المساعد الشخصي الرقمي

مشاهدة النسخة كاملة : كيف تبدأ/ تبدئين مشروع ناجح بـ ( 2000 ) ريال؟؟؟


الصفحات : [1] 2 3 4 5 6

فتى نجد
06-02-2007, 11:17 PM
السلام عليكم...
أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى .
بالنسبة لطريقة إبتكار المشاريع وإكتشافها فهي تحتاج لخبرت سنوات في المجال التجاري ولن أطيل عليكم بشرحها ولكن مستعد لتقديم أي مساعده أقدر عليها .

( المشروع ):
طبعاً كلكم تعرفون بسطات العجز في سوق حجاب وسوق القريه الشعبيه وسوق الشرقي وسوق البطحاء .......... الخ وبرضو لاتنسون نفس البسطات في القصيم والدمام والاحساء وحائل وتبوك ومكه والمدينه .........الخ .
الززززززززززبده :
1/ عمل مسح ميداني عليهم والتعرف على المنتجات اللي يبيعونها وتحديدها((مهم)).
2/ تقريبياً تحديد حجم المبيعات اليومي لكل منتج وترتيبها حسب الأفضليه.
3/ التفكير بإكتشاف منتجات إضافيه يمكن بيعها عن طريق هذه البسطات((مهم)) .
( مميزات المشروع ):
أن هذولا النساء كبيرات في السن وأغلبهم لايقرأ ولايكتب ولايعرفون انترنت 95% من بضائعهم يشترونها من سوق الجمله بالرياض , مع إمكانية تأمين إحتياجاتهم من دول مجاوره وبأسعار أقل للجادين ومن يبحثون عن الرزق وبرأس مال بسيط بحيث يتم تأمين هذه المنتجات لهم والتعامل معهم بالجمله .
بالنسبه للبنات ممكن تستعين بالتنقل مع احد محارمها او السائق بوجود محرم وتبدأ التعامل معهم .
ياجماااااااااااعه ( البدايه صعبه ) في أي مشروع حتى لو كان بملايين ...
.................................................. ...........
انا مستعد للتواصل وتوجيه ومنفعة من يريد بعد الله , ولكن مع الجادين من رجال أو نساء واللي ماخذ الموضوع جد بيبين عليه واقدر اميزه وإنشاء الله أفيده ..
للحديث بقيه .......

فتى نجد
13-02-2007, 11:11 AM
طبعاً كالعاده ربعنا عجااااااااااااااازين ... لكن بعطيكم مثال واحد بس .
فيه زعفران مطحون قيمة الدرزن في دبي جمله ( 55 ريال ) وينباع في الرياض جمله (85 الى 95 ريال ) وفي القصيم جمله (100 الى 110 ريال ) .
حجم مبيعاته بمعدل ( من 9 الى 13 درزن ) يومياً في بسطات القريه الشعبيه فقط .
ويالله عليكم الحساب والتنبيش والحررررررررررررررركه ياناس اصحو اصحو والله حررررررررررررررررررررررررام حرام .

المصمم
14-02-2007, 12:51 AM
طيب ياخوووي ليش ماتشتغل فيها انت

وانا بشاركك واصير انا مثل مندوب في القريه وانت مندوب في سوق احجاب ,,,

انتظر ردك ع الخاااص ,,,

(((( انا جــــــــــــــــــــــــــــــــــــــــاد))))

فتى نجد
14-02-2007, 02:20 PM
اخوي / المصمم . هذا اسمه قسم الخبرات العامه وانا ولله الحمد ما شي بشغلي وما اقدر ادخل في هالمجال . ولكن حبيت افيد الأعضاء من خبرتي البسيطه جداً .
اذا انت جاد رح وخذلك جوله عليهم وانا ممكن افيدك عن منتجات هم محتاجينها واعطيك عناوين مصدرها من خارج المملكة يعني بزودك بمعلومات لوجه الله ما ابي اي فائده إلا إني اتمنى أن تكون جاد وتنجح بإذن الله وتصير تشرهنااااااااااا .مزحه..

سري للغاية
15-02-2007, 12:33 AM
يعطيك العافية

تحياتي

خريجة عاطله
15-02-2007, 12:49 AM
فتى نجد

شكرا لك فكره جميله

يعطيك العافيه

فتى نجد
15-02-2007, 06:12 PM
عاطل الرياض و خريجه عاطله شكراً لكم ..
وعشان بديتو تحمسوني هذي معلوميه اضافيه :
فيه ماكياجات يبيعونها في البسطات طبعاً مكياج عادي اللي يجي في علبه طولها حوالي 25سم في عرض 15سم تقريباً وفيها عدة الوان .
جملتها في دبي بحدود ( 8 الى 12 ريال ) ويشترونها البسطات من سوق الجمله بالرياض ( 20 الى 25 ريال ).
طبعاً فيه انواع كثيره حمره وكحل وغيره .. والله ما اعرفها زين لكن البنات ادرا.
لا احد يقولي البنات يدورون الماركات لأن البنات اللي خارج المدن والعجز يستخدمون هذي الشغلات .
وروحو للمباسط وتأكدو بأنفسكم .

Ooحرب الأوصافoO
16-02-2007, 04:10 PM
والله العظيم هذي الافكار البسيطه هي الي تجيب الغايبه بعد اذن الله طبعا ومشيئته ...

بجد اخوي الله يجزاك خير اشرح اكثر عن الموضوع وكيف الواحد ممكن يبداء خصوصا لو هو وحده مو واحد يعني عطنا البدايه كيف نبداء واكيد في ناس بتستفيد

جزاك الله خير
تحياتي

فيصل الجهني
17-02-2007, 02:06 AM
انا مشتغل باهالشغله

والحمد لله ماقلت عيب ولا استحي بالعكس باليوم صافي ارباحي من 100 ريال الى 200 ريال

وفي المواسم الحجاج أتكلم عن المدينه المنوره صافي ارباحي باليوم تصـل الى 500 ريال

والحين عندي سياره وأشتغل مشاوير بالبلد الى الحرم والحمد لله رزقي ماشي

فتى نجد
17-02-2007, 01:36 PM
الأخ /فيصل الجهني , ياليت لو تحاول تشرح للأعضاء تجربتك وتحاول تفيدهم باللي تقدر عليه ومالك منهم الا الدعاء ..

الأخت / حرب الأوصاف , بالعكس بما انك بنت فهذا يسهل عليك أشياء كثيره جداً لأنك راح تتعاملين مع الحريم في البسطات وبيكون التواصل بينكم اسهل من لو كان رجل .
البدايه كالتالي :
1/ اذا كنتي بالرياض روحي للبسطات الموجوده في ( سوق حجاب بالنسيم ــ القريه الشعبيه بالدخل ــ حلة القصمان بالبطحاء ــ سوق الشرقي بالروضه ) وفيه اماكن ثانيه ما اذكرها الأن , عموماً روحي ومعك دفتر ابو مية ورقه وقلم ومري عليهم بسطه بسطه على السريع وسجلي كل المنتجات اللي يبيعونها .
2/ حاولي تسجلين اسعار بيع المنتجات اللي كتبتيها (طبعاً سعر بيعها في البسطات ).
3/ بعد كذا توجهي لسوق الجمله في الديره والبطحاء وحاولي تشوفين اسعار المنتجات اللي سجلتيها ( طبعاً سعر الجمله ) والغرض لمعرفة بكم يشترونها الحريم اللي في البسطات .
4/ طبعاً بما انك بنت ممكن تفكرين بإضافات منتجات اخرى جديده بحيث يمكن بيعها في هذه المباسط .

اتمنى ان تكوني جاده وحاولي والله يكتبلك التوفيق انشاء الله ...

اي خدمه مستعد وممكن اعطيك بعض المنتجات ايضاً فيها رزق ممتاز وطلوبه .
ملاحظه هامه / لازم تعرفين انك بنت وسعوديه يعني انتي ادرا الناس باذواق الحريم في بلدنا وممكن تنجحين بسهوله لأنك بتتميزين بالذوق المتميز عن غيرك ( طبعاً غيرك اللي هم العماله الهنود والباكستاني ).

للحديث بقيه بإذن الله ...

فتى نجد
18-02-2007, 03:52 PM
ملاحظه هامه :
بعد ما تسجلين جميع البيانات ممكن تبدأين البحث عن هذه المنتجات من دبي وعن اسعارها وانا انشاء الله ممكن افيدك عن بعض المصادر اللي اعرفها واسعارهم مناسبه جداً واعلمك كيف توصلين للمصادر المتبقيه ..
ــــــــــــــــــــــــــــــــــــــــــــــــــ ــــــــــ
طبعاً الحريم اللي في البسطات عندهم خياطات في بيوتهم يخيطون البراقع والشيل . وانا اعرف محل في دبي يبيع قماش شيل فيه موديلات حلوه والبسطات يبونه ومطلوب جداً , وسعره في دبي ( 27 ريال ) وينباع جمله على الحريم في البسطات ( 70 الى 85 ريال ) حسب السوق والذوق وبما انك بنت اكيد بتعرفين الأذواق المطلوبه عندنا .
والله يكتب للجميع التوفيق .

سعوديةفخرآل جود
19-02-2007, 02:39 AM
الله يعطيك ألف عافيه

أخونا (فتى نجد)

وربي يرزقك.. ويفتح عليك... إن شالله
.......

وتحيه للأخ (فيصل الجهني)

والله يزيدك يا رب
.........

ودعواتى بالتوفيق للجميع

ام احمد
19-02-2007, 11:03 PM
مشكور اخوي فتى نجد على اهتمامك والله يوفقك بس حبيت اسالك انا رايح اشترك مع ولد اختي بمشروع جوالات (طبعا بعيد عن موضوع البسطات) بس حبيتك تنصحني واذا تعرف ارقام مندوبين ياريت تفيدني وتمنياتي القلبيه للاخ فيصل بالتوفيق

فتى نجد
20-02-2007, 04:11 PM
ام احمد حياك الله والله يكتب لكم التوفيق بإذن الله .
طبعاً أكيد ولد اختك عنده خبره في هالمجال عشان كذا لازم يروح بنفسه لدبي لمدة يوم واحد فقط وياخذ جوله ويسعر المحلات هناك .
المحلات المتخصصه في بيع الجوالات وملحقاتها تقع في منطقة شارع نايف (دبي) واكثر من 700 محل يعني طب وتنق .
وبرضوا اعرف واحد اماراتي شغال في هالمجال وسبق وعرض علي لكن للأسف ماهب شغلتي وبعطيكم رقمه وخلي ولد اختك يكلمه وياخذ من راسه (لكن ما ادري كيف اعطيكم الرقم في المنتدى ياليت يفيدني احد ).
ملاحظه / ممكن تضيفون نشاط بيع قطع غيار الجوالات وحسب علمي فيه رزق جيد وبرضو ركزو على الجوالات المستخدمه في الامارات .
وبالنسبه للشحن من دبي للرياض عندي ارقام مكاتب شحن كلموهم وشوفو اللي يناسبكم منهم.

والله يكتب لنا ولكم وللجميع التوفيق.

ru-media
20-02-2007, 04:31 PM
فتى نجد بارك الله فيك جهد تشكر علية لايضاح بعض الامور البسيطة والمفيدة جدا لمن يريد ان يكسب الرزق الحلال وانا على استعداد للمساعدة المادية لمن يرغب بشرط الجدية 000 لان من الواجب علينا كقادرين مساعدة من هم بحاجة بالدعم المادي او المعنوي بالتوفيق

فتى نجد
20-02-2007, 10:22 PM
الأخ / ru-media الله يجزاك الف الف خير وهذ ماهب شي غريب على مجتمعنا المعروف بالتكاتف والتعاون .
ومن هالمنطلق انا بعرض بعض الأفكار هنا ويالله ياشباب ويا بنات ورونا همتكم وهذا اخونا عرض عليكم الدعم المالي للجادين فقط فقط فقط وورونا إنجازاتكم خلونا بعد كم سنه نشوف رجال وسيدات اعمال بفضل الله ثم هالمنتدى .
فكررررره طازجه (للشباب) :
زي ما تعرفون اننا في السعوديه مبدعين في اغراض الرحلات (الكشتات) وعندنا شغلات عجيبه ورهيبه وكثيييييييييييره جداً جداً جداً في هالمجال , المطلوب منكم :
1/ البحث عن كل جديد في هذا المجال من ابتكارات وشغلات حلوه مثل (شنطة العزبه المجهزه ــ فراش البر ــ بعض الأواني للبر ــ الشراع للتذريه ــ وغيره وغيره وغيره وغيره .
2/ طبعاً البحث يبدأ من عند المحلات المشهوره في هالمجال وهم كثيرين طبعاً ومنهم
(السنيدي ) وقيسو على ذلك .
3/ بعد تحديد المنتجات وتحديد المصادر تبدأ بالتخاطب معهم على انك بتشتري جمله وتبدأ تسجل كم بيكلفك المنتج الفلاني بالجمله (طبعاً البدايه حبه حبه يعني تبدأ بكم منتج معين وبعدين تبدأ تزود ).
4/ بعد كذا تبدأ بتسويقها في الأماكن اللي محتاجينها فعلاً وغير متوفره بكثره عندهم, طبعاً من هم المعنيين............................. ( الأمارات , قطر , الكويت ) مبدئياً .
5/ طريقة التسويق في هذه الدول وشلون , اقولكم وشلون :
ــ يتم إنشاء موقع انترنت بشكل حلو ومرتب (بدون مطرسه تكفون) ويتم عرض هذه المنتجات فيه بالصور الواضحه وبالتفاصيل وبطريقه منظمه مع الأسعار (يعني شغل لبنانيين).
ــ بعد تجهيز الموقع يتم عمل اعلانات في الصحف عن الموقع مع توضيح محتويات الموقع باللإعلان , يعني مثلاً ( طلعت البر معنا احلى .............www.wwww.com (http://www.wwww.com) .
ــ طبعاً عندهم جرايد اعلانيه زي ( المبوبه ــ الوسيله ــ الوسيط ......الخ ) يتم الاعلان فيها وممكن بالجرائد الرسميه مثل ( الخليج بدبي ــ الأتحاد بابوظبي ــ الوطن بقطر ــ الراي بالكويت ..........الخ ).
ــ ويتم التعاقد مع احد الشركات مثل ( ارامكس ) لتوصيل الطلبات .
ــ كما يمكن التسويق داخل السعوديه لأن الحاجات هذي مشهوره في منطقة نجد ولكن باقي المناطق ما يعرفونها ويبونها بنفس الوقت والله من واحد وواحد في جده او مكه او ابها او الشرقيه يسئلوني منين جبت هذي ومنين هذي ومنين هذيك ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
طبعاً الشغله كلها ( الموقع www ــ البضاعه ــ الإعلانات ) راس مالها بسيط يعني لايمكن يتجاوز ( 20000 ريال ) عشرين الف ريال , لأن ما يحتاج لا معرض ولا يحزنون وتخزين البضاعه بالملحق ولا بعشة الحمام (مزحه لاتصدقون) , واخونا ru-media ما قصر وتزهل لكن للجادين والصاملين ماهب حقين البلايستيشن والاستراحااااااااااااات .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
(( انا لا أجهد نفسي بالأختراع , بل أجهدها بالبحث عن ما يحتاجه الناس )),,,,

فتى نجد
20-02-2007, 10:37 PM
الأخ / ru-media , عندي افكار اخرى سوف اعرضها لاحقاً بما انك مستعد للدعم المالي للشباب والبنات , لكن خل نشوف من الجادين وبعدها لكل حادثٍ حديث ...
والله يجعلها في موازين اعمالك ..

laylagggg
21-02-2007, 01:32 AM
انا ودي اتاجر بالجلابيات سعرها رخيص في دبي وتنباع في السعوديه بضربه وكمان موضوع الزعفران مره ممتاز ايش رايكم تساعدوني تراني بحاجه ماسه ليكون عندي دخلن

فتى نجد
21-02-2007, 10:49 PM
الأخت / laylagggg , ابشري والله يكتبلك التوفيق .
انا ممكن اجيبلك عناوين المصادر بالنسبه للزعفران والجلابيات طبعاً هذي ماهب شغلتي وللكن اعرف ناس هذي شغلتهم وخبراء في هالمجال ولا انا ما اعرف افرق بين الزعغران والليمون (مزحه) .
لكن انتي اكيد عارفه وش المطلوب وكم وغيره من التفاصيل , ولكن سؤالي مره ثانيه كيف احط العناوين والتلفونات هنا ياجماااااااااااااااااعه .
وللمعلوميه ترا راس المال بسيط يعني ممكن بمبلغ ( 3000 ريال ) تبدئين ..

فتى نجد
23-02-2007, 08:05 PM
لجميع القراء
انا عندي مصدر من (كشمير ) يصنعون (مفارش الطاولات والخداديات ) طبعاً اللي تنحط على طاولات المجالس وشغل رررروعه وشك يدوي ومقاسات مختلفه وانواع ( تول و اورقانزا ومخمل وغيره ) , وممكن بيعها في السعوديه بسعر منافس جداً جداً عن اللي موجود في المحلات .
السؤال انا نويت ادخل هالمجال بإذن الله لكن محتاج من البنات يفيدوننا بأفكار تسويقيه واللي ترغب بالتسويق ماعندي مانع . (اللهم ارزقني وارزق مني ) ...

ولد منيرة
27-02-2007, 08:25 AM
فتى دبي لا هنت ولا يهونون الشباب والبنات

بالله عطني مصادرك في دبي للجلابيات ...

الرسمي
25-03-2007, 11:33 PM
هلا أخوي فتى نجد ممكن تساعدنا في طلب المفارش ...



شاكرين ومقدرين ..

الفراشه
27-03-2007, 07:14 AM
فتى نجد
انا مرة رحت لااسواق حجاب وحصلتهم يبيعون البراقع والنقابات ب15 و20 ريال والطرح ب25 ولما وصلت المنطقه النائيه اللي بالسوق يعني اللي على الاطراف حصلت خياطين يفصلون الطرح والنقابات ولما سالت قالوا البرقع ب5 والطرحه اظن ب10او 5نسيت والله المهم ان البساطات ياخذون من هالخياطين ويبيعونها
بدبل الدبل ا
لله يوفقك

أبوفيصل 1430
27-03-2007, 10:59 PM
طيب انا عندي حوالي 2000ريال من وين أبدأ وكيف
خوي فتى نجد والله جاد وحاب أحسن دخلي لكن ابي إللي يوجهني

طبعاً هألفين حيلتي في هالدنيا ما عندي غيرها إن ضاعت ضعت معها

اتمنى تشوف لي حل خوي فتى نجد وأكون لك من الشاكرين

أخوك / كاتم

المتميز
01-04-2007, 12:55 AM
هلا وغلا بجميع الأعضاء وبك اخي فتى نجد


الله يعطيك العافيه اخي فتى نجد ورحم الله والديك وجزاك الله الجنة وغفر الله لك ذنوبك


ممكن تعطيني مشروع ناجح بمبلغ 2000 ريال اخوك المتميز من المدينة المنورة

وحاب اتعرف عليك وعلى فيصل الجهني للتواصل معي يمنع وضع ارقام الجوالات والايميلات ...... الادارة

اخوك خريج جامعي وعاطل الله يعين ويرزقنا

فتى نجد
04-04-2007, 06:22 PM
السلام عليكم جميعاً ....
أولاً المعذره لإنقطاعي هذه الفتره ولكن لأسباب خارج إرادتي وبشكل عام انا ماني من هوات النت بكثره وما عندي وقت كافي والله للمتابعه .

الأخوه والأخوات الكرام اللي لهم استفسارات هنا أو عن طريق الرسائل صدقوني حاولت ارد برسائل ولكن ما قدرت لأنه غير مسموح لي ارسل الى ان اشارك بعدد من المشاركات وغيره...................................الخ .
لذلك ارجو ممن لهم أي تساؤل أو استفسار أو استشاره مراسلتي عل إيميل

يمنع وضع الايميلات وارقام الجوالات ......الان يمكنك اخي استخدام الرسائل الخاصة .............الادارة

والله يكتب لنا ولكم التوفيق بإذن الله ...
ملاحظه : وصلتني رسائل على إيميلي من الموقع وهي استفسارات ولكن لم استطع الرد عليها لأنها لا تحمل عنوان البريد الإلكتروني للمرسل , لذا ارجو من المرسلين اعادة ارسالها من بريدهم مباشرةً لأتمكن من الرد .

فتى نجد
04-04-2007, 06:37 PM
الأخ ولد منيره :
انا فتى نجد ماهب (فتى دبي) , عموماً بخصوص مصادر الجلابيات فيه محلات كثير انا مريتهم وشفتهم في دبي وهم جمب بعض عشان كذا لازم تروح انت بنفسك وتشوف الموديلات والأقمشه والأسعار لأني سبق وقلت انا ماعندي خلفيه جيده فيها ولكن صديق لي يشتغل بهالمجال وماشي معه ومتوفق ماشاء الله ويشتغل بنفس الطريقه اللي قلت لك يروح كل فتره ويجيب الجديد , وانا مستعد اعطيك المكان اللي فيه محلات الجلابيات كلهم وراسلني على إيميلي .

الأخ الرسمي :
بالنسبه للمفارش انا مافهمت طلبك بالظبط وياليت تراسلني بالإيميل . وعموماً مصدري عنده اذواق رررررررررررروعه وبأسعار مناسبه جداً جداً..

الأخت الفراشه:
انا ما ركزت على البراقع بل على قماش البراقع !!!!!!!!! وهنا تحديداً أطلب من الجميع التفكير بهالكلمتين وتحليلها وبعدين تعميمها على اغلب المنتجات .

الأخ كاتم العبرات :
لازم يكون عندك أي فكره لمشروع معين في راسك وراسلني على إيميلي وحدد وش اللي تفكر فيه وانا مستعد اساعدك بدراسته وتسويقه . وحدد لي مكان سكنك وارسلي جوالك ..

الأخ المتميز :
اقول لك نفس الكلام اللي قلته لكاتم العبرات وانا بتصل فيك قريب انشاء الله ولكن يهمني معرفة ان كنت تملك سياره وهل انت من الشباب النشيط المتحرك .. وراسلني بالإيميل.

سعود...
04-04-2007, 06:57 PM
شكرا اخوي فتى على مجهودك

سعود...
04-04-2007, 06:58 PM
شكرا اخوي فتى على مجهودك

طالبة كبيرة
04-04-2007, 07:18 PM
ودي افتح كافي نت نسائي في الخرج ما في ولا واحد بس ماني عارفة ويش اسوي او كم بيكلف وشلون ابدا وايش احتاج افيدني وجزاك الله خير وانا عندي خلفية بالشبكات وصيانة الحاسب بس خايفة افشل خصوصا ان المبلغ اللي بسوي فيه قرض

فتى نجد
05-04-2007, 08:19 PM
اخوي سعود شاكر ومقدر لك .
الأخت / طالبة كبيرة , فكرة مشروعك فيها مخاطره كبيره لأن وضع مجتمعنا لايتقبل مثل هذه الأفكار خصوصاً إن البنت صعبه عليها جداً تطلع من بيت اهلها عشان تروح للنت كافيه !!!! الحين يالله تروح للسوق , وقيسي على نفسك وعلى قريباتك ومعارفك من البنات .
والنقطة الأهم وعلى ما أظن أن الجهات الحكوميه المعنيه لاتسمح وخصوصاً هيئة الأمر بالمعروف .
ولكن اذا كنتي متحمسه جداً للمشروع ممكن تشوفين حل ثاني , مثلاً ممكن تفتحين الكافي نت داخل مشغل نسائي كبير ومعروف بالخرج أو سوق نسائي بحيث تستأجرين منهم جزء وتجهزينه مبدئياً بعدد بسيط من الأجهزه (جس نبض للسوق) وبعدين اذا توفقتي تزودين بالأجهزه شوي شوي ..
وعلى فكره ممكن تحولين الفكره الى كافي نت رجالي وبالنسبه للسيطره عليه سهله جداً جداً وذلك لوجود برنامج محاسبي يظبط الدخل والمنصرف تماماً .
اتمنى ان اكون وضحت بعض الأمور , واذا فيه استفسارات اخرى مستعد بإذن الله..

rhl
06-04-2007, 02:33 AM
مشكور

محمد ال راجح
07-04-2007, 08:42 AM
الله يوفقك ويرزقك

فتى نجد
09-04-2007, 10:03 AM
للشباب :
تسويق المخلطات (العطور) : طبعاً المخلطات موجوده وبكثره ولكن فيه مكان اساسي لم يتم استغلاله تسويقياً حتى هذه اللحظه وهو ( صوالين الحلاقه ) بطريقه مرتبه جداً من حيث الجوده والعرض .
مجرد فكره ......

فتى نجد
10-04-2007, 12:22 PM
للبنات :
لماذا لا يتم إنشاء مركز خدمات طالب نسائي 100% في موقع مناسب (مهم جداً جداً ).
مجرد فكره ...

ابراهيم
12-04-2007, 07:41 PM
الله يجزاك الخير

قصه قديمة
12-04-2007, 11:10 PM
السلام عليكم ورحمة الله وبركاتة


هلا اخوي فتى نجد

والله يا اخوي معاي 30000 ريال وهذا المبلغ هو حيلتي بهالدنيا

وودي انميه وافتح مشرع بها المبلغ المذكور

وياليت تفيدين اخوك الصغير عبدالاله

فتى نجد
14-04-2007, 03:25 PM
الأخ/ قصه قديمه (عبدالإله) السلام عليكم ..
1/ هل لك سابق تجربه في المجال التجاري ؟ وما هو ؟
2/ هل انت لك ميول لمجالات معينه ؟
3/ هل لديك خبره في مجال معين؟
4/ هل لديك ذائقه جيده في الأختيار ( يعني انت ذويق في الأختيار )؟

اجبني على هذه الأسئله وانا بإذن الله بعطيك بعض الأفكار الجيده وكيفية تطبيقها . لكن المهم انك تتذكر المثل اللي يقول ( مايحك جلدك الا ظفرك ) على الأقل في بداياتك يعني لازم توقف على شغلك بنفسك لين تمشي اموره .
والله يكتب التوفيق للجميع ...

بلاقيود
14-04-2007, 07:05 PM
"فتى نجد " لدي فكرة مشروع انشطة اطفال واود طرح الموضوع عليك حتى تكتب لى مرئياتك ...
الملخص لها اني افتح محل في مركز تجاري لإستقبال الأطفال من سن 3 الى 12 للبنات والأولاد10 سنوات بينما الأم تستمتع بالتسوق او مشوار لها والطفل يبقى لدي حتى عودتها ... الطفل يبقى في أمان ولعب كما في رياض الأطفال والأكبر سن تستمتع بوقتها بالأعمال اليدويه والفنيه وغير ذلك

طبعاً ذلك نابع من خبراتي السابقه في مجال رياض الأطفال + المهرجانات
واي معلومات ممكن ازودكبها ولك جزيل الشكر

دمت بخير

طموحةبلاحدود
14-04-2007, 09:53 PM
ماشاء الله فتى نجد الله يجزاك بالخير على افكارك ومساعدتك ..

بستشيرك عشان تكسب اجر في ..
وياليت ترشدني ماشاءالله عليك واضح انك خبره في السوق

فكرت اني أدخل مجال عمل بزنس وانمية مبدئيا بشتغل بــ3000 ريال فقط
ابي نصيحتك وين اجرب وفي اي مجال .. وماعندي اي خبره في التجارة لكن احبها ..


اختك طموحه بلا حدود :) في انتظار مشورتك


موضوعك هذا خلاني اسجل بالمنتدى فخلك كريم بنصحك لي :d

قصه قديمة
15-04-2007, 12:49 AM
وعليكم السلام....

/ هل لك سابق تجربه في المجال التجاري ؟ وما هو ؟
نعم ( في مجال اجهزه الجوال والاكسوارات ( ولاكن مامشا المشروع بسبب غلاء الاجار)

2/ هل انت لك ميول لمجالات معينه ؟
والله يا خوي لا مالي ميول معين

3/ هل لديك خبره في مجال معين؟
نعم لي في مجال الاتصالات ( ولاكن كرهت الجوالات كره الله يعلم به ولا افكر الدخول به مره اخرا)

4/ هل لديك ذائقه جيده في الأختيار ( يعني انت ذويق في الأختيار )؟

نعم نوعا ما ( لاني لا اختار الا افضل القطع )

والله يرزقك الجنه

ملاحضه ( مقاهي النت ما وجهت نظرك بها )

KADEY77
15-04-2007, 01:48 PM
ودي افتح كافي نت نسائي في الخرج ما في ولا واحد بس ماني عارفة ويش اسوي او كم بيكلف وشلون ابدا وايش احتاج افيدني وجزاك الله خير وانا عندي خلفية بالشبكات وصيانة الحاسب بس خايفة افشل خصوصا ان المبلغ اللي بسوي فيه قرض

أنا في صدد افتتح مشروع خدمات نسائية بالخرج خدمات طالبه وصيانة حاسب وأشياء أخرى وكنت ناويه يكون جانب كوفي ممكن يكون بينا أتفاق إذا كنت جاده لأنه صعب تفتحين محل كوفي مستقل بسبب التراخيص

فتى نجد
16-04-2007, 07:53 AM
السلام عليكم ...
الأخ / قصه قديمه , انا اكره شغلتين في هالدنيا وهي ( الجوالات والجوالات ) لأني احس انها شغلت من ليس لديه حيله , بمعنى انها استهلكت بما فيه الكفايه ومافيها رزق وكل من هب ودب اشتغل فيها . واكرر عليكم اللي دائماً انصح فيه كل من يستشيرني ( لاتكن في وجه المدفع بل كن الجندي المجهول )...
عموماً قصه قديمه / رأس مالك (30000 ريال) وهذا المبلغ ممتاز جداً جداً وانا بعطيك فكرة مشروع انا شخصياً مقتنع فيه 100% وجربته بطريقه سطحيه ولقيت ارباحه تتجاوز 250 % بدون مبالغه والله العظيم .
فكرة المشروع :
مفارش للطاولات ( وهي مفارش لزينة الطاولات في المجالس وتكون بشك يدوي وبأقمشه أورجنزا و مخمل وساتان بالإضافه للخداديات )
التسويق :
( لاتفتح محل نهائياً انتبه هذي نقطه مهمه )
ــ التسويق عن طريق العرض والبيع على التصريف لدى محلات المفروشات (الأثاث) ومو المحلات الفخمه جداً , يعني ممكن تتعامل مع مفروشات العمر ومعارض المفروشات اللي عندهم اطقم كنب على التفصيل مثل اللي في مخرج (11) بالروضه وطريق الملك عبدالله في المرسلات وفي كل حي تلقاهم وكثيرين جداً جداً .
ــ التسويق عن طريق العرض والبيع على التصريف لدى الأكشاك الموجوده في المجمعات التجاريه اللي يبيعون تحف أو اكسسوارات مثل ( مجمع صحاري بلازا أو السلام مول أو البديعه مول أو العثيم مول أو الرياض مول أو الرمال سنتر أو .............. الخ .
ــ أستغلال الأسواق المؤقته (المهرجانات) بحيث تستأجر كشك صغير لمدة عشر ايام مثلاً مع ملاحظة كثافة المتسوقين الممتازه في هذه المهرجانات وعندك حالياً مهرجان في هايبر بنده بطريق الملك فهد ورمال سنتر في الدائري الشرقي .
ــ يمكن التسويق عن طريق ركن صغير في أحد المشاغل النسائيه المشهوره وتعطيهم نسبه من المبيعات .
ــ التسويق عن طريق محل تتفق معهم ويكون في سوق نسائي .
ــ وهناك الكثير من طرق التسويق بذكرها لك لاحقاً اذا نويت انشاء الله .
المطلوب منك :
انك تبدأ تشيك على المحلات في الرياض وتشوف اسعارهم .
تجهز لك مبلغ (1800 ريال) تكاليف كامله عشان تسافر للدوله اللي عندهم هالمنتجات وتبدأ تقارن من ناحية السعر والموديلات .
مميزات المشروع :
ــ مافيه احد يقدم موديلات حلوه وتناسب اذواق السعوديين إلا في أماكن معينه وبأسعار مرتفعه جداً .
ــ نسبه كبيره جداً من المعروض عندنا اذواق (الله يكرم النعمه) وموديلات قديمه يعني مافيه تجديد .
ــ المنافسه ضعيفه جداً في هالمجال ومافيه احد متخصص إلا اللي في شارع الثميري وكلهم أفغانيين وباكستانيين والذوق (الله يجيرك ولا بريال) وموديلات لها سنوات وحنا نشوفها ورح وتأكد بنفسك .
رأس المال :
مبدئياً ممكن تبدأ بمبلغ (15000 ريال )
مثال صار معي :
كنت مسافر انا وام خلودي (راس المال طبعاً) سياحه على قولتهم , الله يطولي بعمره ويخليها لنا و......و......و.......و........و....... ( واحد خواف هههههههه) شافت مفارش طاوله وجابت العيد وقالت هذا مكاني (طبعاً ام خلودي ذووووووويقه بقوه والدليل انها اخذتني) المهم اشترت مفرش بعرض (1 متر) وطول (2 متر) قماش اورجنزا وكله شك يدوي بسعر ( 150 ريال ) مفرق يعني بالجمله ممكن ( من 90 الى 110 ريال ) وجبنا كم حبه هديه وبعد ما جبناها انجنو عليها الأقارب اللي عطيناهم وبدو يبلشوني يكثر الأسئله والطلبات ونا والله مانيب فاضي ولا كان اشتغلت فيها مظبوط , عموماً بديت اسأل في السوق من باب العلم بالشيء وحصلت اشياء قريبه منها ولكن مو زيها بالعكس اقل مستوى منها ولقيت الأسعار من (800 الى 1200 ريال ).
نقطه مهمه جداً جداً :
الذوق الذوق الذوق الذوق ركز زين على الذوق وممكن تستعين بخواتك او قريباتك في هالموضوع .
طبعاً نسبة البنات كثيره في المنتدى وياليت تعطونا ملاحظاتكم وأرائكم وتصححون لي إذا أخطيت لأنكم انتم اللي تعرفون الشغلات هذي اكثر منا ...

(( على فكره يا عبدالإله اذا منتب متزوج أعرس عشان تحل مشكلة أختيار البضاعه ))
مززززززززززززززززحه ....

طبعاً انا عندي تلفونات وعناوين المصادر . اذا نويت 100% أعطيك اياها إنشاء الله , ولاتنسانا من الدعاء وياليت توصي العجوز تدعيلنا ...

أي استفسارات انا مستعد وبالتوفيق إنشاء الله ...

فتى نجد
16-04-2007, 08:28 AM
الأخوات / لاعمل لدي و طموحة بلا حدود ..
عطوني يوم او يومين عشان ارد عليكم انشاء الله ...

طموحةبلاحدود
16-04-2007, 03:10 PM
الأخوات / لاعمل لدي و طموحة بلا حدود ..
عطوني يوم او يومين عشان ارد عليكم انشاء الله ...


منتظرين:)

بلاقيود
16-04-2007, 10:08 PM
منتظرين:)


منتظرين ولك جزيل الشكر :p

رياح
17-04-2007, 10:47 PM
أعجبتني فكرة خدمات الطالب النسائي
بس هل يعطون تراخيص

رياح
17-04-2007, 10:49 PM
أخي فتى نجد أعجبتني فكرة المفارش ممكن التفاصيل
لاني وحدة درت دورة غير طبيعية علشان مجالسي

فتى نجد
18-04-2007, 07:20 AM
السلام عليكم ...
الأخت / لاعمل لدي , فكرتك جيده وانا سبق وشفتها في اسواق ماليزيا واسبانيا وغيرهم والحقيقه هي ناجحه عندهم بقوه ولاكن بسئلك بعض الأسئله اللي لابد تحطينها في حساباتك وراجعيها تمام , وهـــــــــــي :
1/ لابد أن يكون الموقع مؤمن بحيث تطمئن الأم وتثق بوضع ابنها , بمعنا أن الطفل لايستطيع الخروج من هذا الموقع لوحده وبنفس الوقت لابد ان يكون شبه مكشوف ليستمتع الأطفال باللعب والتفرج على المتسوقين ولتتمكن الأم من متابعة طفلها كل فتره بمجرد المرور من بعبد لبعيد , فهل هذا ممكن !!!!! .
2/ في حالة كان الموقع شبه مكشوف كيف ستتمكنين من التحرك ومتابعة الأطفال امام الناس وانتي امرأه .
3/ ما شاهدته انا في الخارج كان في مراكز تجاريه صممت مكان خاص لهذا النشاط منذ بداية إنشاء السوق بحيث يكون في موقع استراتيجي في وسط المركز مع ملاحظة أن المركز التجاري في الخارج يؤجر هذا الموقع بمبلغ يعتبر رمزي على شركات متخصصه في هذا المجال وذلك من باب الدعايه لمركزهم لجلب اكبر عدد من الزبائن للتسوق في مركزهم , بمعنى أنهم لايهدفون للربح منه بقدر أن يكون عنصر جذب للعملاء .
4/ طبعاً مشروع مثل هذ يحتاج لمساحه ممتازه وواسعه يعني بحدود (150 الى 200 متر مربع) ومثل هذه المساحه في مثلاً (سوق صحارى أو العثيم مول أو الحياة مول أو ..................الخ ) يتراوح ايجاره (200000 الى 300000 ريال سنوياً).
5/ ايضاً تكلفة التجهيزات ستكون عاليه وذلك لأن اصحاب المراكز هنا يشترطون عليك أن يكون ديكورك وتجهيزك راقي ليتناسب مع مستوى وسياسة ادارة المركز .
6/ يجب الأخذ بالحسبان أن اغلب الأمهات اللي يجيبون اطفالهم معهم إما أن معها الخدامه أو تبي طفلها معها لأنها جايه تشتري له شي وتبي تقاوس عليه وتشوف اللي يناسبه يعني لازم يكون معها .
7/ طبعاً فيه ملاحظات اخرى ولكن اللي كتبته يعتبر الأهم وأي مناقشه مستعد وما ذكرته ليس إلا وجهة نظر قد تكون صحيحه وقد تكون خاطئه والله أعلم ..

طلب للجميع (( لاتنسونا من الدعاء لوالدتي بالشفاء وجزاكم الله خير ))

فتى نجد
18-04-2007, 07:29 AM
الأخت/ طموحة بلاحدود , بالنسبه لرغبتك البدء بهذا المبلغ انا سبق وذكرت في بداية هذا الموضوع فكرت تأمين احتياجات المباسط النسائيه , وايضاً ممكن تفكرين في موضوع المفارش اللي كتبته قبل وتسويقها على معارفك وبحاول اشوف شي جديد ويناسبك بإذن الله ولكن برضو انتي دوري أي شيء في بالك واكتبيه هنا وأنشاء الله محنا مقصرين عنك بالأراء والتوجيه والمناقشه والله يكتب للجميع التوفيق .
ملاحظه/
ياليت تكتبين لنا عن ظروفك , يعني هل عندك سواق او اخوك ممكن يتنقل معك وفي أي مدينه انتي وهل انتي طالبه ولا موظفه واشياء مثل كذا , طبعاً انا اسألك كذا لأن فيه طبيعة اعمال تصلح لبنت ولا تنفع لثانيه حسب الظروف ومكان السكن وغيره عشان نحاول نحدد الهدف من دون تشتيت الأفكار .

فتى نجد
18-04-2007, 07:33 AM
الأخت / رياح , الله يكون بعونك على التأثيث لأن أم خالد الله يجزاه خير خلتني امشي اكلم نفسي يوم كنا نأثث لأن مزاجها صعب جداً جداً والله يجعله لكم منزل عامر بإذن الله .
بالنسبه لطلبك بعض التفاصيل والله مافهمت المقصود بالظبط وياليت توضحين المطلوب عشان اقدر افيدك .

فتى نجد
18-04-2007, 07:34 AM
قصه قديمه , مازلنا ننتظر نتائج دراستك عن المشروع ومرئياتك ...

فتى نجد
18-04-2007, 07:49 AM
فكره للشباب :
اذا عندك سياره وعاطل واسلوبك جيد وراعي حركه سو اعلان بالجريده ( هل لديك خادمه تأخرت عن الوصول ) طبعاً اللي يبي خدامه يقدم عند مكتب استقدام وبينهم عقد لمده معينه واذا تأخرت الخدامه فيه غرامه 30 ريال يومياً وفيه ناس كثيرررررررررررررررررررر تأخرت خداماتهم لشهرين وثلاث شهور يعني تلقا الغرامه حوالي 1500 ريال وما احد من هالناس يطاب فيها لان المكاتب تتلاعب عليهم ولكن لو انت تابعت وطلعت الغرامه تاخذ على الأقل نصها من صاحب الخادمه وانا اضمن لك شهرياً مالا لايقل عن 100 عميل , وعليك الحساب ..
طبعاً تحصيل الغرامه له طريقه خاصه ونظاميه لكن الكل يجهلها ؟؟؟؟؟ وحلها عندي.

بلاقيود
18-04-2007, 08:37 AM
اولاً تمنياتنا بالشفاء العاجل لوالدتكم ...معافاة يارب

ثانياً لك كل الشكر لهذه الدراسه للمشروع .

ثالثاً الموقع المختار في مول بجده ولاميزه به انه قريب من ملتقى احياء بجده .

بالنسبه للإيجار والتجهيزات لايهمك اختك مقدمه على قرض ويمكننا القيام به حتى وان لم ينزل القرض وذلك لأنه شراكه عائليه ويبقى لي المشئوليه وذلك لخبرتي الطويله برياض الأطفال .

وبإمكنك الرجوع لسيرتي وهذا جزء منها وهو ماقد مايهمنا فيها ....


المؤهل بكالوريوس إدارة واقتصاد (إدارة عامه ).
جامعة الملك عبد العزيز

الدورات 6- برنامج التأهيل الوظيفي
7- برنامج الأوفس " إدارة مكتبيه "
8-دورة سكرتارية مكتبيه
9-دورة فن التعامل مع الآخرين
10 -دورة إسعافات أوليه

الإنجازات معلمة تعليمي+ مشرفة رياض أطفال +إداريه


حاصلة على مسمى وظيفي من وزارة التعليم
( قائمة بعمل مديرة روضة اهلية)


مهارات العمل مستخدم جيد للحاسب ببرنامج الأوفيس
مستخدم جيد لشبكة المعلومات العنكبوتيه (الآنتر نت )
شخصيه قياديه + إداريه جيده + تحمل مسؤولية الجماعة
الاهتمامات القراءة للكتب النافعة ،الاطلاع على ماهو جديد في علم
الإدارة والأنتر نت .

اهواء العمل الغي روتيني ..والأعمال الحره .

اتمنى ان لااكون ازعجت وكثرت عليك

دام الجميع بخير

فتى نجد
20-04-2007, 12:34 AM
الأخت / لاعمل لدي , ياليت تذكرين لي تكلفة الإيجار في هذا المول للمساحه اللي تبينها وايضاً ياليت توضحين فكرتك في الحساب يعني بالساعه ولاكيف وكم تقريباً المبلغ اللي بتطلبينه من الأمهات .

بلاقيود
22-04-2007, 01:20 AM
اخي ..فتى نجد ....

المبلغ المطلوب للإجار 50.000 ريال لمساحة 6x5 واذا اخذت محلين بجوار بعض سوف يحسبه لي ب90.000 ريال
واكيد الحساب بالساعه من يوم السبت حتى الثلاثاء 20 ريال للساعة
سعر ويوم الأربعاء حتى الجمعه تختلف التسعيره طبعاً اكثر 30 ريال بالساعة

ارجوووووك اذا لديك اي اظافه لاتبخل علينا

دمت بخير ....ويرب يشفي لك الوالده .

طموحةبلاحدود
22-04-2007, 07:18 AM
ملاحظه/
ياليت تكتبين لنا عن ظروفك ,

مشكور فتى الرياض ..........طال عمرك انا بين جده ومكه ..
ومش موظفه ولاطالبه يعني خريجة بكالوريوس> >>مستحيه تقول عاطله:(


:(

مانقول غير الشكوى لله




شكرا لك

وفي انتظار الافكارالجديده والتوجيه




طموحه بلاحدود





.

.

الرويال
22-04-2007, 04:07 PM
فتى الله يرزقك ويوسع عليك

ممتاز واكثر من ممتاز بصراحه توي اتابع الموضوع وراح اقراه صفحه صفحه

ومن ثم يكون لي تعليق بسيط

واصل بارك الله فيك وصدقني كل حرف تكتبه لك الاجر فيه

الأخوان محتاجين لضوء ينير لهم الطريق

فتى نجد
22-04-2007, 10:42 PM
اخوي الرويال , شكراً على إطرائك الجميل ونسئل الله أن يرزقنا وإياكم الصحة والعافية .
الأخت / لاعمل لدي , كم يوم بس وبحاول أقدم لك اللي يقدرني عليه رب العالمين .
الأخت / طموحة بلاحدود حالياً ما يحضرني فكره قد تناسبك , ولكن أنا عندي منتج قاعد أصنع فيه في الخارج وهو منتج نسائي موجه للبنات وخصوصاً ( العرائس ) وهو يعتبر أساسي جداً جداً في تجهيزات العروس , وبتصميم روووووووووعه وجذاب وبفكرة جديده مررررررره , واللي اقدر اقدمه لك إني راح أخليك موزعة معتمده لمؤسستنا في هذا المنتج في جده وما راح تحتاجين راس مال كبير بالعكس انا راح اخدمك بكميات بسيطه وبسعر الجملة.
طبعاً البضاعة بدأنا في تصنيعها خارج المملكة الأن وبإذن الله سوف تكون موجوده في مستودعنا قبل بداية موسم الصيف والأعراس . عشان كذا ياليت كل عشرين يوم تراسليني على الإيميل عشان ما أنسى الموضوع . للتذكير فقط ...
والله ييسر كل أمرٍ عسر ,,,
ملاحظة هامة / هذا المنتج فكرة وتصميم فتاة سعودية , ونحن نراهن وبقوة على نجاحة ...

يمنع (xowhsox@yahoo.com) وضع الايميلات وارقام الجوالات بامكانك استخدام الخاص اخي ........الادارة

واحدةمن العاطلات
23-04-2007, 03:38 AM
الله يكثر من أمثالك ويوسع لك في رزقك ويشفيلك امك ويطول في عمرها ..
يعني انت فتحت عيونا وعقولنا على شغلات كنا نقول عنها صعبه ومعقده الله يسهل دربك....

بروووكي
23-04-2007, 03:52 AM
الله يوفقك اخوي ويوفق كل الاعضاء
بسم الله ....ماشاء الله عليك ...الله يحفظك
اسأل الله العظيم رب العرش الكريم ان يشفي
لك والدتك ويحفظها لك ويطول بعمرها
ويحفظك لها

طموحةبلاحدود
23-04-2007, 07:32 PM
الله يجزاك خير

انتظر مني رساله باذن الله

لكي افهم تفاصيل اخرى






بموازين حسناتك يافتى نجد باذن الله

فتى نجد
24-04-2007, 12:33 PM
الأخت / واحدة من العاطلات ...
الأخ / بروووكي ...
الله يجزاكم عني كل خير وشاكر ومقدر لكم .
الأخت / طموحة بلاحدود , المعذرة انا ما اقدر اعطي أي تفاصيل حالياً ( أحتياطات أمنية ) مززززززحة , لكن كان قصدي بالمراسلة عشان التذكير لأني سريع النسيان والمطلوب منك بس كل مده رساله للتذكير ..
والله الموفق ,,,,

طموحةبلاحدود
24-04-2007, 01:26 PM
تذكير ايش ..اللي ارسل علشانه رسايل ؟؟؟

ياطويل العمر اي مشروع لازم فيه تفاصيل دقيقه واخرى عامه شامله


ومن اللي بيدخل بمشروع بدون مايعرف ايش اللي له واللي عليه والمطوب منه ؟؟؟

وبعد اشياء واجد غير كيذا ؟؟؟؟


عموما كماتشاء يافتى نجد :)



كل الشكر

فتى نجد
24-04-2007, 08:11 PM
الأخت/ طموحة بلاحدود .....
أأأأأأأأأأأأأسف وانسي الموضوع نهائياً رجاءً وخلالالالالالالالاص بطلنا من هالشغله .
الحين ابي اخدم وافيد واستفيد وشوف الشغله قلبة على راسي ..

الرويال
24-04-2007, 11:10 PM
السلام عليكم

اخي فتى نجد كما وعدتك بالعوده مجدداً

المشاريع جميعها ممتازة وتحتاج لقلب جامد الافكار نادرة ولها نجاح إن طبقت

لم اجد اي تعليق او مداخله اضيفها غير اني تفهمت جيداً معنا لاتكن بوجه المدفع بل كن الجندي المجهول

احببت الدعاء لوالدتكم بعد ان علمت من خلال الموضوع بمرضها

اسال الله العظيم رب العرش العظيم ان يشفى والدتك وأن تسعد بشفاء لايغادر سقما .. اللهم اشفها و اثبها .. اللهم اشفها و اشفي مرضي المسلمين يا ارحم الراحمين

من بعد اذنك اخي فتى وارجوك تكمل ولعل اختنا طموحة لم تفهم جيداً

نحن معك سنحاول إثراء الموضوع

اختي طموحه التذكير يقصد به بان تكوني موزعة معتمده للمنتج الجديد الذي لدى فتى نجد
لن يكون مستمراً على إطلاع على الموضوع ولذلك احب الله يجزاه خير ان يكون التذكير عبر البريد فهو اسرع ولاينسى ويكون قبيل الإجازة الصيفيه
لم يتحدث عن مشروع موجه بشكل شخصي هو تحدث عن منتج فقط

اخيراً ربما اثقلنا عليك يااخي فتى نجد ولكن نكرر الرجاء بالمواصله وحتى لو كانت بسيطه

فتى نجد
26-04-2007, 11:37 PM
السلام عليكم...

الرويال ... شكراً لك ويعطيك الف عافيه وانا موجود دائماً بإذن الله ولن يبعدني بعض الأختلافات الغير مقصوده .

بالنسبه للأخت/ طموحه بلا حدود وبعد ردها القووووووووووووي , لفتة إنتباهي لشغله مهمه جداً جداً جداً وهي خصال يجب على أي شخص يريد الدخول في المجال التجاري أن يتحلى بها , وهي خصلتين مهماة جداً : ( الأسلوب اللبق مع من تتعامل معهم ) و ( التروي والإستيعاب لفهم أي موضوع وعدم التعجل بالحكم والبت فيها ) ...

وما ابي اتفلسف واشرح وش معنى هالكلام لأني على ما اعتقد أنه واضح ..
وصدقوني هذي خصال ضروريه ومن تجربه شخصية .

بنت السعودية
27-04-2007, 12:17 PM
شكرا لك يا فتى نجد على ماتقوم به لمساعدة الاعضاء

واسأل الله القدير ان يشفي والدتك ويلبسها لباس الصحة والعافية

افكارك رائعة وطرحك متميز ما شاء الله

لكن يا حسافة فانا بصراحة ما عندي جرأة للقيام بعملية التسويق والاقناع

اتمنى لك ولجميع الاعضاء التوفيق والنجاح

فتى نجد
28-04-2007, 06:49 AM
الله كريم أو الأخت (بنت السعودية) شاكر مرورك , وللمعلوميه العمل التجاري لايحتاج منك ان تكوني شخصية مقنعه بل كل ما يحتاج هو ( منتج مقنع ) , يعني مثلاً ( سيرلاك ) حق الأطفال كل الناس تدخل السوبرماركت وتشتريه بدون ما يعرضه عليهم احد يعني صاحب الشركه ما جا في السوبرماركت وقعد يقنع الناس إلا تشترون هذا , ولكن ليش الناس تتوجه له هو بالذات لأنه مقنع ويسد حاجه .....
المسألة تحتاج منك إعادة تفكير وتمعن وبعد نظر وتوفيق الله قبل كل شيء .

فتى نجد
28-04-2007, 06:54 AM
فكرة للشباب .....بس تبي شوي راس مال :
المنتج / عفريته (رافعه للسياره تستخدم عند تعطل كفر السياره ).
الميزه / هذه العفريته تعمل بالكهرباء عن طريق سلك طويل يمكن توصيله في ولاعة السياره ومن ثم تعمل العفريته بواسطة زر تحكم للرفع والتنزيل اتوماتيكياً .

التسويق : (( لكل حادثٍ , حديث )) ,,,

فتى نجد
28-04-2007, 06:58 AM
فكرة للشباب والبنات :
عندي منتج ممتاز وبفكره جديده عبارة عن كبريت وميدالية بنفس الوقت , ولكن بشكل جذاب وروعه جداً , ويمكن تسويقه على مؤسسات الدعاية والإعلان , وانا جسيت النبض على السريع ووجدت قابليه ممتازه عليه .
للجادين انا ممكن ادلكم على المصدر وازودكم بسعره . طبعاً المصدر ( الصين ) .

راس المال تقريباً ( 7000 الى 10000 ريال ) ,,
بالنسبة للطلب بسيط جداً وانا ممكن اساعدكم في طريقة الطلب ..

فتى نجد
28-04-2007, 07:05 AM
السلام عليكم ورحمة الله وبركاتة
الساده / اصحاب ومشرفي منتدى البطالة المحترمين

أولاً أشكر جهودكم الواضحه ومثابرتكم في إنجاح هذا المنتدى وأطلب من الله العلي القدير أن يجعلها في موازين أعمالكم وأن ينفع بكم شبابنا وبناتنا وأن يرزقكم الصحة والعافية .
ثانياً أتقدم بالشكر الجزيل لكم ولثقتكم بي ومنحي مسمى ( موجَه تجاري ) وأطلب من الله أن أكون عند حسن ظن الجميع ومكان ثقتكم , والف الف شكر ..

ابو خالد ..

فتى نجد
28-04-2007, 07:14 AM
قصه قصيره :
حبيت اذكر لكم هذه القصة من باب التشجيع للشباب والبنات وعشان تكون لكم دافع وتعرفون ان مافي شي مستحيل ولكن الصعوبه موجوده وممكن التغلب عليها بالصبر والمثابرة .
بإإإإإإإإإإختصار شديد :
طبعاً أكثركم يعرف ( انوش anosh ) محل الشوكولاته والمعموووووول بالقرفه والكوكيزززززززززززززز , هاااااااااه جعتواااااا ....
صاحب هذه الشركه اعرفه معرفة عمل , تصدقون انه قبل تقريباً ست او سبع سنوات كان يشتغل بائع في تمور المملكة براتب لايتجاوز 2500 ريال , والأن ماشاء الله تبارك الله يشتغل في شركته بمبلغ يتجاوز الثمانية ملايين ....

طبعاً انا عارف انه بيجي تعليقات ويقولون رزقه وحظه وغيره وغيره وغيره , لكن لو قلت لكم ان هالثروه جت بفضل الله ثم بفضل ( معمول القرفه ) بتصدقون ..

(( لاتحقرنا صغيرةً فمعظم النار من مستصغر الشرر ))

فتى نجد
28-04-2007, 07:26 AM
فكرة مشروع :
طبعاً أنا لاحظت في مواضيع اخرى في المنتدى ان الموضه الأن مركزه على ( مغاسل الملابس ) وعشان كذا حبيت اطرح هذي الفكره للمناقشه والفائدة وهـــــــي :
مغسلة ملابس ذاتيه / يعني في امريكا واوروبا اذكر اذا رحت هناك اني اغسل ملابسي بنفسي وطبعاً فيه محل تلقا فيه مكاين مرصوصه جمب بعض منها مكينة غسيل ومنها مكينة تنشيف , واللي عليك تحط (الكوين) اللي هو العملة الحديد وتشتغل الماكينة وتقلب بنفسها لين تخلص بعد حوالي 25 دقيقه وبعدها تطلع الملابس وتحطها بالنشافه وتحط العملة وتشتغل حوالي 15 دقيقه وبعد كذا تاخذ ملابسك وللبيت على طول وتكويها عندك ..

في السعودية , العملاء المستهدفين :
ــ المقيمين ( عزاب أو متزوجين ) .
ــ التكلفه افل بكثير جداً جداً من المغاسل العاديه .
ــ التكلفه اقل من الغسيل في بيوتهم .
ــ سرعة الإنجاز مع الدقة .
ــ يمكن إنشائها في مناطق تجمع المقيمين في أحياء معينة .
ــ يمكن إنشائها في المناطق الصناعية حيث يوجد فيها سكن للموظفين وتصل اعدادهم بالألاف .
ــ يمكن إنشائها في الأبراج السكنيه الكبيرة او في مجمع عمائر او مجمع سكني .

وقفة للتأمل ........ والله المستعان .

فتى نجد
28-04-2007, 07:47 AM
فكرة للبنات :
وهي عبارة عن فريق ( سيرك ) بهلوان وهم عدد 3 فلبينيات يجيدون بعض اعمال السرك والحركات البهلوانيه البسيطه ومعهم بعض العدد لممارستها , وذلك لتأجيرهم بنظام الليله مثلاً في حفلات النجاح للأطفال أو اعياد الميلاد او في العيد او في مناسبات الجمعيات او المدارس وغيره ................ الخ .

طبعاً مجرد فكره للبنات ,,,,

النشمي
28-04-2007, 04:36 PM
السلام عليكم ورحمة الله وبركاتة
الساده / اصحاب ومشرفي منتدى البطالة المحترمين

أولاً أشكر جهودكم الواضحه ومثابرتكم في إنجاح هذا المنتدى وأطلب من الله العلي القدير أن يجعلها في موازين أعمالكم وأن ينفع بكم شبابنا وبناتنا وأن يرزقكم الصحة والعافية .
ثانياً أتقدم بالشكر الجزيل لكم ولثقتكم بي ومنحي مسمى ( موجَه تجاري ) وأطلب من الله أن أكون عند حسن ظن الجميع ومكان ثقتكم , والف الف شكر ..

ابو خالد ..


وعليكم السلام ورحمة الله وبركاته

اخي
نحن من يتقدم لك بالشكر على ما تقدم لخدمة اخوانك واخواتك اعضاء منتديات البطالة وتوجيههم لسلك اسلم السبل في التجارة ، نسأل الله العلي القدير ان لايحرمك الاجر والثواب وان يكون عملنا وعملك خالصاً لوجهه سبحانه ........... اما ذلك المسمى فهو ابسط ما كان يجب علينا تقديمه لشخصكم الكريم ، وفقنا الله واياك لما يحبه ويرضاه .

الامل سر الحياة
29-04-2007, 02:00 AM
الله يعطيك العافية

تاجر اولاين
29-04-2007, 09:44 AM
ممكن احد يفيدني بمشروع بألفين ريال غير البسطات وشكر ا

أبو زياد
30-04-2007, 11:52 PM
لجميع القراء
انا عندي مصدر من (كشمير ) يصنعون (مفارش الطاولات والخداديات ) طبعاً اللي تنحط على طاولات المجالس وشغل رررروعه وشك يدوي ومقاسات مختلفه وانواع ( تول و اورقانزا ومخمل وغيره ) , وممكن بيعها في السعوديه بسعر منافس جداً جداً عن اللي موجود في المحلات .
السؤال انا نويت ادخل هالمجال بإذن الله لكن محتاج من البنات يفيدوننا بأفكار تسويقيه واللي ترغب بالتسويق ماعندي مانع . (اللهم ارزقني وارزق مني ) ...

أولاً لا أزيد على كلام أخي النشمي حرفاً

بارك الله فيك ورزقك من حيث لاتحتسب

وأراك خلووودي في أعلى المراتب وقر عيني والدته وعينيك.

ورفع عن والدتك وألبسها ثوب الصحة والعافية

ثانياً أرجو منك الدعم في موضوع المفارش

رأس المال من عندي.

التوريد عليك وحقك محفوظ.

التصريف لسيدة محتاجة. سأقوم بتمويلها مبدئياً عسى الله أن يفك ضيقتها.

دعواتكم لها إخواني وأخواتي.

ودعواتكم للأخ فتى نجد

ودعواتكم لأخوكم عاشق الريم.

أنتظر منك مراسلتي على الخاص أخي الكريم برقم جوالك.

بارك الله فيك وبشرك بما تحب وتريد.

فتى نجد
01-05-2007, 06:31 AM
السلام عليكم...
اخي عاشق الريم , الله ييسر لك امرك ويرزقك على قد نيتك وجزاك الله عني كل خير على دعواتك الطيبه وللجميع بإذن الله .
بخصوص موضوع المفارش ابشررررررر وتحت امرك ولكن بشرط !!!!!!!!!!!!
انا بعطيك المصادر مباشرةً ومالي نيه اني اخذ عموله او شي من كذا ابداً والله وحده يعلم ان هذي نيتي لأعضاء المنتدى , وثانياً ودي اشاركك الأجر على الأقل بتزويدك بالأرقام والعناوين , جعلها الله في ميزان حسناتك .
المعذرة انا الأن خارج الرياض وخلال يومين إنشاء الله برجع وارسلك العناوين والأرقام لأنها بالبيت عندي ..

فتى نجد
01-05-2007, 06:43 AM
تاجر اولاين / فكر بالميداليات (تقليد الماركات) انا سبق وجبتها من الصين , طبعاً كهدايا للحبايب وصراحةً الناس تذابحو عليها ودقو علي ناس اعرفهم ومن زماااااااان ما شفتهم بس عشان يبون من هالميداليات .
طبعاً تقليد ( جوتشي , بالي , مونت بلانك , جيفنشي , كارتير , وكرستيان ديور , ............................. الخ ) . وكان سعرها علي بحدود ( 5 ريال ) طبعاً من سوق عادي وبدون مكاسر لأني كنت مستعجل وخميتها بسرعه .
فكر فيها وقلبها وشف وضعك بالجمارك وتدخيلتها .
التسويق :
بسيط جداً جداً جداً واول شي عندك القهاوي (الشيشه) فيه كشك تلقاه يبيع كبكات واقلام , حط عنده وعلى التصريف وصدقني بتطير هووووووووووووووووى ...

hamdan
01-05-2007, 01:15 PM
لا هنت أفكار حلوة

فتى نجد
05-05-2007, 07:01 AM
قصة قصيرة

كان فيه شاب في عام 1416هـ وعمره تقريباً وقتها ( 20 سنة ) , يوقف في مخرج 15 في الدائري الشرقي وانت متجه غرب كنك رايح للملز يعني بعد اسواق المجد بحوالي 100 متر .
كان معه ددسن موديل (1984م) ويوقف بالخدمه على اليمين وكان يبيع المكسرات بأنواعها وخصوصاً الفصفص المحموس اللي يحبه قلبك , طبعاً انا كنت شبه يومي امر في هالشارع لأن جدي الله يرحمه كان ساكن بالملز وانا اسير عليه , وكنت كل مامريت اوقف واخذ من عنده بعض المكسرات وصارت بيننا علاقه على خفيف ووالله مره من المرات سئلته وقلت "مزح" : ارفق على الضعوف مثل الرفاعي والفار لاتضيعهم وتقطع رزقهم (طبعاً بلهجتنا القصيميه) عاد تطلع قويه ومن قلب , رد علي وقال "بما معناه" : طول ما انا حارم نفسي من متعة الدنيا بعمري الحين والله وان قاله الله اني ما اخلي سنيني تضيع بالهوى . !!!!!!!!!!!!!!!!!!!!! .
ودارت الأيام وبفضل الله وتوفيقه ثم بمثابرة هذا الشخص .
تدررررررررررررون وش وضعه الأن ؟؟؟؟؟؟

الأن يملك أكثر من ( 28 ) فرع محلات مكسرات في أنحاء المملكة .
من هووووووو ؟؟؟؟؟؟ (( مكسرات بـــاجة ).

ماشاء الله تبارك الله ولا إله إلا الله والله يباركله ويتمم عليه ...

النشمي
05-05-2007, 02:33 PM
قصة قصيرة

كان فيه شاب في عام 1416هـ وعمره تقريباً وقتها ( 20 سنة ) , يوقف في مخرج 15 في الدائري الشرقي وانت متجه غرب كنك رايح للملز يعني بعد اسواق المجد بحوالي 100 متر .
كان معه ددسن موديل (1984م) ويوقف بالخدمه على اليمين وكان يبيع المكسرات بأنواعها وخصوصاً الفصفص المحموس اللي يحبه قلبك , طبعاً انا كنت شبه يومي امر في هالشارع لأن جدي الله يرحمه كان ساكن بالملز وانا اسير عليه , وكنت كل مامريت اوقف واخذ من عنده بعض المكسرات وصارت بيننا علاقه على خفيف ووالله مره من المرات سئلته وقلت "مزح" : ارفق على الضعوف مثل الرفاعي والفار لاتضيعهم وتقطع رزقهم (طبعاً بلهجتنا القصيميه) عاد تطلع قويه ومن قلب , رد علي وقال "بما معناه" : طول ما انا حارم نفسي من متعة الدنيا بعمري الحين والله وان قاله الله اني ما اخلي سنيني تضيع بالهوى . !!!!!!!!!!!!!!!!!!!!! .
ودارت الأيام وبفضل الله وتوفيقه ثم بمثابرة هذا الشخص .
تدررررررررررررون وش وضعه الأن ؟؟؟؟؟؟

الأن يملك أكثر من ( 28 ) فرع محلات مكسرات في أنحاء المملكة .
من هووووووو ؟؟؟؟؟؟ (( مكسرات بـــاجة ).

ماشاء الله تبارك الله ولا إله إلا الله والله يباركله ويتمم عليه ...



ماشاء الله تبارك الله

لا واظن ان له الان فرع في نفس مكان الددسن

بلاقيود
05-05-2007, 07:13 PM
الأخ فتى نجد

ممكن تزويدي بما فيه الكفايه عن الأتي
1/

فكرة مشروع :
طبعاً أنا لاحظت في مواضيع اخرى في المنتدى ان الموضه الأن مركزه على ( مغاسل الملابس ) وعشان كذا حبيت اطرح هذي الفكره للمناقشه والفائدة وهـــــــي :
مغسلة ملابس ذاتيه / يعني في امريكا واوروبا اذكر اذا رحت هناك اني اغسل ملابسي بنفسي وطبعاً فيه محل تلقا فيه مكاين مرصوصه جمب بعض منها مكينة غسيل ومنها مكينة تنشيف , واللي عليك تحط (الكوين) اللي هو العملة الحديد وتشتغل الماكينة وتقلب بنفسها لين تخلص بعد حوالي 25 دقيقه وبعدها تطلع الملابس وتحطها بالنشافه وتحط العملة وتشتغل حوالي 15 دقيقه وبعد كذا تاخذ ملابسك وللبيت على طول وتكويها عندك ..

في السعودية , العملاء المستهدفين :
ــ المقيمين ( عزاب أو متزوجين ) .
ــ التكلفه افل بكثير جداً جداً من المغاسل العاديه .
ــ التكلفه اقل من الغسيل في بيوتهم .
ــ سرعة الإنجاز مع الدقة .
ــ يمكن إنشائها في مناطق تجمع المقيمين في أحياء معينة .
ــ يمكن إنشائها في المناطق الصناعية حيث يوجد فيها سكن للموظفين وتصل اعدادهم بالألاف .
ــ يمكن إنشائها في الأبراج السكنيه الكبيرة او في مجمع عمائر او مجمع سكني .
2/
لجميع القراء
انا عندي مصدر من (كشمير ) يصنعون (مفارش الطاولات والخداديات ) طبعاً اللي تنحط على طاولات المجالس وشغل رررروعه وشك يدوي ومقاسات مختلفه وانواع ( تول و اورقانزا ومخمل وغيره ) , وممكن بيعها في السعوديه بسعر منافس جداً جداً عن اللي موجود في المحلات .
السؤال انا نويت ادخل هالمجال بإذن الله لكن محتاج من البنات يفيدوننا بأفكار تسويقيه واللي ترغب بالتسويق ماعندي مانع . (اللهم ارزقني وارزق مني ) ...

بارك الله فيك وفي جهودك

فتى نجد
06-05-2007, 06:45 AM
السلام عليكم ...
اخوي / النشمي , صحيح وهو أول فرع تم افتتاحه وماشاء الله بعدها توجه ومشة اموره الله يبارك له .

اختي/ لاعمل لدي , بالنسبه لما يلي :
1/ المغاسل الذاتيه , طبعاً هذي معروفة جداً في الخارج وفي مره كنت في بلجيكا وحضرت معرض وكان فيه مصنع يصنع هذه المغاسل مشارك وسئلت عن سعر الماكينة وكانت تقريباً (5000 الى 8000 ريال) الغسيل والتنشيف وهذا قبل حوالي 4 سنوات . واذا كنتي جاده جداً جداً في الموضوع انا ممكن اوصي احد هناك أو المانيا واجيب لك سعرها ومواصفاتها وعناوين المصنع ولكن رجاءً اذا كنتي جاده 100% ..

2/ بخصوص المفارش انا مافهمت وش المطلوب بالظبط , ياليت توضحينلي ..

فتى نجد
06-05-2007, 06:47 AM
اخوي عاشق الريم , ما نسيتك بس مازلت خارج الرياض ومجرد ما ارجع بارسلها لك بإذن الله ...

فتى نجد
06-05-2007, 07:13 AM
(( العمل التجاري ))

المنطقية والواقعية مطلوبه واساسية في العمل التجاري حيث يجب الأبتعاد عن التهور والتسرع في البداياة , ولنا في ذلك قصص وعبر كثيرة ولاتحصى لمشاريع فاشلة , وقد صادفة شباب كثيرين في الخارج وخصوصاً في الصين , بمجرد ان يجد سلعة رخيصة يبدأ بإجراءات الشراء والشحن لتصديرها للسعودية دون أي مراجعة لهذا القرار الخطير اللذي لاتحمد عقباه .
مره قابلت في الصين شباب اثنين اصدقاء وصار بيننا تعارف في الفندق وكنا نروح سوا يومياً لحضور المعرض اللي جينا اساساً عشانه , وفي يوم تقابلنا في الفندق مساءً كالعادة وتفاجأت انهم دفعو عربون بمبلغ اكثر من (28000 ريال) لمصنع سيراميك !!!!! يعني اشتروا كميات سيراميك وهم ملهم في هالشغله لامن قريب ولا من بعيد .....
طبعاً دار بيننا نقاش طويل جداً لساعات وانا احاول اقنعهم بإلغاء الصفقة ولكن لاحيات لمن تنادي , وفعلاً وصلت البضاعة للرياض وكنت اقابلهم كل فترة طبعاً عشان ما ادوخكم بالأفلام الهندية اللي صارت لهم من وصول البضاعة ... بإختصار كلفتهم كاملةً واصله للمستودع اكثر من (230000 ريال) وبالنهاية باعوها استوك بمبلغ لايتجاوز (70000 ريال ) والله هذا اللي صار .. بكل بساطة تدرون وش كان اعتراضي :
1ــ هذا المنتج من المنتجات اللتي يجب توفر موديلات كثيره ومنوعه منها يعني يبيلها راس مال فوق المليون ريال عشان تقدر توفر اغلب الأذواق المطلوبة من العملاء وذلك بسبب شدة المنافسة الشرسة في هذا المجال , وهذا في حالة البيع المباشر للمستهلك .
2ــ في حالة البيع بالجمله هناك عدة عوائق اهمها :
ــ المحلات الصغيره اللي بياخذون منهم جملة التسديد عندهم بالدين ( أجل ) .
ــ المحلات الصغيره مايقدر ياخذ منك لأنك لاتملك قاعدة قويه يعني ما عندك موديلات
منوعه وبنفس الوقت ما يقدر يغامر معك ويخسر التجار اللي يتعامل معهم من سنوات
عشانك خصوصاً انك على قدك وتوك (ساردين) .
ــ تقول خلالالالالالاص .... ببيع للتجار الكبار , اقولك فيه مثل يقول ( لاتبيع المويه في
شارع السقايين ) يعني بتروح تبيع للتجار اللي هم يستوردون من الصين وكاشفين الأسعار كلها وعارفين كم تكلفتها عليك .... no way .

طبعاً هذا المثل ينطبق على أي عمل تفكرون فيه .

الحل ببساطه , قبل ما تدخل في أي شغله فكر (( بالتسويق )) وعندك اربع شغلات تبدأ تبني عليها وتجس نبض السوق , وهـــــــي :
ــ المنـــتــج ( تحديد نوعية المنتج أو الخدمه المراد البدء فيها ) .
ــ مـتـــــى : ماهو الوقت المناسب لجلب السلعه
ــ أيـــــــن : ماهو المكان المقترح لبيع السلعه
ــ كـيــــف : ماهي الطريقة اللتي توصلت لها لتسويق المنتج

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
فكروا فيها ونناقشها ,,,,,

المحمد
07-05-2007, 08:54 PM
"فتى نجد " لدي فكرة مشروع انشطة اطفال واود طرح الموضوع عليك حتى تكتب لى مرئياتك ...
الملخص لها اني افتح محل في مركز تجاري لإستقبال الأطفال من سن 3 الى 12 للبنات والأولاد10 سنوات بينما الأم تستمتع بالتسوق او مشوار لها والطفل يبقى لدي حتى عودتها ... الطفل يبقى في أمان ولعب كما في رياض الأطفال والأكبر سن تستمتع بوقتها بالأعمال اليدويه والفنيه وغير ذلك

طبعاً ذلك نابع من خبراتي السابقه في مجال رياض الأطفال + المهرجانات
واي معلومات ممكن ازودكبها ولك جزيل الشكر

دمت بخير


الفكرة موجودة مسبقاً في الرياض ، بس في 3 مراكز إلى الآن فقط !

ولا أعلم عن باقي المناطق !!

ربنا يوفق الجميع !

ابراهيم
07-05-2007, 11:26 PM
هلا اخوي فتى نجد .. الله يعطيك العافيه ويجزاك ربي الخير ويجعله في ميزان حسناتك

ودي آخذ رايك بهالمشروع ::

انا موظف بشركة وراتبي حول 3000 يعني توي ماتثبت لي 7 شهور متوظف

وودي أكون نفسي .. فكرت اني اقترض من البنك 50 ألف ريال وأبدأ بمشروع

فكرت بمشروع العطاره .. بما ان سوقه ماشي عند الحريم :rolleyes:

أنا أبي رايكم .. وأبيكم تقولولي تتوقعون يكون مشروع ناجح أو خاسر ؟؟

أبيكم تقولولي عن مشاريع غير هالمشروع أذا انتم تشوفون ان فيه احسن من العطاره

وهل 50 الف تكفي لبداية مشروع بسيط وصغير وأبدا فيها حياتي وأكون نفسي ؟؟

شااكر لك اخوي

المميزة2006
08-05-2007, 02:57 AM
السلام عليكم
بصراحه ليه فتره وانا اقرأ في هذا الموضوععندي فكره وودي تساعدوني بتحويرها ورسم خطوطها راعكم الله والفكره هي تاجير فساتين افراح بس المشكله هنا كيفيه التاجير يعني مثلا لو كنت انا الي بشتري الفساتين غير مثلا لوحده اعطتني فستانها وااجره له لانه بهالطريقه مراح ادفع ولا ريال
بس هنا القضيه ؟؟ كيف اظمن ان الفستان يرجع لي او نقول يرجع لي سليم
وكيفيه الدفع والاجراءات المهمه
اتمنى انكم تفيدوني

يرجى عدم وضع روابط في المشاركات اختي ـــــــــــــــــــــ الإدارة

فتى نجد
08-05-2007, 07:40 AM
السلام عليكم...
الأخ / ابراهيم , صحيح سوق العطارة ماشي تمام عند الحريم لكن ماهب أي عطاره !!!!! يعني اللي ماشي هم العطارين اللي يسوون خلطات وشغلات غريبه شي للشد وشي للتبييض وشي للشعر وشي للتنحيف وشي وشي وشي وشي وشي ............. الى مالا نهاية , طبعاً فيهم الكذاب والدجال وفيهم الصادق .
ولكن لو تلاحظ العطارين اللي ما يسوون الحاجات هذي بتلقا شغلهم على قدهم ويالله يغطي مصاريفه , إلا العطار القديم اللي يشتغل من سنة جدتي ومعروف من زمان وهذا عنده زباينه اللي محافظ عليهم من سنوات .
يعني مقومات نجاح مثل هالمشروع هــــــي :
1/ هل لديك الخبرة الجيده واللتي تؤهلك لعمل تركيبات علاجية من الأعشاب .
2/ هل لديك الخبرة الجيدة لعمل الخلطات المطلوبه من قبل النساء ومنافسة الموجود في السوق حالياً .
3/ هل انت تقدر تفرق بين الكمون والدارسين ولا بين السنا المكي وقشر الرمان ولا ولا ولا ولا ولا ولا مزززززززززززززززحه .
طبعاً انا متأكد ان ماعندك خبره في العطاره ولاحظ انها من الشغلات الصعبه جداً مثل تجارة العود ودهن العود , وتحتاج خبره قويه وشخص متمكن منها , وانتبه لاتكون طايح على يماني ولاهندي ولا باكستاني وقالك انا اسويلك وافعلك واحطلك كلللللللللللللللهم نصابين ولو يقدر كان نفع نفسه قبلك ولا يقولك والله ماعندي راس مال لأنه لو كان متمكن كان قدر يدبر راس المال خلال يوم واحد . انتبه انتبه انتبه انتبه ...

بالنسبه لرأس مالك يعتبر ممتاز جداً جداً , وانا ممكن افيدك بشغلات تستورد من الخارج وتسوقها هنا وحاجات جديده وعلى قولتهم ( اضرب وامش ) لين تكون راس مال جامد ذيك الساعه خاطر وغامر على كيفك , واذا انت جاد جهز مبلغك وراسلني على الخاص عشان اقدر افيدك بشرط تكون جاد وجاهز ...... وتحياتي .

فتى نجد
08-05-2007, 07:45 AM
الأخت / المميزة 2006 , حياك الله , وفكرتك جيده وانا بحاول اقدملك اللي يقدرني الله عليه لكن الرابط الموجود عيا يفتح معي نهائياً . ياليت اذا فيه طريقه تدليني كيف لأني في مجال الكمبيوتر على قدي . وانشاء الله بعد اطلاعي على الرابط برد عليك ..

المميزة2006
08-05-2007, 03:19 PM
مدري وش سالفة هالرابط اصلا انا ماحطيته
مدري شلون طلع في رسالتي ؟؟

المحمد
08-05-2007, 07:15 PM
ما شاء الله تبارك الله !!

أفكار مميزة ، تحتاج البداية والتوكل على الله !!

أخي الكريم فتى نجد ، الإخوة والأخوات الكرام :

تم عرض علي من أحد المصانع في اليابان التي تنتج أجهزة كهربائية منزلية ، تطلب وكيل لها في المملكة والخليج !

هل يوجد عند أحد القدرة على الحصول على الوكالة !
مع العلم بأنني اتخاطب مباشرة مع مالك المصنع ومديره العام

تحياتي للجميع

ابراهيم
09-05-2007, 01:55 PM
هلا اخوي محمد

ممكن توضحلي كيف يعني وكالة في التجارة .. معليش لأني على قدي

وايش هي المسؤلية ؟؟ وايش الربح من ورا الوكالة ؟؟

لاني شاب أريد أن اكون نفسي

جزاك الله كل خير

fmf
10-05-2007, 01:03 AM
شكرا لفتى نجد على جهوده ونصائحة المتميزة
شكرا للجميع على تفاعلهم
وفق الله الجميع ودمتم بخير والى المزيد من النصائح الذهبية .

المحمد
10-05-2007, 11:25 AM
هلا اخوي محمد

ممكن توضحلي كيف يعني وكالة في التجارة .. معليش لأني على قدي

وايش هي المسؤلية ؟؟ وايش الربح من ورا الوكالة ؟؟

لاني شاب أريد أن اكون نفسي

جزاك الله كل خير

السلام عليكم

الوكالـــة : أن تصبح وكيل معتمد في السعودية (مثل عبداللطيف جميل وتويوتا) !
المنتجات : أجهزة إلكترونية منزلية - صناعة يابانية .

وتحتاج إلى رأس مال كبير يقدر يدخل السوق وينافس فيه !

والقدرة على التسويق والإبداع وإشهار المنتج ، ومنافسة المنتجات الموجودة حالياً سواءً الصينية أو اليابانية.

تحياتي للجميع بالتوفيق !

فتى نجد
10-05-2007, 07:50 PM
اخوي / المحمد ..
ياليت ترسلي على الخاص اهم الاجهزه المنزليه اللي يصنعونها واسعارها عندهم يعني مثل المكيفات شباك وسبليت والتلاجات والغسالات والتلفزيونات بانواعها واحجامها ................ الخ , عشان اشوف من حيث المبدأ هل هي مشجعه ولا لأ , وبعدين ندخل بالتفاصيل , وياليت توضحلي وضعك في العمليه هذي كيف ..
بإنتظار ردك باقرب وقت وتحياتي ,,,,

سـلـطـان
11-05-2007, 10:16 PM
موضوع جميل
بارك الله فيك

مستشار توظيف
12-05-2007, 12:32 AM
اخوي فتى نجد
كثر الله خيرك وبارك الله في جهودك وجعله في ميزان حسناتك
من الواضح أنك أنسان عملي وتحب العمل ونفع الناس بالخير ولك بهذا أجر كبير اغبطك فيه

هناك من يقراء الموضوع ويأخذه بستهزاء او بالاصح عدم الجدية او استبعاده ويستصعب الموضوع

الأمر ومافيه يحتاج إلى عزيمة وصبر وإراده وخطه عملية واضحه لأن أي مشروع مهما كان حجم رأسم المال ولو كان 1000 ريال سعودي فأن البداية صعبة وراح تواجهك عقبات إذا لم تصمد فيها فإنك ستخسر مشروعك ونرى اليوم أناس كثيرون يدخلون مشاريع صغيرة و لا تجده يستمر ويفشل ويعلل فشل المشروع بالظروف المحيطه فيه ويأخذ درس طول حياته ويبقى متخوف من فتح مشروع حتى لا يفشل مثل مافشل في المره الأولى .

السؤال الذي يطرح نفسه على الجميع ....؟

عندما نفشل في تجربة ما ( أي تجربة في حياتنا ) لماذا نضل مقيدين ومأسورين خلف فشلنا ...؟ لماذا لا نحول هذا الفشل إلى التجربة مفيده ونأخذ إيجابياتها ونترك سلبياتها...؟

أخي فتى نجد

احي فيك هذه الروح الحماسية والمخ التجاري


وأريد الافاده ورأيك في المشاريع الخدميه بشكل عام إيجابياتها وسلبياتها...؟


لك مني كل تحيه

بلاقيود
12-05-2007, 01:34 AM
...

اختي/ لاعمل لدي , بالنسبه لما يلي :
1/ المغاسل الذاتيه , طبعاً هذي معروفة جداً في الخارج وفي مره كنت في بلجيكا وحضرت معرض وكان فيه مصنع يصنع هذه المغاسل مشارك وسئلت عن سعر الماكينة وكانت تقريباً (5000 الى 8000 ريال) الغسيل والتنشيف وهذا قبل حوالي 4 سنوات . واذا كنتي جاده جداً جداً في الموضوع انا ممكن اوصي احد هناك أو المانيا واجيب لك سعرها ومواصفاتها وعناوين المصنع ولكن رجاءً اذا كنتي جاده 100% ..

2/ بخصوص المفارش انا مافهمت وش المطلوب بالظبط , ياليت توضحينلي ..

اخي الكريم فتى نجد لي اخ عاطل وأردة ان اخذ منك فكرة شامله للموضوعين

حتى اخبره والله يوفقك لصالح العمل

دمت بخير

بلاقيود
12-05-2007, 01:47 AM
الفكرة موجودة مسبقاً في الرياض ، بس في 3 مراكز إلى الآن فقط !

ولا أعلم عن باقي المناطق !!

ربنا يوفق الجميع !

اخي المحمد ....اهلاً بك

... انا من جده ...وسبب رغبتي في ذلك اني عملت برياض الأطفال وتركت المدارس الأهليه

واحببت ان يكون لي مشروعي الخاص وقلت بما ان هذا مجال عملي فسوف يكون لي نجاح به .

المحمد
13-05-2007, 10:04 AM
اخوي / المحمد ..
ياليت ترسلي على الخاص اهم الاجهزه المنزليه اللي يصنعونها واسعارها عندهم يعني مثل المكيفات شباك وسبليت والتلاجات والغسالات والتلفزيونات بانواعها واحجامها ................ الخ , عشان اشوف من حيث المبدأ هل هي مشجعه ولا لأ , وبعدين ندخل بالتفاصيل , وياليت توضحلي وضعك في العمليه هذي كيف ..
بإنتظار ردك باقرب وقت وتحياتي ,,,,

تسلم أخي الكريم ///
ومتأسف على التأخير

لم أستطع ارسال رسالة على الخاص ، بسبب عدد المشاركات ما يغطي !

إذا أنت بترسل لي على الخاص إيميلك أو جوالك وسأتواصل معك !

تحياتي !

أبو عبدالله

b-jrooh
14-05-2007, 04:48 PM
اخوي فتى نجد
عسى الله يوفقك لما تحبه وترضاه في مساعدة الاعضاء
وعندي سؤال واحد عاطل مثل حالتي ويفكر بمشروع في مدينة جدة
وش نصيحتك له

فتى نجد
14-05-2007, 09:42 PM
السلام عليكم ...
اخوي مستشار توظيف . المشاريع الخدميه بالنسبة لي انا شخصياً ومن واقع تجربة في مجال ( مكتب استقدام كنت املكه , ومؤسسة مقاولات ) بصراحه كرهته كره عظيم وسلبياته كثيره جداً جداً , وخصوصاً اذا كان من المجالات الخدميه اللي فيها احتكاك شبه دائم مع الجهات الحكوميه حيث ان اغلب القوانين والقرارات تكون ارتجاليه يعني بالعامي ( ماتمسك جاااااااااااااده .....) كل يوم فيه قرار وكل يوم فيه نظام جديد وعلى هالحاله , وايضاً اغلب المجالات الخدميه تعتمد على الأيدي العامله المستقدمه من الخارج بسبب انخفاض تكاليفهم (الرواتب) وطبعاً اللحين انت عارف وضع التأشيرات وبهذلتها وصعوبتها .
طبعاً ما اقدر انكر ان المجال الخدمي له مردود مالي جيد وهذه من اهم ايجابياته وبرضو عادةً يكون طريق ممتاز جداً لبناء علاقات جيده مع اشخاص لم تكن تتوقعهم .

عمموماً هذه وجهة نظر شخصية ومختصره جداً جداً , ولو حبيت اننا نتناقش اكثر عطني رؤس اقلام عن اللي في بالك وانشاء الله اقدر اقدم لو شي بسيط قد تستفيد منه , ولو حبيت على الخاص ....

فتى نجد
14-05-2007, 09:48 PM
بلا قيود (والله مادري أخ أو أخت ) لكن شكلك اخت ...
عموماً انتي طلبتي فكره شامله عن موضوعي ( المغاسل الذاتية و المفارش ) وتامرين امر , ولكن انا كتبت سابقاً شرح مفصل تقريباً وبناءً عليه ممكن الشخص يبدأ يدرس الموضوع , ولكن اذا فيه شي معين او استفسار ياليت توضحين لي المطلوب بالظبط ولا عليك امر ...
وبالتوفيق انشاء الله ,,,,

فتى نجد
14-05-2007, 09:59 PM
الأخ / b-jrooh حياك الله ...
انت في جده ( ام الرخا والشدة ) والمركز التجاري الأول والأساسي وبوابة التجارة في المملكة ومجالها واسع وكبير جداً جداً جداً .

الأن اغلب البضائع وأغلب التجار الكبار ومراكزهم في جده , حاول تشوف منتجات معينه ومطلوبه في باقي مدن المملكة مثل الوسطى والشرقية والشمالية والجنوب وابدأ بمخاطبة التجار وخذ منهم اسعار جيده وابدأ اعرض على التجار الصغار في باقي المدن وصدقني والله والله لو بتاخذ الموضوع جد بإذن الله بتنجح وبدون راس مال بس المطلوب الصبر والجديه والتحمل فقط لاغير ..

فيه واحد من جده بدأ قبل تقريباً اقل من سنه , كان يشتري من تاجر اعرفه انا اجهزة الكمبيوتر التعليمي للأطفال ( اللي دايم تشوفون اعلاناتهم في الوسيلة والمبوبة ) كان ياخذها من جده جملة بسعر ( 37 ريال ) للحبة ويبيعها هنا في الرياض بسعر (160 ريال) للحبة وماشاء الله تبارك الله حصل خييييييييييييييييييير ومشة اموره ..

فكر مررررررررررره قوه (على قولة اهل جده ) وقلبها وانزل لسوق الجملة وحاول تطلع على اغلب البضائع وبعدها قرر بتبدأ بإيش ..

أي استفسار مستعدين وبالتوفيق انشاء الله ,,,

(( فتح عينك بقووووووووه على سوق الصواريخ ترى فيه حاجات تنفع انها تنباع في مدن المملكه وتراه سوق كنز عظيم للي يفهمه ))

الحربي
15-05-2007, 06:07 AM
اخوي فتى نجد جزاك الله الف خير

اخوي في مشروع في راسي بس ابي مشورتك هو محل بيع الاكسسورات والخردوات

علما بان لدي سجل تجاري استيراد وتصدير واتمنى اني استورد الاشياء هذي من

الصين وش اهم المدن الي اقدر استورد منها وكيف اتعامل معهم

المشروع الثاني : شراء وبيع الاثاث المستعمل ونقل العفش

ياريت اخوي تفيدني في الموضوع هذا وجزاك الله خيرا

الـنـايـف
15-05-2007, 07:48 AM
اخوي فتى نجد جزاك الله الف خير

اخوي في مشروع في راسي بس ابي مشورتك هو محل بيع الاكسسورات والخردوات

علما بان لدي سجل تجاري استيراد وتصدير واتمنى اني استورد الاشياء هذي من

الصين وش اهم المدن الي اقدر استورد منها وكيف اتعامل معهم

المشروع الثاني : شراء وبيع الاثاث المستعمل ونقل العفش

ياريت اخوي تفيدني في الموضوع هذا وجزاك الله خيرا


أخي الحربي أسأل الله لك التوفيق في عملك

بالنسبه للصين أهم مدينة هي مدينة كوانزو وتعتبر أكبر مدينه تجاريه بالصين

وبإمكانك الإستيراد منها عن طريق مؤسسات أو وسطاء بالسعوديه

أو زيارة موقعها الأليكتروني وسوف تجد جميع خدماتها ومصانعها

فتى نجد
16-05-2007, 01:44 PM
السلام عليكم ...
الأخ/ النايف , شكراً لردك . ولكن ودي اضيف ملاحظه بسيطه وهي ان الناس تعتقد ان ( كوانزو ) هي اللي فيها كل شي وهذي المعلومه خاطئه ..

الأخ/ الحربي , بالنسبه لمشروعك الإكسسوارات والخردوات هذي كلها موجوده في مدينة ( إيـــو ) في الصين وهذه المدينة مشهوره جداً جداً في هالشغلات وتجار ابو ريالين دائماً هناك مربعين , وطبعاً هناك اسواق ضخمه جداً جداً ويبيلك اقل شي ثلاث ايام في السوق الواحد وفيه مكاتب تتعامل معهم على اساس بعد ما تشتري هم يتولون عملية الشحن والتغليف ويسوون لك كل الأجراءات مقابل ( 5 % ) من قيمة البضاعة عمولة لهم ..

مهندس الجبيل
19-05-2007, 03:21 AM
؟؟؟؟؟؟؟؟؟؟؟؟؟؟

المحمد
20-05-2007, 07:23 PM
اخوي / المحمد ..
ياليت ترسلي على الخاص اهم الاجهزه المنزليه اللي يصنعونها واسعارها عندهم يعني مثل المكيفات شباك وسبليت والتلاجات والغسالات والتلفزيونات بانواعها واحجامها ................ الخ , عشان اشوف من حيث المبدأ هل هي مشجعه ولا لأ , وبعدين ندخل بالتفاصيل , وياليت توضحلي وضعك في العمليه هذي كيف ..
بإنتظار ردك باقرب وقت وتحياتي ,,,,


أرسلت لك على إيميلك الوارد لي في الخاص !

ولكن لم اتلق إجابة !


بانتظار ردك !!!!

فتى نجد
21-05-2007, 02:23 PM
اخوي/ المحمد , المعذرة على التأخير , لكن عضة الموضوع على واحد معرفه وما ناسبته الاسعار ...
بالتوفيق انشاء الله ,,,

المحمد
21-05-2007, 05:27 PM
اخوي/ المحمد , المعذرة على التأخير , لكن عضة الموضوع على واحد معرفه وما ناسبته الاسعار ...
بالتوفيق انشاء الله ,,,


أخي الكريم !!

أشكرك

بالنسبة للأسعار كما ذكروا لي أنها غير ملزمة ، وقابلة للتفاوض !

ولكن أريد أجد شخص مهتم بالموضوع

فتى نجد
22-05-2007, 08:54 PM
اخوي / المحمد , انا عرضة الموضوع على صديق لي ويعمل في نفس المجال وهو يستورد الأجهزه من الصين , وعنده اسعار تفرق حوالي اكثر من 30% من التسعيره اللي ارسلتها لي , ولاحظ انه يتعامل مع شركة قويه ويعطونه ضمانات تصل الى 7 او 8 سنوات .
وتحياتي ,,,

alashwag
23-05-2007, 02:43 AM
أرجوك يافتى نجد ساعدني أنا من مكة وحابة شغلة الفارش كثير إذا تقدر تساعدني لأنة في مكة مافي غير شغلة الهنود والباكستانية

alashwag
23-05-2007, 02:45 AM
أرجوك يافتى نجد ساعدني أنا من مكة وحابة شغلة المفارش كثير إذا تقدر تساعدني لأنة في مكة مافي غير شغلة الهنود والباكستانية:o

فتى نجد
25-05-2007, 10:24 PM
الأخت / الأشواق , حياك الله ..
ابشري وانشاءالله بقدم اللي يقدرني الله عليه وبقية الأعضاء ماهم مقصرين بالنصح والإرشاد ايضاً , ولكن ياليت توضحين لي المطلوب بالظبط يعني تبين اساعدك بإيش بالتحديد ياليت توضحين لي اكثر ..

.::عبدالله::.
27-05-2007, 02:16 AM
السـلام ع ـليكم
مـاشاء اللـه عليـك
استـاذي [ فتى نجد ]
اللـه يجعل كل حرف كتبته في ميزان حسناتك
ماقصـرت والله دعـم معنوووي وافكار خياليـه
الله يكثر من امثالك ويرفع قدرك
لـي عودهـ بع ـد ما نخلص من ثالثـ :( ..
اسم انـنا مناب مقبولين بـجامعه زينـه :d
وفمان الله

فتى نجد
27-05-2007, 11:22 AM
( فكره للشباب )
انا ملاحظ هالشغله فيها رزق ممتاز جداً , لدرجة اني اعرف شباب في القصيم ( مسقط رأسي ) طول السنه نايمين ويشتغلون بس 3 شهور ويدخلون اكثر من (200000 ريال ) في الموسم , وهي تجارة التمور ,,,
ببساطه ومن دون راس مال , اذا كنت من متابعين الانترنت حاول تبحث عن المنتديات الخليجية مثلاً منتدى اماراتي , واعرض فيه نوعية التمور والاسعار والتوصيل عن طريق شركة ( ارامكس ) والتسديد عن طريق حواله بنكية , وبعد التحويل تروح وتشتري التمر المطلوب وترسله لهم .
طبعاً لازم تكون متفق من البداية مع مصدر التمر وعندك خلفية بالأسعار واحرص على الجوده لأنها مهمه جداً جداً ..

مجرد فكره , والله المستعان ...

قصيمي عاطل
31-05-2007, 06:05 PM
أخي فتى نجد :أشكرك حقيقة على حرصك على نفع إخوانك وأخواتك وأسال الله أن يكتبلك الأجر العظيم

أعجبتني فكرتين من الأفكار اللي عرضتها الأولى الزعفران والثانية المفارش

أخي أتمنى منك إرسال رسالة خاصة برقم جوالك ليتم التواصل إن شاالله لإنه غير مسموح لي بإرسال الرسائل الخاصة

وأنا جاد إن شالله لعل الله يرزقنا ونفتك من الفراغ اللي ذبحنا

الدبلوماسي
03-06-2007, 04:14 PM
انا مشتغل باهالشغله

والحمد لله ماقلت عيب ولا استحي بالعكس باليوم صافي ارباحي من 100 ريال الى 200 ريال

وفي المواسم الحجاج أتكلم عن المدينه المنوره صافي ارباحي باليوم تصـل الى 500 ريال

والحين عندي سياره وأشتغل مشاوير بالبلد الى الحرم والحمد لله رزقي ماشي




انا معك في كل كلمة..........في رمضان والحج توصل لاكثر ...........من تجربتي الشخصية...............

فتى نجد
06-06-2007, 11:39 PM
( فكرة للشباب والبنات )
في احد سفراتي للصين وبعد ما خلصت شغلي وقبل سفري بيومين نزلت لاحد الاسواق عشان اشتري بعض الهدايا لعيالي واهم شييييييييييييي ( ام خالد ) واحد خواااااااااف !!!!!! , المهم اشتريت لبنتي الصغيرة قطعة كنب ( يعني صوفا ) عشان التمدن !!!!!! طبعاً هي خشب عادي واطرافه محفوره ومدهون بلون بني ومنجد بقماش حليووووو , المهم ان هذي القطعة نفس موديل الكبار ولكن هذي بحجم صغير يعني تناسب اعمار من سنه الى اربع سنوات .
يعني بالعربي رزززززززه للبزارين ويحسون انهم اقويا وبصراحة مميزة جداً لدرجة اني يوم وصلت الرياض نمت بالملحق (زعلت علي ام خالد ليش هدية بنتها مميزه) مزززززحة ...

بااااااااااااختصار :
هذا المنتج يمكن تنفيذه هنا بالسعودية لأنه بسيط جداً واطرف نجار ممكن يسويه وبعد كذا على الدهان ووجه بويه وبعدين عند المنجد للتنجيد وبعد كذا التسويق , وانا اشوف انه ممكن ينجح اذا تم تسويقه في المهرجانات ( البازار) عشان التمدن !!!!!!! وممكن يكون له اقبال كبير لأنه شي جديد خاصةً اذا كان سعر بيعه بحدود ( 200 الى 300 ريال ).

انا بصوره وبنزلكم صوره هنا انشاء الله عشان تقدرون تستوعبون الفكره بشكل كامل , ولكن سؤال لإدارة المنتدى : هل استطيع انزال الصور هنا ؟ ولا معصييييييي ؟
ملاحظه هامه :
ــ تصنيع هذا المنتج وتسويقه لايحتاج رأس مال كبير , ويمكن البدء بمبلغ بحدود ( 5000 إلى 8000 ريال ) .
ــ بعد تصنيعه ونجاحه , يمكن تطويره بتصنيع موديلات اخرى وبألوان مختلفه تدريجياً .

تحيااااااااااااااااتي ,,,,

النشمي
07-06-2007, 07:56 AM
ولكن سؤال لإدارة المنتدى : هل استطيع انزال الصور هنا ؟ ولا معصييييييي ؟



انت الخير والبركه

ومعصي ما هيب لك للغالي

ادعم مشروعك بالصور عسى ان يستفيد الاخوه والاخوات

كلام مجرب
09-06-2007, 01:19 PM
الله يوفق الجميع
وجزاك الله خير الجزاء

دفء المشاعر
10-06-2007, 09:33 PM
جزاكم الله خير والله من جد الموضوع سهل جدا
حلو اننا نبدأ صغاار ونكبر مع الوقت وعجبتني حكايه راعي المكسرات الله يهنيه ويوفقه
والافكار التي طرحت جدا رائعه
بارك الله فيكم جميعا

khaled-gh
11-06-2007, 03:43 PM
اهم شي الواحد لايعتمد على الناس ويتوكل على ربه

فتى نجد
12-06-2007, 04:53 AM
السلام عليكم ...
(( اعلان هام ))

اذا كان لديك معرفة قوية في الجمارك وترغب الدخول بالعمل التجاري بأرباح ممتازه ارجو مراسلتي , وهذا العرض للجادين فقط واللي عندهم علاقات في الجمارك ..

رسيليان
13-06-2007, 02:11 AM
السلام عليكم ورحمة الله وبركاته :
أخي فتى نجد :
أسأل الله تعالى بمنه وكرمه وفضله أن يجعلك من أهل النعيم من الذين رضي الله عنهم ورضوا عنه ...
الله يوفقك ويسعدك ويبارك في عمرك وعملك ...
أن كالنافذة التي يأتي منها النور ليضيء بها المكان .... أعطاك الله ما تتمنى ..

الحمد لله رب العالمين الذي وفقنا لقراءة أفكارك ونتمنى أن تكون شعلة خير في تحقيق النجاح والتوفيق والسعادة والغنى لمن أراد أن يمضي في طريق التميز والتفوق والغنى ..

................

إلى القائم على هذا المنتدى الرائع ...

وفقك الله تعالى إلى كل خير ورزقك بمال يغنيك ويرضيك و أعطاك كل ما تتمنى وجعل الجنة هي دارك وفرج همك وجعل هذا المنتدى حجة لك لا حجة عليك ورزقك الإخلاص في العمل ...
في هذا المنتدى الرائع وجد كل شاب يبحث عن عمل ضآلته .. منتدى يحاكي معاناة الكثير ممن لم يجد عملا ... وفقهم الله لكل خير ..

............
التوكل على الله في كل شيء سيكون هو السبيل الوحيد لتحقيق كل هدف ...

...

heavenmoon
13-06-2007, 02:39 AM
مجهود كبير و جبار ..... فتى نجد

الله يعطيك العافية و جزاك الله كل الخير عليه يا رب

أحلام وطموح
13-06-2007, 05:17 AM
جزاكم الله خير على اهتمامكم وتواصلكم الرائع


حقيقة أنا عن نفسي إذا جيت أقدم على خطوة أشعر بشي من الخوف والخجل


من التعامل مع الناس بالذات في أمر البيع والشراء


يعني كم مرة فكرت اني اجيب فيها منتجات أو مستحضرات تجميل


أرجع أقول لا فشلة مع الناس .. وهذي قالت كلمة وهذي قالت كلمة ..


لكن ربنا يسهلها وأنطلق وتنفك عقدة الخوف والخجل مني .

المحمد
13-06-2007, 06:22 PM
اخوي / المحمد , انا عرضة الموضوع على صديق لي ويعمل في نفس المجال وهو يستورد الأجهزه من الصين , وعنده اسعار تفرق حوالي اكثر من 30% من التسعيره اللي ارسلتها لي , ولاحظ انه يتعامل مع شركة قويه ويعطونه ضمانات تصل الى 7 او 8 سنوات .
وتحياتي ,,,


الله يخليك ... يكفيني اهتمامك ومتابعتك !

بالنسبة للشركة فهي يابانية ، وأعتقد ما في أحد يقارن بين الياباني والصيني !
ثانياً : هي معروفة جداُ في الأردن والدول لمجاورة لها وقديمة !

تحياتي لك وللجميع !

فتى نجد
14-06-2007, 02:50 AM
السلام عليكم ...
الأخوة والأخوات ( كلام مجرب و رهف و رسيليان و heavnmoon ) شكراً لمروركم والله يعطيكم العافية .
الأخت / أحلام وطموح , هذا شيء عاااااادي جداً جداً في البدايات فقط وبعد كذا خلاص تروح الرهبة والخجل من نفسها , وانا سمعة عن دورات تعالج هذي المشكلة وممكن تستفيدين منها وبالتوفيق انشاء الله .
اخوي / المحمد , كلامك صحيح وحبيت اوضح لك حاجه فيه مصانع يابانية كثيره جداً في الصين يعني ( تقنية يابانية وتصنيع صيني ) وذلك لرخص الأيدي العاملة وبالمقابل تقليل تكلفة الإنتاج وحصول المستهلك على سعر معقول ومنافس , وبالتوفيق انشاء الله .

فتى نجد
14-06-2007, 03:07 AM
(( فكرة للبنات ))
المطلوب تجمع عدد من الفتيات المبدعات ( يعني اللي عندهم ذوق حلو ) ويبدؤن بتصميم وتنفيذ صواني التقديم ( تقديم الشوكولاتة في المناسبات ) بديكورات ولمسات رائعة وبإستخدام مواد خام تكون مميزة ورررررروعه , بإختصار يا بنات ( روحو لشارع الثلاثين بالعليا وشوفو محل " ما اذكر اسمه " عموماً هو جمب محل شوكولا جـــوي بالظبط وتفرجو على الصواني اللي عندهم روعه بالأفكار والموديلات والأسعار ناااااااااااااااااااااار ) شوكولا جوي بعد قزاز بشوي على اليمين , مثلاً عندهم صينية قزاز عادي وفيه لمسات الصراحة ررررايقه ويبيعونها بسعر " 700 ريال " طبعاً فاضيه , والله والله والله ان تكلفتها عليهم لايمكن ابدأ ابداً تتجاوز " 50 ريال " .
التـسـويــق :
بسيط جداً يعني ممكن تتفقون مع كذا محل حلويات وتسوون لهم التصميميات وتعطونهم اسعار حلوه وبإذن الله ما تلحقون شغل .
اهــــــــــــــــــم شـي الذوق الذوق الذوق , يعني شغل المطرررررررررسه واخوانا السواريا ما يصلح , وعلى ما أظن كلالالالالالالالالامي واضح (واحد متحمس وعصب).

ويالله يابنات ورونا شطارتكم , واي استفسار ما احد مقصر معكم من المنتدى ...

الله يكتب لكم التوفيق ولاتنسونا من دعائكم ,,,,

أبوفيصل 1430
14-06-2007, 08:59 AM
حبيبنا فتى نجد

ما أقول إلا الله يوفقك ويفتح لك باب رزقه وين ما تروح

بالنسبة لي عجبتني قصة الزعفران البارح كنت أنا وأم العيال

في أحد المجمعات في الرياض قلت خلني أسئل محلات القهوة

وألاقي ذاك اليماني سئلته عن الزعفران وراني شي مو ذاك الزود

يقول بـ 28 قلت طيب كم تاخذه جملة قال يطلع علي الحبه بـ 26

قلت وافضل انواعه قال ابو شيبه الإيراني هذا ينباع من الـ 80 إلى الــ 100

وأنت تضحك عاد قلتله عن فكرة اني بجيب زعفران من إيران وكذا

قال والله أن ياخذونه منك وانت مغمض بس لازم يكون عندك مؤسسة

------------------------

فعاد دخلت في راسي قصة الزعفران يا أبو خالد وحدودي حول الــ 3000ريال

مشكلتي ما عندي مؤسسة

وانا ارسلتلك رسالة على الخاص وانتظرك يا غالي

وكان الله في عونك والله يجزاك الخير وتشوفها في خالد وأخوانه

تقبل تحيتي

أخوك كاتم

أبوفيصل 1430
14-06-2007, 11:37 AM
وعلى طاري المؤسسة يا ابو خالد

وش شروط فتح مؤسسة اذا كنت بجيب بضاعة من برا وابيعها جملة في السعودية هنا<<<<انتفخ راسي مؤسسة مره وحده الله يجيب الخير

والله يوفقك ويخليك لعين ترجيك

ودمت يا غالي

فتى نجد
15-06-2007, 03:20 AM
اخوي / كاتم العبرات , حياك الله والمعذرة اني مارديت على الرسالة لكن مانقول الا ( مافات الا الشر ) وابشرررررررر بسعدك وانا اخوك .
شروط فتح المؤسسة :
1ــ ان تكون مهنتك ( متسبب ) أو ( موظف أهلي ) واذا كنت موظف حكومي ممكن تقتح المؤسسة بإسم زوجتك .
2ــ تكلفة السجل التجاري كاملاً من الألف الى الياء وانت جالس بالبيت ( 1800ريال) تقريباً .
المشكلللللللللللللللللللللللللله كذا خلص راس المال ,ههههههههههههه مزززززحه ,,,

بالنسبة للزعفران خل اكون صادق معك انا ماني خبير فيه ولكن انا رحت وشفت بنفسي اسعار المشترى والبيع وعارف ان فيه ارباح جيدة ومجزية .
طبعاً اقرب مكان ممكن تجيب منه الزعفران الطيب من ( دبـــي ) وفيه سوق كبير خاص بالايرانيين وممكن اعطيك عنوانهم , وعندهم انواع كثيره يعني طب وتنق ومبلغ ( 2000 الى 3000 ريال ) مبدئياً جيد ويجيب لك بضاعه ممكن تترزق منها ومع الوقت صدقني بتكبر معك بإذن الله .
ملاحظة هاااااامة : طبعاً في الفترة الأخيرة فيه تشديد على الفحص من قبل المختبرات في الجمارك وفيه انواع زعفران لايمكن تدخل السعودية لأحتوائها على مواد مضره وحاجات زي كذا , لذلك انصحك قبل ما تجيب تمر المختبر بالرياض وتسئل وتشوف وش اللي مقبول ووش اللي مرفوض عشان ما تجيب بضاعة وبعد كذا تتورط فيها انتبه انتبه , المطلوب منك شوي مجهود بالسؤال والبحث وبمجرد ماتعرف سر المختبر صدقني بتشتغل زي الحلاوه ...(ولاتنسانا من كم علبة زعفران هدية , امزززززح).
وبالتوفيق انشاء الله ,,,,

أحب أجرّب
15-06-2007, 03:12 PM
الله يجزاك خير يا فتى نجد

ننتظر منك الكثير ..وبصراحة شدّيتني لمتابعة الموقع وبقوووة ..ياليت تزيدنا من معلوماتك ..
كثير من الناس -وأنا أولهم- ودّهم يبدون بس ما هم عارفين وين الطريق ..! :(

نبي أكثر من أفكارك يالغالي ..إن شاء الله تضبط معي وحده منها:)

الله يوفقّك للخير

jeeny
15-06-2007, 06:48 PM
انا عندي فكرة
ليش مانعمل زي المندوبات
يعني كل وحدة تزبط بقشتها وتروح لجاراتها تبداء بالقريب بعدين إذا الموضوع مشي معاها
تبداء توزع رقم تلفونها على الحريم الي تحتاج شيء توفرلها هو بدون مشورة ولا مشي ولا تعب بعد كذا لمن تجين تروحين على الديرة أو قرية تاخذين معك النواقص النواقص لا تكثرين
علشان هم من غير شيء حيطلبون منك طلبات خاصة بعد كذا مع الوقت بتعرفين المستلزمات و الطلبات لكل مكان وتوفرينها بحسب الحاجة وكل ماطورتي في بضاعتك زادت الطلبات يعني خلونا نأخذ علب المكياج دايما تتطور من وقت لأخر ونفس الشي السلع الأخرى
وهكذا
شكرا لمن وضع الفكرة شكرا

العاطلة المتمردة
16-06-2007, 02:27 AM
افكار رائعه واكثر ومازالت تدور في ذهني بعض منها واتمني منك المساعده ارغب بفتح كشك وامحل صغييييير اكسسوارات تكون مميزة وحصريا موجوده عندي فقط وانا سمعت ان اخذ التصاميم من المجلات وطبعا المصانع او الشركات في الصين راح تكمل الباقي واتمني يكون عندك تصور كامل عن الفكرة لأن ماعندي خبرة في التجارة ابدا وكم تتوقع يكون راس المال

أبوفيصل 1430
16-06-2007, 08:56 AM
سلمت ودمت يا ابو خالد وبيض الله وجهك

من ناحية راس مال ههههههههههههههه عز الله طار مع المؤسسة

لكن معلومات جداً قووووية وأفدتني خصوصاً المختبر

الله يعطيك العافية ابو خالد

أبو خالد إستفسار ألحين المؤسسة لازم أستئجر مكان ولا 1800 ريال والسجل يطلع

(يعني بتمشي بدون موقع وخلافه) ولا لازم موقع ولوحة وهالشغلات؟

عارف أنك مشغول إلى راسك يا بوخالد لكن عاد انت مثل أخوانا الكبير

توجهنا يا خوك وتدلنا الله يكتبها لك الرزق والعافية لك ولمن يعز عليك

شموخ انسان
16-06-2007, 01:42 PM
سلام عليكم
صراحه ماقصرت يابوو خالد

بس صراحه انا علتي عكس إلي قبلي

يعني الوالد عنده مؤسسه تجارة بأسمه وفيها مكاتب
ويمكن مابقى إلا موظفين اثنين

>>يعني السالفه إننا سوينا المؤسسه بس طفرنا المبنى
خذيناه غالي شوي وكان في شخص معنا بس انسحب
وبلشنا بالمؤسسه

وعندنا داخل المؤسسه
مؤسسه دعاية واعلان باسمي
ماشي حالها شوي
يعني ماتجيب الا حق الموظف وراتبه
بس

ابي اعرف
يعني اذا كان الواحد ماعنده الا
اقل من ال 5000 وش يقدر يسوي فيها
عشان يحالو يصلح الوضع والله يعطيك العافية

فتى نجد
17-06-2007, 03:55 AM
شكراً للجميع على مرورهم ...
الأخت / jeeny بالتوفيق وتفكير سليم ويطلب منك التحلي بالصبر والبحث عن كل جديد وبسعر مناسب للمستهلكين .
الأخت/ العاطلة المتمردة , فكرة ممتازة وانتي وبصراحة بتكونين خطيررررررة بالتجارة لأنك ركزتي على نقطة مهمة وهي (( التمـــــــــيــــز )) واذا كنتي جادة انا ممكن ادلك على محلات اكسسوارات بالجمله في الامارات وممكن اعطيك عنوان شركة في الصين عندهم منتجات مميزة جداً بس يبي ادور عنوانهم عندي اذا كنتي جادة , بالنسبة لرأس المال للبضاعة فقط ممكن تبدئين بمبلغ ( 10000 ريال ) وكل مازاد يكون افضل , وباقي عليك تحسبين مبلغ ايجار الكشك ( ؟؟؟؟ ريال ) واي استفسار مستعدين .
الأخ/ كاتم العبرات ( الله يستر لاتهللللللللل العبرات وتغرقنا ) , ياحبيبي المعقب ياخذ (1800 ريال) ويخلص لك كل شي وما يحتاج ايجار موقع , واذا تبي رقمه ارسلته لك والله يكتب لك وللجميع التوفيق , وعلى فكرة الزعفران ممكن تشوف احد شركات النقل بدبي وممكن يمشونه لك من الجمارك عن طريق معارفهم (طبعاً يسلكون لبعضهم) .

فتى نجد
17-06-2007, 04:02 AM
الاخ / شموخ انسان , ياليت توضح لي بعض التفاصيل على الخاص وعلى قد ماتقدر , يعني ( نشاط المؤسسة الاساسي , وموقعها وين , ومجال الدعايه في ايش بالظبط ............ الخ ) وعل وعسى اقدر افيد ولو بشيء بسيط .
والله يفرج كربة كل مسلم يارب ,,,,

أبوفيصل 1430
17-06-2007, 07:28 AM
الله يعطيك العافية خوي فتى نجد

أرسل لي رقم المعقب على الخاص

يا غالي

KADEY77
18-06-2007, 04:22 PM
أكتب هذا أولا لطلب المشوره فالذي حدث معي شيئ يدعو للتأمل مالذي يحكم الأمور هل هو النظام فعلا أما أشخاص وحسب أهواءهم حيث أني بدأت التخطيط لأقامت مشروع خاص بي وكلي حماس وكان هذا منذ 10 أشهر وبدات معاناتي في أستخراج التراخيص فالمشروع مركز خدمات طالبه نسائي وصيانة حاسب وبعد حصول على الموافقه من الجهات التي في محافظتي رفعت الأوراق ألى مركز الخدمة الشامل والذي بدوره رفعها الى الوزارة المعنيه بالموافقه على مثل هذه المشاريع وبعد هذا الأنتظار يأتي الرد هذا الأسبوع بأنه لايمكنني فتح المشروع حيث أن النظام يمنع أقامة مشر وع من هذا النوع بأدارة نسائية يعني ( ممنوع للحريم ) ويقولون غيري النشاط أبرك لك ألى الأن نقول الموضوع يمكن يمشي بس العجيب أن صديقه لي فتحت نفس المشروع في منطقه ثانيه بأسمها غير المناطق الثانيه التي قيل لي بوجود مثل هذا المشرو ع بها طبعا ممكن نقول حسب المنطقه لو الرفض كان من البلديه أو المحافظه ولكن الرفض كان من وزاره يعني الجميع المفروض يطبق عليهم نظام الوزاره وأذا كان لكل منطقه وزاره وأنا ماعندي خبر صححوا لي المعلومه
هل النظام يمنع اقامة مثل هذا المشروع ؟ طبعا لم اذكر لكم في بداية الموضوع أني حصلت على القرض لأقامة المشروع من جهه معينة وصديقتي أيضا نفس المشروع نفس جهة الأقراض والمسؤوله عن أستخراج التراخيص ورفض الوزارة لي أنا فقط غير تواجد المشروع في مناطق أخرى الخلاصه
أرجوا منكم المساعده هل النظام يمنع أقامة مثل هذا المشروع للنساء؟
مطلوب مني تغيير مشروعي من جهة الأقراض ؟وليس لدي أي فكره أخرى لأن ميولي لأهذا المشروع ومشغل وغيرها مالي فيها ؟
الخوف يسحبون مني القرض أذا ماتغيير المشروع ؟ واذا كان هناك وسيله لأقامت مشروعي فأرشدوني __________________

شموخ انسان
19-06-2007, 08:01 AM
مشكور اخوي
فتى
وارسل الموضوع بالتفصيل لك بالخاص

البرمجي
21-06-2007, 03:34 PM
ما شاء الله

يعطيكم العافية على هذا التعاون

ملك العاطلين
24-06-2007, 02:51 AM
( فكره للشباب )
انا ملاحظ هالشغله فيها رزق ممتاز جداً , لدرجة اني اعرف شباب في القصيم ( مسقط رأسي ) طول السنه نايمين ويشتغلون بس 3 شهور ويدخلون اكثر من (200000 ريال ) في الموسم , وهي تجارة التمور ,,,
ببساطه ومن دون راس مال , اذا كنت من متابعين الانترنت حاول تبحث عن المنتديات الخليجية مثلاً منتدى اماراتي , واعرض فيه نوعية التمور والاسعار والتوصيل عن طريق شركة ( ارامكس ) والتسديد عن طريق حواله بنكية , وبعد التحويل تروح وتشتري التمر المطلوب وترسله لهم .
طبعاً لازم تكون متفق من البداية مع مصدر التمر وعندك خلفية بالأسعار واحرص على الجوده لأنها مهمه جداً جداً ..

مجرد فكره , والله المستعان ...

فعلا مجرب قبل سنتين بثمانين نخله شريت الثمر ب7 الاف واشتغلت فيها 5 ايام بسياره ونيت كانت المبيعات 29860 للرطب والكميه من النخل راح 21 نخله بس الي خلاني اتوقف الارهاق خاصه ان 400 الى 500 كيلو رايح وزيها راجع ووقفه طول النهار في الاسواق وقصهم وتوزيعهم وتحميلهم في المزرعه يعني تخيل قدر الارهاق اخذت فتره راحه وتركت الرطب في النخل لين صار تمر ثم جمعته وبعته جمله ب10000 وفي النهايه طلع حلم :cry: امزح
في النهايه جاني اخوي وقال محتاجهم عطيته كل الغله وليومك اردد :d

في ميزه اشوفها في نفسي ان مستعد اكرف كحب للشغل اي شغل اما حب للفلوس فانا ادرى الناس بنفسي فما خبرت في يوم ان قلت بحط ريال على جنب خوف و حرص للمستقبل يعني الحين لو تنفضني نفض ما بتلاقي ريال واحد

بالرغم ان اليوم الصباح بايع انا واحد من الشباب 268 كرتون عنب من عشرين لخمسه وعشرين وماخذينهم من مزرعة عنب بتكلفة 6 ريال للكرتون ومسألة توفير او بناء مشروع غاسل يديني ورجولي

ومشروع العنب وقته الحين وحلاوته في البدايه واي واحد عنده او حوله مزرعة عنب اخضر والا احمر ناضج والا مو ناضج يعبيه في الكراتين ان شاء الله بغصانه مشي حالك يمشي خاصه في اول الموسم اما اذا خلص الموسم فانصح بزراعة البصل ولا مانع من الكراث ايضا

دمت ذخر لامة العاطلين يا ايها الفذ الشجاع يا ايها الفتى يا فتى نجد :rolleyes:

كن كهكذا دوما :rolleyes:

أحب أجرّب
24-06-2007, 08:07 PM
اخوي فتى نجد ابي استشيرك بمشروع من خلال قراءتي لردودك السابقة..

لكن توّني في البداية ..يعني جالس اقلّب الفكرة براسي يمين ويسار وفوق وتحت ..وعندي اسئلة كثيرة يمكن تضحك من بعضها ..فاعذرني لأني سنة اولى تجارة حرّة ..يعني بقراطيسي هههه

اتمنى القى طريقة للتواصل معك بشكل سريع ..اذا عندك ماسنجر ياليت ترسله لي على الخاص لأني ما اقدر ارسلك عليها شيء لقلة مشاركاتي ..

الله يبارك فيك

فتى نجد
25-06-2007, 08:28 AM
الأخوه / البرمجي و ملك العاطلين , شاكر مروركم والله يعطيكم العافيه وما قصرتو , ونطلب من الله ان يعيننا على توجيه النصح وان كان قليلاً ولكن الجود من الموجود , وإن اصبنا فمن عند الله وإن اخطئنا فمن انفسنا...

فتى نجد
25-06-2007, 08:29 AM
الأخ / احب اجرب حياك الله , وبخصوص الماسنجر قررررررب اذنك لا احد يسمعنا (والله ما اعررررررررررررف استخدمه !!!!!!!!) قووووووووويه صح !! .
عموماً ارسلت لك رساله على الخاص ارجو الاطلاع عليهـــــــا ,,,,

شموخ انسان
25-06-2007, 09:19 AM
اخوي فتى نجد

>>تراني انتظر رسالتك ولا شكلك نسيتني

الاهي
25-06-2007, 10:01 AM
والا بيع مويا عند الاشارات

مهندس طموح
25-06-2007, 02:46 PM
فتى نجد أنا تحت خدمتك في التصريف للمدينة المنورة ...

فتى نجد
28-06-2007, 12:15 AM
الأخ/ شموخ انسان على باللي والله وقريباً برسلك على الخاص بإذن الله .
الأخ / مهندس طموح , تصريف ايش بالظبط..

العاطلة المتمردة
28-06-2007, 02:54 AM
اشكر اهتمامك وردك علي لكن عندي اشويه استفسارات ممكن
ياتري اقدر اخذ مساعدات زي صندوق عبداللطيف لان راس المال كبير بالنسبة لي وأنا ماعندي وسيله اتصال مفتوحه حتي أوصل للصين مرة واحدة كيف اقدر أوصلهم أو يكون في وسيط
واتمني تساعدني إذا عندك أفكار مناسبة لبنت في مجتمعنا وأنا عندي رغيه بعمل تجاري حر بعيدا عن الوظيفة
واتمني المساعدة

أحب أجرّب
03-07-2007, 02:20 PM
فتى وصلت الرسالة ؟

لا تقطعنا من أفكارك الله يبارك فيك...

فتى نجد
03-07-2007, 03:19 PM
السلام عليكم ...
الأخت / العاطلة المتمردة , بالنسبة لصندوق عبداللطيف ماعندي اي معلومات عنهم للأسف , وبالنسبة لرغبتك بالعمل التجاري ياليت توضحين لنا كم راس المال المتوفر معك عشان نقدر نفيدك بإذن الله ..

المساهم 1
06-07-2007, 06:32 PM
مشكور اخوي فتى نجد على المعلومات المفيدة ودجزاك الله خير
وللتعاون معكم انا مقيم في الامارات العين وعلى استعداد ان اكون مندوبكم في دبي

عطني فرصة
07-07-2007, 04:39 PM
ياسلام

عطني فرصة
07-07-2007, 04:49 PM
فتى نجد لو سمحت ايش رايك ولا يهونون الاخوة و الاخوات بالتوزيع في باصات مربح ولا لا ......... شكرا

عطني فرصة
08-07-2007, 02:02 AM
يا سلام فيه افكار بس وين التنفيذ

عطني فرصة
08-07-2007, 02:04 AM
انا اشوف العمل في التعقيب ميه ميه

الديرة العربية
08-07-2007, 03:25 PM
هلا أخي فتى نجد يعطيك ربي العافيه حاولت أرسل لك رسالة وللأسف ما راضي يصير معي يقول لا أملك الصلاحية .. يا ريت يا أخوي تدلني على عنوان المحلات أو الأماكن اللي احصل فيها الزعفران بالجملة في دبي وكذلك محال الشيل والعبايات والجلابيات .. وسأكون شاكرا لك .. لو تكرمت ترسل على إيملي أو البريد الداخلي ..
وإذا معك فكره من أين يتم إستيراد الملابس الجاهزة من تايلند كجملة وماليزيا بالإضافه .. خالص الود اخي

طموحها زايد شويه
08-07-2007, 10:07 PM
منذو مبطي وانا احلم بمشروووووووع خاص
<<<بس اليد قصير والعين بصيره
يعني كلها افكار بالهواء الطلق لا دراسه جدوى ولا ممول<<باب النجار مخلع
على العموم انا على استعداد اني اسعادكم بقدر مااقدر
<<<لا حد يفهم غلط مووو فلوس بس دعاء
<<<<ادري مصختها وودكم تطردوني من المنتدى
بس ترى اني مثلكم على باب الله مالك الا الدعاء
ربي يوفقكم

.::عبدالله::.
12-07-2007, 08:33 PM
مازلت متابع ,,
للاسفـ جت النسبة على غير ما كنا نتوقع :(
وشكلي ابصفـ معكم في طابور [ البطالة ]
وكثر الله خيرك استاذ [ ابو خالد ]

أحلام ورديه
13-07-2007, 01:49 AM
متابع :)

بداية رجل أعمال
14-07-2007, 07:03 AM
مشكور وما قصرت...الصراحة لو تقدم دورات تدريبية اتوقع انك بتنجح

فتى نجد
14-07-2007, 07:39 AM
السلام عليكم ..
ــ الديرة العربية , ارسلت لك ايميلي وارسلي عليه المطلوب وذكرني فيك بالايميل انك من منتدى البطالة .
ــ طموحها زايد شويه , حياك الله وشاكر مرورك ويكفينا جميعاً دعائك الصادق .
ــ عبدالله , شاكر مرورك والله يكتب لك التوفيق انشاء الله وعموماً توك بأول الطريق والفرص قدامك كثير واستغل كل وقت فراغ عندك ولو كانت فائدة معنوية يعني استفد من أي مصدر معلومة في السوق .
ــ بداية رجل اعمال , أشكرك على هذا الإطراء وانشاء الله عقبال ما تكون من كبار رجالات البلد مع الصحة والعافية .

فتى نجد
14-07-2007, 07:44 AM
ملاحظه / الأخ عطني فرصة , عرض فكرة التعقيب .... انا رأيي انها ممتازه وياليت لو بدأت بالتعقيب عند ( إدارة المواليد ) تبع الاحوال المدنية , عشان استخراج شهادة الميلاد واضافة المواليد في دفتر العائلة .
شيك عليهم وش الوضع , وعندي احساس انها جيده كبداية ..

عطني فرصة
15-07-2007, 06:59 PM
فتى نجد ما نستغني و الله شكرا على كل شيء

واقف فوق السحاب
16-07-2007, 07:08 PM
اخي فتى نجد يا ليت تعطيني من الافكار لاني طموح جدا مع اني طالب ولكن موهوب عندي 10000ريال واريد استثمرها و لكن اريد فكرة في هذه الإجازة ففيها فرصتي واتابعها اثناء الدراسة
ما نستغني عن أفكارك :rolleyes:
ولك مني الدعاء

rmasa
19-07-2007, 03:18 AM
السلام عليكم ,,,

جزاك الله خير أخي فتى نجد وبارك لك في تجارتك ,,

أخي العزيز أرغب بالعمل في الاستيراد من الصين بعض البضائع , وأقوم بتوزيعها جملة بسيارة أشتريها لهذا الغرض .
أتمنى ان تدلني على مكاتب جيدة تقوم بالاستيراد لي بحيث أعطيها المنتج والمصنع الصيني وعنوانه , والمكتب يقوم بالشراء والتوصيل .
وجدت مكتب واحد فقط والمشكلة أن حده الأدنى 100 الف ريال .

وما رأيك بالمشروع وأرجو أن تنصحني بخصوصه .

ولك كل الشكر ..

مستشار قانوني
20-07-2007, 10:14 PM
عندي عشرة الاف ريال وابغى استثمرها لكن ماادري وين احطها فيه فكرت اشتري فيها اسهم لكن تعرفون السوق كله زحاليق خصوصا اني دخلت مرتين وخسرت وفكرت ... وابغاكم تشيرون علي والله يجزاكم خير .

فتى نجد
21-07-2007, 12:43 PM
واقف فوق السحاب , حياك الله ولاحظتك تقول ( انك موهوب ) ياليت توضح لي في ايش يالظبط .
مستشار قانوني , حياك الله اذا في بالك فكره ياليت تكتبها لنا عشان نقدر نفيدك وربك يقدم اللي فيه الخير .

فتى نجد
21-07-2007, 12:50 PM
الأخ / rmasa حياك الله , وكما يلي :
ــ بالنسبه لفكرة التوزيع ررررررروعه وممتازه جدا جدا جدا وانا معك قلباً وقالباً , وصدقني انت بداية تفكيرك حلوه واتوقع لك النجاح بإذن الله .
ــ بالنسبه لبحثك عن مكتب لاتشيل هم ابدا ابدا , وانا ممكن ادلك على الطريقة الصحيحة لعملية الشراء وانت مطمئن , والمكتب اللي قالك لازم مية الف خلك منه ولايهمك ولاتفكر فيه .
ــ الفكره بشكل عام ممتازه واتكل على الله بدون اي تردد , المهم حاول تركز على المنتج الجيد والمرغوب وركز على فترة دوران رأس المال واحسب حسابك ان البضاعه يبيلها من شهر الى شهر ونصف عشان توصل .

واذا تبيني اشوفلك الموضوع انا مستعد وبالتوفيق انشاء الله ...
(( صراحةً انا مبسوط لك لأنك قدرت تفهم ندائي دائماً وهو لاتكن في وجه المدفع )) ,,,

محمد العتيبي
22-07-2007, 01:25 AM
أسعد الله أوقاتكم بكل خير
أخي فتى نجد عيني عليك باردة بجد أفكارك رائعه
حبيت أستشيرك ياغالي أنا ودي أسوي مشروع شقق مفروشه بالخبر
سعرت الأراضي التجاريه هناك تقريبا أسعارها 450 ألف وطالع
لكن دائما مقوله عند التجار العقار تجاره ناجحه
إذا ماجابت مكسب تقدر تبيعها برأس مالها
هل لك مشوره أو أفكار تفيدني بها والمشروع بيني وبين صديق لي
أنتظر ردك

واقف فوق السحاب
22-07-2007, 11:32 PM
السلام عليكم
أخي فتى نجد جزاك الله خير على حرصك و أهتمامك بجميع من يطلب منك المشورة

بالنسبة لموهبتي فانا احاول أن اكون الأول في كل شي
و الحمد لله حصلت الأولوية في كثير من المجالات
منها ( الرسم و عندي ذوق , البحث أحب أبحث عن معلومات عن اي شيء جديد , الحاسب )

فكرة ؟
زخرفة الجبس معجبتني
وعطنى من أفكارك
وجزاك الله خير

(واحد طلاب مؤسسة الملك عبدالعزيز ورجاله للموهوبين )

ماشاء الله
تبارك الله

فتى نجد
23-07-2007, 02:48 PM
الأخ / محمد العتيبي , حياك الله وشكراً على الإطراء وهذا قليل مما عندكم .
مشروع الشقق المفروشه فكره حلوه ومردودها طيب وطبعاً اكيد انتم مسوين دراسة وعارفين وش لكم ووش عليكم , وهذي بعض الاقتراحات :
ــ طبعاً احرص على الموقع المعقول بحيث تكون قيمة شراء الأرض جيده لا هي في موقع ممتاز جداً وتكون الأرض غاليه عليكم وينعكس سلباً في المستقبل على سعر التأجير عندكم ولاتكون رخيصه وفي موقع تعبان وتأثر عليكم في نسبة الأشغال (السكان) بسبب سوء موقعها .
ــ اهتم بدقه في اعمال التشطيبات لأن الديكور النهائي عامل جذب مهم جدا جدا للمستأجر وياليت لو تمر فروع (بودل للشقق المفروشة) في الرياض وتشوف ديكوراتهم رائعة جداً مع العلم انها ذات تكاليف معقوله وغير مرتفعة .
ــ بالنسبة للتشطيبات النهائيه مثل ( الأجهزة الكهربائية , الأثاث , الإنارة , التحف والمناظر , والمغاسل والأدوات الصحيه) انصح بشرائها من الصين مباشرةً وبتوفر عليكم من 35% الى 45% خصوصاً ان عدد الشقق عندكم اتوقع ماراح يقل عن 10 أو 15 شقه , يعني تسوى العنوه للصين .
ــ احرصوا على التشطيبات الحلوه والبسيطه بنفس الوقت لأن الشي لازاد عن حده قلب ضده .
ــ يفضل لو تم وضع صالة العاب مصغره للأطفال .
ــ يفضل توفير غرفة سكن للسائقين مجاناً .

واي خدمه حاظرين , وبالتوفيق انشاء الله ...
ولاتنسانا بالخصم الطيب اذا جيناك انشاء الله ,,,,,,,

واقف فوق السحاب
27-07-2007, 01:42 PM
أخي فتى نجد

تراي أنتظر ياليت تعجل

و جزاك الله خير

ويبــ"حلم"ــقى
30-07-2007, 12:18 PM
السلام عليكم
اخي فتى نجد جزاك الله خير والله يرزقك ويفتحها عليك
وأن شاء الله يتحقق حلمي بمساعداتك ودي اثبت جدارتي لان اهلي ((:cool: ))
بسبب احلامي وامشاريعي التي لاتنتهي
انا اتمنى افتح مكتبه خاصه بالنساء وتهتم بكتابة اللوحات المدرسيه وتزيين الفصول الدراسيه
وكتابة البحوث وتغليف الهدايا وبيع بعض المستلزمات

-كم يكلف هذا المشروع؟
-ماهي افضل الاماكن لبيع الادوات المكتبيه وخامات التغليف بأقل الاسعار؟
-ماهي المستندات المطلوبه لفتح المحل وين اروح اطلب ؟
مالي غنى عن اقتراحاتك
ولك جزيل الشكر
اختك ويبــ"حلم"ــقى

الله يصبرنا
07-08-2007, 06:39 PM
السلام عليكم ورحمة الله وبركاته
مساء الخير
فتى نجد بأستشيرك بشي
بالنسبة لماركات الماكياج والعطور والشنط العالمية تنزل البضايع عند قزاز والاماكن المعروفة بسعر غالي جدا وينزلو عروض احيانا انه لو اشتريت بمبلغ مثلا 500 تحصل على هدية مجانا مثلا (شنطة من الماركة الفلانية + مناكير مثلا او عطر من ماركة ثانية او نفس الماركة)
الزبدة
احد الاشخاص كان يجيب هذه الهداياالمجانية من دبي شنط ماكياجات عطور والشغلات هذه وغيرها من المنتجات سواء هدايا كانت اومنتجات عادية ماعليها عروض
ويبيعها بسعر معقووووول جدا
مثلا شنطة جيفنشي سهرات ب30 ريال :rolleyes:
اي شدو(ظل) تيستر مثلا (تيستر يكون بدون العلبة الاصلية مثلا بحدود من 20 الى 30 بالكثير طبعا )
والعلبة الاصلية(الي مكتوب عليهااسم الماركة والي هنا مربط الفرس ;)) ماتتجاوز ال50
وعليها اقبال رهيب لانها بسعر يعتبر رخيص ورخيص جدا مقارنة بالماركات عندنا هنا
السؤال هو
كيف اوصل للشركات هذه وكيف اتعامل معاهم واخذ منهم البضاعة
علما انه البلغ راح اخذه قرض او اشوف كم تكلفته اذا اقدر ادبره مثلا
وبالنسبة للتسويق راح يكون عن طريق النت المواقع النسائية المعروفة وعن طريق المعارف والمدرسات والشغلات هذه وخارج المنطقة تكون بشركات التوصيل
فياليت تعطينا رأيك(اذا سمعت عن الشي هذا قبل )بحكم انك صاحب خبرة وتدلنا كيف نوصل لغرضنا
شكرا لك
دمت بود

ملك بدون مملكة
11-08-2007, 09:53 AM
مشكور يالغالي على هذا الطرح الجميل ولاعدمناك

ملك بدون مملكة
11-08-2007, 10:03 AM
شكرا على الطرح وفكرة حلوة

بـوٍح
12-08-2007, 02:57 AM
السلام عليكم ورحمة الله وبركاته

جزاك الله خير فتى نجد على افكارك ومشاريعك الخطيييييره
والمميزه .. :)
احنا مجموعة بنات وحابين نفتح كشك باسمنا
الله لايهينك بغيت استشيرك بمشروع الـ [كشك]
التكلفه ؟ [ يعني اقل تكلفه كم بشكل عام للمشروع ] ..!
والمنتجات الاكثر طلبية في محلات الكشكات ؟
الموقع؟
مدري اي شي يتعلق بهالمشروع
المهم تعطيني خلفيه كامله ومبسسطه عنه ..

:

حاجه ثانيه بغيت اسئلك عن مشروع استديو تصوير مصغر
تكون بدايته من البيت ياليت تعطيني افكار
من هالناحيه .. عندي خبره في التصميم ع الفوتوو من زمااان بخاطري هالمجال
بس راس المال يوقف بطريقي دايما .. الله يعين بس :(

:

آخر سؤال < ماتنعطى فيس:o
وش كنت تقصد بجهاز العروس الي راح يكسر الدونيا < لزوم اللقافه :d

عموما الله يعطيك العافية
ونحتريك على احر من الجممر ..
الله يحفظك ويرعاك:rolleyes:

yasserz
17-08-2007, 01:49 PM
أخوي ودي أعرف طبيعت عملك وهل انت موظف حكومي وهل يقدر الموظف الحكومي الموافقه بين العمل الخاص والوظيفه ولك كل الشكر

الفجر الجديد
17-08-2007, 11:34 PM
أخوي فتى نجد الله يعطيكـ العافية على مشاريعكـ الأكثر من رائعة

وإذا ماعليكـ أمر كيف أقدر أشتغل في شغلة المفارش هي اللي صراحة أعجبتني

أنا طبعاً ما أقدر أرسلكـ رسالة خاصة بس ياريت أنت إذا تقدر تدلني على الطريقة

اللي أقدر أتواصل معاكـ فيها عشان أقدر أبتدئ في هالشغلة صراحة أعجبتني مرة

والله يجزاكـ ألف خير ويرحم والديكـ

بـوٍح
19-08-2007, 11:16 AM
اخوي فتى نجد نتحراااك يالغالي
وعسى المانع خير اخووي ..!

دٌمت بحفظ الله

فتى نجد
22-08-2007, 08:23 AM
السلام عليكم جميعاً , والمعذرة عن انقطاعي هذه المده ولكن كنت مجبر على ذلك حيث انتقل خالي الى رحمة الله ( وهو الأب الروحي لي ) وهو مدرستي اللتي تعلمت منها عالم التجارة واسرارها منذ كنت طفلاً وكان دائماً رحمه الله يصطحبني معه لمحلاته واعماله .
رحمك الله يا ابا عبدالله ياخالي وابي ومعلمي وسندي وأسكنك فسيح جناته أمين يارب العالمين.. ولاتنسوه من دعائكم جزاكم الله خير .

فتى نجد
22-08-2007, 08:32 AM
الأخت / ويبقى حلم اذا كنتي انتي تملكين موهبة التغليف والتزيين وكتابة اللوحات المدرسيه , فكرتك ممتازه جداً جداً وماشاء الله عليك اخترتي مجال يعتبر جديد ونسبة نجاحه كبيرة بإذن الله , وبالنسبه لأفتتاح محل فعلى ما اعتقد انه لايمكن استخراج تراخيص لمثل هذا النشاط خصوصاً للنساء ولكن ممكن تبدئين العمل من المنزل وصدقيني افضلك خاصةً في البداية عشان ما يرهقك مادياً وتوفرين مصاريف التأسيس المبدئية .
اذا بديتي العمل من المنزل اتوقع مبلغ ( 3000 ريال ) مبدئياً كويسة لشراء بعض الادوات الخام وبعض العدد والاستعانة بالتسويق لأعمالك وطرقها كثيره , وممكن اقترح عليك بعض الافكار اذا رغبتي .. وبالتوفيق انشاء الله .
على فكرة فيه بنت كتبو قصتها في الجريدة قبل فترة وهي تسوي لوحات وتزيين للمدارس وحاجات زي كذا, وحسب كلامها دخلها الشهري يتجاوز 8000 ريال .

فتى نجد
22-08-2007, 08:38 AM
الاخ/الاخت/ الله يصبرنا والله ماني متأكد , لكن ياليت تذكرني بعد اسبوع لاني بحاول ابحث لك واسئل (( واطئسسسس )) في الموضوع واعطيك خبر ...

فتى نجد
22-08-2007, 08:40 AM
الأخت / بـــوح , ياليت تحددين انتي في أي مدينة , ولي عودة لإجابة على اسئلتك بإذن الله , وكم تقريباً رأس المال المتوفر اذا امكن ..

الفجر الجديد
22-08-2007, 09:10 AM
فتى نجد ,,, عظم الله أجركم وأحسن الله عزاكم والبقى برأسكـ وأنا أخوكـ

الله يرحمه ويسكنه جنات النعيم

فتى نجد
22-08-2007, 10:57 AM
(( فكرة للشباب )) وبإختصاااااااار ...
رمضان اللي فات كنت في مكة ودخلت اسواق بن داود اللي في شركة مكه جمب الحرم واشتريت من عندهم كرسي يتصفط وررررروعه جداً وجبته معي للرياض وعطيته امي عشان اذا وديتها تصلي التراويح تجلس عليه لأن ميزته ( صغير وفخم ومريح ) المهم كلللللل العجز في المسجد بهذلو امي كل يوم من وين وبكم ووشلون ومتى وليش ومنهو ووين ووووووووووووووووووووو , عموماً سعره ( 120 ريال ) لكن عندي احساس قوي انه في جده عند تجار الجملة بحدود ( 50 الى 80 ريال ) .
المطلوب :
شاب شقردي وهب ريح ينقز لجده ويجيبله كميه ومع بداية شهر رمضان يبدأ يبسط فيها بالرياض عند المساجد المشهوره , مثل ( جامع الدخيل بحي غرناطة أو جامع الحديثي مخرج 10 او جامع الراجحي مخرج 15 ....................... الخ والمساجد ولله الحمد كثيرررررره بالرياض ) واذا ما طلع اكثر من 15000 ريال بالميت فأنا ما افهم وما عندي سالفه ....
ويالله وين حقين الشغل والمكده ,,,,

وبالتوفيق ان شاء الله ,,,

فتى نجد
22-08-2007, 11:25 AM
الأخ / yasserz , نعم انا موظف .
وبخصوص الجمع بين الوظيفه والعمل الخاص نعم تقدر تجمع ولكن تحتاج منك بعض التضحيات البسيطه وجهد اضافي بسيط , وفي النهاية انت بين خيارين :
اما الراحه الأن والتعب عند الكبر والمشيب أو التعب الأن والراحه اذا شيبت , وانت خصيم نفسك . واي خدمه او استفسار مستعدين .

abade12
24-08-2007, 06:52 PM
السلام عليكم جميعاً , والمعذرة عن انقطاعي هذه المده ولكن كنت مجبر على ذلك حيث انتقل خالي الى رحمة الله ( وهو الأب الروحي لي ) وهو مدرستي اللتي تعلمت منها عالم التجارة واسرارها منذ كنت طفلاً وكان دائماً رحمه الله يصطحبني معه لمحلاته واعماله .
رحمك الله يا ابا عبدالله ياخالي وابي ومعلمي وسندي وأسكنك فسيح جناته أمين يارب العالمين.. ولاتنسوه من دعائكم جزاكم الله خير .


عظم الله أجرك يافتى نجد في وفاة خالك ونسأل الله سبحانه وتعالى أن يسكنه فسيح جناته وأن يغفر له ويتجاوز عن سيئاته وأن يبدله داراً خيراً من داره وأهلاً خيراً من أهله وأن يغفر له ماتقدم من ذنبه وما تأخر إنا لله وإنا إليه راجعون .

السعيداني
24-08-2007, 10:11 PM
وقفة رجال اخي ru-media
بارك الله فيك وفي مالك

فتى نجد
25-08-2007, 09:24 AM
الأخوه / الفجر الجديد , abade12 , جزاكم الله كل خير وما قصرتو والله يحفظكم .
الأخ / السعيداني , صراحةً ما ادري وش السالفه ؟؟؟؟؟؟؟؟؟؟؟؟؟؟؟؟؟؟؟؟؟ .

ام فاطمة
27-08-2007, 10:32 AM
الله يوفق الجميع

البرق الاسود
29-08-2007, 03:46 PM
طيب انا عند 15000 ريال حر مالي وودي لسوي مشروع بسيط بدون مساعدة احد وشو تنصحوني فيه 00انا بالرياض وتراي بنت مو رجال عشان كذا ابي مشاريع تصلح للحريم 000
شكرا لكم مقدما

الله يصبرنا
29-08-2007, 06:12 PM
الاخ/الاخت/ الله يصبرنا والله ماني متأكد , لكن ياليت تذكرني بعد اسبوع لاني بحاول ابحث لك واسئل (( واطئسسسس )) في الموضوع واعطيك خبر ...
اول شي عظم الله اجرك على وفاة خالك وهو الاب الروحي لك وماكنا نعرف سبب الانقطاع هذا ولاكن اذا عرف السبب بطل العجب
احسن الله عزاكم وجعله اخر الاحزان ان شاء الله
اللهم اغفر له وارحمه وعافه واعف عنه واكرم نزله ووسع مدخله ونقه من الخطايا كمان ينقى الثوب الابيض من الدنس وابدله دارا خيرا من داره واهلا خيرا من اهله وزوجا خيرا من زوجه وارزقه الفردوس الاعلى من الجنة
اللهم آمين

آه ابي وظيفة
01-09-2007, 03:13 AM
<?xml version="1.0" encoding="windows-1256"?>
<message />

آه ابي وظيفة
01-09-2007, 03:21 AM
<P>فتى نجد بارك الله في جهدك تشكر علية لايضاح بعض الامور البسيطة والمفيدة جدا لمن يريد ان يكسب الرزق الحلال </P>
<P>وأن يا أخوي ودي بمجموعة أتاجر فيها من جلابيات وأكسسورات وعطور&nbsp;يعني &nbsp;شخلات&nbsp;الحريم&nbsp;ودي أخوي اساعدني وتعطيني طريقة الاتصال مع المورد ولك الف شكر </P>
<P>&nbsp;</P>
<P>&nbsp;</P>
<P>&nbsp;</P>
<P>&nbsp;</P>
<P>&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<U><EM> قل سبان الله وبحمده مائة مرة تغفر ذنوبك وأن كانت مثل زبد البحر</EM></U></P>

عاطل مستجد
03-09-2007, 10:06 AM
السلام عليكم
إلى الأخ فتى نجد تحية عطرة ووفقك الله إلى حيث مايحب ويرضى
هذا المعرف معرف زوجي ودخلت هذا الموضوع لأنه لفت انتباهي ونفسي تتحقق أمنيتي وأن أكون سيدة أعمال ولكن البداية دائما من الصفر
أنا اتمنى أساعد زوجي بدخل آخر غير راتبه الشهري وعندي مشروع ان شاء يعجبك وابغى مرآياتك عليه وهو انو أجيب كتالوجات للمصممين المشهورين واوديه مصنع بالصين ويقصل الفساتين طبعا هي فساتين أفراح وبعدين أفتح محل وابيعهاا فقط بضعف سعرها يعني الفستان كلف 1500ريال أبيعه بـ3000ريال ؟؟؟؟؟؟؟؟؟؟؟؟؟

ليه أنا حطيت فقط الضعف ؟ عشان ابغى اكسب زباين للمحل وحرام البنات يشترو فساتين غالية والله فوق العشرة الآف ومنها كمان نساعد كل شرايح المجتمع

هل الفكرة حلوة ولالأ؟

ولكن عندي عدة مشاكل :
1- ماعمري رحت الصين ولاأعرف كيف أوصل للمصانع اللي تخيط ؟
2- ماعندي محل احط البضاعة فيه ؟
3-ماعندي خبرة في التجارة بس احبها ؟
4- والأهم من هذا كله ماعندي رأس مال يعني طفرانة ؟؟

ارجو الرد ومساعدتي ولك جزيل الشكر

M.B.S
06-09-2007, 06:28 PM
يعطيك الف عافية

عاطل مستجد
07-09-2007, 07:36 AM
الله يعافيك أخيفتى نجد رد علييييييييييييييي الله يجزاك خير

misscrochet
08-09-2007, 01:34 AM
أخوي ألف شكر على موضوعك استفدت منه كثييييير ,, يارب يجعله في ميزان حسناتك

أنا توني ابتديت بمشروع صغير (على قدي)

وهو إني أسوي أشياء من شغل يدي وأبيعها

بس المشكله عندي هي التسويق ما أعرف أحد أسوقها عليه

مافي الا المنتديات بالنت

بس حبيت بعد اذنك أشوف البنات لو وحده تقدر تسوقهم لي وأكيد حقها محفوظ

حاليا الأشياء اللي سويتها

1- اكسسوارات
2- أقلام كيووووت
3- مفارش
4- تلبيسات ترامز
5- قاعدات كاسات
6_ تلبيسات مصاحف

البرق الاسود
08-09-2007, 01:48 AM
افضل شي عندك المعارض والبازارات السبت والاحد والاثنين فيه معرض بنادي الضباط ايجار الطاوله 1000ريال لمدة 3 ايام لاتفوتين هذه الفرصه ةالله يوفقك

صبر ايوب
08-09-2007, 07:27 AM
اولا ....اشكر الاخ فتى نجد على هاذا الموضوع المفيد والمتجدد
وبغيت اسال عن البازارات النسائية هل في رمضان قريب بازار ووين في مدينة الرياض
وايش تنصحوني بايه بازار

فتى نجد
09-09-2007, 04:53 AM
عاطل مستجد ...
بالنسبة لتفصيل الموديلات في مصانع الصين صعبه جداً جداً , لأن المصنع هناك بيلزمك بتصنيع كميات كبيرة يعني توصل تكاليفها الى اكثر من ثمانين الف ريال واكثر ويفرض عليك انه يصنع لك الموديل هذا مثلاً بعدد مائة حبة للموديل الواحد ؟؟؟؟!!!!!!!!!! طبعاً مو معنا الكلام هذا انه خلاص ماعاد فيه شغل . لأ . حاولي التفكير بشي ثاني وحنا حاضرين ... وبالتوفيق ان شاء الله ,,,

عاطل مستجد
09-09-2007, 05:47 AM
طيب أخوي فتى نجد مافي محلات في الصين عندها بضاعة راقية من الفساتين لأني مرة كنت في محل لبغى اشتري فستان وقالي السوداني اللي يبيع انو مافي ولامحل يبيع بضاعة ل ايلي صعب (مصمم لبناني ) وكلها شركات في الصين تقلد الماركات , يعني ما اقدر اجيب من الصين وتكون رخيصة ومميزة وابيعا كمان برخيص ؟؟؟؟؟؟؟؟؟ عندك خلفية عن هذا الموضوع ساعدني الله يخليك

dam3ah2007
09-09-2007, 08:18 AM
يعطيك العافيه على هالمشروع

دمت بود

آه ابي وظيفة
09-09-2007, 11:25 AM
مشكور أخوي فتى نجد علي الرسالة لكن أنا ما أقدر اسافر لدبي لضروفي ودي بموزع يعطيني كتالوجات وأختار منها وبعد كذا يقوم هو بعملية التوصيل أو من خلال شركات الشحن العالمية فاذا تقدر تساعدني مشكور واذا ماتقدر كمان مشكور والله يعطيك العافية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
قل سبحان الله وبحمده مائة مره تغفر ذنوبك وأن كانت مثل زبد البحر

الله يصبرنا
09-09-2007, 12:44 PM
فتى نجد جزاك الله خير الجزاء والله يعطيك كل خير ويكفيك كل شر ويوفقك في حياتك قادر ياكريم
في امان الله

فتى نجد
09-09-2007, 08:27 PM
صبر ايوب , dam3ah2007 (http://www.btalah.com/member.php?u=15534) شاكر مروركم وجزاكم الله خير على دعواتكم والله يكتب لنا ولكم التوفيق ..

فتى نجد
09-09-2007, 08:35 PM
الأخت ( أه ابي وظيفه ) صراحةً ما اعرف موزع يجيبها هنا , ولكن حتى لو اعرف أو حصلتي موزع ما راح تستفيدين ابداً ابداً , والسبب أن القطعه اللي سعرها هناك مثلاً (30 ريال ) بيجيبها ويبيعها عليك هنا بسعر ( 60 ريال ) وانتي مثلاً بتبيعينها بسعر (100 ريال ) وبتتفاجئين ان فيه وحده تبيع نفس المنتج بسعر ( 80 ريال ). ليش؟؟؟ لأنها جابة المنتج من المصدر مباشرةً بدون وسيط !!!!!! . سؤال / هل تجيدين اللغة الأنجليزية أو ممكن تحلين مشكلة اللغة عن طريق معارفك ؟؟؟ اذا تقدرين انا ممكن افيدك ببعض الشيء ...
وبالتوفيق ان شاء الله ,,,

فتى نجد
09-09-2007, 08:40 PM
الأخت ( عاطل مستجد ) بحيل الله وقوته اني بشوف لك حل , طبعاً ما اقدر اوعدك 100% ولكن بإذن الله بحاول اشوف لك مصدر في الصين عندهم اللي تبينه بالظبط والله يكتب اللي فيه خير للجميع ..
ملاحظه ( انتي قلتي ان رأس المال !!!!!!! مافيه شي ابداً , طيب كيف بتشترين ؟؟؟).

فتى نجد
09-09-2007, 08:41 PM
(الله يصبرنا ) جزاك الله خير والله يبارك لك بما رزقك وبالتوفيق ان شاء الله ...

صبر ايوب
10-09-2007, 08:27 AM
اشكر الاخ فتى نجد على الاهتمام المتواصل بالاخوة في المنتدى واسال الله له التوفيق
ولو سمحت اسعفنا بالمزيد من المشروعات وخصوصا الرمضانية

آه ابي وظيفة
10-09-2007, 01:14 PM
مشكور اخوي فتى نجد علي ردك والله يعطيك الف عافية

عاطل مستجد
11-09-2007, 05:55 AM
أخي فتى نجد إذا كان المشروع ناجح برأيك أبيع الأسهم وكمل الباقي دين وربي يفرجها تدخل معايا شريك ؟

معقول !!
12-09-2007, 02:21 AM
السلام عليكم ورحمة الله وبركاتة

اول موضوع لي في منتدى البطاله ..

انا شخص لا أملك سوى مبلغ زهيد جداا تقريباا 3200 ريال فقط ..
ولدي مكتب عقار واتمنى منكم مساعدتي بأفكاركم النيره لتميز مكتبي

علماا بأن المكتب مجهز وجيد ولا ينقصة اي شيء

اتمنى منكم مساعدتي بأفكار تجلب الزبائن


وشكراا لكم

كل عام وانتم بخير

معقول !!

الفيـصل
12-09-2007, 04:22 AM
السلام عليكم ورحمة الله وبركاته
كل عام وانتم بخير

أول مشاركه لي وشدني الموضوع بطريقة طرحه الجميله
والأفكار الرائعه والشكر للأخ فتى نجد

أريد الاستفسار منك عن فكرة مفارش الطاوله
كم تُكلف ؟؟
ومن أين يتم الحصول عليها

وشكراً جزيلاً

البرق الاسود
12-09-2007, 11:49 PM
فتى نجد ,,,,,مبارك عليك الشهر اولا000
ثانيا ياليت تساعدني بفكرة مشروع بسيط معاي 15000 ريال وجعلك بالجنه ودربك تساهيل

عاطل مستجد
13-09-2007, 11:46 PM
مبارك عليك الشهر أخوي فتى نجد وعلى جميع الأعضاء

حفيدة البطاله
15-09-2007, 02:09 AM
السلام عليكم ورحمة الله وبركاته
انا عندي افكار حلوووه وممكن تكسبني ذهب لكن ما أعرف اسوقها ولا أعرف احد يسوقها لي
مع العلم اني عملت صناديق حدود 12 صندوق والله روعه وتفيد الي راح يتزوجون جديد أو المتزوجات .... ماراح أقول وش الي داخل الصناديق لكن الصندوق مليان .... ماانباع من الصناديق إلا صندوقين كنت ابي ابيعها ب 500 ريال لأني تعبت فيها وكنت أشتغل عليها ليل ونهار وأحاول اضبطها إذا نامت بنتي ولأني كنت حامل في الشهر الثامن كنت احس بتعب كثير وقلت راح ابيعها بهذا المبلغ لكن بعد ماولدت قللت المبلغ ل 350 ريال للصندووووق ابي اسوووقها بس شلون مع العلم أني استحي اتصل على المدارس أو اقوووول عنها ممكن تعطوني حل لتسويقها.

فتى نجد
15-09-2007, 06:29 AM
اخواني واخواتي , شاكر مروروكم والله يتقبل منا ومنكم صالح الأعمال ..
عاطل مستجد جزاك الله خير .
الأخ / الفيصل , بالنسبة للمفارش ممكن تبدأ بمبلغ 2000 ريال وممكن اكثر , وطبعاً كل مازاد المبلغ زاد عدد الموديلات اللي ممكن تجيبها , وهي موجودة في دولة الامارات في مدينة الشارقة..

فتى نجد
15-09-2007, 07:30 AM
الأخت / ام لنا , اللي سويته شي رائع وممتاز جدا جدا جدا جدا جدا ووالله وبحيل الله وقوته أنك بتنجحين نجاح خيااااااااااااالي وخاصةً انك تخصصتي في شغلات مطلوبه بكثرة ومرغوبه .
اقتراحات للتسويق :
1/ تصممين لك موقع انترنت وتعرضين فيه بعض صور الصناديق , وطبعاً تكون صور محترفه ومتعوب عليها . (انتبهي لاتعرضين كل موديلاتك عشان ما تنسرق الأفكار ).
2/ تنزلين اعلان في جريدة الرياض ( الاعلانات المبوبة ) قيمته ( 200 ريال ) بصيغة حلوه وتحطين عنوان موقعك بالانترنت .
3/ تتفقين مع محل حلويات مثلاُ على انك تعرضين عنده الصناديق مقابل انه ياخذ 50 او 80 ريال على كل صندوق ينباع , وطبعاً تكتبيت في موقعط بالنت ان اللي يبي يشتري يتوجه للمحل الفلاني وتحطين تلفوناتهم , وتقولين اللي يبي طلبية خاصة يتصل على جوالك .
( طبعاً لاحظي اني قلت لك تعرضين عند محل حلويات وانتبهي لا تعرضين عند محل هدايا لأنه على طول بيسرق الفكره ويسويها ويبيعها وصناديقك بتغبر , واحرصي يكون محل الحلويات في موقع سهل الوصول له من أي حي في المدينة ) .
على فكرة فيه زميل لي اماراتي , اخته تسوي صناديق بنفس فكرتك وشغاله لها اكثر من سنتين يقولي بنفسه ان دخلها شهرياً بين ( 18000 الى 25000 درهم ) وقبل سنه جيتهم في بيتهم بالشارقه لقيت معها سيارة ( رنج sport , لون برتقالي ) والشبااااااااب يعرفونه ويعرفون كم قيمته , وزميلي يحلف بالله انها اشترته من ورا شغلها بتجهيز الصناديق ...

شدي حيلك وتوكلي على الله واهم شي وقفت زوجك ومساندته لك اهم شي , وانتبهي خلي شغلك كتيمي ( اقضوا حوائجكم بالكتمان ) وركزي على اهم نقطه ( التسوووووووويق التسوووووويق التسوووووويق ) . طبقي اللي قلت لك واي استفسار مستعدين والله يكتب لك التوفيق ان شاء الله وعقبال ما تشترين لابو لنا باااااانوراما 500s .ههههههههه مزحه ..

حفيدة البطاله
15-09-2007, 11:11 PM
شاكره لك فتى نجد على الحل الاكثر من رائع بس تتوقع ان فيه محل حلويات بيقبل ياخذ الصناديق ويحطها عنده مقابل 80 ريال أخاف انهم طماعين ويطلبون اكثر وما استفيد شي..
والله يسمع منك واشتري لابو لنا السياره الي يحلم فيها ...

فتى نجد
17-09-2007, 12:42 PM
الأخت / ام لنا , بالنسبة للمحلات أنا متأكد 100% يقبلون ( من واقع خبرة ) وطبعاً انتي تقولين لهم يبيعون الصندوق للزبون بمبلغ ( 450 ريال ) وانتي تاخذين منها مثلاً ( 370 او 380 ريال ) وصدقيني بتلقين كثيرررررررررررر يوافقون ويتمنون بعد .

نقاط مهمه جدا جدا جدا :
ــ يجب التركيز وبقوة على التميز بالذوق في تجهيز الصناديق واستخدام المواد الخام المتميزة وذات المنظر المتناسق .
ــ صوري عدد (3) صناديق من اللي مزينتهم واطبعيها بطابعة ملون بعدد ( 30 ورقة ) تقريباً , واطبعي خطاب موجه لمن يهمه الامر , ومضمونه (( عرض لمحل الحلويات برغبتك بالتعاون معهم ...................................... الخ..... الخ...... الخ .
ــ زيني ذاك الفطور السنع لابو لنـــــا وخليه يسفهل ذيك اليوم ولا جا بعد صلاة التراويح اطلعو انتي وياه وحطي لنا عند اهلك ( عشان ما تسوي قلق ) وتمشو على محلات حلويات معينة , وعطيو كل محل ظرف ابيض في وسطه ورقتين ( ورقه فيها الصور + ورقه فيها خطاب عرض تعاون وفيه ارقام التلفون ) ولاتقولين والله نستحيييييييييي !!!!! هذا شغل وكبار التجار بدو كذا لأن المثل يقول ( مايحك جلدك الا ظفرك ) .
ــ اهم شي موقع انترنت ( www.?????????.com (http://www.?????????.com) ) عشان يكون لك مرجع اذا بغوك الناس .

(( ياليت تحددين انتي في اي مدينة )) عشان اللي بيضيف يقدر يفيدك ببعض المواقع .

وبالتوفيق ان شاء الله واي اضافه مستعدين ,,,,

صبر ايوب
17-09-2007, 01:44 PM
اخوي فتى نجد رحت لحجاب زي ماقلت لكن ماادري كل مااسالهم وش اللي ماشي وشغلات كذا يعتبرون الموضوع سري ويقولو هاتي اللي عندك ونشوف ماادري يعني كيف من وين اشتري الاشياء اللي بالجمله وتكون رخيصة
والزعفران طلبوني ويبون فلو سمحت ابغى تدلني على مكان بيع الزعفران ابو شيبة
ولك جزيل الشكر

انين الحزن
17-09-2007, 07:17 PM
مشكور

حفيدة البطاله
18-09-2007, 03:34 AM
الاخ فتى نجد:السلام عليكم ورحمة الله وبركاته
انا عارفة إني مزعجة ولكن المعذره بس أنا سئلت اذا كنت ابي اعمل لي موقع على النت
قال لي زوجي انه راح يكلفني وفيه ناس قالت لي ان فيه مواقع حقت تسويق اقصد منتديات بس لو
تكرمت انت أو اي احد من الاخوات يدلني عليها ... واذا قلت اروح مع ابو لنا للمحلات دا بعدي هو
مو بحاجت فلوسي بس انا نفسي أكون شي اذا الواحد مافلح بدراسته يفلح بشي ثاني وأنا طموحه وعندي افكار كثيره براسي ولكن ..... الفلوس بالنهاية تحكمني!! ممكن تسئلني دام ان ابو لنا مو في حاجت فلوسي ليش اوجع راسي بالشغلات هذي تبون الصراحة أنا من الحريم الي استحي اطلب ابو لنا فلووووس تخيلو كان عنده مناسبة مثل ترقيه بالوظيفة أو اي مناسبة (يازيني وانا طالبته فلووووس عشان اجيب له الهدية) ... عموما انا متواجده بالرياض اتمنى تساعدوني

abaan
18-09-2007, 12:23 PM
فتى نجد الله يكثر من أمثالك ويوسع لك في رزقك ويشفيلك امك ويطول في عمرها
الحقيقة تعجز الالسن عن شكرك ومجهودك السخي لاخوانك ومساعدتهم لك الف شكر

متعطل متعمد
18-09-2007, 03:19 PM
ابغى فكره مشروع بحدود 10- 20 الف



يكون في جده وممكن متابعته بسهوله




ام لنا ممكن ترسلي صوره للصناديق
اذا عليها طلب هنا اسوقها لك في جده

حفيدة البطاله
18-09-2007, 08:26 PM
متعطل متعمد/ السلام عليكم ورحمة الله وبركاته
أنا ماعندي اي مانع اعرض وش الي بالصناديق بس مو كل شي لانها كثيرة حدود 23 شي

آآآه
21-09-2007, 01:59 PM
فتى نجد الله يجزاك خير وويوفقك دنيا وآخره ويشفس أمك

ابيك تساعدني بتوجيهاتك إذا عندك وقت ...
ناويه أشتري جلابيات من الأمارات يقولون فيه جلابيات أسعارها بالجمله معقوله بس ما أني عارفه كيف ابدا معهم خصوصا أني في البدايه ووأبي كميه بسيطة علشان أشوف أقدر أصرفها ولا لا ( يعني أختبر نفسي)
وبعد مأعرف وين اماكنهم ؟
ولو عندك اسماء محلات وشركات وتلفوناتهم وترسلها لي أكون شاكره لك
وهل لازم أروح كل مره للأمارات علشان أشوف البضاعه مايتعاملون بالكتالوجات
أو مواقع انترنت

والله يعطيك العافية

mr-waleed
21-09-2007, 02:45 PM
ام لنا

وش رايك تفتحين موقع فيه صور للصناديق

والواحد يشتري منه اتوماتيك

وتجيك الطلبيات وتوصلينها

بعد دفع الحساب عن طريق حساب بنكي

وانا مستعد اساعدك بالموقع
او ادخل معك شريك

فتى نجد
21-09-2007, 03:25 PM
اخواني واخواتي الكرام اشكركم على المرور وعلى دعواتكم الطيبة ..

فتى نجد
21-09-2007, 03:30 PM
الأخت / صبر ايوب , بالنسبة للزعفران اللي سبق وكتبت عنه هذا ينباع في دبي وفيه انواع كثيره وبأسعار مختلفه , وحقيقتاً انا مالي فيه خبره واقدر افرق .
لكن لابد من روحتك لدبي وبالنسبه للعجز في السوق صعبه انهم يعطونك سر الشغله ولكن انتي حاولي كل يومين تنزلين لاسواق الحريم ولمدة اسبوعين مثلاُ وراقبي بضايعهم وشوفي وش الاذواق اللي ماشيه عندهم وصدقيني لازم تطلعين بنتيجه بس خلك اسم على مسمى .

فتى نجد
21-09-2007, 03:35 PM
الأخت / ام لنا , بالنسبة للموقع تكلفته معقوله جدا جدا بحدود ( 400 الى 600 ريال ) , وبالنسبه للتوصيل للمحلات ممكن تشوفين لك واحد ( مندوب) يوصل وتعطينه عموله , وبرضو اذا بضاعتك متميزة المحل نفسه ممكن يجي لين عندك وياخذ الاغراض كل فترة .
لايموت الموضوع شدوووووووو حيلكم ترا كل ما طول يطفي !!!!! .
ام لنـــــــــــــا (( ممكن تعرضينها في احد المشاغل المشهورة ))

فتى نجد
21-09-2007, 03:46 PM
الأخت / اااه , بالنسبة للجلابيات من الامارات شغله حلووووه ومربحه اذا وفقك الله بالتسويق الصحيح .
ــ محلات الجملة للجلابيات في مدينة ( دبي ) .
ــ في البداية ممكن تشترين جملة ولو بمبلغ ( 800 ريال ) وممكن اقل او ازود حسب رغبتك .
ــ طبعاً لازم تروحين بنفسك لأن وبدون مبالغة كل يوم ينزلون (20 او 30 ) موديل جديد يعني في تجديد بضائع عندهم بشكل جنووووووني وما يصدقه عقل خصوصاً الجلابيات .
ــ مافيه مواقع انترنت ولا كتالوجات لأنهم محلات عادية ومايعرفون الشغلات هذي ولأن الموديلات عنهدم تتغير بسرعه فصعبه يحطون كتالوجات ( ومستحيل تحصلين )
ــ معلومة سريعة ( جلابيات سعر الحبه بالدرزن 8 ريال في دبي , شفتها تنباع هنا عند العجز في البسطات على 30 و40 ريال ) يعني ممكن تبيعينها عليهم جمله الحبه ب ( 20 ريال ) اقل شي وقيسي على الموديلات الباقية .
ــ بالنسبة لعنوانهم هم كلهم مجتمعين في منطقة وحدة في سوق ديره بدبي وبالظبط مقابل فندق ((!!! ياليت تذكريني بعد يومين عشان اجيب لك اسم الفندق !!! )).
وبالتوفيق ان شاء الله ....

فتى نجد
21-09-2007, 03:54 PM
خبرررررر هااااااااااام
فيه مجموعة بنات في القصيم يصلحون كليجا ولكن بطريقة جديدة ومطورة :
( كليجا دايت )
( كليجا بالجبن )
( كليجا بزيت الزيتون )
وانوووووووووواع كثيره والله ما اذكرها ...

عجبتني الفكره وقلت اعطيكم معلومة ....

البرق الاسود
22-09-2007, 06:41 AM
اخوي فتى نجد 000اسعد الله يومك 000عسى ماشر ليه ماترد على استفساري

فتى نجد
22-09-2007, 02:13 PM
الاخ / البرق الاسود حياك الله , والمعذره المعذره المعذره المعذره المعذره الظاهر يابن الحلال اني مجلعد .
عموماً ياليت تحدد لي انت في اي مدينة , وهل في بالك شي معين يعني فيه شغله تدور في راسك هالايام , وكيف وضعك فاضي ولا موظف , وعطني على قد ماتقدر معلومات عنك وان شاء الله مالك الا طيبة الخاطر , والمعذررررررررررررررره ...

عاطل مستجد
22-09-2007, 03:12 PM
ياأخ فتى نجد بكم سعر المفارش اللي من الهند ؟ وكيف هي حلوة زي اللي في المسلسلات الخليجية ممكن تحط صورة وتنزلها ونشوفها

سمو الهمة
22-09-2007, 09:29 PM
الله يبارك فيك يافتى نجد ويحقق أمانيك

ألف شكر لنا على مجهوداتك وتوجيهاتك هُنا

بصراحة أنا لدي ميول تجارية وحلمي أكون سيدة أعمال

دائما الناس تفكر بالوظيفة الحكومية وأنا أفكر بالشغل الحر والتجارة

أحس إن التجارة متعة لإن فيها تجديد وتفكير وتحس بقيمة تعبك وشغلك ومخك

كلما بعت أو سوّقت بشكل جيد تحمست أكثر و أكثر .. وهنا مكمن المتعة ..

لكن في نفس الوقت .. مجال الإحباط فيها كبير في حالة الفشل ..

وطبعا التجار لهم سمات خاصة فيهم أهمها الصبر والتفاؤل والعقل المفكر والمخطط بشكل سليم ..


وأنا حابة أقول شي .. الي عنده موهبة في أي شي .. لايستهين فيها ..

اعمل هوايتك وسوّقها . .ولاتستحي .. ماعاش من استحى خخخخخخ

عارفة تفلسفت كثير اعذروني

بس نقاشاتكم أثارت مافي جعبتي وهيضت مشاعري نحو التجارة ...

سلااااام

أختكم سمو الهمة

saudization
23-09-2007, 04:58 PM
موضوع لابأس به...


أنا احكي لك عن تجربتي بحركه ماتكلفك سبع ألاف..


تخش حاره أي حاره وتشوف لك محل <<طبعا الحواري مايطالب بها رخصه لأي محل غالبا

وتستأجره بألف شهريا وتسوي له ديكور <<ان كان بقاله او بوفيه او مغسله بس بقاله اسرع وارخص

وتحط له لوحه وتملاه مواد غذائيه وتحط لوحه بعد كم يوم للتقبيل لعدم التفرغ

بيجيك فيه اقل شي ثلاثين الف الى خمسين الف..وانت حاط رجل على رجل

وان ماجتك عروض صدقني البقاله بتشتغل وتكون نسبتك مع العامل النص بالنص او خمس ميه لك
والباقي للعامل وهو مسؤول عن كل شيء من ايجار لين اتفهه شيء

وبكذا بتتشغل ومصير احد يجي يشتريها وانت انساها وحط اللوحه

بس انتبه
تأكد كل كم اسبوع ان اللوحه موجوده لا يسرقها العامل ويبي يفلها على حسابك هههه


وبالتوفيق