المساعد الشخصي الرقمي

مشاهدة النسخة كاملة : على جميع العاطلين التأكد من عدم تواجد أسمه في التأمينات؟


الصفحات : 1 2 [3] 4

النقا
22-01-2011, 12:47 PM
حبيبنا قلب المملكة بيّض الله وجهك ..
استفسار بسيط / درّست عند مدرسة أهلية أسبوع فقط ثم خرجت من سنة و4 أشهر وراجعت مكتب العمل اليوم قالوا اسمك مسجل طوال هذه الفترة براتب 1500 .

السؤال / هل هذا الراتب يصرف للمدرسة ، وهل يحق لي أن أطالب به ؟
أفتونا مأجورين

قلب المملكة
22-01-2011, 07:49 PM
اخوي الله يعطيك العافية قلب اللمملكة
انا في شركة من 10 شهور ماسجلت بالتامينات اقدر اسجل فيها الان واسجل العشرة شهور الي راحت حتى لو اعطيهم فلوس وكم تقريبا ياخذون علي ؟مع العلم اني مسجل في شركةثانية اخرى من سنة تقريبا واسمي في التامينات في هذه الشركة ؟ هل فيه مانع اني اكون في شركتين و ان اسمي في التامينات من قبل كل الشركتين هل فيها مشكلة ارجو التوضيح ولك كل الشكر

الله يعافيك

خلاص أخوي راحت عليك دامك مسجل في شركة ثانية

والشركة مسجلتك في التأمينات

أنت حالياً على رأس العمل ولا يحق لك التسجلين في شركتين

موفق خير

قلب المملكة
22-01-2011, 07:54 PM
اخوي قلب المملكة كثرت عليك اشوي لاكن تحملنا الي يعينك علي اخوي سجلت ف ي
/مووسسة في 1/7/1431 سوت الموسسة اثر رجعي لمدةثلاثة شهور 1/4/1431 يعني صرت مسجل في التامينات من 1/4 1431 انا ودي اسوي اثر رجعي مرة ثانية من تاريخ حط تحته خط من 20 /10/1430 يعني خمسة شهور ونص هل اقدر ؟ وافيدني اخي الله يجزاك خير وكل الشكر لك

خذ راحتك أخوي

تاريخ توقيعك العقد مع الشركة هوا اللي تقبل فيه التأمينات

واللي فهمته تاريخ عقدك مع الشركة 1 / 4 / 1431 هـ

من هنا تحسب لك التأمينات

موفق خير

قلب المملكة
22-01-2011, 08:00 PM
حبيبنا قلب المملكة بيّض الله وجهك ..
استفسار بسيط / درّست عند مدرسة أهلية أسبوع فقط ثم خرجت من سنة و4 أشهر وراجعت مكتب العمل اليوم قالوا اسمك مسجل طوال هذه الفترة براتب 1500 .

السؤال / هل هذا الراتب يصرف للمدرسة ، وهل يحق لي أن أطالب به ؟
أفتونا مأجورين

وجهك أبيض

لا مايصرف للمدرسة

المدرسة تاركه إسمك عشان السعودة الوهمية

أنت شيك على التأمينات وشوف إذا إسمك مسجل أولا

وإسمك لازم تسقطه من مكتب العمل

عن طريق رفع شكوى على المدرسة لدى مكتب العمل

النظام / المدرسة تغرم وتوقف عن الاستقدام وبنسبة لك فقط يسقط إسمك
ولا تحصل على أي مبلغ بحكم أنك لم تعمل لدى المدرسة

لو تكلم المدرسة تطالب بتعويض أو رفع شكوى عليهم

يمكن يعوضونك مقابل أنك ماترفع الشكوى

بس إسمك لازم تسقطه

موفق خير

شبوكشي
22-01-2011, 11:22 PM
اقول شئ واحد الموضوع اكبر من كذا

باسل عمر
23-01-2011, 01:48 AM
يعطيك العافية اخوي وحبيب الكل قلب المملكة غلى رحابة وسعة صدرك وهذا موغريب عليك وكل يدعيلك ووفعلا الي يشوف عدد الصفحات والردود يقول الله يعطيه الصحة والعافية
اخوي قلب انا سجلني واحد عن طريق معرفة عنده توضيف وهمي انا ابي خبرة وهوكسبان يبي سعودة وهمية الاكيد بعد ماسلتك البارح ا لقيت انه مسجلني عنده في شركته ولقيته مسجلني في شركة ثانية باسم ولده يعني على شركتين اسمي في التامينات بس المهنه في شركة ولده مسجلني سائق في حداده هههههههه اخوك حداد مدري وشلون تجي المهم
هل اقدر احول المهنه عنده او عند ولده ولا مقدر وهل فيها ضرر علي وشكرا

ااالأحمدي
23-01-2011, 08:28 AM
الله يديك الف عافية اخوي قلب المملكة

يغالي انا كنت شغال فى شركة فندقية وسبتهم لى اربعه أشهروأستعلمت عن طرق الموقع تبع مكتب العمل برقم الهوية لقيت اني على راس العمل ايش أفضل شى اسوية اخوي قلب المملكة احتاج ردك والف شكر يغالي

عاطل واخاف اصير
23-01-2011, 08:29 AM
مشكووووووووووووووووور وماقصرت الله يعطيك العافية

عاطل باطل مكروب
23-01-2011, 12:38 PM
يعطيك العافيه يااااااااااااااااااااااااااااااااااااااااااااااااا ااااااااااااااااااااااااااااااااارب

بكالوريوس عطاله
23-01-2011, 01:26 PM
الله يعطيك العافيه ع الموضوع الرائع

منشستراوي
23-01-2011, 01:34 PM
الله يعطيك العافية , وجزاك الله خير ..

الحمد الله كل شيء سليم ,,

:)

قلب المملكة
23-01-2011, 08:40 PM
يعطيك العافية اخوي وحبيب الكل قلب المملكة غلى رحابة وسعة صدرك وهذا موغريب عليك وكل يدعيلك ووفعلا الي يشوف عدد الصفحات والردود يقول الله يعطيه الصحة والعافية
اخوي قلب انا سجلني واحد عن طريق معرفة عنده توضيف وهمي انا ابي خبرة وهوكسبان يبي سعودة وهمية الاكيد بعد ماسلتك البارح ا لقيت انه مسجلني عنده في شركته ولقيته مسجلني في شركة ثانية باسم ولده يعني على شركتين اسمي في التامينات بس المهنه في شركة ولده مسجلني سائق في حداده هههههههه اخوك حداد مدري وشلون تجي المهم
هل اقدر احول المهنه عنده او عند ولده ولا مقدر وهل فيها ضرر علي وشكرا

الله يعافيك أخوي الكريم

بارك الله فيك تقدر تغير إسم المهنة وهذا أفضل لك بس على نفس الشركة اللي مسجل عليها في التأمينات

تسوي عقد عمل جديد بالمهنة الجديده وتروح للمكتب العمل وتعدلها وبعدها الـتأمينات

والله يرزقك من أوسع أبوابه

قلب المملكة
23-01-2011, 08:44 PM
الله يديك الف عافية اخوي قلب المملكة



يغالي انا كنت شغال فى شركة فندقية وسبتهم لى اربعه أشهروأستعلمت عن طرق الموقع تبع مكتب العمل برقم الهوية لقيت اني على راس العمل ايش أفضل شى اسوية اخوي قلب المملكة احتاج ردك والف شكر يغالي


الله يعافيك

طيب شيك على التأمينات إذا إسمك موجود أو لا

كلم الشركة وحاول تتفاهم معهم ودي

بمعنا يعوضونك أو ترفع شكوى عليهم لدى مكتب العمل

الشركة لو رفعت شكوى بتتغرم وتمنع عن الاستقدام خمس سنوات

وهذا في غير صالحهم

أهم شي إسقاط إسمك من مكتب العمل

موفق خير

ياحلم تكفا تحقق
24-01-2011, 12:16 AM
اخوي قلب المملكه الف شكر لك وعلى تفاعلك معا الاخوااان انا قبل ثلاث اشهر تقريبن قدمة على شركة المهم قبلوني وقالي الراتب 1900 والدوام فترتين قلتله خلص اوكي متى اداوم قالي من بكره المهم ان حصلي ضرف وطلع برا المنطقه ولعد داومة
وعدة ثلاث اشهر وشيكة اليوم على اسمي بمكتب العمل والتامينات الاجتماعيه وحصله موجود على راس العمل ودقية على التامينات الجتماعيه قالي ايه مسجل عندنا قلتله كم الرااتب قالي 2500 الي ودي اسالك عنه ودي اخذ الرواتب الي عندهم لي بس انا خايف ارحلهم اول قبل ما ارح لمكتب العمل ويسوون تلعب ولا يعطوني فلوسي فماذا تنصحني اسويه عشان اقدر اخذ فلوسي الي هي ثلاث رواتب ياليت تفيدني على الخاص الله لا يهينك

قلب المملكة
24-01-2011, 08:24 PM
اخوي قلب المملكه الف شكر لك وعلى تفاعلك معا الاخوااان انا قبل ثلاث اشهر تقريبن قدمة على شركة المهم قبلوني وقالي الراتب 1900 والدوام فترتين قلتله خلص اوكي متى اداوم قالي من بكره المهم ان حصلي ضرف وطلع برا المنطقه ولعد داومة
وعدة ثلاث اشهر وشيكة اليوم على اسمي بمكتب العمل والتامينات الاجتماعيه وحصله موجود على راس العمل ودقية على التامينات الجتماعيه قالي ايه مسجل عندنا قلتله كم الرااتب قالي 2500 الي ودي اسالك عنه ودي اخذ الرواتب الي عندهم لي بس انا خايف ارحلهم اول قبل ما ارح لمكتب العمل ويسوون تلعب ولا يعطوني فلوسي فماذا تنصحني اسويه عشان اقدر اخذ فلوسي الي هي ثلاث رواتب ياليت تفيدني على الخاص الله لا يهينك

هلا فيك أخوي

التأمينات هي من حقك وراح تستفيد منها

بس رواتب بما أنك لم تعمل مارح تحصل عليها

الحل / كلم الشركة وحاول تتفاهم معهم قلهم أنك لقيت أسمك مسجل عندهم

وأنك ناوي ترفع شكوى عليهم إلا إذا توصلتم لحل يرضي الطرفين مع أسقاط إسمك أو العمل لديهم

طبعاً من مصلحة الشركة التفاهم معك بحكم أنك لو رفعت شكوى راح تغرم الشركة بما لا يقل عن خمسة الاف ريال وتتوقف عن الاستقدام خمس سنوات
وهذا في غير مصالحتهم

تفاهم معهم

موفق خير

للصمت هيبه
25-01-2011, 12:16 PM
السلاام عليكم اناا متوظفه في مدرسه اهليه واعطونا اوراق باختيارر الرغبه في الدخول في التامينات

هل ادخل فيها او لا وش تنصحني وماهي فائدتها وهل تحسب لي خبره في الخدمه المدنيه والا لا
لاني سمعت اقاويل كثيره ومادري من الصدق الرجاء الرد
لان تحديد الرغبه راح يكون اخر شي بكره

وشكرا لك اخي ..

ياحلم تكفا تحقق
25-01-2011, 03:48 PM
هلا فيك أخوي

التأمينات هي من حقك وراح تستفيد منها

بس رواتب بما أنك لم تعمل مارح تحصل عليها

الحل / كلم الشركة وحاول تتفاهم معهم قلهم أنك لقيت أسمك مسجل عندهم

وأنك ناوي ترفع شكوى عليهم إلا إذا توصلتم لحل يرضي الطرفين مع أسقاط إسمك أو العمل لديهم

طبعاً من مصلحة الشركة التفاهم معك بحكم أنك لو رفعت شكوى راح تغرم الشركة بما لا يقل عن خمسة الاف ريال وتتوقف عن الاستقدام خمس سنوات
وهذا في غير مصالحتهم

تفاهم معهم

موفق خير

الف شكر يا الغالي

قلب المملكة
25-01-2011, 08:19 PM
السلاام عليكم اناا متوظفه في مدرسه اهليه واعطونا اوراق باختيارر الرغبه في الدخول في التامينات

هل ادخل فيها او لا وش تنصحني وماهي فائدتها وهل تحسب لي خبره في الخدمه المدنيه والا لا
لاني سمعت اقاويل كثيره ومادري من الصدق الرجاء الرد
لان تحديد الرغبه راح يكون اخر شي بكره

وشكرا لك اخي ..

وعليكم السلام ورحمة الله وبركاته

توكل على الله وسجل

التأمينات تضاف خدمتها عند التقاعد إن شاء الله

بعد تعيينك في الحكومة إن شاء لله تسوي ربط

بين العملين في التأمينات وكذا خبرتك في القطاع الخاص

تستفيد منها عند التقاعد

مهمة التأمينات توكل على الله

موفق خير

للصمت هيبه
25-01-2011, 11:22 PM
الله يرزقك رزق ماحسبت له حساب

ويفرج همك ...

القلب الظامي
28-01-2011, 06:00 AM
يعطيكم العافية .. ومجهود تشكرون عليه

- - -

حبيت اضيف رابط لصندوق دعم الموارد البشرية

http://online.hrdf.org.sa/check_pc.php (http://www.btalah.com/redirector.php?url=http%3A%2F%2Fonline.hrdf.org.sa %2Fcheck_pc.php)

فقط ضع السجل واضغط على "تحقق"

راح يفيدك اذا اندعمت من الصندوق سابقا او لا







طيب الحين يجي دور الاسئلة

بلا امر عليكم

انا خريج جديد ورايح جاي تقديم على الوظايف .. الله المستعان

عموما انا بعد ما شيكت طلعلي كالتالي

" طالب العمل حصل على دعم من الصندوق مسبقاً .. الرجاء مراجعة فرع الصندوق بالمنطقة لمزيد من التفاصيل."

طبعا انا اشتغلت part-time في :

جرير .. بندة .. موبايلي

واخر وظيفة طلعت منها قبل سنتين فهل هذا يؤثر علي في التقدم للوظائف

مع العلم اني شيكت ايضا على الرابط بتاع التأمينات وطلع لي

" رقم الهوية الوطنية: ***************

مكتب العامل التابع له: الرياض


الاسم: ***************

حالة العامل: نهاية خدمة



"

يعني حسب الظاهر اني مسجل بس كييييف ؟؟

جاوبوني الله يرضى عليكم .. تراني اقدم من زمان عالوظايف ولا جاني قبول ممكن يكون هذا هو السبب !!

القلب الظامي
28-01-2011, 06:03 AM
اضافة على الرد السابق

التحقق من الإشتراك في نظام التأمينات الاجتماعية


"أنت مسجل بنظام التأمينات الاجتماعية ولكنك حاليا لا تعمل"

جاوبوني الله يرضى عليكم

قلب المملكة
28-01-2011, 08:11 PM
اضافة على الرد السابق

التحقق من الإشتراك في نظام التأمينات الاجتماعية


"أنت مسجل بنظام التأمينات الاجتماعية ولكنك حاليا لا تعمل"

جاوبوني الله يرضى عليكم


طال عمرك عملك في القطاع الخاص لأن يؤثر على تقديمك في الحكومة

وهذا من حقك

بالنسبة للسؤال التأمينات

أنت كنت مسجل في جهة خاصة ولكن حالياً إسمك مسقط من قبل الجهة

تقدر تروح للتأمينات وتاخذ برنت كامل عن عملك ومكانه ومدة خدمتك في التأمينات

موفق خير

سالم القرني
04-02-2011, 01:49 AM
استفسار لو سمحتو ؟؟؟

اسمي مسجل في مكتب العمل واعمل في مؤسسة اهلية من 5 سنوات ... والان توظفت وظيفة رسمية .. هل يحق لي أن أضيف خدمتي ال5 سنوات في المؤسسة الاهلية؟

قلب المملكة
04-02-2011, 09:03 PM
استفسار لو سمحتو ؟؟؟

اسمي مسجل في مكتب العمل واعمل في مؤسسة اهلية من 5 سنوات ... والان توظفت وظيفة رسمية .. هل يحق لي أن أضيف خدمتي ال5 سنوات في المؤسسة الاهلية؟

طال عمرك

الخدمة تستفيد منها إذا أنت مسجل في التأمينات

تروح لهم وتسوي رابط بين عملك السابق والحالي

تاخذ خطاب التعيين معك

وبالنسبة للخبرة العمل تاخذ شهادة من عملك في المؤسسة وتصدقها من الجهة المعتمده منها المؤسسة

موفق خير

مقهور بس صامت
06-02-2011, 12:45 PM
الحمد لله إسمي مو مسجل .

دريم
14-02-2011, 01:06 AM
انا لقيت اسمي في التأمينات الاجتماعية رغم إني ما اشتغلت قبل كده افيدوني الله يعطيكم العافية.

كل شي ممكن
14-02-2011, 08:11 AM
انا عملت فتره 3 اشهر لكني حاليا عاطله
واستلمت اخلاء الطرف
واخر يوم دوام لي كان 13/2/1432هـ
وتحققت اليوم ,, واكتشفت ان اسمي مسجل بالتأمينات
ف ارسلت شكوى ......<<<<<<<عدل شغلي؟؟

قلب المملكة
14-02-2011, 07:51 PM
انا لقيت اسمي في التأمينات الاجتماعية رغم إني ما اشتغلت قبل كده افيدوني الله يعطيكم العافية.

طيب ومكتب العمل شيكت عليه

إذا فقط التأمينات خذ برنت منهم

عشان تعرف إسم الشركة وإذا أنت على راس العمل أو لا

أنتظر ردك وبعدها أقولك أيش تسوي

قلب المملكة
14-02-2011, 07:53 PM
انا عملت فتره 3 اشهر لكني حاليا عاطله
واستلمت اخلاء الطرف
واخر يوم دوام لي كان 13/2/1432هـ
وتحققت اليوم ,, واكتشفت ان اسمي مسجل بالتأمينات
ف ارسلت شكوى ......<<<<<<<عدل شغلي؟؟

الشكوى لمين أرسلتيها للمكتب العمل أو الشركة

ومكتب العمل وشلون وضعك فيه برضوا على راس العمل

نور السناء
15-02-2011, 04:36 PM
السلام عليكم ورحمة الله وبركاته

أخوي قلب المملكة اثابك الله شوف عندي استفسارين
الاول/طلع لي عند التامينات
التحقق من الإشتراك في نظام التأمينات الاجتماعية


"أنت مسجل بنظام التأمينات الاجتماعية ولكنك حاليا لا تعمل"

<<علما باني كنت على راس عمل في مدرسة اهلية ودرست عندهم 5 شهور يعني الترم الاول من السنة هذة ثم طلعت فما العمل في هذة الحالة




الثاني /
ولكن في وزارة العمل لقيت رقم هويتي السجل المدني تحول واستخدم إلى ذكر واسمه فيصل و منتهيه خدمته وهم من جدة وانا من الخبر
فماالعمل ؟؟
وجزاك الله خير..

قلب المملكة
15-02-2011, 08:38 PM
[QUOTE=نور السناء;3943064]السلام عليكم ورحمة الله وبركاته

وعليكم السلام ورحمة الله وبركاته

"أنت مسجل بنظام التأمينات الاجتماعية ولكنك حاليا لا تعمل"

<<علما باني كنت على راس عمل في مدرسة اهلية ودرست عندهم 5 شهور يعني الترم الاول من السنة هذة ثم طلعت فما العمل في هذة الحالة

وقت عملك في المدرسة تم ضمك في التأمينات

لكن حالياً بحكم تركك للعمل المدرسة أسقطت إسمك

المطلوب منك وقت تعيينك أو إذا أنتِ حالياً تعملين في الحكومة

تاخذين خطاب التعيين أو المباشرة من عملك وتروحين للتأمينات

وتطلبين عمل ربط بين عملك السابق والحالياً

وكذا تستفدين منها عند التقاعد إن شاء الله


الثاني /
ولكن في وزارة العمل لقيت رقم هويتي السجل المدني تحول واستخدم إلى ذكر واسمه فيصل و منتهيه خدمته وهم من جدة وانا من الخبر
فماالعمل ؟؟

هذا مشكلة السجل تابع لك وعن طريق التلاعب إدارج إسم شخص أخرى للتموية

المشكلة أنتِ بنت وراح تتعبين لو رفعت شكوى على الشركة

دام منتهية خدمتة ( يعني مسقط )

وكلي أمرك لله وحسبنا الله على كل ظالم

بالتوفيق

بنساك
15-02-2011, 10:24 PM
السلام عليكم ورحمة الله وبركاته

الله يوفقك اخوي قلب المملكة ويرزقك

اخوي لقيت اسمي مسجل في التأمينات الاجتماعية وفي مكتب العمل المهم رحت اليوم مكتب العمل وطبعت برنت من عندهم ولقيت نفسي موظف في شركة ايس كريم وحاطيني ماشاء الله بمهنه عامل براتب 1500 ريال وتاريخ بداية الخدمة 1431/6/1 (يعني 9 شهور ونص )

علما انه في حياتي ماتوظفت في شركة ولا وقعت عقد ولا شي وانا طالب في الجامعة

المهم قلت بروح اشتكيهم قال خويي خلهم شوي حتى تتخرج من الجامعة وفي نفس الوقت تستفيد من التأمينات انت وش رايك اخوي قلب المملكة اشتكيهم ولا اخليهم شوي لان الان ماني فاضي لهم بدأت الدراسه

وهل فيه ضرر عليه لو تأخرت علما اني ابغا استفيد من التأمينات خاصة وانا طالب الان

الله يوفقك ويسرك امرك يارب

نور السناء
16-02-2011, 03:39 PM
وقت عملك في المدرسة تم ضمك في التأمينات

لكن حالياً بحكم تركك للعمل المدرسة أسقطت إسمك

المطلوب منك وقت تعيينك أو إذا أنتِ حالياً تعملين في الحكومة

تاخذين خطاب التعيين أو المباشرة من عملك وتروحين للتأمينات

وتطلبين عمل ربط بين عملك السابق والحالياً

وكذا تستفدين منها عند التقاعد إن شاء الله



الحين قاعدة ادور على عمل في مدرسة ثانية أهلية وإن شاء الله القى،بس وش تنصحني فيه ياخوي اخذ خطاب التعيين من مدرستي الاولى واروح للتامينات واسحب الفلوس لأن بدري مررة على التقاعد ولا انتظر لما المدرسة الثانية يكون عندها تامينات اربطهم مع بعض طيب كيف اربطهم؟
طيب وفي حالة إذا كانت المدرسة الثانية مايسوون تأمينات وش العمل في هالحالة؟
طيب وفي حالة اخرى لو رجعت لمدرستي الاولى هل يرجع اسمي للتامينات ويتم الربط ولا لا؟




هذا مشكلة السجل تابع لك وعن طريق التلاعب إدارج إسم شخص أخرى للتموية

المشكلة أنتِ بنت وراح تتعبين لو رفعت شكوى على الشركة

دام منتهية خدمتة ( يعني مسقط )

وكلي أمرك لله وحسبنا الله على كل ظالم

بالتوفيق


من جد راح اتعب جدا ولكن حسبنا الله ونعم الوكيل على الظالم
طيب هل هالشيء يؤثر عليّ مستقبلاً لو توظفت حكومي او إذا بغيت اسوي اي شيء يخص العمل
من تعيين او نقل والخ هل يؤثر ويبحثون وراء سجلي واسمي ويشوون هالتلاعب ولا مالي انا دخل في هالتلاعب بحكم انه اصلا ماادري +اسم الشخص اللي ماخذ سجلي مسقط؟


فيه سؤال محيرني الحين اخذ اخلاء طرف من عملي السابق ولا مايحتاج؟
وإذا يحتاج ماهي الحالات التي تستوجب الاتيان بإخلاء الطرف؟
وجزاك الله خير اخوي وكتب اجرك...

نور السناء
16-02-2011, 08:25 PM
^
^
تكملت الرد

علماً إنه اصلا ماعطوني لابطاقة للتامينات ولاحتى رقم اشتراك بس كانوا كاتبين من بنود العقد انه فيه خصم من الراتب للتامينات..فماالعمل هنا؟
وشيء ثاني ابوي لقيت رقمه مسجل بالتامينات بس ماادري من اي جهة لأنه اشتغل في اكثر من شركة ومايعرف اي شيء عن التامينات ثم اخذ شغل حر وهو الحين متقاعد فايش العمل؟

قلب المملكة
16-02-2011, 11:10 PM
السلام عليكم ورحمة الله وبركاته


الله يوفقك اخوي قلب المملكة ويرزقك

اخوي لقيت اسمي مسجل في التأمينات الاجتماعية وفي مكتب العمل المهم رحت اليوم مكتب العمل وطبعت برنت من عندهم ولقيت نفسي موظف في شركة ايس كريم وحاطيني ماشاء الله بمهنه عامل براتب 1500 ريال وتاريخ بداية الخدمة 1431/6/1 (يعني 9 شهور ونص )

علما انه في حياتي ماتوظفت في شركة ولا وقعت عقد ولا شي وانا طالب في الجامعة

المهم قلت بروح اشتكيهم قال خويي خلهم شوي حتى تتخرج من الجامعة وفي نفس الوقت تستفيد من التأمينات انت وش رايك اخوي قلب المملكة اشتكيهم ولا اخليهم شوي لان الان ماني فاضي لهم بدأت الدراسه

وهل فيه ضرر عليه لو تأخرت علما اني ابغا استفيد من التأمينات خاصة وانا طالب الان

الله يوفقك ويسرك امرك يارب


وعليكم السلام ورحمة الله وبركاته

كلام زميلك سليم بما أنك ماتبحث عن عمل

تستفيد من التأمينات حتى تنهي الجامعة

راتبك 1500 معناه الشركة تدفع لك كل شهر 300 ريال

شوف كم راح تقعد عندهم وكذا أنت المستفيد

بس إذا تبحث عن عمل لازم تسقط إسمك

بنسبة للضرر مافيه أي ضرر

بعد تعيينك بالحكومة تسوي ربط في التأمينات بين عملك السابق والحكومي

وتستفيد منها عند التقاعد

موفق خير

قلب المملكة
16-02-2011, 11:17 PM
[QUOTE=نور السناء;3949350]الحين قاعدة ادور على عمل في مدرسة ثانية أهلية وإن شاء الله القى،بس وش تنصحني فيه ياخوي اخذ خطاب التعيين من مدرستي الاولى واروح للتامينات واسحب الفلوس لأن بدري مررة على التقاعد ولا انتظر لما المدرسة الثانية يكون عندها تامينات اربطهم مع بعض طيب كيف اربطهم؟
طيب وفي حالة إذا كانت المدرسة الثانية مايسوون تأمينات وش العمل في هالحالة؟
طيب وفي حالة اخرى لو رجعت لمدرستي الاولى هل يرجع اسمي للتامينات ويتم الربط ولا لا؟

أفضل تنتظرين حتى التعيين الحكومي وتسوي الربط

الفائدة أفضل مستقبلاً

القطاع الاهلي يفرض عليه تسجيل السعوديين في التأمينات


من جد راح اتعب جدا ولكن حسبنا الله ونعم الوكيل على الظالم
طيب هل هالشيء يؤثر عليّ مستقبلاً لو توظفت حكومي او إذا بغيت اسوي اي شيء يخص العمل
من تعيين او نقل والخ هل يؤثر ويبحثون وراء سجلي واسمي ويشوون هالتلاعب ولا مالي انا دخل في هالتلاعب بحكم انه اصلا ماادري +اسم الشخص اللي ماخذ سجلي مسقط؟

لا مافيه أي تأثير إن شاء الله

فيه سؤال محيرني الحين اخذ اخلاء طرف من عملي السابق ولا مايحتاج؟
وإذا يحتاج ماهي الحالات التي تستوجب الاتيان بإخلاء الطرف؟
وجزاك الله خير اخوي وكتب اجرك

يفضل أخلاء الطرف

ممكن إذا تقدمتي على مدرسة أهلية تطلب منك أخلاء الطرف من المدرسة السابقة

الاخلاء عن طريق المدرسة كلميهم وطلبي أخلاء طرف

قلب المملكة
16-02-2011, 11:20 PM
^
^
تكملت الرد

علماً إنه اصلا ماعطوني لابطاقة للتامينات ولاحتى رقم اشتراك بس كانوا كاتبين من بنود العقد انه فيه خصم من الراتب للتامينات..فماالعمل هنا؟
وشيء ثاني ابوي لقيت رقمه مسجل بالتامينات بس ماادري من اي جهة لأنه اشتغل في اكثر من شركة ومايعرف اي شيء عن التامينات ثم اخذ شغل حر وهو الحين متقاعد فايش العمل؟

إذا أنتِ لديك أشتراك تقدرين تاخذين برنت من التأمينات

الوالد نفش الشي يروح للتأمينات وياخذ برنت

تطلع فيه كل المعلومات وإذا له مبالغ يقدم خطاب يطلبها

بالتوفيق

كلي جروووح
17-02-2011, 10:25 PM
السلام عليكم ورحمة الله وبركاته
يعطيك العافيه اخوي قلب على ماتقدمه لأخوانك وأحييك ماشاء الله على سعة الصدر.
-أنا مسجل بمكتب العمل ببريدة تقريبا من شهر 6 /1431 وانا ولاعمري جيت بريدة.
-التامينات الرقم مايرد ومن خلال الرابط اتضح لي أني غير مسجل(مدري هل أعتمد على الرابط او لازم اروح للتامينات بنفسي).
للعلم الحمدالله تعينت معلم متعاقد بند الساعات والترسيم جاء بس باقي تعديل المهنه حتى يكتمل الترسيم.
هل أقدر أستفيييد منهم بأي شكل مهما كان؟

دريم
18-02-2011, 06:07 AM
في مكتب العمل ما لقيت اسمي بس في التأمينات ايش الحل وشكرا

أهم شئ العافية
18-02-2011, 02:36 PM
يعطيك العافية وشكرا لك

قلب المملكة
18-02-2011, 08:57 PM
السلام عليكم ورحمة الله وبركاته
يعطيك العافيه اخوي قلب على ماتقدمه لأخوانك وأحييك ماشاء الله على سعة الصدر.
-أنا مسجل بمكتب العمل ببريدة تقريبا من شهر 6 /1431 وانا ولاعمري جيت بريدة.
-التامينات الرقم مايرد ومن خلال الرابط اتضح لي أني غير مسجل(مدري هل أعتمد على الرابط او لازم اروح للتامينات بنفسي).
للعلم الحمدالله تعينت معلم متعاقد بند الساعات والترسيم جاء بس باقي تعديل المهنه حتى يكتمل الترسيم.
هل أقدر أستفيييد منهم بأي شكل مهما كان؟

وعليكم السلام ورحمة الله وبركاته

إن شاء الله رابط التأمينات صحيح

إذا أنت فقط مسجل في مكتب عمل بريدة

أنا موظف في مكتب عمل بريدة

أرسلي أسمك ورقم السجل المدني

حتى أسقط إسمك

إلا إذا ترغب في رفع شكوى على الشركة

وهذا يلزم حضورك ورفع الشكوى

طبعاً في الشكوى الشركة تظرر لكن أنت لا تحصل على شي فقط إسقاط إسمك

بالتوفيق

قلب المملكة
18-02-2011, 09:03 PM
في مكتب العمل ما لقيت اسمي بس في التأمينات ايش الحل وشكرا

طيب على رأس العمل أو مستقيلة

طبعاً التأمينات من مصالحك تكون لك مستقبلاً

بعد التعيين في الحكومة إن شاء الله

خــذي برنت من التأمينات وشوفي مدة الخدمة كم

قطاع الباسك
18-02-2011, 10:37 PM
انا كنت اعمل بمدرسة اهلية .. سنة كاملة

والان لا أعمل حاليا ..

هل اقدر اسحب من التأمينات المبلغ ؟؟

ارجو الرد ..

نور السناء
19-02-2011, 02:20 PM
اخوي طيب لو لقيت عمل بمدرسة اهلية وطلبوا مني تامينات اجتماعية وأنا كنت في عملي السابق لي عندي تامينات بس ماعندي اشتراك ولابطاقة وش اسوي بهالحالة عادي اقول لهم مشتركة بالتامينات و يسوون ربط ولا لا...

طيب لو طلبوا مني يسجلوني في الموارد البشرية عادي ولا لا..
وايش هي الموارد البشرية؟ومادورها للمواطن/ـة السعودي/ـة؟

وجزاك الله خير الجزاء

قلب المملكة
20-02-2011, 07:29 PM
انا كنت اعمل بمدرسة اهلية .. سنة كاملة

والان لا أعمل حاليا ..

هل اقدر اسحب من التأمينات المبلغ ؟؟

ارجو الرد ..

لا بعد التعيين تسوي ربط وهذا طبعا افضل مستقبلا عند التقاعد بالتوفيق

قلب المملكة
20-02-2011, 07:37 PM
اخوي طيب لو لقيت عمل بمدرسة اهلية وطلبوا مني تامينات اجتماعية وأنا كنت في عملي السابق لي عندي تامينات بس ماعندي اشتراك ولابطاقة وش اسوي بهالحالة عادي اقول لهم مشتركة بالتامينات و يسوون ربط ولا لا...

طيب لو طلبوا مني يسجلوني في الموارد البشرية عادي ولا لا..
وايش هي الموارد البشرية؟ومادورها للمواطن/ـة السعودي/ـة؟

وجزاك الله خير الجزاء

التأمينات يحق لك التسجيل مره ثانية طبعا عملية الربط
التسجيل في الموارد مره واحده فقط يعني اذا سبق لك التجهم تنتظرون خمس سنوات
الموارد تدعم الموظف بنصف المرتب للمدة سنتين
يعني لو الراتب2000 الموارد تدعمك نصف الف ريال اضافة للمرتب

موظفagent
22-02-2011, 02:29 PM
اخوي انا سابقا متسبب

والحين موظف بشركة علما بأنه اول مره اشتغل يعني الشركة راح تسجلني بالتأمينات لاول مره

عندم التشييك بالموقع سابقا يذكر بأني غير مسجل بالتأمينات الاجتماعيه

لما سجلوني الشركه يظهر لي

أنت مسجل بالتأمينات ولكن لاتعمل ..؟؟ مافهمت وش المقصوود

ريز
23-02-2011, 11:57 PM
طيب انا مسجله بمكتب العمل ؤفي التأمينات ؤانا عاطلة

مع العلم اني اشتغلت بمدرسة اهلية لمدة أسبؤع ؤتركتهم من 5 أشهررر ؤهم اللي مسجليني

ؤانا الحين مقدمة على ماستر ؤعندي اختبار قدرات
ؤمقدمة على ؤظيفة
هل هالشيء بيضرني ؤلاعادي :(

قلب المملكة
24-02-2011, 09:53 AM
[QUOTE=موظفagent;3986782]اخوي انا سابقا متسبب

والحين موظف بشركة علما بأنه اول مره اشتغل يعني الشركة راح تسجلني بالتأمينات لاول مره

عندم التشييك بالموقع سابقا يذكر بأني غير مسجل بالتأمينات الاجتماعيه

لما سجلوني الشركه يظهر لي

أنت مسجل بالتأمينات ولكن لاتعمل ..؟؟ مافهمت وش المقصوود[/QUOTE

يظهري انه تم تسجيلك وحالياً مسقط
استفسر من الشركة
موفق خير

قلب المملكة
24-02-2011, 09:56 AM
طيب انا مسجله بمكتب العمل ؤفي التأمينات ؤانا عاطلة

مع العلم اني اشتغلت بمدرسة اهلية لمدة أسبؤع ؤتركتهم من 5 أشهررر ؤهم اللي مسجليني

ؤانا الحين مقدمة على ماستر ؤعندي اختبار قدرات
ؤمقدمة على ؤظيفة
هل هالشيء بيضرني ؤلاعادي :(
لا مافيه ضرر ان شاء الله

طير الحب
24-02-2011, 10:42 AM
أخوي قلب المملكة لاهنت ياليت رابط مباشر يوضح مدة الخدمة وهل الموظف حاليا مستقيل او على رأس العمل

قصة بطالة
24-02-2011, 12:46 PM
اخوي الله لا يهينك انا عاطل عن العمل منذ فتره طويله المهم دخلت علي موقع مكتب العمل ابي اعرف حاطيني موظف او

غير موظف المهم دخلت رقم بطاقتي ولقيتهم حاطيني علي راس العمل وحاطيني موظف في مكتب العمل التابع لجده

وانا بحياتي مارحت لجده ابداء


المهم ابي مششورتك وش اسسوي بالضبط وابي اعرف وش الخطوات اللي اسسويها عششان تفيدني وشكرا

قلب المملكة
24-02-2011, 10:52 PM
أخوي قلب المملكة لاهنت ياليت رابط مباشر يوضح مدة الخدمة وهل الموظف حاليا مستقيل او على رأس العمل

الخدمة لازم تاخذ برنت من التامينات حتى تعرف
موفق خير

قلب المملكة
24-02-2011, 10:58 PM
اخوي الله لا يهينك انا عاطل عن العمل منذ فتره طويله المهم دخلت علي موقع مكتب العمل ابي اعرف حاطيني موظف او

غير موظف المهم دخلت رقم بطاقتي ولقيتهم حاطيني علي راس العمل وحاطيني موظف في مكتب العمل التابع لجده

وانا بحياتي مارحت لجده ابداء


المهم ابي مششورتك وش اسسوي بالضبط وابي اعرف وش الخطوات اللي اسسويها عششان تفيدني وشكرا

شوف وضعك في التامينات اذا مسجل او لا
وبعدها أقولك رائي
موفق خير

Be patient
26-02-2011, 03:29 AM
يآلغوآإلي، أنا موب .. مسجل في التإمينإت !!
ولي، يمكن ألحين ثلاث سنوأت عاطل .. وحاب اني اسجل في مكرمه ألاعانه حقت الملك !!
وش، تنصحوني، أني اسوي .. ؟ ووشلون الطريقــــــّه
ربي للأيهينكم
ودي لروحكم

ضوءالامل
26-02-2011, 03:17 PM
أخوي قلب المملكة لاهنت الحين الي مسجل بالتأمينات الاجتماعية وحاليا لايعمل هل يستحق الاعانة أو لايستحق ياليت توضح لنا وشاكر ومقدر لك تجاوبك

رجا الياس
26-02-2011, 03:29 PM
الله يسعدك يارب

يعطيك العافيه على المجهود الرائع

جامعي ضابط
26-02-2011, 06:16 PM
الله يعطيك العافية

قصة بطالة
26-02-2011, 06:38 PM
يالغالي انا مو مسسجل في التامينات بس مسجل في مكتب العمل وانا مو موظف انا عاطل


وحاطيني علي راس العمل في جده وانا ساكن في الاحساء ولا عمري رحت لجده ابداء

القلب الظامي
26-02-2011, 06:47 PM
الله يعطيكم العافية

آحسآسك
26-02-2011, 06:58 PM
الله يعطيك العافيه ، ولا هنت على المعلومه

قلب المملكة
26-02-2011, 08:42 PM
يآلغوآإلي، أنا موب .. مسجل في التإمينإت !!
ولي، يمكن ألحين ثلاث سنوأت عاطل .. وحاب اني اسجل في مكرمه ألاعانه حقت الملك !!
وش، تنصحوني، أني اسوي .. ؟ ووشلون الطريقــــــّه
ربي للأيهينكم
ودي لروحكم

تابع طال عمرك موقع وزارة العمل ان شاء الله خلال اسبوع تتضح
طريقة التقديم

موفق خير

قلب المملكة
26-02-2011, 08:45 PM
أخوي قلب المملكة لاهنت الحين الي مسجل بالتأمينات الاجتماعية وحاليا لايعمل هل يستحق الاعانة أو لايستحق ياليت توضح لنا وشاكر ومقدر لك تجاوبك

طال عمرك الآلية تتضح بعد اسبوع

تابع موقع وزارة العمل وأي شي جديد راح افيدكم فيه

موفق خير

قلب المملكة
26-02-2011, 08:50 PM
يالغالي انا مو مسسجل في التامينات بس مسجل في مكتب العمل وانا مو موظف انا عاطل


وحاطيني علي راس العمل في جده وانا ساكن في الاحساء ولا عمري رحت لجده ابداء

مشكلة لازم تسقط اسمك

حاول تتواصل مع مكتب العمل في الاحساء

يرسلون خطاب للجدة لاسقاط اسمك

والله يعينك

امواج هادئه
27-02-2011, 12:33 AM
يعطيك العافية على هذا الموضوع
انا دخلت رقم السجل المدني في التأمينات وطلعت لي
"أنت مسجل بنظام التأمينات الاجتماعية ولكنك حاليا لا تعمل"
ودخلت الرقم في وزارة العمل وطلعت لي
رقم البطاقة المدخل غير مسجل بقاعدة بيانات وزارة العمل
الله يجزاك خيرا .. مو فاهمة شيء وش المطلوب مني اسوي حتى استفيد

مطلقة ومجروحة
27-02-2011, 11:02 AM
المطلقات من ضمنهم

مطلقة ومجروحة
27-02-2011, 11:04 AM
دخلت ع الر ابط طلعلي

أنت مسجل بنظام التأمينات الاجتماعية ولكنك حاليا لا تعمل"


كيف يعني انا عااااااااااااااااااطلة ابي مساعدة (

قلب المملكة
27-02-2011, 06:34 PM
يعطيك العافية على هذا الموضوع
انا دخلت رقم السجل المدني في التأمينات وطلعت لي
"أنت مسجل بنظام التأمينات الاجتماعية ولكنك حاليا لا تعمل"
ودخلت الرقم في وزارة العمل وطلعت لي
رقم البطاقة المدخل غير مسجل بقاعدة بيانات وزارة العمل
الله يجزاك خيرا .. مو فاهمة شيء وش المطلوب مني اسوي حتى استفيد

اهم شي تكون غير مسجل في مكتب العمل

التامينات لك روح لهم وأخذ برنت بالخدمة وشوف كم المده

المبلغ تقدر تسترجعة او بعد التعيين ان شاء الله تضم الخدمة وهذا الافضل مستقبلا عند التقاعد

بالتوفيق*

قلب المملكة
27-02-2011, 07:59 PM
دخلت ع الر ابط طلعلي

أنت مسجل بنظام التأمينات الاجتماعية ولكنك حاليا لا تعمل"


كيف يعني انا عااااااااااااااااااطلة ابي مساعدة (

عملت قبل لأنك كنت مسجلة في التامينات

وحالياً مسقط اسمك

روحي للتأمينات وطلبي برنت منهم يطلع لك بيانات كاملة

بالتوفيق لك

امواج هادئه
27-02-2011, 09:07 PM
اهم شي تكون غير مسجل في مكتب العمل

التامينات لك روح لهم وأخذ برنت بالخدمة وشوف كم المده

المبلغ تقدر تسترجعة او بعد التعيين ان شاء الله تضم الخدمة وهذا الافضل مستقبلا عند التقاعد

بالتوفيق*
انا عاطلة ماعندي اي وظيفة ولا ماعمري اشتغلت
يعني ماراح يضرني في شيء.. الله يجزاك خيرا

حياة البراري
27-02-2011, 09:21 PM
شيكت على اسمي ومكتوب
اسمك مسجل بالتامينات الاجتماعية ولكنك لاتعمل حاليا

هل اصير من ضمن الاعانه اولازم اروح واحذف اسمي
بليز ردوا علي

قلب المملكة
27-02-2011, 10:21 PM
[QUOTE=امواج هادئه;4015348]انا عاطلة ماعندي اي وظيفة ولا ماعمري اشتغلت
يعني ماراح يضرني في شيء.. الله يجزاك خيرا[/QUOTE

لا ان شاء الله مافيه اي ضرر
موفقة خير

قلب المملكة
27-02-2011, 10:25 PM
شيكت على اسمي ومكتوب
اسمك مسجل بالتامينات الاجتماعية ولكنك لاتعمل حاليا

هل اصير من ضمن الاعانه اولازم اروح واحذف اسمي
بليز ردوا علي

بما انك لا تعمل مافيه شي تحذفة

اسمك مسقط

موفق خير

منااي
27-02-2011, 11:22 PM
معليش اخوي بسالك انت تقول الرجاء التاكد من عدم وجود اسمك في مكتب العمل وفي مواضيع ثانيه لقيت يقولون لازم اسجل بمكتب العمل مافهمت شي انحاس مخي ممكن توضح لي

قلب المملكة
28-02-2011, 07:54 PM
معليش اخوي بسالك انت تقول الرجاء التاكد من عدم وجود اسمك في مكتب العمل وفي مواضيع ثانيه لقيت يقولون لازم اسجل بمكتب العمل مافهمت شي انحاس مخي ممكن توضح لي

كلامي أنا اقصد ان اسمك مدرج في مكتب العمل كاموظفة وانت عاطلة ( سعودة وهمية )

والكلام الاخر اي تسجيل بياناتك في طلب العمل

بمعنا تطلبين عمل

ان شاء الله الصورة واضحة

بالتوفيق*

ثلجة حمراء
28-02-2011, 11:28 PM
..

مشكووووورين

لكن أنا طلع عندي أنت مسجل في التأمينات الأجتماعية ولكن لا تعمل

وش معناته

..

قلب المملكة
01-03-2011, 07:59 PM
..

مشكووووورين

لكن أنا طلع عندي أنت مسجل في التأمينات الأجتماعية ولكن لا تعمل

وش معناته

..

كنت تعمل في شركة والشركة مسجلان في التامينات
لكن حالياً مسقط اسمك
بالتوفيق

احساس الغمام
01-03-2011, 08:29 PM
تابع طال عمرك موقع وزارة العمل ان شاء الله خلال اسبوع تتضح
طريقة التقديم

موفق خير

أنت رديت على العضو هذا الرد ..طيب ليه موقع تنمية الموارد البشريه مو فاتحين التقديم عليه او فقط في موقع وزارة العمل ؟!!!

قلب المملكة
02-03-2011, 07:47 PM
أنت رديت على العضو هذا الرد ..طيب ليه موقع تنمية الموارد البشريه مو فاتحين التقديم عليه او فقط في موقع وزارة العمل ؟!!!

وزارة العمل هي الأساس

اي عاطل يجب ان يسجل بياناته في الوزارة

شكرًا لك

خالد توب
02-03-2011, 09:40 PM
الله يعطيك العافية

يارب أغفرلي
03-03-2011, 09:10 PM
انا لقيت اني مسجله في التأمينات وعلى راس العمل وانا اصلا ماني موظفه وش الحل؟؟ هل اسجل في اعانه العاطلين ولا مقدر ؟؟

متخرجه جديدة
04-03-2011, 10:00 AM
حطيت رقم السجل المدني في المؤسسه العامه للتأمينات الاجتماعيه ..

وطلعلي هذا الرد ( أنت مسجل بنظام التأمينات الاجتماعية ولكنك حاليا لا تعمل )

اييش معنى الكلام هذا .. أنا دوبي تخرجت من كم شهر يآليت تفيدوني ..؟

شون مايكل
04-03-2011, 10:42 AM
شـكرا لك وبارك الله فيك... لك مني أجمل تحية .

سما شمالية
04-03-2011, 01:38 PM
انا موظف حكومي شيكت على رقمي المدني في التامينات لقيت أنت مسجل في التأمينات الأجتماعية ولكن لا تعمل

الاكيد ان الموقع معللللللللللق

قلب المملكة
04-03-2011, 08:39 PM
انا لقيت اني مسجله في التأمينات وعلى راس العمل وانا اصلا ماني موظفه وش الحل؟؟ هل اسجل في اعانه العاطلين ولا مقدر ؟؟

بما نك مسجلة في التامينات او مكتب العمل لا تشملك الإعانة

لازم تسقطين اسم راجعي التامينات ومكتب العمل

ضروري قبل يبدأ احصاء العاطلين تقريبا بعد أسبوعين

الله يعينك موفقة

قلب المملكة
04-03-2011, 08:42 PM
حطيت رقم السجل المدني في المؤسسه العامه للتأمينات الاجتماعيه ..

وطلعلي هذا الرد ( أنت مسجل بنظام التأمينات الاجتماعية ولكنك حاليا لا تعمل )

اييش معنى الكلام هذا .. أنا دوبي تخرجت من كم شهر يآليت تفيدوني ..؟

معناه انك كنت مسجلة في التامينات ولكن حاليا اسمك مسقط

راجعي التامينات واسحبي برنت يظهر فيه اسم الشركة ومدة الخدمة

اهم شي مكتب العمل شيكي عليه

بالتوفيق

قلب المملكة
04-03-2011, 08:46 PM
انا موظف حكومي شيكت على رقمي المدني في التامينات لقيت أنت مسجل في التأمينات الأجتماعية ولكن لا تعمل

الاكيد ان الموقع معللللللللللق

يمكن ماسوية ربط بين عملك السابقة في القطاع الخاص

وبين عملك الحالي في الحكومة

تاخذ خطاب التعيين او المباشرة وتروح للتأمينات

ويسون لك ربط

موفق*

احساس هايم
04-03-2011, 10:40 PM
الله يجزاك كل خير

متخرجه جديدة
04-03-2011, 11:22 PM
معناه انك كنت مسجلة في التامينات ولكن حاليا اسمك مسقط

راجعي التامينات واسحبي برنت يظهر فيه اسم الشركة ومدة الخدمة

اهم شي مكتب العمل شيكي عليه

بالتوفيق ..



أولآ مشكور اخوي على الرد .. بس مو فاهمه كييف يعني .. :m

ولا كيف بكون مسجله وأنا أساسا أول مره افتح الموقع هذا ..

ثانيا أنا توني متخرجه ولا سجلت بأي مكان .. كيف بكون مسجله هنآ ..؟ :Looking:
يعطيك العافيه يآرب ..

نوارة الشروق
05-03-2011, 12:42 AM
السلام عليكم

تكفوووون انا طلع لي في التامينات انه مسجل ولكنك حاليا لا تعمل

انا كنت في مدرسة أهليه !!! وتركتهم باخلاء طرف رسمي ~

وفي الوزارة طلع لي غير موجود ...


احد يفهمني كيف وضعي الله يفرج همومكم

متفــآئلـــه
05-03-2011, 04:18 AM
أحد الاقارب عمل بمؤسسه تقريبا 2 او 3أشهر وتم انهاء خدمة بسبب إغلاق المؤسسة
وفي وزارة العمل مكتوب إنهاء خدمة
وفي نظام التامينات مكتوب
"أنت مسجل حاليا وملتحق بعمل خاضع لنظام التأمينات الاجتماعية "

متفــآئلـــه
05-03-2011, 04:25 PM
لاإله الا الله وحده لاشريك له له الملك وله الحمد وهو على كل شئ قدير

قلب المملكة
05-03-2011, 09:36 PM
اختي متخرجة جديدة

هذا هوا التوظيف الوهمي للتحقيق السعودة

اسمك والسجل المدني طايح بيدين شركة او مدرسة أهلية

ويمكن سبق ان أرسلتي سيرتك الذاتية لهم

هذا خلهم يستغلونك ويسجلونك عندهم بدون علمك

الله يعينك

قلب المملكة
05-03-2011, 09:39 PM
السلام عليكم

تكفوووون انا طلع لي في التامينات انه مسجل ولكنك حاليا لا تعمل

انا كنت في مدرسة أهليه !!! وتركتهم باخلاء طرف رسمي ~

وفي الوزارة طلع لي غير موجود ...


احد يفهمني كيف وضعي الله يفرج همومكم

وعليكم السلام ورحمة الله وبركاته

خلال تواجدك في المدرسة تم تسجيلك في مكتب العمل والتأمينات

بس بما انه اسمك مسقط معليك خوف

وانت حالياً عاطلة

بالتوفيق

قلب المملكة
05-03-2011, 09:42 PM
أحد الاقارب عمل بمؤسسه تقريبا 2 او 3أشهر وتم انهاء خدمة بسبب إغلاق المؤسسة
وفي وزارة العمل مكتوب إنهاء خدمة
وفي نظام التامينات مكتوب
"أنت مسجل حاليا وملتحق بعمل خاضع لنظام التأمينات الاجتماعية "

مكتب العمل مسقط

لكن في التامينات متواجد

حالياً هل يعمل في اي قطاع اهلي او حكومي

اذا لا خله يراجع التامينات

بالتوفيق

متفــآئلـــه
05-03-2011, 10:33 PM
مكتب العمل مسقط

لكن في التامينات متواجد

حالياً هل يعمل في اي قطاع اهلي او حكومي

اذا لا خله يراجع التامينات

بالتوفيق



جزاك الله خير

حاليا لايعمل

طيب هل يترتب على وجوده في التامينات في الفتره الماضيه اي ضرر

شتاتـ
06-03-2011, 12:03 AM
التأمينات ,,,

"أنت مسجل بنظام التأمينات الاجتماعية ولكنك حاليا لا تعمل"

وزارة العمل,,

حالة العامل: نهاية خدمة


اقل من شهر وصار حريق في المصنع وانهوا الخدمات طبعا وانا باقي كنت متدربة ,,,


ايش اسوي ...؟؟؟؟

بيك بآنثر
06-03-2011, 12:07 AM
إْلسسسسسسسسسلإْم عليكمم . . ^

طلـع إْسسسمي مسسج‘ـل في إْلتأمينـآإْت وإْنـآإْ مآإٌْقــد توظفــت إْصصلآ ، هههه

"أنت مسجل بنظام التأمينات الاجتماعية ولكنك حاليا لا تعمل"


يعني وش إْلسسسـآإْلفه ، مآتششملني إلآعـآإْنـة .؟


وكيف مسجليني في إْلتآإْميـنـآإْت وإْنـآإْ مآإْ توظفـت .. ؟


وهـل فيـة حل إْني إمسح إْسمي من إْلتـآإْمينـآإْت ..؟


إْسسسف ع إْلآطـآإْلــة بس شئ يقهـر بصرإْحـة ، هههه


يع‘ـطيكم إْلــف ع‘ـآإْفيــة ع إْلمجهودـآإْت ..


بِ إْلتـوٍفيق للجميـع .. ’

لتبخل بسلأم
06-03-2011, 12:47 AM
"أنت مسجل حاليا وملتحق بعمل خاضع لنظام التأمينات الاجتماعية "

انا طلع الأ كذا وش سالفه ممكن الايفاده
هل تمشي الأ الاعانه او ارفع شكوي عليهم
اتمناء الافاده بسرع وقت اصلن ماللتحقت شي عاطل باطل لاوظيفه ولادراسه

نوارة الشروق
06-03-2011, 01:01 AM
الله يفرج همك يا قلب الممكلة
ريحتني كثير
الله يريح بال جميع المسلمين يارب
موفقين جميعآ

مشتاق لك
06-03-2011, 01:19 AM
اخواني انا مسجل في وزارة العمل في الموقع فقط
والموارد البشريه طبعا مسجل قبل اسبوع

مدري هل تشملني المكافئه او لا

اذا لا كيف احذف اسمي
وانا عاطل اقوى شي

متخرجه جديدة
06-03-2011, 04:54 AM
مشكور قلب المملكة على التوضيح ..

وحسبي الله عليهم وعلى السعودة حقتهم اللي ماشفنى منهآ شي ..

غير تقطيع رزق النآس ..

والحل الحين وش أسوي عشآن الغى التسجيل ..؟

قلب المملكة
06-03-2011, 09:32 PM
جزاك الله خير

حاليا لايعمل

طيب هل يترتب على وجوده في التامينات في الفتره الماضيه اي ضرر

بما انه مسقط مافيه اي ضرر ان شاء الله

موفق

قلب المملكة
06-03-2011, 09:35 PM
التأمينات ,,,

"أنت مسجل بنظام التأمينات الاجتماعية ولكنك حاليا لا تعمل"

وزارة العمل,,

حالة العامل: نهاية خدمة


اقل من شهر وصار حريق في المصنع وانهوا الخدمات طبعا وانا باقي كنت متدربة ,,,


ايش اسوي ...؟؟؟؟




ماتسوي شي بمان انك غير مسجله في مكتب العمل والتأمينات
ووفقه خير

قلب المملكة
06-03-2011, 10:15 PM
[CENTER][QUOTE=بيك بآنثر;4054288]إْلسسسسسسسسسلإْم عليكمم . . ^

طلـع إْسسسمي مسسج‘ـل في إْلتأمينـآإْت وإْنـآإْ مآإٌْقــد توظفــت إْصصلآ ، هههه

[COLOR=red]"أنت مسجل بنظام التأمينات الاجتماعية ولكنك حاليا لا تعمل"


COLOR][/CENTER

وعليكم السلام ورحمة الله وبركاته

بما ان اسمك مسقط ماعليك خوف انت عاطلة

قلب المملكة
06-03-2011, 10:18 PM
"أنت مسجل حاليا وملتحق بعمل خاضع لنظام التأمينات الاجتماعية "

انا طلع الأ كذا وش سالفه ممكن الايفاده
هل تمشي الأ الاعانه او ارفع شكوي عليهم
اتمناء الافاده بسرع وقت اصلن ماللتحقت شي عاطل باطل لاوظيفه ولادراسه

انت كذا مسجل في التامينات بمعنا انك موظف

لازم تراجع التامينات لاسقاط اسمك

الله يعينك وموفق

قلب المملكة
06-03-2011, 10:20 PM
اخواني انا مسجل في وزارة العمل في الموقع فقط
والموارد البشريه طبعا مسجل قبل اسبوع

مدري هل تشملني المكافئه او لا

اذا لا كيف احذف اسمي
وانا عاطل اقوى شي

بما انك عاطل أكيد تشملك الإعانة

انت فقط مقدم بطلب وظيفة

موفق خير

قلب المملكة
06-03-2011, 10:23 PM
مشكور قلب المملكة على التوضيح ..

وحسبي الله عليهم وعلى السعودة حقتهم اللي ماشفنى منهآ شي ..

غير تقطيع رزق النآس ..

والحل الحين وش أسوي عشآن الغى التسجيل ..؟

الحل إسقاط اسمك

واجعيهم او وكلي احد ينوب عنك

وربي يعينك موقفه

عاطل سنين وضايق
06-03-2011, 11:21 PM
قلب المملكه
قالوا التأمينات انت مسجل لدينا لكنك لاتعمل الآن

وش اسوي مع اني عندي اخلاء طرف من المدرسه الاهليه

وش اسووووووووووي ، عاطل

لمعة المآسة
07-03-2011, 11:51 AM
أخي قلب المملكة ..وفقت خيراً لما تسديه لإخوانك وأخواتك من خدمات في هذا المنتدى ...

وكما ذكرت أخي الكريم على جميع العاطلين التأكد من وضعهم لدى التأمينات حتى لا تبخس حقوقهم

أو يُظلموا ...

أتمنى التوفيق للجميع ..

قلب المملكة
07-03-2011, 07:30 PM
قلب المملكه
قالوا التأمينات انت مسجل لدينا لكنك لاتعمل الآن

وش اسوي مع اني عندي اخلاء طرف من المدرسه الاهليه

وش اسووووووووووي ، عاطل

اسمك مسقط مايحتاج تسوي شي

وضعك عاطل

موفق خير

عالم أبل
08-03-2011, 02:27 AM
طيب انا بعد كاتبلي في الموقع

"أنت مسجل بنظام التأمينات الاجتماعية ولكنك حاليا لا تعمل"
مع اني ماعمري اشتغلت ابدا بس ابوي متقاعد ومضيفني معه هل فيه مشكله ولا كل شي سليم

قلب المملكة
08-03-2011, 08:00 PM
طيب انا بعد كاتبلي في الموقع

"أنت مسجل بنظام التأمينات الاجتماعية ولكنك حاليا لا تعمل"
مع اني ماعمري اشتغلت ابدا بس ابوي متقاعد ومضيفني معه هل فيه مشكله ولا كل شي سليم

ان شاء الله مافيه ضرر

موفق خير

شموع البراءه
09-03-2011, 10:05 PM
السلام عليكم ورحمة الله وبركاته"
تكفون اللي يعرف رقم مركز المعلومات في وزارة العمل "
يفيدنا..
وجزاكم الله كل خير"

البررنسيس
12-03-2011, 09:03 AM
اخوي انا عندي استفسار
انا توظفت في العسكريه وجلست فيها اربع سنوات ومسجل بالتامينات وبعدين من كثر الغياب انفصلت انا الحين متوظف بقطاع حكومي على بند والان صدر قرار الترسيم وقالو لزم تجيب كل الخبرات والشهادات بس السؤال كيف اجيب الخبره حقت العسكريه ؟

قلب المملكة
12-03-2011, 08:17 PM
اخوي انا عندي استفسار
انا توظفت في العسكريه وجلست فيها اربع سنوات ومسجل بالتامينات وبعدين من كثر الغياب انفصلت انا الحين متوظف بقطاع حكومي على بند والان صدر قرار الترسيم وقالو لزم تجيب كل الخبرات والشهادات بس السؤال كيف اجيب الخبره حقت العسكريه ؟

القطاع العسكري مالي ملم فيه كثير

بس اتوقع من عملك السابق

لكن التامينات لو تروح وتطلب برنت يعطونك

يظهر فيه فترة تواجدك في القطاع العسكري

موفق خير

قوت القلوب
12-03-2011, 09:54 PM
انا تاكدت فى التامينات وطلع لى مانت مسجل عندنا طيب بالنسبه وزارة العمل لمى ادخل اسمى والرقم الهويه يطلع لى موجود السجل المدني وادخل فى المدخل اخر هل يعتبر انى مسجله عندهم

لانه ناسيه اسم المستخدم يكتب غير صحيح وسويت استرجاع كلمه المرور وطالبين اسم المستخدم وانا ناسيته ماذا افعل يعنى لازم اكمل بيناتي للعمل
وبعدين في بوابه العمل قالوا حيطلقوا الموقع الالكتروني جديد للاعانة والوظائف هل صحيح الكلام واتمنى من الله تساعدونى لانه ماحد رد علي والله يوفق من يرد علي

قلب المملكة
12-03-2011, 10:00 PM
انا تاكدت فى التامينات وطلع لى مانت مسجل عندنا طيب بالنسبه وزارة العمل لمى ادخل اسمى والرقم الهويه يطلع لى موجود السجل المدني وادخل فى المدخل اخر هل يعتبر انى مسجله عندهم

لانه ناسيه اسم المستخدم يكتب غير صحيح وسويت استرجاع كلمه المرور وطالبين اسم المستخدم وانا ناسيته ماذا افعل يعنى لازم اكمل بيناتي للعمل
وبعدين في بوابه العمل قالوا حيطلقوا الموقع الالكتروني جديد للاعانة والوظائف هل صحيح الكلام واتمنى من الله تساعدونى لانه ماحد رد علي والله يوفق من يرد علي

ادخلي على رابط وزارة العمل الموجود على الموضوع هذا

بدون اسم مستخدم وغيره فقط تدخلين رقم السجل ويتضح اذا مسجله او لا

صحيح خلال اسبوع راح ينزل رابط للتسجيل العاطلين وراح يعلن في موقع الوزارة

بالتوفيق

قوت القلوب
13-03-2011, 08:44 AM
دخلت على رابط اللى قلتوة حق وزارة العمل وطلع غير مسجله فى البيانات وزارة العمل طبعا عند خانه استعلام موظف سعودى يعنى كذا تمام يبان انى عاطله والا لا

لانه اذا دخلت عند بوابه العمل وكتببت الاسم الاول ولقب العائله والسجل يطلع لى ان تم ادخال الرقم الوطنيه مسبقا

قوت القلوب
13-03-2011, 11:00 AM
ادخلي على رابط وزارة العمل الموجود على الموضوع هذا

بدون اسم مستخدم وغيره فقط تدخلين رقم السجل ويتضح اذا مسجله او لا

صحيح خلال اسبوع راح ينزل رابط للتسجيل العاطلين وراح يعلن في موقع الوزارة

بالتوفيقطيب انا دخلت وطلع انى بياناتى غير مسجله كذا خلاص

طيب فى ناس قالوا كملوا تعبئه البيانات اللى وزارة العمل حق السيرة الذاتيه هل مهم هذا والا لا لانه اسم مستخدم ومرور غير صحيح ارجو الرد وجزاكم الله خيرا

طيب دخلت على رابط اللى قلتوة حق وزارة العمل وطلع غير مسجله فى البيانات وزارة العمل طبعا عند خانه استعلام موظف سعودى يعنى كذا تمام يبان انى عاطله والا لا

لانه اذا دخلت عند بوابه العمل وكتببت الاسم الاول ولقب العائله والسجل يطلع لى ان تم ادخال الرقم الوطنيه مسبقا

قلب المملكة
13-03-2011, 09:19 PM
طيب انا دخلت وطلع انى بياناتى غير مسجله كذا خلاص

طيب فى ناس قالوا كملوا تعبئه البيانات اللى وزارة العمل حق السيرة الذاتيه هل مهم هذا والا لا لانه اسم مستخدم ومرور غير صحيح ارجو الرد وجزاكم الله خيرا

طيب دخلت على رابط اللى قلتوة حق وزارة العمل وطلع غير مسجله فى البيانات وزارة العمل طبعا عند خانه استعلام موظف سعودى يعنى كذا تمام يبان انى عاطله والا لا

لانه اذا دخلت عند بوابه العمل وكتببت الاسم الاول ولقب العائله والسجل يطلع لى ان تم ادخال الرقم الوطنيه مسبقا

انت خالطه بين تسجيلك كإطار وظيفة وبين موظفة

بما نك غير مسجله على الرابط اللي في نفس الموضوع

معناه انك عاطلة وكذا تمام

لكن عن طريق بوابة الوزارة هذا تسجيل بيانات طلب عمل

بالتوفيق

أيظن
13-03-2011, 11:02 PM
1 / في موقع التأمينات الإجتماعية عند وضع رقم هويتي الوطنية ( أنت مسجل بنظام التأمينات الإجتماعية ولكنك حالياً لا تعمل )
* سبق وعملت بمدرسة خاصة وكنت مسجلة بالتأمينات وتوقفت عن العمل ,, وبعدها بسنتين توظفت بمدرسة آخرى ولكن لم أسجل بالتأمينات ..

2/ وفي وزارة العمل ( رقم البطاقة المدخل غير مسجل بقاعدة بيانات وزارة العمل )

أفهم من كذا إني عاطلة وأستحق الإعانة :) ؟؟

طيب سؤال / أنا الآن موظفة بمدرسة خاصة يعني ما أعتبر نفسي عاطلة ,
هل يجوز لي التقديم لطلب الإعانة , الشغلة فيها تزوير صوح :(

قلب المملكة
13-03-2011, 11:10 PM
1 / في موقع التأمينات الإجتماعية عند وضع رقم هويتي الوطنية ( أنت مسجل بنظام التأمينات الإجتماعية ولكنك حالياً لا تعمل )
* سبق وعملت بمدرسة خاصة وكنت مسجلة بالتأمينات وتوقفت عن العمل ,, وبعدها بسنتين توظفت بمدرسة آخرى ولكن لم أسجل بالتأمينات ..

2/ وفي وزارة العمل ( رقم البطاقة المدخل غير مسجل بقاعدة بيانات وزارة العمل )

أفهم من كذا إني عاطلة وأستحق الإعانة :) ؟؟

طيب سؤال / أنا الآن موظفة بمدرسة خاصة يعني ما أعتبر نفسي عاطلة ,
هل يجوز لي التقديم لطلب الإعانة , الشغلة فيها تزوير صوح :(

دامك في التامينات ومكتب العمل غير مسجلة يعني تستحقين الإعانة

بس قبل التزوير الدعوه ضمير ومال حلال

الله يرزقك المال الحلال والرزق الدائم

بالتوفيق

أيظن
13-03-2011, 11:28 PM
دامك في التامينات ومكتب العمل غير مسجلة يعني تستحقين الإعانة

بس قبل التزوير الدعوه ضمير ومال حلال

الله يرزقك المال الحلال والرزق الدائم


بالتوفيق


الله يجزاك خير , طيب سؤال خالتي مشتركة في الضمان الإجتماعي ( مطلقة )
هل تشملها الإعانة ؟

أيظن
13-03-2011, 11:35 PM
سؤال آخير / كم مبلغ الإعانة , للثانوي والبكالوريوس , وهل المتوسط تشملهم ؟

قلب المملكة
13-03-2011, 11:52 PM
سؤال آخير / كم مبلغ الإعانة , للثانوي والبكالوريوس , وهل المتوسط تشملهم ؟

بنسبه لخالتك ولسؤالك هذا

الى الان لم يصدر اي قرار

حسب تصريح وزير العمل كل شي بيتضح

خلال الاسبوع القادم او اللي بعده

وان شاء الله بيعلنا في جميع الوسائل

ومنها منتدى حلول البطالة

بالتوفيق

شوق ينبع
14-03-2011, 03:03 AM
ارجو التوضيج
بالتسجيل بموقع التامينات ايش هو رقم المشترك
هنالك خطأ في تعبئة النموذج:

رقم المشترك المدخل غير صحيح
انا سجلت بوزراة العمل والخدمه المدنيه
هل يكفــــــــــــــــــي

ناصر العمير
14-03-2011, 06:59 AM
ياقلب الممكله طيب اللي مهنته متسبب وعنده عماله ومحل
وحاطل على بكالوريوس وعاااطل تشمله الاعانه

ولا يقولون عندك عماله مايصر <<قهر اذا قالوها

قوت القلوب
14-03-2011, 10:41 AM
جزاك الله خيرا ياقلب المملكه على كذا مو لازم اكمل بيناتى فى وزارة العمل انا اهم شئ عندى الاعانه واذا كرموا واعطونا وظائف ابغاها فى الخدمه المدنيه الله الرازق

والله يطول فى عمر ملكنا وابونا ابو متعب

قلب المملكة
14-03-2011, 07:43 PM
ارجو التوضيج
بالتسجيل بموقع التامينات ايش هو رقم المشترك
هنالك خطأ في تعبئة النموذج:

رقم المشترك المدخل غير صحيح
انا سجلت بوزراة العمل والخدمه المدنيه
هل يكفــــــــــــــــــي

المضاف في التامينات يعطونه رقم اشتراك

المطلوب التسجيل في وزارة العمل

بالتوفيق

قلب المملكة
14-03-2011, 09:33 PM
ياقلب الممكله طيب اللي مهنته متسبب وعنده عماله ومحل
وحاطل على بكالوريوس وعاااطل تشمله الاعانه

ولا يقولون عندك عماله مايصر <<قهر اذا قالوها

طال عمرك ماصدر شي رسمي بخصوص عوض الإعانة

على الاسبوع القادم او اللي بعده بيتضح كل شي

تابع موقع وزارة العمل او معنا هنا في المنتدى

بالتوفيق

قلب المملكة
14-03-2011, 09:36 PM
جزاك الله خيرا ياقلب المملكه على كذا مو لازم اكمل بيناتى فى وزارة العمل انا اهم شئ عندى الاعانه واذا كرموا واعطونا وظائف ابغاها فى الخدمه المدنيه الله الرازق

والله يطول فى عمر ملكنا وابونا ابو متعب

الرابط اللي راح ينزل الاسبوع القادم او اللي بعده

لازم التسجيل فيه تابعي موقع وزارة العمل او معنا هنا وإن شاء الله نذكر الرابط

بالتوفيق

عاطلة بريدة
16-03-2011, 06:28 AM
مافهمت شي ):

بس موقع وزارة العمل دخلت بيناتي وماحملت السيرة الذاتيه كل ما اجي احملها يقول غير متاحه

مادري وش يعني؟!
ودخلت الرابط يقول انت غير مسجل

السؤال هو:
هل لاسجلت برابط الاعانه يكون لي اعانه ولا كيف؟
فهموني تكفون

قلب المملكة
16-03-2011, 10:18 PM
اختي عاطلة بريدة

دامه طلع لك انت غير مسجل

معناه انت عاطله

تشملك الإعانة ان شاء الله

فقط سجلي في رابط حافز

بالتوفيق

الله يسهل علينا
18-03-2011, 04:50 PM
السلام عليكم ورحمة الله وبركاته

محتاجة .. مشورتكم في موضوعي

أنا أشتغلت معلمة بمدرسة أهلية لمدة سنة ونصف .. وشكلهم دخلوني في التأمين لأن كانوا ياخذون من راتبي + دخلت على رابط التحقق ودخلت رقم هويتي وقالوالي .. "أنت مسجل بنظام التأمينات الاجتماعية ولكنك حاليا لا تعمل" طيب الحين أنا أعمل بس بمدرسة ثانية توها فاتحة لها سنة .. وش الحل تكفون وش أسووي ؟؟ شوروا علي جزاكم الله خير

قلب المملكة
19-03-2011, 01:21 AM
السلام عليكم ورحمة الله وبركاته

محتاجة .. مشورتكم في موضوعي

أنا أشتغلت معلمة بمدرسة أهلية لمدة سنة ونصف .. وشكلهم دخلوني في التأمين لأن كانوا ياخذون من راتبي + دخلت على رابط التحقق ودخلت رقم هويتي وقالوالي .. "أنت مسجل بنظام التأمينات الاجتماعية ولكنك حاليا لا تعمل" طيب الحين أنا أعمل بس بمدرسة ثانية توها فاتحة لها سنة .. وش الحل تكفون وش أسووي ؟؟ شوروا علي جزاكم الله خير

وعليكم السلام ورحمة الله وبركاته

المدرسة الاولى كانوا مسجلينك في التامينات واسقطوه بعد تركك لهم

المدرسة الحالية ماسجلوك لسى

اطلبي من المدرسة اذا يخصمون من راتبك التامين تسجليلك

بالتوفيق

نانووو
19-03-2011, 06:54 AM
لو سمحتوا ساعدوني مو فاهمه شي
انا كنت اشتغل سابقا بشركه و تركتها
و تو دخلت على رابط التأمينات و قال انت مسجل بنظام التأمينات الاجتماعية ولكنك حاليا لا تعمل
هل يعني اني اقدر الحين اسجل باعانة العاطلين او لا

قلب المملكة
19-03-2011, 09:16 PM
لو سمحتوا ساعدوني مو فاهمه شي
انا كنت اشتغل سابقا بشركه و تركتها
و تو دخلت على رابط التأمينات و قال انت مسجل بنظام التأمينات الاجتماعية ولكنك حاليا لا تعمل
هل يعني اني اقدر الحين اسجل باعانة العاطلين او لا

لاتعمل يعني عاطل

اسمك مسقط من الشركة

تشملك الإعانة

بالتوفيق

عاطلة بريدة
20-03-2011, 03:25 AM
جوزيت خيرراا

تهئ تهئ
21-03-2011, 12:00 PM
أنت مسجل بنظام التأمينات الاجتماعية ولكنك حاليا لا تعمل



يـآ جمـآعة كيـــف ذحين ؟؟ ايش اسوي لي حق ولا مالي حق ؟ على وجه تخرج من الجامعة

هل اذا بقي اسمي بالتأمينات يمنعني من التقدم على الوظائف الحكومية او الخاصة ؟؟؟

وش النكبة ذي

قلب المملكة
21-03-2011, 09:17 PM
أنت مسجل بنظام التأمينات الاجتماعية ولكنك حاليا لا تعمل



يـآ جمـآعة كيـــف ذحين ؟؟ ايش اسوي لي حق ولا مالي حق ؟ على وجه تخرج من الجامعة

هل اذا بقي اسمي بالتأمينات يمنعني من التقدم على الوظائف الحكومية او الخاصة ؟؟؟

وش النكبة ذي

مافيه نكبه وانا أخوك

اسمك مسقط بمعنى عاطل حالياً

موفق خير

حمودي الولهان
28-03-2011, 07:33 PM
متفائله

حمودي الولهان
28-03-2011, 07:34 PM
ممكن أحد يرد عليه

ب د ر
28-03-2011, 11:34 PM
يا جماعة الخير تكفون ابي رد عاجل

عندي الوالد كان شغال في شركة وتقاعد والحين يصرف له راتب من التامينات الاجتماعية حق التقاعد

ادخلت رقم الهوية تبعه وطلع عندي هالجملة ( أنت مسجل بنظام التأمينات الاجتماعية ولكنك حاليا لا تعمل)

لين الحين ما في مشكلة !!

المشكلة يا اخوان هيا في وزارة العمل ادخلت طبقة نفس العملية ادخلت رقم هوية الوالد

وطلع لي اسمه و حالة العامل (على راس العمل)

وهو ليس على راس العمل بل متقاعد هل هذا استغلال ومن حقه رفع شكوى على ذلك ؟؟


ارجو الرد ياخوان ..وبارك الله فيكم

قلب المملكة
29-03-2011, 12:39 AM
أخوي بدر

خل الوالد يروح للتأمينات ويسحب برنت

تطلع فيه بيانات الشركة

حاول إسقاط اسمه

الشكوى تكون عن طريق مكتب العمل

بس ماراح تحصل علي شي

النظام يطبق على الشركة فقط تتوقف عن الاستقدام وتتغرم

قلب المملكة
29-03-2011, 12:42 AM
ممكن أحد يرد عليه

استفسارك طال عمرك عشان نرد عليك

نهاية ضحكتي دمعه
29-03-2011, 02:45 AM
شـكرا لك وبارك الله فيك... لك مني أجمل تحية .

أسير الأمل
29-03-2011, 09:29 PM
لحظة دقيقة انا شيكت وطلعت النتيجة
"أنت مسجل بنظام التأمينات الاجتماعية ولكنك حاليا لا تعمل"
يعني كيف ؟؟؟؟؟؟؟؟
علما ........انا كنت موظف أول وقدمت استقالتي ولسه عاطل الان

المطلوب وش يعني هدا الكلام ؟؟؟؟ تكفون افيدووني وشوكرا لكم ...........

قصة بطالة
29-03-2011, 09:52 PM
السلام عليكم

اخوي قلب المملكه الله لايهينك انا دخلت علي موقع مكتب العمل وكتبت رقم البطاقه وطلع عندي كذا


نتيجة البحث


مكتب العامل التابع له:
جدة
ا
حالة العامل:
نهاية خدمة



وش السسالفه يالغالي مع العلم اني قدمت علي اسسقاط اسمي من ثلاث اسابيع لانهم كانوا حاطيني علي راس

العمل وهاللحين حاطيني نهايه خدمه ابي اعررف وش السسواه هل اسسمي سقط خلاص والا كيف وهل يحق

لي اخذ اعانه او لا

لعيونك اشتاق
30-03-2011, 10:16 PM
السلام عليكم
ارجوكم فيدوني انا دخلت رقم الهويه مكتب العمل يطلعي كذا
رقم البطاقة المدخل غير مسجل بقاعدة بيانات وزارة العمل ايش يعني ؟

قلب المملكة
31-03-2011, 09:36 PM
أخوي أسير الأمل

طال عمرك اسمك مسقط لذلك يطلع أنت لا تعمل

أخوي قصة بطالة

نهاية خدمة تعني ان اسمك مسقط

وانت حالياً عاطل وتستحق الإعانة قدم على برنامج الإعانة حافز

أخوي لعيونك اشتاق

انت غير مسجل في مكتب العمل قدم على برنامج حافز

موفقين*

مستر عازف
01-04-2011, 07:30 PM
بالتوووووووووووووفيق : للجميع :

الله داري بلحال
03-04-2011, 06:45 AM
حنا راتب ابويه المتوفي ناخذه من التامينات يعني انو الاعانه ماتصير لي علما اني مسجله بكرت الوالد ويصرف فينا الراتب باسمانا؟؟؟

قلب المملكة
03-04-2011, 08:43 PM
حنا راتب ابويه المتوفي ناخذه من التامينات يعني انو الاعانه ماتصير لي علما اني مسجله بكرت الوالد ويصرف فينا الراتب باسمانا؟؟؟

لا ماله علاقة راتب الوالد الله يغفرله

انت بما انك عاطل تستحق الاعانة

سجل في برنامج حافز

بالتوفيق

قلم جاد
06-04-2011, 08:57 PM
سؤؤؤؤؤؤؤؤؤؤؤال الله يعافيكم جاوبوني

<< انا بنت

وعلى اسمي فيزا عامل بس بدون محل هل تشملني الاعانه؟؟ مع اني غير مسجل لابالتامينات ولا العمل

والسؤال الثاني هل المنتسبات تشملهم الاعانه ؟؟

قلب المملكة
07-04-2011, 12:47 AM
[QUOTE=قلم جاد;4299535]سؤؤؤؤؤؤؤؤؤؤؤال الله يعافيكم جاوبوني

<< انا بنت

وعلى اسمي فيزا عامل بس بدون محل هل تشملني الاعانه؟؟ مع اني غير مسجل لابالتامينات ولا العمل

والسؤال الثاني هل المنتسبات تشملهم الاعانه ؟؟[/QUOTE

بعد شهرين ان شاء الله تزل الأنظمة حول أحقية الاعانة

بس غالباً من لديهم عماله لا تشملهم

وايضاً المنتسبات لاتشملهن بحكم أنهن غير عاطلات

بالتوفيق

عاطله مشيبه
11-04-2011, 04:27 AM
اسمي طلع موجود

طبعا انا ماأدري المهم قلت افصلووني مابي

الحمدلله فصلوني بس تاريخ الفصل صار بعد قرار الملك حق المكافاة والراتبين هل ياثر هالشي

في استفادتي من جداره وحافز

عاطله مشيبه
11-04-2011, 05:03 AM
لحظة لحظة

شيكت ألحين بالروابط الي حطيتوها

في التأمينات طلع كذا

"أنت مسجل بنظام التأمينات الاجتماعية ولكنك حاليا لا تعمل"

أما في موقع وزارة العمل طلع كذا

الأسم : .....

رقم الهوية :.....

مكان العمل : الرياض

حالة العامل : على رأس العمل

موقع التأمينات الوضع أوكِ بس المشكلة بوزارة العمل

حاطيني على رأس العمل كيييييف بالتأمينات مني على رأس العمل


وبالوزارة على رأس العمل .؟

حد يشرح لي الوضع يأثر علي وألا لاء + وش أسوي ؟ الله يوفقكم يارب

قلب المملكة
11-04-2011, 09:52 PM
اختي عاطله مشيبه

على وضعك كذا ماراح تستفدين من الاعانة

لازم تسقطين اسمك من مكتب العمل

كلمي الشركة عشان اسقاطه

هدديهم بالشكوى عند مكتب العمل اذا ماسارعوا في اسقاطه


بالتوفيق

عاطله مشيبه
12-04-2011, 07:37 AM
اختي عاطله مشيبه




على وضعك كذا ماراح تستفدين من الاعانة

لازم تسقطين اسمك من مكتب العمل

كلمي الشركة عشان اسقاطه

هدديهم بالشكوى عند مكتب العمل اذا ماسارعوا في اسقاطه



بالتوفيق




تقصد بالشركه الي كنت متوظفه فيها

كلمتهم وقالوا خلاص فصلناك من التامينات

وقلتهم بموقع الوزارة على راس العمل

قالوا ماندري :eek:

الحين اقدر اشكيهم عند مكتب العمل

شلون ياخوي :Looking:

بعدين ماتهمني الاعانة كثر مايهمني برنامج جدارة اخاف يحسبوني متوظفه ومايوظفوني

والا جدارة ماله علاقة

قلب المملكة
12-04-2011, 11:11 PM
جدارة ماله علاقة تقدرين تقدمين حتى لو كنت موظفه في القطاع الخاص

وبعد قبولك ان شاء الله تستقلين من القطاع الخاص

بالنسبة للشكوى الافضل تكلمين الشركة

يحذفون اسمك ولا راح تشتكينهم

حتى يسارعوا في الحذف

بالتوفيق

آ فوفه
17-04-2011, 09:48 PM
جزاك الله كل خير انا طلع معآي

بالنسبه للتآمينآت
أنت غير مسجل في نظام التأمينات الاجتماعية"...

وبالنسبه لوزآرة العمل
رقم البطاقة المدخل غير مسجل بقاعدة بيانات وزارة العمل


اعتقد كذا ولله الحمد سليمه صصح هههه

قلب المملكة
17-04-2011, 11:38 PM
صحيح كذا وضعك سليم

دانيه حرب
18-04-2011, 05:06 AM
طيب انا طلعلي مسجل ولكنك لست على راس العمل وش وضعي

قلب المملكة
18-04-2011, 09:48 PM
طيب انا طلعلي مسجل ولكنك لست على راس العمل وش وضعي

وضعك سليم

الوالد مسجل في التامينات وانت مضافه معه فقط

بالتوفيق

Ṃăjbợŗ
22-04-2011, 03:07 PM
الله يقويك قلب المملكة

فني مستني
23-04-2011, 08:59 AM
السلام عليكم ورحمة الله وبركاته []
انا مسجل بالتأمينات الاجتماعية عن طرق التشغيل هل ذلك يعيقني بالتوظيف لدى ديوان الخدمة المدنية
عند الترشيح للوظائف أم لا أرجو منكم المساعد على سؤالي ودمتم ,...

ملاك الحزن
23-04-2011, 12:23 PM
جزآآآك الله خير ياملك المملكة ويجعلها في موازين حسناتك . .

قلب المملكة
24-04-2011, 12:59 AM
السلام عليكم ورحمة الله وبركاته []
انا مسجل بالتأمينات الاجتماعية عن طرق التشغيل هل ذلك يعيقني بالتوظيف لدى ديوان الخدمة المدنية
عند الترشيح للوظائف أم لا أرجو منكم المساعد على سؤالي ودمتم ,...

وعليكم السلام ورحمة الله وبركاته

مايعيقك ان شاء الله

والتقديم على الخدمة المدنية من حقك حتى لو كنت مسجل في التامينات

فقط بعد تعيينك في الحكومة ان شاء الله

تسوي ربط بين عملك في تشغيل الذاتي والحكومي حتى تحسب الاقدمية

بالتوفيق

ملاك الحزن
24-04-2011, 09:00 AM
بس حبيت اسألك ملك المملكة اختي كانت موظفة في موبايلي وتركت العمل وكانت مسجلة بالتامينات سويت لها بحث عن طريق رابط الموقع التابع للتامينات طلع انها مسجلة بالتامينات بس ليست على راس عمل تكلمهم والا كيف ؟؟

قلب المملكة
24-04-2011, 07:16 PM
اختي ملاك

مايحتاج تكلمهم لان اسمها مسقط لانها ليست على راس العمل

بس بعد تعينها في الحكومة ان شاء الله

تسوي ربط في التأمينات بين العمالين

بالتوفيق لك ولها

ملاك الحزن
26-04-2011, 03:36 PM
اختي ملاك


مايحتاج تكلمهم لان اسمها مسقط لانها ليست على راس العمل

بس بعد تعينها في الحكومة ان شاء الله

تسوي ربط في التأمينات بين العمالين

بالتوفيق لك ولها




يعطيك 1000 الف عافية اخوي قلب المملكة وجزاك الله خير:w

بيكآسو
27-04-2011, 07:52 AM
شبـــاااب

انااا اسسمي مسسجل في مكتب العمل بسس

التامينات مو مسجل

وانا عااااطل لا عندي وظيفه ولا شيء ، وش اسـوي ’

قلب المملكة
27-04-2011, 07:56 PM
اخوي بيكاسو

تاكد من مكتب العمل المسجل عندهم

وراجعهم عشان تاخذ بيانات الشركة وتكلمهم لاسقاط اسمك

لازم تسقط اسمك حتى تقدر تقدم على حافز

موفق خير واعانك الله

حلمي لقياك
29-04-2011, 10:58 AM
موفق بإذن الله ... لك مني أجمل تحية .

المهضوم
05-05-2011, 11:04 AM
انا طلع أسمي مسجل بالتأمينات شوفو وش طلع لي
"أنت مسجل بنظام التأمينات الاجتماعية ولكنك حاليا لا تعمل"
واسمي مسجل لدى مكتب العمل بالرياض وعلى رأس العمل /الله لايوفقهم وش أسوي

قلب المملكة
05-05-2011, 10:31 PM
أخوي المهضوم

بالنسبة للتأمينات ماعندك مشكله دام أسمك مسقط

لكن مكتب العمل لازم تسقطه

حاول تراجعهم لاسقاط اسمك او كلم الشركة

يسقطون اسمك او راح تشتكيهم إذا ما أسقطوه

أعانك الله*

علوش م
06-05-2011, 03:02 PM
جمعه مباركه على الجمبع....


الله يكتب لنا التوفيق يارب

المهضوم
10-05-2011, 09:48 AM
السلام عليكم ورحمة الله وبركاته
"أنت مسجل بنظام التأمينات الاجتماعية ولكنك حاليا لا تعمل"
أسمي مسجل لدى مكتب العمل الرياض :::الحالة على رأس العمل
وأنا مستقيل لي سنتين ومقدم أخلاء طرف وش شسوي

قلب المملكة
10-05-2011, 09:06 PM
وعليكم السلام ورحمة الله وبركاته

أخوي المهضوم

لازم تروح للمكتب عمل الرياض

وتاخذ معك أخلاء الطرف وتسقط أسمك

ظروري لانك حالياً تحتى مسمى موظف

اعانك الله

انثى محطمة
11-05-2011, 06:06 AM
عندي سنتين خدمة في التامينات

كيف اقدر استفيد منها ؟
لي عندهم فلوس ؟

ورق ابيض
11-05-2011, 06:08 AM
ماتقدر تستفيد
موفق بإذن الله ... لك مني أجمل تحية .

عطورات
11-05-2011, 06:11 AM
يجي من يفيدك


up

أبٌو لَيْآنَ
11-05-2011, 06:11 AM
هنا
!
ان شاء الله تلقى جواب لاستفساركــ .,

دبلوم وعاااطل
11-05-2011, 11:19 AM
اعتقد ما يصرف لك شي
رابط للتامينات
شروط صرف المعاشات http://www.gosi.gov.sa/portal/web/guest/71

بعض المعلومات باختصار
احدى الشروط
معاش التقاعد المعاش المبكر ( قبل سن الستين )
1-يحق للمشترك صرف معاش تقاعد إذا توفر لديه مدة اشتراك لا تقل عن (60) شهراً مع إضافة مدة اعتبارية مكملة لـ (120) شهراً يتم أداء قيمتها.

معاش العجز غير المهني

1-لا يقل عن (1725) ريال.
2-مدة اشتراك فعلية لاتقل عن (300) شهر،
3- الذي يعمل في الأعمال الشاقة أو الضارة بالصحة وبلغ عمره خمساً وخمسين سنة
4-لمشترك الذي حدث له عجز غير مهني أو توفى

خبرة
12-05-2011, 04:46 PM
الله يعافيكم انا ودي اسجل ببرنامج حافز بس ناس يقولون ماراح تشملك الإعانة لأنو ابوي مسجل بالضمان الإجتماعي وماعنده وظيفة ولا متقاعد ولا شي على الله ثم على الضمان وش اسوي ؟؟

قلب المملكة
12-05-2011, 10:20 PM
عندي سنتين خدمة في التامينات

كيف اقدر استفيد منها ؟
لي عندهم فلوس ؟

اختي الاستفاده بعد سن الستين والمقصود التقاعد

بعد تعيينك ان شاء الله في الحكومة

تسوي ربط بين عملك السابق والحالي في التأمينات

حتى تضاف لك وتستفدين من المبلغ عند التقاعد

بالتوفيق

قلب المملكة
12-05-2011, 10:25 PM
الله يعافيكم انا ودي اسجل ببرنامج حافز بس ناس يقولون ماراح تشملك الإعانة لأنو ابوي مسجل بالضمان الإجتماعي وماعنده وظيفة ولا متقاعد ولا شي على الله ثم على الضمان وش اسوي ؟؟

طال عمرك المفترض ماتاخذ الكلام اللي من المختصين

ومن قال لك هالكلام لا يفقه شياً مع احترامي له

إذا انت عاطل وليس لديك مشاريع تجارية يحق لك التقديم

ابوك ماله علاقة فيك الكل مستقل عن الاخر

قدم والله يوفقك

دواس الضلماء
13-05-2011, 06:22 AM
اخوي قلب المملكه , السلام عليك ورحمة الله وبركاته ,

انا قريت الموضوع بالصدفـه , واستفسرت في موقعين ,

التأمينات , وزارة العمل / التأمينات ماطلع شي ,

وزارة العمل : دخلت رقم بطاقتي , لقيت مسجل .. اني على راس العمل والمكتب التابع له مكه المكرمه وانا من مواليد الطائف وسااكن بها وادرس في الكليــه .. وحتى الان ادرس بـ الكليـه ,

وانا للحين محتار وش اسوي .. وش تنصحني به .. اذا رحت لـهم ..

بارك الله فيك .. وجزاك الله خير الجزآء

وهذي صوره لـ التوضيـح فقط لاغير

http://store2.up-00.com/Mar11/P0t56928.jpg

قلب المملكة
13-05-2011, 09:42 PM
وعليكم السلام ورحمة الله وبركاته

اعانك الله اخوي

انت الان بمثابة موظف ومسجل لدى مكتب العمل

لازم تروح للمكتب العمل او ترسل احد اذا لك اقارب

يجبون بيانات الشركة من المكتب ووسيلة الاتصال

حاول تتصل بالشركة وتهددهم بالشكوى اذا ما اسقطوا اسمك

راح يسقطون اسمك خوفاً من الشكوى

الشكوى فيها غرامه واقاف عن الاستقدام خمس سنوات

واذا قدرت انت تروح للمكتب وتوضح لهم طريقة نصب الشركة

وتسقط اسمك

اهم شي اسقاط اسمك

الله يعينك موفق خير

دواس الضلماء
14-05-2011, 01:07 AM
اخوي قلب المملكه ..

لو ابي تعويـض .. فيه امل اخذ شـي ولا يخلوني اضرب الباب ..

واذا كان فيه تعويض . . وش الخطوات اللي لازم امشي عليها ..

بارك الله فيك

شاكر لك تجاوبك ..

قلب المملكة
14-05-2011, 09:27 PM
مافيه تعويض اخوي

بحكم أنك ماشتغلة عندهم

الاجراءات زي ماقلت لك

الشركة تغرم وتتوقف عن استقدام لايقل عن خمس سنوات

وهذا طبعاً ضرر كبير للشركة

والشي هذا راجع لك مع ان الشكوى فيها وجع راس ومواعيد

يمكن ماتتحملها

موفق خير

دواس الضلماء
15-05-2011, 01:02 AM
شاكر لك اخوي قلب المملكه , ماننحرم منك ..

من جد .. شخص نادر في الشبكه العنكبوتيه ..

سلام مني لك .. وشاكر لك تجاوبك مره اخرى ..

انتظروني بعد الشكوه .. واقول لكم وش صار معي ..

مع السلامه

تذكرت جرحي
15-05-2011, 01:25 AM
"أنت مسجل بنظام التأمينات الاجتماعية ولكنك حاليا لا تعمل"

هذا وضعي بالتأمينات !! رغم أني سحبت كل التأمينات قبل فتره ، توقعت ينحذف الرقم ، بس مانحذف :(
تتوقعون يؤخذ به كـ سبب لـ أبعادي عن اي طلب توظيف أقدمه!!

قلب المملكة
15-05-2011, 09:03 PM
شاكر لك اخوي قلب المملكه , ماننحرم منك ..

من جد .. شخص نادر في الشبكه العنكبوتيه ..

سلام مني لك .. وشاكر لك تجاوبك مره اخرى ..

انتظروني بعد الشكوه .. واقول لكم وش صار معي ..

مع السلامه

الله يوفقك أخوي

أتمنا مايكون لهم ظهر كبير في مكتب العمل

ولا الشكوى ماراح تستفيد منها

دربك خضر

قلب المملكة
15-05-2011, 09:07 PM
"أنت مسجل بنظام التأمينات الاجتماعية ولكنك حاليا لا تعمل"

هذا وضعي بالتأمينات !! رغم أني سحبت كل التأمينات قبل فتره ، توقعت ينحذف الرقم ، بس مانحذف :(
تتوقعون يؤخذ به كـ سبب لـ أبعادي عن اي طلب توظيف أقدمه!!




أخوي وضعك عادي أنت لا تعمل وغير مسجل

بس هذا نظام برامج الوزارات مايشال الاسم

فقط يوضع إذا يعمل موظف وإذا لا يعمل لاتعمل

موفق

علوش م
17-05-2011, 03:05 PM
مالي ومالك
فيها نصيب

أخ يازمن
22-05-2011, 02:56 PM
شـكرا لك وبارك الله فيك... لك مني أجمل تحية .

فنية محتارة
22-05-2011, 03:52 PM
لما ادخل رقمي في مكتب العمل يقول حدث خطااا احد صار معه كذا

قلب المملكة
22-05-2011, 10:12 PM
لما ادخل رقمي في مكتب العمل يقول حدث خطااا احد صار معه كذا

يمكن يكون فيه خلل بالرابط أو واجه ضغط

حاولي في أوقات مختلفه

بالتوفيق

وين اروق
23-05-2011, 01:41 PM
استغفر الله استغفر الله استغفر الله

عابق الذكرى
09-06-2011, 12:01 AM
السلام عليكم ورحمة الله وبركاته

أنا أعمل في مدرسة أهلية لي سنتين تقريبا

العام الماضي وقعت على التأمينات الاجتماعية ( اللي هو يخصمون من راتبي بنسبة 20 % كراتب تقاعدي)

ووقعت على الموارد البشرية ( الزيادة في الراتب الأساسي ويصرف حلال الإجازة )

دخل إسمي في التأمينات الاجتماعية .. وجاني منهم مسج تقيد اشتراكي معهم بمبلغ وقدره 1500 ريال .. لكن لم يخصم من راتبي ... بل كان ينزل لي الراتب كامل كل نهاية شهر من المالك

بينما الموارد حصل خلاف بين مالك المدرسة وبينهم .. فبذلك ما انصرف لنا الموارد البشرية ... لشروط تعجيزية على حد قولهم !!


هذه السنة .. تم خصم نسبة 20 % من مرتبي لصالح التأمينات الاجتماعية .. وتأكدت من موقعهم

بينما مازال الخلاف قائم بين المالك والموارد البشرية !!!


قررت العام القادم ترك العمل لظروف شخصية ...


استفساراتي ...

1/ هل يحق لي الآن الحصول على حقي من المال المدخر في التأمينات الاجتماعية ؟؟؟

وان كان ذلك فما هي الإجراءات المتبعة ؟؟؟

2/ ينصحني البعض بإن أترك المبلغ في التأمينات الاجتماعية ... لأنه في حال انتقالي لمدرسة أخرى ومازال إسمي مسجل في التأمينات الاجتماعية .. يلزم على المالك ( إن لم يكن مشترك في التأمينات الاجتماعية ) .. أن يخصم من مرتبي لصالح التأمينات الاجتماعية ...

فهل هذا صحيح ؟؟؟

3/ هل مالك المدرسة مجبر على الإشتراك في الموارد البشرية ؟؟؟ خاصة ومع صدور القرار الملكي حاليا ؟؟؟

عاطلةمكة
09-06-2011, 11:51 PM
بارك الله فيك

غصن بلا ورق
11-06-2011, 12:12 AM
لو سمحتم أنا تركت العمل منذ شهر وانهيت كل الإجراءات لكل لازال اسمي مسجل في التأمينات

فما سبب ذلك وماالحل ؟

محاسب متخرج
11-06-2011, 12:16 AM
مشكور والله يديك العافية

عاطله ونحمد الله
11-06-2011, 12:16 AM
لو سمحتم أنا تركت العمل منذ شهر وانهيت كل الإجراءات لكل لازال اسمي مسجل في التأمينات

فما سبب ذلك وماالحل ؟

اللي اعرفه انك لما تدخل رقم السجل المدني في التأمينات بيقولك مسجل ولكن لايعمل هنا وضعك اوكي

غصن بلا ورق
11-06-2011, 12:22 AM
لا يالغلا مكتوب على رأس العمل


"أنت مسجل حاليا وملتحق بعمل خاضع لنظام التأمينات الاجتماعية "

عاطله ونحمد الله
11-06-2011, 12:25 AM
لا يالغلا مكتوب على رأس العمل


"أنت مسجل حاليا وملتحق بعمل خاضع لنظام التأمينات الاجتماعية "

غريبه والله
ليش يدفع تأمين وانت مو موجود والا عشان اسمك سعودي :d>> ذكيه
روح لعملك وانشب لهم الى ان يفصلونك من التأمينات

اندي شليك
11-06-2011, 01:24 AM
بارك الله فيك

غصن بلا ورق
11-06-2011, 01:27 AM
عاطله ربي يرزقك ويسهل امرك

عاطله ونحمد الله
11-06-2011, 01:30 AM
عاطله ربي يرزقك ويسهل امرك

امييييييييييييين والجميع ياارب
ويرزقك بالوظيفه اللي تتمناها ان شاء الله

خاص جداً
11-06-2011, 01:43 PM
حبيبي انا طلعت مسجل بالتأمينات

وفي مكتب العمل

وابي ارفع قضيه

بس
غير ملتحق بعمل ينطبق عليه نظام التأمينات: نأمل إبلاغ المؤسسة بالضغط هنا (javascript:showForm();) للإبلاغ عن استغلال اسمك في السعوده الوهمية
اخاف لو بلغت من هنا يضيع حقي ابي اقلبها دعوجه مع هالشركه الخايسه المستغله حسبي الله عليهم

عاطله ونحمد الله
11-06-2011, 11:07 PM
بليز احد يجاوبني
اللي مسجل في التأمينات بس غير مسجل بوزاره العمل ايش وضعه ؟؟
وهو موظف قطاع خاص في هالوقت

قلب المملكة
11-06-2011, 11:18 PM
حبيبي انا طلعت مسجل بالتأمينات

وفي مكتب العمل

وابي ارفع قضيه

بس
غير ملتحق بعمل ينطبق عليه نظام التأمينات: نأمل إبلاغ المؤسسة بالضغط هنا (javascript:showForm();) للإبلاغ عن استغلال اسمك في السعوده الوهمية
اخاف لو بلغت من هنا يضيع حقي ابي اقلبها دعوجه مع هالشركه الخايسه المستغله حسبي الله عليهم

أخوي اهم شي اسقاط اسمك هذا بالدرجة الاولى

حقك في التأمينات لك

بالنسبه للشكوى لو اشتكيك نظاماً

لو كسبت الدعوه الشركة تتوقف عن الاستقام خمس سنوات مع الغرامه المالية

بالتوفيق

قلب المملكة
11-06-2011, 11:22 PM
بليز احد يجاوبني
اللي مسجل في التأمينات بس غير مسجل بوزاره العمل ايش وضعه ؟؟
وهو موظف قطاع خاص في هالوقت

اذا مسجل في التأمينات لاتعمل

كذا مسقط أسمك ولا تعملين

بس اذا في التأمينات مسجل على راس العمل لازم اسقاطه

كذا تعتبرين قيد القطاع الخاص

اعانك الله

عاطله ونحمد الله
11-06-2011, 11:25 PM
اذا مسجل في التأمينات لاتعمل

كذا مسقط أسمك ولا تعملين

بس اذا في التأمينات مسجل على راس العمل لازم اسقاطه

كذا تعتبرين قيد القطاع الخاص


اعانك الله



انا قصدي انه موظف الان على راس العمل وعمله مسجلينه بالتامينات بس ماسجلوه بوزارة العمل
هل فيها مشكله هذي

دمعه غرور
11-06-2011, 11:27 PM
جزك الله خير

ممرض فاظي
12-06-2011, 11:45 AM
شـكرا لك وبارك الله فيك... لك مني أجمل تحية .

القعقاع بن عمرو
12-06-2011, 11:13 PM
السلام عليكم هلا بقلب المملكه وجزاك الله خير على جهودك ومعلوماتك والله لايحرمك الاجر

بالنسبه لوضعي أنا خشيت على رابط التامينات وحطيت رقم الهويه حقي وقالي أني مسجل عندهم لكني لست على راس عمل وش معنى هالكلام ؟؟

هل وضعي كذا سليم والا لازم أخليهم يحذفون رقم الهويه من سجلاتهم

بعدين أتصل عليهم لي أكثر من ساعه في نفس اوقات الأتصال ولاهوب يردون ممكن توصفلي موقعهم عشان ألعن خيرهم لو صار وضعي مهوب سليم

وشكرا

جاسم القاسم
13-06-2011, 08:55 PM
الله ييسر الأمور لجميع العاطلين

قلب المملكة
13-06-2011, 11:02 PM
انا قصدي انه موظف الان على راس العمل وعمله مسجلينه بالتامينات بس ماسجلوه بوزارة العمل
هل فيها مشكله هذي

لا مافيه مشكله

خلاف النظام الجديد نطاقات مربوط مع التأمينات

العماله المسجلين في التأمينات دايركت يطلون في مكتب العمل

بالتوفيق

قلب المملكة
13-06-2011, 11:06 PM
السلام عليكم هلا بقلب المملكه وجزاك الله خير على جهودك ومعلوماتك والله لايحرمك الاجر

بالنسبه لوضعي أنا خشيت على رابط التامينات وحطيت رقم الهويه حقي وقالي أني مسجل عندهم لكني لست على راس عمل وش معنى هالكلام ؟؟

هل وضعي كذا سليم والا لازم أخليهم يحذفون رقم الهويه من سجلاتهم

بعدين أتصل عليهم لي أكثر من ساعه في نفس اوقات الأتصال ولاهوب يردون ممكن توصفلي موقعهم عشان ألعن خيرهم لو صار وضعي مهوب سليم

وشكرا

وعليكم السلام ورحمة الله وبركاته

وضعك سليم طال عمرك بما أنك لا تعمل

أنت الوالد يستلم راتب تقاعد لذلك يضهر لك انك مسجل

لكن لا تعمل

بالتوفيق

سلمان محمد السلم
14-06-2011, 12:30 AM
مشكوووور يعطيك العافيه بس انا طلعت مسجل بس لا اعمل وشلووون يعني ؟؟؟؟؟

وطني نبع إبداعي
14-06-2011, 12:53 AM
الله يوفقكم جميعا

قلب المملكة
14-06-2011, 07:59 PM
مشكوووور يعطيك العافيه بس انا طلعت مسجل بس لا اعمل وشلووون يعني ؟؟؟؟؟

هلا فيك اخوي

نفس ردي لاخونا القعقاع

الوالد مسجل في التأمينات لذلك يظهر انك مسجل ولا تعمل

وضعك طبيعي

بالتوفيق

لحظه ياوقت
15-06-2011, 03:57 PM
يعطيك العافيه اخوي

انا اشتغل في شركتين صباحيه ومسائيه ومسجل فيهم كلها على التأمينات الاجتماعيه

لكن هل تحسب لي في السنه بدل 12 شهر تحسب 24 شهر كل سنه بحكم انني اشتغل في شركتين عن كل شركه 12 شهر

ارجوا ان يكون سؤالي واضح

وبالتوفيق يارب

قلب المملكة
15-06-2011, 09:59 PM
يعطيك العافيه اخوي

انا اشتغل في شركتين صباحيه ومسائيه ومسجل فيهم كلها على التأمينات الاجتماعيه

لكن هل تحسب لي في السنه بدل 12 شهر تحسب 24 شهر كل سنه بحكم انني اشتغل في شركتين عن كل شركه 12 شهر

ارجوا ان يكون سؤالي واضح

وبالتوفيق يارب

الله يعافيك

مايجي اخوي الشخص يسجل في التأمينات مرتين ويكون

على راس العمل في نفس الوقت في كلاهن

الا اذا كان صاحب الشركة واحد او هي نفسها الشركة

ياليت تراجع التأمينات انت مضاف فقط مره واحد على احدى الشركتين

شكراً لك

لحظه ياوقت
16-06-2011, 09:02 AM
الله يعافيك

مايجي اخوي الشخص يسجل في التأمينات مرتين ويكون

على راس العمل في نفس الوقت في كلاهن

الا اذا كان صاحب الشركة واحد او هي نفسها الشركة

ياليت تراجع التأمينات انت مضاف فقط مره واحد على احدى الشركتين

شكراً لك

يالغالي يعطيك العافيه يارب على اهتمامك ومجهودك اللي تقوم فيه

انا فعلا مسجل في التأمينات لكلا الشركتين

والدليل عند دخولي موقع التأمينات اون لاين ارى حالتي لكلا الشركتين نشيط

وهو مايثبت اني مسجل فيهم

لاهنت يالغلا

قلب المملكة
16-06-2011, 11:59 AM
آخوي لحظه ياوقت

في كل الشركتين يطلع لك على راس العمل

لاهنت ارسلي رقم السجل المدني حقك على الخاص

شكراً لك

لحظه ياوقت
16-06-2011, 12:29 PM
يعطيك العافيه اخوي قلب المملكه

للاسف يالغالي لااستطيع ان ارسل رسائل خاصه الا بعد مضي 100 مشاركه وهو يحتاج الكثير من الوقت للوصول الى هذا الرقم

هل لديك حل آخر اخي العزيز

قلب المملكة
16-06-2011, 08:24 PM
نزل موضوع طال عمرك

في قسم الاقتراحات وحط رقم السجل المدني

القسم لايطلع عليه سوا الادارة وصاحب الموضوع

وأن شاء الله يوم السبت أشوف وضعك

موفق

صالح عطلان
19-06-2011, 08:28 AM
عندما شركه تحتفظ باسمك ويتواجد اسمك في التامينات

من وجه نظري ليس امرا سلبيا على الشخص حتى لواستفادت الشركه او المؤسسه من اسمك

فسياتي يوما من الايام تبحث عن 300 اشترك لكي يسمح لك النظام بصرف راتب تقاعدي

فستجد هذه الاشتراكات التي سجلت لك وانت لاتعلم سفينه انقاذ

في يوم من الايام

سأضرب بنفسي مثلا

تخرجت من الثانويه وعملت بشركات وانا ادرس الجامعه ولم اسجل

في التامينات واستمريت العمل بدون تامينات لمده اربع سنوات وبعدها

عملت في شركه كبرى واستمريت بها 22 سنه مسجلا في التامينات

ووصلت لراتب عالي

ولاكن وصلت الى حاله ملل كبير وتعب شديد لو اخذت نصف راتبي وجلست

في البيت لكنت اسعد الناس ولاكن النظام يريد 25 سنه 300 اشتراك

فتخيل لو الشركات الاولى التي عملت بها كنت مسجل بالتامينات

لكان مجموع اشتراكاتي 300 فسأحصل مع اعانه الاولاد على 75% من هذا الراتب الضخم

وانا جالس في البيت .

من باب الامانه لاتزعلون اذا شركه مسجلتك وانت جالس في الشوارع فنعم سجلتك

لتسفيد من اسمك مقابل رسوم شهريه تدفعها للتامينات فاذا ياعزيزي تسجيلها لأسمك

لايتعارض مع مصالح لك فصمت ولاتحرك ساكن

فوضعي الان اتمنى تسجيل مافات من حسابي الخاص وليس من حساب الشركه ولم استطع

لان مر عليها سنوات عده

والامر الثاني اذا اسمك مسجل في شركتين او اكثر لاتحرك ساكن

فثلا انت مسجل في شركه ب 2000

الاخرى 2000
الثالثه 3000

فكانك تعمل ب 7000

فلو حصل لك عجز او غيره يحق لك استلام راتب شهري

ولد ينبعااوي
19-06-2011, 02:15 PM
يااشبااب اناا حطيت الرقم السجل المدني طلعلي انتاا مسجل ولكن حاليا لا تعمل وش الهرجة يعني ارووحلهم واشتكي ولا كيف الي عنده علم بالله يرسلني ع الخااص لا انواناا مقدم ع عسكرية وهل تظر هااذي ولا بالله مستني الرد ع اللخااص

أم عبدالله6
19-06-2011, 08:49 PM
السلام عليكم

انا اعمل في مدرسة أهلية لمدة 3سنوات

الآن اريد ان انهي اخلاء طرفي من المدرسة

سؤالي هو كيف يتم اسقاط اسمي من التأمينات الاجتماعية ؟؟

كيف يمكنني اخذ مستحقاتي من التأمينات الاجتماعية ؟

وسؤال أخير :-
هل اذا كان ظل اسمي في التأمينات أُحرم من الإعانة (تبع حافز) ؟

ارجوالرد اخي قلب المملكة جزاك الله الجنة :]

قلب المملكة
19-06-2011, 11:17 PM
اخوي صالح أنا معك التسجيل في التامينات

من صالح الشباب بس حالياً التسجيل راح يحرمهم من حافز

اخوي وليد ينبعاوي

انت الوالد مسجل وياخذ تقاعد من التامينات

لذلك يطلع انك مسجل لكن لست على راس العمل

وضعك سليم

موفق

قلب المملكة
19-06-2011, 11:22 PM
السلام عليكم

انا اعمل في مدرسة أهلية لمدة 3سنوات

الآن اريد ان انهي اخلاء طرفي من المدرسة

سؤالي هو كيف يتم اسقاط اسمي من التأمينات الاجتماعية ؟؟

كيف يمكنني اخذ مستحقاتي من التأمينات الاجتماعية ؟

وسؤال أخير :-
هل اذا كان ظل اسمي في التأمينات أُحرم من الإعانة (تبع حافز) ؟

ارجوالرد اخي قلب المملكة جزاك الله الجنة :]


وعليكم السلام ورحمة الله وبركاته

المدرسة هي تسقط اسمك بعد تقديمك للاستقاله او تركك لهم

غالباً المدارسة اهلية مايكون فيها تلاعب لانه من الاصل محققه السعودة

حقوقك في التامينات من حقك لكن لايستحق سحبها

الا بعد سن الستين اي التقاعد لكن اذا التحقتي في القطاع العام او خاص

تضاف خبرتك الجديدة مع القديمة تحسبلك

نعم أختي المسجل في التأمينات معناه يعمل

لذلك يحرم من حافز بحكم انه للعاطلين

بالتوفيق

صالح عطلان
20-06-2011, 12:28 AM
اخوي صالح أنا معك التسجيل في التامينات


من صالح الشباب بس حالياً التسجيل راح يحرمهم من حافز





ايوا اذا تعارضت مع مصالحه فالاجدر توقفه

مشكور الله يسعدك دنيا واخره

اكدونيا نادرة
23-06-2011, 03:00 AM
جزاكم الله خيرا ....اللهم اسالك الوظيفه لي ولكل عاطل

عاطله ونحمد الله
23-06-2011, 01:42 PM
طيب اللي طلع له مسجل في وزاره العمل وهو لايعمل
كيف يقدر يعرف اسم المنشاه اللي مسجلته ؟؟؟؟؟؟؟؟؟؟

قلب المملكة
23-06-2011, 06:06 PM
طيب اللي طلع له مسجل في وزاره العمل وهو لايعمل
كيف يقدر يعرف اسم المنشاه اللي مسجلته ؟؟؟؟؟؟؟؟؟؟

عن طريق مكتب العمل اللي مسجل عندهم

أذا في القصيم أقدر أفيدك

بالتوفيق

عاطله ونحمد الله
23-06-2011, 08:12 PM
عن طريق مكتب العمل اللي مسجل عندهم

أذا في القصيم أقدر أفيدك


بالتوفيق



لاوالله في الرياض الله يعطيك العافيه
لو تعرف رقم مكتب الرياض ياليت تفيدني بكلمهم السبت

قلب المملكة
24-06-2011, 12:30 AM
لاوالله في الرياض الله يعطيك العافيه
لو تعرف رقم مكتب الرياض ياليت تفيدني بكلمهم السبت

014039857

غالباً مارح أحد يرد

لو ترسلين أحد أخوانك يكون احسن

بس ياخذ معه كرت العائله

بالتوفيق

أحاسيس أنوثه
30-06-2011, 02:31 AM
انا موجود رقمي عندهم ومكتوب لكنك لاتعمل حاليا

هل هذي مشكلة؟

دبلووم صيدله
30-06-2011, 04:45 PM
السلام عليكم ورحمة الله وبركاته
بالبدايه اشكرك على جهودك الواضحه

عندي سؤال اتمنى منك افادتي فيه

تعقدت مع شركه باني اكون تحت التدريب براتب 1000
واستلم كل شهر 1000 لاكني تفاجأت بان اسمي مسجل في التأمينات بـ 1500
هل يحق لي المطالبه بـ الـ500
علماً بان التامينات لا تخصم الـ 90 ريال استلم الـ 1000 كامله

قلب المملكة
30-06-2011, 11:11 PM
انا موجود رقمي عندهم ومكتوب لكنك لاتعمل حاليا

هل هذي مشكلة؟

لا أختي وضعط سليم

بالتوفيق

قلب المملكة
30-06-2011, 11:16 PM
السلام عليكم ورحمة الله وبركاته
بالبدايه اشكرك على جهودك الواضحه

عندي سؤال اتمنى منك افادتي فيه

تعقدت مع شركه باني اكون تحت التدريب براتب 1000
واستلم كل شهر 1000 لاكني تفاجأت بان اسمي مسجل في التأمينات بـ 1500
هل يحق لي المطالبه بـ الـ500
علماً بان التامينات لا تخصم الـ 90 ريال استلم الـ 1000 كامله

وعليكم السلام ورحمة الله وبركاته

طال عمرك التأمينات ماتسجل من راتبه أقل من 1500

لذلك تطر الشركة للرفع سقف الراتب لدى التأمينات حتى يتم تسجيلك

عقد العمل اللي بينكم أذا 1500 هنا تقدر تشتكي خلافه لا

عموماً التأمينات من صالحك مادياً وخبره مستقبلاً

الله يوفقك

مصدومة من الدنيا
01-07-2011, 09:18 AM
السلام عليكم ورحمة الله وبركاته ,, اشكر حرصك وافادتك السريعه ,,

انا مو عارفه بصراحه وشو طبخة التأمينات :m

انا كنت في مدرسه اهليه واستغنوا عن خدماتي بعد انتهاء العقد من ثلاث اسابيع

واخذت اخلاء الطرف والخبرة , بس الان شيكت في موقع التأمينات اني لسه مسجله

يمكن لسه ما تم حذفي من التامينات ؟!!! ما افهم في ذا الشي بصراحه ..

وعندي سؤال ,, هل اقدر اخذ حقوقي الي تجمعت في التامينات مدة عملي في هذة المدرسه علما اني اشتغلت عندهم مدة سنتين وقبلها في شركة مدة ثلاث سنوات ,,

وهل يجب احذف اسمي من التأمينات انا ولا هم راح يحذفونه ؟؟!!
واذا تم توظيفي في مكان اخر راح يدخل اسمي مره ثانيه بالتامينات ولا كيف ؟

وبالنسبة لرقم اشتراكي في التامينات ماني عارفته كيف اطلعه علشان اتاكد من اشتراكي في اي جهة عمل ؟؟

قلب المملكة
01-07-2011, 10:31 PM
أختي مصدومة

وش يطلع لك أذا على راس العمل لازم تسقطين اسمك

غالباً هذا شغل المدرسة بس يمكن تماطل حتى تستفيد من السعودة لانك مدرجة ضمنها

بنسبه للحقوقك بعد سن التقاعد أو سن الستين بس هي حقوق تبقى لك

بعد تعينك في الحكومة ان شاء الله تسوين ربط بين عملك السابق

في القطاع الخاص وعملك الجديد في الحكومة

بنسبه للعملك في اكثر من قطاع خاص عادي التأمينات تقبلك

كل خدمة تضاف على الخدمة التالية

بنسبه للرقم الاشتراك تقدرين تتصلين عليهم فترة الصباح ويعطونك الرقم

على 8001243344

بالتوفيق

عمررررر
02-07-2011, 02:34 AM
انا للاسف استغل احد الاقارب اسمي قبل مايقارب خمس سنوات وسجلني على اني موظف عنده بشركته
وبعدين سكر الشركة او مادري وش صار على الشركة بالضبط بس رحت على اساس اني اوقع استقالتي من العمل
وفعلا وقعت على اساس انه يحذف اسمي من التأمينات

لكني يوم شيكت من خلال موقعهم هنا كتب لي

"أنت مسجل بنظام التأمينات الاجتماعية ولكنك حاليا لا تعمل"
فهل هناك اشكال او وضعي سليم كذا ؟

قلب المملكة
04-07-2011, 01:01 AM
انا للاسف استغل احد الاقارب اسمي قبل مايقارب خمس سنوات وسجلني على اني موظف عنده بشركته
وبعدين سكر الشركة او مادري وش صار على الشركة بالضبط بس رحت على اساس اني اوقع استقالتي من العمل
وفعلا وقعت على اساس انه يحذف اسمي من التأمينات

لكني يوم شيكت من خلال موقعهم هنا كتب لي

"أنت مسجل بنظام التأمينات الاجتماعية ولكنك حاليا لا تعمل"
فهل هناك اشكال او وضعي سليم كذا ؟

أخوي كما هوا واضح أنت لا تعمل

طبعاً المسجل في التأمينات ومن ثم يحذف يطلع نفس اللي طلع لك

وضعك سليم

لو تروح للتأمينات وتطلب برنت فيه يتضح مدة الخدمة

بالتوفيق