قبل إنتقالي للدراسه الجامعيه في الرياض وإن شاء الله يتم تعييني هالسنه في هالمحافظه .

بأحاول أعطيكم بعض المعلومات .

الأخت الي تقول ليموزين من مطار أبها لمحايل خصوصا إنه مابينها الا 80 كيلو .
بالمسافه صادقه وانا أخوك بس ماينفع ليموزين من المطار لمحايل لعدة أسباب .
أولها :- إنك بتنتقلين من مدينه لأخرى بيكون السعر دبل الدبل المدبل الي قد يصل إلى 500 ريال .
ثانيا :- بين أبها و محايل عقبة تسمى عقبة شعار .. مو خطيره مره بس أحس ماش ماتصلح تركبين ليموزين من أبها لمحايل لوحدك . إذا كان معك أحد من أهلك معقوله . لأن الطريق بين المدينتين بعيد عن أي حي سكني .

..

بالنسبه لجو المحافظه . حار صيفا ورطوبه والشتاء معتدل . والي يقول غريبه في الجنوب وحـر . أقول لها لأن محايل منطقه منخفظه عن أبها . وفي الشتاء تعتبر مشتى لأهل أبها وتنومه لأن مناطقهم قارصة البروده وقت الشتاء .

..

الشقق السكنيه .

ماعندي خلفيه عن أسعارها بس اتكلم عن جودتها .. حلوه كثير ونظيفه . أغلبها طبعا مو كلها .

المولات .

إلي بيجي من مدينة كبيره وعندها هوس تسوق راح تصاب بصدمة تسوقيه الله يعيينها بس . في محايل كأغلب المحافظات الصغيره لا توجد مولات بمعنى مولات وماركات . فقط محلات صغيره متنوعه . لكن الان يبنون مول الغنيم وهو فرع لمول الغنيم بأبها والخميس . جدا كبير ويبيع ماركات .

يوجد محلات مشهوره مثل درعه ونكتار وكون زون . وكارديال للساعات . والعثيم للتسوق . وبيتزا هت . والبيك بس مزور

- فيه سوق نسائي خاص مايدخله الرجال ابدا ابدا بس ناسي إسمه والله .

بخصوص التسوق أنصح بالذهاب لأبها وخميس مشيط في الويكند للتسوق . في أبها ( أبها مول - عسير مول - الغنيم ) في الخميس ( اصداف مول - الخميس مول ) طبعا اسواق الخميس أفضل بكثير وتعتبر ثالث منطقه تجاريه في المملكه بعد جده والخبر .
ابها والخميس مايفصل بينها شي متداخله مع بعض مثل الدمام والخبر .

المطاعم .

بإستثناء بيتزا هت . مافيه مطاعم مشهوره . يعني ماراح تلاقون ماكدونالدز ولا كنتاكي . فقط مطاعم بس حـلوه .

الترفيه .

بما إنكم بنات فما راح تلاقون اساسا أماكن ترفيه . إنتو لاقينها أصلا في المدن الكبيره ؟! لا طبعا .

بس في الشتاء في مهرجان محايل الشتوي ( مهرجان تسوق وترفيه للأطفال وتوعوي وثقافي الخ ) . صح إنه خايس بس إسم إنه رحتوا مهرجان

- ميزه محايل إنها منطقه وسط بين مدن كثيره . يعني إذا تبي تتمشى في محايل تروح جبل ضرم أو جبل هادا مناظر حلوه وجو عليل .

- في الويكند تقدر تروح لأبها خصوصا في فترة الصيف .

- في الويكند إذا تبي بحر تقدر تسافر لجازان يمكن 400 كيلو . يعني 4ساعات أو أقل بعد .

- بالنسبه لسكان جده ومكه ( كنت أعرف زملاء يدرسوا بجامعة الملك عبد العزيز ) كانوا كل إربعاء يجون محايل عند اهلهم ويرجعون الجمعه . بين محايل وجده 500 كيلو .. يعني مسافة 5 ساعات أو أقل .

المستشفيات .

بعيد الشر عن الجميع . لكن مستشفى محايل العام لا ينصح بالذهاب إليه إلا إذا سئمتم العيش وأردتم الإنتحار بطريقه حكوميه

فيه مستشفيات خاصه صح إنها تشفط الجيب شفط بس ألزم ماعلى الواحد صحته .

مستشفى محايل الأهلي

مستشفى حامد التخصصي

عيادة د. عبدالله آل مزهر لطب الأسنان .

الصيدليات .

توجد صيدليات كثيره نهدي وغير نهدي . و 24 ساعه .

وسائل النقل

مافيه ليموزينات . بس فيه مواطنين يكدون بالعربي لا أنصح فيهم .

بالنسبه للدوامات فيه نقل مدرسي خاص بالمعلمات . ولهم مكاتب معروفه بالمحافظه وأغلبهم شيبان . وعلى نياتهم .

الاتصالات .

فيه فرع لـ STC وموبايلي بس زين مافيه . بس عالعموم إلي بيشتغل عالنت من مودم USB أنصحه بالإتصالات السعوديه . لأنه سريع وأزين .

المكتبات والتعليم

لا يوجد مكتبات مثل العبيكان وجرير .بس أبها مو بعيده . فيه مكتبات تقدم خدمات طلابيه بس ماتبيع كتب جديده أو توزع لدور نشر محددين .

فيه معهد نيوهورزاين إنجليزي وحاسب . وفيه معهد ثاني مدري وشسمه .

البنوك

الراجحي والاهلي والعربي والرياض . مافيه إنماء والبلاد وسامبا .

بعيدا عن الي ذكرته فوق . أحب أقول محايل مدينه صغيره تنام كغيرها من مدن المملكه تحمل الامنيات أن تصبح المدينة الحلم وتصبح على حقيقة أنها محافظه من فئة ( ب ) بعد . لكنها بنفس الوقت تتميز بميزه لم أرها في المدن الكبيره وهذي قد تكون الميزه الوحيده المشتركه بين كل المدن الصغيره في انحاء العالم . وهي طيبة قلوب أهلها وحبهم للخير في الغالب .
ما أقول هالكلام لأني عشت فيها . وعلى فكره أنا مو من محايل . من قرية صغيره تتبع لمحايل إداريا بس عادات مجتمعي تختلف كليا عن أهل محايل .
اهل محايل طيبين طيبين طيبين لأبعد حـد .

موفقين في قادم أيامكم . واي سؤال بالخدمه .

هاذي معلومات من الاخ تركي الله يجزاه خير

[بيالة شاهي]

الصفحات السابقة فيها الموضوع صفحة 3 على مااظن بالتوفيق

[جندي اول جامعي]

اهلا وسهلا بكم في مدينة محايل يامعلمات بناتنا لا اوصيكم عليهم شدوا عليهم واضربوهم ترى البنات فيهم دلع زايد
وبصفتي من سكان محافظة محايل فاصفها لكم مدينة تجارية تبعد عن ابها حوالي 85 كم عن طريق عقبة شعار وجوها في الصيف حار جدا جدا وفي الشتاء تهطل الامطار ويعتدل الجو لكن المهم في هذا الموضوع انها تتبع لها عدة مراكز وقرى وفي مدارس تبعد عن المحافظة اكثر من 150كم عن طريق الخطوط الوعره بعضها مسفلتة لكن إن شاء الله انكم تتعينون في مراكز قريبة من الخدمات وإذا عندكم اي استفسار احنا جاهزين والله يوفقكم ويحييكم

[دانةالدندونة]

انا اعرفها لكن قراها والمدن التابعه لها كثيييييييير مره

يعني مستحيل تجون في محايل بتجون في الهجر والقرى

يتبع لها بارق وقراها ومجارده وقراها

هذا الي اعرفه

طبعا انا اعرف مجارده ويتبع لها قرى كثير من قبيلة الشهري والعمري

ما فيه تكاسي ولا ليموزينات

لازم محرم معاكم لان الطرق تخوف ومليانه الجبال عماله مهربه من اليمن وافريقيا

[دانةالدندونة]

الشقق هناك مره رخيصه طبعا الغير مفروشه افضل بكثير
يمكن تلاقونها تحت الالف ب500 و800 وشقق كبير ه

واكثر امان

طبعا انا مو من محايل ولا عمري عشت فيها لكن دايم اروح الجنوب ونمر عليها وعلى محافضاتها

ولما يجي مطر وصواعق يطفى الكهر ب ضروري يكون فيه نور معاكم احتياط


دعواتكم لي في الوظيفه الرسميه

اي سؤال انا حاضره لكن على قد حالي ما عندي معلومات كثير ولا اعرف مدارسها ولا شي

اخ تركي بينفعكم اكثر مني