حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   حافز إستفسارات ونقاشات (https://www.btalah.com/f64.html)
-   -   بالصور كيفية الدخول على التدريب الألكتروني في حافز + إستفسارات التدريب.. (https://www.btalah.com/t559454.html)

BOO7 02-03-2014 06:30 AM

بالصور كيفية الدخول على التدريب الألكتروني في حافز + إستفسارات التدريب..
 
السلام عليكم ورحمة الله وبركاته
حبيت أسوي هذا الموضوع للضجة اللي صارت بخصوص التدريب الألكتروني
الموضوع ومافيه التدريب شيء مهم وأساسي لكنه سهل وتافهه ونفس موال عام 33 للي جاهم تدريب
طبعا حضور التدريب مهم جدا عشان مايخصمون عليك 400 ريال وماهي 200
ال200 هي عدم التحديث خلال 7 أيام أما التدريب أذكر ناس خصمو عليهم 400 ريال
بالموضوع هذا راح أوضح طريقة التدريب
أول شيء الرسائل اللي جات الناس كلها
مضمونها
إن كنت مؤهلاً للإعانة , ننصحك بإكمال المواد المقررة أسبوعياً
خلال فترة الإطلاق التجريبي لتفادي تخفيض إعانتك مستقبلاً

..
طيب كيف أعرف أن أنا عندي تدريب ولازم أحضره عشان مايخصمون علي !
تابعوني بالصور
http://im46.gulfup.com/iov80.png


http://im46.gulfup.com/up9fT.png


http://im46.gulfup.com/h4Mdu.png


http://im46.gulfup.com/6WyNM.png



^
اذا طلع كذا معناته أن هالشهر مافيه تدريب ولو نجرب من كذا متصفح لا بنق ولاغيره مافيه تدريب هالشهر
بس نتابع كل مره وكل شهر وكل بعد يومين يمكن يطري عليهم ويضيفون لنا جدول شهري فيه تدريبات ويمكن مايجي تدريب مثل حافز الأول ناس جاهم تدريب وناس ماجاهم بس لازم المتابعه


طيب نجي لشخص آخر

نفس الخطوات نتابع لكن شوفوا بعد مانضغط على خانة التدريب وش يطلع ؟
http://im85.gulfup.com/EQtg0.png


ونتابع التدريب ونحضره طبعا مافيه أسهل منه مدعوم بالصوت والصورة
وعشان نشوف مواعيد التدريب اللي عندنا الشهر هذا نضغط هنا
http://im55.gulfup.com/LCW2Z.png

الصورة اللي فوق توضح التدريبات اللي عندك خلال هذا الشهر مو معانته ان التدريبات هذه وبس
لا فيه تدريبات جديدة الشهر اللي بعده واللي بعده واللي بعده بس هو ينزل شهرياً

فيه نقطة مهمة حابه أوضحها للناس اللي تدخل لكذا شخص من مكان واحد أحيانا ندخل من متصفح
ونسوي تسجيل خروج والموقع يعلق وندخل مره ثانيه نلقاه ماطلع من الشخص الأول
ونرجع ندخل بسجل مدني لشخص جديد والتدريب يطيرنا على آخر صفحة يعني على الأسئلة
المهم في الموضوع أن دخلنا اي تدريب لازم ننتبه أننا في أول خطوة ولو ماعرفنا نختار
من هنا [ البداية ]
إليكم الصورة
http://im60.gulfup.com/AxAJ9.png


ولازم يتأكد اي شخص عنده تدريب أنه جاء قدام التدريب كلمة [ أكتمل ] زي مافي الصورة فوق
لأن مثل ماقلت لكم أحيانا يطيرنا على آخر صفحة وآخر سؤال ونطلع ونحسبه أكتمل وهو لا
أكلت مقلب في وحده وجاني كذا
http://im44.gulfup.com/YnslS.png


رغم أني حاضره وحليت يمكن بس سؤالين وقال أنتهت وعطاني الأستبانه حقت موافق وموافق وبشدة ومدري كيف
المهم تأكدوا أكثر من مره أضغطوا على خانة [ الجدول الشهري ] وتأكدوا أن أكتمل ..

وفيه شيء أخير حبيت أوضحه مدري هو صح أولا
شكلهم بدو يحسبون علينا التحديث الأسبوعي أقصد في كلامي يحسبونه على حافز صعوبة الحصول على عمل
حافز الجديد رقم 2 .. لأن أول ماكان يعطي تاريخ آخر دخول الحين شوفوا
http://im50.gulfup.com/R7YPX.png

يعني الله الله في الحضور في التدريب والتشيك بشكل شبه يومي
هل أضيف تدريب أو لا .. والحضور دائم لأن الموقع معلق الله أعلم كيف يحسب الحضور لنا
والتأكد أنكم تممتوا الحضور . . ومتصفح بنق اللي سألوني عنه انا مااعرفه لكن يمكن يكون سريع
ويمكن يكون سهل مادري واللي مامشى معه الحال وهو عنده تدريب في انترنت أكسبلور يجرب
فايفرفوكس أو قوقل كروم .. أنا متصفحي قوقل كروم والحمدلله ماشيه الأمور وسهل وخفيف
وسامحوني على الكلام الكثير بس حبيت أوضح التدريب للناس اللي سألتني وللعامة ..
واللهم صل وسلم على نبينا محمد ..
فمان الله

هلاالي ذووق 02-03-2014 06:34 AM

يعطييك العافيه اخت ترف

بس قبل شوي جاتني رساله من حافز تأكد حالة الاهليه
ودخلت لقيت حالة الاهليه لصعوبة البحث عن العمل
كالتالي ( مؤهل للبحث عن عمل )

هل تنزل الاعانه 1500 ولا لا؟؟

ارجو الرد اختي لاهنتي !

BOO7 02-03-2014 06:40 AM

لصعوبة البحث عن العمل

فيه البحث عن عمل
وصعوبة الحصول عن عمل


؟؟


شوف الصورة
http://im86.gulfup.com/skpUY.png

هلاالي ذووق 02-03-2014 06:41 AM

اقصد صعوبة الحصول على العمل

صريحة 02-03-2014 06:41 AM

اقتباس:

المشاركة الأصلية كتبت بواسطة هلاالي ذووق (المشاركة 7960912)
يعطييك العافيه اخت ترف

بس قبل شوي جاتني رساله من حافز تأكد حالة الاهليه
ودخلت لقيت حالة الاهليه لصعوبة البحث عن العمل
كالتالي ( مؤهل للبحث عن عمل )

هل تنزل الاعانه 1500 ولا لا؟؟

ارجو الرد اختي لاهنتي !

بجاوب عن ترف

حافز صعوبه البحث عن عمل لسى محد تأهل الى الان

مكتوب عندك مؤهل للعمل وليس الاعانه

BOO7 02-03-2014 06:43 AM

لا هذه الأهليه للحين ماطلعت صعوبة الحصول على عمل
ولو طلعت بتكون ..
مدتها عام واحد فقط والمجموع [ 15 ] ألف ريال
موزعه كالتالي :
الأربعه الشهور الأولى 1500 = 1500 ×4 شهور = 6000
الأربعة الشهور الثانية 1250 1250× 4 شهور = 5000
الأربعة الشهور الأخيرة 1000 ريال 1000 × 4 شهور = 4000

صريحة 02-03-2014 06:43 AM

ماشاءالله موضوع كاامل ومفصل

مشكووره ترف... الله يسعد قلبك

BOO7 02-03-2014 06:44 AM

اقتباس:

المشاركة الأصلية كتبت بواسطة صريحة (المشاركة 7960921)
ماشاءالله موضوع كاامل ومفصل

مشكووره ترف... الله يسعد قلبك

العفو اللهم امين ويسعدك يالغالية :h

هلاالي ذووق 02-03-2014 06:44 AM

الغريب انه جاني مؤهل للبحث عمل عمل
بصورها وادرجها هنا وشوفيها اختي

http://www.up-00.com/Vb54HBQt

هلاالي ذووق 02-03-2014 06:46 AM

يعطيكم العافيه اخواتي ترف وصريحه وفي ميزان حسناتكم ان شاء الله

المعذره ع الازعاج


الساعة الآن 01:43 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين