المساعد الشخصي الرقمي

مشاهدة النسخة كاملة : استفسار حول وظيفـة " صراف " ببنك الريـاض , مهامه وكل شي بخصوص هالوظيفة ..


مواطن عآطل
07-12-2012, 01:41 AM
السلام عليكم ورحمة الله وبركاته ..


كييفكم آخوآني الاعضـاء .. حاب استفسر من الاعضاء الي متوظفين بالبنوك
او اللي عنده خلفيه عنها , استفساري هو حول وظيفة " صراف " او موظف صراف
شنو خدماتته او مهماته اللي يقدمها للعميل وابي كل شي بالتفصيل الممل ؟؟


حتي تكون لدينا خلفيه وخبره بهالامور لان ابششركم تم قبولي ببنك الرياض وابي اعرف عن هالوظيفة الكثير .. وياليت اللي عنده خلفيه او موظف يتجاوب مع المووضوع ويررد علينا فضلاً
وليس امراً ..

والف شكررر مقدماً .. !!!



بآنتـظـاركم .. !!

تعبت أسكت
07-12-2012, 01:54 AM
رفــــــــــــــــــــــــــع

فقري
07-12-2012, 01:06 PM
وانا اخوك مايبيلها كلام بعد

انا اقولك وش مهامك
- ايداع مبالغ نقديه للعملاء
-سحب مبالغ نقديه للعملاء
-تحويلات داخليه وخارجيه
-اصدار شيكات مصرفيه
-مساهمات واكتتاب

اكثر شي راح يمر عليك السحب والايداع والتحويل يعطونك مبلغ مع بداية اليوم مثلا 100000
واخر اليوم يسوون عليك جرد يقارنون المبلغ الي باقي عندك بالاوراق الي وقع عليها العملاء
العمل سهل بس يبغالك تفتح شوي وتركز وتشتغل بهدااااااااااااااااااااااااااااااوه لاتستعجل حتا لو كان فيه زحمه


وسلامتك

علاوي حسين
07-12-2012, 05:41 PM
الله يوفق ,, أهم شيء التركيز في العمل والصبر والعمل بسيط جداً لكن تركيز ... بالتوفيق .... صراف بنك الاهلي

اخفي خفوقي
07-12-2012, 06:10 PM
آخـوي وش شهــــااادتـك ..

موُظف مصرفي
07-12-2012, 08:40 PM
مهام الصرف ..

ايداع وصرف نقديه لـ العميل ..
ايداع شيكات وصرفها ..
حوالات بين الحسآبات ..
وفيه حوآلات خارجيه .. وداخليه ..

اهم شي التركيز بالعمل .. وبعد كل 3 عمليات سو جرد .. وطآبق نقديتك بالنظام
لان لاسمح الله اذا صار فرق عندك انت الي تتحمله ..

ونهآية الدوام تتآكد من نقديتك.. وتسوي اخرأج لـ كبير الصرافين ...

بـ التوفيق لـ الجميع ..

مواطن عآطل
08-12-2012, 12:48 PM
رفــع

مشكورين الجميع على الافادة ..

نبي معلومات اكثر وياليت تفصيلياً ..

شهادتي ثانوية عامة ..

مواطن عآطل
08-12-2012, 12:49 PM
رفــع

مشكورين الجميع على الافادة ..

نبي معلومات اكثر وياليت تفصيلياً ..

شهادتي ثانوية عامة ..

اخفي خفوقي
08-12-2012, 05:30 PM
آنااا مققدم على وظيفة صرآف ببنك الريـااض .. بشهر تسعـةة ميلاادي .. وجيتهم قبل فتـرة وقالوا موقفين التوظيف بالشهـاادة الثاانوية

مواطن عآطل
08-12-2012, 06:31 PM
آنااا مققدم على وظيفة صرآف ببنك الريـااض .. بشهر تسعـةة ميلاادي .. وجيتهم قبل فتـرة وقالوا موقفين التوظيف بالشهـاادة الثاانوية

ممدري والله يآ آخووي .. انا قدممت على النت ودقوا علي وبس ..

علاوي حسين
08-12-2012, 08:44 PM
بالتوفيق لك ياموطن ... أهم شي في الصراف ملخصك في الجهاز يكون نفس الموجود في الصندوق تبعك يعني مثلاً عندك في الجهاز عشرين الف لازم يكون في الصندق عشرين الف

علاوي حسين
08-12-2012, 09:08 PM
مواطن اتمنى استقبال الرسايل على الخاص

مواطن عآطل
09-12-2012, 12:25 AM
هلا آخووي علاووي مفعل عندي الخاصص ..

بآنتظآرك الله يوفقك ..

مواطن عآطل
09-12-2012, 12:55 PM
للرفع

اخفي خفوقي
10-12-2012, 04:28 PM
سـويت آلمقاابلة آخوي عاااطل .. والا لسىء ..."
وهل البنكك بمدينة آلريـاض الي مقدم علية

فرهدة
10-12-2012, 05:09 PM
مهامك مثل ما وضحو لك الأخوان فوق
وبالنسبه لطبيعه العمل بيسون لك دوره قبل المباشره بالعمل
مدتها من اسبوع لشهر بتعرف فيها تفاصيل كل جزئيه
مووووفق

مواطن عآطل
10-12-2012, 06:30 PM
تسلموون ع التفاعل ..

آخووي اخفى خفوقي ايوه سويت المقابلة قبل فترة والبنك آيووه بالرياض ..

آختي فرهده تسلمييين ماقصرتي ..

مواطن عآطل
11-12-2012, 12:53 AM
للرفع ..


بآنتظآركم ..

اخفي خفوقي
11-12-2012, 11:15 AM
المقآبلة وين سويتهآآ اي فرع ،، " انا سويت مقابلتي بشهر تسعـةة ميلاادي ببنك الرياض آلي على طريق الدماام .. ولحد الحين مآ اتصلو .. رحت لهم قببل شهر قآلوا موقفين التوظيف بشهااده الثاانوي رحت قبل شوي لهم قآلوا باادين نتصل على حقين الثاانوي .. وطبعاً الوظيفة صرآف .. " وعلى حسب معرفتي رآتب الثانوي ببنك الرياض 4500 ومع بدل صرآف آلف رياال .. ويآليت آخوي عاطل ترسل آسمك الثنائي على الخاااص ..

مواطن عآطل
11-12-2012, 07:06 PM
للرفع

مواطن عآطل
12-12-2012, 01:40 AM
اخووي يمكن ماقبلووك لانهم اتصلوا في مجموعة ويمكن منت معهم ..


للرفع ..

اخفي خفوقي
12-12-2012, 02:14 PM
طيب بشر رحت لهم وش سويت ..

مواطن عآطل
13-12-2012, 02:42 AM
ابششرك قبلونا ووقعنا العقـد , والمباشرة بداية السنة الجديدة الميلادية ..

بس زيدونا اضافات عن الوظيفة بانتظاركم خصوصا اخووي علاووي والي لديهم خبرة اكثر يضيفونا

بانتظاركم ..

اخفي خفوقي
13-12-2012, 06:19 PM
مبــروك .. مبــروك
طيب هل العقـد تدريب والا توظيف ،، وهل فيةة مدة تدريب قبل تباشر .. وطيب عطوكك اوارق مستشفى و ادلة جنائيةة .. وكم واحد وقعو معة العقــد .. " وإي فرع وقعت العققد فيةة .. / لني رحت مكان الي سويت فية المقاابلة قالوا بدين نتصل واسمك انت الخامس ..

الله يوفقـــــــــك ويباارك لككك

اخفي خفوقي
15-12-2012, 06:21 PM
وينــك ياا مواطن عااطل تررد علينـاا

علاوي حسين
15-12-2012, 08:40 PM
الله يوفقك ياعاطل شدحيلك وأصبر وأحلى مافي العمل انه متعه ومعرفه الناس وخليك حريص على الفلوس وأكيد أنت أفهم مني وأي خدمه أنا حاضر

مواطن عآطل
16-12-2012, 02:12 AM
مبــروك .. مبــروك
طيب هل العقـد تدريب والا توظيف ،، وهل فيةة مدة تدريب قبل تباشر .. وطيب عطوكك اوارق مستشفى و ادلة جنائيةة .. وكم واحد وقعو معة العقــد .. " وإي فرع وقعت العققد فيةة .. / لني رحت مكان الي سويت فية المقاابلة قالوا بدين نتصل واسمك انت الخامس ..

الله يوفقـــــــــك ويباارك لككك

الله يبارك فييك يالغالي تسسلم , لا العقد موظف والمباشرة بداية السنة الجديدة لاتوظيف بس فيه فترة تدريب لمدة شهر او اقل , ايه خلصت كل شي الكشف الطبي والادلة كل شي خلصته , الي وقعوا مععي الموظف يقوول عدد حول 23 بس بععد المقابلة وكل شي صاروا 18 بس وتم توزيعهم على فروع البنك والمباشرة ببداية السنة الجديدة العقد وقعته بفرع غرناطة الي على طريق الدمام , يمكن ان شاء الله يدقون علييك .. الله يسلمممك ومشكور ماقصصرت .. بس نبي مزيد من المعلومات تعرف اول مرة نطب ببنوك وخصوصا هالوظيفة ونبي نعرف اكثر الله ييسرها ..


الله يوفقك ياعاطل شدحيلك وأصبر وأحلى مافي العمل انه متعه ومعرفه الناس وخليك حريص على الفلوس وأكيد أنت أفهم مني وأي خدمه أنا حاضر


تسلم يالغالي , ان شاء الله الله يخلييك تسلم ماتقصصر ..

اخفي خفوقي
16-12-2012, 02:36 PM
طيب ، آي شهر مقققدم آنــــــــت

علاوي حسين
16-12-2012, 07:51 PM
ياموطن حولت ارسل لك على الخاص لكن مادري وش السبب مايرسل معي

مواطن عآطل
17-12-2012, 12:01 AM
طيب ، آي شهر مقققدم آنــــــــت

بشهـر 11 ميلادي هجري اواخر شهر 12 ..


يامواطن حولت ارسل لك على الخاص لكن مادري وش السبب مايرسل معي


وش السبب انا مفعل اني استقبل الرسايل جرب تكفـى .. حاول ..

مواطن عآطل
17-12-2012, 08:55 PM
للرفع ..

مواطن عآطل
18-12-2012, 02:43 AM
للرفع

بآنتظآركم

مواطن عآطل
18-12-2012, 09:34 AM
للرفع

ثامر الاهلاوي
19-12-2012, 06:09 AM
الف الف الف مبروووك

والله يوفقك بوظيفتك الجديدة ويسعدك

حبيت أسألك كيف قدمت عليهم ؟

ارسلت سيرتك لايميل معين ؟ ولا عن طريق الموقع ؟

انتظر ردك

مواطن عآطل
19-12-2012, 11:08 PM
هلا آخووي ثآممر ..

قدمت عليهم بموقعهم , كان فيه تقديم وارسلت لهم وقبلووني ..

الله يسلممك ..

مواطن عآطل
19-12-2012, 11:10 PM
آخوووي عــلآووي ..

انت عدد مشاركاتـك قلييل لابد يتعـدى الـ 50 مشاركــة ..

بآنتظآرك ..

مواطن عآطل
21-12-2012, 10:07 PM
للرفع

مواطن عآطل
28-12-2012, 10:28 PM
للرفع

EL.GENERAL
29-12-2012, 03:55 PM
قبل لا اصير موظف مساعد مدير بالبنك الرياض
كنت ماسك صراف لمدة سنه بكل امانه منطقة جدا حساسه
ويوجد نقص كبير بالفروع وعندما يتم توقيع العقد لهم الحق
باي مكان تغطي باحد الفروع .. تدريب لمدة 3 شهور براتب اساسي فقط 4500
ومن ثم يتم توقيع العقد براتب 5800 ويشيلون منك 1000 يسمونه بدال صندوق
بعد سنتين تنزل مع راتبك ..

مع تجريبي بـ بنك الرياض اتمنى لك افضل من ذلك لانه بالعربي ( ماانصحك بالبنوك ) والحمد لله
تم استقاله من عندهم ورجعت نفسيه الى حالتها طبيعه وتوظيف مكان اخر

لا تنسى صلاة استخاره ..

عندليب العطاله
30-12-2012, 12:26 AM
قبل لا اصير موظف مساعد مدير بالبنك الرياض
كنت ماسك صراف لمدة سنه بكل امانه منطقة جدا حساسه
ويوجد نقص كبير بالفروع وعندما يتم توقيع العقد لهم الحق
باي مكان تغطي باحد الفروع .. تدريب لمدة 3 شهور براتب اساسي فقط 4500
ومن ثم يتم توقيع العقد براتب 5800 ويشيلون منك 1000 يسمونه بدال صندوق
بعد سنتين تنزل مع راتبك ..

مع تجريبي بـ بنك الرياض اتمنى لك افضل من ذلك لانه بالعربي ( ماانصحك بالبنوك ) والحمد لله
تم استقاله من عندهم ورجعت نفسيه الى حالتها طبيعه وتوظيف مكان اخر

لا تنسى صلاة استخاره ..


لك رساله عالخاص

عندليب العطاله
30-12-2012, 12:27 AM
مافتح معاي الخاص لكن اخوي زلزال هل هذا راتب ثابت لحاملي شهادة الثانوي او الدبلوم او البكالوريوس ام يرتفع علا حسب الشهاده؟؟؟

EL.GENERAL
30-12-2012, 12:39 AM
مافتح معاي الخاص لكن اخوي زلزال هل هذا راتب ثابت لحاملي شهادة الثانوي او الدبلوم او البكالوريوس ام يرتفع علا حسب الشهاده؟؟؟

كل راتب حسب المؤهل

مخاوي زمانه
30-12-2012, 12:58 AM
نبي نقدم ض1
عطنا الرابط ياذيبان ^_^
او ايميل , الشهادهه ثانوي وهيك ح1