كيف تبدأ/ تبدئين مشروع ناجح بـ ( 2000 ) ريال؟؟؟

فتى نجد · #51 (**permalink**) 18-04-2007, 08:33 AM

الأخت / رياح , الله يكون بعونك على التأثيث لأن أم خالد الله يجزاه خير خلتني امشي اكلم نفسي يوم كنا نأثث لأن مزاجها صعب جداً جداً والله يجعله لكم منزل عامر بإذن الله .
بالنسبه لطلبك بعض التفاصيل والله مافهمت المقصود بالظبط وياليت توضحين المطلوب عشان اقدر افيدك .

فتى نجد · #52 (**permalink**) 18-04-2007, 08:34 AM

قصه قديمه , مازلنا ننتظر نتائج دراستك عن المشروع ومرئياتك ...

فتى نجد · #53 (**permalink**) 18-04-2007, 08:49 AM

فكره للشباب :
اذا عندك سياره وعاطل واسلوبك جيد وراعي حركه سو اعلان بالجريده ( هل لديك خادمه تأخرت عن الوصول ) طبعاً اللي يبي خدامه يقدم عند مكتب استقدام وبينهم عقد لمده معينه واذا تأخرت الخدامه فيه غرامه 30 ريال يومياً وفيه ناس كثيرررررررررررررررررررر تأخرت خداماتهم لشهرين وثلاث شهور يعني تلقا الغرامه حوالي 1500 ريال وما احد من هالناس يطاب فيها لان المكاتب تتلاعب عليهم ولكن لو انت تابعت وطلعت الغرامه تاخذ على الأقل نصها من صاحب الخادمه وانا اضمن لك شهرياً مالا لايقل عن 100 عميل , وعليك الحساب ..
طبعاً تحصيل الغرامه له طريقه خاصه ونظاميه لكن الكل يجهلها ؟؟؟؟؟ وحلها عندي.

بلاقيود · #54 (**permalink**) 18-04-2007, 09:37 AM

اولاً تمنياتنا بالشفاء العاجل لوالدتكم ...معافاة يارب

ثانياً لك كل الشكر لهذه الدراسه للمشروع .

ثالثاً الموقع المختار في مول بجده ولاميزه به انه قريب من ملتقى احياء بجده .

بالنسبه للإيجار والتجهيزات لايهمك اختك مقدمه على قرض ويمكننا القيام به حتى وان لم ينزل القرض وذلك لأنه شراكه عائليه ويبقى لي المشئوليه وذلك لخبرتي الطويله برياض الأطفال .

وبإمكنك الرجوع لسيرتي وهذا جزء منها وهو ماقد مايهمنا فيها ....

المؤهل بكالوريوس إدارة واقتصاد (إدارة عامه ).
جامعة الملك عبد العزيز

الدورات 6- برنامج التأهيل الوظيفي
7- برنامج الأوفس " إدارة مكتبيه "
8-دورة سكرتارية مكتبيه
9-دورة فن التعامل مع الآخرين
10 -دورة إسعافات أوليه

الإنجازات معلمة تعليمي+ مشرفة رياض أطفال +إداريه

حاصلة على مسمى وظيفي من وزارة التعليم
( قائمة بعمل مديرة روضة اهلية)

مهارات العمل مستخدم جيد للحاسب ببرنامج الأوفيس
مستخدم جيد لشبكة المعلومات العنكبوتيه (الآنتر نت )
شخصيه قياديه + إداريه جيده + تحمل مسؤولية الجماعة
الاهتمامات القراءة للكتب النافعة ،الاطلاع على ماهو جديد في علم
الإدارة والأنتر نت .

اهواء العمل الغي روتيني ..والأعمال الحره .

اتمنى ان لااكون ازعجت وكثرت عليك

دام الجميع بخير

فتى نجد · #55 (**permalink**) 20-04-2007, 01:34 AM

الأخت / لاعمل لدي , ياليت تذكرين لي تكلفة الإيجار في هذا المول للمساحه اللي تبينها وايضاً ياليت توضحين فكرتك في الحساب يعني بالساعه ولاكيف وكم تقريباً المبلغ اللي بتطلبينه من الأمهات .

بلاقيود · #56 (**permalink**) 22-04-2007, 02:20 AM

اخي ..فتى نجد ....

المبلغ المطلوب للإجار 50.000 ريال لمساحة 6x5 واذا اخذت محلين بجوار بعض سوف يحسبه لي ب90.000 ريال
واكيد الحساب بالساعه من يوم السبت حتى الثلاثاء 20 ريال للساعة
سعر ويوم الأربعاء حتى الجمعه تختلف التسعيره طبعاً اكثر 30 ريال بالساعة

ارجوووووك اذا لديك اي اظافه لاتبخل علينا

دمت بخير ....ويرب يشفي لك الوالده .

طموحةبلاحدود · #57 (**permalink**) 22-04-2007, 08:18 AM

اقتباس:

ملاحظه/
ياليت تكتبين لنا عن ظروفك

,

مشكور فتى الرياض ..........طال عمرك انا بين جده ومكه ..
ومش موظفه ولاطالبه يعني خريجة بكالوريوس> >>مستحيه تقول عاطله

مانقول غير الشكوى لله

شكرا لك

وفي انتظار الافكارالجديده والتوجيه

طموحه بلاحدود

.

.

الرويال · #58 (**permalink**) 22-04-2007, 05:07 PM

فتى الله يرزقك ويوسع عليك

ممتاز واكثر من ممتاز بصراحه توي اتابع الموضوع وراح اقراه صفحه صفحه

ومن ثم يكون لي تعليق بسيط

واصل بارك الله فيك وصدقني كل حرف تكتبه لك الاجر فيه

الأخوان محتاجين لضوء ينير لهم الطريق

فتى نجد · #59 (**permalink**) 22-04-2007, 11:42 PM

اخوي الرويال , شكراً على إطرائك الجميل ونسئل الله أن يرزقنا وإياكم الصحة والعافية .
الأخت / لاعمل لدي , كم يوم بس وبحاول أقدم لك اللي يقدرني عليه رب العالمين .
الأخت / طموحة بلاحدود حالياً ما يحضرني فكره قد تناسبك , ولكن أنا عندي منتج قاعد أصنع فيه في الخارج وهو منتج نسائي موجه للبنات وخصوصاً ( العرائس ) وهو يعتبر أساسي جداً جداً في تجهيزات العروس , وبتصميم روووووووووعه وجذاب وبفكرة جديده مررررررره , واللي اقدر اقدمه لك إني راح أخليك موزعة معتمده لمؤسستنا في هذا المنتج في جده وما راح تحتاجين راس مال كبير بالعكس انا راح اخدمك بكميات بسيطه وبسعر الجملة.
طبعاً البضاعة بدأنا في تصنيعها خارج المملكة الأن وبإذن الله سوف تكون موجوده في مستودعنا قبل بداية موسم الصيف والأعراس . عشان كذا ياليت كل عشرين يوم تراسليني على الإيميل عشان ما أنسى الموضوع . للتذكير فقط ...
والله ييسر كل أمرٍ عسر ,,,
ملاحظة هامة / هذا المنتج فكرة وتصميم فتاة سعودية , ونحن نراهن وبقوة على نجاحة ...

يمنع وضع الايميلات وارقام الجوالات بامكانك استخدام الخاص اخي ........الادارة