العود الأزرق

الياسمين · #1 (**permalink**) 19-12-2006, 06:01 AM

هب النسيم وهاضت الأفكـار وإسترالضميـر=وإستنجدت بنـات فكـري بالقصيـد وجالهـا
والعود الأزرق يختلط بالجـو وأنسـام العبيـر=ترسل لقلبـي مـن طرايفهـا ومـن موالهـا
وأنا بعد قلبي خضـر ويحـب حـبٍ مستطيـر=حبٍ رقى فـوق النجـوم المرقبـات وطالهـا
حب الوطن ماله بقلبي في هذا الدنيـا خشيـر=اعشق روابيها ومـا فيهـا وأحـب أطلالهـا
خصٍ ليا كان الوطن ماله على البيداء نضيـر=دارٍ عسى عمري ليا حـان المصيـر إفدالهـا
أخذت من السيفين والنخلـة شعـارٍ يستنيـر=بكلمـة التوحيـد والسيـف الحـدب يبرالهـا
هي دولة التوحيـد والقـران والنـور المنيـر=دار الشريعة والأمان لمن لجـا فـي جالهـا
من مكة أشرق نور دين الله وزاد الخير خيـر=والله ما تهـوى قلـوب المسلميـن ألا لهـا
وشلون ما غلي موطن الأجداد والخير الوفيـر=وشلون ما رخص لجلها الغالي واعزز جالهـا
وإن كان راحت للغنا والفقر وش عيب الفقيـر=الفقر فقـر الديـن والا النـاس هـذا حالهـا
أزكى نبي وأطهر بشر يرقد على حيد الحصيـر=عليـه صلـى الله عـداد أيامهـا وليالـهـا
وآخر زمن شرذمة ألامه هل النهـج الخطيـر=تبي تعكر جوهـا الهـادي بشيـن أعمالهـا
شرذمة التكفير والتغيير ميـر النـاس غيـر=الناس تـدري عـن مهبلهـا وعـن عقالهـا
بالله وشهو ذنب راع البيت والطفـل الصغيـر=وش ذنب وجدان ألصغيـره وأمهـا وعيالهـا
وش ذنب عالم يفتي آلامه يقـال إنـه حقيـر=بل الحقير اللـي يغثـرب صفوهـا وزلالهـا
لا يا خفافيش الضلام انتم هل الشـر الشريـر=وألا علمـا مملكتنـا نـورهـا وضلالـهـا
من كّفر المسلم دخل في دايـرة تونـي بليـر=لا كثـر الله فـي ديـار المسلميـن أشكالهـا
قدامكـم أمريـن والأول أخيـر مـن الأخيـر=ياتوبـةٍ يـا طيبهـا يـا ميتتـن يرثالـهـا
حنا هل التوحيـد والنخـوة نجيـر المستجيـر=نعـم نقـول الله يخلـي للرجـال رجالـهـا
حكامنـا منـا وفينـا يـا عليـم ويـا قديـر=إنـك تعـز اللـي تشيـل إخفافهـا وإثقالهـا
فهد فهد خـادم بيـوت الله بالعقـل البصيـر=زادت على العشرين عـام بخدمتـه يسعاهـا
بالتوسعـة والتربيـة والتقنيـة جهـدٍ كبيـر=والكهربا والأمـن والصحـة وأعـز أمثالهـا
وإن قلت عبدالله ولي العهد يـا نعـم الأميـر=والله لـو اعـدد فضايـل سيـدي وأشقالهـا
يمين ما حصي من مزايا سيدي غير اليسيـر=وشلون أبا أحصي سيدي كـل المزايـا نالهـا
وإن قلت يا سلطان سلطان السعد عز القطيـر=درع البلاد وقايـد أجيـوش الفهـد وإبطالهـا
وزير جيش وفي الملاقا كنه السيف الشطيـر=وإن لدت أنضار الأعادي فيـه شيـن فالهـا
ونايف وزير ألداخليـه حـي هـذاك الوزيـر=برهن بفعله والنشامـا اللـي تعـد أفعالهـا
قاد الأمن والأمن طبعاً يعنـي الشـي الكثيـر=الأمن في الأوطان نعمه يـا لبيـب إصحالهـا
ويا سامعين القول صلىالله على الهادي البشير=صلو علـى محمـد عـداد أيامهـا وليالهـا
وسلامتكم اخوكم
عبدالله القثامـي