01-06-2012, 04:37 PM
|
عضو نشيط
|
|
تاريخ التسجيل: Aug 2011
المشاركات: 154
معدل تقييم المستوى: 26
|
|
السلام عليكم
وعليكم السلام
يا أخواني
اسأل الله لي ولكم التوفيق
امين وياك يارب
عندي كذا سؤال لأهل الخبرة والمعرفة
1- التقديم وين راح يكون والمواعيد وين راح تكون ؟ بالرياض وبأي مكان ؟
التقديم الاولي عن طريق النت بعدها يتم ترشيحك اولياً عن طريق رساله بالجوال او عن طريق موقعهم
بعدين تطبع نموذج الالتحاق بعد ما ترشح اوليا وتعبيه كاملا وتصدقه من عمدة الحي و شرطة الحي او من شيخ القبيله فقط
بعدين ترجع للرياض للعيينه تاخذ موعد للمراجعه في وزارة الدفاع غالبا تختار اليوم الي تبيه لتسليم النموذج مع الشهادات كما هو موضح في الموقع مستقبلا او موضح في النموذج طبعا يوم تسلمه للوزارة مع الموعد يكون وقتها المقابله والفحص الطبي
والله يسهلها لك ونكمل باقي الحديث مستقبلا
2- هل يعلمونك عن قطاعك قبل كل شيء ؟ < --- انا سمعت هالمعلومة بس ما تأكدت منها
صحيح اخوي
يا طويل العمر بعد العيد او بالاحرى بعد ما تسلم الوثائق الاصليه وبعد العيد وقبل انعقاد الدوره بثلاث ايام الى اسبوع يتم تبليغك
بالقوه التابع لها وموعد انعقاد الدوره ووين مكان انعقاد الدوره عن طريق اتصال هاتفي على جوالك من الوزاره نفسها
3- وين يتم تعيين الأخصائيين النفسيين بعد التخرج ( ودورتهم بأي مكان ؟ )
الاخصائيين النفسييه بالخدمات الطبيه واحد من اخوياي وجههو خدمات طبيه ودورته في خميس مشيط معنا
لكن في واحد منهم مع الاطباء دوره بالظهران اتوقع انه كان معه دوره طبيه او كادر طبي والله اني مدري بالضبط صراحه
شاكر لكم
والعفو وما سوينا الا الواجب وانتم زملائنا بالمستقبل القريب ولازم نخدمكم زي ما خدمونا العام اخوانا بدورات سابقه بيض الله وجيههم
وبالتوفيق عزيزي
|
العرض العادي
