اهل الخبره افيدوني بالترتيب وربي يجزاكم الجنه

[رسيييل]

السلام عليكم ورحمة الله

اخواني لو سمحتو أنا من القصيم بريده وحابة أختار الأماكن حسب الأقرب لمدينتي

والأفضل خدمات

ورتبتها على هالأساس وابي اتأكد اذا ترتيبي مناسب او لا قبل ارسال الطلب

1 / حائل
2 / عفيف
3 / تبوك
4 / الأفلاج ( محتاره فيها لأني قريت انه مافيها مطار )
5 / الحدود الشمالية
6 / عسير
7 / سراة عبيدة
8 / نجران
وفيه جيزان بس متخوفه منها مره

هل ترتيبي مناسب ؟؟
أنا بالنسبه لي أهم شي المطار

لأنه معاي أختي الكبيره وولدها عمره يعتبر محرم بس مايعتمد عليه
بالمره ماقد سافر ولا راح ولا جاء

الله يجزاكم خير أفيدوني وأنصحوني بالمناسب لي

بالنسبه لإجراءت السكن بالبداية ماعندي مشكلة

يجي معاي اخوي ويضبط لنا كل امورنا

بس ابي التردد بالإجازات يكون ميسر

[الحاسب الآلي]

اذا تبين نصيحتي اضيفي جيزان لانها افضل بكثير من نجران وسراة عبيدة وفيها مطار ومافيها مناطق نائية مثل نجران والسراة

[محمد الهلاالي]

[align=center]انا مع راي اخوي الحاسب الالي
جيزان يوجد بها مطار
وافضل من تهامات سراة عبيده
والخرخير في نجران

والامر لك فانظري ماذا ترين

والترتيب متعوب عليه

لكن لو تظيفي جازان قبل نجران والسراه
مجرد رأي
لكن استخيري و استشيري

[/align]

[رسيييل]

حاسب آلي والهلالي

جزاكم الله خير ماقصرتو

خلاص بتوكل على الله واستخير وبقدم جيزان

بس متردده عشان جزيرة فرسان مدري كيف الوضع

[روقآآآآآن]

على حسب نقاطك اذا عاليه
ركزي على اول خمس رغبات
....
اكثر اللي اعرفهم وشفتهم كمان في المنتدى جاتهم الرغبه الاولى

[فيزيائي جدة]

هذا الموضوع يفيدكم كثير..

https://www.btalah.com/t583241.html

[ممبرمج]

يابنت الحلال وسعي صدرتس انا من بريدة وششاتوني لجيزان وكنت شايل همها بس اول مادخلت الديرة

تغيرت نظرتي حتى يمكن استقر عندهم

وابد ان شاتوك هناك اعتبريني اخوك هناك بس اهم شي بردي وخوذي الامور ببساطة وكل شي بيصير مكتوب

[عاطله فيزياء]

انا نقاطي 66
حطيت برغباتي اول شئ عفيف متو عفيف ابتدا ثم تبوك ابتدائي ثم الرس ابتدائي ثم وادي الدواسر متوسط ثم محايل ثم نجران متوسط ثم نجران ثانوي ثم جازان ابتدائي ثم صبيا ابتدائي ثم سراة عبيدة ابتدائي ثم متوسط ثم المخواة ابتدائي ثم متوسطة اﻻ رجال المع لو اموت ماحطيتها

[رسيييل]

فيزيائي جده ... مشكور اخوي

مبرمج... ماقصرت وجزاك الله خير

بس بستفسر بما انك هناك تعرف معلمات متعينات بجزيرة فرسان ؟؟

أنا ماودي اختار شي الأ وانا عارفه الوضع وأسوأ الإحتمالات عشان ماأتندم

او انصدم .

طيب بالنسبة لسراة عبيده ونجران

ايهم افضل عشان الترتيب ؟؟
...

فيزيائية ... توكلي على الله وخلي جازان قبل نجران

انا بإذن الله بمشي بنصيحتهم .. وربي يعين يارب

وان شاء الله مانتعدى حائل بإذن الواحد الأحد

,,,

كل من عطاني نصيحة ورد علي أسأل الله العظيم رب العرش العظيم

التوفيق لكم دنيا وآخره يارب وتيسير الأمور