المساعد الشخصي الرقمي

مشاهدة النسخة كاملة : الآفـــــــــــــــــــــــــــــــــواج للحرس الوطـــــــــــني


فايز الكلثمي
09-05-2008, 02:50 PM
الآفــواج للحـرس الوطــــــــــني
للمجاهدين للحرس الوطني تابعه لامراء وشيوخ القبائل يرئسونها
ابغى معلومات عنه يا جماعه الخير

س / ماهي المهام المقدمه لهم

س / كيف نظام الدوام الرسمي لهم

س / هل نظام الترقيات والعلاوه السنويه ونظام الخدمه السنويه في الافواج للحرس الوطني

س / كم رواتب افراد الافواج بالحرس الوطني كابدايه وهل قابله للزياده

س / وماهي نظام التقديم له كاوظيفه عسكريه مجند بالافواج


وابي رايكم فيه بكل صراحه والرجاء الاجااااااااااااااابه ضروري الان


:rolleyes: ;)



اخوكم ومحبكم فايز الكلثمي

f1f1f1
09-05-2008, 03:02 PM
الله اعلم

فايز الكلثمي
09-05-2008, 03:07 PM
الله اعلم


هلابك خيووو
يعطيك العافيه لحضورك

الذيب الأشهب
09-05-2008, 03:25 PM
مساء الخير

أخوي فايز أنا على حد علمي إن المجند في ((الجهاد)) لا يقل راتبه عن 4000 ريال ولا شغل ولا مشغله بس يداوم بالسنه شهر واحد والباقي نايم في بيته ويجيه الراتب بارد مبرد -اللهم لاحسد- المهم إن الذين يعملون بالجهاد غالباً ليس عندهم طموح ولا يغتنون ليش مدري أعرف الكثير منهم لم يتطوروا مدري هل هذا من قلت العمل أم قلت العقل ؟؟!!!

والعجيب إن أميرهم ينصب عليهم ههههههههههههه اللي يتأخر عن إستلام الراتب بيوم أو يومين يسويله خصم 1500 ريال ههههههههههههه وإذا زعل الجندي وتكلم عليه قام الأمير وفصله ههههههههههه يعني يدور عليه الزله والله شي عجيب !!!!!!!!!!!!


خيوووووووو إذا حصلتلك على مايقولون (( بندق)) لا توفرها بس خلك طمووووووح هذي نصيحتي لك




والسلاااااااااااام

فايز الكلثمي
09-05-2008, 03:46 PM
مساء الخير

أخوي فايز أنا على حد علمي إن المجند في ((الجهاد)) لا يقل راتبه عن 4000 ريال ولا شغل ولا مشغله بس يداوم بالسنه شهر واحد والباقي نايم في بيته ويجيه الراتب بارد مبرد -اللهم لاحسد- المهم إن الذين يعملون بالجهاد غالباً ليس عندهم طموح ولا يغتنون ليش مدري أعرف الكثير منهم لم يتطوروا مدري هل هذا من قلت العمل أم قلت العقل ؟؟!!!

والعجيب إن أميرهم ينصب عليهم ههههههههههههه اللي يتأخر عن إستلام الراتب بيوم أو يومين يسويله خصم 1500 ريال ههههههههههههه وإذا زعل الجندي وتكلم عليه قام الأمير وفصله ههههههههههه يعني يدور عليه الزله والله شي عجيب !!!!!!!!!!!!


خيوووووووو إذا حصلتلك على مايقولون (( بندق)) لا توفرها بس خلك طمووووووح هذي نصيحتي لك




والسلاااااااااااام

الله يعافيك خيوووووووووو كفيت وفيييييييييت والله ووجهك ابيض يا الذيبان
وعلى حد علمي انه الي وصلني انه الرواتب صارت تنزل عالبنوك والاستلامات اذا ماحضرت 1000 تدفع لهم غرامه وتمشي على بيتك وبيني وبينك 1000 ولا شي دامه بتنخصم بالسنه مره هههههه والصراحه هي ماهي لي هي لولد خالتي وحبيت استفيد منكم بالمنتدى بما انه اخوان وعطاله والله يوفقكم يارب ويارررررررريت تجاوبوني على الاسئله الثانيه ضروري

فايز الكلثمي
09-05-2008, 05:06 PM
احد يفيدنااااااااااااااااااااااااااااااااااااااااااااا ااا

ياااااااااااااارب الي يدخل ولا يرد ....................

(-:

sh3a3
09-05-2008, 05:09 PM
أخوي فايز أنا على حد علمي إن المجند في ((الجهاد)) لا يقل راتبه عن 4000 ريال ولا شغل ولا مشغله بس يداوم بالسنه شهر واحد والباقي نايم في بيته ويجيه الراتب بارد مبرد:rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes:

أبونايف2010
09-05-2008, 05:25 PM
هلا أخوي ابشر بعزك

ابجيب على كل الي تبي

س / ماهي المهام المقدمه لهم
حراسة المنشئات مثل شركة الغاز ميكرويف طريق المطار يعني حراسه بشكل عام

س / كيف نظام الدوام الرسمي لهم
تختلف من فوج الى فوج على حسب امير الفوج فيه بعض الافواج الدوام يكون فيها شهرين مستلم وشهرين مسلم هذا اذا كنت جندي او جندي اول اما اذا كنت عريف وفوق تداوم شهرين وتسلم اربع شهور ومثل ماقلت لك تختلف من فوج الا فوج على حسب المنطقه الي فيها الفوج بعض الافواج يداومون شهر بالسنه و11 شهر اجازه
س / هل نظام الترقيات والعلاوه السنويه ونظام الخدمه السنويه في الافواج للحرس الوطني

نعم فيه ترقيات من جندي الى رئيس رقباء مثلك مثل اي عسكري بالحرس الوطني من نا حية الترقيات والعلاوة السنويه

س / كم رواتب افراد الافواج بالحرس الوطني كابدايه وهل قابله للزياده
اول ما تتعين يكون راتبك تقريبا 2100 راتب اساسي و 500 بدل نقل و 400 بدل اعاشه و180 بدل غلاء معيشه واذا كان معاك ثانوي 300 ريال او 250 للمتوسط او 200 للابتدائي

س / وماهي نظام التقديم له كاوظيفه عسكريه مجند بالافواج

طريقة التقديم لازم يكون تعرف لك احد موظف بالفوج واذا تقاعد يعطيك الرقم وتصير انت محله ولازم يكون بينكم صلة قرابه وتثبت ذلك واذا لك علاقه وتعرف امير الفوج يقدر يوظفك على رقم شاغر من الارقام

اما بخصوص راينا فيها بصراااحه هي حلوه وشينه

حلوه للي عنده مصلحه ثانيه ويستفيد من وقته
اما الي بيجلس يبي يروح فيها

ومثل ما قال اخوي الذيب الاشهب ما عمري شفت احد بالافواج مغتني الا من اردى بأردى وكل سنه اخس من السنه الي قبلها والطموح ما من طموح والراتب ما فيه بركه
واذا تاخرت وما استلمت راتبك بالوقت المحدد يخصمون عليك 1500 ريال واذا عليك استلام وما تبي تحضر تعطيهم 1500 وما تداوم يعني الدعوه رايحه فيها

هذا الي عندي واذا تبي اي شي ثاني حاظر وتحت امرك

تراني خبررره بالافوااااج ااااه يا الافواااااج

فايز الكلثمي
10-05-2008, 01:39 AM
هلا أخوي ابشر بعزك

ابجيب على كل الي تبي

س / ماهي المهام المقدمه لهم
حراسة المنشئات مثل شركة الغاز ميكرويف طريق المطار يعني حراسه بشكل عام

س / كيف نظام الدوام الرسمي لهم
تختلف من فوج الى فوج على حسب امير الفوج فيه بعض الافواج الدوام يكون فيها شهرين مستلم وشهرين مسلم هذا اذا كنت جندي او جندي اول اما اذا كنت عريف وفوق تداوم شهرين وتسلم اربع شهور ومثل ماقلت لك تختلف من فوج الا فوج على حسب المنطقه الي فيها الفوج بعض الافواج يداومون شهر بالسنه و11 شهر اجازه
س / هل نظام الترقيات والعلاوه السنويه ونظام الخدمه السنويه في الافواج للحرس الوطني

نعم فيه ترقيات من جندي الى رئيس رقباء مثلك مثل اي عسكري بالحرس الوطني من نا حية الترقيات والعلاوة السنويه

س / كم رواتب افراد الافواج بالحرس الوطني كابدايه وهل قابله للزياده
اول ما تتعين يكون راتبك تقريبا 2100 راتب اساسي و 500 بدل نقل و 400 بدل اعاشه و180 بدل غلاء معيشه واذا كان معاك ثانوي 300 ريال او 250 للمتوسط او 200 للابتدائي

س / وماهي نظام التقديم له كاوظيفه عسكريه مجند بالافواج

طريقة التقديم لازم يكون تعرف لك احد موظف بالفوج واذا تقاعد يعطيك الرقم وتصير انت محله ولازم يكون بينكم صلة قرابه وتثبت ذلك واذا لك علاقه وتعرف امير الفوج يقدر يوظفك على رقم شاغر من الارقام

اما بخصوص راينا فيها بصراااحه هي حلوه وشينه

حلوه للي عنده مصلحه ثانيه ويستفيد من وقته
اما الي بيجلس يبي يروح فيها

ومثل ما قال اخوي الذيب الاشهب ما عمري شفت احد بالافواج مغتني الا من اردى بأردى وكل سنه اخس من السنه الي قبلها والطموح ما من طموح والراتب ما فيه بركه
واذا تاخرت وما استلمت راتبك بالوقت المحدد يخصمون عليك 1500 ريال واذا عليك استلام وما تبي تحضر تعطيهم 1500 وما تداوم يعني الدعوه رايحه فيها

هذا الي عندي واذا تبي اي شي ثاني حاظر وتحت امرك

تراني خبررره بالافوااااج ااااه يا الافواااااج



رحااااال قسم انك كفوووووووووووووووو
بيض الله وجهك يا غاااااااااااااالي
وينك من زماااااااااااااان يارجل
طيب اسمعني ابي نصايح منك بالافواج
دام انه الشغل مابه شغل والراتب ماشي ماشي والخصميه فقط بالسنه مره قولي
لو انا موظف فيه وابي اشتغل شغله اهليه كاشركه ولا سواق تاكسي حتى ولا معقب وش رايك في كذا ياخيووووووووووووووو والصراحه ولد خالتي داخ على بال مايلقى وظيفه لقى بالجيش بس بهدله وقلق

والاسئله التاليه

س / هل هي حرام ام حلال

س/ ولماذا قلت انه رواتبه مافيه بركه

س/ هل فيه شروط معينه بالقبول مثل العمر الشهاده الاسم قبيلي ام غير قبيلي

س / لو الوظيفه جااااااااتك بارده مبرده وبـ 100 الف تاخذه (-:


ان شاء الله انك متابع معي يارحال اوكى

متخرج عام 28هـ
10-05-2008, 01:43 AM
أخوي فايز أنا على حد علمي إن المجند في ((الجهاد)) لا يقل راتبه عن 4000 ريال ولا شغل ولا مشغله بس يداوم بالسنه شهر واحد والباقي نايم في بيته ويجيه الراتب بارد مبرد:rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes:
يأخوان حللو رواتبكم كذا حرام لازم تشتغل بأمانة وصدق مو نايم في البيت
هي أمانة أنت وكلت لها والله يهدي الجميع
ومشكورين

فايز الكلثمي
10-05-2008, 12:30 PM
يأخوان حللو رواتبكم كذا حرام لازم تشتغل بأمانة وصدق مو نايم في البيت
هي أمانة أنت وكلت لها والله يهدي الجميع
ومشكورين

متخرررررررررج هلابك هلا حياك اخووي والله انك صادق بس الوظايف معدومه وانا اخوك والواسطه نفسها هي حرام الي تبدي واحد مؤهله احسن من غيره ولد خالتي قدم بالثانويه ياما وووصل لين الكشف الطبي الثاني جاء قاله النقيب اسفين لم يتم قبولك عيى يطلع الا يعرف السبب راح قاله الواء زحلق واحد على رقمك تخيل بس وبعدها سالنا شيخ وقال انه حلال مدري انه صادق ولا لا وياريت تتتجاوبون معاي

فايز الكلثمي
10-05-2008, 06:47 PM
احم كح

أبونايف2010
11-05-2008, 05:59 PM
س / هل هي حرام ام حلال
على حسب اذا انك اخذها من واحد قريب لك وجيت انت محله اكيد حلال بس اذا انك بتشتريها بفلوس اتوقع حرام واسال المشايخ افضل لك

س/ ولماذا قلت انه رواتبه مافيه بركه
والله مدري بس انا من واقع تجربه ما احس فيه بركه وما تحس انك موضف وعلى فكره لو تسال اي واحد بالفوج وتقوله وش الي براسك بيقولك انا افكر متى اطلع من الفوج وتلقاه يدور وظيفه غيره وبأي وسيله ( اسال وشف)

س/ هل فيه شروط معينه بالقبول مثل العمر الشهاده الاسم قبيلي ام غير قبيلي
الشروط
1 - لا تقل شهادتك عن المتوسط
2- العمر لايزيد عن 40
3- احضار صلة قرابه
قبيلي غير قبيلي تعتمد على الرقم الي تبي تتعين عليه اذا كنت راح تتعين على رقم اخوك او ابوك او واحد من الجماعه ما عندك اي مشكله بس تحظر صلة قرابة موقع عليها من شهود ومصدقه من الشرطه او شيخ القبيله

اما اذا كان الرقم مشتريه او من امير الفوج اكيد يظبطونك مكتب التجنيد ويثبتون صلة قرابه لوانك من قبيله وراعي الرقم من قبيله اخرى( يعني يحطونك نسيبه والا اخوه من الرضاااعه والا الي تبي)

س / لو الوظيفه جااااااااتك بارده مبرده وبـ 100 الف تاخذه (-:

هههههه والله ما اشتريها ب 100 الف بس واجد المهبل الي يشترون وعلى فكره ترا اقيامها اللحين 120 الف ونصيحه اذا معك 100 الف لا تحطها بالفوج تراك بتندم

تقدر تتوظف بشركة اهليه وانت بالفوج بس تاكسي ما تقدر الا اذا كان اسم التاكسي بواحد ثاني

واي خدمه حاظرين

بس بسالك انت تبي تتوظف بأي فوج

فايز الكلثمي
11-05-2008, 06:47 PM
والله يرحال ودي انا ولد خالتي الفوج عندنا فرصه رقمين نشتريه وبس محتار
وتدري الوظايف معدومه والارقام نادره عبال ماتنزل للافواج ومدري والله
اصلن اذا تدبرت الفلوووووووووس المشكله هذي الله يكتب الي فيه الخير
بس وخاايف اقدم عليه واتوظف واقعد من غيير شغله ولا مشغله

فايز الكلثمي
16-05-2008, 05:30 AM
للرفع

نبي تفاعل

وشكرا

فايز الكلثمي
19-05-2008, 10:22 PM
للرفع

حربي المدينه
30-12-2008, 09:08 AM
ياشباب والله اللي يلقالي بندق زي مايقولون اني لاعطيه اللي يبغى والله هذا وعد مني

احمد بابطين
30-12-2008, 10:22 AM
اي والله لعطيه الي يبغاه انا معك يالحربي ..

بس ياعيال انا عندي قريب شغال في المجاهدين يقدر يتوسطلي ..!!

خووي الذيب
30-12-2008, 11:52 AM
الله يوفقكم جميع يارجال يالربع ليه ماتقدمون على الحرس الوطني بالرياض ترى كل ثلاث شهور تعقد دورة جديدة بس زبط للك ريحة واسطة يعني تعرف احد بالرئاسة يمشي اوراقك وربي حلووة والله يوفقنا انا قلتها ابي لكم الخير رووحوو الله يوفقكم

يتيم الافراح
30-12-2008, 03:10 PM
اشترهاا ياخوك والله انهاا نادره اليومين هذي انا ولد عمي توه شاري له وحده 150 الف ريال والحين هو في الدوره مدتها 3 شهور ال ديراب بنسبه لدواام على حسب الفوج الي شريته مثلن انا ولد عمي من الرياض والفوج حقه في الشرقيه وهو بكيفه يداوم يستلم راتب كامل مايداوم يستلم نص راتب

n.s
30-12-2008, 04:25 PM
الله يوفقكم جميع يارجال يالربع ليه ماتقدمون على الحرس الوطني بالرياض ترى كل ثلاث شهور تعقد دورة جديدة بس زبط للك ريحة واسطة يعني تعرف احد بالرئاسة يمشي اوراقك وربي حلووة والله يوفقنا انا قلتها ابي لكم الخير رووحوو الله يوفقكم


والله ياخوي سبق اني رحت للحرس الوطني بالرياض ولقيتلي وكيل رقيب في القبول والتسجيل
وسالته عن التسجيل المفتوح وقالي موقف الحين

بس تكفى كان تعرف احد دبرني

خووي الذيب
31-12-2008, 03:02 AM
الين اليوم وقلبي دقته اسرع الين اليوم وحضي بالقبول ودع الين اليوم وانا عاطل وادمع الين اليوم وانا الشوارع اتصرقع الين اليوم وانا مخي فلسع الين اليوم اعمر والعب اربع الين اليوم وارسي صدع الين متى اظل مفرقع الين متى اظل مقربع الين متى ياعالم وانا من ابوي ارضع فلوس وفقر وحض زفت ماغير ابوي يرضعني من حلااله ابي وظيفة يارب الى خمس سنين وانا عاطل حزين وعلى الهم متعودين وطول عمري حظي لعين اه اه يازمن ابي وظيفة باي ثمن انا اشكي لمن لاحكومة تسمعني ولا وطن انا مليت وبحياتي انتهيت تكفوون نبي حل او نرووح تحت الظل قفلة .................................................. ...................... شكيت لاكن لاحيات لمن تشكي وساظل على حظي ابكي ,,,,,,,,, الى الابد لا وظيفة ولاولد واظل عالة على البلد وليتني لم اتي الى الدنيا ولم اولد اه ثم اه اهات من طول العناء طوالتني وربي صرت محشششش ماتنلام سنين عاطل باقي سلك وافصل الوداع ...............

احمد بابطين
31-12-2008, 06:22 AM
يا عيال من وين انا قاط عيني على بندق خخخخ ،،

متعرفون من وين يبيعونهن ..