صيت الرجال الوافيه بأفعالها .. ولا الرخوم ينبيك عنها : قل نفعتها وشين نفوسها
تقدم الدنيا لنا درس جديد بكل يوم والناس تسلم من غثا الدنيا بحفظ دروسها !! وعلى حسب حفظ المواجيب وتعاليم السلوم نعرف مقاسات البشر بالمرجله ونقوسها صيت الرجال الوافيه بأفعالها .. ولا الرخوم ينبيك عنها : قل نفعتها وشين نفوسها تطرد ورى الدنيا وتكشخ بالمواتر والهدوم مثل ( الحريم ) أغلب دراهمها على ملبوسها والإمعه والشايب الكذاب وضعيف العزوم ناس مع العالم بلا هيبه تدربي روسها !! والبخل : خلانه بهايم !! لا تسام ولا تسوم لا شفتها ترفع يدك حمد وشكر وتبوسها على الصحن هم أول الجلاس وآخر من يقوم يعيفك حلو الاكل والشرب طول جلوسها ماهيب لللازم سند ولا ذخر عند اللزوم تموت ماسرك مهايطها وكثر فلوسها وسوالف الخبلان .. رفعة ضغط وصداع وهموم فلاوة تخطف علوم العرب وتحوسها واجب عليك إليا حكت عن جملة حكاها تشوم الهند ما يرأس حكومتها سوى هندوسها وربع المصالح والمجامل خوة ماهيب دوم اقولها والتجربه قطع وريدي موسها وقت الرخا .. مثل الصقور اللي على المرقب تحوم في يذري ساقك الرمضا وحر شموسها وإليا احتمت صكات بقعا وامست علومك علوم اتلوي خششها وتجحد خوتك وتدوسها من عقب ما انت الطيب وقدرك معزز ومحشوم تصير اردى ما خلق ربي ودم ضروسها أبعد عن الأشكال ذي .. بعد الثرى عن النجوم وش حاجتك في قرب رديان العرب ونجوسها ماهوب عيب إليا عزموك تقول يالربع .. معزوم ! العيب : لارحت لعزايمها وجيت عروسها وخلك فطين تعلمك دنياك درس بكل يوم والرجل يسلم من غثا الدنيا بحفظ دروسها !! وسلامتكم الشاعر محمد جار الله السهلي |
جميلة جداً وتحكي الواقع بتجرد ,, صح لسانك ولسان قايلها
الله يعطيك العافية .. |
صيت الرجال الوافيه بأفعالها .. ولا الرخوم
ينبيك عنها : قل نفعتها وشين نفوسها تطرد ورى الدنيا وتكشخ بالمواتر والهدوم مثل ( الحريم ) أغلب دراهمها على ملبوسها والإمعه والشايب الكذاب وضعيف العزوم ناس مع العالم بلا هيبه تدربي روسها !! والبخل : خلانه بهايم !! لا تسام ولا تسوم لا شفتها ترفع يدك حمد وشكر وتبوسها على الصحن هم أول الجلاس وآخر من يقوم يعيفك حلو الاكل والشرب طول جلوسها سلمت يداك مبرمج زمانه طرح مميز انتقاء اكثر من رائع هذا واقعنا المرير يعطيك العافيه بنظار جديدك |
صح لسان الشاعر ..
كلمات من جد ابدااااااااااااااااااااااع والحياة فعلاً مدرسة كل يوم تتكشف لون جديد ^^ |
صح لسانك ولسان شاعرها
لاهنت |
يالبى هالشاعر ولبى قصيده
تروق لي ابياته كثير ا وابدع بهالنص مبرمج ذاائقه تميزت باختيار ماهو راائع دوماً صح السان شاعرها والسانك مبرمج وتسلم ع هالطرح لاهنت |
ماهوب عيب إليا عزموك تقول يالربع .. معزوم !
العيب : لارحت لعزايمها وجيت عروسها وخلك فطين تعلمك دنياك درس بكل يوم والرجل يسلم من غثا الدنيا بحفظ دروسها !! انا اشهد ان القصيده وافيه واللي نقلها وافي صح لسان الشاعر وناقلها سلمت يمناك يامبرمج والله يعطيك العافيه قصيده مطنووووووووووخه بالفعل |
شرفني مروركم جميعا
وصحت ابدانكم وسلمت يمينكم على التعليقات والله يعطيكم العافيه تحياتي |
][..لاهـــنــــت ..خـ.ــيوٍوٍ...مبرٍمج ....آخــتـ..ــيآرٍرٍ...موٍفـ..ــق ..وٍطـــ...ـرٍح ..جـمــ..ــيــل ..][.
|
صح لسانك ولسان شاعرها
لاتحرمنا من جديدك لاهنت |
الساعة الآن 03:06 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين