المساعد الشخصي الرقمي

مشاهدة النسخة كاملة : تجمع المتعينات بالخرج


الصفحات : 1 [2] 3 4

البندريي
22-05-2012, 06:02 PM
ذووق الذووق الله ييسر أمرك إن شالله انتي أي تخصص ..؟؟ علم اجتماع والا .. واي لجنه

ام الشيخان
22-05-2012, 06:12 PM
ياساتر وش هالاسئله

ام الشيخان
22-05-2012, 06:13 PM
انا في اللجنه الثانيه الله يسهل علي وعليكم

انعكاس
22-05-2012, 06:52 PM
انا مقابلتي يوم الاحد 13 _ 7 اللجنه الثانيه .. 11 الصباح ..

احد معايا ..!

يارب سهل امورنا .. صبرنا سنوات وان شاء الله ربي يعوض صبرنا خير ...

والله يوفق اللي قابلو ويسهل امورهم ..

لووزز
22-05-2012, 08:33 PM
انا كيمياء ومقابلتي 9/7 الاربعاء اللجنة الاولى ..

الله يوفق الجمييع

المتوهقه
22-05-2012, 08:34 PM
مسالخير للجميع ومبروك ندى الايام على الخلاص ماشاء الظاهر انهم ترتبو اكثر في إدارة تعليم الخرج وهذا من فضل ربي عليكم ماشالله أنا أخذت الكشف للرياض ولا كتبت الرغبات بس خيره انشالله
بغيت أسالك وياليت اللي تقدر تفيدني من البنات التبخل علي
اول مره اعرف عن توقيع تعهد بعدم أخذ إجازة رعاية مولود واللي مثلي متوقع انشالله ولادتها فالشهور الاولى من الدوام وش ترقع بعمرها حرام عليهم بعدين هذا الزامي في كل الإدارات التعليميه ولا الخرج بس هم اللي سووها
افيدوني الله يجزاكم خير

ربي وووفقني
22-05-2012, 08:39 PM
بنوتات ياحلوات الي قابلتوا بالخرج هل طلبوا منكم حسن سيرة وسلوك والخبرات

ربي وووفقني
22-05-2012, 08:47 PM
يمكن قصدهم اجازه رعاية المولود إلي بعد الاربعين يوم حقت النفاس

طال انتظاري
22-05-2012, 08:50 PM
هذا الموضوع للأخت شموخ السحاب عن شرح استمارة المقابلة الشخصية
مهم جدا

http://www.btalah.com/showthread.php?p=6282394#post6282394

انعكاس
22-05-2012, 08:57 PM
مسالخير للجميع ومبروك ندى الايام على الخلاص ماشاء الظاهر انهم ترتبو اكثر في إدارة تعليم الخرج وهذا من فضل ربي عليكم ماشالله أنا أخذت الكشف للرياض ولا كتبت الرغبات بس خيره انشالله
بغيت أسالك وياليت اللي تقدر تفيدني من البنات التبخل علي
اول مره اعرف عن توقيع تعهد بعدم أخذ إجازة رعاية مولود واللي مثلي متوقع انشالله ولادتها فالشهور الاولى من الدوام وش ترقع بعمرها حرام عليهم بعدين هذا الزامي في كل الإدارات التعليميه ولا الخرج بس هم اللي سووها
افيدوني الله يجزاكم خير



انا بعد سامعه هالشيء من كذا منطقه هالتعهد ..
لكن اتوقع لو بتكلمينهم بخصوص هالموضوع الاداره وتشرحين لهم الوضع مابيقولون شيء وبيعذرون .. المهم الموضوع المباشره اول يوم هذا الزامي عشان الاوراق ترفع للوزاره ..
بس اتوقع اجازة الوضع حاله استثنائيه يمكن قصدهم لاتفكرين تحملين باول سنة تعين هههههه .. بس اللي حوامل قبل التعين اتوقع بيراعون هالشيء لهم ...

والله يسهل ولادتك يارب ...

عبير عبدالعزيز
22-05-2012, 09:09 PM
مسالخير للجميع ومبروك ندى الايام على الخلاص ماشاء الظاهر انهم ترتبو اكثر في إدارة تعليم الخرج وهذا من فضل ربي عليكم ماشالله أنا أخذت الكشف للرياض ولا كتبت الرغبات بس خيره انشالله
بغيت أسالك وياليت اللي تقدر تفيدني من البنات التبخل علي
اول مره اعرف عن توقيع تعهد بعدم أخذ إجازة رعاية مولود واللي مثلي متوقع انشالله ولادتها فالشهور الاولى من الدوام وش ترقع بعمرها حرام عليهم بعدين هذا الزامي في كل الإدارات التعليميه ولا الخرج بس هم اللي سووها
افيدوني الله يجزاكم خير

حبيبتي رعاية المولود تخلف عن الامومه

الامومه هي اللي بعد الولاده مباشره

يعني التعهد ماله دخل ريحي بالك ياقلبي

والف مبروك التعين الله يتمم لك عليك خير

جرووووح
22-05-2012, 09:28 PM
مسالخير للجميع ومبروك ندى الايام على الخلاص ماشاء الظاهر انهم ترتبو اكثر في إدارة تعليم الخرج وهذا من فضل ربي عليكم ماشالله أنا أخذت الكشف للرياض ولا كتبت الرغبات بس خيره انشالله
بغيت أسالك وياليت اللي تقدر تفيدني من البنات التبخل علي
اول مره اعرف عن توقيع تعهد بعدم أخذ إجازة رعاية مولود واللي مثلي متوقع انشالله ولادتها فالشهور الاولى من الدوام وش ترقع بعمرها حرام عليهم بعدين هذا الزامي في كل الإدارات التعليميه ولا الخرج بس هم اللي سووها
افيدوني الله يجزاكم خير

الله يتمم لك حبيبتي ع خير
حبيت أفيدك انو إجازة الأمومة تختلف
عن إجازة الوضع ف تطمني ..

لووزز
22-05-2012, 09:38 PM
سبحان الله وبحمده سبحان الله العظيم

جرووووح
22-05-2012, 10:20 PM
يااااارب
يسر لنا كل أمر عسر ..

بنت الأصووول
22-05-2012, 10:25 PM
السلام عليكم ورحمة الله وبركاته



ألف مبرووووك لكل اللي تعينو وعقبال الباقين ان شاء الله ....



أنا من الرياض وتخصصي علوم وطلع التعيين ابها
ومين يبادلني له مبلغ مالي بس انقل للرياض او الخرج ....

أرجووو الرد للي يبي او يعرف احد محناج يبادل ..

من فرج عن مسلم فرج الله عنه يوم القيامة ..:cry::cry:

اللي جاد يتواصل معي على الخاص للتفاهم ,,

الللي تبي تفاهم ترسلي رقمها ع خاص انتظركم

معلمة حديثة
22-05-2012, 10:44 PM
بالنسبة للرغبات

قالو لازم تحطين حسب القطاعات

وانتم يا اهل الرياض رتبنا لكم الرغبات حسب قربها من الرياض

اكتبوها زي مارتبناها وعددها خمسة

1- الخرج
2 الدلم
3- هجر الخرج
4 - القاعدة الجوية
5 - هجر الدلم

يعني ما تحطين اسماء القرى فقط القطاعات

وبنفس الورقة كاتبين أتعهد انني ما آخذ إجازة استثنائية ولا رعاية مولود أثناء السنة الأولى التجربة

والحمد لله على السلامة والعافية

طلعت من الخرج 10 صباحا والجو زين والطريق ممتاز والزحمة بدت من عند مخرج 13 تقريبا لأني متوجهة لشمال الرياض

عقبالكم جميعا تخلصون وترتاحون وننتظر النتائج والتوجيه بفارغ الصبر


حبيبتي اش اخترتي
واش الافضل

يعني الرفايع والهياثم تبع اي منطقة

الكاسر البتار
22-05-2012, 11:50 PM
لو سمحتم يابنات بنات العربي ( متوسط وثانوي )
اللي سووا المقابلة . اذا ما عليهم امر يعلمونا الاسئلة كيف كانت وطبيعتها
والاملاء اذا قدرت تعلمنا ايش هوه بالضبط


الله يوفقها دنيا واخره من تجاوب على اسئلتي .والله مرررررررره خايفه ومتوترة من المقابلة واتمني احد يطمنا

دموع عاطلة
23-05-2012, 12:14 AM
صباحكم ورد بنات من قابلت عند اللجنه الاولي في الخرج وتخصصها دين ابتدائي تحكي لنا عن اللي صار معها بالتفصيل الممل وايش هي الاسئله ولها دعوه من صمصوم فلبي

دموع عاطلة
23-05-2012, 12:17 AM
بنات الخرج فزعتكم ايش القري والهجر القريبه لحي العاليه بالخرج
لاني من الرياض وبسكن هناك الله يحقق اماني اللي ترد علي ويوفقها

ام الشيخان
23-05-2012, 12:53 AM
بنات الله يوفقكم اللي قسم علوم ورياضيات ابتدائي وسوت مقابله تعلمنا وش صار ووش الاسئله الله يرزقها ماتتمنى

زهور وشوق
23-05-2012, 01:19 AM
بنات انا من اللجنه الثانيه وعملت المقابله اليوم وكانو مره حبوبات بس شوي اسئلتهم صعبه يعني سالو عن الظواهر الايجابيه والسلبيه في المجتمع وسالو عن كيفية القضاء على تسول الاطفال وسالو عن طرق التدريس وسالو عن الطالبه الكسوله في الفصل وسالو عن قمة الخليج مالذي تم من خلاله وماالذي توصلو له وسالو عن لو كبت عليك طالبه كوب مويه وش ردة فعلك :c وهي قاصده هذا الفعل وسالو عن استخدام الكمبيوتر في التعليم وسالو عن الارهاب وكيف :cry:نحاربه وسالو عن لو جتك طالبه وقالت شرحك مو زين ماهي ردة فعلك :m وبعدها اعطوني كتاب وقالو اقريه وبعدها قالو روحي خذي ورقة الفحص الطبي وعبي الرغبات بس فيه شي ماعجبني الرغبات تكتبها غصب هم اللي كاتبين القرى قلت ما ابي اكتب اللي كتبتوها قالت كانتس مستغنيه عن التعيين اكتبي اللي تبينه:mad: يعني لاتتعبون وتجلسون تدورن قرى الله ييستر من التوجيه بصراحه عصبت مره ليه كذا:cry: * بنات دعواتكم ليه جالسه اكتب لكم والله تعبانه من الصداع النصفي صار ليه شهر على هذا الوضع يارب اشفني شفاء لايغادره سقم
مشكوره ياقلبي الله يجزاك خير ويشفيك يارب العالمين ماقصرتي:h:rolleyes: بس فعلا اسئلتهم شويه صعبة انا من اللجنة الثانية الله يستر :m

ذوق الذوق
23-05-2012, 02:18 AM
زهور وشوق العفو ولو ماسويت شي والله يجزاك خير على الدعوات والله ييسر لك يارب

طرفة
23-05-2012, 01:29 PM
انا تخصصي تربية فنية تعينت في الخرج الي تبي الخرج وتبادلني بالرياض ولا حريملا اوملهم اوالعيينة انا مستعدة.

وديساس
23-05-2012, 02:16 PM
:d:dمرحبابنات،،،
أناتخصصي علوم ورياضيات تعينت بالخرج وخلصت المقابله اليوم الحمدلله
وماكنت متوقعتهاكذاأبدا صراحه كل شي تمام مشت اموري من احسن مايكون
طبعاً وصلت ع الساعه سبع وطلعت فوق ودخلت بغرفه اعطوني فيها ملف علاق اخضر ومجموعة
أوراق اعبيهاطبعاًالموظفه رتبتهالي بالملف واعطتني قلم وقالت روحي عبيهابالغرفه الثانيه رحت وعبيتها
ولماخلصت وديتهالغرفة المطابقه طابقوهالي وطلعت بالانتظار لمانادواع رقمي
دخلت ع لجنة المقابلات كانواعبارة عن ثلاث موظفات صراحه قمه في التعامل وبشوشات
اول ماجلست اخذوامني ورقة البيانات وورقه ثانيه وطلبوامني اتكلم عن السيره الذاتيه (اسمي والكليه اللي تخرجت منها
وبعدالتخرج اش سويت وكم سنه جلست بعدالتخرج وهل توظفت قبل كذا)
وبعدهاسألتني عن طريقة التعامل مع الطالبه الضعيفه
وعن طرق التدريس الحديثه
وسالوني هل استخدم الحاسب الالي وهل اخذت دورات في الحاسب
وأيضاًسألوني عن القمه الخليجيه ونتائجها
وعن المناسبه اللي احتفلت فيهااليابان أمس
أعطوني كتاب قريت منه اربع اسطر واعطتني ورقه وطلبت مني
أكتب عن فائدة مادة الرياضيات في الحياة
وسألوني عن رأيي في الانتداب
وأيضاًقالت لي لوطالبه عندك قالت لك أنتي نامصه يااستاذه والنمص حرام اش رح تردي عليها
(طبعاًسبب السؤال هذااني كنت مشقره حواجبي:d
باختصاريابنات المقابله حاجه سهللللله مرررررره عكس ماكنت متوقعه وفوق هذاروتينيه
والدليل اسألة الموظفات غير معده مسبقاًومايركزون كثير ع الاجابات ولايبونك تطولين الاجابه
وسلااااااامتكم
وبالتوفيق للجميع
ودعواتكم
:)

ام روان
23-05-2012, 02:24 PM
الله يوفقك وديساس

تستاهلين احلى تقييم

ربي وووفقني
23-05-2012, 03:04 PM
وديساس ماشاء الله عالبركه انجزتي المهمه عقبالنا يارب الله يوفقنا يارب عاد كنت ناوية اشقر حواجبي شكلي بأجلها لبعد المقابلة ههههه

ربي وووفقني
23-05-2012, 03:06 PM
بنات هذا رابط عن طرق التدريس الحديثة مره حلو ويفتح النفس للقراءة
http://users2.nofeehost.com/xaouen/Exposes/Torok-tadriss.ppt

حاسب وبطالة
23-05-2012, 06:45 PM
منكم نستفيد
أنا من الدفعة الرابعة وتعييني بإذن الله بالخرج

الله يوفقكم يابنات ويتمم أموركم على خير.

ربي وووفقني
23-05-2012, 09:13 PM
الللهم امين ويوفقك يارب ويسهل امورك ان شاء الله

عبير عبدالعزيز
23-05-2012, 09:14 PM
اللهم لك الحمد حتى ترضى ولك الحمد بعد الرضا ولك الحمد اذا رضيت

موعد مقابلتي الساعه 11 صباحا في منطقة الخرج
اللجنه الثالثه ..
التخصص رياض اطفال

وصلت في تمام الساعه 9 وخمس واربعين دقيقه

طاعت الدور الثاني ((المقابلات في الدور الثاني ))

تدخلين الغرقه الاولى توقعين عند اسمك يعطونك رقم
ومقسمين على حسب اللجان الوان للارقام مثلا اللجنه الثالثه

اللون زهر .. جدا مرتبين ومنظمين التعامل اكثر من رائع ربي يسعدهم

بعد كذا يعطونك ورقتين تعبينهم ومخصصين موظفه رائعه تساعدك في التعبيئه

بعدين تجي موظفه خاص بالمطابقه والتصديق على الاوراق وتروحين معها لغرفه

تجلسين تطابق الاصل مع الصور وترتب الملف وتختمهم

ملاحظات في هذي المرحله :- دفتر العائله الصغيره يجب ان يكون مصور من الامام والخلف
بطاقة الاحوال تغني عن دفتر العائله
اخذو مني السجل المدني وقالوا انه مو الزامي بس اللي معها ياخذونه
اللي صلحت لي اوراقي انسانه راقيه بمعنى الكلمه

بعد كذا دخلت اوراقي على لجنة المقابلات وجلست انتظر ينادون لي
بحكم اني جايه بدري على طول دخلت

كان في طاوله كبير عليها اربع موجهات كل موجهتين يسالون وحده
بدت معي موجهة رياض الاطفال


عرفي عن نفسك ؟
تكلمي عن سياسة التعليم في المملــكه ؟
عددي الاركان ؟
اللقاء الاخير تكلمي عنه؟
طبعا راح يواجهك فصل في مبنى مستأجر كيف راح تتعاملين مع هذا الوضع؟
قبل اسبوع صار حدث مهم في الرياض ؟ايش هو وتكلمي عنه؟
كثر في توتر وافيس بوك الحديث عن الذات الالهيه وسب الرسول كيف تتعاملين لوصار نقاش في غرفة المعلمات ؟
راح يجيك ناس كثير يقولون رياض الاطفال مو مهم ((هنا حاولت تستفزني وهي تبتسم عن عدم اهمية رياض الاطفال ))
الحاسب هل تعرفين تتعاملين معه وكيف توظفينه في مجال رياض الاطفال


تقريبا هذي هي الاسئله ..

بعد كذا اعطوني ورقه ورجعت للغرفه الاولى اعطيتها لهم واعطوني الكسف الطبي وورقه تعبين فيها الرغبات

وبعدين رحت للمستشفى الملك خالد خلصت منه ورجعت اعطيتهم الورقتين دعو لي بالتوفيق وسألتها كيف راح تعرف
في مدرسه احنا قالت راح نستدعيكم

رجعت لبيتي في تمام الساعه 3 ونص العصر
دعواتكم حبايب قلبي

ربي وووفقني
23-05-2012, 09:57 PM
الله يوفقك ياعبير والله أنا مررره خايفه ماادري ليه الله يسهل كل امورنا اهم شئ خلصتي عقبالي وعقبال الجميع

عبير عبدالعزيز
23-05-2012, 10:22 PM
الله يوفقك ياعبير والله أنا مررره خايفه ماادري ليه الله يسهل كل امورنا اهم شئ خلصتي عقبالي وعقبال الجميع

لاتخافين ياقلبي الموضوع مره سهل

<< قاعده اشرب عصفر قبل المقابله بيوم:i

جتني حاله خوف مو طبيعيه :m

والحمدلله عدت على خير:ash:

ثمن حياتي
23-05-2012, 10:50 PM
الله يوفقكم يااارب

حاسب وبطالة
23-05-2012, 10:52 PM
حبيت أسألكم بنات الوثيقة الأصل ما يأخذونها؟

طال انتظاري
24-05-2012, 01:25 AM
:d:dمرحبابنات،،،
أناتخصصي علوم ورياضيات تعينت بالخرج وخلصت المقابله اليوم الحمدلله
وماكنت متوقعتهاكذاأبدا صراحه كل شي تمام مشت اموري من احسن مايكون
طبعاً وصلت ع الساعه سبع وطلعت فوق ودخلت بغرفه اعطوني فيها ملف علاق اخضر ومجموعة
أوراق اعبيهاطبعاًالموظفه رتبتهالي بالملف واعطتني قلم وقالت روحي عبيهابالغرفه الثانيه رحت وعبيتها
ولماخلصت وديتهالغرفة المطابقه طابقوهالي وطلعت بالانتظار لمانادواع رقمي
دخلت ع لجنة المقابلات كانواعبارة عن ثلاث موظفات صراحه قمه في التعامل وبشوشات
اول ماجلست اخذوامني ورقة البيانات وورقه ثانيه وطلبوامني اتكلم عن السيره الذاتيه (اسمي والكليه اللي تخرجت منها
وبعدالتخرج اش سويت وكم سنه جلست بعدالتخرج وهل توظفت قبل كذا)
وبعدهاسألتني عن طريقة التعامل مع الطالبه الضعيفه
وعن طرق التدريس الحديثه
وسالوني هل استخدم الحاسب الالي وهل اخذت دورات في الحاسب
وأيضاًسألوني عن القمه الخليجيه ونتائجها
وعن المناسبه اللي احتفلت فيهااليابان أمس
أعطوني كتاب قريت منه اربع اسطر واعطتني ورقه وطلبت مني
أكتب عن فائدة مادة الرياضيات في الحياة
وسألوني عن رأيي في الانتداب
وأيضاًقالت لي لوطالبه عندك قالت لك أنتي نامصه يااستاذه والنمص حرام اش رح تردي عليها
(طبعاًسبب السؤال هذااني كنت مشقره حواجبي:d
باختصاريابنات المقابله حاجه سهللللله مرررررره عكس ماكنت متوقعه وفوق هذاروتينيه
والدليل اسألة الموظفات غير معده مسبقاًومايركزون كثير ع الاجابات ولايبونك تطولين الاجابه
وسلااااااامتكم
وبالتوفيق للجميع
ودعواتكم
:)


الحمد لله على السلامة ورب العالمين يوفقك وييسر كل أمورك
مشكووورة أختي على التفاصيل

طال انتظاري
24-05-2012, 01:31 AM
اللهم لك الحمد حتى ترضى ولك الحمد بعد الرضا ولك الحمد اذا رضيت

موعد مقابلتي الساعه 11 صباحا في منطقة الخرج
اللجنه الثالثه ..
التخصص رياض اطفال

وصلت في تمام الساعه 9 وخمس واربعين دقيقه

طاعت الدور الثاني ((المقابلات في الدور الثاني ))

تدخلين الغرقه الاولى توقعين عند اسمك يعطونك رقم
ومقسمين على حسب اللجان الوان للارقام مثلا اللجنه الثالثه

اللون زهر .. جدا مرتبين ومنظمين التعامل اكثر من رائع ربي يسعدهم

بعد كذا يعطونك ورقتين تعبينهم ومخصصين موظفه رائعه تساعدك في التعبيئه

بعدين تجي موظفه خاص بالمطابقه والتصديق على الاوراق وتروحين معها لغرفه

تجلسين تطابق الاصل مع الصور وترتب الملف وتختمهم

ملاحظات في هذي المرحله :- دفتر العائله الصغيره يجب ان يكون مصور من الامام والخلف
بطاقة الاحوال تغني عن دفتر العائله
اخذو مني السجل المدني وقالوا انه مو الزامي بس اللي معها ياخذونه
اللي صلحت لي اوراقي انسانه راقيه بمعنى الكلمه

بعد كذا دخلت اوراقي على لجنة المقابلات وجلست انتظر ينادون لي
بحكم اني جايه بدري على طول دخلت

كان في طاوله كبير عليها اربع موجهات كل موجهتين يسالون وحده
بدت معي موجهة رياض الاطفال


عرفي عن نفسك ؟
تكلمي عن سياسة التعليم في المملــكه ؟
عددي الاركان ؟
اللقاء الاخير تكلمي عنه؟
طبعا راح يواجهك فصل في مبنى مستأجر كيف راح تتعاملين مع هذا الوضع؟
قبل اسبوع صار حدث مهم في الرياض ؟ايش هو وتكلمي عنه؟
كثر في توتر وافيس بوك الحديث عن الذات الالهيه وسب الرسول كيف تتعاملين لوصار نقاش في غرفة المعلمات ؟
راح يجيك ناس كثير يقولون رياض الاطفال مو مهم ((هنا حاولت تستفزني وهي تبتسم عن عدم اهمية رياض الاطفال ))
الحاسب هل تعرفين تتعاملين معه وكيف توظفينه في مجال رياض الاطفال


تقريبا هذي هي الاسئله ..

بعد كذا اعطوني ورقه ورجعت للغرفه الاولى اعطيتها لهم واعطوني الكسف الطبي وورقه تعبين فيها الرغبات

وبعدين رحت للمستشفى الملك خالد خلصت منه ورجعت اعطيتهم الورقتين دعو لي بالتوفيق وسألتها كيف راح تعرف
في مدرسه احنا قالت راح نستدعيكم

رجعت لبيتي في تمام الساعه 3 ونص العصر
دعواتكم حبايب قلبي

الحمد لله على سلامتك عبير ربي يوفقك وييسر أمورك
ما شاء الله عليكم كلكم عطيتونا التفاصيل وطمنتونا
الله يوفق الجميع إن شاء الله

اتكاءة حرف
24-05-2012, 02:05 AM
معليش يعني وش هذا السؤال !!!!!

اش اللي صار في اليابان ؟؟!!!

هذا السؤال بالله وش بيفيدني فيه يعني ؟

ماأصير معلمة إلا لازم أعرف أحداث الساعة ؟

أنا وحدة قاطعت السياسة والأخبار وكل مايتعلق بضيقة الصدر لو سألوني وش بجاوب ؟

استغفر الله بس

معلمة لغة
24-05-2012, 02:44 AM
مبررررررررروك التعيين و الله يسهل علينا وعليكم يا بنات

ام الشيخان
24-05-2012, 03:20 AM
باطال انتظاري يعني ماسالوك ابد عن الرياضيات

انعكاس
24-05-2012, 03:29 AM
يالله يابنات وش هالاسئله ..!

عسى مايصير موعد مقابلتي واتنح من كثر ماقريت راسي قام يفتر ..!!!

عبير عبدالعزيز
24-05-2012, 05:05 AM
الحمد لله على سلامتك عبير ربي يوفقك وييسر أمورك
ما شاء الله عليكم كلكم عطيتونا التفاصيل وطمنتونا

الله يوفق الجميع إن شاء الله



الله يسلم عمررررررررررررك يارب

الله يسهل لكم جميعااااااااااااااا يارب

عبير عبدالعزيز
24-05-2012, 05:07 AM
يالله يابنات وش هالاسئله ..!

عسى مايصير موعد مقابلتي واتنح من كثر ماقريت راسي قام يفتر ..!!!


هدي بالك ياقلبي انا والله العظيم نفسك بس ركزت على اسئلة البنات
يعني والله ماكنت اعرف انه الحدث المهم اللي صار قبل اسبوع هو القمه الخليجيه بعدين سويت بحث عنها وجلست اقرى وش صار فيها وسبحان الله جتني نفسها

طال انتظاري
24-05-2012, 08:40 AM
باطال انتظاري يعني ماسالوك ابد عن الرياضيات

عزيزتي شكلك غلطانة :)
أنا لغة عربية وعلوم اجتماعية وتوني ما بعد سويت المقابلة
الله يوفقك وييسر أمرك

ربي وووفقني
24-05-2012, 11:50 AM
يالله يابنات وش هالاسئله ..!

عسى مايصير موعد مقابلتي واتنح من كثر ماقريت راسي قام يفتر ..!!!
هههههه وربي نفس الحاله الله يعين كل ماشفت شئ رحت اشوف الاجابة راسي بينفجر

ربي وووفقني
24-05-2012, 11:51 AM
طال انتظاري متى مقابلتك

احلام انثى
24-05-2012, 12:41 PM
ايش ذكرى اليابان؟؟
الي اعرفه قبل فتره احتفلت بذكرى تسونامي وانهم اعادوا اعمار ٩٠٪من الاضرار الي صارت بسببه

طال انتظاري
24-05-2012, 01:28 PM
طال انتظاري متى مقابلتك

متأخرة يوم السبت 12-7 بإذن الله
إنت ايش تخصصك ومتى مقابلتك ؟؟
ربي ييسر أمور الجميع إن شاء الله

جرووووح
24-05-2012, 02:03 PM
يسعد أوقاتكم جميعاا
ماشالله ع اللي خلصوا مقابلة الله يبارك لكم
واحنا الباقين الله يوفقنا ..
طبعا كلنا متوترين .. بس اللي أشوفه ان الأسئلة
سهلة ومريحة فلازم نريح انفسنا ونبعد عن التوتر
ولازم نراجع المادة العلمية كل ف تخصصة لأن هذا الشي مهم لنا بكرة إذا ان شالله تعينا
ولاتنسون أخواتي إنها أمانه أوكلنا إليها
نسأل الله العون والسداد
وفالكم التوفيق ..

ربي وووفقني
24-05-2012, 02:52 PM
هلا طال انتظاري تخصصي لغة عربية وعلوم اجتماعية مقابلتي بإذن الله في ٧/٧الله ييسر امرنا جميعا

زهور وشوق
24-05-2012, 04:14 PM
الحمدلله على سلامتك ياعبير الله يوفقك ويجزاك حير
يابنات ياحلوات ايش اجابة سؤال اليابان ؟؟ وسياسه التعليم في المملكه ؟ اقول انها مبنيه على العقيدة والتوحيد صح او ايش الاجابة ؟؟

طال انتظاري
24-05-2012, 11:53 PM
هلا طال انتظاري تخصصي لغة عربية وعلوم اجتماعية مقابلتي بإذن الله في 7/7الله ييسر امرنا جميعا

يعني كلنا نفس التخصص
آمين _ ربي ييسر أمورنا وأمور الجميع إن شاء الله

معلمة حديثة
24-05-2012, 11:54 PM
سبحان الله وبحمده
سبحان الله العظيم

معلمة حديثة
24-05-2012, 11:56 PM
يا بنات عرفتوووا اش هي الهجر التابعة للدلم
والهجر التابعة للخرج

بحثت بالنت ولا لقيت اجابة شافية


يعني انا ودي بالهجر
بس اش اقرب للرياض هر الدلم او الخرج

ةالرفايع تبع اي هرة الخرج ولا الدلم

جرووووح
24-05-2012, 11:57 PM
ياارب يسر لي ولوخيااتي

وفاء المتفائله
25-05-2012, 12:06 AM
معلمة حديثة .. اذا كنت من الرياض راح تكون هجر الدلم بعيدة عليك .. وحدة من صديقاتي تعرف المنطقة رتبتها حسب القرب من الرياض بهذا الترتيب :
هجر الخرج ( الرفايع ـ الرفيعة ـ هيت ...)
بعدين الخرج
بعدين الدلم
بعدين هجر الدلم
بعدين القاعدة الجويه ( مدخلها بعيد غير التفتيش في الخول والخروج ) ..

معلمة حديثة
25-05-2012, 12:12 AM
معلمة حديثة .. اذا كنت من الرياض راح تكون هجر الدلم بعيدة عليك .. وحدة من صديقاتي تعرف المنطقة رتبتها حسب القرب من الرياض بهذا الترتيب :
هجر الخرج ( الرفايع ـ الرفيعة ـ هيت ...)
بعدين الخرج
بعدين الدلم
بعدين هجر الدلم
بعدين القاعدة الجويه ( مدخلها بعيد غير التفتيش في الخول والخروج ) ..


الله يسعد قلبك يارب
وييسر امرك
ويصلح لك نيتك وذريتك

يعني اعتمد اختار ان شاء الله
هجر الخرج
الخرج
الدلم

كنت محتااااارة مره

طال انتظاري
25-05-2012, 12:18 AM
يا بنات عرفتوووا اش هي الهجر التابعة للدلم
والهجر التابعة للخرج

بحثت بالنت ولا لقيت اجابة شافية


يعني انا ودي بالهجر
بس اش اقرب للرياض هر الدلم او الخرج

ةالرفايع تبع اي هرة الخرج ولا الدلم


عزيزتي شوفي هذا الرابط كانت حاطته وحدة من العضوات الله يعافيها
هو دليل عن مدارس اللملكة استفدت منه
تحطين إدارة المنطقة ونوع التعليم ( حكومي - بنات - ابتدائي ....

الخرج 52 مدرسة
الدلم 13
الخرج لها ثلاث هجر
وراح تلاحظين إن المناطق التابعة للخرج فيها إما مدرسة أو مدرستين ابتدائي

http://info.moe.gov.sa/schools/

إن شاء الله إذا لقيت أي معلومات عن الهجر راح أنزلها هنا .

طال انتظاري
25-05-2012, 12:22 AM
معلمة حديثة .. اذا كنت من الرياض راح تكون هجر الدلم بعيدة عليك .. وحدة من صديقاتي تعرف المنطقة رتبتها حسب القرب من الرياض بهذا الترتيب :
هجر الخرج ( الرفايع ـ الرفيعة ـ هيت ...)
بعدين الخرج
بعدين الدلم
بعدين هجر الدلم
بعدين القاعدة الجويه ( مدخلها بعيد غير التفتيش في الخول والخروج ) ..

الله يجزاك كل خير أختي
ما كنت أعرف ترتيب المناطق حسب قربها

زهور وشوق
25-05-2012, 12:52 AM
يا بنات عرفتوووا اش هي الهجر التابعة للدلم
والهجر التابعة للخرج

بحثت بالنت ولا لقيت اجابة شافية


يعني انا ودي بالهجر
بس اش اقرب للرياض هر الدلم او الخرج

ةالرفايع تبع اي هرة الخرج ولا الدلم
بنات مو وحده قالت انه احنا مانكتب رغبات :m:mمو على كيفنا:eek: اهم مرتبينها لنا "P

معلمة حديثة
25-05-2012, 03:03 AM
لا حبيبتي هي قالت اعطوها خمس مناطق فقط

وقالوا اختاري ثلاث

وحطت لنا الخيارات اللي هي
الخرج
هجر الخرج
الدلم
هجر الدلم
القاعدة الجوية

انعكاس
25-05-2012, 03:16 AM
يالله يابنات شدو حيلكم اللي مقابلاتهم الاسبوع الجاي تعلمنا ..

خصوصا حقين العربي والعلوم الاجتماعيه ..

والله اكثر شيء شايله همه مو المقابله .. شايله هم المكان ..

خصوصا احنا يالابتدائي وضعنا بالهجر اكثر شيء ..والنقل مشاكله ماتخلص ..
واغلبنا متوزعين بالرياض .. يعني تجمع للنقل صعب ..
افكر ازيد راتب سواقنا الخاص واخليه ينقلني ..


يارب تيسرها على الجميع ...

اللماسه
25-05-2012, 11:25 AM
يا بنات الي في اللجنه الثانيه بالخرج وسوت مقابله تفيدنا وهل فيه اسئله تحريريه

اللماسه
25-05-2012, 11:28 AM
وش هي هجر الدلم

الكاسر البتار
25-05-2012, 01:36 PM
سلام

اخباركم جميعا معلمات المستقبل الله يعافيها اللي سوت مقابلة عند اللجنة الثالثة يعلمون عن اخلاقهم كيف ��
واسئلتهم صعبه او لا. ��وبالذات تخصص عربي متوسط وثانوي


بعدين بسالكم عنالاوراق المطلوبة �� بالضبط وكم نسخه واي ملف يفضلون �� العلاقي الاخضر
او الملف الشفاف . لاني برتب اوراقي واجهزها بملف قبل ما اروح المقابله

الله يجزاكم ويرزقني واياكم التعيين ������

ربي وووفقني
25-05-2012, 02:10 PM
سمعت ان كل شئ نسختين انا باخذ ثلاث احتياط وملفين اخضر علاقي وبالنسبة لك ياانعكاس والله صادقه المشكله بالهجر خصوصا حنا حقين ابتدائي لكن الشكوى لربنا الله يرحم ضعفنا واللجنة الثانيه يقولوا طيوبات بس الاسئلة صعبه انا اللجنة الثانيه الله يعين والله شايله هم

احلام انثى
25-05-2012, 02:26 PM
بنات مين يعرف عن الصحنه في الدلم
كم تبعد عن الرياض وهل خطها سريع يعني من الرياض الى الصحنه مباشره ولا فيها دخلات
ودي اخذ فكره عنها لانها ابعد منطقها يمكن اتعين فيها ان شاء الله

جرووووح
25-05-2012, 02:55 PM
سؤالي هل راح يكون فيه مفاضلة
ف التوزيع ع قرى وهجر الخرج
أو ع أي أساس يكون التوزيع ..؟؟

ربي وووفقني
25-05-2012, 03:49 PM
احلام انثى مررره واضحه ومافيه حوسه ولازحمات يارب يارب اتعين فيها يازينها بس كل قريباتي يدرسن فيها يعني اطلعي من الرياض وسيدا لحد مايجيك الكبري خذي يمين وسيدا يجيك اشارتين وحياك فيها

احلام انثى
25-05-2012, 04:19 PM
زيين الله يجزاك خير

احلام انثى
25-05-2012, 06:04 PM
معليش سؤال غبي وادري تكرر كم مره
وش الفرق بين استراتيجيات التعليم وطرق التدريس
الي اكره وحده فيها القبعات الست ووحده فيها العصف الذهني
ياليت الي تذكرها تقولها

زهور وشوق
25-05-2012, 07:33 PM
معليش سؤال غبي وادري تكرر كم مره
وش الفرق بين استراتيجيات التعليم وطرق التدريس
الي اكره وحده فيها القبعات الست ووحده فيها العصف الذهني
ياليت الي تذكرها تقولها
]استراتيجية التدريس[/U] خطة تشمل إجراءات منظمة يقوم بها المعلم وطلبته لتحقيق مجموعة من الأهداف التعليمية اللازمة لتنفيذ الموقف التعليمي وذلك من خلال مجموعة من طرق التدريس
طرق التدريس هي العملية التي يوصل بها المعلم المعلومة إلى الطالب ، ومن أمثلتها :- طريقة االتعليم التعاوني ، طريقة العصف الذهني ، ،... الخ .

زهور وشوق
25-05-2012, 07:37 PM
استراتيجية التدريس خطة تشمل إجراءات منظمة يقوم بها المعلم وطلبته لتحقيق مجموعة من الأهداف التعليمية اللازمة لتنفيذ الموقف التعليمي وذلك من خلال مجموعة من طرق التدريس
طرق التدريس هي العملية التي يوصل بها المعلم المعلومة إلى الطالب ، ومن أمثلتها :- طريقة االتعليم التعاوني ، طريقة العصف الذهني ، ،... الخ .

ثمن حياتي
25-05-2012, 09:40 PM
رفع للفائده

ام الشيخان
25-05-2012, 10:47 PM
والله تعبت وانا اسال ومحد يرد اللي قسم علوم ورياضيات وسوت مقابله تعلمنا وش اسئلة التخصص جعلكم بالجنه ردو

احلام انثى
25-05-2012, 11:13 PM
يالبي قلبك يا زهور وشوق الله يجزاك خير
يعني اذا سئلتني عن الاستراتيجيه اعرفها ثم اذكر الطرق

زهور وشوق
25-05-2012, 11:50 PM
احلام انثى متى مقابلتك ؟

انعكاس
26-05-2012, 01:18 AM
سمعت ان كل شئ نسختين انا باخذ ثلاث احتياط وملفين اخضر علاقي وبالنسبة لك ياانعكاس والله صادقه المشكله بالهجر خصوصا حنا حقين ابتدائي لكن الشكوى لربنا الله يرحم ضعفنا واللجنة الثانيه يقولوا طيوبات بس الاسئلة صعبه انا اللجنة الثانيه الله يعين والله شايله هم

الله يسمع منك ويكونون طيبات ..

ياخوفي بس يجيبون اسئله مدري وش يحسون فيه ..

بغيت اسئلكم يابنات ..

تكامل الحين مطلع بجنب الطلب طباعه الفحص الطبي والتعهد تبع التعين ..

فيه اسمك ورقم هويتك ..

مدري هو ينفع اطبعه واعبيه من البيت وارتب ملفي من الان ..

واسوي الفحص لطبي ثم اروح لهم واختصر الوقت والا كيف ...!!

دامهم منزلين الفحص صوره منه معناته اروح قبل التوجيه اسويه واخلص وجيبه معايا مره وحده وافتك .. بدال مارواح وارجع واروح ...

مدري احد مر على تكامل وشاف الوضع ..

وياليت تفيدونا يابنات ورقة الكشف الطبي تختم اول من التوجيه بعدين اروح المستشفى والا اختمها من المستشفى بعدين ختم التوجيه .. لان الورقه جاهزه بالموقع ..!!!

اللي تبي تأكد تروح بتحصلها منزلينها ..


ويابنات ترتيب الملف شلون ... شريت اخضر علاقي .. :eek:

احلام انثى
26-05-2012, 01:43 AM
انا مقابلتي الاحد ان شاء الله اللجنه الاولى بروح بدري عشان يمديني اسوي الفحص
وارجع لبيتي بدري ادعولي بالتوفيق وكل البنات الي معي

2012
26-05-2012, 01:44 AM
استغفر الله استغفر الله استغفر الله.

عبير عبدالعزيز
26-05-2012, 03:49 AM
الله يسمع منك ويكونون طيبات ..

ياخوفي بس يجيبون اسئله مدري وش يحسون فيه ..

بغيت اسئلكم يابنات ..

تكامل الحين مطلع بجنب الطلب طباعه الفحص الطبي والتعهد تبع التعين ..

فيه اسمك ورقم هويتك ..

مدري هو ينفع اطبعه واعبيه من البيت وارتب ملفي من الان ..

واسوي الفحص لطبي ثم اروح لهم واختصر الوقت والا كيف ...!!

دامهم منزلين الفحص صوره منه معناته اروح قبل التوجيه اسويه واخلص وجيبه معايا مره وحده وافتك .. بدال مارواح وارجع واروح ...

مدري احد مر على تكامل وشاف الوضع ..

وياليت تفيدونا يابنات ورقة الكشف الطبي تختم اول من التوجيه بعدين اروح المستشفى والا اختمها من المستشفى بعدين ختم التوجيه .. لان الورقه جاهزه بالموقع ..!!!

اللي تبي تأكد تروح بتحصلها منزلينها ..


ويابنات ترتيب الملف شلون ... شريت اخضر علاقي .. :eek:

حبيبتي هم يرتبون لك خلي الملف العلاقي فاضي وراح يطلبون منك الاوراق ويختمون عليها
لاتتوترين كل شئ سهل باذن الله
الخرج مرتبين جداااااااااااااااااااااااااااااااااااااااااااااا

مافي حوسات انتي بس جيبي اوراقك وملف اخضر علاقي والباقي سهلات
لاتطبعين شئ ولاتحوسين نفسك

كل شئ راح يعطونك اياه

ويساعدونك في تعبية البانات حاطين موظفه بشوووشه خاصه لهذا الشي

اي استفسار من عيوني

عبير عبدالعزيز
26-05-2012, 03:51 AM
انا مقابلتي الاحد ان شاء الله اللجنه الاولى بروح بدري عشان يمديني اسوي الفحص
وارجع لبيتي بدري ادعولي بالتوفيق وكل البنات الي معي


تفكير رائع كلما جيتي بدري خلصتي بدري

في الكشف اذا عملتيه في مستشفى الملك خالد على طول ادخلي من بوابة العيادات الخارجيه

بالتوفيق ياقلبي

عبير عبدالعزيز
26-05-2012, 03:53 AM
سلام

اخباركم جميعا معلمات المستقبل الله يعافيها اللي سوت مقابلة عند اللجنة الثالثة يعلمون عن اخلاقهم كيف 😏
واسئلتهم صعبه او لا. 😳وبالذات تخصص عربي متوسط وثانوي


بعدين بسالكم عنالاوراق المطلوبة 📝 بالضبط وكم نسخه واي ملف يفضلون 📩 العلاقي الاخضر
او الملف الشفاف . لاني برتب اوراقي واجهزها بملف قبل ما اروح المقابله

الله يجزاكم ويرزقني واياكم التعيين 🌟🌟🌟


تعاملهم حلووو ومريحات تطمني

نسخين من كل ورقه مطلوبه وملف واحد اخضر علاقي

احلام انثى
26-05-2012, 06:49 AM
تسلمين ياعبير :h:h
ان شاء الله اقدر اخلص المقابله والكشف بسرعه
يارب اكتب لنا الخير وين ما كان ويسر امرنا

جرووووح
26-05-2012, 06:54 AM
بالتوفيق لكل الأخوات
الله يسهل عليكم
وعقبالنا إن شاء الله ..
7/15

عبير عبدالعزيز
26-05-2012, 12:23 PM
تسلمين ياعبير :h:h
ان شاء الله اقدر اخلص المقابله والكشف بسرعه
يارب اكتب لنا الخير وين ما كان ويسر امرنا

ربي يسلمممممممممممك من كل شر

بانتظارك ياقلبي تطمنينا وش صار معك :rolleyes:

2012
26-05-2012, 01:32 PM
استغفر الله استغفر الله استغفر الله

غرشوبة
26-05-2012, 04:37 PM
السلام عليكم
كيفكم ان شاء الله بخير
بكر ه مقابلتي ان شاء الله في اللجنه الثالثه
تخصصي عربي وان شاء الله اوافيكم بالاخبار
بس عندي سؤال ممكن ترتبون لي القطاعات حقت الخرج
حسب قربها من الرياض الخرج هجر الخرج الدلم هجر الدلم القاعده الجويه

احلام انثى
26-05-2012, 05:23 PM
ياحبيلك ياغرشوبه
انتي رتبتيها بدون ما تدرين

وفاء المتفائله
26-05-2012, 08:10 PM
لاتقلقين غرشوبة اصلا الموظفات يعطونك المناطق مرتبة بس تعيدين كتابتها في ورقتين نفس الشي ويجاوبونك ع اي استفسار..
سويت اليوم مقابلتي عند اللجنة الاولى تخصصي دين ابتدائي ماخذوا الا ملف واحد اخضر علاقي وحطو فيه النسختين من الهويه والوثيقة والسجل ان وجد فقط (ما اخذو الخبرات والدورات غير مطلوبه) واوراق عبيتها من عندهم اخذت ملفي لغرفة المقابلة (اسئلة في الدين سطحيه جدا وسهلة او اني شاطرة زيادة عاللزوم ههههه واسئله تربويه مالها داعي بس تفلسفت ثم قريت مقطع من كتاب المعرفة واملتني اربع سطور بس ) ولمن خلصت المقابله اعطوني ورقة المشهد ضروريه وبعدها رحت اخذ ورقة الكشف الطبي طبعا كل مكان تدخلينة لاجراء معين توقعين في اوراق عندهم وبعد كذا رحت لمستشفى خالد من باب الطوارئ ووقعت ورقتي وختموها ورجعت لادارة التعليم اعطيهم ورقة الكشف وتم بحمد الله وتوفيقه ..
ملاااااحظة : سألتها متى المباشرة لأني مسافرة قالت روحي ماراح تجيكم رسايل المباشرة الا في شوال ويمكن بعد شوال
دعواتي لكم بالتوفيق جمييييعا

زهور وشوق
26-05-2012, 09:07 PM
لاتقلقين غرشوبة اصلا الموظفات يعطونك المناطق مرتبة بس تعيدين كتابتها في ورقتين نفس الشي ويجاوبونك ع اي استفسار..
سويت اليوم مقابلتي عند اللجنة الاولى تخصصي دين ابتدائي ماخذوا الا ملف واحد اخضر علاقي وحطو فيه النسختين من الهويه والوثيقة والسجل ان وجد فقط (ما اخذو الخبرات والدورات غير مطلوبه) واوراق عبيتها من عندهم اخذت ملفي لغرفة المقابلة (اسئلة في الدين سطحيه جدا وسهلة او اني شاطرة زيادة عاللزوم ههههه واسئله تربويه مالها داعي بس تفلسفت ثم قريت مقطع من كتاب المعرفة واملتني اربع سطور بس ) ولمن خلصت المقابله اعطوني ورقة المشهد ضروريه وبعدها رحت اخذ ورقة الكشف الطبي طبعا كل مكان تدخلينة لاجراء معين توقعين في اوراق عندهم وبعد كذا رحت لمستشفى خالد من باب الطوارئ ووقعت ورقتي وختموها ورجعت لادارة التعليم اعطيهم ورقة الكشف وتم بحمد الله وتوفيقه ..
ملاااااحظة : سألتها متى المباشرة لأني مسافرة قالت روحي ماراح تجيكم رسايل المباشرة الا في شوال ويمكن بعد شوال
دعواتي لكم بالتوفيق جمييييعا
مشكوره اختي وفاء المتفائلة :w
الله يوفقك احلام انثى

غرشوبة
26-05-2012, 09:45 PM
مشكورات ياحبايبي وفاء المتفائله واحلام انثي الله يوفقنا جميعا

راعية سواليف
26-05-2012, 10:00 PM
الله يعطيكم العافيه بصراحه ماقصرتوا الله يسر اموركم

حياة البراري
26-05-2012, 11:03 PM
سلام بنات


اليوم سويت مقابله

تخصصي لغه عربيه اللجنه الثالثه

انطباعي اللجنه كانوا 4 كلهم عسل ماعدا وحده الي هي حقت التخصص اعتقد بجد بايخه http://alqumaa.net/vb/images/smilies/77.gif

سالتني اسئله بالتخصص ونصهم معرفت اجاوبهم قالت ليش قلت 12 سنه متخرجه وتبيني اتذكر كل ي قالت حتى لووو لازم تذكرين وكانت مركزة باسئله التخصص
وكانت مصدقه نفسها مسوي فيها مهمه وفاهمهhttp://smilies.roro44.com/crazy/016.gif

ال 3 الباقين فديتهم عسسسسسسسسسسسسسسسسسسسسسسل كانوا مراعين الوضع



راح اكتب الاسئله الي اتذكرها احس ذبحوني بكثرة الاسئله

عرفي نفسك

اذا بتجين الخرج عن طريق نقل كيف ببتصرفين واذا سكنتي بعد كيف

سالتني عن الاسماء الموصوله http://smilies.roro44.com/happy/055.gif نسيتهم بالمررررررررررره خخخخخخخخخخخ

سالتني عن الاسماء الاشارة http://smilies.roro44.com/happy/055.gif كاني عرفتهم مو كلهم http://www.shooq4.com/vb/images/bb/24.png

سالتني عن اقسام الكلمه http://smilies.roro44.com/happy/023.gif عرفتها

سالتني عن اعراب بس اعراب وشو نسيتhttp://alqumaa.net/vb/images/smilies/77.gif

كيف تنمين حب الوطن بالطالباتhttp://www.*******.com/uploadcenter/uploads/01-2012/PIC-375-1325521678.gifابدعت بالخربطه قلت اصلا هم جايين من بيتهم يحبون الوطنhttp://smilies.roro44.com/happy/055.gif

المتنبي شاعر اي عصر http://smilies.roro44.com/happy/023.gifعرفته فديت نفسي

وش صار يالسعوديه من حدث هالشهرhttp://smilies.roro44.com/happy/023.gifعرفته البيعه

وسالتني عن قمه الخليج http://smilies.roro44.com/happy/055.gifوبعد عرفته اعجبكم

سالتني عن الحاسب وكيفك معهhttp://alqumaa.net/vb/images/smilies/77.gif

كيف راح تفرضين شخصيتك على الطالباتhttp://tl8h.com/uploads/images/tl8h-383cd52cfe.png

هذا الي اتذكر اعذروني

تصدقون احس اذا فيه استبعاد هذه راح تسبعدني حقت العربي http://store0.up-00.com/Apr10/vU641698.gifخخخخخخ

ربي وووفقني
27-05-2012, 12:46 AM
هههههه ياقلبي وسعي صدرك قولي لي علمي نفسك والله شايله هم مقابلة الاثنين الله يعين بس انتي تطمني اذا اعطوك ورقة الكشف الطبي فإن شاء الله بتباشرين قريب ربي يفرحك

انعكاس
27-05-2012, 01:05 AM
حبيبتي هم يرتبون لك خلي الملف العلاقي فاضي وراح يطلبون منك الاوراق ويختمون عليها
لاتتوترين كل شئ سهل باذن الله
الخرج مرتبين جداااااااااااااااااااااااااااااااااااااااااااااا

مافي حوسات انتي بس جيبي اوراقك وملف اخضر علاقي والباقي سهلات
لاتطبعين شئ ولاتحوسين نفسك

كل شئ راح يعطونك اياه

ويساعدونك في تعبية البانات حاطين موظفه بشوووشه خاصه لهذا الشي

اي استفسار من عيوني



الله يسعدك ياعبير دنيا واخره ويجعل مثوى والدينك بالجنه ويعينك يارب عند باب بيتكم :d

انعكاس
27-05-2012, 01:11 AM
سلام بنات


اليوم سويت مقابله

تخصصي لغه عربيه اللجنه الثالثه

انطباعي اللجنه كانوا 4 كلهم عسل ماعدا وحده الي هي حقت التخصص اعتقد بجد بايخه http://alqumaa.net/vb/images/smilies/77.gif

سالتني اسئله بالتخصص ونصهم معرفت اجاوبهم قالت ليش قلت 12 سنه متخرجه وتبيني اتذكر كل ي قالت حتى لووو لازم تذكرين وكانت مركزة باسئله التخصص
وكانت مصدقه نفسها مسوي فيها مهمه وفاهمهhttp://smilies.roro44.com/crazy/016.gif

ال 3 الباقين فديتهم عسسسسسسسسسسسسسسسسسسسسسسل كانوا مراعين الوضع



راح اكتب الاسئله الي اتذكرها احس ذبحوني بكثرة الاسئله

عرفي نفسك

اذا بتجين الخرج عن طريق نقل كيف ببتصرفين واذا سكنتي بعد كيف

سالتني عن الاسماء الموصوله http://smilies.roro44.com/happy/055.gif نسيتهم بالمررررررررررره خخخخخخخخخخخ

سالتني عن الاسماء الاشارة http://smilies.roro44.com/happy/055.gif كاني عرفتهم مو كلهم http://www.shooq4.com/vb/images/bb/24.png

سالتني عن اقسام الكلمه http://smilies.roro44.com/happy/023.gif عرفتها

سالتني عن اعراب بس اعراب وشو نسيتhttp://alqumaa.net/vb/images/smilies/77.gif

كيف تنمين حب الوطن بالطالباتhttp://www.*******.com/uploadcenter/uploads/01-2012/PIC-375-1325521678.gifابدعت بالخربطه قلت اصلا هم جايين من بيتهم يحبون الوطنhttp://smilies.roro44.com/happy/055.gif

المتنبي شاعر اي عصر http://smilies.roro44.com/happy/023.gifعرفته فديت نفسي

وش صار يالسعوديه من حدث هالشهرhttp://smilies.roro44.com/happy/023.gifعرفته البيعه

وسالتني عن قمه الخليج http://smilies.roro44.com/happy/055.gifوبعد عرفته اعجبكم

سالتني عن الحاسب وكيفك معهhttp://alqumaa.net/vb/images/smilies/77.gif

كيف راح تفرضين شخصيتك على الطالباتhttp://tl8h.com/uploads/images/tl8h-383cd52cfe.png

هذا الي اتذكر اعذروني

تصدقون احس اذا فيه استبعاد هذه راح تسبعدني حقت العربي http://store0.up-00.com/Apr10/vU641698.gifخخخخخخ



سبحان الله لازم احد اقشر باللجنه ... :c

عاد اسئلة اللغه العربيه مشكله كيف بنسترجع .. :b
والله اقرى في القواعد والاسئله بس ماش المخ مو راضي يتفاهم معي ويطيعني يحفظ :k

ليه مايراعون شوي سنوات القعده بالبيت ويمشون بدال الاسئله اللي تسبب التبلد العقلي ..:r


شكلهم مو عارفين قد ايش انتظرنا جداره ومعاناتنا مع التقديم المفروض ام عشر سنوات وفوق يتجاوزون عنهم بالمقابلات :d ...

الله يوفقكم يابناااات يارب ... ويسعدكم بوظايفكم ويجعلها خير علينا ويكفينا شرها ...


ننتظر الباقين من البنات يعلمونا بالمستجدات ...:w

ام الشيخان
27-05-2012, 01:19 AM
ياناس ليش محد يجاوبني وشي الاسئله اللي سالوها لتخصص علوم ورياضيات تكفون ردو

ام الشيخان
27-05-2012, 01:22 AM
انتظر ردودكم علموني اسالة التخصص لقسم علوم ورياضيات

معلمة حديثة
27-05-2012, 02:01 AM
السلام عليكم
كيفكم ان شاء الله بخير
بكر ه مقابلتي ان شاء الله في اللجنه الثالثه
تخصصي عربي وان شاء الله اوافيكم بالاخبار
بس عندي سؤال ممكن ترتبون لي القطاعات حقت الخرج
حسب قربها من الرياض الخرج هجر الخرج الدلم هجر الدلم القاعده الجويه


وعليكم السلام

اختتتتي انا زيك عربي ومقابلتي في اللجنة الثالثة

وننتظرر منك الاخبار والاسئلة اللي جاتك

والله يوفقك يارب ويسهل امرك :w

طرفة
27-05-2012, 02:13 AM
الله ييسر الامور

احلام انثى
27-05-2012, 05:50 AM
دعواتكم اليوم مقابلتي

جرووووح
27-05-2012, 06:15 AM
دعواتكم اليوم مقابلتي

الله يسهل لك طريقك
وترجعين مبسوطة
وفاااااااالك التوفيق ...

طال انتظاري
27-05-2012, 07:28 AM
دعواتكم اليوم مقابلتي

رب العالمين يسهل لك طريقك ويوفقك
ويوفق الجميع

طال انتظاري
27-05-2012, 07:33 AM
لو سمحتوا اللي سوت مطابقة وعندها بطاقة أحوال أخذتها ولا أخذت دفتر العائلة ؟؟

زهور وشوق
27-05-2012, 09:24 AM
دعواتكم اليوم مقابلتي
الله يوفقك ويسر امرك يارب العالمين وتجون بالسلامة ان شاء الله
انا مقالبتي بكره ان شاء الله اللجنة الثانية خايفه ماحدى حكى عنها :c"P اللي سوت مقابله عند اللجنة الثانية ياليت تقول لنا الاسئلة ؟
ويابنات اكيد مايقولون على العبايات شئ بديت اوسوس :( ماعندي عباية راس ؟؟

حلاة الروح
27-05-2012, 12:00 PM
اختي طال انتظاري بالنسبة لدفتر العائلة تراه ينفع بدل البطاقه انا اليوم مقابلتي وطابقت بدفتر العائلة
مافية فرق بينهم اللي عندك جيبية لان اهم شي رقم السجل المدني وهو في كلا الحالتين واحد

وفاء المتفائله
27-05-2012, 01:57 PM
سلام عليكم ورحمة الله وبركاته
كيفكم ياحلوات .. بس ابغاكم تسألون عن موعد المباشرة متى لأني امس سألتهم في التعليم قالو في شوال أو بعد شوال وسمعت من أكثر من وحدة انه احتمال نهاية سبعة ( من هي الشاطرة اللي تجيب لنا العلم الأكيد ) ..

هيرو الرياض
27-05-2012, 02:29 PM
الله يوفق الجميع

والعفو فيه ناس كثير راسلوني على الخاص والمشكله مشاركاتي ماتسمحلي بالرد عليهم


ولاكن هذا رقمي للمفاهمه بخصوص النقل


٠٥٤٩٠٤٤١٨٣

احلام انثى
27-05-2012, 04:07 PM
السلام عليكم
عندي توضيح بنسبه للمناطق الاقرب للرياض على كلام زحده في شوؤن المعلمات
الخرج ثم الدلم ثم هجر الخرج ثم القاعده الجويه واخيرا هجر الدلم

احلام انثى
27-05-2012, 04:22 PM
اخباركم الحمدالله اليوم خلصت مقابله وسلمت الكشف الطبي وبنسبه للرسائل قالت بيرسلونها عل اخر شعبان او اول رمضان
نرجع للمقابله كانت عند اللجنه الاولى بس ثنتين الاولى سئلتني عن التخصص اسئله كثيره اول شي عرفي نفسك توظفتي من قبل
وش رايك في الدمج لو جتك ام ورافضه فكرة الدمج لانها خايفه على بنتها العاديه من تصرفات المعاقيين
وسئلتني عن الوسائل المستخدمه فب الصف ومن هم فئات التربيه الخاصه وعلى اي اساس يقوم تعليم المعاقيين طبعا قلت على الخطه التربويه الفرديه
قالت تكلمي عنها وقالت تفضلين العمل الجماعي او الفردي وليش واخر سؤال ما عرفته بس حاولت تقرب لي بس ماش ما جبتها زين الي هو انواع البيئه الصفيه
بعدين جاء دور الموجهه الثانيه قالت من اول من استخدم التاريخ الهجري وايش الفرق بين العلمانيه واللبراليه
وقالت لي انتي قلت للاستاذه انك تفضلين العمل الجماعي ليه طبعا عددت الاسباب قالت انتي تكلمتي عن الايجابيات واكيد له سلبيات
قوليها وقالت ايش تسمى البنت الي تكون في العمل الجماعي ولا تسوي شي قلت سلبيه او دخيله قالت هي سلبيه بس لها مصطلح قلت ايش هو قالت نسميها الرضيع الي جالس ياخذ ولا يسوي شي
وقالت لي لو اوكلت لك المديره مهام هل راح توافقين قلت على حسب اذا ما اثرت على عملي الرئسي ما عندي مانع قالت لو قالت لك المديره هذي اعمال من صميم عملك وجابت التعاميم قلت ما عندي مانع وراح ارتب اموري على حسب الاهم فاالمهم

وسلامتكم
وحبيت اشكر شؤون الخرج على الانفس الزينه والتعامل الراقي مع اني حست في الاوراق واضطرت تعطيني اوراق جديده مع ذلك تتعامل ببتسامه وروح حلوه
الله يوفقهم ويجزاهم كل خير

ربي وووفقني
27-05-2012, 04:40 PM
الله يوفقك ويسر امرك يارب العالمين وتجون بالسلامة ان شاء الله
انا مقالبتي بكره ان شاء الله اللجنة الثانية خايفه ماحدى حكى عنها :c"P اللي سوت مقابله عند اللجنة الثانية ياليت تقول لنا الاسئلة ؟
ويابنات اكيد مايقولون على العبايات شئ بديت اوسوس :( ماعندي عباية راس ؟؟



إنتي مثلي بكرة الساعه ثمان عند اللجنة الثانية والله حدي خايفه مثلك الله يعين ويارب يسهل احس مخي مقفل مافيه معلومات والله ماادري بالنسبة للعبايات كانك من تدخلين بتشيلينها يمكن والله الخرج دقيقين بس ان شاء الله البنات يفيدونا

احلام انثى
27-05-2012, 04:50 PM
عادي ما قالوا عن العبايات شي وفيه بنات كتف وبنات راس بس انتي اذا دخلتي مبنى الشؤون حطي عباتك في الشنطه ثم روحي للدور الثاني وكملي اجراءاتك
وبالتوفيق

المتوهقه
27-05-2012, 06:54 PM
السلام عليكم ورحمة الله وبركاته
مبروك لكل مت انتهى من المقابله وانشالله تكون فاتحت خير له في بداية المشوار للوظيفه
عزيزاتي ممكن يكون فيه استبعاد في هذه المرحله ومتى تتوقعون بينادونا للمباشره تتوقعون مع عودة المعلمات في اول شوال اللي عندها علم ياليت تفيدنا
ودمتم بكل خير

غرشوبة
27-05-2012, 08:05 PM
السلام عليكم
اليوم كانت مقابلتي ومثل ماوعدتكم بحكي لكم عنها
اولا/الجنه الثالثه قسمي عربي
تدخلين المبنى وتطلعين فووق اول غرفه على اليمين يعطونك ورقة المسوغات تعبينها ويعطونك رقم بعدين تطابقين اوراقك بعدين ينادونك للمقابله انا كانوا ثلاث موجهات قالوا عرفينا عن نفسك
ماهي الكنايه ماعرفتها
ماهو الحدث الذي حصل في الرياض ماعرفته
ماهي الموشحات
ماهو علم العروض
ماهي مواضفات معلمة اللغه العربيه
اذا تم توظفك في مبنى مستاجر ماهي وسائلك النعليميه
واعطوني ورقه وقالوا اكتبي مشاعرك في هذه اللحظه
وبس واعطوني ورقة الشف لمستشفى خالد وخلصتها ورجعت لهم واعطوني ورقة المشهد وقالوا اكتبي الرغبات طبعا الخمس القطاعات بس ترتبينها وتمت بحمد الله

غرشوبة
27-05-2012, 08:08 PM
ايه نسيت يابنات سؤال عن استراتيجيات التعليم اللي فيها التعلم التعاوني والعصف الذهني ركزوا عليها اتردد السؤال من اللجنات الثلات
الله يوفقكم ويسهل اموركم جميعا

غرشوبة
27-05-2012, 08:17 PM
وعلى فكره اخلاق عاليه وروح طيبه وصدور وسيعه لكل تساؤلاتك من موجهات الخرج والاداريات
الله يجزاهم كل خير

احلام انثى
27-05-2012, 08:54 PM
اي والله حبيت الخرج منهم
واحس انشرح صدري الله يتمم علينا ويكتب لنا الخير

زهور وشوق
27-05-2012, 11:33 PM
ينات انا بكره مقابلتي الاثنين ان شاء الله ادعو لي
واللي سوت مقابله عند اللجنة الثانية تقول لي الاسئلة انا بانام الحين ؟؟ تصبحون على خير وبارجع لكم الفجر ان شاء الله الاقي اسئلة اللجنة الثانية لاتنسوني الله يسعدكم ويوفقكم جميعا

ام الشيخان
27-05-2012, 11:35 PM
اي والله حبيت الخرج منهم
واحس انشرح صدري الله يتمم علينا ويكتب لنا الخير

بلييز احد يقولي وشي اسالة التخصص لقسم علوم ورياضبيات محد جاوبني

احلام انثى
28-05-2012, 12:05 AM
ياقلبي ما نعرف احد بهذا القسم بس راح اعلمك الاسئله العامه يمكن تجيك
مالفرق بين العلمانيه واللبراليه
من اول من ارخ بالتاريخ الهجري قلت عمر بن الخطاب
في العمل الجماعي يكون احد الافراد لا يعمل ماذا نطلق عليه (نسميه الرضيع )اسم غريب صح
وسئلوني عن البيئه الصفيه طبعا ما عرفت بس كان الجواب بيئه تشجع على القراءه وبيئه تشجع على الاستكشاف الى اخره
وسؤال يتكرر ايش استخدامك للحاسب وافضل اطلعي على كم موقع تعليمي عشان تتكلمين عنهم مثل موقع يزيد متخصص في الرياضيات وبتسئلك عن برامج الحاسب مثل الوورد والبوربوينت
واتمنى لك التوفيق

طال انتظاري
28-05-2012, 01:04 AM
اختي طال انتظاري بالنسبة لدفتر العائلة تراه ينفع بدل البطاقه انا اليوم مقابلتي وطابقت بدفتر العائلة
مافية فرق بينهم اللي عندك جيبية لان اهم شي رقم السجل المدني وهو في كلا الحالتين واحد

تسلمين أختي على الرد
ومبروك اجتيازك المقابلة رب العالمين يتمم لك وللجميع على خير إن شاء الله

طال انتظاري
28-05-2012, 01:13 AM
غرشوبة + أحلام أنثى
الحمدلله على سلامتكم والله يوفقكم

ربي وووفقني + زهور وشوق
ربي يسهل طريقكم ومقابلتكم
موفقات إن شاء الله

راعية سواليف
28-05-2012, 01:27 AM
بنات اللي عملوا المقابله مكتوب في ورقة مسوغات التعيين انو لازم يكون الاسم في الشهاده مطابق حرفيا لما في بطاقة الاحوال ورجعت لشهادتي لقيتهم حاطين نورة وفي بطاقة الاحوال نوره هل احد صار له مثلي ومشوا اوراقه ولا لازم نصحح الشهاده

طرفة
28-05-2012, 01:30 AM
يابنات كيف تعرفون الجنة الي انتم تبعها

طال انتظاري
28-05-2012, 01:40 AM
أختي طرفة من نفس ورقة الموعد اللي طبعناها من تكامل
مكتوب تاريخ المقابلة والوقت واللجنة
وبالأخير الإدارة والمبنى والدور

طال انتظاري
28-05-2012, 01:44 AM
بلييز احد يقولي وشي اسالة التخصص لقسم علوم ورياضبيات محد جاوبني

أم الشيخان حاولي تسألين في الموضوع المثبت عن تجمع اللي عملوا مقابلة

لقيت لك هذا الموضوع من عضوة سوت مقابلتها في تبوك نفس تخصصك

http://www.btalah.com/showthread.php?p=6311731&posted=1#post6311731

طرفة
28-05-2012, 03:17 AM
أختي طرفة من نفس ورقة الموعد اللي طبعناها من تكامل

مكتوب تاريخ المقابلة والوقت واللجنة

وبالأخير الإدارة والمبنى والدور


الله يجزاك خير اختي مانتبهت لها.

اللماسه
28-05-2012, 06:39 AM
ام الشيخان انا مقابلتي 13 \7 اذا اختبرتي قوليلي انا علوم ورياضيات اللجنه الثانيه فيدينا الله يعافيك

اللماسه
28-05-2012, 06:45 AM
بنات وش صار بالقمه الخليجيه احد يفيدنا اخاف يسالونا هالسؤال

احلام انثى
28-05-2012, 08:11 AM
طبعا استنكروا للي صاير في سوريا
تم طرح مشروع الاتحاد بين دول الخليج
وكا خطوه اولى اتحاد البحرين والسعوديه بس اجلوا الاعلان لين الجلسه الثانيه
وطبعا الاتحاد يكون في وزارة الخارجيه والدفاع اما الشؤو ن الداخليه لا
طبعا لو سالتك ادعمي فكرة الاتحاد وانه فيه ايجابيات كثيره منها راح يرتفع الاقتصاد وكذالك راح نكون قوة عظمه وماراح تقدر ايران ولا غيرها انها تهدد حدودنا *
اقتباس من موقع اخباري(وبحث القادة في تطورات الأوضاع السياسية في المنطقة، بما في ذلك الاستفزازات الإيرانية الأخيرة في الجزر الإماراتية المحتلة، وتطورات الأزمة في سوريا في ظل تصاعد وتيرة القتل، والجهود القائمة للمبعوث المشترك للجامعة العربية والأمم المتحدة كوفي أنان، علاوة على بحث العديد من الموضوعات المتعلقة بمسيرة العمل الخليجي المشترك، ومتابعة تنفيذ بعض القرارات. وكشف الأمين العام لمجلس التعاون الخليجي د. عبداللطيف الزياني، أن قادة دول المجلس وافقوا على الاتفاقية الأمنية، وفوَّضوا وزراء الداخلية في دولهم بالتوقيع عليها، كما وافقوا على دعم مشاريع في المغرب والأردن لمدة خمس سنوات، كما اتفقوا على استمرار عمل اللجان، ومناقشة مشروع الاتحاد الخليجي في قمة استثنائية لاحقاً.)
وبالتوفيق

راعية سواليف
28-05-2012, 02:04 PM
بنات اللي عملوا المقابله مكتوب في ورقة مسوغات التعيين انو لازم يكون الاسم في الشهاده مطابق حرفيا لما في بطاقة الاحوال ورجعت لشهادتي لقيتهم حاطين نورة وفي بطاقة الاحوال نوره هل احد صار له مثلي ومشوا اوراقه ولا لازم نصحح الشهاده

:eek::eek: وينكم بنات

احلام انثى
28-05-2012, 02:46 PM
عادي لان في الورقه الي تعبينها عندهم مكتوب هل اسمك مطابق او لا واذا كان لا
يطلبون انك تكتبينه نفس المكتوب في بطاقة الاحوال اهم شي السجل المدني صح
وبالتوفيق

اللماسه
28-05-2012, 07:19 PM
يا بنات انا اغى اعرف ايش القرى والهجر التابعه للخرج وتتوقعون يحطونا بعيد انا من الرياضوفي الشمال الله يعين بس

ربي وووفقني
28-05-2012, 07:28 PM
هلا بنوتات اليوم كانت مقابلتي تخصص لغة عربية وعلوم اجتماعية اللجنة الثانية

وسألوني عن استراتيجيات التدريس مع توضيح المقصود بالتعلم التعاوني ولعب الادوار
وكمان سألتني عن معنى المضيق مع ذكر بعض المضايق وكمان سألتني عن اسم شاعر الرسول وكمان سألتني عن كيفية التعامل مع الطالبة الضعيفة وكيف تصرفك لو طلبت منك المديرة تروحي ندب وكمان ردة فعلك لو أعطت المديرة معلمة حصص أقل من حصصك وتكلمي عن الارهاب واعطتني ورقة وقالت اكتبي القارات وطلبت مني أقراها وبس ويارب يسهل

القلم الازرق
28-05-2012, 08:48 PM
السلام عليكم ورحمة الله وبركاته
الله يوفق الي ترد على اسئلتي
1-انا مكتوب اسمي في الوثيقة سامية وفي السجل ساميه هل يعتبر في ذالك خطأ؟ واذا كان خطأ ماهو الحل؟
2- أنا استلمت سجلي الاكاديمي بس طلع خطأ في نسبة ثاني كاتبين 78% وهي في الاصل 87% كيف اعدلها والا عادي ماراح يضر ؟
ردوا علي الله يسعدكم دنيا واخره __

ربي وووفقني
28-05-2012, 09:11 PM
اذا قصدك السجل الاكاديمي مو لازم ومو ضروري لاتاخذينه

يارب نتعين
28-05-2012, 09:45 PM
يارب اترشح واتعين دعواتكم لي

القلم الازرق
28-05-2012, 10:57 PM
الله يسعدك ياربي وووفقني
انتي متأكدة انه موضروري
طيب أنتي خذو السجل منك اولا
ردي علي الله يوفقك

احلام انثى
28-05-2012, 11:03 PM
معليش كيف غلطانين في النسبه
اصلا في السجل المدني كل ترم او كل سنه على حسب الجامعه لها معدل وعند التخرج تجمع المعدلات ثم بمعادله حسابيه يستخرج معدلك او نسبتك
اهم شي في السجل نسبتك العامه وتكون مكتوبه اخر شي

ربي وووفقني
28-05-2012, 11:14 PM
لاياقلبي ماعندي سجل وقالوا إلي معها تعطينا وإلي مو معها مولازم يعني لاتآخذينه فديتك

ربي وووفقني
28-05-2012, 11:16 PM
أختي يارب نتعين الله يوفقك وتترشحين انتي وجميع البنات إلي ماترشحوا يارب ياكريم الله يفرحكم جميع قريب إن شاء الله

طال انتظاري
29-05-2012, 01:29 AM
هلا بنوتات اليوم كانت مقابلتي تخصص لغة عربية وعلوم اجتماعية اللجنة الثانية

وسألوني عن استراتيجيات التدريس مع توضيح المقصود بالتعلم التعاوني ولعب الادوار
وكمان سألتني عن معنى المضيق مع ذكر بعض المضايق وكمان سألتني عن اسم شاعر الرسول وكمان سألتني عن كيفية التعامل مع الطالبة الضعيفة وكيف تصرفك لو طلبت منك المديرة تروحي ندب وكمان ردة فعلك لو أعطت المديرة معلمة حصص أقل من حصصك وتكلمي عن الارهاب واعطتني ورقة وقالت اكتبي القارات وطلبت مني أقراها وبس ويارب يسهل

مبروووك أختي اجتيازك المقابلة والحمد لله على سلامتك
ومشكورة على التفاصيل الأسئلة كثيرة بس الأهم إنها منوعة عربي واجتماعيات
أنا بعد نفس اللجنة الله يسهل لي يوم السبت

موفقة وعقبال خطاب المباشرة إن شاء الله

انعكاس
29-05-2012, 02:10 AM
مبروك الف مبروك للي راح اليوم وتسهلت امورهم ..:w

اخيرا لقينا احد باللجنه الثانيه ..:yaa:

يالله يابنات مين دخلت اللجنه الثانيه نبي نشوف اكثر بنات وهل الاسئله نفسها والا تتنوع ..

موعدي 13 _ 7 يوم الاحد اللجنه الثانيه ..

وعسى ربي يسهل يارب ..

بنات اللجنه الثانيه تخصص لغه عربيه وعلوم اجتماعيه .. ماسألوكم عن العربي والا بس كانت اسئلتهم عامه وثقافيه وبالاجتماعيه بس ! ؟



فيني رعب كلما قرب الموعد :c ..

اللماسه
29-05-2012, 06:27 AM
نا بشمال الرياض حي الرايد وتوجيهي ابتدائيياليت الي عندها ارقام سواقين تفيدنا

اللماسه
29-05-2012, 06:34 AM
اسئله اللجنه الثانيه بالخرج تخصص علوم ورياضيات ضروري يا بنات قرب موعدي

وديساس
29-05-2012, 01:09 PM
تفضلي أختي :)
مقابلتي كانت بتاريخ 2/7

مرحبابنات،،،
أناتخصصي علوم ورياضيات تعينت بالخرج وخلصت المقابله اليوم الحمدلله
وماكنت متوقعتهاكذاأبدا صراحه كل شي تمام مشت اموري من احسن مايكون
طبعاً وصلت ع الساعه سبع وطلعت فوق ودخلت بغرفه اعطوني فيها ملف علاق اخضر ومجموعة
أوراق اعبيهاطبعاًالموظفه رتبتهالي بالملف واعطتني قلم وقالت روحي عبيهابالغرفه الثانيه رحت وعبيتها
ولماخلصت وديتهالغرفة المطابقه طابقوهالي وطلعت بالانتظار لمانادواع رقمي
دخلت ع لجنة المقابلات كانواعبارة عن ثلاث موظفات صراحه قمه في التعامل وبشوشات
اول ماجلست اخذوامني ورقة البيانات وورقه ثانيه وطلبوامني اتكلم عن السيره الذاتيه (اسمي والكليه اللي تخرجت منها
وبعدالتخرج اش سويت وكم سنه جلست بعدالتخرج وهل توظفت قبل كذا)
وبعدهاسألتني عن طريقة التعامل مع الطالبه الضعيفه
وعن طرق التدريس الحديثه
وسالوني هل استخدم الحاسب الالي وهل اخذت دورات في الحاسب
وأيضاًسألوني عن القمه الخليجيه ونتائجها
وعن المناسبه اللي احتفلت فيهااليابان أمس
أعطوني كتاب قريت منه اربع اسطر واعطتني ورقه وطلبت مني
أكتب عن فائدة مادة الرياضيات في الحياة
وسألوني عن رأيي في الانتداب
وأيضاًقالت لي لوطالبه عندك قالت لك أنتي نامصه يااستاذه والنمص حرام اش رح تردي عليها
(طبعاًسبب السؤال هذااني كنت مشقره حواجبي
باختصاريابنات المقابله حاجه سهللللله مرررررره عكس ماكنت متوقعه وفوق هذاروتينيه
والدليل اسألة الموظفات غير معده مسبقاًومايركزون كثير ع الاجابات ولايبونك تطولين الاجابه
وسلااااااامتكم
وبالتوفيق للجميع
ودعواتكم

وديساس
29-05-2012, 01:10 PM
نسيت أقولك مقابلتي كانت عنداللجنه الثانيه والموظفات مرررره طيوبات وبشوشات

القلم الازرق
29-05-2012, 01:33 PM
السلام عليكم ورحمة الله وبركاته
أختي راعية سواليف
متى مقابلتك ؟
أنا عندي نفس المشكلة اسمي في الشهادة سامية وفي البطاقة ساميه:cry:

ام روان
29-05-2012, 03:13 PM
بنات وش افضل رد على سؤال ان جات بنت وقالت استاذة انتي نامصة والنمص حرام؟

احلام انثى
29-05-2012, 03:44 PM
تقولين لها الله يجزاك خير وشكرا على النصيحه

ربي وووفقني
29-05-2012, 04:32 PM
مبروووك أختي اجتيازك المقابلة والحمد لله على سلامتك
ومشكورة على التفاصيل الأسئلة كثيرة بس الأهم إنها منوعة عربي واجتماعيات
أنا بعد نفس اللجنة الله يسهل لي يوم السبت

موفقة وعقبال خطاب المباشرة إن شاء الله

صادقه بس اهم شئ ارتحنا من التفكير في هالمقابلة اشغلتنا عقبالك يارب

ربي وووفقني
29-05-2012, 04:38 PM
مبروك الف مبروك للي راح اليوم وتسهلت امورهم ..:w

اخيرا لقينا احد باللجنه الثانيه ..:yaa:

يالله يابنات مين دخلت اللجنه الثانيه نبي نشوف اكثر بنات وهل الاسئله نفسها والا تتنوع ..

موعدي 13 _ 7 يوم الاحد اللجنه الثانيه ..

وعسى ربي يسهل يارب ..

بنات اللجنه الثانيه تخصص لغه عربيه وعلوم اجتماعيه .. ماسألوكم عن العربي والا بس كانت اسئلتهم عامه وثقافيه وبالاجتماعيه بس ! ؟



فيني رعب كلما قرب الموعد :c ..
اللجنة الثانية يسألون عن كل شئ عربي واجتماعيات بس الاجتماعيات اكثر شئ بس هم عسولات وطيوبات الله يوفقك

ام روان
29-05-2012, 09:09 PM
تقولين لها الله يجزاك خير وشكرا على النصيحه

فعلا رد جميل

الله يحويك خير شكرًا على الرد:)

طرفة
29-05-2012, 10:31 PM
رفعععععععععععععععع

وردة الخرج
29-05-2012, 11:57 PM
السلام عليكم ورحمة الله وبركاته

لو سمحتوا عندي أستفسار
هل مستشفى الملك خالد يسوي تحليل عن المخدرات أو لا بد من الذهاب للرياض(صحارى)

احلام انثى
30-05-2012, 01:02 AM
تخيلي ختموا لنا الكشف وحطوا صح على كل شي بدون مايشوفوني
ولا خذوا مني لاتحليل دم ولا بول

احلام انثى
30-05-2012, 01:07 AM
ام روان ان كنتي ما تنمصين قولي لللجنه النمص حرام وملعونه الي تنمص وان شاء الله اني ماراح اتعرض لهذا الموقف
لاني ما انمص
بنات اذا سئلتك بنت عن سؤال ماتعرفين جوابه قولي لها سؤالك جدا رائع وراح نخليه نشاط الي تجيب الجواب الحصه الجايه لها درجات واذا رجعتي للبيت ابحثي عن جوابه

راعية سواليف
30-05-2012, 01:23 AM
اللهم لك الحمد حتى ترضى ولك الحمد عند الرضى ولك الحمد بعد الرضى
اللهم لك الحمد كما ينبغي لجلال وجهك وعظيم سلطانك
اليوم كانت مقابلتي مع اللجنه الثانيه تخصصي جغرافيا توجهي متوسط وثانوي وانا من سكان الرياض
طلعت من البيت الساعه 7ورجعت بيتي الساعه1
بعد حوسة الاوراق والمطابقه والتوقيع كانت الاسئله في المقابله
ماهي سيرتك الذاتيه
درستي
هل تجيدين استخدام الحاسب وماهي البرامج اللي تستخدمينها
ماهي طرق التدريس الحديثه
هل تفضلين العمل الجماعي ام الفردي
مارايك في الارهاب وماهي اسبابه
كيف تتعاملين مع الطالبه الضعيفه
هل تفضلين العمل الاداري ام التدريس
وكثير اسئله كانت على شكل نقاش بس مأذكرها
واسئلة التخصص :
ماهو البحر الذي كان يسمى سابقا بحر الظلمات (المحيط الاطلسي)
كان يوجد قديما سوق يطرح للشعر ويجتمع فيه العرب تحدثي عنه وهل له وجود الان
اكتبي في ورقه اسماء جميع القارات
والحمد الله تيسرت
وعملت الكشفت وسلمته في مستشفى الملك خالد وعبينا الرغبات وسلمتها واعطتني مشهد المقابله وقالوا انتظروا اتصال وانتهى اليوم على خير
بصراحه حابه اشكر كل بنت كتبت مقابلتها والله يجزاهم الجنه ويوفقهم استفدت كثير من مقابلاتهم

راعية سواليف
30-05-2012, 01:26 AM
اخت ساميه بالنسبه على الاسم قالت لي وحد من اللي يساعدون في تعبئة البيانات انو مافي شي كلها نقطتين ماتاثر وحطيت نعم على كلمة الاسم مطابق وتيسرت ولله الحمد بس الله يستر لا يعكون بعدين قسم الرجال

كيمستري لولو
30-05-2012, 02:51 PM
استغفر الله الذي لا اله الا هو الحي القيوم واتوب اليه

حياة البراري
30-05-2012, 04:29 PM
بنات ابي اسال بعد ماكتبتوا الرغبات وخلصتوا كل شي وبتروحون البيت

عطوكم ورقه او اي شي ولاخلاص اخر شي تعبئة الرغبات يعني زي الخدمه معطتنا ورقة المطابقه اخر شي هل هم عطوكم شي تحتفظون فيه او لا


طيب وش هي ورقه مشهد المقابله

حمامه صفراء
30-05-2012, 09:42 PM
اليوم رحت لمقابله تخصصي لغه عربيه متوسط وثانوي. طابقت بياناتي ونا دوني للمقابله:cه وجلست غد عند الجنه الثالثه هم ثلاث موجهات. والاسئله كتالي عرفي بنفسك. ما هدفك لماذا خترتي اللغه العربيه ماهي الظواهر الموجودة في المجتمع وتودين استمرارها. ماهو الحال وماهي الصفه. ومال فرق بينهما :y وماهي الافعال الخمسة والسؤال الغير معقول ماتعرفينه عن. جزر الوقواق والحاسب المهم جاورت على شي وشي لاااااااا والله ييسر الامور

يارب نتعين
30-05-2012, 09:47 PM
(( قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير ( 26 ) )
يامن بيده كل شيءيارحمن يارحيم يارب اترشح في الاوامر الملكية واتعين قريبا وكل من دعى لي

للأمانة منقول: http://www.btalah.com/showthread.php?t=431345#ixzz1wNFBSB3b

القلم الازرق
30-05-2012, 11:20 PM
مشكووووووووووووووووورة يا أختي راعية السواليف
والله يفرج همك مثل ماريحتيني ويوفقك وييسر أمورك
:Thumbs:

راعية سواليف
31-05-2012, 12:22 AM
مشكووووووووووووووووورة يا أختي راعية السواليف
والله يفرج همك مثل ماريحتيني ويوفقك وييسر أمورك
:Thumbs:

عفوا حبيبتي كلنا محتاجين نساعد بعض والبنات الله يوفقهم ماقصروا

جرووووح
31-05-2012, 11:53 AM
ألففففف مبروووگ لكل من :wأنهت مقابلتها

والله يوفق البقية ويسر أمرنا

7/15

طموح فوق السحاب
31-05-2012, 12:41 PM
السلام عليكم

بنات أنا عندي ملف word
جمعت فيه كل شي يخص المقابله من أسئلة مع أجوبتها خصوصا التربويه اللي تنسأل لكل معلمة مهما كان تخصصها ..

وفيه بالأخص أسئلة لتخصص الرياضيات والعلوم الإبتدائي

وأبي أرفعه هنا عشان تستفيدون منه
بس مادري كيف اسويه
اللي تعرف الطريقة ترسل لي اياها خاص
او تكتبها هنا الله يعافيكم ..

جرووووح
01-06-2012, 07:28 PM
السلام عليكم

بنات أنا عندي ملف word
جمعت فيه كل شي يخص المقابله من أسئلة مع أجوبتها خصوصا التربويه اللي تنسأل لكل معلمة مهما كان تخصصها ..

وفيه بالأخص أسئلة لتخصص الرياضيات والعلوم الإبتدائي

وأبي أرفعه هنا عشان تستفيدون منه
بس مادري كيف اسويه
اللي تعرف الطريقة ترسل لي اياها خاص
او تكتبها هنا الله يعافيكم ..


مشكوورة أختي
بودي أفيدك بس مع الأسف ماعندي فكرة عن
الموضوع
ان شالله الأخوات يفيدونك

بالتوفيق للجميع 7/15

حاسب وبطالة
01-06-2012, 08:21 PM
السلام عليكم

بنات أنا عندي ملف word
جمعت فيه كل شي يخص المقابله من أسئلة مع أجوبتها خصوصا التربويه اللي تنسأل لكل معلمة مهما كان تخصصها ..

وفيه بالأخص أسئلة لتخصص الرياضيات والعلوم الإبتدائي

وأبي أرفعه هنا عشان تستفيدون منه
بس مادري كيف اسويه
اللي تعرف الطريقة ترسل لي اياها خاص
او تكتبها هنا الله يعافيكم ..

أختي ارفعيه على مركز تحميل مثل مركز تحميل رفوف

http://www.rofof.com/ (http://www.btalah.com/redirector.php?url=http%3A%2F%2Fwww.rofof.com%2F)

إذا فتحتي الرابط اضغطي على استعراض حددي ملف الـ word من جهازك ثم فتح
بعدين اضغطي على ارفع انتظري ثواني حتى يرفع الملف ثم اضغطي على انقر هنا لعرض الروابط انسخي الرابط اللي راح يعطيك اياه والصقيه في المنتدى...

بريقة ألماس
02-06-2012, 12:48 AM
السلام عليكم ورحمة الله وبركاته

أخواتي العزيزات أنا في اللجنة الأولى وفيه أسئلة ماعرفت إجابتها
مالفرق بين العلمانية والليبرالية؟
استراتيجية التعليم هل هي نفسها طرق التدريس؟
أنواع البيئة الصفية؟
شاكرة لكم تعاونكم معي

دمتم بحفظ المولى،،،،،،،،،،،،،،

راعية سواليف
02-06-2012, 01:03 AM
السلام عليكم ورحمة الله وبركاته

أخواتي العزيزات أنا في اللجنة الأولى وفيه أسئلة ماعرفت إجابتها
مالفرق بين العلمانية والليبرالية؟

الليبراليه دعوه الى الحريه في كل شي في الحياة والاعتقاد والثقافه والمساوه وحرية المراءه اما العلمانيه فصل الدين عن السياسه والحياه
هذا الفرق ببساطه
استراتيجية التعليم هل هي نفسها طرق التدريس؟
في الغالب المطلوب انك تعددين الطرق الحديثه

أنواع البيئة الصفية؟
هذا ماعرفته
شاكرة لكم تعاونكم معي

دمتم بحفظ المولى،،،،،،،،،،،،،،

بالتوفيق

احلام انثى
02-06-2012, 01:27 AM
نفس اللجنه حقتي وجت نفس الاسئله بنسبه انواع البيئه الصفيه هي بيئه تحفز على القراءه وبيئه تركز عاى الجانب الاجتماعي ويكون الاطفال على شكل حلقه(تعلم تعاوني) بيئه تحفز على التفكير مثل استخدم العصف الذهني وبيئه تحفز على التعلم من خلال استخدام الوسائل الحديثه وبيئه حازمه ومنظمه ولا تنسين تكلمي عن جو الفصل نفسه من اضاءه وتكييف ووسائل مثل الجدول ولوحة التعزيز
واحسن لك سوي بحث واقرائي عن الموضوع لانها يمكن تقول لك اشرحي نقطه من النقاط
وبالتوفيق*

جرووووح
02-06-2012, 06:25 AM
السلام عليكم
صبااح الخير
حبيت أفيدكم لمن ليس لديها علم
يوجد ف منتدى العرب دورة تدريبية
عن المقابلة .. بصراحة جدا رائعة
ي ليت تمرون عليها حتى لمن أنهت المقابلة
للفائدة ..
وفااالكم التوفيق

دين .. ٧/١٥

ام الحلووه
02-06-2012, 10:59 AM
بنات كيف تعرفون تدان تم اي لجنه أنا عربي الفقه الاولى

ام الحلووه
02-06-2012, 11:01 AM
البنات اللي قابلوا وش الاوراق المطلوبه وكم نسخه

ام الحلووه
02-06-2012, 12:02 PM
خلاص عرفت اي لجنه

بريقة ألماس
02-06-2012, 04:11 PM
شكرااااا لك أختي راعية سواليف وأحلام أنثى
ربي يوفقكم وسهل لكم أمركم
دعواتكم لنا مقابلتي يوم الإثنين

ام الحلووه
02-06-2012, 07:39 PM
بنات تكفووون وش الاوراق امظدطوبه وطكم صوره مع الاصل مقابلتي بكره

بريقة ألماس
02-06-2012, 07:55 PM
عزيزاتي هل لابد من تصوير ورقة المطابقة الي أخذنها من الخدمة المدنية
والدورات

دمتم بحفظ المولى،،،،،،،،،،،،،،

راعية سواليف
02-06-2012, 10:25 PM
انا بالنسبه لي اخذوا ورقة الموعد وفقط صورتين من بطاقة العايله مصوره من الامام والخلف وصورتين من الوثيقه مع مطابقتهم بالاصول وارجاع الاصول لي وكان عندي السجل بس ماطلبته ولا الورقه اللي من الخدمه اما الدورات ماعندي فما ادري

رؤيا حالمة
03-06-2012, 12:55 AM
السلام عليكم الحمد الله انهيت المقابله والفحص الطبي اليوم السبت 12 /7 كانت مقابلتى عند اللجنه الثانية طبعا لجنه المقابله زي ماقالو الاخوات مرتبين جدا سلسين بشوشين يخدمونك الله يعطيهم العافيه والف شكر لهم

موعدي كان الساعه 8 ص وصلت 8 الا ربع دخلت جهزت ملفى واوراقى راجعتة الموظفه ودققت على الاوراق جهزت الملف واخذته لغرفه المقابله كانو اللجان متجهزين على طول نادو اسمى دخلت جلست ثلاث اعضاءاللجنه سلمت عليهم جلست كانو حبوبات راحت وحده بقى ثنتين استلمونى اسائله احسهم سالونى اساله كثير وجت الثالثه كملت

الاسئله عرفى بنفسك ماهي استرتيجيات التعليم المملكه احتفلت بحدث مهم ماهو ولها كم سنه البيعه متى توحدت المملكه كيف تتعاملين مع الطابة الضعيفه استلمتني الثانيه ماهى اسباب حروب الرده ماسبب هزيمة المسلمين فى غزوه احد وماهو سبب مقتل عثمان بن عفان :ash:وسالتنى اذا جات طالبة قالتلك شرحك مو زين انت مو عاجبتنى او شدت شعرك هل تتناولين حبوب للاكتئاب تبغانى اتنرفز جات الثالثه سالتنى عن الرحاله وسالتنى متى اتوحدت المملكة وسالتني ماهو بحر الظلمات ولماذا سمى بذلك وسالتني عن الدول الاربعه المؤسسة لمنظمه الاوبك :ash:بس هذا الى يحضرنى جاوبت على كل الاسئله معاد سبب مقتل عثمان وموسسين منظمه الاوبك بالتوفيق للجميع ورحت اخذت الكشف وعلى طول للمستشفى وخلصت 11 تقريبا وسلامتكم :tsfiq:

بريقة ألماس
03-06-2012, 02:18 AM
انا بالنسبه لي اخذوا ورقة الموعد وفقط صورتين من بطاقة العايله مصوره من الامام والخلف وصورتين من الوثيقه مع مطابقتهم بالاصول وارجاع الاصول لي وكان عندي السجل بس ماطلبته ولا الورقه اللي من الخدمه اما الدورات ماعندي فما ادري

يعطيك العافية راعية سواليف
ماقصرتي ربي يسلمك ويحفظك
معليش فيه سؤال ماعرفت إجابته
مارايك بالارهاب وما أسبابه

في أمان الله،،،،،،،،،،،،،،،،،،،

انعكاس
03-06-2012, 05:00 AM
دعواتكم يابنات انا اليوم رايحه مقابلتي وان شاء الله راح افيدكم باللي يصير معايا اليوم ...

احلام انثى
03-06-2012, 05:57 AM
طبعا ضد الارهاب والاسباب عديده فكريه واجتماعيه وتربويه ونفسيه وسياسيه
واهم سبب الغلو والتطرف والبعد عن الوسطيه وعدم اخذ الاحكام الشرعيه من مصادر موثوقه واعتماد الشباب على بعضهم في الحكم على الاشياء كذلك غياب القدوه الحسنه والتربيه السليمه تفشي الفقر والبطاله ووجود الفراغ والاحباط الناتج عن عدم الحصول على الحقوق
انتشار الفتن والفساد دون وجود رادع او نهي عن المنكر مما يجعل بعض الشباب ياخذ موقف سلبي تجاه المجتمع
*ضعف مخرجات التعليم التي تتكلم عن هذي الظاهره ومحاربتها كذلك تقصير اهل العلم في الحديث عن هذي الظاهره وتوجيه الشباب بشكل صحيح
مقتبس من دراسه للشيخ السدلان بامكانك ترجعين لها وتاخذين فكره عنها
وبالتوفيق

احلام انثى
03-06-2012, 05:58 AM
الله يوفقك اختي انعكاس وكل البنات الي معك

راعية سواليف
03-06-2012, 07:15 AM
يعطيك العافية راعية سواليف
ماقصرتي ربي يسلمك ويحفظك
معليش فيه سؤال ماعرفت إجابته
مارايك بالارهاب وما أسبابه

في أمان الله،،،،،،،،،،،،،،،،،،،


مما قيل في تعريف الإرهاب :*
1- الإرهاب هو الأعمال التي من طبيعتها أن تثير لدى شخص ما الإحساس بالخوف من خطر ما بأي صورة .*
2- الإرهاب يكمن في تخويف الناس بمساعدة أعمال العنف .*
3- هو عمل يخالف الأخلاق الاجتماعية ويشكل اغتصابا لكرامة الإنسان .
*
وقد تكون اسبابه ضعف الوازع الديني عدم التوجيه الصحيح للشباب *وعدم رعايتهم والاهتمام بتفكيرهم وتنمية حب الوطن في انفسهم واشاعة افكار فاسده من الخارج لدى الشباب تحاول زعزعة الامن في الدوله
طرق مكافحه الارهاب*
1) استشعار المسؤولية الأمنية في المحافظة على الأمن
2) جمع الكلمة ، والالتفاف حول ولاة أمرنا وعلمائنا بالطاعة والتأييد
3) التربية والإصلاح ، وتوعية الشباب خاصة ضد هذه الأفكار المنحرفة*
4) الحذر الشديد من وسائل الغزو الفكري المتمثلة في المواقع المشبوهة*
على شبكة الإنترنت وبعض القنوات الفضائية*
5)غرس حب الوطن في نفوس ابنائنا

الله يسر امرك ويسهل عليك لاتحاتين المشرفات متعاونات والمقابله باذن الله سهله ومريحه

طال انتظاري
03-06-2012, 08:01 AM
السلام عليكم
أنهيت مقابلتي أمس السبت ولله الحمد بس ما قدرت أدخل النت بنفس اليوم
تخصصي لغة عربية وعلوم اجتماعية اللجنة الثانية
موعدي الساعة 9 وصلت تسع إلا عشر تقريبا
بعد مطابقة الأوراق بالأصول وتعبئة النموذج ما جا دوري إلا ع العشر وربع تقريبا
كان زحمة وبعد مشرفات اللجان كان عندهم اجتماع بس كل شي منظم والمشرفات والمسؤولات عن الأوراق و اللي ينظمون حبوبات ومتعاونات

قابلوني ثلاث مشرفات عربي واجتماعيات ووحدة تربوية هي أول وحدة سألتني عن
سيرتي الذاتية - استراتيجيات التعليم - الخبرات والدورات
ورأيي في التعاون وخاصة بين المعلمات

أسئلة العربي
ما هو الممنوع من الصرف
من هم شعراء المعلقات
من هم شعراء العصر العباسي
ماهي الأسماء الخمسة
جملة الإعراب ( سلمت على أخيك ) فقط أعرب كلمة أخيك
وطلبت أقول قصيدة اكتفت بأول بيتين

االأسئلة العامة والاجتماعيات:
من هو مفتي المملكة
بماذا احتفلت المملكة قبل أكثر من أسبوع
طبعا جاوبت بيعة الملك وسألتني عن عدد السنوات
عن ماذا كانت قمة مجلس التعاون ألخيرة في الرياض
سألتني ما رأيك في تدريس مواد غير تخصصك بما إنك معلمة تعليم عام
ما رأيك في غياب المعلمة - والندب لمدرسة أخرى عند ولادة إحدى المعلمات
كيف تتصرفين إذا وجدت معلمة نفس تخصصك لكن المديرة أعطتها حصص أقل

وفي الأخير طلبت مني قراءة كم سطر

هذه تقريبا كل الأسئلة
وبالتوفيق للجميع إن شاء الله

جرووووح
03-06-2012, 01:05 PM
مبروووك للأخواات اللي أنهوا المقابلة
والحمدلله ع التيسير والتوفيق
والفال للبقية ..

دين ؛؛ 7/15

بريقة ألماس
03-06-2012, 03:05 PM
عزيزاتي احلام انثى وراعيةسواليف
أشكركن شكرا خالصا من كل قلبي,,,
وزادكن الله علما وفهماوفتحا وكرما,,,

في حفظ الباري,,,,,,,,,,,,,,,,,,,,,,,

المتوهقه
03-06-2012, 04:28 PM
السلام عليكم ورحمة الله وبركاته
كيف الحال بنات انشأ لله الجميع بخير وبصحه
بنات حابه أسألكم خاصه اللي ساكنين حي العقيق وما جاورها اذا خذ تو فكره عن النقل لأني بصراحه ما عندي اي خلفيه ولا اعرف احد يروح بنقل خارج الرياض
الله يجزاكم خير لاتنسوني خاصه زميلاتي القريبات من سكني اذا لقيتو نقل أعملو حسابي معكم وبلغوني عن رقمه
ودمتم بألف خير

احلام انثى
03-06-2012, 04:35 PM
ما نقدر نحدد الا اذا تحددت المدارس لانه يمكن اكون انا في الخرج نفسها وانتي في هجر الدلم او اكون ابتدائي وانتي ثانوي فرق في وقت الخروج
وتعرفين افضل شي اذا باشرنا وشفنا مدارسنا نسقنا مع بعض او انك تشوفين المعلمات الي في مدرستك يمكن فيه نقل للشمال
اذكر انا كذا اخذت عقد ويوم رحت للمدرسه نسقت مع المعلمات هناك والحمدالله كنت انزل اول وحده كان حظي حلو *

طرفة
03-06-2012, 06:35 PM
رفععععع

ام الحلووه
03-06-2012, 08:46 PM
ولله الحمد والمنه سويت المقابله وكانت الاجراءت جداً سلسه والموظفات متعاونات الله يعطيهم العافيه 'تخصصي لغة عربيه وكانت الاسئله كالتالي...عددي طرق التدريس.. ؟ عرفي السجع والجناس والتوريه؟ اعربي جلس احمد على الكرسي؟ عددي بعض من المناسبات الوطنيه؟ما الفرق ين جاء الطالب مستبشرا و جاء الطالب المستبشر؟ وفي البدايه تتكلمين عن سيرتك الذاتيه...

انعكاس
03-06-2012, 11:34 PM
انا جيت :d ... احلفي :yaa:


مساء الخير يابنات ... :ash:

معليش راحت عليه نومه من المشوار زحمه الرياض وقرفه اليوم...

مدري ليه العالم مالقت تطلع الا معايا اليوم :b

مالكم بالطويله ..

مقابلتي كانت الساعه 11 الظهر ..

قلت يابنت اطلعي من بدري لان حسب ماعرف ان احنا شعب ابد مو دقيق بالمواعيد ..

طلعت سبع ونص لاني ساكنه غرب الرياض ووصلت ثمان ونص عشان الزحمه والفرفره لين عرفت الموقع ..

دخلت الاداره وماشاء الله قمه بالذوق والتعامل ... يعني يابنات لا تحاتون ياللي باقي ...

كلهم قالوا جايه هالحين وقت مقابلتك 11 قلت هذا اللي حصل :eek:

قالوا خذي الرقم واجلسي .. وطبعا رقمي 18 :z قلت ياويلي بطول ..

طبعا تعبين البيانات بعدين يعطونك رقم ..

خمس دقايق بس طابقت ... وعشر دقايق انتظار ونادوني للمقابله ..

يعني الساعه تسع طابقه تسع وربع مقابله :yaa: لاحظت ان الارقام ماكانو مهتمين بالتسلسل ...
يعني سحبوا على الكل ونادوني تخيلو :d

اللجنه الثانيه كنت :w


جدا ممتازات يابنات ماتوقعتهم كذا ...

الاسئله ....:b


عرفي بنفسك ..؟

كم لك سنه متخرجه ..؟

كيف قضيتي وقت فراغك طول هالسنوات ..؟

هل سبق مارستي مهنة التدريس ..؟

الحاسب الاولي وش برامجه ...؟ ومااستخدام برنامج الاكسل ..؟؟

ماهو بحر الظلمات ..؟ وليه سمي كذا ..؟

بحر القلزم ..؟

اشهر سوق عند العرب ..؟

منهو داهية العرب ..؟؟ :cماعرفته ...هذا السؤال الوحيد ...

اخر كتاب قرائتيه ...؟؟ واقتنيتي ...؟؟

تتعامل مع الانترنت وش استخداماته .؟

ظواهر ايجيابيه وسلبيه في المجتمع ...؟؟

حدث ومناسبه بالرياض ..؟ وكم سنوات البيعه ..؟؟

اذكري طرق التدريس عدديها ..؟؟ وحاولوا تسهبون بالشرح ..

مارأيك بالانتداب لمدارس اخرى ..؟

اكتبي بيت شعر تحفظينه ...؟؟

وشوي شوي جلسنا نسولف مع بعض سوالف حريم :d وين ساكنه وكيف الخرج اعجبك ..

تفضلي تمر وقهوه ومن هالهروج السنعه ...

وبعدها اخذت الكشف الطبي ثم ختمته من المستشفى خمس دقايق ورجعته ...

ورجعت بحمد الله الرياض ...:b


على فكره الرغبات مرتبينها وقلت لها ليه كذا قالت اصلا التوزيع...

من عند الرجال وهنا بس روتين اوراق :(...

والحمدلله يابنات تسهلت مع هالعج والغبار ... :cry:



وحبيت اخبركم تجربتي لعل البعض يستفيد ...

تخصصي لغه عربيه وعلوم اجتماعيه ...

وترى قالت لي اذا مكتوب اجتماعيات راح تدرسين جغرافيا .. قلت العربي قالت لا ...

واسئل الله لكم التوفيق يابنات والله يسهل اموركم .....



دمتم بالف عافيه ..:w:h

معلمة حديثة
03-06-2012, 11:51 PM
مشكووووورة انعكاس الله يجزاك كل خير


طيب ماهي الظواهر السلبية والايجابية في المجتمع !!!!

وماهي طرق التدريس
هي نفسها استراتيجة التعليم

زهور وشوق
03-06-2012, 11:55 PM
انا جيت :d ... احلفي :yaa:


مساء الخير يابنات ... :ash:

معليش راحت عليه نومه من المشوار زحمه الرياض وقرفه اليوم...

مدري ليه العالم مالقت تطلع الا معايا اليوم :b

مالكم بالطويله ..

مقابلتي كانت الساعه 11 الظهر ..

قلت يابنت اطلعي من بدري لان حسب ماعرف ان احنا شعب ابد مو دقيق بالمواعيد ..

طلعت سبع ونص لاني ساكنه غرب الرياض ووصلت ثمان ونص عشان الزحمه والفرفره لين عرفت الموقع ..

دخلت الاداره وماشاء الله قمه بالذوق والتعامل ... يعني يابنات لا تحاتون ياللي باقي ...

كلهم قالوا جايه هالحين وقت مقابلتك 11 قلت هذا اللي حصل :eek:

قالوا خذي الرقم واجلسي .. وطبعا رقمي 18 :z قلت ياويلي بطول ..

طبعا تعبين البيانات بعدين يعطونك رقم ..

خمس دقايق بس طابقت ... وعشر دقايق انتظار ونادوني للمقابله ..

يعني الساعه تسع طابقه تسع وربع مقابله :yaa: لاحظت ان الارقام ماكانو مهتمين بالتسلسل ...
يعني سحبوا على الكل ونادوني تخيلو :d

اللجنه الثانيه كنت :w


جدا ممتازات يابنات ماتوقعتهم كذا ...

الاسئله ....:b


عرفي بنفسك ..؟

كم لك سنه متخرجه ..؟

كيف قضيتي وقت فراغك طول هالسنوات ..؟

هل سبق مارستي مهنة التدريس ..؟

الحاسب الاولي وش برامجه ...؟ ومااستخدام برنامج الاكسل ..؟؟

ماهو بحر الظلمات ..؟ وليه سمي كذا ..؟

بحر القلزم ..؟

اشهر سوق عند العرب ..؟

منهو داهية العرب ..؟؟ :cماعرفته ...هذا السؤال الوحيد ...

اخر كتاب قرائتيه ...؟؟ واقتنيتي ...؟؟

تتعامل مع الانترنت وش استخداماته .؟

ظواهر ايجيابيه وسلبيه في المجتمع ...؟؟

حدث ومناسبه بالرياض ..؟ وكم سنوات البيعه ..؟؟

اذكري طرق التدريس عدديها ..؟؟ وحاولوا تسهبون بالشرح ..

مارأيك بالانتداب لمدارس اخرى ..؟

اكتبي بيت شعر تحفظينه ...؟؟

وشوي شوي جلسنا نسولف مع بعض سوالف حريم :d وين ساكنه وكيف الخرج اعجبك ..

تفضلي تمر وقهوه ومن هالهروج السنعه ...

وبعدها اخذت الكشف الطبي ثم ختمته من المستشفى خمس دقايق ورجعته ...

ورجعت بحمد الله الرياض ...:b


على فكره الرغبات مرتبينها وقلت لها ليه كذا قالت اصلا التوزيع...

من عند الرجال وهنا بس روتين اوراق :(...

والحمدلله يابنات تسهلت مع هالعج والغبار ... :cry:



وحبيت اخبركم تجربتي لعل البعض يستفيد ...

تخصصي لغه عربيه وعلوم اجتماعيه ...

وترى قالت لي اذا مكتوب اجتماعيات راح تدرسين جغرافيا .. قلت العربي قالت لا ...

واسئل الله لكم التوفيق يابنات والله يسهل اموركم .....



دمتم بالف عافيه ..:w:h

الحمدلله على سلامتكم :w:w والف مبروك انتهاء المقابله:d
الجو اليوم بالرياض غباررر:b

احلام انثى
04-06-2012, 01:21 AM
الظواهر السلبيه مثل التدخين البطاله ظهور البويات في المدارس والجامعات
الظواهر الايجابيه انتشار المراكز الصيفيه ودور حفظ القران وكذلك مراكز اللياقه
وكذلك ظاهرة التطوع وظهرة بشكل واضح في سيول جده وبعد الاهتمام بالكتب والانفتاح على الثقافه ويدل غلى ذلك الاعداد الكبيره الي تزور معرض الكتاب انتشار كفاله اليتيم
هذا الي يحضرني اللحين وبحاول اتذكر لك اشياء ثانيه وبالتوفيق

بريقة ألماس
04-06-2012, 02:00 AM
مبرووووووك انعكاس
الله يوفقك ويسرلك أمرك
دعواتكم لي موعدي اليوم الساعة٨

في أمان الله

انعكاس
04-06-2012, 05:59 AM
الله يبارك فيكم يارب ... :h

بريقه الماس الله يسهل امورك ولاتخافين الامور بسيطه جدا ...


وعلمينا وش يصير معاك ... :w

جرووووح
04-06-2012, 07:09 AM
صباح الخير

مبرووووووك لمن أنهت المقابلة
والله يوفق اللي اليوم مقابلتهم

داهية العرب أعتقد معاوية بن ابي سفيان رضي الله عنه

بكره مقابلتي بإذن الله .. دعواتكم

دين ؛؛ 7/15

احلام انثى
04-06-2012, 07:50 AM
اخيرا ياجروح احس توترت من كثر ما تقولين١٥/٧ وشلون انتي
الله يوفقك ويعينك اتوقع بكرا اخر يوم

الكابتن حموودي
04-06-2012, 07:53 AM
الله يوفقكم ويسهل آآآآآآآآموركم :w

جرووووح
04-06-2012, 11:11 AM
اخيرا ياجروح احس توترت من كثر ما تقولين15/7 وشلون انتي
الله يوفقك ويعينك اتوقع بكرا اخر يوم

يسلمووووا .. فديتك ي بعدي .. والله يوفق الجميع

تصدقين عاد أنا مو متوترة بالعكس الحمد لله
بس أحس إني متحمسه بزياده:d
الله يسترها علينا وييسرها لنا
لا مو بكرا آخر شي فيه وحده عندها بتاريخ. 7/19
وفالنا التوفيق

دين ؛؛ 7/15

الكاسر البتار
04-06-2012, 02:14 PM
سلام عليكم

ابشركم ولله الحمد اجريت المقابلة اليوم وكانت سهله ولله الحمد والمنه
تخصصي لغة عربية عند اللجنة الثالثة
سآلوني 1- مسوغات الابتداء بالنكرة (ونسيتها )
2- ماهي الادوات التي تنصب مفعول وماهي التي تنصب مفعولين (واجبت عليها ولله الحمد )
3- المتنبي من اي عصر (من العباسي )
4- جرير من اي عصر ( الاموي )
5-قرأت مقطع بسيط من كتاب فقط
ثم نقاش عام رايك في سياقة المرأة
ومتى استقلت المملكة (اجبت المملكة لم تستقل بل توحدت عام 1351 )
رايك بالاحتفال باليوم الوطني وهل سبق ان احتفلتي به


والحمد لله تمت على خير والله يسهلها لكل وحده ويجعل فالنا الوظيفة


للمعلومية ما اخذوا الخبرات ولا السجل الاكاديمي بس الوثيقة وصور بطاقة العائلة
وبالتوفيق للجميع

جرووووح
04-06-2012, 02:35 PM
سلام عليكم

ابشركم ولله الحمد اجريت المقابلة اليوم وكانت سهله ولله الحمد والمنه
تخصصي لغة عربية عند اللجنة الثالثة
سآلوني 1- مسوغات الابتداء بالنكرة (ونسيتها )
2- ماهي الادوات التي تنصب مفعول وماهي التي تنصب مفعولين (واجبت عليها ولله الحمد )
3- المتنبي من اي عصر (من العباسي )
4- جرير من اي عصر ( الاموي )
5-قرأت مقطع بسيط من كتاب فقط
ثم نقاش عام رايك في سياقة المرأة
ومتى استقلت المملكة (اجبت المملكة لم تستقل بل توحدت عام 1351 )
رايك بالاحتفال باليوم الوطني وهل سبق ان احتفلتي به


والحمد لله تمت على خير والله يسهلها لكل وحده ويجعل فالنا الوظيفة


للمعلومية ما اخذوا الخبرات ولا السجل الاكاديمي بس الوثيقة وصور بطاقة العائلة
وبالتوفيق للجميع


ماشاء الله عليك .. الحمد لله
مبرووووووووووك
وعقبالي بكرا إن شالله وأخواتي الباقيات

دين ؛؛ 7/15

جرووووح
04-06-2012, 02:37 PM
بس ماخبرتينا عن الكشف الطبي
قرأت ف منتدى حواء إنهم بهذلوهم اليوم
ياليت تطمنيني أوأي وحدة سوت مقابلة اليوم ...

الكاسر البتار
04-06-2012, 04:45 PM
الحمد لله الكشف الطبي دخل زوجي من قسم الطوارئ وخلصه

يقول الدكاترة كل واحد معه ختم ويختم ع طول :yaa::yaa:

الله يسهل للجميع يارب

بريقة ألماس
04-06-2012, 09:52 PM
السلام عليكم ورحمة الله وبركاته
الحمدالله سويت المقابلة وعدت على خير
أنا في اللجنة الأولى سألوني عدة أسئلة
عرفي عن نفسك
على كم حرف نزل القران؟
كم عدد القراءات الصحيحة؟
اذكري مراتب الحديث؟
كم عدد أركان الصلاة وواجباتها؟
عرفي الايمان؟
مامذهب أهل السنة والجماعة في الاسماء والصفات؟
عرفي توحيد الربوبية؟
من هو امين هذه الامة؟
من هو حبر هذه الامة؟
ماهي السورة التي فيها سجدتين؟
اذكري اسماء سورة الفاتحة؟
بعدين اسألتني الثانية:
تعرفين للحاسب؟
مالفرق بين العلمانية والليبرالية؟
مااسم وزارة التربية والتعليم سابقا؟
من أول وزير للتربية؟ماعرفته
عطتني جملة (مهمة المعلمة تكمن في التدريس) رايك فيها؟
ماهي الوسائل التي تستخدمينها في درسك؟
كيف طريقتك في شرح المادة؟
معك ٤٥دقيقة قسميها على الشرح؟
عطتني اكتب اربع سطور وكذلك اقرأ من كتاب تقريبا اربع سطور

أخذوا مني ثلاث صور للوثيقة وبطاقة الأحوال والسجل الأكاديمي
وقعت تعهد مأخذ إجازة لمدة سنة
اخترت المناطق الي أبغاها وخذت ورقة الكشف ورحت لمستشفى خالد
وقعوا وختموا عليها ورجع للوزارة وعطيتهم إياها
عطوني ورقة وقالوا خليها معك بعدين تطلبها منكم صراحة ماسمعتها زين
وقالت راح نخبركم برسالة

والحمدالله انتهيت وعقبال البقية إن شاء الله
بالتوفيق للجميع

دمتم بحفظ الرحمن،،،،،،،،،،،،،،،

حاسب وبطالة
04-06-2012, 11:07 PM
السلام عليكم

بنات وش كانت أجوبتكن على: رأيكن في الانتداب.. ولو المديرة أعطت معلمة اخرى عدد حصص اقل منك؟؟؟

اشواق العمر
05-06-2012, 05:27 AM
صباح الورد انا الحين طالعه للمقابله دووواعتكم

ان شاء الله اشوفك جرووح ... الله يسهل يارب

احلام انثى
05-06-2012, 07:14 AM
بالتوفيق والله ييسر اموركم

انعكاس
05-06-2012, 07:45 AM
الله يوفقكم ياللي خلصتم مقابله والف مبرووك

وان شاء الله ربي يسهل للباقين ...


::::::::::::



بنات لي تعليق بسيط ..

طبعا لاحظتم انه يتم توقيع تعهد بعدم اخذ اجازه هالسنه استثنائيه او امومه مدري ولاده ...

المهم ..

حبيت اخبركم انهم مايقدرون يسون شيء ابد يعني تعهدهم يبلونه ويشربون مويته ...

لان هذا الشرط يعتبر شرط تعسفي للموظف وهذا مرفوض على المستوى العالمي....


ويعتبر انتهاك لحقوق الانسان :mish:


ولايمكن بأي حال من الأحوال يتم فصل موظف نتيجة ظرف قهري ...

مشكلتنا ان احنا جاهلين بالقوانين إللي تخصنا .. عشان كذا اعتبروه إجراء روتيني وبس ..

يعني لو وحده بتولد او بيجيها ظرف صعب جدا فوق طاقتها تروح تقدم عذر ولو تم رفضه تسحب

عليهم وتتجه لديوان المظالم او حقوق الإنسان ...

فهمتوا ... :Thumbs_down:


يعني لو تجي وحده بعدين من الاداره تهددكم فصل ومافصل قولي افصلي اتحداك ...

لان بالعربي لايتم الفصل الا بجنحه قانونيه او جريمه تمت الاخلاق والشرف ....


وماعليكم منهم لايضيق صدركم ... :Thumbs:


القانون بصفكم :b

جرووووح
05-06-2012, 08:05 AM
صبااح الخير
أخيراا جاء موعد مقابلتي
أسأل الله التوفيق والسداد
دعواتكم لي .. دقائق وأكوووون ع الطريق
إن شاء الله

دين ؛؛ اليوووم

بريقة ألماس
05-06-2012, 01:04 PM
أهلين جروووووح
بشري كيف المقابلة
ان شاء الله تمام

بالتوفيق للجميع،،،،،،،،،،،،،

مغامرة
05-06-2012, 01:59 PM
بنات من مقابلتها مثلي السبت 7/19 :m:cry:

جرووووح
05-06-2012, 03:31 PM
الحمد لله عدت إلى البيت
وكل شي تمااام بحمد الله
طبعا تعبتا اليوم بشكل ماتتخيلون
وراح أوافيكم بكامل الأخبار ف وقت لاحق
لأني ما أشووووف من التعب :do5h:

بريقة ألماس
05-06-2012, 05:55 PM
سلمتك جروووووح
ماتشوفي شر
بانتظارك ،،،،،،،
اسأل الله التوفيق للجميع
دمتم بمودة مني،،،،،،،،،،،،،،،،

يوم وميلاد
06-06-2012, 03:19 AM
احلى صباح على الجميع الحمدلله عديت المقابله والف مبروك للي عدوها وعقبال الباقي مقابلتي كانت اول امس قسم فيزياء اللجنة الثانية ثنتيين عسولات سالوني عن السيرة الذاتيه وعن استراتجيات التعليم وعن المناسبة اللي كانت في المملكه من شهر وهي البيعه وفي التخصص سالوني عددي قوانيين نيوتن وعرفي القانون الثالث اكتبي الصيغة الرياضية لقانون الجذب العام لنيوتن عرفي قانون اوم اواذكري الصيغة الرياضية له ومن الاسئلة التربويه كيف تتعاملي مع طالبة تطاولت بالكلام عليك مارايك بالعمل الجماعي ومارايك بالندب لمدرسه اخرى بما انا تخصصك نادر قلت اوافق و سالتني ماردت فعلك لو المديره اعطتك حصص اكثر من زميلتك في التخصص وسالتني عن الخبرات والدورات وهل عندي معرفه في الكمبيوتر وسالوني عن المواقع الالكترونية التعليمية اللي ادخل عليها ذكرت لها ملتقى الفزيائيون العرب ومنتديات الشريف التعليمية والغزالي التعليميه ونصحتني ادخل منتدى العلوم والرياضيات للعبيكان مش ذاكره اسمه بالضبط بعدها اخذت الكشف الطبي وعبيت الرغبات وقالتلي الرغبات مرتبه لي لو بسكن في الخرج لاني من الشرقية وكانت الخرج وهجرها الدلم القاعده الجويه وهجر الدلم ختمت الكشف في المستشفى ورجعته وسلامتكم .

اشواق العمر
06-06-2012, 05:07 AM
خلصت الحمد لله المقابله كانت سهاله
اللجنه الثانيه سألتني عن السيره الذاتيه
واستراتيجيات التعليم ,,واذا كان عندي طالبه ضعيفه كيف اتعامل معها ,,, وسألتني مارأيك بالمعلمه كثيره التحفيز ,,, ومن هو مفتي المملكه ؟؟ وماهو الحدث الذي احتفلت فيه المملكه من 3 اسابيع ؟؟ وسؤال التخصص سألتني عن الاسس طبعا بالانجليزي مثل الكليه ...!!
بس وسلامتكم والحمد لله والله يتمم على خير

غمازة
07-06-2012, 05:09 AM
بنات احنا خلصنا المقابله والكشف الطبي يعني قبلونا ولالا

اللماسه
07-06-2012, 02:39 PM
الحمد الله سويت المقابله وكل شي تمام باقي التوجيه الله يستر عساهم يقربونا هم قالوا الاقرب للرياض الخرج الدلم القاعده الجويه قرى الخر ج قرى الدلم والله العالم بس اهم شي يا بنات النقل لازم نجتمع هنا بعد التوجيه وياليت سواق او تعرف سواق بس ياخذ بنتين ثلاث تفيدنا انا بشمال الرياض

اللماسه
07-06-2012, 02:41 PM
توجيهي ابتدائي وساكنه بحي الرايد

ام لجوونه
07-06-2012, 02:44 PM
الله يوفق جميع امور اخواتي الكريمات ويسهل التعييين يارب انا ياختي اللماسة معك في شمال الرياض الملقا متوسط وثانوي يارب نلقى نقل مييسر بالتوفيق للجميع

غمازة
08-06-2012, 04:38 AM
بنات ماررررررررررررررررررررررديتوا علي الله يوفقكم نعتبر انفسنا بعد المقابله والكشف مقبولين

حواء العنيدة
08-06-2012, 05:41 AM
بنات الشرقية حنا مجموعة معلمات جدد حجزنا في حي المنتزه عماره كله معلمات جدد من الشرقية 6شقق انحجزوا باقي شقة وحده لمن ترغب بسكن تكلمني على الخاص والعماره موقعه حلو بحي المنتزه وجديده مابعد احد يسكان فيه بتكون كله معلمات وفيه حضانه
واتمني اذ فيه وحده من الدمام او الخبر لقت موصلات الى الخرج يوم الجمعه والرجوع الاربعاء تعطني خبر
كلمت باص قال اقل شي 5 معلمات

ملاحظه
كل شقه فيه 3معلمات كل وحده غرفه

انعكاس
08-06-2012, 06:27 AM
صباح الخير بنات


اللي تسأل عن وضعنا بعد المقابله ...


خلاص ياحبيتي .. انتي الان معينه رسيماً .. بس باقي توجيه المناطق ...

والله يستر من هالشيء ...

توجيهي ابتدائي وخايفه من الهجر ... ويمكن احصل نقل ويمكن ماحصل ..

ونفسي اسكن مع بنات بالخرج لكن اهلي رافضين يقوولون ماله لزوم .. وممنوع بنت تسكن بالحالها ..!


بس الخوف هل بنلاقي نقل يوصل من الرياض للقرى لو تعينا فيها ... المشكله كل وحده منا بجهه يعني حوسه لو نتفق على نقل معين ... :(

الله يعين بيكون تعب ...:eek: لكن مابليد حيله ...


يارب سهلها علينا ويسر امورنا واجبر تعب السنوات ونرتاح ..:w

اشواق العمر
09-06-2012, 07:45 AM
من جد هذا اللي مخوفني الهجر لانها طرق بريه كما سمعت .....

الله يستر ويسهل انا غرب الرياض توجيهي ابتدائي

بريئة أنا
09-06-2012, 01:27 PM
بنات الشرقية حنا مجموعة معلمات جدد حجزنا في حي المنتزه عماره كله معلمات جدد من الشرقية 6شقق انحجزوا باقي شقة وحده لمن ترغب بسكن تكلمني على الخاص والعماره موقعه حلو بحي المنتزه وجديده مابعد احد يسكان فيه بتكون كله معلمات وفيه حضانه
واتمني اذ فيه وحده من الدمام او الخبر لقت موصلات الى الخرج يوم الجمعه والرجوع الاربعاء تعطني خبر
كلمت باص قال اقل شي 5 معلمات

ملاحظه
كل شقه فيه 3معلمات كل وحده غرفه

ايوى اختي كيف اتواصل معاك ابغى اسألك أكثر

طرفة
09-06-2012, 02:47 PM
الله ييسر الامور.........

ربي وووفقني
09-06-2012, 04:54 PM
بنات انا عندي خبره تقريبا عام دراسي وزياده بس كتبته في تعبئة البيانات ولا أعطيتهم الاوراق هل اروح لهم واعطيهم والا كيف

وفاء المتفائله
09-06-2012, 05:04 PM
بنات انا عندي خبره تقريبا عام دراسي وزياده بس كتبته في تعبئة البيانات ولا أعطيتهم الاوراق هل اروح لهم واعطيهم والا كيف
عزيزتي ما أخذو اوراق الخبرة ولا الدورات بس اخذو الهويه والوثيق .. بالتوفيق

ربي وووفقني
09-06-2012, 05:16 PM
كويس وطيب وبخصوص التعهد الجديد المطلوب التوقيع عليه ماتصلوا عليكم

غمازة
10-06-2012, 09:01 AM
انا غرب الرياض توجيهي ابتدائي

ام عممممموري
11-06-2012, 01:55 AM
:wالسلام عليكم:w
ااخواتي الكريمات المعينات في الخرج:h:h لماذا لم نعد نرى جديدكن:confused::cry::u كم اشتقت لكلامكن ونقاشاتكن انا متابعه بصمت استفدت كثيييييرا منكن
اخيرا من ارادت سائق ملتزم مع محرم ليوصلها من الرياض الى الخرج فلتراسلني على الخاص لننسق وضعنا بعد التوجيه ان شاء الله تعالى:):):):):tsfiq::tsfiq:

حياة البراري
11-06-2012, 02:19 AM
بنات الشرقية حنا مجموعة معلمات جدد حجزنا في حي المنتزه عماره كله معلمات جدد من الشرقية 6شقق انحجزوا باقي شقة وحده لمن ترغب بسكن تكلمني على الخاص والعماره موقعه حلو بحي المنتزه وجديده مابعد احد يسكان فيه بتكون كله معلمات وفيه حضانه
واتمني اذ فيه وحده من الدمام او الخبر لقت موصلات الى الخرج يوم الجمعه والرجوع الاربعاء تعطني خبر
كلمت باص قال اقل شي 5 معلمات

ملاحظه
كل شقه فيه 3معلمات كل وحده غرفه


طيب كم ايجار الشقه كامله ياليت تردين علي

حياة البراري
11-06-2012, 10:34 PM
اب اب

جرووووح
11-06-2012, 11:13 PM
مسااء الوورد
كيفكم يا أخواات
ماعاد صرت أشوف أحد منكن
بالنسبه لي أنشغلت لأنو بنتي تعبت علي
أدعو لها بالشفاء العاجل وإن الله يكفينا ما أهمنا
رب ييسر لنا جميعاا ..

طرفة
11-06-2012, 11:59 PM
رفعععععععععععع

احلام انثى
12-06-2012, 01:08 AM
الله يشفيها ويخليها لك
عني كل يوم ادخل بس مافي شي اقوله ننتظر التوجيه للمدارس عشان نتفق على النقل ونشوف وضعنا
الله ييسر امورنا

ام عممممموري
12-06-2012, 01:54 AM
السلام عليكم
اسأل الله الكريم ان يشفي ابنتك يااختي جرووووح ويقر عينيك ببرها ويكفيكم شر مااهمكم ويأجركم في الدنيا والآخرة ... اخيتي امر المؤمن كله خير فهو مأجور بالسراء ان شكر وبالضراء ان صبر

حواء العنيدة
12-06-2012, 02:58 AM
طيب كم ايجار الشقه كامله ياليت تردين علي
6 شقق انحجز باقي شقة وحده بس بالدور الرابع فيه 4 غرف حق اربع معلمات
ب13 الف في السنه العماره جديده وموقعه حلو بالمنتزه اذ وماقدر ارسل على الخاص من الاداره لزم 50 مشاركه
هذا رقمي كلموني على الوتس اب 0564292168

اللماسه
14-06-2012, 03:14 AM
انا من شمال الرياض يا ام عموري وانشالله نتفق بعد التوجيه انا ابغى سواق محترم

اللماسه
14-06-2012, 03:23 AM
بنات وش عرفكم ان الابتدائي بالهجر

معلمت تاريخ
14-06-2012, 03:25 AM
الف الف الف الف مبررروك للجميع والله يسراموركن انشالله

جرووووح
14-06-2012, 05:41 AM
الله يشفيها ويخليها لك
عني كل يوم ادخل بس مافي شي اقوله ننتظر التوجيه للمدارس عشان نتفق على النقل ونشوف وضعنا
الله ييسر امورنا

الله يجزاك خير ويسعدك ف الدارين

وإن شالله تتيسر أمورنا ويبارك لنا ربي ف وظايفنا ..

جرووووح
14-06-2012, 05:45 AM
السلام عليكم
اسأل الله الكريم ان يشفي ابنتك يااختي جرووووح ويقر عينيك ببرها ويكفيكم شر مااهمكم ويأجركم في الدنيا والآخرة ... اخيتي امر المؤمن كله خير فهو مأجور بالسراء ان شكر وبالضراء ان صبر

وعليكم السلام ورحمة الله
مشكووورة اختي والله يجزاك خير

وفدييييت مشاعركم النبيلة ....

طرفة
15-06-2012, 11:50 PM
رفععععع

غمازة
16-06-2012, 04:49 AM
لا اله الا الله محمد رسول الله

جرووووح
16-06-2012, 11:02 AM
صبااح الخير
سبحان الله .. الحمدلله .. لا إله إلا الله .. الله أكبر
...........
ياليت الأخوات اللي ساكنين بالياسمين يفيدوني
إذا فيه مدارس حكوميه للأولاد بالحي أو الأحياء المجاورة ..
جزيتم خيراا ..

ام لجوونه
16-06-2012, 12:12 PM
اختي جروح فيه مدرسة حكومية في الملقا ولدي فيها والان فتحو مدرسة محدثة في الصحافة ودمتي والاخوات بكل ود ولا تنسونا يا بنات الشمال اذا لقيتو نقل وسواقين خبرووونا