حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   قسم مشاريع وأفكار (https://www.btalah.com/f12.html)
-   -   شروط فتح مؤسسة مقاولات وطلب عمال ؟؟؟ (https://www.btalah.com/t86708.html)

عاطل 2007k 10-02-2009 05:10 PM

شروط فتح مؤسسة مقاولات وطلب عمال ؟؟؟
 
[read]
السلام عليكم ورحمة الله وبركاته
الاخوة الكرام الي عندة معلومة شروط فتح مؤسسة مقاولات واتستقدام عمالة
وكم يعطي مكتب العمل على المؤسسة من عمال
موفق بإذن الله ... لك مني أجمل تحية .
[/read]

محمد الطميحي 10-02-2009 08:20 PM

من يفيدنا جزاكم الله خير
عن سؤال الأخ عاطل

عاطل 2007k 10-02-2009 08:47 PM

مشكور على المرور

النجم الذهبي 10-02-2009 10:34 PM

السلام عليكم ورحمة الله وبركاته
يالحبيب تروح طول الله عمرك لوزارة التجاره مصطحبا معك <خطيره هذي الكلمه >
عقدايجار المؤسسه واثبات من الاحوال المدنيه انك متسبب وتعبي الاستماره الي عندهم وتقط الف ريال وتجيهم اليوم الثاني وتستلم السجل وتروح الغرفه التجاريه وتشترك ب800ريال وبعدين تاخذ اوراقك وتروح مكتب العمل وماادراك مامكتب العمل وتطلب عمال وانته وحضك

عبدالحكيم يحي 10-02-2009 10:41 PM

انا افضل التعامل مع المعقب في مثل هذه الأمور

هاوي تجارة 10-02-2009 11:21 PM

لا يلزمك تغيير المهنة
فحسب ماصدر في الجريدة أنهم سمحوا للطالب والمرأة بالتجارة
فأيضاً عطها مكتب خدمات عامة(معقب) عشان مايجيك سكر وضغط وأنت في عمر الشباب .............

عاطل 2007k 11-02-2009 01:21 AM

مشكورين على الردود لكن كم عامل يعطون مالجنسية بليزالرد

السكب 11-02-2009 01:44 PM

يعطونك الله يحفظك 2-3 على السجل والرخصة وإذا جبت عقد عمل من إدارة حكومية مثل الاوقاف والتعليم وتروح بالعقد لمكتب العمل يعطونك 20 فيزة حسب العقد والجنسيات انت تحدد

عاطل 2007k 11-02-2009 04:04 PM

مشكورين على الردود

نمرالنمر 11-02-2009 04:05 PM

وعليكم السلام وحمة الله وبركاته


1- اصل دفتر العائله + صورة منه .
2- اذا ماعندك دفتر عائله تروح لوزارة التجارة مقر وزارة الصناعة عند سكة الحديد ،، ادخل على اول مكتب بعد الكونترات يمينك وقال ابي خطاب موجه للاحوال المدنية عشان طلع برنت شخصي لك << وعلى فكره ماتقدر تطلع برنت الا اذا كان عندك خطاب منهم .
3- ملف علاقي .... + صورة من عقد المحل او المنشأة
4- تعبأة نموذج للسجل التجاري الجديد ،، تقدر تسجل نموذج على الحاسب الي عن طريق موقع الوزارة على رابط التالي : http://www.commerce.gov.sa/cr/

5- نشاط المؤسسة مقاولات وتجارة عامة << يقولون افضل والله اعلم
6- بنسبة تسديد الرسوم عندهم في مقر الوزارة يوجد مصرف الراجحي ،، طبعا الموظف هو اللي يعطيك امر سداد للراجحي .

7- بعد ذلك يعطيك ورقه للغرفة التجاريه للاشتراك في الغرفة طبعا في نفس الوزارة مقر فرع للغرفة التجارية >> بنسبة للرسوم الاشتراك الغرفة على حسب راس المال .
بس اتوقع رسومها 900 ريال << من خلال تجربتي المتواضعه .


ملاحظه مهمه : تروح بدري من الساعة 7 صباحا وانت عندهم تاخذ رقم لئن الساعة 8 مايستقبلون اي احد .

* ونصيحة مهمه كذالك عليك باعماله الممتازة .

ــــــــــــــــــــــــــــــــــــــــــــــــــ ــــــــــــــــــــــــــــ
مكتب العمل

1- فتح ملف للمنشأة الجديدة ، في مكتب العمل ( من 8 صباحا الى 12 ظهرا )
2 - الاستقدام العماله اهم شي تروح بدري عندهم ومطلوب :
* ملف علاقي .
* نموذج طلب
* اللي اعرفه انك تسدد رسوم قبل ماتروح تقدم << لئن لي فترة عن مكتب العمل حوالي شهر .
اللي اعرفه يعطونك من 3 الى سبعه عامل . واذا عندك عقد عمل في اي وزارة ترفقه .

وللعلم بأن اعماله البنقلاديش موقفه حتى شعارا اخرى < لها حوالي سنه ونصف

ولا تنسى فتح ملف في تامينات الاجتماعية حتى اذا لم يكون لديك عماله على كفالتك بس مطلوبها ومهمه.

الله يوفقك ان شاء الله .

و اي استفسار انا حاضر


الساعة الآن 03:12 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين