حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   الشعر والنثر (https://www.btalah.com/f28.html)
-   -   قصيدة المشاعر والاحساس للشاعر خالد البقمي ..................... (https://www.btalah.com/t48024.html)

الفله 09-05-2008 03:44 AM

قصيدة المشاعر والاحساس للشاعر خالد البقمي .....................
 
بسم الله الرحمن الرحيم

يا جماعة الخير قصيده مرت علي وقرأتها واعجبتني لأن فيها من المشاعر والابداع الشئ الكثير وقلت انقلها لكم وانتظر فيها رأيكم وانتم الحكام ,, اترككم مع القصيده :


هلا بالخاطر اللي من عبيره عطّر الوجدان
سرى بالشوق لآخر ذوق. واعطى النبض ديمومه
هلا بالطاري اللي لا رمى طيفه على الأذهان
كسبه الانتباه.. وكل غفله منه محرومه
هلا باللحظه اللي ما طمع في عرضها النسيان
عليها تنحني الذكرى. وفوق الصدر مضمومه
هلا بالدمعه اللي ما تشك بصدقها الاحزان
بعيد الشك عنها بعد جفن العين عن نومه
هلا بالضحكه اللي جت تشيل اللون والمرجان
هدية غبةٍ في خاتم سليمان مختومه
هلا بالبسمه اللي عيّدت بالورد والألوان
صباح الخير قل للطير لا غنَّى وش علومه
هلا بالنسمه اللي عصر تكشف رقّة الأغصان
بظل الغيمه اللي في ضما الوديان معزومه
هلا بالخصله اللي غار منها ليلك الفتان
جرحنا الصبح. والا الليل أثر جرحه من انجومه
هلا بالنظره اللي كلها غربه وفيها أوطان
هدبها فيه منفا للشقي عن جملة اهمومه
هلا بالنبره اللي بانكسارتها صدى الحرمان
وسبحتها الجروح اللي بسلك الحزن منظومه
هلا باللي عليه أبدي الجوا واخفي السلوان
واقول النفس مظلومه وهي ماهيب مظلومه
هلا باللي فداني بالحياه وفرصة الإنسان
يبي يومه قبل يومي. عسى يومي قبل يومه


ــــــــــــــــــــــــــــــــــــــــــ

ابوترمس يوجد حرف (هاء ) كثير هنا يعني ما راح تتعب في الحصول على حرف الهاء

هههههههههههههههههه

وش رايك ؟؟؟؟؟؟؟؟؟ ابو ترمس

راعي الجوف 09-05-2008 09:53 AM

والله الضاهر ابو ترمس غايب رايح للشيوخ ويجي لكن اقول والله القصيده رائعه

الله يعطيك العافيه

زيدان 09-05-2008 03:46 PM

يعطيك العافيه يالفله ..

ابيات رائعه وابو ترمس مابيتعب في حرف الهاء بالفعل ههه..

الفله 10-05-2008 03:56 AM

اقتباس:

المشاركة الأصلية كتبت بواسطة راعي الجوف (المشاركة 587216)
والله الضاهر ابو ترمس غايب رايح للشيوخ ويجي لكن اقول والله القصيده رائعه

الله يعطيك العافيه

الله يعافيك

ويسلموووووو على المرور يا عسسسسسسسسسسل

الفله 10-05-2008 03:58 AM

اقتباس:

المشاركة الأصلية كتبت بواسطة زيدان (المشاركة 587454)
يعطيك العافيه يالفله ..

ابيات رائعه وابو ترمس مابيتعب في حرف الهاء بالفعل ههه..

الله يعافيك

واكيد ابو ترمس مابيتعب نسخ لصق للمساجلات لأنه يشتكي دوم من حرف الهاء :yaa:

الله يوفقكم جميعا

ولا هنت على المرور ياسُكّر

سحر العيون 10-05-2008 02:03 PM

الله يعطيك العافية

الفله 12-05-2008 01:30 AM

اقتباس:

المشاركة الأصلية كتبت بواسطة سحر العيون (المشاركة 588821)
الله يعطيك العافية

الله يعافي قلبك
يسلمووو على المرور الكريم

Mr.RęLǻҗ 12-05-2008 03:41 AM

صح لسان الشاعر وتسلم يمناك على النقل والأختيار الرااائع ،، لاعدمنااااك ،،


الساعة الآن 04:51 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين