المساعد الشخصي الرقمي

مشاهدة النسخة كاملة : المرتبة المستحقة


خالد الراقي
21-10-2012, 04:15 AM
يأ أخوان انا تعينت على وظيفة إدارية على المرتبة السادسة ولدية خدمة تسعه سنوات مسجلة في التأمينات الاجتماعية
السؤال/ في إمكانية لتحسين المرتبة وكيف الطريقة

iENGLISH
21-10-2012, 04:24 AM
ليه قلبي يقولي ان مو هذا قسم موضوعك
المهم


اذا لك حق بتاخذه بس اهم شي لا تيأس وانت تبحث عنه

طنطا
21-10-2012, 08:28 AM
خبرة 3 سنوات اللي اعرفة مرتبه اعلى

يعني مفروض انك بالتاسعة

لازم تكلمهم يعادلون لك سنوات الخبرة خاصة انها محسوبة لك في التأمينات وتتعدل مرتبتك

الله يوفقك

كيمياء تحليلية
21-10-2012, 10:52 AM
والله انا مثلك
حطوني على المرتبة السادسة وانا احمل درجة الماجستير وعندي خدمة في التعليم وعندي دورات
ماقول الا حسبي الله ونعم الوكيل

الوكع
21-10-2012, 12:36 PM
6500 ريال الراتب و9 سنين خبره والله حرام القطاع الخاص مليان

أمير الذات
21-10-2012, 03:25 PM
الخبره قبل المؤهل ولا بعده

(( إذا كانت قبل الحصول على المؤهل لا تحتسب لك من المرتبه السادسه فما فوق
أما من المرتبة الخامسة فما دون تحتسب الخبره قبل المؤهل وبعده ))
هذا نظام موجود عندهم


نجي للخدمه المدنية الخدمه المدنية تحسب لك مؤهلك وتاريخ تقديمك وتحديث بياناتك

وبالأخير أقولك تعودنا على ظلم الخدمه المدنية وانظمتهم القديمه اللي كل شي تغير الا هي

المثبتين (الله يرزقهم) يحسبوا لهم خدماتهم ويعطونهم حقهم ومن كان على رأس العمل سواء حكومي او قطاع خاص يعاملوه بالمؤهل فقط


أهم شي أخوي لاتفرط بالوظيفه و لاتنسى تضيف ال9 سنوات للمعاشات والتقاعد عن طريق أوراق تأخذه من التأمينات وتكمل بياناتها من عملك عشان تضاف لك بالتقاعد وهالخطوه لازم تسويها بأسرع وقت ممكن

خالد الراقي
21-10-2012, 03:39 PM
شاكر لكم على مروركم

ॢఝ قلب الأسد ॢఝ
21-10-2012, 04:34 PM
والله انا مثلك
حطوني على المرتبة السادسة وانا احمل درجة الماجستير وعندي خدمة في التعليم وعندي دورات
ماقول الا حسبي الله ونعم الوكيل

لاحوول ولاقوة الا بالله ,,

متى بيتحسن الوضع وحنا من اسفل الى اسفل ,,

ياعالم حنا نحمل شهادات عليا من بكالوريس وماجستير ودكتوراة ويتم التعيين على رواتب اقل من المطلوب .!

ليه العسكري افضل من اللي يحمل شهادة .!

عسكري ويحمل شهادة ثانوي فقط ويتم اعطاءه راتب بدء من 7500 .!

واللي يحمل شهادة عليا يتم توظيفه في القطاع الخاص على 4000 و4500 .!

وين العدل .!

اقسم اني اليوم ابكي من قهر .!

تدق علي شركة وتقول تم ترشيجك على وظيفة خدمة عملاء .!

وفي غير مجال تخصصي .!


الله يرزقنا ,,

نوستلجيا
21-10-2012, 08:54 PM
الله يكرمك باللي تستحقه
ويعطيك حتى يرضيك

وياقلب الاسد
تقارن نفسك بالعساكر
اللي دوامك اريح من دوامهم وانظمتهم اشد
الراتب اللي ياخذوه اقل من حقهم بكثير
الله يرزقك و يرزقهم

عندي سؤالك:
التحديث في جداره يؤثر على تقديمي للمفاضله وترشيحي لها؟؟

ॢఝ قلب الأسد ॢఝ
21-10-2012, 09:32 PM
يا نوستلجيا والله لو يكرفوني ماعندي مشكلة لان هاذي شهادتي ثانوي فقط ..

بس تدرس وتاخذ بكالوريس ويعطونك اقل من راتب العسكري هذا ظلم ..؟


بالنسبة لسؤالك :

لا مايأثر الافضلية فقط في اقدمية التخرج والمعدل واذا كان تربوي او لا ,,

بالتوفيق لنا ولك ..

نوستلجيا
21-10-2012, 10:08 PM
ياشيخ الله يكرمك ويفرح قلبك ويرضيك
ويغنيك بفضله
ويحقق لك ربي ما تتمنى واكثر

ماقصدت شي بس من واقع اللي اشوفه يستاهلو اكثر