اللي سجلت بالدورات في المؤسسه السعوديه تدخل

[خريجةادارة اعمال]

السلام عليكم ورحمة الله وبركاته
شخباركم كليااتكوون ان شاالله مناح

المهم انا جايه اسال اللي سجلت بالمؤسسه وين مكانهم بالضبط لاني
مادري وينه بالضبط ياليت احد يقولي
وسؤال ثاني بعد اللي سجلت عندهم متى قالو لها راح تبدا تدريب؟؟؟؟
بليز الله يخليكم ياليت ماتبخلون علي وربي محتاجه مساعدتكم

بانتظاركم

[رياح]

ما عندي خبر
أنشاء الله يفيدونك

[خريجةادارة اعمال]

وينكم ردو بليز

اللي سمعته انو كثير سجلو بالمؤسسه السعودية للتدريب والتعليم
الله يخليكم ردووو علي بس محتاجه جوواب لا اكثرررررر

[آه يالقهر]

انا والله رحت وسجلت وندمت

بس ثواني ادور على الموضوع اللي فيه العنوان

اجيب لك الرابط هنا

بس قبل تروحين لهم كلمي اول واسألي قبل تتوهقين

اذا رحتي هناك سجلي بأكثر من دوره مو يلعبون عليك ويقولون ما يحق لك الا تسجلين بدوره وحده بس ترا يحق لك تسجلين بأكثر من وحده


لا تأملين كثير فيهم

[آه يالقهر]

شوفي رابط الموضوع

https://www.btalah.com/showthread.php?t=5915

اتمنى لك التوفيق يا رب

[الدمعـ 2006 ـة]

هلا وغلا خريجة

والله انا مسجلة عندهم في دور لغة انجليزية << معقدتها

والى الحين ما وصلني منهم خبر واتصلت فيهم الاسبوع اللي رراح قالت لسة لين يكتمل عدد البنات لكن ربك كريم وان شاء الله بتصلوون عندي أمل فيهم صراحة

واعتقد ان قدرات عاطلة سجلة في دورة والحين تدرس فيها << وربي ان شاء الله يوفقها

دعووواتي للجميع بالتووفيق

[خريجةادارة اعمال]

الله يوفقكم يااارب ويوووفقنا ويوفق الجميع ان شاالله

ومشكورين والله على الافااده بسس وين مكاانهم فيه ماعرف وين اروح ؟؟؟

انا دقيت عليهم ورد علي اللي بقسم الرجال والنساء ماردو قال لي انو

قسم النساء فيه صيانه وبيفتح السبت وبدق السبت وبشوف

بس اختي اه يالقهر ياليت تقولين لي وين مكانهم بالضبط

[آه يالقهر]

المشاركة الأصلية كتبت بواسطة الدمعـ 2006 ـة

المقر حقهم شمال الرياض
قريبة من مدينة الملك فهد للخدمات الطبية
نحنا من شرق الرياض بعد كبري الخليج تكون مدينة الملك على يمناك اول اشارة تعديها والثانية خذي يمين ثم دوري شرك مكتوبة عليها اتربك او ارتيك بازرق هي تصير قبلها في فيلا تري هم بس

دعواتي

المشاركة الأصلية كتبت بواسطة ماعندها واسطة

شوفي يالغالية روحي لشارع الثلاثين وتعدي اشارة الضباب بيجيك ماكدونالد

برضه تعديه امشي على طول بيجيك على اليمين مغسلة الجبر

بعدها فيلا على الشارع العام لها باب على الزاوية هي مقر المؤسسة

ترى ماعليها لوحة كبيرة ابد مجرد لوحة صغير على الجدار يالله تبان

عليهم ضغط ناس واجد تقدم ,,

الله يستر قلبي ماهوب مرتاح لهم احس انهم مقلب ...

هذا وصف الاخوات للموقع لاني بجد نسيت مكانه

[خريجةادارة اعمال]

يعطيك العافيه حبيبتي اه يالقهر مشكوره والله

والله يوفقني ويوفقك ويوفق الجميع يارب

[ربك يرزقنا]

الدراسة وين بالظبط هل بتكون في نفس المؤسسة ولا
متعاقدين مع مراكز

ودي والله بس موقع المؤسسة مره بعيد عني