مالفرق بين القبول المشروط والغير مشروط في وزارة التعليم العالي

[أم عقاب]

السلام عليكم


معليش كثرت أسئله عليكم بس يمكن أحد جرب هالشيء و يفيدن ولا عليه أمر


لقيت لي قبول في معهد اللغة في كلية رينسون التابع لجامعة واترلو في كندا و الحمدلله و طالعه على حسابي للمعهد فقط و في بالي أسعى للقبول في الجامعة و أنضم للبعثة على حساب الوزارة ..

لكن وقف في طريقي شغله أحترت منها اللي هي لو جاني قبول من الجامعه هل إلزامي أرضخ للقبول المشروط؟

لأن على ما سمعت أن وزارة التعليم العالي ما تلحق أحد للبعثه إلا اللي عندهم قبول غير مشروط

على فكرة دراسة الجامعة حتكون ماستر ..

و الشيء الثاني دراسة اللغه وزارتنا الموقره تكتفي فقط للي ماخذين فل تايم ..
طيب و البارت تايم أكيد أكيد ما تعتد به الوزارة ؟؟ يعني فرضاً أخذت البارت تايم أحلم أنضم للبعثه ؟

أبي إجابه أكيده عشان أعرف وش أنا ماشيه عليه اللي فاهم يفهمني مشكور مأجور ولك الجزاء العظيم من ربي


الله يسعدكم

[مشروع انسان عاطل]

لازم يكون القبول مشروط ويكون الدوام في المعهد فل تايم
بالنسبة للجامعة او الكلية في كندا خذ معاك قبول من هنا افضل لانة الجامعات الكندية معقدة شوي في القبول ومن شروط الانضمام للبعثة لازم يكون معاك قبول جامعة مشروط

والفرق بين قبول المشروط والغير مشروط

المشروط - يكون بلغة واختبار في بعض التخصصات مثل التخصصات الطبية
الغير مشروط -قبول اكادمي صريح غير مشروط بلغة او اي متطلبات من الجامعة او الكلية

[أم عقاب]

الله يعطيك العافيه أخوي ما قصرت و الله يسخر لك خلقه يارب ..

[الفيصاء]

هلا فيك ام عقاب أمرك عندي لكن احتاج التالي حتى أفيدك بالتفاصيل والخطوات ؛

١- معدلك الدراسي البكالوريس

٢- درجة اللغه عندك

٣- هل تستطيعين دولة غير كندا << كندا دولة علم صعب ماتقبل ماجستير بسهولة

٤- هل ميزانيتك مفتوحة لحدود < ٧٠ الف لان كندا دولة بالدولار تقريبا الدراسه والسكن ومعهد ممتاز وفل تايم تصل شهريا ١٦ الف ريال حد ادنى سعر المعهد الاكاديمي الجامعي ٤٠٠٠ دولار فل تايم شهريا بحدود ١٢ الف سعودي

السكن بحدود ١٥٠٠ دولار بحدود ٥ الاف سعودي

مصاريف المواصلات وغيرها

اذا كنت فقط سعر دراسه تسألين في كندا اقل معهد اكاديمي ١٠ الاف ريال سعودي
والوزارة لا تلحق الا نادرا خلال اللغه بعد ٥ شهور من دراسة اللغه يمكن تصيرين مبتعثة ويمكن لا لكن لازم أمور ثانية

المهم جاوبيني وانا راح احل لك كثير امور بإذن الله وأعطيك الخطوات من الألف لين الياء

عندي خبرة الدراسه

في القارة الامريكية << كرهت هالقارة

ودرست في بريطانيا واستراليا << نار بريطانيا نار غاليه جدا جدا مااتوقع تقدرين لها

لكن اذا حابة تروحين بريطانيا أنا أخدمك بعيوني لانها دولتي الام المفضله عندي

انتظرك ام عقاب << الله يوفقك الغربه صعبه ماتبين تدرسين بالداخل الامر صعب بس نحاول لك