حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   إستفسارات ونتائج الوظائف العسكرية (https://www.btalah.com/f42.html)
-   -   معلومات كاملة عن الدورات العسكرية (https://www.btalah.com/t341997.html)

عيون عاطل 03-08-2011 01:01 AM

معلومات كاملة عن الدورات العسكرية
 
بسم الله الرحمن الرحيم

السلاام عليكم ورحمت الله وبركاتة

شباب يمكن ماتصدقون
لكن هذا الي صااار

انا دخلت دورة الامن العام في مدينة التدريب برياض
عام 1428 وهربت من ثاني يوم
وانقهرت بعد ماهربت حطو الوم علي اهلي واصحابي وفي عام 1430 رحت وسجلت مرة ثانية ودخلت الدورة
في نفس القطاع الامن العام برياض
وهربت المرة الثانية بثاني يوم

وكانت الصدمة الكبرى لي ولااهلي ولااصدقائي

بعدها طفشت حييييييل اني ضيعت فرصتين مع اني اعشق العسكرية ولكن هذا حظي

توظفت في شركة بعد هروبي الثاني والحمدالله استانست حيث ان راتبها حلوووو بعد ماتوظفت بشركة بشهر فتح تسجيل في امن المنشات وسجلت وانقبلت قبول مبدائي ورحت لهم وعطوني برنت الاحول وكل شي وسويت الكشف وخلصت وقالو لي بتجيك رسالة هل اسبوع عشان اسلم الاوراق

المرررة هاذي انشالله مررراح اهرب لو اموووت عندهم






بس تدرون ليش هربت


1- ارهاق شديد وقوف بشمس مدة طويلة
2-اهانة ويعملونك كانك سجين
3-يجيك احباط شديد تتذكر اهلك واخوياك
4-تخاف تشوف الي يتصروعون قدامك ويجيك خوف
5-المكان الي تنام فية حررررر
6-والماء انس تشرب ماء باااااااارد حار لا ومو بكيفك تشرب ماء

اشياء كثيررررة

بس الاهم شباب لحد يهرررب من اي دورة عسكرية كي لتنقهررررر مثلي


وادعولي انقبل قبول نهائي في امن المنشات



واشكركم

وقت الرحيل 03-08-2011 01:03 AM

شـكرا لك وبارك الله فيك الله يجزيك خير

إبو الجازي 03-08-2011 01:05 AM

باااااااااااااااااااااااارك الله فيك

مصفاه البحر 03-08-2011 01:09 AM

ان شاء الله من المقبولين

الى متى ياوطن 03-08-2011 01:13 AM

اقتباس:

المشاركة الأصلية كتبت بواسطة عيون عاطل (المشاركة 5000423)
بسم الله الرحمن الرحيم

السلاام عليكم ورحمت الله وبركاتة

شباب يمكن ماتصدقون
لكن هذا الي صااار

انا دخلت دورة الامن العام في مدينة التدريب برياض
عام 1428 وهربت من ثاني يوم
وانقهرت بعد ماهربت حطو الوم علي اهلي واصحابي وفي عام 1430 رحت وسجلت مرة ثانية ودخلت الدورة
في نفس القطاع الامن العام برياض
وهربت المرة الثانية بثاني يوم

وكانت الصدمة الكبرى لي ولااهلي ولااصدقائي

بعدها طفشت حييييييل اني ضيعت فرصتين مع اني اعشق العسكرية ولكن هذا حظي

توظفت في شركة بعد هروبي الثاني والحمدالله استانست حيث ان راتبها حلوووو بعد ماتوظفت بشركة بشهر فتح تسجيل في امن المنشات وسجلت وانقبلت قبول مبدائي ورحت لهم وعطوني برنت الاحول وكل شي وسويت الكشف وخلصت وقالو لي بتجيك رسالة هل اسبوع عشان اسلم الاوراق

المرررة هاذي انشالله مررراح اهرب لو اموووت عندهم






بس تدرون ليش هربت


1- ارهاق شديد وقوف بشمس مدة طويلة
2-اهانة ويعملونك كانك سجين
3-يجيك احباط شديد تتذكر اهلك واخوياك
4-تخاف تشوف الي يتصروعون قدامك ويجيك خوف
5-المكان الي تنام فية حررررر
6-والماء انس تشرب ماء باااااااارد حار لا ومو بكيفك تشرب ماء

اشياء كثيررررة

بس الاهم شباب لحد يهرررب من اي دورة عسكرية كي لتنقهررررر مثلي


وادعولي انقبل قبول نهائي في امن المنشات



واشكركم

السلام عليكم ورحمة الله وبركاته

بعلق على الي بلون الاحمر والله انا ماراح
يقطع قلبي غير امي وابوي وواحد من (اخوياي:h) بس والمشكلة انه مايصبر عني وانا ما اصبر عنه اما باقي الاشياء ماعليك بتحملها لو اجلس
بالشمس 20 ساعة كلها كم شهر واطلع والله

يااخوان اني مترددمن العسكريه عشان شي واحد
الحبسه وماقدر اطلع واكلم احد احس اني لو ادخل دورة بيجني صمرقع وكأني داخل السجن

ساري أمل 03-08-2011 02:23 AM

والله اذا مامعك شهادة تحمل اسأل الله ان يعينك


ولو تقدر تكمل دراسة ابرك لك

العسكرية لاتدخلها الا بنجمة اما الشرطان ماااااااااااااااااااااااااش

وكيل رقيب صحي 03-08-2011 02:28 AM

طبيعي راح يكون فيه ارهاق اشد من ماتتصور وتصليبه بالشمس من الصباح الين اذان الظهر وبعض الاحيان يكملون التصليبه بعد صلاه الظهر تروح تتغدى وتطلع على الميدان وتصليبه الين العصر
ما ودي احبط والله وانا اخوك لكن مابيك تنصدم من الواقع وترى فيه اسوء من التصليبه والشموس فيه جزاءات صعبه وتتعب
لكن شوف اللي معاهم صاعقه او ضفادع بشريه
اقرأ عنهم وشوف مقاطع باليوتيوب عن تدريباتهم وربي تحس لتحس ان دوره الفرد الاساسي فندق 5 نجوم مقارنه بالصاعقه والفرد الاساسي
اما الاهانه فحدث ولا حرج
بالعكس الا يعاملون السجين احسن من العسكري في الدوره
لكن اذا المدربين طغو فيكم واخوياك اللي بالدوره رجال بمعنى كلمه رجال
لا تأكلون واضربو عن الاكل صدقني ليجيكم قايد المنطقه او
ركن الاستخبارات (لواء او عميد)
ويسوي لكم اللي تبون ويجيب لكم دخان وكل شئ بس انتم تاكلون
عاد واذا جاكم اطلبو اللي تبون فكل طلباتكم ملباه
الاحباط :
ياخي لاتحسبها بهذي الطريقه
الحين اهلك زعلانين لانك دخلت دوره الا بالعكس فرحانين لك ولاتفكر فيهم كثير ولا تعد الايام
خذها بروح رياضيه نام وقوم تدرب وافطر وتغدى وتعشى وارجع نام الين تخلص الـ 45 يوم
.......
واللي يتصروعون الله يشفيهم بس ترى التصروع هذا سلاح
دورتي اكثر الشباب كانو يتصروعون كذب عشان يطلعون للمستشفى وهم راجعين يجيبون دخان
............
المكان اللي تنام فيه تبيهم يجيبون لك مكيف اسبيلت ولا شباك ؟
احمد ربك اصلا انهم يخلونك تنام
انا مرت علي ايام بالدوره انام الساعه 1 بالليل ويصحوني الساعه 3
طبعا لاني مبزوط وكنت عايش واضحك ومبسوط مشي حالك هي فتره وتعدي
والماء عادي اشرب اللي تلقاه قدامك ترى كلها ثلاث شهور وتعدي
واذا طلعت خميس وجمعه اشرب وايت مويه بارد

ونصيحه نصيحه نصيحه
لاتكون نظامي في الدوره عشان لاتنقهر بأخر الدوره
بزوط وفلها وعيش يومك واذا جنبكم محطات قريبه انقز بالليل وروح دخن اذا انك تدخن واشرب عصير ولاتنسى اخوياك جيب لهم معك دخان وعصير

انا كنت في دورتي كنت مبزوط جدا جدا جدا
دورتي كانت في الشتاء وكانو يخلوني متصلب بالليل ويجي ضابط خفر بخرطوم مويه ويرشني
عاد مع الهوى ينسنس وربي تموت برد بس لاتوضح لهم تحمل واضحك عشان ينقهرك
كل ضباط السرايا جازوني وماقدرو فيني الين جاء عقيد وخلاني انزل الستره يعني صدري بدون ملابس وانسدح على صدري بعز الظهريه ينكوي صدرك صدق
وماقدر فيني ودخلني السجن العسكري انا ومعي 3 من دورتي وجلسنا يوم يومين ثلاثه ماطلعنا
واضربنا عن الاكل من الصباح لافطور ولا غداء ولا عشاء
والساعه 1 بالليل جاء قايد المنطقه (لواء) وجاب نص تيس وكرز دخان
وقال تعشو وابشرو باللي تبونه وتعشى معنا وفكنا
وياكثر المحاضر اللي وقعوني عليها بالدوره
حسميات بعدد شعر راسك ولما انتهت الدوره شالوها كلها وقالو لي روح الله يستر عليك
فأ قولك خذها بروح رياضيه وبزوطه تمشي
احلى الايام ايام الدوره

المهم لاتنحاش تذكر ان الناس مابيرحمونك
والله يوفقك

وكيل رقيب صحي 03-08-2011 02:30 AM

تصحيح

اقرأ عنهم وشوف مقاطع باليوتيوب عن تدريباتهم وربي تحس لتحس ان دوره الفرد الاساسي فندق 5 نجوم مقارنه بالصاعقه والضفادع البشريه

فتى مكة العاطل 03-08-2011 02:44 AM

يا رجال هذي العيشه

وأصلا أهلك وأصحابك بيفرحون لك كلهم

وكلها كم يوم خذها فله ووناسه مع الشباب

والله تمشي الأيام في غمضة عين

والله يوفقنا وياك

دعواتكم لي دورتي قريبه إن شاء الله

فكر من جديد 03-08-2011 03:21 AM

يعين الله

https://www.btalah.com/signaturepics/sigpic12533_1.gif


الساعة الآن 12:30 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين