مقابله في شركه كرستال العالميه
بسم الله الرحمن الرحيم
انا جتني رساله عالجوال وفيها مقابله بكره الاحد 3/29 واظن من حافز الحين احد يعرف الشركه ذي يفيدني ولا كم رواتبها ولا كيف هي لاني بحثت عنها كثير ولا شفت اي شي يفيدني عنها في قوقل اتمنى الي عنده علم يكلمني لان المقابله حقها في جازان وانا بكره الساعه 9 لازم اكون موجود للمقابله افيدووني |
حبيبي اذا الموقع بينبع قولي
|
او لها فرع بينبع
|
اظن فيه بينبع لاني في البحث لقيت مكتوب بمدينه ينبع الصناعيه والله اعلم
|
حبيبي اتوكل على الله هي افضل الشركات اذا هي كريستال الي لها بينبع فرع
طبعا الشركه تعتمد على صناعة المواد الاساسية الي تستخدم في صنع البويات الشركه اكثر من الممتازه ولي اصدقاء يعملون بها ورواتبها جدا ممتازه وميزتها لو استمريت فيها واخلصت في عملك واكتسبت خبرة ... لوتقدم في سابك او ارامكو تكون الاولويه لك في القبول موفق عزيزي اتمنى اني افدتك |
الله يعطيك الف عافيه واافدتني كثير وقسم
والله يوفقنا ويااك شكراا لك |
المصنع في مدينة ينبع و هو الوحيد في السعودية لديها عدة مصانع حول العالم أستراليا أمريكا و بريطانيا و بلجيكا و فرنسا و الصين و البرازيل تنتج مادة ثاني اكسيد التيتانيوم الإدارة مسيطر عليها من أهل الشام السعودي محارب و العلاوات ضعيفة حدود 2% البيسك سالاري 7 الاف ريال فقط و مرتبط بعقد تدريبي لمدة سنتين (يحق لهم فسخ العقد خلال هذه المدة دون إبداء أسباب) بعد نهاية السنة الاولى من التدريب يدفع لك بدل سكن و تعطى تأمين طبي إذا كنت عازب تقريبا 15 الف و متزوج بحد أقصى 20 ألف (مش متأكد من الارقام بالضبط) و يصل إلى 30 الف حسب القريد عندهم بونص راتب واحد في رمضان إذا كملت 5 سنوات خدمة يعطونك بيت غير مؤثث (شقة ,دوبلكس ,فيلا) حسب القريد اللي انت عليه اذا ماعندكك غيرها اقبل ولا هي ماتسووا اصلا ملاحظة هذه رواتب المهندسين أنتي وش التخصص اللي أعرفه عن الشركة 1- تصنع مادة فيها شيء من الخطورة وأعتقد والله أعلم أنها المصنع الوحيد في العالم الذي ينتج هذه المادة أو ع الأقل من المصانع القليلة في العالم . 2- safety فيها ضعيف وخلال السنتين الماضيتين حصلت فيها حوادث نتج عنها وفيات . 3- الحوافز المادية فيها غير مشجعة مقارنة بالشركات الأخرى منقول |
والله مادري رحنا عندهم عطونا اختبار 100 سؤال انجليزي
وعاد جبنا العيد 100% ههههههههههههههههه |
يااخوان انا من ينبع وجاني اتصال منهم لعمل مقابلة شخصية
بس انا حاليا على راس التدريب في شركة معادن وش رايكم ؟؟؟ الغربة شينة |
اقتباس:
الغربة شينة صح لكن الصبر فرق كبير بين معادن وكريستال معادن أقوى وسوف تنافس في المستقبل سابك وارامكوا كريستال متواضعة وينتجون اخطر المواد على الانسان لاتطلع من معادن الا شركات الكبيرة كارامكوا اأوسابك ويوجد سابك في ينبع اصبر وخذ خبرة من معادن ورح للسابك في ينبع |
الساعة الآن 12:04 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين