قبل ما تروح للحرس الوطني وتختبر ،،،،

[با حث وظيفة]

السلام عليكم، اخي الكريم ، اذا اتصلوا عليك مدينة الملك عبدالعزيز الطبية او الحرس الوطني ، فاقولك مبروك ، ثانياً اقولك او ما يهتمون فيه الانجليزي ، لابد ان تكون لغتك قويه ( هذا للي ما عنده واسطه واسطة، زيي) المهم اذا نويت تروح لهم خذلك دوره لو اسبوع او اسبوعين مكثفة انجليزي ، وبالتوفيق

[نـــوووف]

مشـــــــــــــــكـــــــــــــــــوور أخــــــــــــــووي
ع النــصــــــــيـــــــــحـــــــــــــه ,,
انـا بتصــــــــــــل عليـــــــــــــهم اليوووم واشووف اذا باقي تقديم ,

ثانكـــــــــــس آقيــن ..

[خريجة دبلوم نظم]

مشكور اخوي على المعلومات بس اللي يعرف اذا كان مستشفى الحرس بالشرقيه فيه تقديم او لا ؟

[غريبة مستقبلي]

هلالالا اخواني
انا رحت الحرس الي بالرياض قبل اسبوعين وجبت 60 من 100 وقالولي نحتاج لadmin assistance
فمادري صراحة اذا هم محتاجين المفروض مايدققوا الا لازم 65 وفوق :(
وبالنسبة للدورات فهي مهمة جدا او انك تقدر تدخل على رومات تعليم الانجليزية بالبالتوك او الياهو
وحاول تستمع لهم وادخل على منتديات اجانب وحاول تشوف كيف يتواصلون :) وبالتوفيق

[الصقري]

يعطيك العافية اخوي

انا عند اختبار بالمستشفى بكره ابغى طريقة الاسئلة

اذا ممكن

[با حث وظيفة]

شكرا للجميع
واقولك يا اخوي الصقري ، اول اختبار لهم ، ( على حد علمي) اختبار في معمل انجليزي لمدة ساعة تقريبا ، وتطلع النتيجة فوري ، اذا عديت تروح للمقابلة الشخصية أذا ما عديت نقولك خيرها في غيرها ،،،،،،،، وبالتوفيق

[رائد السميري]

اخوي الصقري تفضل هذا رابط فيه نموذج وطريقة الاسئلة..
http://www.englishjet.com/english_c.../test_level.asp (http://www.englishjet.com/english_courses_files/test_level.asp)

معا العلم ان الاختبار صعب جداا...وانت توكل على الله
وعلى فكرة... واحد من زملائي دخل الاختبار وهو ضعيف بالانجليزي:eek: وجاب نتيجة حلوة 62 والمطلوب65 وحسب كلامه ان الحظ كان معاه:cool: .....
يعني ممكن الحظ يلعب معاااااااك:rolleyes: :rolleyes: :rolleyes:

[ادور وظيفة]

امسي على الجميع
رحت واختبرت ولا حالفني الحظ الاختبار ثمان اسئلة جاوبت خمسة صح وثلاثة غلط وقالو لي ما حالفك الحظ والاسئلة سهلة لكن الحظ شين

[الصقري]

باحث وظيفة يعطيك العافية

رائدالسميري يعطيك الف عافية

[فلانه]

عندي موعد اختبار على الاسبوع الجاي ..

ياليت تقول لنا طريقة الاسئلة بالضبط ..
اللي قدمت اوراقي لها قالت لي فيها قطعة وتعبير واستماع
هل هذا صحيح ؟؟

[حبيبه شاعر]

هلا فلانه

انا سويت اختبار من فتره في الشرقيه

والاختبار يكون من 140

وكله انجليزي فيه قرمر وفوكابلوري واستماع وريدينج

يعني جميع الانواع

وعسى ربي يوفقك ويحقق امانيك

[a7sn1]

هل باقي فيه تقديم أو لا ؟؟؟

[revenge Will Come]

اخوي a7sn1 التقديم باقي موجود بس لاتنسى تجيب معاك سيره ذاتية بالنجليزي ضرورية والعمر 21 وفوق الاختبار سهل بس ركز .اما المقابلة الشخصية يبيلك تكون زين في الانجليزي وإيام لا بالعربي يلخونها .

[جـ الفراق ـريح]

الله يخارجنا من هذا الانجليزي يا اخوان حنا عرب ونتعامل مع عرب المفروض كل شي يكون بالعربي

[با حث وظيفة]

الله يخارجنا من هذا الانجليزي يا اخوان حنا عرب ونتعامل مع عرب المفروض كل شي يكون بالعربي
h h h h h

[فلانه]

الله يخارجنا من هذا الانجليزي يا اخوان حنا عرب ونتعامل مع عرب المفروض كل شي يكون بالعربي


وربي انك صااااادق

متى بس يجي اليوم اللي نشوف فيه مستشفيات امريكا تفرض اختبار اللغة العربية
لكل من يتقدم للتوظيف !!!