05-11-2006, 12:31 AM
|
 |
عضو جديد
|
|
تاريخ التسجيل: Nov 2006
الدولة: الرياض
المشاركات: 16
معدل تقييم المستوى: 36
|
|
مساءالخير للجميع
هههههههههههههه روقو يابنات الله يسامحهم ولا الله لايسامحهم، مع أني ماأدري ندعي على مين بالضبط، لكن ألي ندري عنه أنهم بكل الأحوال محاسبين.. عموماً أول مافتح الديوان أبوابه كعادته السنوية رحنا وصفينا طوابير وان صح القول زاحمنا وتحملنا أنواع البجاحة وقلة الذوق والمصالة و و و...... وطبعا كالعادة برحابة صدر لأنه حطينا بالاعتبار قدسية الشهر ألي قدمنا فيه، ماعلينا المهم على حد قولهم كانو بيقفلون أبوابهم (المخلعة) بنهاية رمضان وتفاجأنا بالتمديد الملكي للوظائف الصحية وقلنا اوكي على أساس من فاته التقديم يمديه يلحق مع أني أشك مع تلك الجموع الغفيرة ألي قدمت كان فيه أحد نايم ومو داري، المهم مازال التقديم جاري إلى هذي الأيام ..... ومن أسبوع جتني مكالمة في الصباح الباكر (باكراً بالنسبة لي) من إحدى موظفات الديوان وقالت لي أنتي مقدمة برمضان؟ وجاوبتها نعم، فسألتني عن مسار تدريبي الميداني ولما جاوبتها قالت لي بنحول طلبك من وظيفة صحية إلى وظيفة ادارية، قلت سلامات ليه؟؟ (مسوية يعني ماأتنازل عن حقوقي) قالت لازم يكون تدريبك عيادي!! قلت لها للمعلومية انا مساري متفرع من العيادي يعني نفس اسلوب تطبيقنا سوا ووووووووو الخ.. وظليمتها شينة هي سمعتني الين خلصت وردت ببرود وقالت: يعني ماتبين احولها للوظيفة الادارية؟ قلت لها لا (أحسبها اقتنعت وبتخلي طلبي) قالت اجل بكنسل طلبك!!!!! قلت افااااااا لحظة ياام الشباب حوليها حوليها ادارية سياسية الي تبين بس لاتكنسلين الطلب،والله اعلم كأني سمعتها ضحكت وانهت المكالمة.. مع أنهم لما طرحو الوظائف بموقع الديوان ماتطرقو لاي شرط امام وظيفة أخصائي نفسي سوى طلب مؤهل بكالوريوس علم النفس (وسكتو) طيب وش استجد لما قدمنا؟؟ اوكي ممكن نتقبل ونقول فعلاً بما أنها وظيفة صحية معناها المفترض العيادي لهم الأولوية لكن مو نتكنسل من هذي الوظيفة ونتحول اجبارياً لوظيفة ادارية بمسمى (باحثة ضمان اجتماعي) مع العلم والتأكيد بأن الأولوية في هذه الوظيفة لتخصص علم اجتماع ثم خدمة اجتماعية ثم علم النفس، ومانلومهم لو حطونا الاختيار الاخير لانه انا محدثتكم ماأدري وش معنى باحثة ضمان ولا أدري وش اختصاصتهم ،بالعربي بعيدة عن مجالنا.. هذا رأيي وكنت فعلاً محتاجة أعبر عنه وماصدقت على الله ألقى مكان مناسب ورهيب مثل موقع البطالة ألي من جد فكرته جريئة وقوية ورائعة (من صميم قلبي انشاءالله يستمر) وتقضون على البطالة، لأن التعبير عن رأينا بصوت مرتفع يعني ممارسة حق من حقوقنا الانسانية.. على الأقل نلفت نظر أي أحد مار من هنا بالغلط.. تحياتي للجميع وأسعدتني المشاركة معكم
التعديل الأخير تم بواسطة أسرار البطالة ; 05-11-2006 الساعة 12:33 AM
|
العرض العادي
