|
لأصحاب البقالات, سؤالين: اللوحة والباركود ..
[align=center]السلام عليكم ورحمة الله وبركاته
أخواني بقالتي ودي أغير لوحتها, و ودي بلوحة تكون من شركة ( بيبسي, أوجالكسي, أو أوريو ...) فبحثت وسألت,قالوا لي البيبسي تعطيك لوحة بشرط أنك ماتبيع كوكاكولا في بقالتك والعكس صحيح! فقلت خلنا نشوف جالكسي أو أوريو , بس ما أعرف هل أروح الشركة عندهم, وهل اللوحة مجانية فعلا وأخذ عليهم ايجار ؟ ووين مقرهم في جدة؟ الشغلة الثانية الباركود, أنا عندي كمبيوتر في المحل بس أحتاج الباركود سكانر+ برنامج الباركود+طابعة ايصالات ؟ وش أفضل الشركات اللي يبيعون مثل هذه الأنظمة في جدة؟ وأسعارهم؟ ومشكورين مقدما [/align] |
ودي اسالك اخوي كيف ارباح البقالات هل هي عاديه - جيده - ممتازه
ولو بستأجر محل واجهزه هل الشركات تعبيه لي مجاناً ولا لازم انا اعبيه بالبدايه.؟ |
وعليكم السلام
موضوع قيم وان شاء الله تلقى الاستفسار واعتقد انو برنامج محاسبي قيمتة 3000الاف ريال ويجي معاك فني يعلمك علية ويعلم العامل المحاسب وكل ما تعطل يطلع الفني ويصلحة الجهاز كامل سمعت انه ب5000 الاف وودنا نستفسر منك دامك صاحب خبرة في البقالات اخوك مقبل على فتح سوبر ماركت متوسط من 3 فتحات كل فتحة 4*8 ومستودع 5*5 على شارع تجاري حركة السير فية ماتفضى حتى الساعه الثانية ليلا ويقع بين دوائر حكومية وقليل من المنازل ايجارة 50 الف حسب نظرتك ينفع وهل اجارة معقول اولا والموظفيين عندي اثنين سعوديين واثنين عمال والمشروع مازال تحت الدراسة المطلوب رئيك ونصائحك بارك الله فيك |
اقتباس:
غريبه ..أهم شئ يكون بمنطقه سكانيه ..هذه وجهة نظري ..بتوفيق |
^^
صادق ياغالي بس هالمنازل تصدق سئلت حتى البزران اللي بالحارة وقلت لهم اقرب بقالة لكم وين وهل توصل للمنازل قالو مافي توصيل واقرب بقالة تبعد عنا مسافة بعد البقالة حقتك المهم بشرتهم خير وقلت ابشرو بالتوصيل ولسى اكلم الكبار قبل الصغار واعمل اعلانات خفيفة للمنازل والله يرزقنا واياكم من واسع فضلة وكل هالكلام دراسة |
طيب ممتاز توكل على الله ..وأن شاءلله تكون فاتحة خير عليك
أهم شئ قبل التوصيل وتعب أعمل قسم مخبز + قسم خضار وفواكه وأذ قدرت حط قسم ملحمه > مع أنه موضروري لكن ألآهم هو المخبز والخضاروات والفواكه ..هذه كلها مكاسب أكثر من سلع البقاله وتقدم خدمه لزبون |
اقتباس:
وسالت صاحب السوبر عن الدخل وهامش الربح قال لي الدخل 1700 يومياً والربح 150 ريال تقريباً بـ 1000 يعني قريب 10% عشان كذا انت احشب الدخل اليومي كم بيكون وبعدها احسب هامش الربح المتوقع ودائماً حط اقل نسبه متوقعه بالمشروع لا اكثر نسبه والسوبر دخله عالي وممتاز في حال اخترت الموقع المناسب اهم شي احذرك من الصرف على نفسك من دخل السوبر فيه ناس اذا فتح مشروع اذا شاف الدخل باليوم 3000 لو زي كذا على باله كلها ارباحوينسى ان فيه راس مال وحاول اول شهرين تزيد براس المال لحد ماتخلي السوبر مو ناقصه شي واهم شي تراقب على اخلاق وتعامل العمال ونظافة المخبز وتوصيل مجاني للحاره القريبه منك بخصوص اللحم لتصحك تسوي اول شي دعايه انه بيكون عندك قريباً لحم طازج والشي الثاني تحط ثلاجة الحم بمكان بارز للكل وتحط عليها ورثه تبين متى تم ذبح الذبيحه بالضبط ولازم تكون تيس وصغير يعني لا تسوي مثل الاجانب ذبيحه كبيره لان اللحم بالسوبر زي ماتقول مو هدفه ربحي درجه اولى مع انه له ربح كبير انما خدمه للعملاء يجون يلقون كل شي يبون والله يوفقك يارب |
[align=center]
جيت اسأل , لقيت من يسألني, نعين ونتعاون باذن الله :Thumbs: .. حيرتني: الربح شيء نسبي فالربح القليل في نظرك قد يكون كثيرا بالنسبة لي.. عموما البقالات , ربحها 10%-15% من المبيعات, ولو عندك عامل شاطر يجيب لك خضار يومي من السوق, بيرتفع ربحك بالتأكيد .. أول ماتستاجر المحل, بالطبع أول مرة أنت بتعبيه, بتروح مستودع ثقة , وبتأخذ من عنده تقريبا 30 الف بضاعة, وبالأيام تكسب ثقة المستودع ويصير ينزل عندك بالآجل, والمندوبين نفس الكلام.. شركة المراعي ونادك عطهم صورة من ايجار المحل وينزلون عندك ثلاجة وبيع بالآجل, البيبسي لازم تشتري خمسين كرتون من عندهم عشان ينزلون عندك ثلاجة.. ونصيحة لاتكثر ثلاجات عندك, تطلع حرارة وتعدم عليك البضاعة. الربح اللي ذكرته في آخر رد لك ممتاز, واذا شغلت التوصيل عندك بيزيد, والله يوفقك. ...... مرر: بقالتي فتحتين (9*8) .. ما أقدر أفتي لك:d بس الايجار طيب, خل نص فتحة (4*4) خضار وتقدر تأجرها على يماني أو بنقالي بالسنة بمبلغ طيب, لازم لك المخبز, عدد العمال قليل. واحد كاشير, وواحد مساعد (يجيب الأغراض للزباين) وواحد للخضار, وواحد مخبز (يبيله اثنين ترى), وخل حارس العمارة يوصل طلبات عطه بالشهر 500 ريال. طبعا لو افترضنا أنهم كلهم يداومون دوام كامل (الفجر -12 ليل) والا دبل عدد الموظفين .السعوديين كم بتعطيهم رواتب؟ ................... الملحمة شغلتها شغلة, وتخيس المحل, لاتحطها .. نصيحة ...... [/align] |
^^
يعطيك العافية يبو عابد بالنسبة للملحمة اقد اسوي قسم في السوبر في المقدمة ويكون مستقل ونجيب لحم حاشي ولا يقولون الحاشي نشاط مستقل ؟ |
أسأل الله أن يبارك في تجاراتكم ويعينكم
بالنسبة للوحة أحد الزملاء عنده نشاط آخر ولكن فاللوحة ركبتها الشركة له مجاناً. وزميل آخر لديه بقالة في محطة والنظام عندنا بالرياض جميع المحلات تغلق س12 ماعدا بعض المحلات كالمطاعم والصيدليات ، فصاحبنا يفتح محله إلى س1:30 (( يقول في ساعة ونصف أطلع نفس أرباح اليوم كامل )) لأن كل السواق اللي حولك مقفله. - عندما تكون اسواقك متوفر فيها جميع أو غالب إحتياجات الزبائن هذه بحد ذاتها عملية جذب للزبون بإستمرار ولو كان بالقرب منه اسواق غيرك. - الزبائن دائماً يفضلون غنهاء أغراضهم بسرعة من (توفيرها من الرفوف ومن محاسبته ومن إيصالها للسيارة) فاحرص على هذه المور. |
| الساعة الآن 03:27 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين