حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج وظائف القطاع الخاص (https://www.btalah.com/f3.html)
-   -   شركة الفرسان للسفر والسياحة .... بلييييز ؟؟؟ (https://www.btalah.com/t289442.html)

رورو بال 21-03-2011 07:30 PM

شركة الفرسان للسفر والسياحة .... بلييييز ؟؟؟
 
السلام عليكـــم ...
اليوم اتصلو علي شركة الفرسان للسفر والسياحة وحددولي موعد للمقابلة يوم الاربعاء؟؟
بس حبيت أسال اذا في احد يعرف مكانهم الضبط وين اللي اتصلت علي قالت قريب من مستشفى الحبيب وبرج أبيض اسمه فرسان بلازا ...
بس اذا في احد عنده توضيح اكثر بالنسبة للمكان ياااااااريت مايقصر الله يخليكم ..
او عندكم معلومات عن الشركة وكيف تكون طبيعة المقابلة

وجزاكم اللله خير

فيصل آلرياض 21-03-2011 08:26 PM

نفسك بالظبط اتصل علي اليوم شخص جنسيته هندي وقالي تعال سوي المقابله اليوم فأجلتها لغداً كان الوقت متأخر الساعة 11 الصباح وما كنت محضر نفسي جيد إلا للنوم هههه, عموماً أنا رايح غداً إن شاء الله للمقابلة وبأذن الله أزودك بالتفاصيل.

مشتاق لك 21-03-2011 08:34 PM

الله يوفقكم ويسهل اموركم

رورو بال 21-03-2011 08:38 PM

أخ فيصل ... الله يسهلك ويوفقك ان شالله
انتظر ردك بكرة ايش صار معك .. بس انت عرفت وين مكانهم بالضبط ياريت تقولي
ولا مركز الرجال يختلف عن النساء

مشتاق لك .. الله يوفقنا جميعا يارب

فيصل آلرياض 21-03-2011 08:40 PM

^

امين يارب .. ومن يقول يا أخوي ..

رورو بعد بحث وتمحيص بقوقل طلعت بمعلومات يمكن تفيدك ..
اقتباس:

السـلام وعليكم ورحمة الله وبركـآته

اخواني كيف حالكم اخواني الاعزاء .

من باب التعـآون

اليوم اتصلوا فيني شركة كبيره ومحترمه بخصوص وظيفه وقالي محتاجين موظفين شباب سعودي

الشركة هي شركة فرسان للسيـآحه ,

اهم شي ثانوية عامه وفوق . ورواتب مجزيه خصوصا اللي الانجلش جيد وفوق معاه .

من الـ 3 الاف وفوق .

رقمهم المبـآشر : 2168081

افضل وقت للاتصــال / من 9 ونص صباحا الى 4 العصر

هذا بالـ HR

شئون الموظفين اسمه عثمان اجنبي

على طول يقول معك ثانوية تعال ولاتشيل هم الراتب ان شاء الله بيرضيك .

قالي تعال باواراقك على طول .

المهم اللي يبي الوظيفه وجاد لايتصل يروحلهم موقعهم طريق الملك فهد شمال يجيك مستشفى الحبيب وجنبه بنك البحرين معروف هناك . لاوصلت تشوف شركة فرسان للسياحه شركة كبيره ومحترمه

ادخل ومعك السيره الذاتيه وصور مؤهلاتك واطلب عثمان بشئون الموظفين .

على فكرة ماحدد وش الوظيفه هذا دليل انه اكثر من وظيفه شاغره .

ربي يوفقكم واللي يتوظف لاينساني

وأبحث بقوقل راح تطلع لك معلومات كثير .. والأمور إن شاء الله طيبه

فيصل آلرياض 21-03-2011 08:43 PM

المعذره يا أختي أفتكرت انك رجل , أيوه عرفت موقعهم واضح جداً على طريق الملك فهد. أما بخصوص فرع النساء ماعندي أي خلفية للأسف لكن ولا يهمك غداً بسأل المسؤول عثمان عن أستفسارك وأزودك بالمعلومات.

رورو بال 21-03-2011 08:59 PM

يعطيك الف عافيه
والله يقدملك اللي فيه الخير
انا بعد نفس الموقع ببرج فرسان بلازا ... بس أنا كنت حاب استفسر اكثر عن الموقع
مااقصرت

رورو بال 22-03-2011 04:20 PM

يا أخ فيصل .. بشر ان شالله رحت المقابلة
ياريت تقولنا وش صار معك وكيف كانت طبيعة المقابلة

الإقتصادية 22-03-2011 04:29 PM

الله يوفقكم يااارب والشركة معروفة جداا ولهاا سمعتهاا ,, اختي رورو بعد اذنك كيف قدمتي عليهم وايش مؤهلاتك ؟ تبع الموارد البشرية ولا مالهم علاقة !!

رورو بال 22-03-2011 04:43 PM

أجمعين ياارب
انا قدمت عن طريق الايميل .. من اسبوع ارسلت السي في لايميلهم الخاص بالشركة
وكلمتني أمس وحدة وقالتلي عندك مقايلة
مؤهلاتي .. بكالوريوس انجليزي وعندي خلفية كويسة على الكمبيوتر
وهي ماحددت لي نوع الوظيفة


الساعة الآن 12:13 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين