|
معاناة المرضى النفسيين...
أنا مريض والظاهر فيه ناس لا يقدرو معنى الخوف الإجتماعي والوسواس القهري وهناك ناس في المجتمع السعودي همج أسأل الله أن يعاقبهم في الدنيا والآخرة هذولا الناس يقسون على المرضى النفسيين في الشوارع والأسواق والأماكن العامة والآخرون يهربون وكأننا مسلحين ونريد قتلهم هم وأولادهم ونساؤهم والشيء الثاني هل حنا الرهابيين نخوف الأطفال الصغار؟ أنا ما أعتقد هذا بالعكس الأطفال إذا شافوني مايخافون مع ليش أنا منقهر ومنحرق والأمر الآخر ليه الطب النفسي في المملكة متدني ياناس ياعالم حنا مرضى نفسيين نبي خدمات طبية مناسبة والشيء الثاني ليه بعض الدكاترة النفسيين يتفلسف علينا إذا كان ورع بالشارع لابس جنز طيحني وقد لا يعرف وشو الطب النفسي تجده غير رهابي وطبيعي وكذلك بدوي في الصحراء تجده طبيعي ومن المتوقع أيضاً أنه مايعرف الطب النفسي هذا دليل أنه الدكاترة مايدرون وش الطبخة ولا يعرفون يعالجون المضرى النفسيين اللي منهم انتحر واللي منهم خسر أموال في سبيل صحته النفسية إلا من رحم الله أنا أتكلم من حرقة وقهر وأقول لوزير الصحة إلى المتى السرر بالواسطة وإلى متى تأخر المواعيد وإلى متى الذل والترجي أمام الأطباء وإلى متى ... إلخ وحسبي الله ونعم الوكيل.
اخواني أريد إجابات لاسئلتي هذه: 1- هل مريض الرهاب الاجتماعي التي تصدر منه حركات مخيفة للاطفال هل يجب حجره طبياً مع العلم أنه إنسان طبيعي 100% ولكن الأفكار السلبية سيطرت عليه أم نمنع الناس أنا يخرجون اطفالهم من المنزل مع العلم انا مريض الرهاب الاجتماعي والوسواس القهري إذا تم حجره طبياً ستزود حالته وقد ينتحر في المحجر فما هو ردكم؟ 2- لماذا هناك ضعف في الطب النفسي في المملكة وأكبر دليل مسلسل الإنتحارات في المملكة؟ 3- لماذا لا تكون هناك هيئة تسمى هيئة مكافحة الإنتحار تعمل على توعية الناس وإحتواء المرضى النفسيين ومن يعانون من ضغوط الحياة المتفرقة؟ |
مرحبا اخي
شافاك الله وعافاك اخي اعراض الرهاب الاجتماعي على الشخص المصاب تبدو واضحه كثيرا للكبار ولا اعلم حقيقة كيف يمكن ان تخيف الاطفال ! وبالنسبه للأجابه على اسئلتك الاكيد انه لايستوجب ذلك وهو ليس حلا ! هو مرض جميعنا معرضون له ! اخي مجتمعنا ينقصه الوعي و ينقصنا التقدير للشخوص بغض النظر عن كيفية رؤيتنا لهم ! وهناك فئات مختلفه من المرضى لدينا حكم عليهم بالموت بلا ذنب ...! كمرضى الايدز ! وكل ذلك لنقص الوعي ! اما بالنسبه للجهات المسؤوله فلا حياة لمن تنادي كان الله في عونك اخي اخي لا تيأس ولا تستسلم فالحياة إما مغامرة جريئة أو لا شيء ....! و تقبل نفسك على ما هي و حاول أن تبتسم في كل المواقف وان حصل لك موقف محرج مع طفل لا تخجل منه و تقوم بـ مداراته بل على العكس أبرزه و اضحك منه و خذه من باب الدعابة و أعطي الناس الفرصة أن تبتسم لهذا الموقف ...! كتاب انصحك بقراءته : أيقظ قواك الخفية ( راااائع جدا ) بالتوفيق |
اقتباس:
|
أقسم بالله اقولها لك وان متأكد الشعب السعودي كله مريض نفسي عن بكرة ابيه هذول يعيشون بشكل طبيعي إذا رجعوا خمسمية سنه وراء
عندك انا اللي أكتب لك عني وسواس قهري بس أتوقع من كثرة السفر لأني أدرس برى منطقتي أنتف في شعر الدقن اللي عند الرقبه بس الحمدالله خفيف مو حاله مترديه ولا نطيحه مدري وش جاب ذي الحاصل اني رحت للصيدليه وشريت علاج اسمه فافرين على ما أذكر قبل شهر بسعر 82 ريال أكلت منه اربع حبات لمدة أربعة ايام بعدين وانا ماشي بالسياره طشيته حبه حبه وأستغفرت الله وقررت بالعزيمه أني اترك العلاج بالدواء والحمدالله حالتي كويسه وأما من ناحية تردي الخدمات الصحيه هم يبيلهم علاج الربيع العربي وصدقني أفضل علاج وقت العصر إذا كنت فاضي روح أمسك لك طريق وأمش بشرط يكون بعيد عن الناس ولا اذا عندك أستراحه ضيع وقتك فيها وصدقني راح ترتاح |
وحبيت أقولك فيه كتاب جداً جداً ممتاز
أسمه دع القلق وأبدأ الحياه لديل كارنيجي متوفر بصيغة Pdf على النت وأتمنى أنك تبدا من نفسك وصدقني راح تتغير |
على حسب معلوماتي الي عندك مو مرض خطير مثل ما انت متصوره الي عندك يسمونه اضطراب نفسي الي منه القلق ويسمى الخوف الاجتماعي ونوبات الهلع والوسواس القهري لكن طبيعة الامراض هذي تخليك تعطي المواضيع اكبر من حجمها هي طبيعه النوع هذا من المرض كذا طريقتها. والشي الثاني هذي تعتبر من اسهل الامراض او الاضطرابات النفسيه في الطب النفسي وثالثا مين قالك مافيه لها علاج ؟فيه واحد من الموظفين عندنا الله يذكره بالخير كان يعاني من نفس الشي الي عندك وعلى حسب كلامه راح لدكتور اسمه طارق الحبيب ولمدة سته او سبع شهور الخطا من عندي اذكره تزوج وعايش حياته ومو كذا وبس مره من المرات قابلته بالمطار باسبانيا معاه زوجته وكان بشهر العسل على حسب كلامه اسمع وانا اخوك لاتقنط من رحمه الله ورح للدكتور وصدقني بتلاقي حل وكل داء وله دواء ثق تماما اي مرض نزل بالدنيا لازم نزل معاه علاج له ولو تبيني اتصل فيه واساله ايش عمل اتصلت فيه
|
والله ونا أخوك المجتمع بشكل عام تعود على كل شي جاهز
راتب بلاش زايد طعام جاهز زايد نوم بلاقعده الخ ويتوقعون ان اغلب الشعب اذا لبسو ثوب صارو نفس بعض بكل شي هذا يدل على تدني ثقافة انا أشوف انك مافيك شي ماشاء الله كلامك مرتب وموزن كأنه قصيده لاتعطيهم وجه خل عندك كبرياء انك أحسن منهم من ناحية وزارة الصحه حدث ولا حرج ماخربها الا العقود والتعثر والمناقصات الفاسده الخ انا أشوف انك تتجه الى الله كامل أتجاهك وأكرمكم عند الله أتقاكم انا أعرف واحد عندنا بالحاره أصم أبكم والله ان مشهور بالفرفشه بلغة الاشاره تجلس معه ماتمل ويعلب مع الشباب ويشتغل ومستانس ولاهو معطي أحد وجه على العموم .. خلك معنا بالمنتدى تفيدنا ونستفيد منك |
أخي أحمد الله و اشكره ..انت بصحة جيدة ..
عاشرت مرضى نفسيين مايعرفوا نفسهم ولا أهاليهم و أقرب الناس لهم .. وكنت معاهم خطوة خطوة بالعلاج والحمدلله بفضل الله أولا و أخيرا تعافوا ... ومنهم من انتكست حالته بسبب زوجته وأولاده ولكن مااقول غير حسبي الله ونعم الوكيل الله ياخذ حقه منهم ويوريهم ضعف اللي عاشه بسببهم < محروق قلبها مشكلة مجتمعنا مع احترامي متخلف ..! يعاملوا المرضى النفسيين بشكل سيء جدا ويربطون مرضهم بعلاقة الشخص بربه ..! المرض النفسي زيه زي غيره من الأمراض الأخرى سكر ضغط قلب اي شي ..و الله إذا أحب عبد ابتلاه و أسأل الله ان تكون كفارة للذنوب ورفعة في الجنة .. أخي اذا كنت موقن بأنك تعاني من عارض نفسي لا تهمل نفسك و اتجه للعلاج فورا .. طبعا أولا و أخيرا توكل ع الله وحده لاشريك له وقوي صلتك به فلا غنى لنا عن الخالق الشافي المعافي .. و اتجه للعلاج الطبي بإشراف طبيب مختص ..لا تتناول أي أدوية دون الرجوع للطبيب خاااصة أدوية الأمراض النفسية أي إخلال فيها نقص أو زيادة أو لخبطة ممكن تسوء الحالة لا قدر الله .. البيئة والناس اللي حولك ..حاول تبتعد عن الناس المحبطة المثبطة اليائسة المتشائمة أو الحاسدة و الحاقدة واللي يتفلسفوا بدون فايدة ولا خلفية صحيحة.. اختلط بالناس المتفائلة واللي تعينك ع الخروج من حالتك وتعطيك الأمل والدافع لمواصلة العلاج و غير جو بين فترة و اخرى لازم تكون كل ثقة ويقين بأن الله سيشفيك واحتسب الأجر في كل خطوة .. قلبي معاكم وحاسة بمعاناة المرضى النفسيين .. أسأل الله العلي العظيم رب العرش العظيم أن يرفع عن كل مريض ومبتلا ماابتلاه ويصبر قلبه ويكتب أجره ويرفع قدره و يهون عليه كربه ويفرجه .. و أتمنى فعلا الاهتمام بهذه الفئة من الجهات المعنية و أتمنى يتطور مجتمعنا ويرتقي فكريا وتربويا ويعرفوا كيف يتعاملوا مع بعض ..كلنا معرضين للأمراض و المصائب ولك شي مقدر ومكتوب .. خذ الأمور بهدوء وبساطة وحسن تقدير و افترض حسن الظن دائما كن متفائل و تأكد ان كل شي مكتوب ومقدر و كلام الأخوة اللي قبل جميل ومفيد.. اعتذر عالاطالة ولكن هذا غيض من فيض من اللي شفته وسمعته و انقهرت عليه لكن الله موجود ..مايضيع عباده .. |
جزاكم الله خير جميعاً والله يوفقنا والجميع لكل خير
|
يااخوي لاتستلم لالمرض ولالافعال الناس اللي تخجل مع المريض النفسي ولاالله سبحانه يرضي عليهاهالافعال من السخريه والاستهتاربالمريض شوف بقولك من عز روحه وجدها وبقولك شي احناواحدقريبنامريض نفسي وعنده رهاب واذا سمع بطاري اخوه شردلان اخوه مره قاسي وعقده وكرهه بنفسه وصارمعتزل الناس نترجاه بالقوه يجي للعيد ولزيارتنا وتصدق لمامايجي نفقده ونبكي على حاله لانه قبل يمرض كان ارحم الخلق باامه واخوانه لكن فيه اخوان مايعرفون يرحمون اخوانهم ويتبعون المظاهروالثراء ويتناسون اخوهم بس ربي عوضه بزوجه متفهمه وصابره وعيال بارين تصدق لمايشوفون احديضحك على ابوهم يروحون يسلمون على رجله ويدعون له يارب تخليلناابونامن جدلماشفت اولاده حسيت بفرحه كبيره لان ربي عوضه وصار موبحاجه لاحدعالمه كله اولاده وتصدق انه احب الناس لناواحسن من اخوانه المتعافين مع انه مايملك ولاشي الاطيبه قلبه وتعامله الطيب معانا من يوم كنا صغاروالفرق بينا وبين الناس اللي قرايبنا انه اهلي ربونا عالرحمه والعطف وشي اسمه سخريه مانعرفه وعلمونا نساعدقريبنا هذا اللي اصلا يجوز نكشف عليه لانه مره قريب مننا الله يعافيه ويشافي ابوي
|
| الساعة الآن 08:02 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين