لا يوجد حد أدنى للرواتب في السعوديه

[axax]

يا ناس يا عالم طفشنا من الشركات ورواتبها الداجه لا حسيب ولا رقيب وصارت اكبر الشركات تنهب ورواتبها ماتكفي تشحن فيها بنزين لسيارتك وخاصه الشركات النصابه ( شركات التعاقد ) كل يوم تطلع لنا شركه وتعال يا سعودي اشتغل ثلاث شهور ورجع بيتكم اجلس مثل ماكنت واعظم يحطموا نفسية الشباب ، وش ترتجي من شركة تشغلك ثلاث شهور وتنهي خدماتك بسبب تافه او بدون سبب وين يروح الشاب هنا : طبعا بروح البيت وبحط يده على راسه وفكر ليش فصلوني وليش انا بالذات دون الشباب وليش وليش ويحطم نفسه بنفسه وظل الغني غني والفقير فقير والسبب مافيه رقابه الغني ينهش بلحم الفقير ، وتكفي بس الفلوس اللي تنصرف وانت تدور عمل او تسوي مقابلات بدون جدوى ، مثلي انا احيانا افكر اني اخذ بالخيره قبل اروح اسوي مقابله لكن اتراجع وقول اسعى والله بيرزقني ، ياما شباب انحرفوا وسلكوا طريق المخدرات والمسكرات بسبب البطاله وفالحين لي ( اشتغل يا سعودي 1500 ) لو لا الحرام لاحلف ان الشغل بهالراتب حرام مع كذا شركات ، وخاصه الشركات المعروفه مثل القصيبي / يوميا يدخل في حساب القصيبي اكثر من مليون ولو تجي لرواتب موظفينه تقل يقطر في افواهم بقطاره على رواتبه الدنيئه . بس وين تكلم وين تشتكي والله ماحد داق خبر.

[مستقبلنا الضائع]

طيب هذا اللي وصلنا له مكتب العمل وديوان الخدمه المدنيه كل ماقلت زودو راتبي قالوا لي سلم الرواتب كذا وللمدير مافي سلم رواتب جاه راتب 11000 ولا هو راضي ورفع لهم خطاب وصار 13500 بس علينل سلم رواتب

[محمد الطميحي]

الله ييسر امرنا

[ياربي ارزقني]

الفرج من الله

[سعد محمد]

هذه مشكلتنا هنا.
في الغرب في شئ إسمه سقف الأجور الأدنى ويطبق على المواطن او المقيم،وميزته إن الشركات تظطر توظف المواطن بدل الأجنبي لأنه أرخص لها.